رواية ملك قلبي ذاك المغرور
الفصل السادس 6
بقلم مجهول
*كان جالسا على غرفته يحمل صورة لشخص عزيز عليه ولم يستطع مقاومة دموعه التي بداءت تتساقط الواحده تلو الاخرى. ..💔💔هناك أشخاص حينما يرحلون يتركون اثرا كبيرا في حياتنا فراغا لا يمكن لأحد أن يملأه* 💔
مراد:لي خليتني ومشيت مش كان حلمك تبقى مهندس معماري مشهور لي مشيت قبل م تحقق حلمك 💔💔😭😭😭أنا أنا فااااقدك شددييد ماف زول يفهمني غيرك 😭😭😭😭😭ي ريت أنا مت بدلك ي ريييت😭😭😭😭
سمير وصل بيت ناس مراد بعد م رجع من الجامعه كان عايز يطمأن على مراد لانو الليله م جاء الجامعه وما برد على تلفوناتو. .
سمير:خالتو ناااهد ازيييك 😍😍
ناهد:اهللين ي ولدي كويس أنك جيت مراد الليله حابس نفسو في الغرفه وما عايز يفتح لي زول
سمير:ولاا يهمك ي خالتي اسي بتفاهم معاهو. ...وطلع فوق لي مراد لاقته ميار
ميار:سمسممم😍😍😍
سمير:ميروو العسل كيفك😍
ميار:تمام التمام شنو ياا م باركته لي القبول😒
سمير:اوووف معلليش ي مبروووك ي دكتورتنا 😍😍...ميار قبلوها في مامون طب
ميار:الله يبارك فيك .... وطلع مشى لي مراد
سمير:مرادووو افتح الباب وبطل شغل الأفلام الهنديه ده😂😂
مراد:سمسم اتخارج أنا م ناقصك😒😒😒
سمير:الليله بس م حتحرك من هنا ألا لمن تفتح الباب😝😝
مراد:اللهم طولك ي روح طيب طيب ....وفتح ليهو الباب سمير طوالي اخدو بالحضن ونكش ليهو شعرو
سمير:احيي أنا من شعرك ده مكسرني😂😂😂
مراد:😂😂😂😂مجنون خلاص... وقعدو يتونسو وفرق عليهو كتيير
سمير:حتجي بعدين مش
مراد:وين😕
سمير:اوووف ياااخ نسييت الليله عاملين لمه في شارع النيل وحتجيب جيتارك وتغني لينا😍😍😍
مراد:م عندي نفس
سمير:م على كيييفك ي مستر ...وقعد يحنس فيهو لمن اقتنع وطلع ع أساس يتلاقو بعدين في شارع النيل
أما أنا قاعد في البلكونه زهجااانه ومااف موضوع 😪😪😪💔💔💔
اتكلمت كول مع سموري شويه وقفلت منو تاني مشيت نزلت لي منشور في الفيس..
#أحب حنيتك التي تختبأ وراء عصبيتك أحب تسريحة شعرك البني أحب كل تفاصيلك التي تهمني كثيرا .💙 وكالعاده الايكات م تديك الدرب😪
انا:رغم انو كريه ومتخلف بس ياخ كسار فيهو حاجه مختلفه ما عارفه أنا لي بفكر فيهو زاتو واحد مغرور م اكتر😒...كان في إعلان بتاع فلم في أم بي سي تو قلت قبل م يبدأ امشي السوبر ماركت اجيب لي شبس وشوكلت وحاجات والسوبر ماركت طبعا قطع الظلط😪💔...لبست لي بنطلون وقميص ولفحته لي طرحه ومرقته. ..تام الصايع ده لو كان في كان رسلتو😑😑مشيت كنت مركبه السماعات وبس م أحس لي إلا بس عربيه داست فرامل أنا طبعا بقيت واقفه مصدومه😨😨😨
سيد العربيه نزل وقفل الباب بي قوه وجاء علي قال لي انتي ي بت ه.... وقبل م يخلص كلامو بقى منطط عيونو وأنا كمان بقيت م مصدقه انو ده الزفت مراد واقف قدامي (طبعا سموره ورتني اسماء شلتهم كلهم لانهم معروفين وهي شمشاااره درجه اولى بعد نحنا رجعنا في بنات جو قالو ليها عن شلتهم وكده قامت جات تشت لينا الشمار)
انا:أنت ادوك رخصة كيف بس بس سواقتك دي أكيد طبعا واسطه ولا سارق عربية ابوك😑😑😑
مراد:انتي انتي ي بت غبيه ع العموم أنا مافاصي اتكلم مع وحده زيك أنا مراد عبد الله ألف من تتمنى تسلم علي حتى تجي انتي وتتلائمي معاي بت غبيه ومجنونه😤😤😤😤
قبل م ارد ليهو مشى ركب عربتو ولمن جاء بي جمبي قال لي مرة تاني م تركبي سمعاتك عشان م تمموتي ي هبله😑
انا:احيييييييين😤😤😤😤😤واحد غبي و مغرور شايف نفسو زياده عن اللزوم قال أنا مراد عبدالله قال ويعني شنو محسسني انو ود الوزير ولا حاجه 😤😤😤😤دخلته السوبر زفت وجبت الزفتت ورجعته وما خليت ليهو نبزه طايره م قلته ليهو 😤😤😤دخلته البيت وأنا أخلاقي في نخرتي
تامر:وشك بقع منك
انا:تاااام اختاني بلاي في اللحظه دي لانو ممكن ارتكب جريمه عادي😤😤😑😑
تامر:الجن ولا النفسيات 😑😑وحده منفسنه بس طوالي شلت شبشي وبقيت ساكاهو البيت كلو لمن أمي جات هرشتنا😂😂💔في النهايه قعدنا نحضر الفلم سوا 😂😂😂😂💔
سمير:اخييرا شرفته ي اللخو م بدري
مراد: أي استعجلته قلت م اخليكم تنتظرو
علي:الحاله😪💔
شيراز:مووورااد غني لينا اشتقنا لي صوتك الحلو...بي ميااعه كده 😒
مراد:طيب ....وقعد يفني صوتو خرااافي😍😍😍
بعد م انتهى قام ومشى على البحر وولع سيجارتو💔
مراد:وشها طفولي وبرئ تتشاف زي الطفله وكمان لسانها طويل ومجنونه😒😒 أنا لي بفكر فيها أصلا كل البنات وااحد كلهم زي نورا💔
مازن:لا م كلهم زي نورا ي مراد م تحكم على باقي البنات بي سبب بت م بتسوا شئ😒💔
شال منو السيجاره وطفاها
مراد:مالك ياخ😑😑😑
مازن:نفسي افهم أنت قارئ صيدله على شنو😑😑
مراد:رغبة مستر عبدالله
مازن:مراااد ده ابوك شنو عبدالله دي😑😑😑
وبعدين هو م عندو دخل في الحصل أنت لازم تنسى ده قضاء وقدر
سمير:شنو ي شباب اختفيتو كده ارح نكمل باقي السهر🌚💜
....ومشو كملو ونستهم بس مراد م كان معاهم خالص💔
ي ربي نورا دي منو البي سببها مراد بقى شايف البنات كلهم واحد ...ولي بكره ابوهو ؟؟