رواية احلام ورديه
الفصل السابع 7
بقلم نوسه حمد
انا بعد شفت عمر جاني هبوط خوفتا من اهلي واحترتا الجابو شنو هنا
بقيت اقرا ف الفلق والناس ويس كملت المصحف سته مرات
فجاه اجيني ليك صوت امي 😱😱
ي بت نوسه تعالي جيتا جاريه جري قالت لي ابوك معاهو ضيف والوقت وقت غداء ابوك قال اعملو الغداء تعالي ساعديني
قلتا ليها اساعدك كيف وانا الليله يومي ح اتم 😭
جيت ساعدت امي وظبطنا الغداء وعملنا التحيله وعملنا الشائ
اللهم قومنا بالضيافه كالعاده ع سنقل عشره 😅
اها عمر وكاله طلع وانا عاد الشمار داير اكتلنئ
بليل كده عمر اخوي وابوي نادوني انا وامي وانا ارجف من الخوف
واعصابي باظت نهاي وفقدت الاحساس وشفتا الدنيا ظلام
اها ابوي فتح موضوع عمر وكاله
امي قالت ليهو دا منو ي حاج قال ليها دا عريس جاي لي بتك دي😁😁
اها امي من الفرحه قربت تزغرت وانا من ناحيه فرحت ومن ناحيه مشاعري جايطه
ابوي قال لي انتي بتي الوحيده والانا منتظر افرح بيها واشيل اولادك ولكن لو م موافقه انا م بجبرك وانا الزول دا لازم اسال منو كويس حتي ارد ليهو وانتي استخيرئ والفيهو الخير يعملو ربنا
💃💃😍😍
اها من هنا عرفت انو عمر م عاوز اغش علي رغم هبالتي الحصلت اول لقاء بينا
والمحيرني عمر عرف بيتنا من وين 😂
اها ومن جهه تانيه ساره وصلت البيت وانتظرت طلال لمن جا ادتو التلفون قالت ليهو قالت ليك نوسه هديتك مقبوله بس م اتعودت اشيل هديه من زول😭😭😭
م عارفه ردت فعل طلال تكون شنو
عمر اخوي جاب لي تلفون نفسي التلفون الجابو لي طلال وقال لي هاك التلفون وان شاء الله اكون اخر هديه تعرسي وتريحينا وضحك ضحكه فرح اول مره اشوفا في عيونو شلت التلفون مبسوطه وشغلت الواتس والفيس ونزلتا الواتس التاني لقيت طلال مرسل لي رسايل كتيره ومنها عرفت ردت فعلو لمن ادوهو التلفون
قال لي كل يوم بتزيدي ف نظري وانا اسف اذا ضايقتك بالهديه وربنا اسعدك وخليك عارفه انو انتي اختي وحبيبتي الغاليه الارتاح ليها قلبي
قلت ليهو شكرا لتفهمك الموضوع وانت كمان غالي علي وان شاء الله اسعدك وين م تكون
قلت ليهو هاك رقمي بتاع الواتس انا ح امسح الواتس دا
اديتو الرقم
وفتحت الواتس لقيت عمر مرسل لي ميه رساله انو فقدني بعد اتعلق بي وانو حبانئ،
رسلت ليهو قلت لي هلا
قال لي هلا بي مرتي المستقبليه 😅
انا غلبني ارد قلتا ليهو كيفك وقلت لي دا شنو العملتو دا انت من ذمن الخطوبه الكده كان تستشيرني اول احتمال م اوافق وتدخل ف احراج
قال لي الاحراج منك حلو وانا كان لازم اعمل الخطوه دي وانو استخار واتقدم لي وطلب من استخير حتي ارد 😘😘
اتونست معاهو كتير وسبحان الله احساس انك تتونس مع انسان وحاسي انك اكون ملكك حلو خلاص
لقيت طلال مرسل لي رسايل ومشغوله وين وتتكلمي مع منو حكيت ليهو بي عمر انو جا اتقدم لي طوالي اتصل وشكلو زعلان قال لي انا م موافق وم توافقي قلت ليهو انا راي مع راي ابوي وم بخالفو مهما كان
قفلت منو وكان زعلان
م اشتغلت بيهو حسيتا انانيه منو خاطب وبحب وانا لمن القا ود الحلال اقول لي لا 😣😣
مشيت لقيت عمر خاتي ف البرفايل صوره مكتوبه فيها نوسه حبيبتي😍😍
قلت ليهو عمر م تتسرع قال لي دا احساسي اتجاهك ولو رفضتي ح تكوني انتي حلمي الحلمت بيهو وقال لي اقبلي الطلب ف الفيس
مشيت الفيس قبلت الطلب لقيت صفحتو مقلوبه قلب غير حالتو من عاذب لخاطب وعامل لي تاق والناس تبارك لينا واهلو قالو ليهو اخيرا لقيت البتفتش ليها
اللهم عرفت انو عمر دا م زول ساهل ود ناس ومحترم ومافيهو كلمه بس كان بفتش لي الحا احبها
المهم بليل ابوي ناداني قال لي استخرتي قلت ليهو اي قال لي رايك شنو قلت ليهو موافقه قال لي مبروك
قال لي سالت منوو ود ناس واهلو ناس كويسين وم فيهم كلمه
والمفاجاه ابوهو اكبر رجل أعمال ف السودان
اها ابوي ادا عمر الرد طوالي قال ليهو بكره جاينكم
ابوي اتصل لي عمي عذمن وتاني يوم امي نادت اخواتا جهزو حاجات الضيافه وانا ساقتني ساره بت عمي الكوفير مشيت ظبطتا نفسي عشان اول مره اشوفوني اهل عمر
لبست لي فستان اسود وفكيت شعري واتمكيجت مكياج خفيف وطلعت مزه صراحه😘😘😘😘
طبعا ساره اتصلت ع عمر اخوي جا ساقانا اعاين لي ساي داير اهرشني بس غالبو😂😂😂
اول زول لاقاني طلال سلم علي وبارك لي وشكلو مضايق شديد بس السر شنو نعرفو قدام 😱
جيت داخله قعدتا مع اهل عمر وواي طلعو ناس كده حلوين حلا وعلي قول النكته التقول شاردين من الجنه 😅😅😅😅😅😅😅
لقيتهم جايبين جنس شي وعمر لبسني السد والدبله وكانت خطوبه رهيبه وعمر كان لابس بدله سودا عليهو اقسم بالله عليهو تجنننننننننننن😍
طبعا عمر قال لي بسحروك حبيبتي اقسم بالله شده م فرحتا من كلمه حبيبتي دموع الفرح جرن 😭😭😭
كنا مبسوطين شديد وطبعا هيفاء السحاره جاات تلوي ف خشما مغيوظه مني بس م اهتميت بيها
همي كان كلو عموري حبيبي 😘😘😘عاد المره دي حبيبي وحلالي واقولا ف عين الوزير والسفير
طبعا طلال زهجان زهج والعبره خانقاهو بس م فاهمه شي انا