رواية اسيرة عائلة القناوي
الفصل السابع 7 والثامن 8
بقلم يوستينا سامي
في فيلا مراد
مراد بحده/ انت جبت الكلام ده منين يا بني ادم انت
اسر / جبته منين .. فريدة في المستشفي و تقدر تتاكد بنفسك انت او*سخ بني ادم انا شوفته في حياتي وانا مش عايز اعرفك تاني و اعتبرني مستقيل
و سابه اسر و خرج برا الاوضة و بص مراد علي البنت اللي كانت عنده في الاوضة
و قالها بعصبية / ايييييه هتفضلي بصالي كدة كتير يا روح امك انتي ولا ايه ما تتنيلي غوري اطلعي برااااا ... غوري
البنت قامت اخدت هدومها بسرعة و طلعت برا الفيلا و مراد قعد علي الكرسي و سند راسه و هو موجوع جدا و بمجرد ما غمض عينيه بدا يفتكر ذكريات طفولته و حياته
فلااااااش بااااااك 🔥
في جنينه فيلا
مراد كان بيركب العجله بتاعته وفرحان بيها قوي وفجاه وقع على الارض ورجليه اتعورت جامد
مراد وهو ماسك رجله بيعيط / يا ماما الحقيني رجلي
رجلي اتعورت جامد
قربت منه بنوتة لابسة فستان ابيض بكات و شعرها اصفر طويل اوي / هو انت بتعيط ليه كل ده بسبب وقعت عجله ما تجمد شويه يا مراد
مراد بغيظ / رجلي اتعورت يا باردة حتي بصي بتجيب دم اهووو .روحي نادي الدادة او ماما
ملك ضحكت جامد بتريقه وقالتله / طبعا ما انت مش عارف تنادي على بابا خايف يزعقلك ..مش كدة برضوو
مراد اتعصب قوي ومسك طوبه ورماها بغيظ جامد على ملك وللاسف جاتلها عند حاجبها و فضلت تصرخ جااامد بعلو صوتها
ملك بغيظ / انت اوحش بني ادم انا شوفته في حياتي
يا مراد و لما اكبر مستحيل اتجوزك انا هتجوز عاصي
مراد بعصبية / طب لو جدعة بجد اعمليها و انا والله اموتك و اموته
ملك بغل / بقي كدة ..طب والله لاعورك يا مراد زي
ما عورتني في وشي
و فاق مراد من ذكرياته و هو واقف قدام مراية الحمام و بيبص علي حاجبه مكان التعويره اللي ملك عملتهاله بنفس الطوبه و لسه معلمة في وشه
مراد بوجع / طول عمرك غشيمة و جريئة اكتر مني بكتير الله يرحمك يا ملك
كويس انك موتي قبل ما تشوفيني وانا كدة
و راح مراد جهز هدومه علشان يسافر تاني يوم البلد
____________________________________________°•°
في اوضة زين
زين و هو ماسك شعرها / انا ما انا مش هسيبه غير لما اعرف انت ايه اللي بينك وبين تمارا وتعرفيها منين
تولين بصيتله والدموع في عينيها وقالتله / كانت صاحبتي كانت اعز واحده عندي بس ماتت
انت السبب في موتها ، اه انت اللي قتلتها
انت و عيلتك
زين بعد تولين بوجع وكآن جرح قلبه اتجدد ايوه التماره دي كانت اعز صاحبه عنده واختفت من حياته وهم صغيرين قوي فاجاه و ده وجعه جدا
زين بوجع / انا اموتها .. عيل عنده 12 سنه هيموت واحده عندها 8 سنين ازاي .. تمارا دي كانت اغلى واحدة في حياتي كنت بحبها اكتر من عاصي و مراد
تولين بصتله بوجع و غدر و حطت ايديها علي وشها و فضلت تعيط جامد و مع دموعها و انهيارها القميص كان مفتوح و لتاني مره زين يشوف الوحمة
زين حط ايده علي راسه و ابتسم و قرب منها ومسكها من راسها وحضنها جامد علشان متقوموش /ليه كدبتي عليا
تولين رفعت وشها بصدمه وقالتله / انا كذبت في ايه بالضبط و بعدين انت ماسكيني كدة ليه ابعد عني
زين ضحك و قرب منها بخبث / الوحمه كشفتك يا تمارا
و شدها زين تاني لحضنه و هي مسكت جامد في قميصه
و فضلت تعيط بصريخ جامد
تولين بعياط/ لا انا مش هي تمارا ماتت .. صدقني ماتت من زمان اوي
زين و هو بيبوسها من رقبتها / ليه بعدتي عني طول السنين دي ..و ليه اتقال انكم موتوا يا تمارا
تولين بعياط./ انت ليه غبي بقولك مش انا
هي ماتت فعلا ..و اللي قدامك دي تولين ... تولين بس
زين مسح دموعها بايده وقالها / تولين بقى او تمارا ما بقتش فارقه المهم انك معايا وفي حضني
ده انتي الحاجه الوحيده اللي كملت معايا من طفولتي لحد دلوقتي
و ضمها زين لحضنه و باس راسها و هي فضلت مسكاه من القميص بتاعه بعزم قوتهااا
زين في سره. / معقول اللي حصل ده صدفة معقول الاقيها بعد العمر ده
تولين من كتر ضغط النفسي اللي كانت فيه غمضت عينيها في حضنه و زين حس بانتظام نفسها و بصلها و اتفاجاه انها نامت
زين ابتسم بفرحة/ متغيرتش يا تمارا زي زمان بالضبط لسه بتنامي في حضني
و شلها زين و دخلها الاوضة و مقدرش يسيبها و يخرج و قرر انه ينام جمبها
_____________________________________________•°•
في اوضة رهف
مراد اول ما دخل الاوضه شاف كريم واقف قدام رهف
رهف بمجرد ما لمحت عاصي دخل الاوضه بدات تعيط بانهيار وتقول بوجع / حرام عليك يا كريم انا مستهلش اسمع منك الكلام ده .مهما حصل بين مامتك ومامتي انا اختك مستهلش انك تيجي تهددني بالقتل ، ده انا كان نفسي اترمي في حضنك
وحاولت تقرب رهف من كريم عشان تحضنه وهو كان واقف مصدوم وزقها بعيد عنه و قبل ما يتكلم اتفاجئ بعاصي بيشدوا من جلابيته وبيضربه بالبوكس جامد لدرجه انه وقع على الارض
كريم بصدمه / انت بتعمل انت اتجننت ولا ايه انت بتمد يدك عليا يا عاصي
عاصي / اه لانك عيل ومش راجل عايز تقتل اختك هانت عليك يا كريم انت ايه من ميته وانت بقيت معدوم الدم والاحساس اكده
كريم بذهول قام من على الارض وقاله / بقى بتصدجها هي وتكدبني انااا ....تكدب ولد عمك
معجول تدوس علي العشره بالجزمة اكده
عاصي بغل / يا ريت اللي كان بينا عشره بس لكن ده دم و بجى ميه ، وانت عارف زين ان اكتر واحد بكرهه هو الخسيس لان الخسيس ما لوش مكان في جلبي
كريم ضحك بتريقه وقاله / دلوجتي بقيت خسيس ليه مين اللي كان واقف في ظهرك وسندك وقت محنتك مع ابوك او مع اخوك نسيت كل ده يا عاصي ايه بقيت دلدول ليها خلاص
عاصي اتعصب جدا من كلامه وكان لسه هيضربه بس رهف قربت منه وحضنته جامد وهي بتعيط وبتتكلم بصوت متقطع مقهور / والنبي لا عشان خاطري يا عاصي لو ليا معزة عندك بلاش مشاكل ...بلااش
انا مش عايزاكم تخسروا بعض علشان انا انا ما استاهلش
كريم بيبصلها بكره / انتي فعلا ما تستاهليش عقربه جايه من حيه دخلت البيت وتبخ سمها بينا
عاصي يبصله بغل وحضن رهف عشان يهديها وقاله/ من هنا ورايح لسانك ما يخاطبش لسانها ولا لساني واللي بتقول عليها حيه دي هتبقى مرتي وست الدوار كله .. روح يلا قول لامك واختك اني عاصي القناوي هيتجوز بنت عمه رهف القناوي اطلع بره ولو رجلك خطت الاوضه دي مش هيهدالي بال يا كريم وغير وانا جاتلك بدم بارد
كريم كان واقف مصدوم مش مصدق اللي عاصي قاله بس فاق على ايد عاصي وهي بتزق بره الاوضه وفعلا خرج بس هو مقهور من اللي اخوه عمله او اللي كان فاكره اخوه
رهف بعياط راحت جابت شنطه هدومها عشان تدخل فيها الهدوم وبدات تعيط جامد وقعدت على الارض وهي بتحط الهدوم وقالتله / ما كانش في داعي ان انت تهدده بحاجه مستحيل تحصل
انا عارف ان دايما ما ليش حظ وعمر ما حد فيكم هيعترف بيا ، علشان كدة انا ماشية و وما حدش هيعرف عني حاجه زي زمان
عاصي قرب منها وقومها من على الارض وقالها / بس الكلام اللي انا قلته قدام كريم ده مش كلام فض خناج ده اللي هيحصل يا رهف انا هتجوزك وهتبقي مرتي .. ها جولتي اي
رهف بصيتله بصدمه وحطت دي على بقها ودموعها كانت بتنزل بدون اي اراده قالتله / معقول بس انا عارفه ان فاطمه بتحبك وبكده انت هتخليها تكرهني اكتر وانا مش ناقصه
يا ابن الناس
عاصي/ رهف انا قلت اللي عندي اللي فاضل بس موافقتك لو موافقه اول ما مراد وزين يرجعوا هنتجوز ....ها قولتي اي
رهف ابتسمت بفرحه وقربت منه وحضنته جامد / اكيد طبعا .. موافقة اوي يا عاصي ...اووي
وباديلها عاصي الحضن وكانت وهي حاضناه بصا لنور صاحبتها اللي كانت ابتسامتها مرسومه على وشها وغمزتلها وكان خطتها نجحت وقدرت انها توقع ما بين كريم و عاصي ...
و بعد تقريبا يومين زين نزل مصر هو و تولين و كانوا في طريقهم لقنا
و بمجرد ما شافت الفيلا من بعيد حست بوجع بيدخل
في قلبها و لقت نفسها تلقائي بتضغط علي ايد زين
زين بستغراب/ مالك بس يا حبيبتي ، انتي كويسة
تولين بخوف / زين متخليش حد يسالني عن ملك اختي
انا مش هقدر اقولهم انها ماتت بالله عليك انا مش ناقصة
زين و هو بيشدها لحضنه / بس بس ..كفاية عياط بقي لو بتحبيني و انا وعد مني محدش هيوجهلك اي كلام خالص .. يلا انزلي احنا وصلنا
و اول ما نزلوا و دخلوا الدوار اتفاجاوا بمراد لسه واصل هو كمان
مراد بتريقة / اهلا يا زين بيه .. نورت البلد انت و المدام
و مد ايده علشان يسلم علي تولين اللي كانت باصة لايده بخوف و قبل ما تسلم عليه اتفاجات بمراد بيقولها / اي ما تسلمي يا حلوة و لا خايفة توسخي ايدي ، ما زين قالي انك شمال
زين بعصبية مسك هدومه جامد / مراد لم نفسك دي مراتي
مراد و هو بيزق ايده / اي مراتك يعني ، دي واحدة شمال جايبها من بار و انت اللي قايلي كدة بعضمة لسانك ولا نسيت يا ابن العقاد .
زين بغل / لاخر مره بقولك لو اتكلمت عنها وحش هزعلك
يا مراد.. اقسم بالله لازعلك
و بعدين قبل ما تغلط فيها اعرف مين دي الاول
وفجاه زين سمع صوت عاصي وهو خارج من الدوار ومتابع تقريبا حوارهم كله من بعيد وقال / انا جاي بجى علشان اعرف مين دي وايه اللي مخليكم تتخانجوا اكده علشانهاااا
تولين كانت بتبص لعاصي بخوف و اتفاجات انه اتغير جدا
و مسكت ايد زين و قالتله / كفاية و النبي خناق بقي ..
يلا يا زين نمشي.. انا مش عايزة اقعد
زين لف ايده حوالين وسطها / نمشي اي ده بيتنا اللي قدامكم دي تمارا عزيز العقاد اي افتكرتوها
عاصي بصدمة / ايه اللي انت بتجوله ده يا زين
مراد قاطعه في الكلام و قرب من تمارا و مسك ايديها جامد و بدا يهزها بعنف / انتي تمارا ..طب ازاي ردي عليا ازاي ..
و ملك فيييين
زين حط ايده علي كتف مراد / اهدي يا مراد تمارا مش ناقصة انا هفهمك علي كل حاجة
و شد زين مراد اخوه بعيد عنهم علشان يعرفوا اللي حصل
تمارا كانت في الوقت ده باصة لعاصي بعيون كلها دموع و لكن هو كان نظرته زي الصقر و قرب ناحيتها و اتكلم بصوت واطي جدا لكن شديد و حاد و قالها/ انتي مييييين ،. تمارا
و ملك انا دافنهم بايدي
تولين بتهتهاا / انا .. انا
عاصي شدها من شعرها بعز قوته / انا مش بكرر سؤالي مرتين انتي مييييين و مين بعتك
تولين .....
استوووووب#اسيره_عائلة_القناوي
8
في الجنينة 🌾
تولين وهي بتعيط من ايد عاصي اللي في شعرها و بتشق شهقات قوية وبتقوله بقهرة / انا واحده كدا*بة و فيا كل العبر بس بالله عليك سيبني امشي من هنا و خلي زين يطلقني و اوعدك انك عمرك ما هتشوفني تاني
..عاصي استغرب واتصدم من طريقه عياطها وشهاقتها اللي ورا بعضها فعلا كانها تماره وهي صغيره لما كانت تزعل من مراد وزين وتيجي تشتكيله
عاصي بذهول بدا يسحب ايده من شعرها و بيحاول يطمنها و قالها / هو انت بتعيطي اكده ليه ، خدي نفسك و اهدي محدش في الدوار ده هيجرب منيكي
مسكت تولين ايد عاصي بشده قالتله /انا عايزه امشي ، زين مش عايز يخرجني من حياته وانا مش عايزه افضل موجوده
عاصي / لو جولتيلي الحقيقه انا هخلصك من يد زين وهضمنلك الامان لباجي عمرك كله .. تعالي ورايا علي المكتب
____________________________________________°•°
في نفس الوقت في الاسطبل زين كان بيتكلم مع اخوه بيحاول يفهمه حقيقه اللي حصل زمان على حسب اللي حكياه تولين
زين / بس البيت كله و*لع وابوها وامها و ملك كمان كلهم ولعو*ا لكن هي اللي كانت بتلعب بره البيت الوقت ده ولما حد من المزارعين شافها خدها ورباها و لما حس ان في لبش و داها ملجا في اسكندريه ...و هناك في واحد اتبناها
مراد كان واقف بيسمع كلامه وبيرد ببرود على عكس عادته وقاله/ ومين الراجل الخير اوي ده بقى اللي اتبناها ده
زين /واحد اسمه محمود الشامي رجل اعمال او بمعنى صح كان رجل اعمال .. وعلى فكره هو لسه عايش لحد دلوقتي بس زي ما تقول كده هو اتجوز وخلف ما بقاش مهتم قوي بتولين وعشان يخلص منها سفرها امريكا تدرس
و ابتسم زين بعشق و قاله / علشان اشوفها و ترجع لحضني تاني
مراد ضحك جامد بتريقه وسقف بايده وقال /حلوة المسرحيه دي وادائها كمان بره عجبني
لعلمك بقى انا ما اشتريتش ولا كلمه من الكلام الفارغ ده ولو تمارا عايشة تبقي ملك كمان عايشة غير كدة الاتنين ميتين .. عن اذنك
وخرج مراد و سابه
زين بحنين / لا بس انا بقي واثق انها تمارا ، قلبي عمره
ما هيخدعني ابدا
_____________________________________________°•°
في الجنينة 🌾
مراد اتفاجئ برهف واقفه قدام الجنينه كانت لابسه فستان اسود مغري وكتفه واقع وحاطه شعرها كله على جنب واحد وبتلعب في الورد اللي قدامها
مراد وهو بيبص عليها باعجاب وخبث قالها / تصدقي وتامني بالله انا اول مره اشوف واحده بالحلاوه دي في البلد هنا
لا بس حلاوه ايه دي كلمه ما توصفكيش اكيد
رهف بصة ناحيته بدلع وهي ماسكة ورده في ايديها وعاملها تحركها يمين وشمال وقالت في سرها/ يبقى انت اكيد مراد القناوي
مراد كان بيبص لها باعجاب شديد ونظرات خبيثه
وقالها / ايه بقى هو القمر مش عايز يرد عليا ولا مكسوف
رهف ببتسامة شقية. / بس انا مش بتكسف خالص
مراد بضحك/ انا قولت كدة برضو .. عينيكي فضحاكي اوي طب اي مش هتعرف بالاسم
رهف قربت من مراد جامد و حطت ايديها علي كتفه واتكلمت بصوت واطي مغري / انا عارفة اسمك مراد القناوي حاول انت بقي تعرفني و ساعتها ..
و سكت رهف و بعدت عن مراد و هي بتبصله بتقل
مراد ببتسامة / اي سكتي كدة ليه فاجاه ، ساعتها بقي اي ممكن يحصل مثلا
رهف و هي بتشد وردة و بتحرها علي وش مراد / معرفش خمن لوحدك .. باي
و سابته رهف و دخلت الدوار تاني و ده خلي مراد يستغرب
مراد / هي بتعمل اي في الدوار معقول دي تكون تبع فاطمة بس دي زي القمر اكيد مش تبعها بس اي تتاكل حاف والله.
____________________________________________°•°
في مكتب عاصي 🤭
عاصي بستغراب / ايه يا بنتي الكلام اللي انتي بتجوليه ده يعني انتي عايزة تجوليلي ان انتي ممو*تيش و حد اتبناكي كمان
تولين وهي بتعيط وبتمسح دموعها/ انا ما بكذبش وكل الكلام اللي قلته ده حقيقي وممكن تتاكد بسهوله جدا يا عاصي بيه .
عاصي باستغراب / وطالما انتي تمارا ليه عايزه تمشي وتسيبي زين وليه نكرتي في الجنينة برا
انتي وراكي الف سر يا بت انتي وانا لازم اعرفه
تمارا بدموع /.علشان مش بحبه وعلشان واثقه ان ما فيش حد هيصدقني وهتعب جدا عقبال ما اثبتلكم انا مين ...
طب وليه ما ابعد
عاصي بخبث/ وليه ده كله انتي فعلا لو طلعتي تمارا الدوار ده كله هيرحب بيكي واولهم جوزك زين القناوي ولا انتي عايزة اي بالضبط يا بنت الناس
تولين بعصبيه / مش عايزه حاجه بس حط نفسك مكاني لحد اللحظه اللي بكلمك فيها ما اعرفش مين السبب في موت امي و ابويا و اختي الوحيدة
ما اعرفش مين السبب اللي خلاني اعيش طول عمري باسم غير اسمي وحياه غير حياتي مع ناس ما اعرفهاش ، و كل الناس اللي كانوا يعرفونا قالولي اللي عمل فيهم كدة هما عيلة القناوي .. تقدر تقولي انا بقى المفروض تصرفي يبقي عامل ازاي
في اللحظه دي قبل ما عاصي يرد عليها لقه الباب اتفتح ودخلت رهف وهي وشها مخضوض اوي
عاصي بلهفة فقرب ناحيتها وحط ايده على راسها حاول يطمنها وقالها / مالك يا رهف خايفة اكده ليه حد في الدوار داسلك على طرف
رهف حطت ايديها على كتف مراد استخبت في حضنه فجاه وهي جسمها كله بيتنرفض وقالتله/ مين الناس اللي في الجنينة دول يا عاصي .. انا اول مره اشوفهم
عاصي باستغراب / اه ده مراد وزين اخواتي لسه راجعين من بره بس انت بتسالي ليه و جسمك بيتنفض ليه اكده ..هو حد ضايقك فيهم
رهف بعياط و خوف / في واحد كان لابس جاكت بدلة فضل يعمل حاجات غريبة و قعد يعاكسني و انا مكنتش فاهمة هو بيعمل كدة ليه حاولت اجري بس مسك ايدي جامد يا عاصي و عمل ..
و سكت رهف باحراج ووطت راسها في الارض و عاصي وشه احمر و عروقه برزت من كتر العصبية و الغيظ و رفع وشها بعنف / عمل اي يا رهف جولي
رهف زقت ايديه بعيد عنها وقعدت تعيط زياده
وقالتله/ فوق كل اللي انا بحكهولك بتزعقلي انا برضو طب انا عملت اي بس
عاصي مسك ايديها وضغط عليها بعز قوته لدرجه ان ملامح وش رهف بان عليها الوجع وقالها / غلطانه انك تخرجي اكده بره الدوار و سمحتي لاي واحد يبصلك نص بصة ، بس مش وقت الكلام ده جوليلي عمل فيك ايه مراد
رهف بكسوف / ما اعرفش روح اسال انت بنفسك انا اتكسف اقول بس هو حاول يتحرش بيا عموما انا كده كده مش هخرج من اوضتي تاني و هريحكم مني .
وقبل ما تخرج رهف من اوضة المكتب عاصي ماسك ايديها بعصبيه وقالها بعصبية / لاه انا اللي هحبسك بيدي في اوضه علشان تعرفي ان الله حق ومش هخلي واحد يشوف ضفرك .. تعاللي معاي .. تعالي
رهف خافت من عصبيه عاصي اللي ما كانتش مخططه ليها واتفاجئت فعلا انه بيشدها علشان يحبسها في اوضه لوحدها وهي كانت بتحاول تقوم وتزقه
ىهف بخوف و بصوت عالي / وانا مالي ابعد عني حرام عليك .. ليه بتعمل فيا كدة يا عاصي .. دهانا بحبك
اول ما سمع الكلمه دي بعد عنها وبطل انه يشد في ايديها واحس ان هو وجعها جامد لكن ما تنزلش برضه عن عقابه وفجاه وقف و شالها على كتفه ودخلها اوضته
__________________________________________°•°
في المكتب 🥹
زين بلهفة دخل وهو سامع صوت حد بيصرخ ويزعق وشاف تولين قاعده على المكتب تمسح دموعها قرب ناحيتها وقعد على ركبته في الارض قدامها ومسك ايديها
زين / مالك يا حبيبتي في حد عمل ك حاجه وبعدين ايه صوت الزعيق ده
تولين شدت ايديها منه وقالتله بغيظ / ما اعرفش يا زين بس انت وعدتني انك ما تخليش حد بيسالني عن ملك ولا يفتح في ذكريات توجعني ومع ذلك انت ما عرفتش تحافظ على وعدك ليا زي زمان .. فاكر لما كنا صغيرين كنت بتوعدني ان مش هيحصلي حاجه كان بيحصلي. شوفت انك كداب
زين قام وقف وحط ايده على المكتب بعصبيه
وقال/ استغفر الله العظيم يا رب طب ممكن تهدي وانا اصلح كل حاجه زعلتك
تولين بعصبيه / انا مش هستنى هنا ثانيه واحده انا عايزه امشي وارجع كليتي واروح لابويا لو سمحت
زين بحده / ابوكي ما تفوقي لنفسك انت ما لكيش اب ولا ام ده واحد متبنيكي و رماكي ده حتى ما كلفش خاطره ورن عليك مره واحده بس من ساعه ما اتجوزتك .. انتي تنسيهم كلهم ومن هنا ورايح رجلك على رجلي
تولين بعزم قوتها خبطت زين في كتفه جامد وقالتله/ لا انت فاكر نفسك جوزي دي ولا حتة ورقة ما تسواش حاجه زيك بالظبط ..اسمع لازم تبعد عني بقي .. انا بكرهم كلكم
تمارا كانت متخيله ان زين هيمد ايده عليها او يزعق كعادته بس اتفاجئت بيه ان هو واقف هادي وبارد و بيبتسم
تمارا بدات تخبطه بايديها على صدره خبطات متتالية و بتقوله بعصبيه / انت بتضحك ليه هو انت قاصد يعني تستفزني .. زين بطل طريق..
و قبل ما تكمل جملته لقت ايده زين محوطاها من وسطها و شدها ناحيته علشان يبو*سها حاولت تبعده عنها لكن لقته انه تني ايديها علشان متحاولت تقاومه و كلعادة قدر زين القناوي أنه يمتص غضبها لدرجة ان تولين غمضت عينيها و سرحت معاه و لفت ايديها علي رقبته
و فاجأه قطعت عليهم اللحظة ضحك مراد و هو واقف علي الباب و ساند بضهره عليه
مراد / يا حلاوتكم عصافير يا خواتي ، انا قولت عليها شمال محدش صدقني ...البت طلعت خبره بجد يا زين
زين بعد عن تولين اللي استخبت ورا ضهر زين من كلام مراد
مراد غمز بخبث / يا سلام و كمان مكسوفة تؤتؤ يا بختك
بيها يا زين بجد خبره و ممثلة كمان يعني هتتسلي هتتسلي
زين بحده / مراد أضبط نفسك دي مراتي فاهم يعني اي مراتي
مراد و هو بيبتسم / اهاا يعني كل خير يا ابن المحظوظة والنبي يا زين اول ما تطلقها ابقي قولي يعني اهو ينوبني
من الحب جانب ولا أي يا تمااارا
زين اتغاظ جدا واتعصب من تلميحات مراد ولقى نفسه تلقائي بيقرب ناحيته ويمسكه من الجاكيت البدله بتاعه ودي كانت اول مره تحصل لان علاقتهم هما الاثنين قوية جدا
زين بغل وصوت واطي مراد بس اللي سمعه / لم نفسك وانت بتتكلم عليها انت مش بتتكلم على واحده من الشارع دي مراه اخوك لو حاولت تعرضلها مره ثانيه يا مراد ما تلومش غير نفسك
مراد زق ايد زين من عليه وقاله بتريقه / الله الله ده القط بقى يخربش كمان ماشي يا زين اشبع بيها بس لما تاخد على قفاك ما تجيش تعيطلي يا ابن ابويا و امي
وطلع زين اوضته عشان يرتاح من تعب السفر وكل ده وكانت صفصف بتجهز الاكل والوايم احتفالا بين عيالها الاثنين رجعوا من السفر
___________________________________________°•°
في اوضة عاصي 🤬
عاصي رمي رهف من على كتفه على السرير بتاعه بغشوميه لدرجه الناس اتوجعت
رهف بعصبية و عنف مقدرتش تتحكم فيهم / اي ده يا بني ادم انت ، مش تاخد بالك هو انا شوال بطاطس
عاصي قرب ناحيتها من غير له مسك شعرها جامد وشدها ناحيته وقالها / لا مش هاخد بالي انتي سوقتي فيها جوي وفاكره نفسك ما لكيش كاسر عشان تخرجي اكده بقميص نوم من اوضتك ،ايه فاكراني هسكتلك
وفجاه رهف لقيت اول قلم نازل من عاصي على وشها و من صدمتها صرخت بصوت مسموع و من قوة القلم اترمت على السرير بس عاصي مسك شعرها ثاني وجابها ناحيته
عاصي بغل / ايييه فاكرة القلم ده و خلاص خلصت
ده انتي يومك هيبجي هبااااب كيف لون فستانك اكده
و لقت رهف قلم تاني علي وشها بس في المره دي ضربته رجليها في بطنه جامد عاصي بوجع حاول يداريه حط ايده علي بطنه و هو بيبصلها بغدر
رهف و هي بتمسح الدم اللي عند بقها بسبب ضربه ليها وقالتله بصوت عالي مغلول / ايه فاكرني هسيبك تضربني عايز تستقوي عليا لا يلا فوق لنفسك ده انا رهف القناوي ... وبعدين بدل ما تروح تضربه هو جاي تستقوي عليا انا .. امال لو كانت بينا حاجه رسمي
وقبل ما تخرج رهف من الاوضه لقيت عاصي بيجيبها من شعرها وقعها على الارض
و مسك شعرها بقوة لدرجة ان رهف حست انه اتقطع في ايده وقرب وشها منه و اتكلم بغل وقالها / من اللحظه اللي قلتلك فيها انك هتبقي مرتي بقيتي مكتوبه على اسمي وهعاملك على الاساس ده و مد يدك عليا ده ليه حساب ثاني خالص يا بنت ماجده
وقام عاصي وجاب حزام من دولاب عنده وبدا يلفوا حوالين ايده حركات دائريه وعروق رقبته وايده نافره بتوحي وغضبه و بالحاله اللي في هو فيها ورهف من الصدمه كانت قاعده على الارض مش مصدقه اني عاصي ممكن يعمل فيها كده وقطع تفكيرها اول نزله من ايد عاصي بالحزام عليها وصوت صريخها اللي سمع الدوار كله ....
في الوقت ده
نور كانت واقفه جنب اوضه و حاطة ايديها على بقها وبتعيط بخوف بسبب اللي بيحصل لرهف ماسكه التليفون
بتتكلم و هي بتترعش / انا مش عارفه هو بيعمل فيها اي دلوقتي .. ماما انا عايزة امشي والنبي
ماجدة / تمشي تروحي فين ، اوعي تتحركي من هنا سامعة ولا لاء
نور بعياط / ماما عاصي هيموتها . معقول هو في بني ادم كدة . والنبي يا ماما انا مش عايزة حقي ولا الورث انا عايزة اخدها و امشي
ماجدة بحده / بطلي عبط .. هي هتعرف تتصرف كويس انتي ادخلي اوضتك و اوعي حد يشوفك يلاااا
نور / يا ماما هي ملهاش ذنب ده جزاتها انها بتساعدني ، انا هدخل اقول لعاصي علي كل حاجة .. هقوله ان انا رهف القناوي
محدش يشتم الشتيمة حرااااام 🤭😂😂😂😂😂...