رواية احلام ورديه
الفصل العاشر 10
بقلم نوسه حمد
عموري اتصل ع اهلي وقرر العرس بعد شهر 😁
وبقيت اتكلم معاهو كتير اليوم كلو بكون مركبه سماعاتي واتكلم معاهو وحكا لي تفاصيل حياتو وشغلو لي درجه انو م بقفل الخط نهاي حتي لو كان ف الشغل بكون اتكلم معاي وشغال ولو دخلت عليهو اي مكالمه بعلقني وبعمل مكالمه جماعيه وبسمع كل كلامو
صراحه انا بقيت مدمناهو شديد حاسه انو لو بعد عني بموت 🙈
يلا مشينا حققنا خطوبه عمر اخوي ع سرو بت عمي وكان يوم حلو عموري جا وجاب اهلو معاهو وانا كنت مبسوطه ودي تاني مره اشوف فيها عموري واكون فرحانه انو اكون ملكي وكان لابس لبس رهيب لابس قميص اسود وبنطلون بيجي وجزمه سودا كساااااره 🙈🙈🙈خفتا عليهو من العين
وانا كنت لابسه لي فستان باللون الاحمر بالذهبي ومسرحه تسريحه حلوه وميكب اب خفيف 😉
رسل لي رساله قال فيها لو بي ارادتي اخفي الناس دي كلها ونكون انا وانت عشان اعاين ليك من غير م اعمل حساب من زول 😉
وصلتني الرساله قعدتا اضحك من جواي كنت حاسه حلوووو حسيت اني مالكه الكون
قلت ليهو ي ريت لو اقدر اشيل بصر الناس عشان مافي زول اشوفك غيري🙈🙈🙈
قال لي انا كده بجن ولا بموووووت حبيبتي 😘قلت ليهو ان شاء الله انا قبليك😁 قال لي ان شاء الله ليك طولت العمر حبيبتي🙈وبالمناسبه العروس انتي ولا ساره صراحه الاحمر فيك اجننننن🙈🙈
قلت ليهو بطل بكش حبيبي سرو احلا مني بالف مره 😆قال لي انتي شايفه كده وانا م شايف احلا منك ولا اجمل منك😍 بسمتك تدخل الفرحه في قلب محروم من السعاده 😘😘😘
قلت ليهو والاسود فيك اجنن ي ريتك كنت ملكي م كان خليتك تلبسو عشان اسحروك لي 🙈🙈🙈
قال لي وي ريتك كنتي ملكي كان م لبست الا من يدك والحاجه البتختاريها لي
اليوم دا كان احلا يوم ف حياتي احساس انو عاوزه اتكلم مع عموري وانا شايفاهو وخجلانه وبعبر بالرسايل احلا من احساس انو اكون جنبو واتكلم معاهو
كل يوم بمر علي بزداد تشويق للحياه مع عموري 😁
م حسيت بي ملل ف علاقتي بيهو اسلوب حياتو خلاني اتمنا اكون معاهو طول العمر
حددنا العرس انا وعموري وعمر وسرو وهيفاء وطلال😂
عموري اتصل ع قال لي امي وشهد اختي جايين مع السواق اسوقوك عشان تمشي تشتري الشنطه
قلتا ليهو حبيبي انا اي حاجه بتجيبوها لي بقتنع بيها حتي لو كانت شينه وانا م بقدر امشي معاهم لانو بجد بخجل ما عندي الجراءه لي اختار دا ودا ودا
وانا اصلا حاجات النسوان م بفهم فيها امك بتكون احسن مني ف الاختيار
قال لي انا عاوزك انتي تشتري الحاجه البتعجبك
قلت ليهو حبيبي انا اي حاجه بقتنع بيها وم بتوقف ولا عندي اعتراض ف اي حاجه تجي منكم
قال لي تمام انا موافق بس ع شرط التياب وحاجات الشنطه المعتاده دي بخلي امي تختارهم
بس حاجات السفر لشهر العسل لازم تاخديهم انتي لانو ماشين جزر المالديف😂😂ف ذمتي انا من سمعت جزر المالديف العمري كلو بحلم اشوفا ثانيه انو ماشه اقضي فيها شهر العسل زغرتا زغاريت ههههههههههه بس الله ستر ناس البيت كانو مافي
اتصل علي تاني قال لي ولا ماشه هناك تتخمخمي بالتياب
قلتا ليهو انا م بوعدك انو امشي عشان اشتري الحاجات دي لانو بخجل خلي شهد تجيبهم
قال لي نوسه كلام اخير وح اقفل الخط اول حاجه بخجل دي تاني م اسمعا نهااااي لانو انتي مرتي وحلالي ي ريت تكسري الحواجز وانا والله لمن اتزوجك م ح اطلب منك ننفرد مع بعض او نتونس برانا ومحترم رغبتك وخوفك مني جدااااا
بس كمان انتي كل مره بخجل بخجل كترتيها بجد
طبعا م كلمتكم عموري وهو معصب اجنن 😁 غايتو كان ساكت اعذب🙈 وكان اتكلم اتوووووه 🙈وكان عصب اجنن🙈🙈
قلت ليهو اسفه حبيبي خلاص ح امشي
المهم مشينا مع سرو اختارت شنطتها وكان معانا طلال وهيفاء غايتو عذبتنا عذاب بت شايفه روحا ولا بعجبا العجب ولا الصيام ف رجب وسبحان الله عشان سرو ساكته الحاجات كلها اتسهلت لينا واشترينا ليها احلا شنطه ورجعنا وخلينا طلال وهيفاء وهبي وطلال ليهو مراد انتحر من الشوم دي😂😂😂
اها انا جابو لي حاجات الحبسه والشنطة عمري م شفتا زيها تياب كده ف المزيعات م شفتهن امو زوقها حلوووووو
وجابو لي غوايش دهب وسد اجنننننننننن
عموري اتصل ع قال لي اها ان شاء الله الشنطه عجبتك
قلت ليهو صراحه تجننننن وذوق امك حلو ربنا اخليها لينا
قال لي يلا قبلي م تنحبسي حبست العروس نمش نشتري حاجات السفر ونطلع الجواز عشان انا احجز وارتب اموري لانو العرس لو قرب مشكله عشان الضيوف
قلت ليهو تمام بس ممكن طلب قال لي اامري وم تطلبي قلت لي اتصل ع ابوي اذا وافق انا بمشي معاك
اتصل ع ابوي ابوي وافق وقال لي بدري انا وشهد بنجي نسوقك عشان تختاري الحاجات
الصباح اتصل علي قال لي خليك جاهزه لبست عبايه ونقاب وطلعت معاهم
مشينا اشترينا جنس حاجات كل م اشوف حاجه اقول لي حاتكون فيك احلا شيليها وطبعا زوق عمر حلووووووووووو اختار لي كل حاجاتي بناطلين وتشيرتات واسبورتات وتونكات وطرح دي احلا من دي
وقال لي يلا محل ملابس الرجال عشان تختاري لي اخترتا ليهو بدله العرس واخترتا ليهو لبسو والجزم
غايتو اليوم داك حنني صرف جنس صرف قال لي انا بعرس كم مره حبيبتي
يلا وداني الكوفير اخترت الزفاف وطلعت الجواز ومشينا اخترنا الصاله صاله رومنس😍
انا عموري ماشين جزر المالديف ناس عمر اخوي ماشين اسمرا
اما هيفاء قالت ستين يمين تمش جزر المالديف 😁جنس محاكاة😁
يلا المره الجايه بحكي ليكم ليله الزفاف