رواية هيامى الفصل العشرون 20والاخير بقلم سندس مالك

          

رواية هيامى
الفصل العشرون 20والاخير 
بقلم سندس مالك


اول مافتح ايهم وابوي الباب .. لقيت نور وهدى 😍😍 طبعا الخلعه والفرحه والصدمه في نفس الوقت .. جريت ليهم وحضنتهم وبقينا بنكووورك ونصرخ سوا 😍😍.. .ابوي واهلي بقو بعاينو لينا .. واهل فهد بضحكو فيني .. 😂😂 .. قلت ليهم جيتو بتييين انتو👀.. قالو لي جينا امبارح .. فهد رسل بطاقه دعوه لاهلنا والتذاكر والحجز كان عليهو وجينا نحنا واهلما عشان نحضر عرسك .. وهدى تشيل وتحضن فيني .. مبرووووك حبييبتي فرحنا ليييك 😘😘 .. ونور تبكي معاي ونسلم على بعض كل شويه ..

ابوي:هيام .. ماصاح خلينا نرحب بالضيوف .. وسلم على ابو فهد وقال ليهو اتفضل وامي سلمت على امو ودخلوهم كلهم .. ولما فهد جا داخل .. غمز لي في الباب 😉 عسسسسل 😉

انا:فهد 😒 ادخل وانت ساااكت😷..

فهد جراا لي سيببه من شعري .. بقوووووه

انا: اااي .. فهد دي شنو الحركات دي ..

فهد:بتأكد منو .. طلعتي بت عرب 😂😂

انا:ههه ظرييف😏😒 يلا يلا جوا 👋 ..

دخلنا وقعدنا جوووه مع بعض كلنا .. ونور وهدى اتلصقو فيني

نور:ياااكلبه😍😍 ليه ماتقولي اخوانك مزز كده

هدى:واااي يا هيام .. اشرف كساااار😍😍

هيام: عليك الله شيلوهم ساااي مادايرين مهر منكم😁

نور:ظرررريفه😒😒.. هدى: هبله دي 😒😒

ابو فهد: طبعا ياجماعه اتشرفنا كتييير بمعرفتكم .. وويشرفنا اكتر نطلب بنتكم هيام☺ لي ولدنا فهد😊..

( انا وفهد نتبسم لي بعض من بعض ونتخجل 😂😂)

ابوي: ونحنا لينا الشرف والله بنسبكم اليشرف ده

ابو فهد: نحنا والله البنتشرف بي ببنتكم .. نعم التربيه ونعم الاخلاق 😋

ابوي: الشرف لينا والله .. مخلف راجل بمعنى الرجوله

( انا لنور.. بتييين حنخلص من قصه الشرف دي ويخشو في الموضوع😂😂.. نور.. اصبري ياهبله😂😂😂.. هد.. الشفقه الشفقه عاااد لكن ما بتخليها انتي😂😂)

ابو فهد: طبعا فهد .. وهيام ماقصرو واختارو حاجات الخطوبه والدبله ..

( امي 😒😒.. اشرف😒😒ماجد😒😒 ابوي😒😒 .. ايهم😂😂 كللهم على بعضهم حمروا لي 😂😂.. وانا بس عامله كده😊)

ابو فهد: نحنا عايزين الشباب ديل يجهزو للعرس خلال اسبوع كده .. لانو نحنا لازم نرجع السودان عندنا التزامات .. عشان كده الخطوبه حتكون مده اسبوع .. وخلالها بنكون جهزنا لي ولدنا وانتو لبتكم

ابوي: ابشررر يادكتور 😊مااعندك عوووجه ..

(فهد شغال يغمز لي من بعيد ويشاغل😉 وانا اتخجل ساااي☺ ونور وهدى يكشفو ويضاحكو فينا😂😂)

اتونسنا شووويه .. واكلنا سوا كلنا كاعيله .. وبعدها طلعو وبقيت خطيبة فهد الحممممد لله😍😍 ..

وخلال الاسبوع نجري انا ونور وهدى وبسرررعه ظبطنا الشيله .. والحاجات .. وفهد كان جاري في موضوع الصاله والحجوزات وجا محمد واصحابو الضباط عشان يحضرو العرس .. خلال الاسبوع انا وفهد ماكنا بنتقابل ..عشان يشوفني اتحبست وكده😆 وكنت بستخييير برضو وبدعي ربنا يتمم على خير ويفك العوارض والمصايب من طريقي .. .. وانا وفهد بس تلفونات ونخطط سوا .. حتى فستان زفااافي كان بالنسبه ليهو مفاااجأة😍 ..

لحدي ماجا اليوم الموعود 😍💍يوم الخميس👑 يوم ولادتي برضو .. 😊 واليوم الاتولدت فيهو تاني وانا جنب فهد 😉

انا:فهد .. انت وين ياخ انا جاهزة😡

فهد: انا مش كلمتك .. محمد حيسوقك وتدخلي الصاله براك

انا:فهد ده شنو😳😳بتبااالغ لكن ..

فهد:الزحمه ياهيام ياااخ .. محمد قرييب منك 😡

انا:طيب😡😡 وقفلت الخط وانا زعلللانه .. لييه ماندخل سوا

جا محمد تحت وضرب لي ونزلت .. بارك لي وسلم علي وركبت ورا مبووووذه .. ومحمد بعاين لي في المرايه حسيتو عايز يضحك . العروس الصاره يوم عرسها دي ..

هناك في الصاله ..

نور: هدى شوفي اصحاب فهد😍😍

هدى:اححححي ياقلبي.. فقدت تركيزي قبيل انا مع السماحه دي😍😍

نورر:ضباط ياخ😍😍

هدى:هييي هيام جات 💃💃

جيت نازله وكنت اميره بمعنى الكلمه .. 😋 كنت جميله اليوم داك جمال ماعادي .. واول ماختيت رجلي الصاله ضلمممت.. واشتغل فيديو في الشاشات .. وانا واقف لسه في باب الصاله 😋.. فيديو فيهو طفلين .. ولد وبنت حلوييين شديد وكانوا بمثلو قصه فهد وهيام في الفيلم الصغير ده .. من لحظت اتقابلنا ولحدي مانمت في الخيمه 😍 ولما اتشاكلنا .. فيديو كان فيهو اي تفصيله صغيره وكبيره .. ومجموعه اغاني مدموجه ريمكس في اي مشهد .. اطفال كانو ممثلين وحلةين شديد بمعنى الكلمه .. فهد اختار اغاني حلوة برضو .. لما اتقابلنا .. ضحكت .. عمرو دياب .. ولما اتزاعلنا .. مابلاش .. محمد جماقي .. ولما اعترفت ليهو بحبي .. على بالي .. شيرين .. والبت كانت بتشبهني جد كانو فهد فصلني فيها😍 .. لحدي مالبست الزفاف ونزلت .. ودخلت الصاله .. جاها الطفل الصغير ومسك يدها وهنا اشتغلت اغنيه .. اوعديني .. رامي جمال .. والطفل مسكها وكتبو النهايه في دفتر كان مكتوب فيهو ببره هيامي ❤ .. واول ما الفيديو وقف ..

جا فهد بي وراب مسك يدي وقال لي .. عرفتي لييه اتاخرت يامرتي😉.. طبعا قبلت وعاينت جوه عيونو نظرات كلها ححححب وحنيييه ماقدرت اعبر واوصف حبي ليهو.. مسكت فيهو قوووي ودخلنا سوا نفس الخطوات ونفس المشيه .. ونفس طريق الحب والدرب الطويل مشيناهو سوا .. وقفنا ورقصنا على غنيه .. مامصدق اني قدااام حبييبي😍.. واول ماخلصنا .. فهد مسك يدي وسلم علي في راسي .. 😘 وقال لي .. طول ما الله مد في عمري .. اوعدك اكون جنبك واسعدك وما اخليك يوم تتآلمي .. انا خلاص رقرقت .. وقلت ليهو.. وانا بوعدك اكون جنبك .. واحتويك بحناني وبروحي .. وما اخلي شي يضرك .. فهد انت سندي في الدنيا دي .. وحبيبي وراجلي .. وانت خلاااص هسي بقيت دنيتي كلها .. الف حمد وشكر ليك يا الله لانك استجبت دعائي وقسمتو لي .. وفرحتني بيهو .. وياااربي احفظو لي☺ . فهد بعاين لي وعيوني مليااانه حب .. واجمل شعور لما حبيبك يبقى ليك .. مشينا كملنا عرسنا ورقصنا .. وبعدها ابتدت حياتنا☺ومشوارنا الجميل 💌🍀ابتدى ..

.. عشناها بالحلوة والمره وكنا بنتشاكل بس الحب مابخلينا نبعد .. بنتزاعل وبنكورك في بعض ياحيوان وياحيوانه 😂😂 .. بيكون تعبان بجي يرقد في رجليني .. وانا اقرصو واقول ليه قووم مني😒 .. يقوم يقرصني برضو ويقول لي دافع فيك ملايين انا😒.. وطااخ اديهو لبعه وارقد في ضهرو واحضنو 😂😂....

بصحيهو الساعه اتنين بالليل واقول ليهو جعانه .. ويقول لي تعبان خلينب انوم .. اقوم اسكت وارقد اغمض كده 😔.. يجرني من شعري ويقول لي قومي ورااي للمطبخ 😒 .. وانا اتبسط😍😍 .. ويقعد يحرسني بعد اكل واخلص .. يقول لي مبسوطه كده يامره .. اقول ليهو اااي😜.. يجرني تاني من شعري وبرجعني للسرير يرمني من فوق لما اقول ليهو ضهري اتكسر😒 وينوووم ولا يعبرني .. وتاااني اجي اتكوم ليهو في ضهر .. يقول لي ده مكاني انا .. امشي مكانك هناك . .. انا اقول ليهو ابييييت بس مرتاحه هنا 😍 . يقعد يتبسم بي تحت وننوم 😍😍 وكنت بشووفو بتبسم والوضع عااجبو ومكيفو☺..

عشنا حياتنا كده 👆 نضحك ونهظر ونلعب ونتهاااابل وكنن بتعاابط فيهو شدييد وبره البيت ناس محترمين .. وجوووه ناس مجانييين .. المهم دي مملكتنا ومرتاحين فيها على راحتنا .. ماسمحنا لي زول يدخل فينا .. كان بساعدني في الاكل والغسيل والعده وانا كنت بساعدو في الشغل وبقعد افكر معاهو في القضايا .. وعادي الساعه تلاته يصحيني عسان عندو قضيه 😒😒 حامياهو النوم .. اقوم اعمل قهوة ونقعد في البلكونه بره سوا والجو بارد نشربها ونفكر سوا😂👏.. ولما كان يترقى في الشغل انا وهو بنعمل حفله برانا .. انا اقعد ارقص ليهو زومبا وهو يجي يتجنن معاي 😂😂👏👏 ونربها للصباح .. ولما افتر اقعد اقول ليه.. اجججي يا حامي الوطن 👏👏😂😂😂

لحدي ما جبت .. محمد .. ومصعب ومعاذ .. وهند وهيام 💚 هيام سماها فهد علي واصرر يسميها كده .. كانت اخر العنقود 😍😍 . وفعلا شالت صفاتي كلها .. وطلعت زييي وواحد ... ربيناهم احسن تربيه وعيشناهم في بيت كلو حب وحنيه وكانو بشوفو ابوهم بعاملني كيف وبحترمني وبخاااف علي قدر شنو ومااابرضى ربع كلمه فيني😆.. وانا بي معاملتي الحلوة كنت كسبانه اهلو وهو كمان كسبان اهلي وكمان بقى هو واشرف اصحاب شديد 😂😂✌ .. ساعدني في تربيه اولادنا سوا وما كان بكل ولا يمل وكنا بنقوي بعض وبنساند بعض وما احتجنا لي زول لانو اكتفينا ببعض .. 💌❤ .. فهد .. كان بقول لي اولادنا .. الا هيااامي .. وهم بضحكو وبخجلو ويقولو ليهو.. يابابا بتحبها قدامنا .. بقول ليهم دي حاربتا الدنيا عشانها (ومن عرف الهيام بسحرها فعل العجائب لآجلها ❤) وبقو حافظنها .. . كلهم يقولها لي .. ريدتنا هي الخلتنا نستمر ونمشي الدرب مع بعض حلوين وبيها اتحدينا اي صعاب ..ولاني انا ماكنت في يوم بتبهدل وبتكبر لي فهد .. كان لسه بشوفني صغيييره وجميييله 😍😍 رغم انو فرقنا ماكتير وبسيط .. لكن كنت محافظه على نفسي وجمالي وماحصل شافني مبهدله .. عشان كده حباني كل يوم اكتر ..

هيام بتي .. كل مره كانت بتجيب لي الدفتر وبتسالني .. ماما انتي كتبتي القصه دي لي .. واقول ليها اي هيوم 😉.. تقول لي اقريها لي ..

واقول ليها هي لسه ما خصلت هي يادوووب بدت 😉 .. ونقفل الدفتر سوا انا وهي .. وفهد يكون بعاين لي نظرات حب من بعيد ويجي قريب يحضنا انا وبتو ويقول لينا .. انتو هيامي 😍😉. .. وهيام تضحك وتقول ليهو باب ليه تحضن ماما وهي كبيره .. انت حقي براي 😘😘 . فهد يعاين لي ونضحك فيها 😂😂

وانا اقول ليهو مش هيام .. اكيد حتغير على فهد 😉

وهو يغمز لي ويقول لي ...

( ومن عرف الهيام بسحرها فعل العجائب لآجلها😍😘)

                    تمت بحمد الله 


وايضا زورو قناتنا سما للروايات 

 من هنا علي التلجرام  لتشارك معنا لك

 كل جديد من لينك التلجرام الظاهر امامك
تعليقات