رواية علمني الحلال
الفصل الحادي عشر 11
بقلم ريان فخر العرب
*(وعكة صحية...اخ جديد)*❤️
*لاتحتاج لوقت لكي تعرف من هم اقرب اليك ويحبونك 😊فقط وعكة صحية جعلتني اعلم من انا بالنسبة لكل شخص ينافق انه يحبني*😊😒
#
ووقعت بدون حركة 😳😱مافتحت الا وانا في المشفي💔 جنبي عفاف نايمة في الكرسي وعمتو ايمان راقدة في الكنبة 😔والفراشة مركبة في يدي😔 غمضت عيوني وفجاة النور فتح عاينت لقيتو فهد ماسك الدرب عايز يغيرو 😳لمن لقاني بعاين ليو الدرب وقع من يدو 😂قالي ريان انتي كويسة 😳❤️قلت ليه انت شايف شنو😒 قالي معناها فل الفل وقت رجعتي لي لماضتك ولسانك الاطول منك دا😂❤️ قلت ليه اضحك يعني😒 قالي عايني انتي عيانة مادايرة اتشاكل معاك 😌قلت ليه انت عايز تغير الدرب براك من دون دكتور داير تكتلني وتقولي ماداير اتشاكل معاك😒 ضحك بي صوت عالي عفاف رفعت راسا قالت لي ريان رجعت لي ورا كان انعكست صورة فهد في الكباية😂 قعدت تصرخ وايي انت داير من ريان شنو وايي ياريان الليلة موتنا😂💔 عمتي قامت قالت في شنو😳 ريان بقيتي كويسة فهد الجابك شنو 😳عفاف ياداب قبلت وراها 😂قالت فهد ياخ بلاء يخمك😡 وهو شدة مابضحك قعد في الواطة😂 وبقو كلهم بضحكو قام فهد قاليها عفاف انتي مجنونة وربي😂❤️ وبضحك جات ممرضة داخلة وبقت تعاين لي فهد وهو بضحك فجاة بس فهد البقا بضحك عفاف لفتتني للممرضة😂 قام فهد ياداب قبل ليها قاليها اوباااا مانكون ازعجنا زول😂😉 قامت الممرضة قالت ليه عشان اكون صريحة معاك دي ماضحكة ازعاج دي ضحكة ولا مضاد حيوي يااخواني😍❤️ هي يافهد حتخليني احبك اوعك تضحك💋❤️ عفاف ضحكت قالت ليها بالجد طوالي نديك ليهو قاعد في البيت زيادة عدد 😂قالت ليها معقول اصلا انا عارفاهو مانافع😂 قاليها كدا مش تاني ابقي مرة قولي لي فودي جيب لي بيتزا😏 فودي جيب لي😏 وبقا بحاكي فيها بطريقة مضحكة قامت عفاف قالت لي ريان دي امنية اخت فهد بت ابوه😊 سكت عشان مااسال قدامها 😊قالت ليو دي ريان صاح قال ليها وهل يخفي القمر😍 قالت لي انتي عارفة انو فهد دا قاديني بي ابو اهل سيرتك😂❤️ طوالي حمرت ليو 😡قاليها تحرجي اخوك كدا ضحكت قالت لي بقول انو ريان دي اختي وانو بنبسط شديد لمن يغيظك وكمان بتغضبي بي سرعة😂❤️ قاليها تاني بتتطلع لي في راسي مالك ياخ😂 عاينت ليه قلت ليه انت منو😒 قامت عفاف قالت ليه يعني انت ماتحبا اقنعني🤠 قامت عمتو ايمان قالت ليها كيف يعني يحب اختو😒 طبعا نططت عيوني لانو بالجد كانت واثقة من كلاما😳 قامت اختو قالت اكزاكلي😌 قلت ليها شنو هو😳 قامت عمتي قالت لي انتي لمن كان عمرك شهور امك خلتك كان فهد عمرو سنتين الاشهر😊 قامت هناء دي رضعتك معاو 😊قلت ليها كيف وانا في امريكا وهم في السودان 😳قالت لي لا عمك ياسر كان هناك برضو ولمن فهد دا عمرو 3سنة جو السودان لانوعمك ياسر مادايرهم يكبرو في امريكا 😊لكن ابوك ياهو قعد طبعا بقيت مبحلقة عيوني وبعاين لي فهد 😳❤️قام رمش لي عيونو 😂ابتسمت قالي انتي يابت امي مابتعرفي تضحكي😂 قلت ليو لا 😒قامت عفاف قالت واععععييي وانا يداب عرفت لاحظت لي خالتو هناء بتتعامل مع ريان بعاطفة الام😊😌❤️ سنة ياريان فهد قالي كدا الامور وضحت😊❤️ يلا شنو انتي ياعفاف ماتباري اختي العنيفة دي😂❤️ قامت عفاف قالت ليهو اتذكرت اول ضربة ولا شنو😉 قام عاين لي قالي ضهري انكسر اصلو ماعافي ليك 😂بقو بضحكو وانا فجاة حسيت بانو انا في دوامة ياخ دا شنو الانا فيهو 😢بس ابتسمت علي الاقل عندي صحبات وناس بحبوني💔 وكمان اخو😍 مودياني وين يادنيا جافهد يطقطق لي قدام وشي😒 قلت ليها ياخ بضربك انا مالك في شنو😒😡 قاليها زي التور مش😉😂 امنية بقت تضحك جا الدكتور داخل قالينا ماشاء الله اخر رواق 😒 قالي حاسة باي شي😊 قلت ليه لا ماعندي احسا.....😒عفاف قفلت لي خشمي😂 فهد قاليهو لا كويسة وامنية كاتمة الضحكة 😂قالي بس عايز اسالك من شي انتي بتبلعي مسكن قوي كتير نسبتو في دمك دا بتبلعيهو لي😊 قلت ليه قلت ليه عشان تسكن فيهو ال......😒وعفاف للمرة التانية قفلت خشمي زحيت يدها قلت ليها مالك😡 الدكتور قال لعفاف خليها تتكلم مالك😊 قام فهد قاليها يكون مسكن للماضة😂 الدكتور قاليهو اااا 😳قاليهو ولا شي قامت عمتو قالت لي جاوبي يابتي قلت ليه في الواقع دكتور في امريكا اداني ليهو ومحتفظة باجابتي لي نفسي😊(طبعا الدكتور الامريكي اداني المسكنات دي لي الم البطن وقالي حاليا مابنقدر نحدد مرضك بس تعالي المقابلة البعديها😒وتاني انا مامشيت😊) وانا بقيت كويسة شكرا يادكتور😊❤️ قمت قام الدكتور قالي تمام بس ماتبلعيهو كتير 😊المهم خرجوني وجيت راجعة عادي😊
لمن جيت داخلة البيت ابوي قاليهم مالا😒 قام فهد قاليهو انخفاض في الضغط بس💔 وكان عندها انيميا 😊قالي مالك ماقاعدة تاكلي😒 قلت ليه عشان انت تسال والجمبك يستفيد😊 وطلعت غرفتي المهم جو حمدلله علي السلامة واليوم التاني مامشيت الشغل كل ناس الشركة جوني😊 هاشم قالي سحرناك ولا شنو 😂وانفال قالت ليو اي سحرتوها بس وطبعا بقو برقو كتير هي وعفاف ناس الشركة قعدو ومشو😌 طبعاانا قلت مادايرة اقعد في المشفي الدكتور قلليهم لازم ترتاح في البيت 💔المهم قالو مابنزل الابعد اسبوع وانا بالتفكير في الموضوع ساي زهجت 💔المهم الاسبوع دا عديتو بالله بس هبل عدي وفهد وكلام عفاف وانفال😂 في اخر يوم منها ونازلة اليوم التاني بالصباح جاتني رافة تشوفني سلمت علي وبقو بتكلمو هي وعفاف وانا بسمع فيهم😂 قامت عفاف قالت ليها الطلة الجديدة عجبتنا بقيتي مزة شديد 😉❤️ضحكت قالت ليها بالجد شكرا ليكم 😍❤️قالت ليها اها قالت ليها في الواقع انا اعتذرت ومشيت بنصيحتكم والحمدلله اموري ظابطة❤️ ابتسمت عفاف قالت ليها ابقي علي بيتك عشرة 😊قالت ليها والله الف مش عشرة 😂الحمدلله لمن عملت كرامة غايتو عفاف ضحكت ضحك😂 بالجد لمن وشها نور البت 😂اتونست ومشت وانا بعد العشاء كدا زهجت وطلعت السطوح ضربت الحيطة الجمبي 😡جافهد قالي مالك دايرة تكسري يدك تاني تقعدي في البيت😳 قلت ليها ظريف يلا 😒قالي مالك اتكلت في الحيطة وعاينت للسماء😌❤️ قلت ليه انت عارف اني غضبانة من العالم دا كلو😡 قالي لاحولا لاحولا 💔😂قمت مشيت من جنبو😒
قامت عفاف جات قالت لي كنتي زهجانة صاح 😔😒وقت جاية من السطوح😊 قلت ليها يمكن😊 قالت لي كدي اكتر حاجة ضايقتك من جيتي السودان 😊قلت ليها نظرة الناس الفي الشارع لي علي اني بت مانافعة واغلبيةةالناس عشان بلبس بنطلون 💔وكمان فترت من مضايقاتهم والعجب العاملين فيهو بنصحوني باستهزائتهم لي😒💔 دي انا ماحاتغير نهائي مادام مكرهني حياتي😒💔 قامت امها نادتا قالت لي دقيقة بجي 😘عملت فيها نايمة اليوم التاني قمت الصباح اتجهزت لبست قميص اسود ❤️🙈 وبنطلون ابيض مخطط بي اسود❤️😍 وكمان الجاكيت 😘وجزمة كعب عالي سوداء 💋❤️وشعري ياها كعكتي الفوضوية😊 ونزلت فهد من شافني قعد يصفر قالي يعني نحن مفروض نحرد ليك البدل دي ولا شنو😍😌 قلت ليه بطريقتك😊 قالي اصلا عارفك بتحرجيني كلبة خلاص😂 جات عفاف نازلة قالت لي اشي اشي😍❤️ لكن مالكن 😘وهي كمان لبستها حلوة لابسة اسكيرت بني علي بيجي كدا 💞وقميص اسود 🖤وجزمة فيتنام سوداء💞 وطرحة اوف وايت❤️ فهد تاني صفر قاليها خلاص حاعرسك يابت عمي 😉قالت ليه واي بخجل 🙈😂كلهم ضحكو المهم ركبنا العربية وماشين علي الشركة قامت عفاف قالت لي سنة الليلة مزاجك رايق😉❤️ قلتليها اي ياخ زهجت من قعدة البيت😂 صلحت نظارتي المهم وصلنا وطبعا ساعة كاملة بسلم علي ناس الشركة💔😂 دخلت مكتبي لقيت فلة سلمت عليها❤️ وقعدت قلت ليها هاشم مشا وين😊 قالت لي لسا ماجا😊 نططت عيوني😳 قلت ليها الساعة10هاشم ما جا 😳قالت لي الايامات دي بمرق بدري وبجي متاخر😊 صلحت النظارة وبقيت براجع يداب شرف الساعة10ونص😒 جا قالي السلام عليكم 😊قلت ليه واخيرا شرفت😒 قالي انا اسف والله قلت ليه دي اخر مرة تمام😒 قالي ريان في الواقع انا داير اجازة اسبوع 🥺🙄رفعت راسي قلت ليهWhat😑نطط لي عيونو😨 قالي اجازة لمدة اسبوع وحاحيب زول يسد محلي ماتخافي 😰اصلا الاسبوع دا مناقشات للصفقات😥 قلت ليه تمام بس اجازتك تبدا من بكرة 😒عفاف جات داخلة سلمت عليو😊 قلت ليه وماف داعي تجيب زول 😊قالي والله انا كنت قايلك ماحتوافقي عشان كدا جبتو معاي هسي واقف برة 😅قلت ليه انت سالتني😡 قالي اسف والله قلت ليه اسف دي ماعايزة اسمعها تاني😡 لوسمحت قالي تمام قلت ليه هسي رسلو لي وامشي مع عفاف جيب لي ملفات الحسابات😊 قالي تمام عفاف مشت معاهو في زول دق لي الباب😁 قلت ليه اتفضل وانا مدنقرة في الاوراق قالي السلام عليكم😊 رفعت راسي عايزة ارد واتفاجات وجاتني صدمة 😱😳قلت ليه انت 😳
صلو علي الحبيب💞