الفصل السابع عشر 17
بقلم مجهول
لقو عبدو مرمي ع الأرض وغرقان ف دمو ..!
آمال : نون ! الحصل شنو ! 😰
نون قالت وهي بترجف : ح ح حاول يعتدي علي !
ب ب بس لزيتو وراسو انضرب بالتربيزه! بس م م قصدي اموتو !
وقعدت تبكي زي الشفع الصغار !😭😭💔
آمال : م تبكي ي قلبي انتي
نورس كان مزهول وبس قال : الحيوان دا لمسك !😠
نون : لالالا م سمحته ليهو😢
نورس : آمال انتي سوقي نون واطلعو برة انا بتصرف ..
امال : انت كمان تعال معانا !
نورس : امشو وانا بتصرف ...
امال ساقت نون وطلعو ...
وم عرفو وين يمشو ...امال اتذكرت بيت المرة الاسمها حسينه وطوالي مشو عليهو ..
حسينه وبتها رحبو بيهم كتير واتفهمو الوضع لانهم بعرفو دنيا وعمايلها ..
الصباح آمال اتوقعت الشرطه تجي تداهمهم ..بس م حصل كده
بت حسينه عملت ليهم شاي وقعدو يتونسو ...
حسينه : والله ي بناتي انتو اولاد حلال ...
هنا آمال ضكت ف الكلمه دي ...نون قرصتها قامت سكتت.
حسينه واصلت : المره الاشتغلتو معاها ديك ..عجبها شغلكم عشان كده قررت انكم تشتغلو في مكاني ..لاني خلاص عجزته وم بقدر ..
نون وآمال وقتيآ وافقو م اترددو لانهم محتاجين لمكان يبيتو فيهو ...
حسينه ..: الليله لو عايزين فيكم تبدو..
آمال بعد الكلام دأ اتصلت علي آدم بي تلفون بت حسينه...: آلو
آدم : ي آمال قطعتي قلبي وين انتي!
آمال : قاعده والله عبدو حصل ليهو شنو...؟
آدم : عبدو كويس م جاتو عوجه ...
آمال : حاول يعتدي علي نون !
آدم : اي دنيا حكت لي اسمعيني......
آمال : نعم
آدم : انا بديت اجهز البيت ...
آمال : لالا تمام مبروك..وعقبال تختار عروسك.
آدم : انا اخترتها
آمال : امورك ظابطة يعني.... منو سعيدة الحظ!؟
آدم : عروسي اسمها ........
تتوقعو العروس منو؟