رواية احلام ورديه
الفصل التاسع عشر 19
بقلم نوسه حمد
عموري حجز لينا عشان نمشي مصر وقال لي نقعد شهر منها علاج ومنها نقضي ايام حلوه مع بعض
قلت لي ماما سعاد نحنا ماشين مصر نشوف موضوع الولاده شنو قالت لي ي بتي اي شيء قسمه ونصيب وم تشتغلو بكلام الناس طالما انتي دايره راجلك وراجلك دايرك😊😊
قالت لي تصرف سلمي م عجبني وشهوده م رضت كلامها ليك وي بتي سلمي دي من كبرت بقت تقيانه كان عاوزه عمر لي درجه انو الجامعه قدمو ليها سوا بس من دخلت الجامعه بارت ليها بنات كده م قاعدات ف الواطه وغيرن ليها فكرها وعمر تعب معاها شديد عشان ارجعها لي صوابا وف النهايه هي مخطوبه مشت جابت ليها راجل وعشان ابوها الطمع ملا عينو وافق عليهو
وانا خفتا ع عمر بس كمان عمر طلع فاهم قال لي البت البتتغير عشان ترضي الناس دي م مرتي والبت البتحب راجل وبتحب غيرو دي م بتنفع معاي وقال لي انو م زعلان بس زعلان عليها هي وهو راجل بخلص الجامعه وبشق طريقو
وابوك اسامه لمن طلعتو سمعها جنس كلام قال ليها نوسه دي ولا شهوده بتي ولدت م ولدت نحنا م بنتخلا عنها ولا بنحرق قلبا نحرش عمر اعرس فيها وهو مقتنع انتي مالك قالت لي مشت راسي ف الواطه
قلت ليها وامها وين قالت لي امها اتوفت بدري وأبوها اتزوج مرا بعد وفاه اختي
وعمر لمن خطبها قال عشان ما تقع ف راجل اعذبها
المهم م علينا ي بتي انتي ان شاء الله ربنا اجعل ليكم نصيب وبكره تملو علينا البيت قلت ليها ان شاء الله ي ماما
قلت ليها ماشه بيتنا أقيل هناك وارسم واودع اهلي وبجي بليل قالت لي خلاص تعالي بدري عشان نعمل لينا جلسه قلت ليها تمام ي ماما ودعتها ومشيت
مشيت بيتنا وداني عموري قال لي لمن اخلص شغل بجي اسوقك
قعدتا مع ناس امي وسرو كانو مبسوطين شديد مني اتصلت ع بابا قلت ليهو مشتاقه ليك خلص شغل بدري وتعال قال لي اخلص شنو هسي بجي جهزو الجبنه وانا جاي عليكم
جهزتا الجبنه وعملتها بي يدي اتصلت ع عموري قالت ليهو كيفك حبيبي قال لي كويس بس مشتاق ليك قلت ليهو وانا كمان ولو قلت ليك تعال بتجي 😊😊😊قال لي هواء تلقيني جنبك 🙈🙈🙈🙈
قلت ليهو والشغل قال لي انا بشتغل عشان منو موش عشانك انتي اطير الشغل وانا بجي هسي خالد قاعد بخليهو اتم باقي الشغل ودعتو ومبسووطه عشان بجد كل م احتاج ليهو بخلي اي شي وبجي جاري لي وبقول لي بس بنتظر اشاره منك ولو م الشغل ومجبور صدقيني م ح افارقك
ابوي وعموري جو ف وقت واحد ابوي قال لي عموري م شغال ولا شنو قال ليهو والله شغال بس نوسه قالت لي الا اجي
وانت ي حاج م شغال برضو اليوم قال ليهو انا اليوم جيت اتم كيفي بي نوسه بتي نور عيوني لانها قالت مشتاقه لي
طبعا احلا احساس ف الدنيا انو سندي ف الدنيا الاتنين جنبي وم محوجني لي اي حاجه من حنان الاب وحنان الزوج والطيبه والحنيه بجد دي جنه الدنيا ربنا م احرمني منهم بحبهم شديد
المهم شربنا الجبنه وقيلنا معاهم ومشيت الكوفير رسمت وجيت راجعه المغرب بيتي لقيت ماما سعاد مجهزه لينا جلسه ظريفه معانا بابا اسامه ولقيت عمر اخوي وابوي وامي وسرو وعملوها لينا مفاجاه احلا مفاجاه واتكلمنا مع شهد بالايمو وتبكي قالت لي مشتاقه ليك ي نوسه قلتا ليها استمتعي حبيبتي انا ملحوقه ونحنا بكره ماشين مصر بنجي بعد شهر قالت لي نحنا كمان جايين بعد شهر ح نجي سوا ان شاء الله😘😘😘
مشينا مصر ومشينا مركز الخصوبه طلبو مننا فحوصات عملنا كل الفحوصات اللازمة وطلعت للاسف المشكله مني
دخلنا الدكتور لمن شاف الفحوصات قال لي المشكله منك وبتحتاج لعمليه ونسبه النجاح 1% طبعا انا لمن سمعت الكلام دا حسيت انو دي نهايه الدنيا وبقيت ابكي وعموري متوتر شديد بس كان بحنس فيني عشان م ابكي وانا قلبي مقطوع بقا همي كلو عمر والحا احصل لو م انا اتعالجت واهون لي اموت ولا ابعد عن عمر ف اللحظه ديك اتمنيت الموووووت 😭😭
عمر قال لي نوسه حبيبتي اقسم بالله ف الدنيا دي كلها م ح تبعدني منك حتي لو ولدتي ولا م ولدتي انتي اجمله طفله هداها لي القدر 😘😘
انا م عاوز غيرك ولا بكذب عليك لو الدنيا قامت وقعدت انا م ح اتزوج😩😩 انا اتزوجت وقسمتي كده ولا اعتراض ف حكم ربنا
ودا امتحان ي نوسه لازم ننجح فيهو وم نتجرس وانا والله العظيم م زعلان بس كمان م ح اخليك ساي لازم نعمل كل العلينا من علاجات وربنا كريم
قلت ليهو انا والله م هميت الا انو ابعد منك ولا تتزوج فيني وانا اهون لي اموت ولا اشوفك مع غيري قال لي اطمنك انا غيرك م ح اعيش مع مرا مهما حصل
المره الجايه بحكي عن مصيرنا انا وعموري 😘😘😘😍😍😍