الفصل الثالث 3 والرابع 4
بقلم روان محمود
الحلقة الثالثة
يفاجئها صخر بانه سينام الليله معها بهذه الشقه بل وباحضانه
صخر.يلا ياحبيبتي عشان هتنامي فحضني
روح.ولا اتعدل بدل ماخليك مانتش نافع
يقترب منها بنظرات قويه متجمده تخيف اي انسان ولكن هي ليست اي احد هي روح
صخر.انا الكلام اللي اقوله يتنفذ تمام وخلي ليلتك تعدي ع خير مااااشي
يقول الكلمه الاخيره بصوت عالي يكاد يصل الي الشارع الخلفي من قوته
تقترب منه بغضب من هو ليرفع صوته ويضم حاجبيه كعلامه انذار لها ان كان يظن انها ستتقبل هذا الوضع فهو الخاطئ
ترفع اصبعها في وجهه
روح بقوه... صوتك ميترفعش عليا لا لو حدنا ولا بره لحد مانخلص من الشبكه الهباب دي ونطلق وانسي ماشي انسي انك تتحكم فيا وتديني اوامر لسه متخلقش الراجل اللي يقف قدام روح
يضحك ضحكه مخيفه ويتقدم منها.لا اتخلق وقدامك وهتاخدي الاوامر ورجلك فوق رقابتك ..وطلاق مش هطلق فمتفكريش انك ممكن تخلصي مني فيوم من الايام
بصي انا عملك الاسود مش هتتنفسي الا باذني ياتتقبلي وجودي فحياتك ياهتعمليه غصب عنك ياروحي
تتفاجا روح من قوته وصوته لاول مره رجل يتحداها ويقف اماماها بل ويرفع صوته عليها هل جن هذا الرجل
روح.خوفت انا كده... يعني لو خرجت دلوقتي هتتصرف ازاي ياسبع البرمبه .ليعلو صوتها .ها قولي
ليضحك ضحكه مستهترا بكلامها فتتحرك من مكانها بعصبيه شديده وتتجه للباب
روح بعصبيه وجنون.طيب اما نشوف هتعمل ايه انا مش هبات هنا وهخرج بهدوم البيت وهبات عند حد من اخواتي واشبع بقا بالبيت برطع فيه براحتك ..جتك الارف
يتجه سريعا اليها قبل ان تخرج ويحملها بالقوه ويدخل بها غرفه النوم وياخذ سلسله المفاتيح غصب ويغلق الباب وهو يحملها بيد واحده فهي كالعصفور بالنسبه لهذا الصقر
تحاول ان تفلت من يده بل وتسبه بافظع الشتائم ولكن لاحياه لمن تنادي فهو صخر وان كانا الايام لاتؤثر بها فهو سيعلمها مافشلت فيه الاياام فهي قضيته الجديده ومن الصعب ان يتركها الا منتصر كعادته
يغلق باب غرفه النوم بمفاتيحها ويعلق السلسه برقبته بها المفاتيح وينزل روح الي ارض الغرفه
بعد ان نعته بافظع الشتائم والالفاظ التي لاتجرؤ بنت ع ذكرها
صخر.عرفتي ازاي همنعك ياروحي لمي الدور بقا ونامي ذي الكرسي بدل مانكمل الليله واعرفك انا خبره ولا محتاج تقويه
روح.انت انسان حيوان وانا مبتتهددش
وعمري ماهنام معاك فاوضه واحده انت انسان همجي ومعندكش رجوله ازاي تنام مع واحده غصب عنها
صخر.انا لو همجي كنت وريتك الرجوله يابت دلوقتي بس مليش مزاج شكلك يسد النفس جتك الارف لاشكل ولا اسلوب اتخمدي بقا
تتقدم تحاول لكمه ولكن يكبل يديها بسرعه فهو اعتاد ع رده الفعل هذه منها يقف خلفها ويكبل يديها بيد واحده ويهمس في اذنها كفحيح الافعي
صخر.اسلوب البلطجه ده مش معايا ياحلوه ماشي انا ممكن ادفنك هنا فمتستعرضيش عضلات قدامي
واذا كانت مربتكيش الايام فانا هربيكي ازاي تتعاملي مع جوزك
#الفصل_٤
الحلقة الرابعة
لواحظ.طب ايه رايك انك هتلبسيه وهشوفك بيه قبل ماتنامي
روح بتوتر.ياماما اصل انا بصراحه زعلانه منه ومعاقباه عشان ضربني مش معقول يكون ضاربني والبسله ده لازم يتعاقب وانتي لازم تساعديني ولا اكمن امي ماتت هيستقوي عليا اهئ اهئ
لواحظ بقلق.لا ياحبيبتي خلاص نامي ولا تعبريه وخدي ده البسيه فاي وقت اما ترضي عنه
يهمس صخر بخبث.هو انتي هترضي عنه امتي بقا وتلبسيه
روح.اتلم يالا بدل مافضحك
لواحظ.بتقولوا ايه سمعوني
روح.مفيش ياماما دانا بقوله كان نفسي يكونلي ام ذيك
لواحظ.بتضحكي عليا يابنت ...
الا انتي امك اسمها ايه
روح بسحابه حزن.اسمها حور
تقوم لواحظ بمصمصه شفتيها .ومالك زعلانه كده هو انا مش امك ولا ايه ولا كنتيي بتاكلي بعقلي حلاوه يابنت حور
تنطلق روح وتضحك وتاخذها باحضانها.لا طبعا احلي ماما فالدنيا
لواحظ.وانت ياموكوس يلا خد مراتك وادخلوا ناموا
تشير لهم ع غرفه صخر القديمه
تتقدم روح وتمسك لواحظ بصخر..ممسكه باذنه كطفل صغير ليس كرجل ذو ثلاثين عاما
لواحظ.مزعل مراتك ياموكوس يابن الموكوسه
صخر.اه اه ياماما سيبي ودني ايه ده انا كلمتها دي بتتبلي عليا
لواحظ.ادخل صالحها
تغمزه وتكمل كلامها وقضوا ليله حلوه واقنعها تلبسلك القميص انا عايزه حفيدي النهارده
يضحك صخر ع كلام والدته المضحك بشده فقد اقرت بالنيابه عنهم ان يقضوا الليله بل واقرت لها ثياب النوم ووقررت ان ياتوا بحفيد لها الليله دون سوواها
صخر.اشمعنا النهارده ياماما ههههه
تقول بتأثر جعله يكاد يموت ضحكا.اصل النهارده عيد ميلاد ابوك
صخر بسخريه مضحكه.وانا مالي ياماما ذنبي ايه الحاجات دي بتساهيل ربنا
لواحظ وهي ترمقه بشر.بقولك الليله يعني الليله
يخيل اليه انه ممكن ان يفلت منهها باسترضائها بالكلام.خلاص ياماما الليله متزعليش نفسك هيحصل انشاالله
لواحظ.بجد
صخر.اه روحي نامي انتي وانشالله اعملك كل الي عايزه
لواحظ بنصاحه.لا ادخل انت ملكش دعوه بيا انا هقعد ع باب اوضتكم هنا لحد ماتخلص وتقولي تمام ياماما
اما صخر لا يعلم ايبكي ام يضحك من موقفه تظل ع باب الغرفه حتي لو كان سيقضي الليله مع زوجته بالفعل وهذا مستحيل مع روح لايصح ان تظل خارج الغرفه تتابع همهماتهم
صخربضحك.ياماما عيب الي انتي بتقوليه ده والله
لواحظ.لا مش عيب ياعين امك ولا انت ناوي تملص
صخر.في ام تقول لابنها تملص وتغمزله وتقوله قضي يوم مع مراتك ام اي دي ياربي
لواحظ.في حاجه مش عجباك ياحيله امك
صخر.لا باماما مفيش
تدفعه داخل الغرفه وتغلق الغرفه عليهم .انا قاعده هنا اهو
يدخل الي روح التي مازالت بملابسها لايعلم كيف يخبرها بما قالته امه وكيف سيتصرفون ولكن يجب ان يخبرها ليعلم ماذا سيفعلوا
يدخل تنظر له بتعحب وهو يتقدم منها ع اطراف اصابعه ويضع يديه فوق فمها يمنعها من التحدث
ويقول بصوت عالي تستنكره امه .انا اسف ياقلبي خلاص بقا سامحيني معنتش هضربك تاني خليهاا ليله مفترجه علينا بقا والبسي القميص