الفصل السادس والعشرون 26 والاخير
بقلم مجهول
الدكتورة : الهندي قال لي انو الحيجي يسوق البت انت بس ما قال لي اليوم...
نون دي ظريفة اتمنيت تقعد معاي الليلة كمان...
خالد : لو بتعذي الله قولي لي الهندي دا منو !
الدكتورة ضحكت وقالت : الهندي زول من اكبر الفاسدين في البلد..ومن اكبر الصالحين كمان....
زول وحيد و الدنيا ضوقتو مآسي ...
خيانه و غدر ...
بس الشي الظريف انو الحصل ليهو كان نتيجه لي آفعالو ...
جرائم القتل دي كلها كان وراها ...شخصيه بتكره الاطفال كره مبالغه وبتدمر النسوان
نون محظوظه لانها لقت عنايه خاصه من جيهتو ...الهندي البعرفو زول واحد بس
خالد : منو قولي !؟
.الدكتورة : هو براهو البعرف روحو ....والبعرفو بموت...وانا م عايزه اعرفو عشان انا م عايزه اموت....
يلا انا عندي شغل ..
طبعآ الدكتورة
خلت خالد يتوه...في الطريق كان بس بفكر في كلماتها ...
وصلو البيت ..خالد مجهز شنطتو ومصر انو يسافر .بس م كلم زول..
قرر يسافر كندأ ويواصل .شغلو هناك
........
وصل المطار...خالد م كلم زول انو ماشي ...
وقت استلم جوازو واحد من عمال النضافه جاب ليهو ورقه...
م عرف الاداها ليو منو المهم وقت فتحها كان مكتوب فيها : سبأ أمانه في رقبتك لي يوم الدين...
كيف تسافر وتخلي الامانه وراك !؟
...التوقيع الهندي
خالد احتار منو الهندي الجننو دا.
عشان كده لغي السفر ...وقرر م يمشي نهائي....
خالد رجع ...وبعد شهر كده نون او ممكن نقول سبأ بقت مرتو ...
سبا كملت دراستها و امتحنت من محو الأميه..
دخلت الثانوي وامتحنت تالته المجال الأدبي..
المهم
نون هههه اسفة اقصد سبأ هسي بقت باحثه اجتماعيه ..
وقضيه قضيه بتحاول تحل مشكلة التشرد
وبتساعدهم لأقصي احد ..
عملت مؤسسه خيريه اسمها : انا لست لقيطآ..
ونورس مسك منصب محترم في المؤسسه ..
الشي السمح انو المؤسسه ماشه في نجاح !
و بتلقي دعم من كل الجهات حتي خارج السودآن
وبصراحه كده لو المؤسسه دي واصلت و الفساد ما دخل بين مكاتبها ..
بحلول 2022 م ما حيكون في ظاهرة تشرد في السودآن
خالد ساعدها كتير ونهائي م فكر يفتش اهلو ..
اما سبأ كانت زهجانه طول الوقت ..
لانو علم الدين كان بسنن ..وهي في الشهر السابع من حملها بي ندوش الصغيرة
..عز الدين راجل هناء سافر النرويج ..وفي ناس قالو انو مختفي بس اهلو داسين الموضوع ..
بصراحه ...عز الدين براهو بيعرف هو هسع وين ..
اما عزو الكلب الشرطه اعتقلتو بتهمة المتاجرة باطفال قصر ..هسع في السجن وكمان لقى عبدو هناك مقبوض في بيت دعاااارة..
يستاهلو
عمر مبسوط وبضحك 24 ساعه....
وخلاص لقي شريكة حياتو
سارة ..بت بسيطه من امبده
لاقاها صدفه وهي متأخرة عن البيت والمطرة صابه فيها قام وصلها و بدت قصة حبهم...
....بس المحيرني ومطلع مخي ومخ خالد لي برة..
الهندي دا منو ؟!🤔
خصوصآ انو كانت طوالي بتجيهم مساهمات ماليه بأسم الهندي ..
انا غايتو زي العرفتو .....ما عارفه خالد لو عرفو ولا لأ بس انا عرفتو ....
عرفتو من كلمات الصيدلانيه وقت خالد سألها الهندي دا منو ....وقامت جاوبتو جواب مبهم ....
.زول الدنيا ضوقتو مآسي ..غدر وخيانه ..بكره الاطفال ..بحتقر النسوان ..ان اللبيب بالإشارةيفهم ....
انا الدكتورة دي فهمتها ..وعرفتو دا منو ..انتو كمان ركزو حتعرفو الهندي دا منو....
يلا المشردةخلصت......
تمت بحمد الله
وايضا زورو قناتنا سما للروايات
من هنا علي التلجرام لتشارك معنا لك
كل جديد من لينك التلجرام الظاهر امامك