رواية ملك قلبي ذاك المغرور
الفصل الثالث 3
بقلم مجهول
في ظلام الليل الدامس وتحت النجوم كانت تجلس على شرفتها وتمسك بهاتفها وكوب القهوه قربها ❤
فاطمه:ي بت الساعه ماشه على وحده ادخلي جوه يلا ونومي م ممكن كل مره تساهري في البلكونه الجيران يقولو علينا شنو😒😒
انا:طيب بس دقيقه اسي بدخل انوم
فاطمه:طيب م أرجع القاك قاعده
انا:اوووكي 😅
يلا طبعا أنا عندي بلكونه كده صغنونه فيها زهور ومقعد كده مرريح فاتحه على الحديقه بتاعت البيت يعني راحه نفسيه بحب دايما اقعد فيها خصوصا بالليل وبمسك التلفون وبتكلم مع اصحابي الكتااار الفي السوشيل ميديا طبعا أنا م عندي أصحاب في الواقع غير اتنين بس ايناس (ننس)بت سموريه كده حلاتها عندها وجنات وعيونها بنيه ساكنه الشارع الورانا أما التانيه سمر دي ساكنه معاي في نفس الشارع حلبيه وكلبوظه كده بتلبس نظارات عامله لي وجع وش طبييعي معاي في البيت التقول طاردنها من بيتهم😑😑المووهيم مشيت على سريري بعد م ختيت التلفون في الشاحن والنوم جاك زوول😴😴😴😴
في اليوم التاني عمتكم نايمه طبعا وبس احس لي بي طاااخ زول ضربني في ضهري وللاا اشتغلت بالموضوع قبلت على الجهة التانيه وتاني بس م احس ليك إلا بي مويه باااارده اتكشحت فيني احييي اناا 😭😭😭😭غلطانه أنا اصلا البخت الكورل في غرفتي😪😪💔
ننس:يعني كل مره نرش فيك مويه ي حمماره انتي😒
سمر:م عشان حماره م أكتر
انا:يااخ يخرب بيتكم ي سجم منك ليها الجابكم شنو يووخ اطلعو من بيتي لووووو سمحتوو 😤😤😤😤😤
تامر:😂😂😂😂😂😂واااه رشوك بالمويه تاني
انا:احيييين منكم يوووخ تام وأنت كمان أطلع من هنا
تامر:تام في عينك ما قلت ليك م تناديني بالاسم ده تاني😑😑😑
انا:تااام تام تام
قام شال المخده وضربني بيها قمت ضربتو وقفلت باب الغرفه في وشو قبلت على جوز اللوز المعاي😒
ننس:والله م عارفه ياتو فيكم الشافع😂😂😂😂
انا:خيير ي طير جايني من صباح الرحمن ليه😑😑😑
سمر:والله ماف طيره هنا غيرك الليله المؤتمر ي بهيمه 😒😒
انا:شتتتت يااا والله نسيت😪😪
ننس:م حنك نحنا هنا شان نذكرك أصلا عارفنك طاشه شبكه
انا:تذكروني ولا هاربين من ناس البيت😂😂😂😂😂
سمر:الاتنين😂😂😂😂
نمشي لي بطل روايتنا الماعرفتو اسمو للان😂😂😂😂👏
في أحد الفلل الفخمه وبالتحديد في أحد غرفها كانت غرفه أقل م يقال عنها قممه في الاناقه
الجدران مطليه بالون الابيض والارضيه سوداء وهناك بيانو اسود اللون اما اثاث الغرفه كله باللون الأسود والابيض كان يستعد للخروج أختار ساعه من احدى ساعاته الفخمه ورشة من أحد أنواع العطور المميزه كان في غاية الاناقه💖
احم يلا تعالو نتعرف على بطلنا 🌚❤
اسمو مراد😍😍طويل لونو قمحي كده وعندو سكسوكه ووجنه باليمين وشعرو ناااعم لونو بني غامق طبيعي وعيونو عسليه ومعضل حبه (احييي اللهم الثبات بس😍😍😍)بقراء صيدله المستوى التالت عندو اخو اكبر منو اسمو ماجد كابتن طيران عايش في فرنسا بشبه مراد بس حلبي وعيونو بنيه أما آخر العنقود ميااار بت كييوت وعثثل بس ومتواضعه جدا عيونها عسليه وحلبيه كده وشعرها بني وطوييل وناعم امتحنت شهاده زيي في العمر🌚❤
امو اسمها ناهد شعرها بين من اصول تركيه وابوهو عبدالله عندو مجموعه بتاعت صيدليات ودي كده أفراد العائله الكريمه(عائلة المزز دي يووخ )
*#خاطره...يحسدونني لأنني غني ووسيم يظنون أنني أعيش حياة سعيده لا يعرفون أنني محطم من الداخل💔...مراد*