رواية احلام ورديه
الفصل الثاني عشر 12
بقلم نوسه حمد
قبلي م اكتب الروايه
يا جماعه احلام ورديه للعقول الراقيه للبفهمو الحياه جد م للبفهم اي كلام ع مزاجو ف ناس كتيره منتظرا احلام ورديه ف الفيس والواتس بس كمان ف تعاليق انا بعتبرها تعجيزيه لي 😒بس م بهمني
ع فكره انا بكتب الروايه لنفسي وبستمتع بقرايتها قبلي م ارسلها او انشرها 😁عشان كده م ح ابطل كتابه
احلام ورديه 🌹🌹🌹🌹 وجزر المالديف
طبعا ي جماعه لمن مشيت من اهلي كانو شالو حته من قلبي كل م اتزكر ضحكت امي وابوي وخوف عمر اخوي ببكي شديد وبهم ليهم ح اعيشو من غيري كيف
بس الحمد لله سرو برضو ح تكون ليهم اكتر من بت لانها بت عمي واصيله واخوي عشان هدي ورضي اكيد ربنا ح اكتب ليهو كل السعاده
مشينا الشقه والدموع في عيني عموري غلبو اسكتني كل م اتزكر اهلي ابكي بكيت بكا هستيري ومن غير م اشعر وعموري احنس فيني قلت ليهو امي اليوم كلو بتكون براها وانا ياهو الكنت ماليه عليها البيت وابوي لو جا من الشغل لو م شافني م بغير ملابسو ابقا كيف ح تكون حالتهم من غيري ح اتعبو شديد قال لي نوسه اموت ليك اسكتي انا اوعدك انو كل يوم اسوقك ليهم واجي اسوقك منهم لمن اجي من الشغل بس نهاي م عاوز اشوف دموعك ولا احس بيك حزينه انتي م عارفه انا بحبك قدر شنو انا مستعد اعمل اي حاجه عشان تكوني انتي جنبي وم تبعدي مني من يوم شفتك وعيني وقعت فيك رغم هظارك معاي العفوي بس الاصاله فيك وف كلامك وانا اخدتا عهد بيني وبين نفسي انو انتي تكوني سعادتي وانا اكون سعادتك
طبعا ي جماعه عمر بي كلامو دا زادني بكا زياده بقا اقول لي عايني لي هنا انا م عاوز دموعك دي قلتا ليهو المره دي دموع الفرحه عموري انا عشتا حياتي وحرمتا نفسي من كل حاجه رغم انو شكلي شكل أنثي بس تعاملي كان جاف شديد ودا كلو عشان اصون نفسي وصحباتي كانو بضحكو علي وكانن فخورات بالحب والعلاقات وكتير كانن بغيظني بالكلام بس انا كنت بقول ليهن كلامكن دا كلووو م باثر فيني ولا بهز فيني شعره وانا م عاوزه حب ولا عاوزه علاقه وبعدين انا الحمد لله كل الاولاد الانتن مبسوطاتت بيهم ديل انا شايفاهم زي عمر اخوي ولا ح ابدل نظرتي ليهم وم ح احب بي طريقتكن دي ح احب حبيبي الحا اجي اطلبني من ابوي واكون حلالي وربنا عوضني بيك ي عمر انا مبسوطه اني احتفظت بالحب كلو ليك واوعدك انو ح اكون معاك طول العمر ف الحلوه والمره ح اعيش معاك 😍😍😍😍😍😍😍
طبعا بقينا نبكي الاتنين زي الهبل وتاني بقينا نضحك ع نفسنا عموري قال لي يلا قومي غيري ملابسك عشان تاخدي راحتك نحنا بكره ورانا سفر
صحينا الصباح جهزتا حاجاتي واتصلت ع امي وودعتها ولبستا وجيت لقيت عموري البس ف الجزمه بتاعتو 😘😘 غايتو لمن اتلفت علي كده لمن قلبي وقف والفرحة عاوزه تكتلني جيت وقفتا جنبو بقيت اعاين ليهو واحصن فيهو هو اضحك واعاين لي قال لي انتي عارفه انا اتولد الليله قلتا ليهو وانا كمان اتولدت الليله
طلعنا مشينا المطار. طوالي اتصل علينا طلال لانو كانو حاجزين معانا واتلاقينا ف المطار وهيفاء طبعا التقول انا كاتلا ليها روح نظراتها لي غريبه وحركاتا تغيظ من شافتني قعدت تطاعن فيني قالت لي كان تلبسي توب ي نوسه لانك انتي عروس طبعا انا عاينت ليها كده قلتا خلاص البت دي ح تحنضل علينا شهر العسل
طوالي عموري ردا ليها قال ليها صعب عليها انها تلبس توب ف السفر والتوب دا للطلعات الخفيفه عاينت ليهو كده وابتسمت
هيفاء م فضل ليها كان تنتحر من الاحراج الاخدتو طوالي طلال ساقا قال ليها يلا نقعد هناك
اها الطيارة جات ولاول مره اركب طياره وم فاهمه فيها اي شي بس الساعه الطياره قامت انا حسيت ليك بالدنيا دي طايره مع الطياره ليهم حق اسموها طياره 😂😂😂😂
بقيت مكنكشه ف عمر قلتا ليهو عموري دايرين نموت صاح وبقيت ارجف وجسمي بقا تلج و حسيت ليك بي انو دايره اموت سبحان ألله ما في زول داير الموت 😃😂😂😂😂عموري بقا اقول لي حبيبتي م تخافي دي حاجه عاديه واصلا الطياره لمن تجي تقوم بتعمل كده بقيت ماسكه فيهو قوي واقول ليهو اتشهد حبيبي الليله خلاص ح نموت وهو اضحك ضحك لمن دموعو جاريات سبحان الله فجاه الحركه الكانت مزعجه اختفت فتحت عيني لقيت ليك نفسي ماسكه ليك عموري من قميصو وحاضناهو لمن خجلتا ولقيت الناس تعاين لي وتضحك قلتا ليهو وصلنا صاح اريتني م فتحت خشمي بقيت افتش لي البسكت عموري من الضحك شنو قال لي نوسه ي داب الطياره اقلعت من مطار الخرطوم قلتا ليهو طيب مالا الطياره سكتت خسرت ولا شنو قال لي حبيبتي اصلا الطياره لمن تقلع بتعمل صوت مزعج وتاني م بتحسي بي شي ولمن تجي تهبط بتعمل صوت اكعب من دا قلتا ليهو اسفه حبيبي فضحتك قدام الناس قال لي انتي هبله هم وينن الناس انا م شايف غيرك زاتو 😂😁😁
غايتو سبحان ألله كلام الغزل والحب م حلو الا بالحلال حسيت ف اللحظه ديك انا ملكه
جات ليك بت كساره كده اظنها مضيفه قعدت تتظارف مبروك ي عرسان وشنو م تعرف وانا عاد م فضل لي كان اغطي عيون عموري عشان م اشوفا وبقيت مركبه ليها وش من غير سبب سبحان الله عاد الغيره كعبه البت م قالت شي غير باركت لينا وانا كرهتها ليك ووشي جاب اشكال والوان
عموري حسا بي مسكني من يدي وقال لي نوسه حبيبتي انا ف الدنيا دي ملكه جمال الكون م ح اشوفها اجمل منك انتي تاج راسي ومستحيل تاني بت تملا عيني الا بت واحده عاينت ليهو كده بي حرقه وقربن دموعي اجرن رفع راسي وقال لي عايني هنا البت القاصدها ليك انا دي بتنا الحا تكون تشبهك وحته منك 😃😃😃😍
يلا المضيفه قالت سوف تهبط الطائره الان عموري طبعا عشان مجرب هبوطا طوالي مسكني حضني قال لي نوسه م تخافي ح تعمل صوت مزعج ولا كمل كلامو حسيت انو زي الفي زلزال وعاد المره دي بقيت اكورك بي اعلا صوت عموري انت وين وانا دايره اموت واقوم علي حيلي ي الله وي امين حتي قدر مسكني ان شاء ألله عاد فضحتك فضيحه ي عمر وطوالي مع هبوط الطايره جاني ليك هبوط م وعيت الا ومركبين لي اكسجين وعمر ماسكني من يدي وجنبو ممرضين كده جو من وين م عارفه
المهم صحيت كده وقلت لعمر الحصل شنو قال لي انتي خفتي وجاك هبوط
المره الجايه بحكي عن البلد البحلم بيها طول عمري