رواية بين قلبي واختيار أبي
الفصل الرابع والعشرون 24 والاخير
بقلم الاء فائز
💔 ليله الزفاف 💔
في تلك الليله اتخذت قراري ومصيري وكل مستقبلي ..اغمضت عيني التى طالما خذلتني لم اعلم اني كنت فقط في مجرد تحدي لاثبت لنفسي اني استطيع النسيان
كنت قد تناسيت ان الاقدار بيدي الله وهو قادر على كلى شي ففي لحظه جمعنا صدفه جعل قلبينا متحابان جعلنا كجسدين من روح واحده وفي اغلى من ثانيه ابعدك عني لتكون غائب غاب عن وطنه ليسعدني كم تمنيت ان تكون نصيبي ونكون معا هههه المضحك في الامر اني احاول النسيان وها انا ازكرك حتى في اخر ليله لي ومع بدايه ابشع ايامي مع ابشع من اكره
لكن لا بأس ساحول النسيان ..
في مثل هذا الليل يتورط المرء بأفكارة 🥀🖤.
اماني ، نعم ي امي ، مالك صاحيه لهسي ي بتي نومي ببكره يومك لازم تكوني منوره ، بنوم اي ...
امي طلعت وقالت لي نومي معقول في زول بنوم في يوم زي د حالين انا خايفه من حاجتين اول حاجه ادريس وتعاملو لي ح يكون كيف وهل انا ح احبو بمرو الزمن وهل ح اتاقلم معه والحاجه التانيه خالد شعور كيف ح يكون لمن يشوفني بالزفاف الحلمت البسو ليو هو ، ادريس قال لي ابوي م داير اماني تكون منقبه وعايز اعمل ليها زفاف ، زفاف ايه د الحتعملو. لي د انت بتعمل في مراسم موتي ، بعد معافره ودموع حتى قدرت انوم ،كيف م نحبو؟!
وهو الهدوء الاخير لمن كل العالم يكون صاخب.. لمن تضربك الكلمات.. وتزحمك الزكريات.. ويخنقك الواقع.. ويلوح ليك المستقبل بسكين ميتة جداً..
مستنين بعد ده كلو نكون م بحب النوم!؟..
في انسان م بحب راحتو.. في انسان.. بكره امانو؟!
نحن بندمن.. شعور عدم الشعور البداهمنا لمن أرواحنا تفارق أجسادنا لفترة مؤقتة.. بندمن ال لا صوت.. وهدوء.. م بعد العاصفة..!
صباح اليوم ...
الناس كلها كانت مشغوله والعزومه فطور وناس تطلع وناس تدخل وانا زي الساعه ١٠ كده مشيت الكوفير رسلمو لي هناك ، وانا اساسا م فاهمه حاجه كل دقيقه بحاول اتصل ل خالد بس م بخش برغم من انو انا مصيري خلاص اتكتب مع زول تاني بس لسع بفكر في خالد زي الساعه واحده كده خلصو لي من الحناء وبعد الصلاه اتصل لي ادريس يمكن د اول مره يتصل لي فيها من قبل الخطوبه ولهسي وقال لي خلاص بقيتي حلالي وربنا استجاب لدعواتي وعارفك بتكرهني لكن بوعدك ح اخليك تحبني بوعدك ح اسعدك ،، سكت قلت ليه ان شاء الله ، الف الف الف مبروك لينا ي ام عيون عسليه ، * وانا مع كلمته ام عيون عسليه من غير م اشعر لقيت روحي بببكي بكاء فجاءه اتزكرت خالد وكان دي كلمتو المميزه برغم من انو اخواني كانو بقول لي لكن برضو من لسان خالد كان احلى من غير ما اشعر فصلت الخط ، واتصل لي احمد اخوي قال لي اماني ، قلت ليو نعم احمد انا عارفه داير تقول شنو انت مش قلت لي اي حاجه ح تكون برضاي صح وانا رضيت بادريس ومستحيل اكسر كلمه ابوي حتى لو انا م عايزه بس مستحيل اكسر كلمه ابوي وحاليا امش اهتم بالضيوف وفصلت منو ، خشيت الحمام وانا بغسل في حنتي وببكي سمعت البت بتناديني طلعت وظاهر على عليوني البكاء ام البت البتمكيج قالت لي ي بتي انا شبه فاهمه ، فاهمه شنو ي خالتو ،من عيونك واثر البكاء انتي العريس د م دايرو ، والله ي خالتو م كده ، قالت لي كده وخلاص القسمه ادت في النهايه وكلو لخير ، بصراحه كده انا كنت بحب واحد وهو بحبني وابوي اختار لي ود عمي ، ي بتي القسمه اصلها كده والواحد يرضي بنصيبو ، رضيانه انا ي خالتو في النهايه من البدايه انا كنت عارفه اني ح اكون * بين قلبي ، واختيار ابي* وقسمتي كانت اختيار ابوي والحمدلله ، خلاص ي بتي امشي خلي يمكيجوك عشان الزمن ، سمح ي خالتو
* ومشيت واثناء انا م بمكيوجو فيني سرحت بعيد اتخليت انو انا بتمكيج لخالد ود عرسي من خالد يالله *"نعشق الخيال لانه ياتي كما نريد"🖤🥀
قطع حبل افكاري لمن جاء دور يلبسوني الزفاف اتماسكت بس م قدرت ابكي لكن الدمعه الحار نهائي م سابتني وبعد المغرب كده جاء ادريس ودخل على جوه وصوت الزغاريد ..
بلسان ادريس ، د شنو مستحيل د يكون بشر لا انتي شارده من الجنه ي بت الله عليك طالعه عسل يخلو لك الزفاف ياخ والله انا بحبك * اصف لكم اماني كانت لابسه الزفاف حلو شديد وعملو ليها ميكب خفيف اساسا هي م محتاجه لميكب وكانت متحجبه يعني ايه من الجمال *
عمري كل م اتخليت انك تكوني مرتي ي اجمل حاجه في حياتي ان شاء الله ربنا يقدرني اني اسعدك وعد مني م ح اخلي دمعه تنزل من عيونك العسليات ي ام عيون عسليه بحبك انا ي اماني ..
بلسان اماني
جاء داخل ادريس وانا بقيت برجف عديل وخايفه وجاء على وهمس لي في اذني ولمن قال لي بحبك ي مرتي طبعا انا هنا يشهد الله سمعتها بصوت خالد بس صحيت على الواقع ولقيت د ادريس اشماذيت طبعا منو ابتسم ليو وطلعنا الصاله * اوصف لكم ادريس كان لابس بدله بالاسود وحالق حلاقه مشاء الله وتخلي ليو اللون الاسمر بس كمان اماني عندها حق م تتخلع بجمالو لمن شافتو لانو خالد كان ملاك بس *
بلسان خالد ..
ساظل احبك حتى وان لم تكون نصيبي فقد كنت اختياري😪💔
وانا ماشي في طريقي مستعجل عايز ي ربي م يكون عقدو ي رب بس الهمني الصبر وصلت المدرسه الكنا قاعدين فيها كانت فاضيه لقيت شافع سالتو قلت ليو الناس ديل كلهم فاتو وين قال لي فاتو عرس اماني السمحه وانا هنا بعد كلامو بقيت م قادر اشوف راسي لف م فاهم حاجه من غير م اشعر لقيت روحي ماشي علي بيتهم وشايفه صاله كبيره جمب الباب زي مزينه وحلوه شديد اتخليت انو د عرسنا نحن ولسه م مستوعب د عرس اماني وكل ما اقرب بسمع صوت الزغاريد بتعلي
* ح اصف حالات خالد لمن وصل كسلا ودخل على الحي وشاف اماني فيى الصاله وعيون الناس حوليها والالم العاشو وشوقو ليها *
يوم في يوم غريب فيهو الشمس لمت غروبها وسافرت ، غابت نجوم واتفرقت ذي الدموع في خد حبيب ودع حبيبتو وسافرته والليل ضفاير حزنو مدها الالم ذي التقول عارف النهايه القاربت والكون حزين شاف الربيع غابت شهور وهاجرت ....
شفت الفريق ضامي الفرح في دار حبيب ضميتو في قلبي الحزين ماتت خطاي ضاع الامل واحترتت في خوفي الدفين عاينت لقيت الحبيب في عرشو في تاجو الحزين حولو العيون فيها الفرح بس الفرح في عيونو م قادر يبين .. والدمعه في عيني بتودع طيف حبيب خلهو لقدر السنين
واشتقت لطيف الدموع ومشيت طريق اسمو المصير ودعت زهرات الامال ورجعت لالمي القديم لمن تعب سال الدموع على الدرب خاف الامل كره المسير حسيت شعور الراهب السارح سنين مشتاق يفتش لهو ليل
لمن تعب سال الدموع على الدرب خاف الامل كره المسير
ويا حبي عيش يا حلمي عيش كلمات خطاب من الحبيب كانت نهايه حرفو الدموع سطرو النحيل والحسره كانت فيو غايه خلاني اغرق في المصير وانا اطفي الشموع وابكي النهايه وابكي النهايه
💔النهايه💔
* كسره *
الحياه قسمه ونصيب كل زول بحلم حاجه بتمني تكون من نصيبو كتار بحلمو انهم يتجوز من الناس المرتبطين معاهم صح هم بكون وصلو درجه من الحب والتفاهم بس برضو قسمتك مرات مع زول تاني ومرات بكون نفس البتحبو نصيبك ود احلي حاجه والله ومرات بتكون بتحب وابوك اختار لك زول تاني زي مثلا اماني بتحب خالد وابوها اختار ليها زول تاني ود السبب الخلاني اكتب اسمه الروايه * بين قلبي ، وأختيار أبي 💔* وفي النهايه محل م تمش قسمتك بتصلك بتصلك ما عليك انت الا ترضي بالمقسوم واكيد ربنا هو البختار لك الصح مرات انت تكون نفسك في ورده وربنا بكون خاتي لك حديقه من الورود ..
وفي النهايه ادريس واماني اتزوجو واماني م كانت مبسوطه ويمكن لهسي بتفكر في خالد بس اتعايشت الوضع مع ادريس وادريس حاووول بكل الطرق يسعدها وفي النهايه جابت ببيبي حلاته الدنيا عليو. وسمتو خالد ...ساظل احبك حتى وان لم تكون نصيبي فقد كنت اختياري😪💔
وخالد قسم انو قلبو تاني م يحب بعد اماني ولسه م اتزوج واجتهد في شغلو واساس شركه سماها الاماني
*_`وَفـــي الــخِـــتــام`..جبر الله قلبي وقلوبكُم يَ رِفاقِ وجعل لقانا في الجنة يـــارب•🤍🎀....
تمت بحمد الله
لقراءة جميع فصول الرواية من هنا
وايضا زورو قناتنا سما للروايات
من هنا علي التلجرام لتشارك معنا لك