رواية نتيجة اغتصاب
الفصل السابع 7
بقلم مجهول
قلت : زواج شنو؟ انا قلتا عايزة اتزوجك ..ي ود الناس انا حياتي ودمرت و مستقبلي كمان واللي بطني ده ذنبوا شنو انوا يتولد في صراعات زي دي ؟ عاين لي وهو مندهش 😨 قال : يعنى انتي حاص؟ رديت وانا ببكي بحرقة قلت : ايواه حامل .. قال : اسمعيني والله العظيم. . قاطعتوا وقلت : اها عايز تنكر .قال : انتي بس اسكتي واسمعي كلامي للآخر كده. قلت : انا قول😣 . قال : انا كنت عندي مشاكل في البيت وكانت حالتي النفسية صعبة شديد وفي الفترة ديك كنت يتعاطى جرعات مخدرة عشان كده م قدرت أمنع نفسي والحصل حصل. . لكن بعد العملتوا ضميري ان بني وبقيت م مرتاح نفسيا؟ قلت :طيب عرفت اسمي من وين ؟ طوالي قام أتلفت في العربية وطلع لي دفتر .. عاينت باستغراب لانوا ده دفتر المذكرات بتاعتي ولي هو فترة مفقود وانا بكتب فيهو اي شي بحصل لي وفيه كل تفاصيل حياتي . قال : ده وقع منك في اليوم داك وانا لقيتوا في العربية. قلت : الله يلعن اليوم داك . قال : من الآخر كده ي بت الناس انا ربنا هداني وتبت وعايز أصلح غلطتي وعايز اتزوجك انتي رأيك شنو؟ قلت : انا م عايز لك وم عايزة اتزوج واحد تصرفاتوا زيك وواحد بدمر بنات الناس . قال : انتي ليه بتصعبي الأمور والفي بطنك ده لما يتولد حيتنسب لمنو . قلت : م عارفة ومن يوم الليلة تاني م تتصل لي وم عايزة أشوف خلقتك وم عندك شغلة بألفي بطني ده واعتبرني كابوس وانتهى 😤 ...كنت عايزة انزل طوالي مسكني من يدي وقال : هند العني إبليس وفكري كويس لمصلحتنا نحنا الإثنين وأنا منتظر ردك لأني مسافر بعد يومين. قلت : ماشي وين؟ قال : انا عسكري وماشي السعودية فترة سنة عشان كده عايز ردك قبل أسافر .. .طوالي فكيت يدي منو ونزلت وانا ماشة وببكي والناس بتعاين لي وانا م شغالة بيهم وبقيت أفكر 😭 ليه انا بس يحصل لي كده ي ربي انا اعمل شنو. . لا انا مستحيل طبعا أوافق بيهو وم عايزة الفي بطني ينتسب لي واحد زيوا .. يعني هو مفتكر عشان انا من أسرة بسيطه وفقيرة حيغريني بي سفروا ده .. 😠 الله ينتقم منك والله يسامحك .. وصلت البيت وانا تعبانة ودخلت الأوضة بس امي سألتني قلت ليها : انا محمومة بس .. مروا يومين وهو طوالي اتصل لي أبيت أرد بس كتبت ليهو رسالة وقلت : اسمعني ي ود الناس انا م عايز لك سافر وأرجع وواصل حياتك عادي تمام وطلعني من رأسك . بعد فى الرسالة بقى يتصل لي وانا م برد طوالي زهجت طلعت الشريحه...