رواية هيامى الفصل السادس عشر 16 بقلم سندس مالك

          

رواية هيامى

الفصل السادس عشر 16

بقلم سندس مالك

وبعد ماكانت الدبله وفستان الخطوبه عند فهد 😍 وكنا منتظرين نهايه الاسبوع .. قبل ما الاسبوع يخلص وفي يوم الأحد الساعه عشره صباحا .. كنت طالعه للجامعه .. ومبسوووطه شدييييد كنت 😍😍 .. فتحت باب الداخليه والصدمه 😱😱 .. لقيت اشرف في وشي ..

انا: اشرف؟؟؟؟

اشرف: ماكنت متوقعاني .. صح؟؟

انا بربكه شديييده وتمتمه .. لالا بس ليه ماوريتني انك جاي

اشرف: لازم اجي اخد اذنك كمان صح؟؟ .. عايزاني اوريك عشان تنتبهي وتعملي لي فيها شريييفه صح😡😡

انا:شرييييفه؟؟ اشرف ده شنو البتقول فيهو ده😳😳

اشرف: هيااام .. نحنا حنرجع الامارات واليله وهسي.. انا حجزت ليك وجاي اسوقك ..

انا: اشرف انت قايل نفسك منو.. مستحيل اسمح ليك تتحكم فيني .. انا امي وابوي عايشيين .. قايل نفسك منو عشان تتحكم فيني 😡😡

وطاااخ👋 كف في وشي .. ومسكني من معصمي وعوجو لي وقال لي.. انتي قايلاني انا اهبل ولا عوير 😡😡 .. قايله نفسك تلفي وتدوري على كيييفك .. ساااي هو !؟،..

حايمه ليلك وصباحك مع الولد الحذرررتك منو وقلت ليك .. لما ترجعي اقطعي علاقتك بيهو ..😡😡

( وهو بكورك فيني فهد اتصل علي .. )

اشرف: ردي على التلفون 😡😡

انا:ابيت ماعايزة ارد ..

اشرف: طييييب تمااام .. وشال التلفون ورماهو في الارض وكسرو

انا: اشرف .. وودموعي نزلت وبكيت .. لانو كنت متأكده اني حسافر وبدون مافهد يعرف .. لاني عااارفه اخوي وعارفاهو ما مستعد يسمعني .. اشرف فتح تلفونو ووراني الصور انا وفهد ..

انا: اشرف😳😳 .. ده منو الرسل ليك الصور دي

اشرف: تااني اداني كف👋😿💔 .. وقال لي: قايله روحك حتوسخي اسم عيلتنا كده بالسااااهل كده ياوسخه ياقليله الادب.. حايمه مع الولد وبتتاخري وبتجي اخر الليل .. عملتي شنو معاهو😡

انا: اشرف😭😭 انت ظااالمني والله انا ماكده وماعملت حاااجه غلط .. والله والله العظيم مااعملت حاجه تنزل راسكم في الارض.. اشرف اسمعني .. ماعارفه ده منو الحاول يوقعنا ده .. بس والله العظيم انا وفهد ماااغلطنا .. عليييك الله صدقني😿😿..

اشرف: هسسس ولا كلمه ..

وجراني معاهو ومشينا المطار .. استنينا ساعتين واعلقنا طواالي💔💔 وكانت اخر مره اودع فيها السودان ....

فهد ماكان عارف الحصل كلو ... ولا اي زول عارف الحصل ..

ومحمد صاحبو ضرب ليهو في نفس اليوم ..

محمد: فهد ابشررررر ابشرررر 😍😍

فهد: بشر في شنو .. ؟؟

محمد: صاحب مجتبى الاغتصب رهف لقيناااهو يافهد خلاص .. هسي نازل في فندق في الخرطوم 😍 .. وصحبو مجتبى الكان شاهد على الجريمه في الامارات لسه .. بس لازم نقبض عليهو الاول ..

فهد: مجتبى ماحنقدر نصلو الا اذا سافرنا .. انا حامشي الامارات الاسبوع الجاي .. وهناك حاخد معاي فريق .. بس لازم اقبض الحيوااان داك 😡😡😡 اول وادخلو السجن .. ولما اجيب مجتبى .. حاقدر اعدمو .. بالملفات اللقيتها ولاازم اخلي مجتبى يعترف .. عشان المحكمه تحكم سريييع باعدامو

محمد:الحمد لله يافهد اخيرا والله ياصحبي بعد صبرنا ..

فهد: لو ماوقفتك معاي وجرينا في القضيه دي كم سنه .. ماكان قدرت يامحمد اعمل اي شي بدونك

محمد: ماتقول كده .. ده كلو عشااان رهف وعشان شرفها ..

فهد:ربنا يرحمها .. انا كده يادوووب حارتاح وحاقدر اواصل حياتي مع هيام عااادي بدون قلق وتار ..

محمد: باذن الله نكون عملنا المفروض يتعمل .. بس كيف حنقبض الحيوان داك من الفندق .. لازمنا قضيه 😨

فهد: لالا مااتخاااف .. انا فهد ياخ .. هو زمان ومجتبى كانو مهربين مخدرات في الحدود .. والملف ده كان اتقفل طووول .. وانا اثناء ما ببحث عنو لقيتو .. يلا القصه ماهنا ... القصه انو هو هسي مدمن بنقو وبمشي يتاجر .. ويجي ونزلو في الفندق حايكون عشان البيع .. خلينا نتاكد سريييع ونقبضو لانو ماصدقنا رجع السودان ..

محمد: اااي ياخ ياكابتن .. على خير بدينا واتوكلنا على الله بس لااازم نسرررع ..

فهد: اااي لااازم .. وبعدها انا حامشي الامارات .. عشان اجيب الحقير العايش حياتو داك ولا كأنو كان مجرم قبل كده ..

محمد: فهد انا خايف من مجتبى .. خطييير شديييد .. وهسي مرصدز

اموالو بره في فرنسا وامريكا .. والامارات . عندو قروش خمج بس .. وهنا في ابسودان عميلو اكيد حيكون صحبو الحيوان ده😡😡

فهد: يازول مش اتوكلنا على ربنا .. بنصلو بنصلو ماتقلق يامحمد ..

كدي خلينا بكره من الصباح نراقب هنا واول ما نلقطهم .. نقبضهم وعلى السجن طوالي ..

محمد: على بركه الله .. يلا سلام

( فهد شال تلفونو وتااني ضرب لي وبرضو مااافي رد .. قللق وقال هيام مالها .. مشى الداخليه وطلع .. وقابل المديره .. قال ليها .. هيام قاعده في الداخليه .. المديره قالت ليهو لسه مارجعت غايتو .. لحدي الآن .. اليوم التاني من الصباح .. هدى والبنات قلقوا علي .. بس مشو الجامعه .. وهناك هدى عرفت من العكيد اني استقلت من الجامعه .. وسافرت مع اخوي اشرف .. سألت العميد بخلعه شديييد .. حاصل شنو؟؟ 😳.. بس العميد قال ليها .. ما عارف بس اخوها قبل يومين عمل الاجراءات بتاعت الاستقاله .. وجا ساقها الامارات .. هدى رجعت الداخليه وكلمت نور وزعلوا شديييد علي بس لاحظت انو رشا ماهاميها الموضوع كتير واستغربت منها شديييد 😕😕 .. بالمسا جا فهد وواقف بره الداخليه وضرب لي هدى عشان تلاقيهو تحت..

نزلت ليهو وحكت ليهو الحصل معاي .. طبعا فهد استغرب شديييد .. وسألها من عنوانا في الامارات .. ادتو ليهو .. بس قالت ليهو ماعندنا رقم ليها هناك.. ورشا كانت بتعاين ومبسوووطه شديد .. هي عارفه انو فهد مستحيل يحبها .. بس برضو حقدها خلاها تخرب فرحتي علي😔)

محمد ضرب لي فهد وهو بتكلم مع هدى وقال ليهو ..

فهد انا جنب الفندق .. الحيوانيين ديل نزلو وقاعدين هسي في العربيه وشكلهم ببدلو في البنقو .. تعال سرييع ومعاك كبينه عشان نقبضهم وانا هنا واقف مراقب الوضع من بعييييد ..

فهد: محمد اوووعك تتحرك .. انا في الطريق طوالي..

( قفل منو وودع هدى وسريييع دور وعشان يقبض مغتصب رهف ..

ووصل فهد .. وهناك محمد والكبينه حاصرووهم واول ماشافو فهد .. نزل فيهو ضرب ومحمد بمسك فيهو وبقول ليهو خليهو يافهد ..

لحدي ماساقو بعيييد وقال ليهو.. فهد انت حيوان😡😡.. بتدخل نفسك في حته حتضيع لينا القضيه وحتكون لمصلحتو هو ياغبي انك اعتديت عليهو ..

فهد: محمد سيبني نفسسسسي اقلتو هسي😡😡

محمد: اصبرر هاانت .. هسي حيودوهو القسم ويتحبس .. واسبووع بالكتير وبعدها يتعدم قداااامك وتشفي غليلك .. ويتعدم قدام الناااس كلها ويتعرف .. بس اصبر وماتضيع تعبنا عليك الله ..

.......

🌷🌷 انا في الامارات

قااعده حزينه ومستاااءه ومحبوسه وامي كل ماتجي تحنسني للاكل اقول ليها ماعايزة .. في نفس اليوم اللي فهد قبض فيهو المجرم .. ايوي جا داخل علي بالمسا .. وقال لي هياااام😡😡

الحقيني للصاله سريييع ..

انا: ابوي في شنو؟

ابوي:ياااابت .. بدون نقاش .. وانتي خليكي هنا ماتجي مع بتك .. دايرها براااها ..

طبعا قلبي وقع وجسمي رجف وخلاااص شلت الهم 😩

               الفصل السابع عشر من هنا 

      لقراءة جميع فصول الرواية من هنا

تعديل المقال