رواية ولنا في الحلال لقاء
الفصل الخامس والعشرون 25 والاخير الجزء الثاني
بقلم منى الهادي
منى قالت لي يوسف منو يا متوكلَََ؟!
متوكل:_لا حوله ولا قوة إلا بالله العلي العظيم يامنى يوسف صحبي ليه انتي م عرفتي الصوت بتاعه مش يوم العرس كان بتكلم قدامك وبشاغل فيك بس اصبري لي والله م انومو بيها اصلآ من حركاته الكان بعمل ليك فيها عرفتها م حركات زول ساااااي
منى:_والله م كنتا عارفه ي متوكل والله م عارفه وبعدين انا اصحابك ديل لي يوم الليله م اتلقيت معاهم غير بليل واصواتهم م بعرفها عديل كيف اعرف دا يوسف ولا م يوسف
تالين:_يوسف الكلب انا زاتي الصوت م كان غريب علي يا متوكل لكن نهائي م اتخيل لي يكون يوسف
ولو تتذكري يا منى قلتا ليكي الصوت انا عارفه بس سيدو م وقع لي
منى:_م بهمني يا متوكل بس خلصني من الحكايه دي انا بسبببها بقيت م بعرف انوم يااااخ
متوكل:_اعتبريها اتحلت خلاص بس عايز منك حاجه اعمليها وارتاحي خلاص
منى:_حاجه شنو؟!
متوكل:_اتصلي علي يوسف وقولي ليهو انك موافقه تتطلقي مني وحاولي تخلي يتلاقي معاكي واغلطي فيني عشان يصدق
منى:_بس يا متوكل؟!
متوكل:_م بس ولا حاجتين اعملي القلتو ليكي
فرح قالت ليها لو م بتقدري اديني انا بتكلم معاه لكن وحات الله يوسفكم دا م اخلي ليكم
متوكل:_معليش يا خاله لازم ننتهي من الموضوع ده الليله
منى:_طيب جابت رقم يوسف واتصلت عليه
بهناك سديم قالت لي يوسف عايزه تتلاقي معاه
يوسف قال ليها ظابط
وقبل م يتم كلامه منى دخلت عليه بمكالمه
يوسف قال وااااي
سديم:_مالك الحاصل شنو يا يوسف؟؟
يوسف:_منى بتتصل علي ودي عمرها م عملتها
سديم:_طيب رد ليها سريع واعرف هي عايزه شنو ووريني
يوسف:_تمام خليك في الخط اصلآ هي م بتتكلم معاي كتير
سديم:_تمام
يوسف فتح الخط
جاهو صوت منى
بقول ليك انت مش بتحبتي؟!
يوسف:_من اول مره عيني وقعت عليك
منى:_طيب انا موافقه اتطلق من متوكل واتزوجك
يوسف:_هههههه الغيير رايك فجأه شنو ولا دي خطة منك؟!
منى:_لا م خطة ولا حاجه بس متوكل هو الجابها لي نفسه
(طبعآ كلهم بي متوكلين عاملين كده 😳 دايرين يشوفو مهارة منى في التمثيل 🤭)
يوسف:_خير بس الحصل شنو)؟!
منى:_اتخيل الليله بقي ينبز فيني عشان اموه وقال لي انا قروية وهو ندمان عشان اتزوجني وووووو كلام كتير عمري م اتصورت اني اسمعه منو
يوسف:_طيب روقي م تنفعلي
(شكلها اللعبه دخلت عليه)
(منى ابتسمت وعاينت لي متوكل متوكل ابتسم ليها وقال ليها بيدو كملي كملي)
منى رجعت تتكلم
لا م بروق ولا بروق انت م عارف العملو فيني شنو كلام مستحيل ارضاه في نفسي وعايزه انتقم
يوسف:_انتي جاده؟!
منى:_لو م جاده م كان اتصلت ليك وعايزك تشوف لي حاجه انتقم بيها
يوسف:_طيب انا بثق فيك لكن م تلعبي بي عشان رقبتك ح تطير فيها
منى:_لا م بلعب بيك ولا حاجه انا ممكن اتحالف معاك لكن بشرط
يوسف:_شرط شنوووو؟!
منى:_نتلاقي ونخطط لي اي حاجه مع بعض
يوسف:_سكت قريب خمسه دقائق لمن منى قالت خلاص مستحيل يوافق لحدي م اتكلم وقال ليها موافق
منى بقت تنطط قالت لي تمام اتفقنا نتلاقي بعد وعاينت لي متوكل متوكل عمل ليها بيدو ساعه ساعه
قالت ليهو نتلاقي بعد ساعه
يوسف:_طيب اصلآ انا م عندي حاجه بس وين
منى:_في المكانات الفلانيه
يوسف:_طيب من دربي دا بمشي هناك
منى طيب وقفلت علي كده
منى بقت تنطط واااااي عملتها
متوكل قال ليها انا واثق انك ح تقدري
منى اها ح اعمل شنو تاني
فرح قالت ليهم سوقوني معاكم اقع ليكم في ود الكلب دا كفيت من حرقت روحي دي
متوكل اي انا وانتي ومنى وتالين ح نمشي بس انتي م ح تعملي اي حاجه يا خاله
فرح قالت لي تمام
منى اتناولت ليها عبايه وطلعت متوكل آجر ليها تكسي ومشي بوراها عشان يوسف لو قدر الله شافها م يشك
المهم منى اتحركت علي المكانات
يوسف رجع لي سديم وقال ليها الحاصل سديم قالت لي بس دي جاتني في مكاني انت امشي وانا برضو بجي اخد ليها معاك صور وارسلها لي متوكل
يوسف:_بس كده متوكل بشوفني
سديم:_م تخاف بغيير وشك وباخد من الجنب م مباشر لي وشك
يوسف تمام هسي انا ماشي هناك عشان الحق
سديم قالت لي وانا اصلآ لابسه بتحرك هسي لي هناك
(عزة سمعت سديم لبست توبها خلتها مشت ولحقتها بعربيتها)
كلهم وصلو المكانات نزلت إلا منى والباقي بعيد في العربيه متوكل قال ليهم إلا الحكايه تتشد بعدين ننزل
طبعآ المكانات م فيها ناس زي م قال متوكل لي منى تقول لي يوسف
منى قعدت شويه زول جا مسكها من كتفها اتلفتت شافت يوسف
عملت نفسها متفاجئة قالت ليهو مش انت صاحب متوكل الكان شفتك يوم الزفه؟!
يوسف:_ههههههه عليك نوررررر
حتي بي العبايه سماحتك م ليها حدود
منى:_بالغت معااااي لكن معقول تطلع كل الزمن دا انت وانا م عارفه صح كان مفترض نشك فيك من الكلام الكنتا بتقول لي فيهو يوم الزفاف داك
يوسف:_غلطان يعني عشان اخدتي قلبي انا لفيت داخل البلد وبرا ذيك م لقيت ليه اخليك لي متوكل هو احسن مني في شنو لمن هو يتزوجك وانا لا
منى:_م سمعت بحاجه اسمها القسمه وبعدين انا الصراحه م اتوقعتك تكون انت
يوسف:_اتوقعتي م اتوقعتي المهم طلعتا انا اها قولي لي ح نعمل شنو عشان ننتقم من متوكل
منى:_والقال ليك منو انا عايزه انتقم من متوكل؟!
يوسف:_ولمن م عايزه تنتقمي منو القلتي لي في التلفون داك شنو ولا نويتي تتخاسسي معاي يا منى
بس ان شاءلله م يكون كده عشان وقتها ح تكون نهايتك
منى:_اصلآ انا كنتا بتخاسس عليك وعايز اقول ليك م بتلحق تقتلني
سديم وصلت المكانات وطلعت الكميرا وبقت تصور وهي م عارفه متوكل والمعاه شايفنها طوالي متوكل جري ليها مسك منها الكميرا وبعد كده مسكها لي فرح
(وفرح تعرفونها جيدآ 😂)
متوكل جري لي يوسف قبل م يخت يدو في منى
وفرح وقعت في سديم كفوف لمن وشها حمر وجرتها هي وتالين ولحقو متوكل
متوكل:_م اتوقعتها منك يا صاحب عمري
يوسف:_😳😳😳😳😳 انت الجابك شنو وعايز يمسك منى من شعرها اكيد دي انتي يا خسيسه
م تصدقها يا متوكل مرتك عايزه توقع بينا وكانت بتتصل لي وتقول لي انا بحبك وم بحب متوكل وكلام كتير م تصدقها
متوكل وقع فيهو ضرب لمت نزف
وبقي يقول ليهو تخوني انا؟!
انا كنتا معتبرك اخوي وسندي يجي انت علي آخر الزمن تعمل معاي كده قصرت معاك في شنو انا قول لي بس!
يوسف:_ههههههه قصرت معاي في شنو؟!
قول م قصرت معاااي في شنو؟
ليه انت هسه تكون في المكانات دي وانا لا
ليه تتزوج بت زي منى وانا لا
ليه الناس كلها تحترمك وتضرب ليك تعظيم سلام وانا لا
احسن مني في شنو انت
لو انت بتتعب انا بتعب اضعاف
ليه انت حظك السمح وانا لا؟!
متوكل:_معقول ماشي معاي كل السنين دي كلها وم عارفك انا وانت حاقد علي كل الحقد ده؟!
م انا بس عمر برضو بكره الأرض البتمشي عليها
(طبعآ كده وضح الزول المع المجهول كان عمر صاحب متوكل ويوسف برضو)
بس عمر مسكين وخواف
لكن انا لا عايز ادمرك وبدمرك
وعاين لي منى قال ليها انتي لي فاهمه انتي لي انا وبس ومتوكل تحلمي بي حتي لو اقتلك واقتل نفسي
(عزه اتصلت لي محمد وليهم كلهم ووصفت ليهم المكانات وجو جارين)
متوكل رجع يضرب في يوسف ويوسف زي المجنون بضحك
محمد جا هو وامل جارين بعدين مسكوو من يوسف امل قالت ليهو خليهو الوسخ عشان م يتحسب عليك زول
محمد عاين لي سديم وتف ليها في وشها عشان عزة اعترفت ليهم بكل حاجه
قال ليها للأسف كنتا معتبرك زي بتي لكن من اليوم لا بتعرفينا لا بنعرفك
سديم:_متوكل لي وم لي منى مفهوم لي انا وبس
وانا بقتلك يا منى مفهوم بقتلك
عزة:_عارفه انه م وقتو بس يا استاذ محمد الحق م علي بتي بس بتك ومرتك هم الراس الأساسي في الحكايه بتي كان دايره تصبر علي فراق محمد بس بتك ومرتك هم الدخلو الحكايه تاني في راسها
وحتي قصه يوسف ليها مرتك وبتك طرف اساسي فيها
محمد عيونه قلبت حمر وعامل كده 😳
سوزان قربت تبكي ومتوكل متصدم في اموه والكانت دايره تعملو في مرتو معقول تصل بيها لي هنا؟
محمد ضرب امل كف قال ليها انا كنت واثق انك م ح تقيفي علي كده وبس
فرح زعلت وحلفت تكشف امل خساسه بخساسه
قالت لي محمد مدام الحكايه بقت كده اسمع مرتك كانت بتعمل شنو زمان
مرتك دي الخساسه والعفانه كانت معاها من زمان كانت فاتحه بيت وبتبيع فيهو شرف بنات البلد لي الناس البتجي من المدينه
وكانت ماشه علي كيفها
انت عارف مرتك دي كم بت ضيعت ليها مستقبلها؟!
انا كنتا قاعده وعارفه وحتي انا من الناس الجات واتفقت معاي امشي في الأمور الكعبة وافقت عشان ابلغ فيها بس هي م عارفه عرفت كيف هربت علي المدينه في ليلها قبل م الشمس تصبح
هي كانت محافظة علي نفسها لكن بتدمر في بنات البلد وبتغري فيهم بي القروش وتوعدهم ح يتزوجوهم ويسفروهم المدينه بس وين كان اي واحد بشيل العايزو بسافر من دونهم وهي توعد فيهم المره دي م مرة دي شيطان يا اعوذ بالله منها
انا نسيت قصتها لكن يوم الشفتها لمن جات المدينه بس بحاول اتذكر فيها لحدي م وقعت لي
وقلت في البدايه هي تابت استرها بس الظاهر الفيهو حاجه كعبه م بطلها م عارفه احتمال هسي تكون بتعمل في حاجه زي الكانت بتعمل فيها زمان ونحنا م عارفين
محمد كفتها تاني قال ليها انا غلطان عشان م سألت من فصلك واصلك كان اسأل واشوف ماضيكي الكعب ياكلبه
تقولي لي انا مقطوعه من شجره وجيت المدينه عشان اكل عيش وتخليني اتزوجك وانتي اتاريكي عامله مصيبه
امل:_والله اتغيرت انا ومن يوم م عرستك عدلت دربي يا محمد
(كل الموجودين عيونهم قربت تطلع 😳)
محمد:_انتي طالق طالق طالق
واتحرمتي علي زي امي واختي يا امل
وهسي دي ترجع البلد الهاربه منها دي م اشوفك في شوارع الخرطوم دي نهائي انا عندي ناس في اي مكان والله يقولو لي شافوكي اندمك علي حياتك يلا طيري من قدامي
امل جات لي متوكل انت موافق يا متوكل علي كلام ابوك ده؟
متوكل:_بالملي وانسي انو عندك ولد اسمو متوكل وم تورينا وشك تاني لي يوم القيامه
امل مشت وهي بتبكي بس بدا كلو بتتوعد لي فرح ومن في قلبها وبتقول ليهم والله إلا كان اموت م عندي حاجه اخاف عليها تاني بس لا بد ارجع ليكم في يوم من الأيام
محمد كفت سوزان لمن تالين مسكتوو منها قال ليها من اليوم مافي ليك عربيه لا جامعه لا غيروووو ولو م كان امك عارفها وعارف حركاتها كان عديتك معاها بس م عايز ينسبوك لي بحاجه كعبه لكن بعرف اربيك كيف
عزة اتاكدت بتها م بنفع معاها علاج في البيت عشان كده عصرت علي قلبها خافت تقتل ليها زول وتشيل ليها رقبه ساااي
ودتها مصحه لي الامراض العقليه وخلتها هناك
كلهم رجعو البيت مكسورين خاطر وكل واحد دخل غرفتو وقفلها علي
متوكل دموعو م وقفت منى كانت حاضنه قالت لي روق يامتوكل كل حاجه بتتحل
متوكل:_مافي حاجه بتتحل يا منى مافي حاجه معقول امي كانت بشكل ده خلاص بقت لينا ماضي كعب مستحيل نقدر نتجاوزو يوم
منى:_بتطمن فيهو وقالت ليهو كل حاجه بتتحل متأكده
كلهم ناموا مكسورين منى فضلت جمب متوكل طول الليل وم خلتو براهو
الصباح
الباب ضرب
فتحت الباب ماريا
لقت ديل فاطمه وابرار قالت ليهم خير عايزين حاجه؟
ابرار:_عايزين منى لو سمحتي
ماريا:_قصدك المدام منى؟!
ابرار:_ااااااي
ماريا:_اقول ليها منو؟!
ابرار:_معليش بس قولي ليها في ناس منتظرنك.
ماريا:_طيب اتفضلووو لحدي م اناديها ليكم
ابرار وفاطمه دخلو قعدو في الكراسي وفاتحين خشومهم ومقهين في البيت
ماريا طلعت لي منى ومنى نزلت معاها
ابرار من شافت منى وقفت وبقت تبكي
منى جرت عليها حضنتها قالت ليها قلبي معاكي يا ابرار لو م كنتا مضغوطه كنتا دايره اجيك لي البلد
لي يوم الليله م مصدقه خالتي ماتت 😭
ابرار:_امي خلاص مشت وخلتني يا منى 😭...
منى:_مافي زول قدري عارف اللحساس ده 😭
ابرار بعدت عنها قالت ليها امي قالت ليك سامحيها يامنى الوصية دي قالتها قبل م تموت وعملتها لي في رقبتي قالت ليك سامحيها عشان ترتاح في قبرها مع انها عارفه م عملت ليكي غير الكعب
منى :_انا م منتظره منك الكلام دا يا ابرار انا سامحتها من اول م سمعت بالخبر ومافي في قلبي ليها غير الرحمه الله يسامحها ويسامحنا جميعآ
ابرار:_انا خجلانه منك يا منى بس لو قدرتي سامحيني برضو 😭
منى:_م اكذب عليك يا ابرار كان قلبي مليان من ناحيتك بس لمن عرفت خالتي اتوفت اتعاطفت معاك غصب عني والله
واتذكرت الحصل لي عشان كده سامحتك 😭💔
ابرار:_حضنتها قالت ليها مع اني م بستاهل سامحتيني الله يجزيك خير يا منى
المهم
منى سامحت ابرار وخالتها من قلبها وعرفت كان شالت في قلبها ولا لا الدنيا دي م بتخلي ودواره شديد
قعدت تتونس مع ابرار وفاطمه كأنه م حاصله حاجه
ولي أول مره ابرار تعاين لي الخير البقت فيهو منى واتمنت ليها في قلبها الخير زياده 😍
الصباح
ابرار وفاطمه قالو راجعين
منى قالت لي ابرار اقعدي معاي
ابرار قالت ليها نفسي بس لازم ارجع مع خالتي فاطمه بس بجيكي تاني ان شاءلله لو في العمر باقي
فاطمه قالت ليها ابرار دي وصية امها م بقدر اخليها بوراي يا منى
ومنى قدرت الحته دي وودعتهم بعد م ابرار وعدتها ترجع تجيها تاني هي وفاطمه
النهايه
يونس بعد م عرف ابرار اتغيرت اتقدم ليها ووافقت بيهو وعمل عرسه في البلد وبعد كده قبل العرض بتاع متوكل وسافر المدينه مع ابرار يسكن معاها هناك ويشتغل
ومنى لمن عرفت فرحت وبقت تمشى تزور ابرار وابرار تزورها وعلاقتهم بقت حلوه
واتحقق كلام سندس لمن قالت لي ابرار لو ربنا قاسم ليك ح تتزوجي وتمشي المدينه
امل مافي زول عارف مكانها وين من آخر مره شافوها فيها
متوكل رجع طبيعي وحبو لي منى زاد عشان وقفت معاه شديد
وسجل ليها في المدرسه امتحنت وح تدخل الجامعه وفي نفس الوقت نزلها معهد انجليزي وبقت شاطره في الانجليزي نجحت ودخلت الجامعه
قسم ادارة وبقت تساعد متوكل في الشغل برضو
فرح لسه علي حركاتها المضحكه ديك ومحمد اكيد م ضيعها من يدو وعقد عليها
ومتوكل بقي يقول ليها امي
ومنى بتقول ليها هسي اقول ليك عمتي ولا امي 😂
سوزان حالها انعدل بعد الشافتو من ابوها وسمح ليها ترجع جامعتها بس بشروط
سديم اتعالجت وطلعت من المستشفى وبعدت عن كل حاجه كعبه وبقت مطيعه
متوكل قطع علاقته بي يوسف وعمر واستعوض فيهم الله
حامد الطمع خلهو يخسر اي حاجه وصفي علي الحديد وبدأ من اول وجديد وندم انو اتسرع في حاجات كتيره
متوكل ومنى جابوا ليهم بنوته حلاتها شايله من ملامح امها وابوها ومتوكل مدلعها شديد ومنى محتجه قالت لي متوكل بتخرب لي بتي
منى عملت لوحة كبيره كان مكتوب فيها
*لقت التقينا عند الحلال الطيب ويا له من لقاء💜😍*
*يبدو أنّني لن أتجاوز معك لهفة البدايات، يبدو أنّني سأحبّك بهذا الاندفاع إلىٰ الأبد.*
الأسرة كلها حياتها استقرت والحمد لله وكالعاده فرح سبب البهجة في البيت
السعادة الممكن تتزرع في الناس م ليها علاقه بي عمر وفرح برهنت الحاجه دي
*عوض ربنا كبير ودائما بكون شامل كل حاجه وم لازم نيئس نهائي مدام ربنا شايف الخير الفي قلوبنا 💜
_الحمد لله خلصت،،،، معليش لشحتفة،،،، ودي تكمله بس بي الجزو الأول عشان الظروف كان جبرتني انهيهو ناقص 🥺
*أُحبُّكَ جدًا و أعيِّ تمامًا ما معنىٰ أن يموُت أحدهُم في الحُب، و يُهزم بألف قرارٍ في الحُب، و يغرق في الحُب دون إيماءة كفٍ تُنجيه، أُحبُّكَ جدًا و ما كُنت أعلم بأن الحُب برقٌ و إعصارٌ وريحٌ وبردٌ وثلجٌ و إختلالٌ و إتزان، وما كنت أعلم بأننيِّ سأعلِنُ فنائي و إتزاني في حضرةِ عينيكَ..💜*
تمت بحمد الله
لقراءة جميع فصول الرواية من هنا