رواية نتيجة اغتصاب
الفصل الثامن والعشرون 28
بقلم مجهول
طبعا صلحت قعدتي واتلفت ليهم وقلت : و الموضوع بهمكم كتير يعني ؟ خليكم في حالكم انا هينة ي حشريين .. هم بس اتفاجءوا وبقوا يعاينوا لي ويطنشوني سهام جارتنا قالت لي :ديل بحبوا النميمة كده م تشتغلي بيهم . قلت : م شغاله بيهم اصلا ديل اقل من مستواي . وخليتهم محروقين بكيتهم .. بعد شويتين اسماعيل اتصل لي وقال اجيهوا برا ع اساس اشيل منو نون خلاص اتكبكبت وسط الزحمة وطلعت ليه برا وم لقيتوا ناداني اتاريهوا قاعد في العربية قال : مالك واقفة اركبي . انا ابيت لانوا عارفة اسماعيل بتاع امور لو ركبت م بخليني في حالي . قلت ليه : جيب نون . قال : م ركبتي م بديك ليها . طبعا مافي طريقة غير ركبت واتفاجءت انو براهوا . قلت : نون وينها ؟ قال: عند خالتها شالتها مودة . قلت: وانت الكذب ليك شنو ؟ وعايزة انزل كده مسكني من يدي وجراني عليه وقال : ي بت ده كلوا عشان مشتاق ليك .
قلت : بطل عبط .
عاين لي وقال: عبط مش؟ خلاص انا الليلة بوريك العبط .. وبقى يبوس فيني وانا اضحك .. قلت : اسماعيل اقعد ساي .
قال : عشان تاني لما اقول ليك كلام تسمعيه ..
اتخارجت منو بصعوبة ومشيت .. اليوم انتهى تعب في تعب مع التحضيرات وتاني يوم كان عقد القران والوليمة والزفة وكل العادات خلصت .. بعيدا عن التفاصيل بس كان يوم حلو شديد .. صديقة عمري وسمية بتي الليلة بتتزوج بالجد فرحانة ليها .. وكانوا طالعين ع الشقة وودعناها بالدموع والشي البحير الدموع سرها شنو ؟ اماني بتبكي بس انا اتكلمت معاها وفرفشت ليها ووصيتها شويتين .. عاد انا الوزيرة اي زول بجي ببارك ليها بقول لي العقبال عندك .. انشاء الله ودعناهم مشوا وانا رجعت بيتنا رجولي وارمات من التعب بس نمت ع كده وتاني يوم نايمة لمن الزمن اتاخر وم صحيت الا ع صوت التلفون رديت لقيتوا اسماعيل وسالني ليه نايمة للزمن ده ؟
قلت : من تعب المناسبة بس .
قال : يوسف هموا برد فضلت انا .
قلت : انت مالك ؟
قال: انا عايز اتزوج ي هند
قلت: متين يعني ،
قال : قريب كده
قلت : اسماعيل نتزوج كيف ونون لسه صغيرة ؟
قال : يعني شنو صغيرة ؟ مش بتي ما خلاص .
قلت : طيب ع الاقل خليها تخلص سنة ونص .
قال : وباقي ليها كم ؟
قلت : باقي ليها ٣ شهور .
قال : مجرد م تتم طوالي نتزوج خليك عارفة ..
قلت :والمشكلة وين ؟.
قال :مافي مشكلة بس لمن هي تتم تاني م عندك عزر طوالي بتزوجك تمام ..
انا طوالي