رواية تعالى الى جحيمى الفصل الحادي عشر 11 والثاني عشر 12 بقلم أميرة الشافعي

             

رواية تعالى الى جحيمى
الفصل الحادي عشر 11
والثاني عشر 12
بقلم أميرة الشافعي



الفصل الحادي عشر
بعد ان وضعها علي السرير وخرج من الحجره
اعتدلت مي جالسه وتلمست وجنتها التي لمسها شهاب وابتسمت
لقد شعرت به لحظتها وراته
سمعت طرق علي الباب فتفقدت حجابها وقالت ادخل
دخلت شهد ولوجي التي تحمل بيدها لعبه جديده وصاحت شهد
حبيبتي يا مي الف سلامه عليكي عمو قالي انك تعبانه....
مي بود.... الله يسلمك يا حبيبتي الحمد لله انا احسن دلوقتي
ونظرت للوجي واشارت لها لتقترب.... فاقتربت الطفله الودوده قائله.... شوفي يا طنط مي مامي اشترت لي عروسه
مي بابتسامه.... الله جميله قوي يا حبيبتي
لوجي.... هتلعبي معايا صح
مي ضاحكه.... صح
جلست شهد بجوار مي وظلت لوجي تقف وهي تحرك دميتها يمينا ويسارا لتضحك او تبكي
قالت شهد لمي وهي تمسك اصابعها
فين دبلتك يا مي وبتهيألي شهاب مش لابس دبله فضه كمان
مي باسمه.... الشبكه ما كانش فيها دبل يا شهد
نظرت شهد لمي باسي وقالت.... بس انتي وشهاب يعني ....... طريقتكم مع بعض غريبه شويه
مي بضعف.. عادي يا شهد
شهد بجديه.... ايه ال عادي انتو زي الاغراب هتتجوزو وتعملو فرح وانتو كده
مي بيأس... اعمل ايه اصل الموضوع
قاطعتها شهد.....جه بسرعه هتقولي كده زي شهاب ما بيقولي بس بالفعل اتجوزتو يا مي
مي بقلة حيله.... والله مش ذنبي انا انسانه طبيعيه يا شهد مش انا السبب
شهد بتفهم.... معلهش يا مي والله شهاب دا مفيش زيه في الدنيا راجل قوي وجدع قوي بس اتظلم
مي بحزن.....ال ظلمته ممكن تكون عايشه حياتها كويس بس انا بدفع التمن
هوا زعلان من ال خانت
وانا عمري ما خنت عهدي مع الله معملتش حاجه ميرضهاش ربنا مسمحتش لحد يقرب مني لاني بخاف من الحرام ليه اتعاقب بذنب غيري بس ال مخليني بعذره ان هوا كمان زيي اتفرض عليه الارتباط ده
شعرت مي بطيبة شهد وبساطتها منذ ان راتها انه انسانه محبه وغير متكلفه مما جعلها تقص عليها ما فعله نور الدين معهم الي ان تم عقد قرانهم
بعد ان استمعت شهد لمي قالت
بس انتي بتقولي كان بيعاملك بحده من اول ما شافك ليه اخترتيه
مي بجديه.... ومش ندمانه يا شهد لان جمال النهارده اثبت لي اني كنت صح
جمال مستهتر وطلع سكير كمان
شهد بابتسامه.. يعني شهاب كويس
مي بضيق.... شهاب دوغري ومحترم بس بيكرهني
شهد بتعجب.... مين قال انه بيكرهك
بصي يا مي التلاجه لو الفريزر اتملي تلج في ثواني بيصفي ولا لازم نفصل الكهربا ونصبر لما يسييح التلج ده
مي.... لأ طبعا بتاخد وقت ولازم نفصلها
شهد بس كده.... بيفصل لازم يفصل بينك وبين جيرمين ربنا ينتقم منها جرحته قوي
كادت شهد ان تبكي وهي تقول ذلك
مي بجديه.... يحمد ربنا يا شهد ان عرفها قبل ما يتجوزها
شهد عندك حق بس كان صغير واتعلق بيها جدا كان خارج من صدمة موت بابا وماما الله يرحمهم ودي قربت منه قوي
عمي نور الدين ما كانش موافق عليها بس تحداه وتحدي الدنيا
كان عنده شقه صغيره هناك لانه كان طالب في الجامعة
وبعد ما كان هيخلص جامعه ويتجوزو علي طول اتصدم صدمة عمره لما طلبت منه مفتاح الشقه بتاعته علشان هينزل اجازه في مصر وبحجة تنضيفها ولما رجع قبل ميعاده لانها كانت وحشاه وفرحان ان عمي حدد ميعاد فرحه... .. اتصدم صدمة عمره
مي بتساؤل.... هما كانوا مخطوبين ولا......
شهد بتاكيد.... مخطوبين بس شهاب ميعملش حاجه حرام وكان حريص عليها جدا ونازل يكلم عمي نور الدين في انه عاوز يعمل فرحه
مي بتفهم... هيه صدمه صعبه
شهد.... علشان كده عاوزاكي تستحمليه شويه وخليه يثق فيكي وانا متاكده انه هيتغير يامي
جمال يصيح في وجه عمه.. بسببك علشان ظال........ م
لم يكمل الكلمه حيث صفعه نور الدين صفعه مدويه اخرسته
تلمس وجنته وقال..... ان آ سف يا عمي انا اسف بجد سامحني
نور الدين..... لازم تبقي آسف يا جمال
وقال وهو يهم بالانصراف... لو اتغيرت ورجعت عن السكه دي الشركه وبيتي مفتوحين ليك

صعدت شهد لشهاب بعد ان تركت مي
طرقت الباب وقالت.... شهاب
شهاب.... ادخلي
كان يرتدي ملابس انيقه من ماركات ويجلس علي فراشه
اقبلت شهد عليه تقبله من جبينه وقالت..... اخرج ساعتين دا كله يحصل
شهاب بهز راسه.... النهارده فعلا كان يوم صعب
شهد بمكر.... اه يا عيني دي مي تعبانه قوي
شهاب بغضب .. القذر جمال كنت هقتله في ايدي النهارده
شهد بابتسامه خفيفه..... اتضايقت لما شفته بيعمل في مي كده
شهاب بغيظ.... لو عمل كده في مدام بسنت او اي واحده كنت هعمل نفس رد الفعل ده
شهد بمكر.....كنت هتشيل مدام بسنت او اي واحده تؤ تؤ تؤ تؤ مظنش كنت هتنقذها وتضرب جمال مظبوط بس كنت هتنده للامن يشيلها
فكر شهاب قليلا وقال....... هوا عمي تحت
شهد ضاحكه..... بتغير الموضوع صح ماشي ياشوبا هعديهالك علشان انا طيبه وهعمل لك مفاجاه كمان
شهاب.... مفاجأة ايه
شهد... وتبقي مفاجاه ازاي يا ذكي لو قلت لك انا نازله افسح لوجي
ثم اضافت.... انزل اطمن علي مراتك يا شهاب وبعدين دي ضيفه عندنا
يلا سلمو عليكو والله هتزعلو لما ارجع اسكندريه واسيبكم
شهاب بتساؤل.... انتي هتقعدي معانا كتير مش كده
شهد وهي تمط شفتيها وتشير باصبعها.... حتت اسبوع واحد علشان شريف دا رضي بالعافيه اه منكو يا رجاله جبابره
ضحك شهاب من طريقة اخته الساخره
انه يشعر بالسعادة عندما تقضي اخته معهم في الفيلا تلك الايام هي وابنتها لتضيفا جوا من المرح علي البيت

كان سينزل للاسفل ولكنه سمع طرقا للمره الثانيه علي الباب ظن ان شهد عادت فقال ادخلي
فتحت مي الباب ببطئ... ودلفت الي الحجره ليذهل هو
انتي قالها شهاب متعجبا
مي بتوتر.... ممكن اتكلم معاك شويه كانت بفستانها وحجابها كاملا
فقال.. . اتفضلي
مي بضعف.... شكرا على ال عملته معايا
لم يرد عليها ولكنه نظر لها ينتظر ان تستانف حديثها فقالت
ماما واسامه اخويا هيجو النهارده يباتو عند عمي والصبح يطلعو المطار
انا بترجاك تقابلهم كويس ماما حساسه واسامه صغير وتعبان وكفايه عليه كده
مش عاوزاهم يسافرو وهما زعلانين
انا بقولك كده لانك في بيتنا تعاملت معاهم بجفاء فلو متضايق مني هما ملهمش ذنب

شهاب... احمممم طيب

ابتسمت مي فحتي هذا الرد المقتضب اسعدها يكفيها انه وافق
قالت وهي تنصرف. انا متشكره
خرجت واغلقت الباب ورائها وظلت واقفه لثواني ملتصقه بالباب

عاد نور الدين من الخارج ليجد مي تجلس في الريسبشن تقرأ كتاب ديني استعارته من اميمه

نور الدين مرحبا..... عروستنا القمر عامله ايه
مي بابتسامه.... الحمد لله يا عمو
نور الدين. قاعده لوحدك ليه فين شهد وشهاب
مي باسمه....... شهاب منزلش من اوضته وشهد خرجت قالت هتودي لوجي حديقة الحيوان وتفسحها
نور الدين بحنان..... بتملا علينا البيت وبعدين لما تسافر نحس بفراغ
مي موافقه.... معاك حق شهد لطيفه قوي
نور الدين.... وطيبه جدا طول عمرها حنونه لو حد تعب فينا اناو لا شهاب تبقي هتتجنن
مي.... امممم عمو انا بقيت كويسه ووووو
وعاوزه اروح السكن
نور الدين. ... مش معرفاهم ان والدتك جايه عند عمك
مي بتردد.....اه بس انا باللبس دا من الصبح وزهقانه عاوزه اغير
نور الدين مفكرا.........اه معاكي حق..... جاتلي فكره 

اتصلي بس علي والدتك كده لانها قالت انها علي وصول واتاخرت
فعلت مي فاخبرتها امها انها تبتاع بعض الاشياء اللازمه لاسامه اثناء سفره وبعض الملابس الداخلية له واضافت
.....بالكتير ساعه واكون عندك يا مي
اخبرته مي بما قالت امها فقال... تمام كده قدامنا ساعه انا هتصرف
واتصل علي رقم شهاب
وقال.... شهاب انزل عاوزك حالا
نزل شهاب من حجرته الي حيث يجلس عمه مع مي وقال
ايوه يا عمي
نور الدين بلهجه آمره..... خد مراتك هاتلها لبس لانها من الصبح باللبس دا وزهقت
مي بتصميم.... لأ يا عمي شكرا انا بس عاوزه اجيب لبس من سكني
شهاب بضيق.... طيب نادي شهد تروح معاها
نور الدين..... شهد خرجت
لاحظت مي. ضيقه فقالت.... عمي انا مش هخرج مع حد لو سمحت
ممكن تبعت السوا ق وانا هقول لاميمه صاحبتي تديه ايه
نور الدين. يا بنتي اسمعي الكلام
مي... معلهش يا عمي شكرا انا عندي لبس كويس ومش محتاجه منه حاجه
نظر لها شهاب نظره مبهمه وتركهم وصعد مرة اخري
بعد اقل من ساعه حضرت نادره واسامه الذي كان مبهورا من ذلك المكان الراقي ولانه صغير برئ لم يستطع ان يخفي انبهاره
ما ان راتهم مي حتي صاحت. اسامه. . ماما
ورحب بهم نور الدين وبعد قليل نزل شهاب مبتسما مما جعل عمه متعجبآ
وسلم علي نادره واسامه وقال...
اهلا وسهلا
ارتدت نادره عباء ه سوداء جميله وحجابها وارتدي اسامه تيشرت لبني جديد وبنطال من الجينز الازرق فظهر وسيما كعادته
وحملت نادره معها بعض الحلوي والجاتو الذي اشترته قبل قليل
قال نور الدين..... يلا يا مي قولي لعبده يجهز الغدا انا جعت جدا
وضع عبده اصناف الطعام الشهيه والتفو جميعا علي المنضده
وقبل ان ياكلوا حضرت شهد لتصيح.... ايه دا هتاكلو من غيرنا انا ولوجي
حيت ام مي وشقيقها ثم جلست بجوار شهاب
وفي المقابل مي ونادره واسامه وعلي راس المنضده جلس نور الدين
اشار شهاب الي الطعام وقال... لنادره واسامه اتفضلو
كانت مي سعيده لان شهاب تاثر بحديثها معه ورحب بعائلتها
كان الطعام شهيا فقالت مي بحنان... كل يا اسامه ياحبيبي ما بتاكلش ليه
بانيه اهو انت بتحبه
لاحظ الجميع اهتمام مي بعائلتها وحنانها على شقيقها الصغير
اقبل المساء وفوجئ الجميع بانقطاع الكهرباء عن الفيلا الامر الذي نادرا ما يحدث
كانو يجلسون سويا في صالة الفيلا الفسيحه عدا مي التي ذهبت الي المطبخ لتطلب من عبده صنع الشاي
قال نور الدين.... اكيد فيه غلط شوف يا شهاب كده فيه ايه
قام شهاب من مجلسه يتحسس وقال اكيد
فصلت من العداد
في نفس الوقت عادت من المطبخ وهي لاتري شيئا امامها من الظلام الدامس لتصطدم بشئ ما اما مها بعد ان كادت ان تسقط ليلتقطها شهاب بيديه وكلامنهم لا يدري ماذا حدث
فجاه اضاءت الفيلا مره اخري ليري الجميع مي في احضان زوجها الذي تفاجئ مثلها وابتعد مسرعا
احمر وجه مي من الخجل فما حدث كان سريعا جدا وضحك الجميع من هلعهم الاثنين
شاهدو اضواء وبلالين ملونه تقذف من الدور الثاني لتملا المكان
وخدم كلامنهم يحمل الحلوي والجاتو وانواع مختلفه من الفواكه ونزلت شهد الذي لم يلاحظ احد غيابها تحمل تورته كبيره تحمل اسم مي وشهاب وتصييييح مفااااجااااااه
انا محضرتش كتب كتابكم فقررت نحتفل دلوقتي
مي وشهاب في صوت واحد...... انتي ال طفيتي النور
شهد..... معلوم طفيته
يلا يا طنط نادره يا اسامه يلا يا عمو
اقف هنا يا شهاب انت ومي
صفقت بيدها فخرج الخدم ووقفت هي ولوجي لينشدو مع الكاسيت
الحب الحقيقي هيعيش يا صديقي
هينسيني امبارح.... هيخلينا نسامح
كل من في الفيلا شعر بالمرح والسعاده الا اثنين كانوا يشعرون بالارتباك
مي وشهاب
كاد اسامه ان يطير من الفرحه واخذ يردد مع شهد ولوجي تلك الكلمات ويتمايل معها
ثم اخرجت شهد علبه من القطيفه وقالت
خد يا شهاب هديتي
شهاب بضيق..... شهد خلاص بقي
كادت شهد ان تبكي وقالت...... لأ انا عاوزه افرح انت اخويا الوحيد من حقي افرح بيك
نظر اليها بحنان واخذ العلبه لتبتسم هي من جديد بعد ان فتحها ليجد دبلة ذهبيه لمي واخري فضيه له
وصاح اسامه بطفوله.. . يلا لبسها دبلتها
يلا يا مي لبسيه
حملت مي الدبله الفضيه بيد مرتجفه لتضعها في يده اليمنى وكذلك فعل هو
بعد الانتهاء من ذلك الحفل الذي اعدته شهد
قال نور الدين وهو يحتضن شهد
شكرا يا حبيبتي علي الحفله الحلوه دي
واحتضنتها مي وشكرتها وسط نظرات شهاب الغير معبره عن شئ
قال نور الدين موجها حديثه الي مي
مي والدتك تدخل تنام معاكي في الاوضه
واسامه هينام مع شهاب
هم شهاب بالاعتراض ولكن اسامه قال بمرح
ايوه بقي هنام انا مع العريس
فصعد معه وهو يكاد يجن من الغيظ فالفيلا مليئه بالغرف
ولكن نور الدين دائما لا يتوقعه
احتضنت مي امها ونامت سعيده بعد ان ابدلت ثيابها بملابس قطنيه مريحه ارسلتها لها اميمه من دولابها
وهمست نادره.....ناس طيبين قوي وكمان شهاب ذوق انا كده اطمنت عليكي
لتهمس مي مبتسمه لانها تعرف انها فعل ذلك فقط لانها رجته .... الحمد لله
في غرفة شهاب اخرج بيجامه من لديه لاسامه
ولان اسامه حجمه صغير جدا وقصير بالنسبه لشهاب فقد بدت مضحكه عليه
وظل يثرثر طوال الليل وشهاب يشعر بالضيق منه
اسامه.... بص رجلي لسه فاكك الجبس امبارح
شهاب... الف سلامة عليك
اسامه بجديه.... رجلي دي كانت بتحطم بكر
شهاب بتساؤل..... بكر مين
اسامه بطفوله..... جارنا دا ولد رخم جدا علشان كده مرضتش اجوز مي لسمير
شهاب... سمير مين
اسامه.... اخو بكر
بقولك اناديك ايه استاذ شهاب.... ولا ابيه شهاب
شهاب بضيق.... قولي يا زفت الطين بس سبني انام
اسامه...لا هقولك ابيه شهاب
ابيه شهاب... ما تفتكرش انا اخدت الدوا بتاعي ولا لأ
شهاب... مش عارف
اسامه.... مي ال بتعرف كل حاجه
منها لله ال رشت الميه بصابون
شهاب بنفاذ صبر ...... مية وصابون ايه
سامه..... اصل انا كنت رايح الدرس وبعدين... واخذ يقص عليه ما حدث
لم يرد عليه شهاب. فقال . انت نعست يا ابيه شهاب كنت عاوز اقولك اني خايف من الطيارة اصل اول مره هركبها
نامت ام مي وظنت ان ابنتها نامت لكن مي
كانت مستيقظه تتذكر عناقها مع شهاب
وكل حديثها معه
ودفاعه عنها
وتبتسم  

#الفصل_١٢

الفصل الثاني عشر
كلما أغمض شهاب عينيه ونام يتلقي رفسه من قدم اسامه الذي ينسي اساسا انه ينام بجانبه
فينظر اليه بغضب ثم يجده يغط في نومه
فيحاول ان ينام ثانية
في الاسفل نامت مي بجوار والدتها كان الظلام يحيط بالغرفه الا انها اخذت تتلمس تلك الدبله الذهبيه التي اهدتها اياها شهد
لقد فرحت بها جدا ربما اكثر من المشغولات الذهبيه القيمه اذي اهداها لها شهاب كهديه عقد القران
قامت ببطئ من السرير حتي لا تقلق امها وقررت الخروج الي الصاله قليلا حيث لا تشعر بنعاس والجميع نائمون ولهذا السبب لم ترتدي حجابها وتركت شعرها الطويل ملقي علي ظهرها باهمال
فوجئت في الصاله بشهد التي كانت تحمل هاتفها وتتصفح الانترنت من خلاله
مي بمحبه..... انتي صاحيه يا شهد
شهد بمرح.. .... مش جايلي نوم وانتي
مي.... ولا انا ثم جلست بجوارها وسالتها
لوجي نامت
شهد باسمه..... اه طلعت عيني وتقولي اعملي حفله علشان العروسه
ضحكت مي وقالت.... ما شا ء الله عسل لوجي وطيبه زي مامتها
شهد.... شكرا يا حبيبتي انا معملتش حاجه ثم اضافت بود.... بما اننا سهرانين هقوم اعمل شاي اخضر لان كل الشغالين نايمين في اوضهم في الجنينه
مي بتصميم .... لأ والله خليكي ثواني وهعمله وارجعلك
شهد... طيب با حبيبتي
كانت الساعه الثالثه ليلا حينما ربت اسامه علي كتف شهاب وقال
ابيه شهاب. ... ابيه شهاب
شهاب بنعاس..... نعم
اسامه... هموت من العطش لو سمحت تجيبلي ميه
شهاب بضيق.... انزل اشرب
اسامه بتوسل..... لأ معرفش حاجه في بيتكم لو سمحت عطشاااان
نهض شهاب وهو يتمتم.... يا دي الليله منك لله يا عمي
ونزل الي الاسفل ليجد شهد تجلس في صالة الفيلا
شهاب انتي لسه صاحيه يا شهد
شهد... اه وانتي صاحي ليه
نازل اجيب ميه لاسامه قرفني طول الليل دا ولد لكاك جدا
ضحكت شهد وقالت..... بس دمه زي العسل بصراحة تعمدت الا تخبره ان مي بالمطبخ ... فقال..... اناهاخد ازازة ميه من التلاجه واطلع اديهاله واشوف حته انام لي ساعتين شهد بابتسامه ماكره.. . . وماله يا حبيبي
دخل الي المطبخ في اللحظه التي حملت فبها مي صينيه عليها اكواب الشاي
تقابلا وهم ان يخرج مسرعا لكنها ارتبكت لرؤيته وسقطت الصينيه من يدها علي قدميها العاريتين بالشاي الساخن وصرخت
اقبلت شهد تجري.... فيه ايه يا مي
ساعدها يا شهاب الازاز جرج رجلها
ومي تبكي من آ لام الحروق
شهدبحزن .... كده يا مي ايه يعني لما شهاب يشوفك وانتي بلبس البيت انتو مكتوب كتابكم يا بنتي ايه ال انتو فيه دا
هم شهاب بالانصراف مسرعا ليصعدالي ف ك غرفته لكن شهد صاحت
تعالي انت رايح فين
شيلها يا شهاب اغسل رجلها في الحمام وهاتها في الصاله لما ادهن لها رجلها
عاد فحملها دون ان ينظر اليها او يتحدث معها ثم وضعها امام صنبور بالحمام وفتح المياه علي قدمها اليمني التي تاذت ثم حملها الي اريكه بالصاله ووضعها وقال...
شهد هاتي مرهم الحريق من المكتبه انا شايفه هناك
اسرعت شهد الخطي واحضرته لكنها صاحت الحق يا شهاب رجلها بتنزف
بتوتر رفع شهاب قدمها لينظر الي قطعه بارزه من الزجاج في اسفل قدمها وبيده يحاول استخراجها ومي تئن متالمه
الي ان انتهي وتركها
وقال لشهد انا هجيب برفان طهري الجرج وادهني لها بعد كده
وفعلا احضرهم وناولهم لشهد ثم قال موجها كلامه الي شهد

عمي نور الدين ممكن يخرح من اوضته في اي وقت ال هيه عملاه ده استهتار
وحمل زجاجة مياه لاسامه وتركهم وصعد
نظرت مي لشهد وانفجرت في البكاء وقالت

سامعه بيقول ايه انا مستهتره عمي قايل انه لما بينام مش بيصحي الا الساعه ٧ الصبح
وما كنتش اعرف انه هينزل كان لازم تقوليلي يا شهد
شهد مبتسمه وهي تضع الدهان علي قدم مي......
يا عبيطه غيران عليكي شافك قمر وشعرك طويل وجميل فحس بغيره
مي بغيظ.... اصلا ولا بصلي هزئني بس
شهد. وهي تغمز لها بعينها .. بتهيالك دا اخويا وانا عارفاه بصلك وشافك كويس كمان والا ماكنش قال كده
وبعدين اسكتي دا اسامه خلص ذنبك منه النهارده ثم انفجرت في الضحك
مي بغضب.....بتضحكي يا شهد وانا محروقه ومتعوره
شهد بمكر... ما شيبو طهر لك الجرح يا بنتي
مي بتساؤل ... هوا كان نازل ليه
شهد.. يسقي اسامه بقولك مطلع عينه
وكل ما ينعس... يصحيه
انفرجت اسارير مي وقالت. . احسن يستاهل

صعد شهاب الي غرفته وهو يشعر بالضيق
وقال لاسامه.... اتفضل اشرب
اسامه بابتسامه.... شكرا وتناول زجاجة الماء من يده ليشرب ثم يستكمل نومه
اما شهاب الذي كان يشعر بالنعاس فقد طار النوم من عينه
اخذ يفكر فيما فعلته مي لقد ارتبكت وكانها رات عفريتا
الهذا الحد تخشاه ام شعرت بالخجل مما ترتدي لا يعلم لماذا فعلت هذا
ثم همس قائلا.... منك لله يا شهد لو كنتي قلتي لي ان مي جوه مكنش حصل كده

في فيلا جمال... نام علي اريكه مريحه لديه وحمل الهاتف ليتحدث الي ماجي قائلا
خلاص هكمل عمي يا ماجي ونيجي لابوكي بس مهديلي عند ابوكي بقي يا شاطره
ماجي... اوكي يا جيمي بس علي الله ما تطلعش نصبايه زي كل مره
جمال بجديه.... لأ نصباية ايه انا جاي بس لما اكلم عمي
يلا يا حبي سلام مؤقت
ماجي بدلال.... باي يا جيمي
خرج نديم من المطبخ يحمل بعد الاطعمه
وقال.... هتدبس يا صاحبي
جمال بغيظ... لا زم اعمل كده علشان عمي وشهاب يطمنولي يا غبي وممكن احتاجها كمان
نديم... تحتاجها في ايه
جمال بحيره.... مش عارف بس اكيد هفكر استفيد منها ازاي
نديم..... معلوم يا صاحبي بس لازم تنتقم من ابن عمك ال شلفطك بالشكل ده
جمال بحقد.... شهاب..... لأ مش وقته لازم اخليهم يثقو فيا زي الاول واكتر... الزفت ال شربتهولي خلاني اتكلم زي الاهبل واطلع ال جويا الله يخرب بيتك يا نديم

_نديم صديق السو ء الذي لا ياتي من وراءه الا كل ما هو سئ
لقد اغري جمال بتلك المشروبات الذي يطلقون عليها روحيه
وهي ابدا لا تسمو بالروح انما تحول الانسان الي شخص قبيح سئ السمعه
لا يعاتبه ضميره لانه اماته بتلك الاشياء البشعه وجعله كالابله يغرد خارج السرب
ليشعر بالوحده وهو بين عم فاضل وابن عم ناصح ويقع في براثين امثال نديم اشباه الرجال

عض علي شفتيه بغيظ
انه يشعر بالغيره من شهاب
تنهشه نهشا كان يامل ان ان يتزوج ابنة عمه ويحصل علي مركز القياده في الشركه بعد عمه الذي يحب شهاب حبا جما
ويضحي لاجله بالغالي والنفيس

قال له نديم بصوت غليظ..... يعني هتتجوز ماجي وانت بتفكر في البت التانيه
جمال بتوضيح.... مي..... دي بت مؤدبه وبريئه وشها بيحمر لو حاولت اقلها كلمه
وعارف يا نديم . الغبي بيكرهها ومش طايقها
نديم... يا عم بطل تخاريف هيتجوزها ليه لو بيكرهها دا شخصيته قويه ومحدش يقد يقول له بم
جمال بحقد ...... الا عمي... الا نور الدين الوحيد ال شهاب ضعيف ادامه
قوم بلاش مواضيعك الغم دي غور علي بيتك عاوز انام
علشان اروح الشركه فايق واحاول اصلح الهباب ال عملته بسببك ياغبي
نديم.... وانا مالي يا جدع
شهاب... يلا يا نديم بقي روح عاوز انام
نديم بتوسل.. .. طب كنت عاوز منك سلفه يا جمال
جمال بحده.... جري ايه يا نديم انت هتشتغلني ولا ايه كل يوم تقولي عاوز قرشين هوا انا خلفتك ونسيتك

نديم.... ايه يا عم جيمي دا احنا اصحاب يا جدع والصحاب لبعضيها وبعدين دا انت جمال نور الدين ال بتلعب بالفلوس لعب هتبخل علي ندومه حبيك
اخرح جمال من جيبه ورقه من فئة المئتين جنيه
قذفها علي المنضده امامه وقال. خد وتروح تشوف لك شغله بدال ال رفدوك منها مهياش تكية ابوك هنا
اخذها نديم وقال.. من يد ما نعدمها يا جيمي ثم انصرف

في الصباح استفاقت نادره باكرا واخذت تربت علي كتف مي برفق قائله. .... مي مي اصحي يا حبيبتي علشان نشوف اخوكي ونجهز
مي بنعاس لسه بدري يا ماما الساعه ماجتش سبعه وانا نايمه بعد الفجر سيبيني شويه
جلست نادره علي الفراش وهي تذكر الله وتدعي لابنها بصلاح الحال والشفاء

وبعد حوالي الساعه استيقظ نور الدين وباقي افراد الاسرة
عدا شهاب واسامه
قال نور الدين لعبده..... حضر الفطار يا عبده واعمل حسابك هنفطر كلنا في الجنينه
قالت شهد.... بس شهاب واسامه لسه نايمين
نور الدين بتعجب... غريبه شهاب بيصحي بدري ديما علشان الشركه
اطلعي يا مي صحيهم
مي بدهشه..... انا.. . لأ طبعا ماينفعش
قالت شهد للوجي.... يلا يالوجي اطلعي صحي خالو
لوجي وهي تشير باصبعها.... واسامه صح
ضحك الجميع وقالت لها شهد.... صح
كان شهاب يغط في النوم فقد تسبب له نومه بجوار اسامه بالارق ولم ينم الا بعد لفجر بمده
نادت لوجي... خالو شهاب
لم يردعليها احد
ففتحت مقبض الغرفه ودخلت لتنادي علي شهاب واسامه
فتح شهاب عينيه ببطئ وقال.... فيه ايه يا لوجي
لوجي... جدو بيقول تصحو علشان نفطر
نظر شهاب في هاتفه الموضوع علي منضده صغيره بجوار السرير وقال.... ياه اتاخرت قوي
هز اسامه بعنف وقال.... اسامه... اسامه
هب اسامه جالسا وهو يقول... الطياره جت
ضحك شهاب وقال... لأ دا هبل رسمي قوم انزل افطر معاهم لسه بدري علي ميعاد الطياره وبعدين الطياره هتيجي لك هنا علي السرير يعني
لوجي... يلا يا اسامه..... يلا يا خالو

قام اسامه من نومه بتلك البيجامه التي يبدو فيها مضحكا ونزل مباشرة الي الاسفل
اما شهاب فقال.... لا حول ولا قوة الا بالله يابني غير والبس هدومك
لم يرد عليه حيث كان قد ابتعد

كان الجميع يلتفون حول منضده دائريه كبيره ووضع عبده الطعام بعنايه عليها
وما ان ظهر اسامه الا واشارت عليه شهد وقالت.... شوفو اسامه نازل ببجامة شهاب
شكله يفطس من الضحك
نادره بغيظ.... عيل اهبل بجد
وخاطبته..... يابني مغيرتش هدومك ليه
اسامه.... اصل دي مريحه وابيه شهاب قال لسه بدري علي ميعاد الطيارة
وجلس غير مهتم بنظراتهم
نزلت لوجي بدون شهاب.... وقالت. خالو قالي انزلي وهيدخل الحمام ويلبس ويجي ورايه
بعد قليل نزل شهاب وهو يرتدي بدله من اللون الرمادي ويحمل حقيبه بها ملفات عمله ونظارته الكبيره

نظرت اليه مي باعجاب كان وسيما انيقا بمظهره الرجولي ورائحة برفانه القويه

صباح الخير.... قالها باقتضاب
وجلس بجوار عمه ليتناول افطاره في صمت
بينما الجميع يتناولون افطارهم اذا بجمال يدلف من البوابه ويتجه اليهم ما ان راته مي حتي هبت واقفه
فقال نور الدين بحده.... اقعدي مكانك يا مي

ولكنهم فوجئو بشهاب الذي اتجه اليه مسرعا ليمسكه من اعلي قميصه ويجره للخارح وهو يصيح
انت ايه ال جايبك هنا يلا بره
جمال.... سبني يا شهاب دا بيت عمي مش بيتك
هم شهاب بلكمه لكن اوقفه صوت عمه الآ مر
سيبه يا شهاب
تركه شهاب ونظر لعمه موضحا. .... بس يا عمي دا
قاطعه عمه.... اقعد مكانك كمل فطارك وخلي الناس تفطر واشار الي نادره واسامه وشهد الذين تركو الافطار وانتبهو لما يحدث
اطاعه شهاب وهو متذمر وجلس علي مقعده المقابل لمي والمجاور لشهد
قال نور الدين وهو يضع بعض الطعام في فمه... عاوز ايه يا جمال
جمال باستعطاف... جاي اعتذر لكم ياعمي عن ال عملته انا آسف يا عمي
آسف يا شهاب
واقترب من مي ليقول... آسف يا مي
ليصيح.شهاب آمرآ ..... ابعد عنها
يطيعه جمال وهو يدعي الندم ويقول
حاضر يا اخويا .. حقكم عليا كلكم انا غلطت ومش هكرر غلطتي تاني يا جماعه انا كويس بس دي غلطه
نور الدين بهدوء.... خلاص يا جمال انتهينا من الكلام ده احنا قبلنا اعتذارك
شهاب..... باعتراض.... لكن
قاطعه عمه. . خلاص يا شهاب اخوك الصغير وغلط
اقعد يا جمال افطر معانا
جلس جمال وهو مسرور ان عمه سامحه
ونهض شهاب عن كرسيه وقال.... انا ماشي لاني اتاخرت عن الشركه
قامت مي ورائه وقالت.... شهاب
ادار وجهه لتقول له.... انا اجازه النهارده وبكره مش هاجي
هز راسه موافقا
فقال نور الدين..... اعمل حسابك يا شهاب تكون هنا قبل الساعه تلاته علشان انت ال هتوصل حماتك للمطار
شهاب.... بس انا مش فاضي وممكن
نور الدين.... لأ انت ال هتوصلهم
ابتسامه جميله من مي لقرار عمها لاحظها الجميع
وقالت شهد هامسه..... بتحبيه والله بتحبيه
سمعتها لوجي فقالت بصوت عالي سمعه شهاب والجميع
مامي بتقول طنط مي بتحبك يا خالو
شهقت مي وكادت تبكي
وضحك الجميع علي خجلها وانصرف شهاب دون ان يشاركهم مرحهم
مال جمال علي عمه وقال... عمي انا عاوز حضرتك في موضوع مهم
نهض نور الدين عن الكرسي وقال.... طيب تعالي المكتب وامر الخدم ان يحضرو اليه الشاي
جلس نور الدين علي مكتبه وفي المقابل جمال

نور الدين بجديه.... خير
جمال..... انا الحقيقه عاوز اخطب وطالب موافقتك حضرتك
نور الدين بتساؤل..... خدت راي ناجي ووالدتك
جمال.... كلمتهم امبارح بالتليفون وقالو ال عمك نور الدين يقول عليه
نور الدين... احمم بنت مين
جمال بصوت منخفض .... بنت اكمل الخراط صاحب مصانع الخراط عيله كبيره
نور الدين.... ايوه عيله كبيره بس اكمل الخراط دا هلاس ومش ماشي عدل واشهر افلاسه من شهرين
جما ل يحاول اقناع عمه.. بس بنته كويسه قوي
نور الدين.... خلاص بدال مصمم عليها حدد ميعاد وهنيجي معاك انا وشهاب
جمال بشك..... تفتكر هيرضي يحي معايا
نور الدين... ان شاء الله
عاد شهاب في الميعاد الذي حدده عمه
ليجد الجميع مستعدون للانصراف
نادره واسامه ومي التي صممت ان توصل شقيقها للمطار
صافحت شهد نادره واسامه وودعتهم كذلك فعل نور الدين
جلست نادره مع ابنها في المقعد الخلفي
وتركو المقعد الامامي لتجلس مي بجوار زوجها
ليتجه بهم الي المطار
في الفيلا جلست شهد ولوجي بجوار عمها
قالت شهد للوجي.... كده يا لوجي مش عيب ال يسمع كلمه يقولها
لوجي بخفة ظل.... مش يا مامي طنط مي جوزت خالو شهاب
ضحكت مي ونور الدين لكلام لوجي
وقالت شهد.... لأ مش جوزته... مراته وبرده متقوليش حاجه سمعتيها طنط مي زعلت منك ومش هتلعب معاكي
لوجي ببكاء.... اسفه يا مامي
احتضنتها امها برفق وقالت... طيب متزعليش ويلا روحي العبي بالعروسه
انطلقت الطفله لتحضر دميتها
فقالت شهد.لعمها.... انت ليه صممت ياعمو شهاب يوصلهم
نور الدين بابتسامه ماكره.... لسبببن
شهد متسائله.... اول سبب
نور الدين.... دول اهل مراته حماته واخوها ولازم يحترمهم ويهتم بيهم
شهد.... والسبب التاني
نور الدين... عاوزه يقرب من مي اكتر البنت طيبه بجد ومحترمه وخجوله وهو مش مهتم بيها
شهد...... ليه لانه مبيحبهاش؟؟
نور الدين بتصميم.. لأ ما اظنش يا شهد انه يكرهها ابدا بس شهاب عنيد ومش عاوز يعترف انه بيهتم بيها شفتيه لما قال لجمال ابعد عنها
شهد بتعجب... اه شفته عجيب اوي اخويا ده
نور الدين.. عاوز ديما يحسسني اني غصبته بس انا ناوي اول ما اخوها ييجي نعمل فرحهم علشان نرتاح كلنا
شهد بشك.... تفتكر مي هترتاح مش عاوزاها تتظلم يا عمو البنت فعلا بتصعب عليه اخويا جاف معاها قوي
نور الدين بتصميم.... علشان كده لازم يتجوزو بسرعه علشان ياخدو علي بعض اكتر
في الطريق الي المطار.. ظل اسامه يثرثر كعادته
ومي تضحك علي كلامه تاره وتصمت تاره
ولان شهاب يسوق بمهاره فقد وصل المطار بعد نصف ساعه على الاكثر
وترجل من السياره ليفتح الباب لنادره وابنها
وتترجل مي ايضا
وتبكي بكاء حار وهي تحتضن اخيها فيقول
دا اسبوع او اتنين يامي... وان شاء الله هاجي
مي ببكاء. تيجي بالسلامة يا حبيبي
مع السلامه يا ماما وابقي طمنينا علي اسامه بالتليفون
نادره بتلقائيه.. عمك قال هيتصل بالمستشفي وهيعرف التفاصيل يا حبيبتي
صافح شهاب نادره
ومد يده ليصافح اسامه ولكن اسامه ارتمي علي صدره واحتضنه بود وقال.... مع السلامة يا ابيه شهاب خلي بالك من مي
فربت شهاب علي ظهره بحنان ان اسامه من النوع الذي يفرض بتلقائيته وعدم تكلفه حبه على الاخرين
في طريق العودة الي الفيلا لاحظ شهاب وجوم مي وصمتها فقال.. . في كافيتريا اهي علي الطريق تحبي تشربي حاجه
مي بخجل... الحقيقه انا عطشانه بس مافيش مشكلة لما نوصل الفيلا
ترجل وامرها ان تفعل فاطاعته ودخلا الي الكافيتربا
جذب لها المقعد فجلست عليه....
وطلب لها عصير طازج وزجاجة ماء ولنفسه فنجان من القهوه
نظرت تتامله باعجاب واضح وترددت قبل ان تقول.... ممكن اقول لك حاجه
شهاب بجديه. .. اتفضلي
مي.... ا. ا. اااااا. يعني كنت عاوزه اسالك ليه ديما لابس النضاره دي بره البيت
مع ان شكلك ما شاء حلو من غيرها
وعت ماقلت فوضعت يدها علي فمها وكانها نادمه
لكنه قال بهدوء..... مسألة تعود
يلا اشربي العصير علشان نمشي
ثم اضاف.... رجلك عامله ايه
مي... الحمدلله كويسه خالص المرهم ده مخلاش اي اثر للحرق الحمد لله
فاخبرها عمها ماقاله لشهاب
لكنها قالت... لأ معلهش بقي ياعمو انا هروح علي طول وشكرا لكل ال عملته وال بتعمله معايا
نور الدين..... يا مي
مي بتصميم..... لأ معلهش يا عمو سبني علي راحتي
نور الدين.... طيب يا مي زي ماتحبي
بعد ان اغلق نور الدين الهاتف نظرت مي لشهاب وقالت..... خلاص وديني زي ما قلتلك بقي هنزل عند الشركه
لكن شهاب قال... فين المكان بالظبط
وقام بتوصيلها الي مقر دار المغتربات لتجد لولو واميمه واخريات لا تعرفهن عند بوابة الدار
اشارت لولو الي السياره.... وقالت صائحه مي اهي راكبه في العربيه ال داخله علينا دي ماشاء الله عربيه دي ولا طياره... واو
ترجلت مي من السياره بعدان وقفت وقالت لشهاب..... معلهش ممكن تنزل دقيقه بدال ما البنات يظنو بيه سوء لان بيبصوا باستغراب. اول مره حد يوصلني يعني وكده
شهاب بتفهم.... طيب وترجل من السياره
اقتربت اميمه ولو لو من السياره
وقالت لولو بطريقتها المرحه..... احد افراد الاسرة المالكه.... ااااقصد يعني عيلة نور الدين
وقالت اميمه..... ازيك يا باشمهندس اكيد حضرتك خطيب مي لان عمر ماحد وصلها
قال شهاب بهدوء... ايوه انا شهاب نور الدين اتشرفت بمعرفتكم ...
قالت مي وهي تشير الي لولو واميمه
ودول هاله واميمه زميلاتي في الاوضه ....
بعد برهه قال طيب انا ماشي
سلامو عليكم
استقل سيارته وانصرف وقالت لولو لمي بطريقتها المضحكه
انا عاوزه من ده يا حزمبل مالوش اخ ابن عم ابن خاله... اي حاجهمن ريحته
مي بمرح.... اه لو اديتك لابن عمه هتولعي فيه
وصعد ت ثلاثتهم حيث غرفتهم المشتركة



تعليقات