رواية هيامى الفصل الرابع عشر 14 بقلم سندس مالك

          

رواية هيامى

الفصل الرابع عشر 14

بقلم سندس مالك

يوم السبت من الصباح صجيت افكر.. اها حنعرس بتييين انا وفهد ... المشكله انو فهد تقيييل وبحب يتريس في المواضيع .. بس انا مقللقه وشفقانه عاد لكن شديييد 😂😂😂 .. امشي واجي في الغرفه وديلك مشو الجامعه كلللهم خلوني .. مع رشا جات رشا وشايله تلفونها وبتسمع وشافتني ماشه جايه زي المره الحامل .. قالت لي هيام في شنو 😡 عملتي لي ازعاج ماااممكن ..

قلت ليها .. معليش يابتنا اسفيييين 😿😿 ..

( وتررم ترررم تلفوني ضرب فهد،😍😍 ... اول قعدت انطط .. فهد فهد ضرب😍😍 ورشا بتحمر لي 😒😒 .. رديت عليهو قدامها)

فهد: يابييبي .. صباح الخيير.

انا: صباح الخير هسي حبييبي ..😔 اتأخرت مالك من الصباح ما سألت عني 😔..

فهد: كنت مشغووووول وحاولت اخلص بدري .. لأني هسي عندي شغل اهم كده😉

انا: كيف يعني مااافهمتك 😳..

فهد: كدي عااايني بالشباااك .. 😆

( جريت فتحتو سريييع وشفت فهد تحت بالعربيه فتح شباكو واشر لي بيدو .. وطبعا اشرت ليهو زي الهبله😂😂.. وهناك رشا بتحمض في الافلام دي وبتعاين لينا وممغوووووصه من جواها .. )

فهد: جيت افطر مع قمررري .. واتغدا معاها ☺براااانا كده ...

انا: 😍😍😍 وانا كنت حازعل وقايلاك مشغول لسه ..

فهد نص ساااعه بس ياهياام .. سااامعااني .. نص ساااعه بس وتنزلي لي تحت 😒😒 وابقي مررره اتأخري لي😒😒

انا: قلبوووشي .. امرك بس نص ساعه ..

( مشيت ختيت التلفون يشحن ودخلت استحما .. رشا هنا فتحت تلفوووني وشالت رقم اخوي اشرف وحفظتو عندها .. ورجعت التلفون في الشاحن سريييع .. ومشت وقفت في الشباك تعاين لي فهد وهو منتظرني .. بقت بتعاين لي عيونو ولي ملامحو ولي دقنو😔😔 .. ولي ساعتو وليهو كلو😞.. وانا طبعا استحميييت براااهو نص ساعه كده بتاعت فهد وطلعت .. لقيتها قاااعده بتسمع لسه ..عاينت ليها 😕 ومشيت فتحت دولابي وفهد خلاص بدا يضرب تلفونات وانا بضحك فيهو 😂😂 طلعت فستان راااقي شديد باللون الموف 😍😍 وطرحه تركيه زهري خفيييف .. وااتمكيجت وعملت قلوس خفييف في شفايفي ... ونزلت بعد ساعه ونص 😆💅 .. طبعا فهد لقيتو اخلاق وصلت السما ورجعت .. ودايره يكورك واول ما اتلفت علي ..كتلت حيلي😔 وقلت ليهو .. حبيييبي اشتقت ليك ☺☺ ..)

فهد: 😒😒😒 بس دي حركاتك معاي👋👊

انا:😁😁😁 .. يعني ما مشتاااق لي .. فهوودي 😕 .. لالا ماجايه .. فهدي 😕 .. برضو ماجايه .. فهدت كبدتي😕😕..

فهد:هياااااام ده شنو،😂😂😂 بتتعولقي مااالك .. خليني فهد احسن عليك الله بالله😂😂

انا: ياخ بدلع فيك ياحيوان .. مابتستاااهل زاتو😒😒👋

( مسك يدي وجراني للعربيه .. واتكلت فيها جنبو .. 😋 قرررب من اضاني وقال لي .. مشتاااق ليك شدييييييد لدرجه نفسي اعقد عليك المغرب ده .. واسوقك معاي العشاء ☺ .. واخليك جمبي كده 😉)

انا: كده كييف ياولد😳😳 .. هووووي احسن ليك زح من جمبي 👻..

ومشيت ركبت العربيه وقلت ليهو ارح يلا انا جعاااانه 😒 .. فهد قال .. دي مالها دي😕😕 هسي الهبشها منو 😕😕 ..

دخل لي جوه وقال لي .. تصدقي البنات ديل منفسنات كللهم 😂😂😂 .. دايرين سبب بس عشان تنكدو على روحكم .. 😂

انا: فهد 😏 اقوم عليك اوريك نفسياتي ..

فهد: لا خلاص .. 😂😂 اخر مره ضربتيني يدي علمت .✋

انا: طااخ بنيه في كتفو👊👊 .. وطوااالي دورنا العربيه 😂😂

( في الطريق .. فهد: هيام انا رجعت بيتنا الصباح ☺)

انا: احللللف.. ايووووي يووووووي💃💃

فهد: يابت اهدي الزغاااريد شنو 😂😂 ..

انا: مااامصدقه يااافهد .. اخييييرا رجع شمممل العيله .. مبسووزطه منك حبييبي انا .. الحنييين الرااايق الرزييين والزين👏👏

فهد: ياخ انتي😂😂😍😍😘.. ماالك ياخ معاي .. جيتيني من وييين انتي بس😍😍 ..

انا : من الشارع وحاات الله✋

فهد 😂😂 هيامي ...

انا: نعم حبييييبي☺

فهد: انا بريييييدك ريده .. غريييبه زاتو😍

انا: آدري والله آدري 😆.. اصلا وييين تلقى زيي انت😆.. بنت حلوووة وسكررره وعسسل عسسسسل عسسسل يانااس😆.. هاااك بوسه ليك هيووومه الفي المرااايه😘😘

طبعا فهد بعاين لي وبضحك😂😂😂قال لي .. اووول مره اشوف زول بحب روحو كده😂😂 انتي يابت طبيييعيه متاكده .. راسك ده مافيهو خلل ،😂😂

انا: ياخي انت وريني بس .. لاقي وحده زيي وين

فهد: كتاااار والله واي وحده اسمح من التانيه ..

انا:فهد😳😳😳 ..

فهد: ماااالك بتعايني لي كده .. قلت ليك كتااار وسمحااات سماحه تلخم زاتو وكمان بعرف بنات من الجامعه كانو سمحاااات وغنيانااات 😉😉

انا:😔😔 .. طيب

فهد: انتي كنت قايلاني ماحصل شفت غيرك بنات سمحات ..؟؟

اانا: لالا اكيد شفت .. خلاص😔

( قبلت على الشباك وانا زعلانه 😔 كان نفسي اخنقو لكن زول يقول ليك كده اكيد حتزعلي وماحتتفاصحي ... 😔😔 .. وسكته وفهد بعاين لي بقعر عينو وبضحك فيني لاني زعلت بجد 😂😂 .. لكن سكت وما اتكلم لحدي ما وصلنا شاورما عربي ووقف العرييه وقبل ماننزل انا لسه زعلانه ومتمسكنه 😔😔 .. قال لي : هييي هيامي .. انا شفت بنات كتار وسمحات بس مااافي وحده فيهم جميله زي قمررري دي .. انتي جمالك برااااهو وانتي زاتك بررااااك .. انتي مختلفه عنهم كللاهم ومافي ول بشبهك .. ومميزة في قلبي وفي عقلي وفي عيوني.. انتي لو بتشبهيهم ما كان ملكتي رووحي. واحساااسي كلو 😍 .. ويلا ياعسل قومي انزلي نفطر .. لانك لو مانزلتي سريع ممكن أكل خدووود الحلووة دي وأقرم عيونك دي 😍😍 وأحلي بي..

انا:😂😂😂 خلاث خلاث .. ناازله قبل ما تتغلب وحش. قليل ادب😂😂

فهد:😂😂😂 .. حيوااانه دي👊👋..

نزلنا وطلبنا شاورمتهم العجيييبه دي❤❤ .. وقعدنا نفطر سوا .. ونتونس مع بعض ..

فهد: امبارح اهلي سألوني البت دي منو وخصوصا ابوي!

انا قربت اتشرق من الخوف... قلت ليهو اهااا قلت ليهم شنو ..

واللليله سجمممك ياهيام والليله✋✋خلاااص انتهييت .. اي واحد فيهم حيرفدني من مكان وابوك حيجدعني بره السودان😢😢✋

يحليييلكم ياهدى ونور .. واااي انا يحليلها الجامعه والناس😢✋ . يحليلك يافهد 😢✋ حنفترق خلاااص وحيحبسوني اهلي هناك عشلن ما ارجع 😢😢✋ .. احححي يااقلبي ..

فهد: يااابت😳😳 هسسس هسسس 😕 اهدي يابت .. ابردي شويه .. جنك كلام كتير👋👊 كدي خليني اتم اول حتى ولولي واقلبي لي بيت بكا 👋😕😒😒حيوااانه دي😒

انا: خلاص سكت اها تم😔

( يحليلك ياا هدى 😔)

فهد:😂😂😂 غايتو انتي مالاقاني زول زيك .. خلاص هس ماتتكلمي بتحت تحت 😂😂. .

انا: خلاث سكت 😔..احكي

فهد: قعدت ناس البيت وقلت ليهم .. البت دي هي السبب في اننا نتلم 😘 .. البت دي انا دايرها بالحلال وقريييب .. ان شاء الله ..

ابوي قال لي .. نحنا معاك ... طبعا عارفاهو انت ماداير يعارضني تاني😂 .. حتى بدون مايستفسر عن اهلك قال لي .. طوالي معاك بس انت حدد ..

يلا انا قلت ليهو باقي ليها شهور بسييييطه لي نهايه السنه وفي الإجازة نعمل زواج وتنزلي سنه تانيه وانتي مرتي ان شاااء الله ..

😉😉 وبعدها حأقدر اكل خدودك وعيونك وااااي حااااجه حتبقى حلالي زاتها وبعداك بتصرف براي وعلى مزاجي 😉

انا:☺☺ فهد هس ياخ خجلتني😒😒

فهد: وحلاااااتي يانااااشي .. بتعرفي تخجلي انتي 😂😂

انا:😂😂فهد احسن ليييك ..

فهد: والله تلقيك من جوه عايزة تزغردي عشان قلنا العرس .. عااارفك شفقاااانه 😂😂

انا: ااااي وحااات الله 😂😂😂 عااايزة ازغرد لكن ماف طريقه الناس بكشفو لي👀 ..واصلي حضرتك انا لي سمعه برضك 👏✋

فهد:😂😂😂😂 ياخ انتي عسسسلي ..يلا اكلي عسان في مفااااجأة حلوة عايز اوريك ليها ..

انا: فهد في شنو 😍😍 كده ما حاقدر اصبر لكن 😒😒 ماكان تقول لي وانا باكل

فهد: اكلي وبطلي شفقه عشان اوريك 😉😉

( في الداخليه رشا شالت تلفونها وضربت لي اشرف اخوي .. )

رشا: الوو معاي اشرف ؟؟

اشرف: ايوه انتي منو ؟؟

رشا: ما حاقول انا منو... بس ممكن تقول زوله عايزة ليك الخير انت واهلك

اشرف: عفوا؟؟؟

رشا: اختك السمحه هيام .. معانا في الداخليه .. معليش على الكلام الحاقولو وياريت يفضل بينا انا وانت بس !

ممكن؟؟

اشرف:😡😡. عندك كلام قوليهو ... ولا حاقفل فيك

رشا: هههه .. البت طلعت شفقانه زي اخوها

طيب بالله اختك التااافهه القليله ادب .. بتطلع وتنزل مع حبييبي وملصوووقه فيهو زي اللصقه اعوذ بالله منها ..

اشرف: يابت الزمي حدودك دي اختي اووووعك تجيبي سيرتها

رشا: اختك اقدر لمها لو انت راجل 😡😡 .. مااممكن تتلصقفي فهد كده وتطلع وتنزل معاهو وتجي متاخره اخر الليل .. والله اعلم بتقضي الليل وييين لما تغيب من الداخليه

اشرف:يااابت😡😡😡

رشا: ياحبيبنا اهدى اهدى .. انا حاقفل التلفون والشريحه دي مااا مسجله عشان ماتتعب ترجع لي .. وحارسل ليك وضعيات اختك مع فهد ولو ماقدرت تجي وتلمها انت .. انا بعرف المها كيف تمام .

( قفلت رشا ورسلت ليهو صور لي .. صورتها لينا الصباح لما كنا واقفين تحت .. لما مسك يدي جراني ولما ةقفت جنبو وهمس لي ... وطبعا قبليها صورت لي اشرف المنظر غير وفهمتو بكريقتها الخبيثه اننا بنعمل في حاجات غلط وبنبيت بره البيت سوا 😪 واشرف بعد سمع كلامها شاف الصور راسو شطب واتملا بالافكار الكعبه .. ونسى اني اختو واني مستحيل اعمل كده وكان نفسو يجيني الليله قبل بكره ويقتلني لانو كان في وضع كعععب شديييد وغضبااان وماشايف قدامو)

وانا وفهد ماجايبين خبر الدنيا هناك وفي فرحتنا وفي بسطتنا .. طلعنا من المطعم وركبنا وقال لي يلا اوريك المفاجأة وين

كنت مبسوووطه ومتششوووقه لما دورنا العربيه 😍😍وماعارفه المخبيهولي القدر شنو .. هنا عااايشه الحب .. واخوي هناك 😡😡😡..

وماشين في الطريق وكل دقيقه انق واسال فهد ماشين ويين ؟؟

ويقول لي هو .. اصبري لحدي ماوصلنا اخيييرا 😍😍😍

             الفصل الخامس عشر من هنا 

لقراءة جميع فصول الرواية من هنا

تعديل المقال