رواية ملك قلبي ذاك المغرور
الفصل الرابع والثلاثون 34
بقلم مجهول
*#جمعتنا الظروف للدراسه معا وها هي اليوم تفرقنا هل ي ترى سنلتقي مجددا أم للقدر حكايه اخرى💔...إلى اصدقائي*
انا:لا يعني انتو جااادين اسي يعني معقوله م حتحضروا عرسي😢...طبعا مستغربين لي هايجه كده احساس انو أحمد قال مسافر الامارات يشتغل هناك وشهد راجعه السعوديه أي اهلها وزيزو كمان ماشي لي ابوهو ويشتغل هناك وطبعا هو خطب نور في آخر سنه لينا وهي أساسا اهلها هناك بتجي السودان زيارات بس يعني بالمتخصر أصحابي م حيكونو في عرسي موجودين💔طبعا بنتكلم كول جماعي قررو يتصلو بي ويوروني
زيزو:والله ي بوحه م بي يدنا حاجه الظروف جبرتنا
احمد:فعلا يعني معقوله نفوت عرسك
شهد:اسفه ي بوووحتي 😢
انا:لا لا تمام يعني م عجبكم تسافروا إلا لمن عرسي باقي لي شهر ونعم الأصحاب والله
المهم اتكلموا معاي كتير وقفلت منهم وبس قعدت بكيييييت زيزو تاني اتصل علي بس م رديت رسل لي رسايل بس برضو م رديت كنت موجوعه شديد إني حفارقهم ياخ ديل كانو أخواني عديل😭💔
بليل اتصل علي مراد أنا كنت في البلكونه سمعت تلفوني برن دخلت جوه افتش فيهو أول مره اجدع تلفوني بعيد مني لقيتو وقمت فتحت الخط وطلعت في البلكونه ده كان مراد رديت وصوتي مخنوق وشبه معدوم💔
مراد:حبيبتي انتي بتبكي
#لمن نحب حب حقيقي بنشعر بي البنحبهم من خلال نبرة صوتهم وكلامهم لمن تلقى البحس بيك اعرف انو بالجد بحبك.
انا:أصحابي ي مراد💔
مراد:مالهم
انا:أحمد حيسافر الامارات وشهد لي اهلها في السعوديه وزيزو زيزو ي مراد اخوي حيسافر السعوديه وم يحضر عرسي💔لي كل الناس البحبهم عايزين يفاقوني 😢
مراد:حبيبتي أكيد هم مجبورين أكيد م عايزين يفارقوك في الحياة دي بنقابل ناس كتير وبنفارقهم بي سبب الظروف خليك قويه هم معاك بقلوبهم
انا:طيب بس😢
مراد:عارف صعبه بس انتي اقوى من كده أنا بعرف تسابيح القويه المهما حصل ليها بتفضل قويه وم بتضعف ويلا آسي امسحي دموعك لانك شينه وانتي بتبكي
انا:طيب أنا قويه زي م عرفتني وفعلا هم لو م مجبورين م كانوا اتخلو عني
مراد اتكلم معاي كتير عشان يخفف علي بعد قفل مني اتصل بي زيزو
زيزو:الود المكسرني😂😂
مراد:😂😂ي ود هوي هسس
زيزو:م بتعرس اولاد🌚💔...تخيلو
مراد:😂😂شنو
زيزو:اعمل شنو مكسرني يووخ😂😂..نفس حركاتي 😹😹👊
مراد:المهم أنا دقيت ليك عشان اشكلك 😒
زيزو:لي
مراد:يعني معقوله تبكي مرتي 😒
زيزو:كنت عارف أنها بتبكي بس والله العظيم ي مراد أنا حقول ليك حاجه أقسم بالله أنا لمن ابوي كلمني وعرفت انو م ححضر عرسكم وانو تاني احتمال م ارجع السودان أنا عديت الليل كلو بكى وانا لمن كلمت بوحه مسكت دموعي بالجلاله والله صعب علي افارق أختي بالسهوله دي💔
مراد:شايل كل ده في قلبك ي صحبي💔..المهم أنا عايزك تكون قوي وأن شاء الله حتتلاقو تاني وخليكم على تواصل
زيزو:اساسا حتواصل معاها
#أكتر حاجه عاجباني في مراد انو كان متفهم شديد يعني في الأول كان بغار من زيزو بس لمن عرف هو بيعني لي شنو بقى م بغار زي الاول واحلى شئ انو صاحب اصحابي كمان لانو عارف هم بيعنو لي شنو.
ميار :احللى عرروس في الدوونيا 😍بسحروك ي عسل اتحصني 😘
سموره:طلعتي بت والله ي عم عباس
انا:شوف الرمه دي بلاي😂
ننس:يلا بس باقي التحجيبه صح
انا:يب
أكيد عرفتوا انو الليله عرسي الليله احلى يوم في حياتي لاني حتزوج حب حياتي كنت فرحانه شديد وكأني في حلم😍 بس فرحتي م كانت مكتمله بسبب انو أحمد وشهد وزيزو اخوي ماف سافر قبل اسبوعين كان اصعب شئ لمن سافر يمكن داك كان أكتر يوم بكينا فيهو أنا وهو اتكلم معاي كول قبل م يسافر كان ببكي شديد أول مره كان يبكي جمبي م كان بيوريني دموعوا 💔 المهم برا جمب الكوفي كان مراد وتامر واقفين تامر جاء ووقف قدام مراد كان لابس بدله كحليه
تامر:أنت الحتاخد اختي💔
مراد:حاخدها وحتكون في عيوني
تامر:أختي دي غاليه عندي شديد دي صحبتي واختي وكل دنيتي م عندي إخوان غيرها لو في يوم زعلتها أو بكيتها م حيحصل خير
مراد: م تخاف على أختك معاي م بتوصى عليها
وبس في اللحظه دي أنا طلعت من الكوفير كنت مزه😌.. أي مالكم عندكم شك🌚👊
تامر جاني ومسك يدي وسلمني لي مراد وابتسم ومسح دموعوا سرعه قبل م زول يلاحظ ليها ...تامر م كان اخوي وبس كان صحبي وقريب لي شديد كنت بحكي ليهو أي شئ عن أصحابي وعلاقتي بي مراد لمن حبينا بعض ده كلو عشان كان بثق فيني وعارف اختو شنو☺💜
بعدها مشينا ركبنا اللموزين😌مراد شغال يتغزل فيني ساي وأنا خشمي م فتحتو براي متوتره😹😹🌚💔
مراد:ارح نهرب ياخ م عايز الناس تشوف مرتي
انا:بلاي انت واحد مجنون وأنا م حشتغل بيك🌚👊
مراد:مجنون بيك 😍..المهم سيبكم منو ده مجنون ساي يلا وصلنا الصاله دخلنا في ممر كده فيهو ورود بالبنفسجي وسجاده طويله بنفسجيه دخلنا الصاله بي اغنيه واول م وصلنا نص الصاله رقصنا سلو بي اغنية اجنبيه ومراد شغال يتكلم معاي وأنا في عالم تاني متوتره وم قادره اعاين ليهو 🌚💔وقعدنا في الكوشه وبس أشوف ليك زول
جاي علي...