رواية نتيجة اغت*صاب
الفصل الخامس والثلاثون 35
بقلم مجهول
قلت : ي راشد نحنا اصلا مشينا لصحبتي بس والزمن اتاخر لينا و... قاطعني وقال ...: والوصلكم ده منو ؟
قلت : ده يوسف زج اماني ...قال : وانا البضمن لي شنو انو ده يوسف وثانيا دي الثغرات البتجيب الجرايم واللف والدوران بتاع البنات .. انتي لو متعودة كونك ترجعي متاخرة انا اخواتي م مربينهم ع كده .. وعاين لي باستهتار سكت ودخلت ولقيت طبعا رماح ورباب بعيانوا لي بالشباك وبضحكوا .. طبعا الحركة استفزتني شديد اتصلت لاسماعيل وكلمتوا بالحاصل كده وكده طبعا عصب وقلت ليهو انا بمرة صبحة الدنيا ماشة بيت ابوي ولما انت تجي بعدين تعال سوقني تمام .. رغض وقال لي م تمشي قلت ليهو : انت يعني بتعجبك اهانتي ومن الاخر كده الحركات البيعملوها اهلك دي كلها عشان م عايزني اقعد معاهم وانا خلاص قوة تحملي انتهت . بعد حكيت ليهو المعاملة السيءة حقتهم كلها طوالي قال لي بكرة امش خلاص .. نمت وانا مخنوقة وتاني يوم طوالي قمت الصباح بدري ولميت ملابسي وملابس بتي .. وبقيت مارقة لاقتني عمتي ام اسماعيل وابت لي امشي وكده قلت ليها : والله ي عمتي كتر خيرك وانا م لقيت منك حاجة شينة لكن بس حامشي اقعد مع مع ناس امي لحدي اسماعيل يرجع .. ودعتها وطلعت وناس الشماتة رماح ورباب مبسوطين شديد .. طلعت ومشيت ناس امي من شافوني اتخلعوا سالوني قلت ليهم مافي شي انا بس اشتقت ليكم وقلت استغل فترة اسماعيل مافي .. .. مضى اسبوع وانا قاعدة مع ناس امي و بكرة اسماعيل جاي .. طبعا فرحات فرح شديد وم خليت رسم وحنة ودخان اما نون بتي الزمن كلوا مع امي ولا مودة اختي .. اتجيهت تمام التمام .. و المساء مشيت نضفت بيتي وجيت .. مر اليوم وتاني يوم اسماعيل جاء وجانا في بيت ناس امي وانا لما شفتوا لو علي اسلم لي بالاحضان من الشوق .. بس خجلت من ناس البيت ..
وامي كانت مافي ومودة عملت لينا الجبنة واخر بخور وونسة وبتظارف ليهو وهو يعاين للحاجات العجيبة دي .. بس ساعة الانا قلت هوووووووووع واستفرغت .....