الفصل الرابع العشرون 24
بقلم اسماء الهادى
احمد: انت متجوز يا عمر
عمر: انا لسه بكلوريوس تجاره انجلش
مراد: بجد
عمر: ايوا
مراد: وظفتك عندي يا برنس
عمر: بجد
مراد ابتسم: ايوا شد حيلك وتعالي ع شركه الدمنهوري للمعمار
عمر بصدمه: شركه ال اي
مراد: الدمنهوري للمعمار
عمر: أنت شغال هناك دي شركه فوق الممتاز سمعت عنها كتير اوي بس مديرها صعب
احمد ضحك بصوته:كاااان ياضنايا كااان
مراد : احم انا مديرها
عمر اتصدم: أنا اسف والله ما اقصد
مراد ابتسم: ولا يهمك وعلي رأي احمد كان صعب دلوقتى زي م انت شايف بس ف الشغل معنديش يا اما ارحميني
عمر: تحت امرك يا مراد باشا
مراد: الامر لله وحده وبعدين اسمي مراد وف الشركه بشمهندس وادي الكارت بتاعي يلا ع اقرب جامع وصلي ركعتين بنيه التوبه وعدم الرجوع ليه
عمر ابتسم: حاضر أنا بجد أسعد واحد ف العاام انو قابل ناس زيكم ربنا يحفظكم لبعض ونعم الأخوات فعلاً
إمام: واحنا أسعد منك يا عمر يلا يا وحش اجري اغلب شيطانك
عمر بضحك: فوريره يا معلمي
احمد ضحك: انت كدا تعجبني
مراد بهزار: لا ابعد عن الولا احنا عايزينه بعقله
إمام ضحك عليهم: طب يلا بينا احنا نروح
««« لا إله ألا الله »»»
احمد وإمام ومراد خلصو عشاهم و راحو البيت عند مراد
احمد: يااااه أخيراً هنام
إمام: تصدق عندك حق انا كمان هموت وانام
مراد: اي حيلك حيلك منك ليه انا هستغلكم النهارده يعني هستغلكم
احمد: اي يبني انت عندك مرض ترديد الكلام وبعدين إمام اهو عندك استغلو براحتك
مراد: خد يا احمد بطل رخامه
احمد: امممم قعدنا عايز اي يا ابو الغتاته
مراد بستفزاز: لا يا حبيبي محدش يقدر ينافسك فيها
احمد: حيس كدا بقا انا قايم
مراد بص ليه وضحك
إمام: بص بقا اي اطفال اقعد ي احمد قول يا مراد الي عايز تقوله
مراد: انا بصراحه عايز اعرف كل حاجه عن اختكم بتحب اي وبتكره اي كلو
احمد اتكلم بجديه: مش لطيفه
مراد : ليه
أحمد : لان مش هيبقي ليها معني زي الامتحان اللي اتغشش بتبقي خارج من اللجنه اكنك كنت بتاكل مش بتمتحن
امام : احمد قصدو يقولك ان مش هيبقي ليها معني الحاجه لما تبقي مصتنعه مبيبقاش ليها معني
مراد : مش فاهم
امام: يعني لما تدقق انت وتعرف وتفاجاها انك حافظ كل تفصيله فيها عن ظهر قلب هيا هتشوف دا اهتمام وحب وهتفرح بيه اوي غير ان الستات عندهم الاحساس عالي
هتحس انك مهتم اكتر من انك اخد المعلومات من اخوتها فهمت
مراد بتفكير: فعلا عندكم حق طب يلا نامو
احمد: م انا كنت رايح انام ليه التعب دا بس اومبريه منك يا مراد اومبريه
مراد ضحك: والله لاسع يا احمد
إمام: دا الطبيعي
مراد: طب يشباب البيت بيتكم
واعملو اللي نفسكم فيه انا هروح انام وانتو استجمو براحتكم
احمد: انا عايز انام شوفلي اوضه انام فيها شقه طويله عريضه مفهاش اوضه
مراد: يا مختل عشان انت قاعد ف الصالون والصالون معزول عن البيت
مراد فتح ستاره
اتفضل عندك اربع اوض اختار اللي يعجبك
احمد: اول واحده حلوا اوي انا مش قادر امشي
امام: خدني معاك
تصبح ع خير يا مراد
مراد ابتسم: وانت من اهل الخير ياميمو
????سبحان الله وبحمده????
عدي الاسبوع علي ابطالنا وجه يوم الفرح لتسنيم وإمام وكاب كتاب مريم ومراد
مراد: اثبت يا امام بقا مش عارف اظبط ليك الكرافته
امام: انا مبحبش البتاعه دي يعم
احمد: خلاص البس ببيونه
امام: لا بردو هبقي شبه علبه الهدايا
مراد بصوت حازم: اثبت بقا مش هربطها جامد زاد ان الكرافته من النوع السمبل الرفيع اهدي بقا
امام بهزار: احبكش وانت عصبي يا مرمر
مراد بغيظ: لاحظ ان رقبتك في ايدي ف لم نفسك الله يسامحك يا احمد
امام بص ليه بثقه: رقبتي ف ايد اخويا اللي عمره ما هيئذيني
مراد: حياتي فدا شعره منك يا صاحبي
احمد بهزار: بس بقا عشان هعيط وانا دمعتي قريبه
مراد وامام ضحكو
احمد: يلا يعم منك ليه اخلص يا امام عشان تجيب عروستك وانت اخلص عشان تكتب الكتاب اللي مصربعنا عليه
مراد ابتسم بحب: اكتب الكتاب اخبر هتبقا حلالي
امام: لم نفسك ياعم النحنوح
انا جهزت
احمد: يلا بينا
العربيه تحت
مراد: تؤتؤ انت تكنسل العربيه اللي انت جايبها دي
امام: امال اروح اجبها مشي
مراد: عندي مفاجأة
احمد: استر يا رب
مراد: ملكش فيه
تعالي يا إمام
مراد نزل وكان جايب عربيه اقل ما يقال عنها روعه عربيه لونها ابيض ومزينها بالورد الاحمر وحاطط جوا العربيه ورد كانت تحفه
إمام بص للعربيه بذهول: ايــه دا
احمد: اللهم بارك تحفه يا مراد
مراد ابتسم: اقل واجب لاخويا
إمام بص ليه وابتسم: تسلملي ربنا يبارك ليا فيكم يارب
احمد: طب يلا عشان منتأخرش
««« اللهم صلِّ وسلم وبارك على سيدنا محمد »»»
تسنيم كانت جميله اوي كانت حاطه ميكب هادي جداً وجميل زيها
وفستانها واسع كانت شبه الأميرات
مريم: اللهم بارك يا سيمو كدا هغير منك
تسنيم ضحكت: لي بس
مريم: عايزه البس فستان زي دا واحط ميكب
تسنيم: كلها كام شهر وتلبسي نفس الفستان بس احسن منه وتحطي ميكب
مريم: عندك حق
اميرة: ايه دا ايه دا دا ايــه الـجـمـال دا
تسنيم: بس بقا بتكسفوني
اميرة: اول مره اشوف قمر بيتكلم هو القمر بيتكلم يا ولا دي بجد يا سيمو ربنا يحفظك اي الحلاوة دي
مريم: بس بقا ابت كسفتيها والبونيه بسكوته
اميرة: انتي مالك انتي يابت امته مراد يخدك واخلص منك
مريم: ع قلبك
لسه اميرة هتتكلم إمام رن ع تسنيم
إمام بصوت كله حب وشوق ولهفه : السلام عليكم
تسنيم: وعليكم السلام
إمام بنفس الصوت: وحشتني يا اجمل اميرة في الدنيا كلها و وحشتي بيتك
تسنيم بحب: وانت وحشتني اوي يا إمام بس انا مش سايبه البيت من زمان
امام بحب واحتواء: بيتك اللي هو حضني وحشتيني
تسنيم: وانا وحشني بيتي واماني
أنت فين
إمام: قدام الباب اطلعي بس حطي الكاب عليكي عشان الميكب
تسنيم: حاضر يا حبيبي
أنا هقفل بقا
««« استغفر الله العظيم »»»
كل واحد مستني مراته
امام مشتاق لملكة قلبه وحياته
ومراد مستني مريم
واحمد مستني اميرة
إمام رفع راسه شاف تسنيم وهيا بالأبيض بس وشها مكنش باين بسبب الكاب
شبه الفراشه الجميله اللي ظاهره في يوم مشمس من الربيع ونورت البستان وزادتو جمال جيتي لدنيا نورتيها وخليتي ليها طعم وحسستيني معني الحب
امام راح عندها ومسك ايدها وقال.....