الفصل الثلاثون 30
والواحد والثلاثون 31
بقلم كنزى حمزة
الفصل الثلاثون
صعد و جميعا الي شقته ودق فضالي الباب وفتحت هي بوجه احمر ممتليء بالبكاء
غمزه:تعالي يابابي اتفضل
فضالي:ايه ده مالك بتعيطي كده ليه
غمزه:عاصي من ساعة ما طلعنا قفل علي نفسه جوه في اوضة النوم وحالته وحشه اوي وعمال يكسر في كل حاجه ومش راضي يفتح ليا
اخذتها روقيه بين احضانها:معلش يا حبيبتي هو تلاقيه خايف يأزيكي وهو عصبي كده
اتجه فضالي الي غرفتهم ووقف امام الباب:افتح ياعاصي افتح واطلع كلمني اخوك جاي يعتذر ليك علي كل حاجه قالهلك افتح ماتوجعش قلبي عليك يابني
عاصي بغضب:مش عايز اعتذار من حد ابعدو عني بقي سيبوني في حالي
حمزه:افتح يا عاصي واعمل فيا كل اللي انت عايزه افتح وانا هابوس علي رجلك لو حبيت بس افتح عشان خاطري
عاصي:مالكش خاطر عندي يا حمزه واطلع بره شقتي عشان لو خرجت دلوقتي هاقتلك قدام ابوك ابعد عني يا حمزه خلاص فضناها شراكه واخوه وكل حاجه بينا اتفضت خلاص
نظر حمزه الي ابيه بكل حزن:شوفت قولتلك بلاش نطلع ليه دلوقتي ثم اتجه الي خارج الشقه ومن خلفه زوجته
فضالي:كده يا عاصي عايز تموتني بحسرتي عليكو ليه يابني بس.
مش ده حمزه اللي كنت بتقول عليه ابنك مش اخوك جاي دلوقتي وعايز تسيبه
عاصي:قولت ابعدو عني محدش له دعوه بيا وبدأ في تكسير كل شيء مره اخري
امسكت روقيه بذراع زوجها تحثه علي الذهاب:تعالي ياعبد الرحمن سيبه دلوقتي ولما يهدي نبقي نقعد معاه ونكلمه
خرج معها والالم يعتصر قلبه علي أبنائه ثم التفت الي غمزه
فضالي:ادخلي نامي في اوضة زين ومالكيش دعوه بيه خالص سيبه لحد مايهدي لوحده ويجي يكلمك
غمزه:حاضر اصلا هو قالي كده
روقيه:طب خليها تيجي تبات معنا تحت
فضالي:لاء هو كده ممكن يتعصب اكترربنا يهديك يا بني ويبعد عنك الشيطان
اغلقت هي الباب من خلفهم واتجهت بجوار باب الغرفه مره ثانيه
غمزه بصوت مخنوق من كثرة البكاء:عاصي افتح ليا انا بقي هما خلاص مشيو عشان خاطري لو صحيح بتحبني افتحلي
عاصي:قولتلك لاء ابعدي عني انتي كمان الساعه دي مش عايز اشوف حد
غمزه:ولا حتي انا غمزه حبيبتك؟ لم تتلقي منه رد تنهدت بحزن واتجهت بجوار الصغير
/////////////////////بقلمي/كنزي حمزه///////////////////////
جلس علي فراشه والحزن يكتسي وجهه علي ما تفوه به اخيه فهو يعلم جيدا انه حين يغضب تثور اعصابه ولا احد يجرؤ ان يردعه في قراره
غزل:ياحبيبي انت عامل في نفسك كده ليه بس
حمزه: انا عارف اخويا كويس يا غزل لما يعند ويخاصم حد مش بسهوله انه يصالحه حتي لو علي حساب نفسه
غزل:معلش يا حبيبي بكره يهدي وترجعو كويسين تاني بس ماتعملش في نفسك كده ونام بقي ده الوقت اتأخر اوي
حمزه:بكره ايه ده مش بعيد ياخد له شهور علبال مايفكر بس اننا اخوات
😢😢😢😢😢😢😢😢😢😢😢😢😢😢😢😢
اصدحت ميكروفنات المساجد تعلو وتعلن عن اذان الفجر
وهي نائمه بجوارالصغير تبكي بشده لألمه تعلم انه مستيقظ ولكنها لا تجرؤ ان تدق عليه مره ثانيه
واخير فتح هو باب غرفته واتجه الي المرحاض توضأ وصلي فرضه ثم اتجه الي غرفة زين ليطمئن عليهم
شعرت هي به ونظرت اليه بعين مملوؤه بالدموع.
اتجه اليهم ودثرهم بالغطاء جيدا وكاد ان يذهب امسكت هي بيده ونظر لها ثم التفت الي الفراش الاخر ترك يدها وبدأ يرفعه الي ان الصقه بفراشهم ورقد عليه بجوارهم
واخذها بين احضانه اخيرا التفتت هي اليه وكادت ان تتكلم ولكنه قاطاعها
عاصي:ششششش مش عايز اسمع حاجه سيبيني انام في حضنك عايز ارتاح شويه
اخذته بين احضانها ونامو سويا الي ان دق المنبه معلن انها السابعه صباحا
افاق الصغير وجدهم غافيان بجواره فأغلق المنبه ثم اعتدل وقفز يتوسطهم وقبله في وجنته:بابي حبيبي ثم احتضنه بذراعيه الصغيرين
عاصي:انت كمان حبيبي تعالي نام في حضني
زين:مس هالوح المدلسه
عاصي:نام يا زين محدش هايروح في حته النهارده مامي تعابنه وانا كمان تعبان
قبله الصغير مره ثانيه واكمل نوم بين احضانه وفي تمام العاشره صباح استيقظو جميعا وهتف الصغيروهو يتوسطهم
زين: ثباح الخيل يا ليت كل يوم انام في حضنكو كده
غمزه:ياريت يا حبيبي بس من غير زعل ونكون نايمين واحنا مبسوطين
اعتدل هو من جانبهم وخرج من الغرفه في صمت متجها الي المطبخ
امسك المكنسه اليدويه والجاروف وباسكت القمامه واتجه الي غرفته وقف زين امام الباب ينظر له بأندهاش ثم التفت اليها
زين:مامي هو بابي بيعمل ايه
غمزه:مش عارفه تعالي نشوفه اتجهو اليه وانفزعت عندما رأت كل ما في الغرفه من زجاج قد تهشم الي قطع صغيره وهو يقف الان يلمه بيده تاره وبالمكنسه تاره اخري حاولت ان تدلف اليه فخرج صوته بهدوء
عاصي:محدش فيكو يدخل خليكو بره عشان ماتتعوروش ويلا روحو حضرو الفطار وانا هاخلص وجاي
غمزه:طب اساعدك في حا
عاصي:قولت لاء يلا روحو من هنا
ترجلت هي والصغير بحزن الي المطبخ لتحضر لهم الفطار اتم هو ما عمله ولم كل الزجاج ثم وضعه خارج الشقه واغلق الباب مره ثانيه وذهب اليهم جلس علي ماءدة الطعام في صمت
غمزه:وبعدين هتفضل كده كتير
عاصي:ماتحوليش تفتحي الموضوع ده لو سمحتي ويلا افطري
غمزه:وانت هتفضل قاعد من غير اكل كده وخلاص
عاصي:ماليش نفس
غمزه:في العشا ملاكش نفس والفطار مالكش نفس ايه هاتصوم يعني
عاصي:يوووووه قولت ماليش نفس اي هتأكليني علي مزاجك
نظرت اليه وعينها تلمع بالدمع وقف زين من علي مقعده واتجه اليها يحتضنها بيداه الصغيره وهو يدمع من الخوف من نظرات والده
تفاجيء هو بمنظرهم هذا واحني رأسه بألم ثم نظر اليهم مره ثانيه
عاصي:عشان خاطري انتو بالذات ماتخلونيش اتعصب علي حد فيكو محدش فيكو يجادلني في اي كلمه اقولها علي الاقل لحد ما اهدي.
اشارو له بالموافقه ولكن دون ان يتفوه احد بكلمه
وقف من امامهم واتجه الي غرفته وبدء في تغير ملابسه الي قميص اسود اللون وبنطلون بنفس لونه وحزام جلدي لونه بني بنفس لون حذاءه الجلدي ووقف يمشط شعره في ثبات تام
مما اظهر وسامته جدا وهو بهذه الطله الغاضبه ثم ارجل اليهم مره ثانيه يجمع بعض اوراقه في يده نظرت اليه بغرابه كانت تظن انه لن يخرج اليوم مثلهم
غمزه: هو انت خارج
عاصي:ايوه هاروح الشركه عندي شوية شغل هاخلصهم وهارجع علي العصر كده
غمزه:كنت فكراك قعدتنا عشان مش هاتخرج النهارده
عاصي:لاء انا قولت اسيبكم ترتاحو عشان سهرتو امبارح كتير اقعدو ذاكرو انتو هنا لحد مارجع
ومحدش فيكو يخرج من باب الشقه سامعني يا زين مافيش نزول تحت وانتي كمان مامتك او اختك لو عايزينك يجو اهلا وسهلا انما انتي ماتنزليش تحت
غمزه وزين:حاضر ثم اتجهه هو للخارج تحت نظراتهم
////////////////////////////////////////////////////////////
وبعد مرور ما يقرب من ساعه نزلت غزل من شقتها واتجهت الي شقة والدتها
غزل :صباح الخير يا مامي عامله ايه النهارده
روقيه:والله تعابنه ياغزل وزعلانه علي اللي بيحصلنا ده
غزل:وانا والله يا مامي زعلانه اوي دا حمزه فضل صاحي طول الليل ومانمش الابعد الفجر و نزل من شويه يفتح الوكاله وقال مش هايروح الشركه عشان ما يحتكش بأخوه تاني
روقيه:وعبد الرحمن كمان والله كنت حاسه انو هايجري ليه حاجه من شدة زعله
غزل:بعد الشر عليه بس هو مافيش حد فيهم نزل ولا خرجو ولا ايه
روقيه:عاصي بس اللي نزل انا شوفته وهو نازل كان ماسك في ايدو اوراقه وايده التانيه كيس كبير زي ما يكون فيه حاجه متكسره.
غزل:الله اومال غمزه وزين مانزلوش ليه انا هاتصل بيهاامسكت بهاتفها لتحدث اختها
رن هاتفها وهي ترتب الغرفه من الحطام الذي اصبحت فيه فامسكت به وفتحته
غمزه:ايوه يا غزل
غزل:صباح الخير يا حبيبتي انتي في شقتك ولا روحتي الكليه.
غمزه:لاء انا هنافي الشقه انا وزين
غزل:طيب ماتنزلي تقعدي معانا عند مامي
غمزه:معلش مش هينفع انزل اصل عاصي منبه عليا انا وزين اننا ماننزلش تعالو اطلعو انتو اقعدو معايا
غزل:طيب يا غمزه احنا هانطلع ليكي ثم اغلقت الهاتف وصعدو اليها
فتح زين لهم واحتضنته روقيه
روقيه:كده يا زينو ماتجيش تصبح علي نانا روقيه
زين:معلس يا نانا مس تسعلي بس اعمل ايه في بابي وعثبيته
روقيه بحب:معلش يا حبيبي بابي زعلان شويه بس هيهدي يعني انت عارف هو بيحبكو اد ايه
غمزه:هو نفسه قالنا الكلام ده بعد ما اتعصب علينا جامد الصبح
غزل:اوعي يكون ضرب حد فيكو ياغمره
غمزه:والله يا غزل لوكان ضربني وهو في الحاله اللي جوزك وصله ليها دي انا كنت سامحته
بس ياحبيبي دا فضل قافل علي نفسه ذي ما شوفتوه كده لحد اذان الفجر وطلع شحنة غضبه كلها في تكسير اوضة النوم من مريات للشباك حتي ضلف الدولاب اتكسرت
تعالو شوفواخذتهم ودلفو الي الداخل وصدمو من منظر تلك الغرفه الجديده التي لم يمر علي فرشها شهران
روقيه:يالهوي دي الاوضه بازت خالص انتي كويسه يا بنتي متأكده انه مضربش حد فيكو
غمزه:والله لاء يا مامي هو مرديش يفتح اصلا الا بعد ما سمع الاذان خرج اتوضي وصلي وفجاءه لقيتو جيه نام جنبنا للصبح
غزل:انا مش فاهمه هو ليه بيعمل كده كل ده عشان اخوه عايز مصلحته
غمزه: هو ياستي ادري بمصلحته دي دا بدل ما تقولي ان جوزك غلط في اخوه الكبيربتحاميله في الغلط
روقيه :بس انتو هاتتخانقو انتو كمان لاء انا كده مش هاسكت ثم توجهت الي خارج الشقه ومن خلفها غزل التي خرجت منزعجه من كلام اختها
اغلقت هي بابها خلفهم وجلست علي الاريكه بجانب الصغير امسكت هاتفه وبدأت تقلب فيه
//////////////////////////////////////////////////////////////
دلفت روقيه الي شقتها ومن خلفها غزل
غزل:شوفتي يامامي غمزه بتكلمني اذاي
روقيه:اعذريها يا غزل انتي عارفه اختك مندفعه في ردها
اذاي بس بترجع تندم علي كلمها تاني
غزل:طب وبعدين هانعمل ايه يامامي
روقيه: انا اللي هاعمل بصي انا هاروح لعاصي الشركه بتاعته وهاتكلم معاه بس يا رب يسمعني بقي
غزل:ايه انتي هاتخرجي اذاي مش خايفه احسن يكون عمو سالم مراقبنا ويتعرض ليكي وهاتخرجي اذاي من غير ماتقولي لبابي بس
روقيه:سبيها علي ربنا ماهي مش هاتتحل الا كده اطلبيلي انتي بس اوبر وانا هانزل من غير عبد الرحمن ما ياخد باله وربنا يستر بقي
➖➖➖➖➖➖➖➖➖➖➖➖➖➖➖➖
ترجلت روقيه الي خارج المنزل واتجهت الي السياره التي طلبتها دون ان يراها زوجها او ابنه وذهبت اليه في شركته
ودلفت الي العماره التي يوجد بها مقر الشركه ثم توجهت اليها مباشرةوقفت امام احد المكاتب التي يجلس خلفها احد الموظفين
روقيه:لو سمحت عايزه اقابل المهندس عاصي
الموظف:مين حضرتك
رقيه :قوله والدة زوجته
الموظف:اهلا اهلا يا فندم المكتب نور دقيقه واحده بس اتفضلي استريحي وانا هاديله خبر حالا
دلف الموظف سريعا اليه وهي بعض ثواني وتوجه عاصي الي الخارج لها
عاصي:اهلا يا ماما نورتي المكتب اذاي بس تخرجي لوحدك كده هو في حاجه حصلت كلكو كويسين
روقيه:اهدي يا حبيبي كلنا كويسين الحمد لله مافيش حاجه انا جايه عشانك انت
عاصي بلوم:طب اتفضلي هات عصير فريش يا سعيد ودخله المكتب
الموظف :حاضر تحت امرك يا بشمهندس
دلف بها للداخل تحت نظرات الموظفين واغلق الباب من خلفه
عاصي:اذاي بس تعرضي نفسك للخطر وتخرجي من البيت ابويا عارف انك خرجتي
روقيه:لاء بس زمانه عرف انا خرجت عشانه عشان كنت حاسه بقهرته عليكو طول الليل كنت خايفه احسن يجراله حاجه
عاصي:انا مش عارف انتو مكبرين الموضوع كده ليه عادي يعني اخ واخوه اتخانقو ومش مرتحين مع بعض في الشغل خلاص مافيهاش حاجه يعني
روقيه:انت بتضحك عليا ولا علي نفسك يا عاصي انت عارف كويس انكو مش مجرد اخوات
عاصي:هو اللي عايز ده مش انا مش هو اللي قال نفض الشركه اديني بخلصله الورق اهو وهافض كل حاجه النهارده
روقيه:مافيش حاجه هاتنفض بينكو قطع الورق ده حالا اخوك لما قال كده كان فاكر انك هاتختاره وتوافق علي المشروع بس انت فجأتنا كلنا بكلامك ده بصراحه
عاصي بغضب انا بردو يعني انا اللي طلعت غلطان في الآخر
وفي هذه الاثناء دخل سعيد السكرتير يحمل صينيه عليها كأس العصير وفنجان قهوه له وهتف:تأمر بخدمه تاني يا بشمهندس
عاصي:شكرا يا سعيد اخرج انت ومتحاوليش اي حاجه تاني النهارده
اوميء برأسه له ثم اتجه خارج المكتب
روقيه:ممكن تهدي وتقعد عشان نتكلم انا عايزه اعرف انت ليه رافض تدخل في المشروع ده
مع ان اخوك قال انك بتنفذ المشاريع دي كويس جدا والشركات بتاخدها منك وتنجح بمجهودك انت
عاصي بسخريه:يعني هو بعقله كده فاهم اني مش عارف الكلام ده بس انا مقدرش اعمل زي المقاولين التانين
مقدرش اروح الم فلوس من شباب من سني تعابنين في القرش والطعهم جانبي سنين علبال مايستلمو شققهم
ومقدرش اروح اخد قرض بضمان الشركه اللي لسه ببنيها واقعد احط ايدي علي خدي بعد كده
روقيه:طب ايه رأيك لو اخدت الفلوس
عاصي:ماتكمليش كلامك مش عاصي فضالي اللي يمد ايده لوحده ست وياخد فلوسها
روقيه: استني بس افهم انا عايزه اقولك ايه انا مش هاديك الفلوس دي سلف لاء انا هادخل معاكو شريكه راسمي والارباح تبقي لينا كلنا
عاصي:شريكه رسمي يعني ايه
روقيه:يعني ممول زي البنك كده انت مش كنت هاتاخد قرض من البنك بدل ما تعمل كده تشغلي فلوسي معاك ونبقي شركا بورق رسمي ايه رأيك
عاصي: يعني بتحاولي تديني فلوسك بس بشياكه مش كده
روقيه:الكلام ده لو مش هيبقي ليا حصه في المكسب لكن انا هاكسب وفلوسي هاترجعلي وزياده وانت ماتخسرش اخوك ولا تضيع من ايدك مشروع زي ده
ها قولت ايه موافق ولا اقوم بقي اروح زعلانه وربنا يستر علي اللي عبد الرحمن هايعملو فيا كمان
عاصي:بأبتسامه موافق طبعا بس بشرط هانكتب الورق ده علي ايد محامي وهيتسجل رسمي
روقيه:هههههههههه طبعا يا حبيبي انا مبهزرش في الشغل يلا سلام بقي
عاصي:لاء سلام ايه استني انا هارجع معاكي اكيد مش هاسيبك ترجعي لوحدك
بس عايز اعرف انتي ليه عملتي كده اوعي يكون ابويا هو اللي طلب منك ده
روقيه:تفتكر ابوك بعزة نفسه ممكن يطلب حاجه زي دي
اللي طلب مني كده حد جاي في السكه وعايز يحس بحب اخواته ليه ثم اشارت الي بطنها
عاصي:هههههههه ايه دا بجد انتي حامل الف مبروك ياه دا عبد الرحمن طلع شقي اوي ههههههه
روقيه:بس بقي ياعاصي ماتكسفنيش متشكره عقبال ما نفرح بغمزه يا حبيبي
عاصي بحب: يا رب كده هي اللي فاضله شكلها مش ناويه الا لما تخلص كليتها عشان ماتتحرمش من الخروج هههههههههه
ثم اخذ هواتفه ومفاتيحه واتجه بها الي خارج المكتب الي سيارته
وفي السياره امسكت هاتفه لترد علي زوجها الثائر جدا
روقيه:ايوه يا عبد الرحمن انا راجعه اهو مع عاصي والله
عبد الرحمن بغضب وصوت مرتفع جدا: انتي اذاي تعملي كده اذاي تخرجي من غير ماتقوليلي وكمان مش بتردي علي تليفونك
روقيه:والله كان في الشنطه ومش سمعته وخلاص احنا قربنا نوصل اهو
عبد الرحمن:طيب يا روقيه بس اما تيجي ثم اغلق الخط وهو منفعل جدا.. ادعموا الصفحة ب 10 تعليقات لانها مقيدة 🥺❤️❤️
العاصي
الفصل الواحد والثلاثون
دلفت الي داخل شقتها وعيناها كلها خوف من زوجها ممسكه بيد ابنه الذي كان يمشي امامها ليحميها من بطشه وغضبه عليها وجدته جالس علي الاريكه في انتظارهم
عاصي:سلامو عليكم مالك قاعد عينك بطق شرار كده ليه
فضالي:ابدا اصلي طلعت ارطاس في بيتي ومش عارف احكمه امبارح ولادي اتخانقو مع بعض والنهارده مراتي خرجت من ورايا
شوفت الخيبه اللي ابوك فيها يا عاصي بيه
عاصي:اهدي يا ابا هي خرجت عشان كانت خايفه عليك وعشان ترجع الاخوات لبعض
فضالي:ايه اللي يخليكي تعملي كده من ورايا كنت هاعمل ايه انا لو حد اتعرض ليكي
روقيه :اهدي يا عبد الرحمن انت مكنتش هاتوافق اني اروح لعاصي وانا عملت كده والله عشان خاطر الولاد مايفضلوش زعلانين من بعض واهي الحمد لله عدت علي خيروعاصي وافق علي كلامي ومش هايفض الشركه بينو وبين اخوه
فضالي :وايه بقي اللي قولتيه خلاه يغير رأيه كده
حكت له كل ما حدث بينهم وتفهم هو مافعلته زوجته من اجل سعادة ابنأه
فضالي:ماشي موافق بس فلوس التأمين انا وانت واخوك اللي هندفعها
عاصي:اللهما صلي علي النبي دا ايه المشروع اللي العيله كلها هتتشارك فيه ده
فضالي:بقولك ايه يااناومراتي يابلاش
عاصي:هههههههه ماشي يا عبد الرحمن انت ومراتك يا عم خدمه تاني
فضالي:ايوه اتصل بمراتك تنزل هي والواد وبطل تبقي قاسي عليهم كده حابس الواد عني يا عاصي
عاصي:حاضر ياابا هنزلو ليك ثم.امسك الهاتف واتصل علي زوجته
غمزه:الو يا حبيبي ماجيتش ليه
عاصي:هاتي زين وانزلي عند ابويا ياغمزه انا تحت عنده في الشقه
تهللت اساريرها وامسكت الصغير في يدها واتجهت للاسفل
غمزه :بجد حاضر حالا هننزل اهو
دلفت الي داخل الشقه وابتسمت بسعاده عندما شاهدت ابتسامته جري الصغير الي احضان جده سعيد لرؤيته
فضالي:مانزلتش ليه تقعد معايا في الوكاله النهارده
زين:معلس ماتزعلس انا منزلتس عسان اسمع كلام بابي
عاصي بعد ما اخذه من جده:حبيب بابي ده اللي بيسمع الكلام خد يا معلم شوف جبتلك ايه
زين:الله سيكولاته دي حلوه اوي وكبيله يا مامي
غمزه:اه يا حبيبي شوفت بقي بابي بيحبك اذاي ومش ناسيك.وبيصالحك كمان يا سيدي
عاصي :دانا واضح اني كنت مزعل الكل مني.
زين وهو يهمس في اذنه:علي فكله مامي كمان سعلانه ثالحها هي كمان بقي
عاصي بهمس: وهو يرفع حاجبه طب اعمل ايه اصالحها اذاي
زين:اديها بوسه كبيله هههههه
عاصي:بضحك ماش كلامك بس مش دلوقتي بقي عشان منكسفهاش بص خدودها احمرت ازاي هههههههه.
غمزه:بس ياعاصي إيه اللي بتقوله للولد ده
عاصي:ههههه انا قولت حاجه دا هو الي بيقول يا حبيبتي مش انا
عبد الرحمن:طب مش هاتنده لاخوك بقي وتراضيه ياعاصي اخوك زعلان من اللي حاصل بينكو وزعل اكتر لما طلعلك عشان يعتذرليك وانت طردته ومردتش تقابله
عاصي:انا عمري ماقدر استغني عن اخويا ياابا بس هو كمان لازم يفهم ان في كلام ماينفعش يقوله حتي لو بيهوش بيه
حمزه من علي الباب: واتعلمت الدرس خلاص
حقك عليا يا اخويا واللي انت عايز تعمله فيا اعمله حتي لو هتضربني اضربني انا موافق
عاصي:انت فعلا عايز تضرب عشان تحرم تقول كلام انت مش قده تعالي ياض دانا هاكسر عضمك النهارده
ثم رفعه بين يديه وسط ضحكاتهم وبدء يلكمه بيديه في جميع انحاء جسده وسط تشجيع الصغير وهو يقف علي الاريكه ويصفق بحراره لهم
زين :ههههههه ساطل يا بابي دا هينفخك يا حمسه هيههه ايديله بالبوكس في وسه ايوه كده
ضحكوا جميعا واحتضن حمزه اخيه اخيرا وتملك منه وهو يتفادي لكماته ويضحك
خرجت غزل من الغرفه وهي تفرك عيناها مثل الاطفال وتنظر لهم بدهشه:هو في ايه انا فاتني كتير ولا ايه
نظرو لها وهم يضحكون وامسكها حمزه من يدها :تعالي تعالي انتي كنتي فين نايمه ولا بتاكلي
غزل:يووووه كنت نايمه والله مش باكل دانا حتي من الصبح مأكلتش حاجه وزعلانه من الحصل ده اوي
فضالي:لاء يا حبيبتي ماتزعليش اهم اتصالحو خلاص
همس عاصي في اذن روقيه:هو الحج مايعرفش بموضوع الحمل ولا ايه
روقيه وقد تلون وجهها بحمرة الخجل:اسكت خالص واوعي تنطق بحاجه هو لسه ماعرفش ومش عارفه رد فعله اصلا هيبقي ايه
عاصي:وحياة امك يا شيخه لتقوليله وتفرحيه يلا قولي ماتكسفيش
نظر فضالي إليهم بأندهاش:هو في ايه تاني واد انت ابعد عن مراتي ايه خلاص بقيتو شركا وبقي في بينكو اسرار ولا ايه
عاصي:طبعا انا اصلا عينتها:رئيس مجلس الاداره وطردت حمزه بره
غمزه:انا مش فاهمه حاجه
عاصي:ايه اللي مش فهماه بالظبط مامي طلبت تبقي شركتي وانا وفقت وهانعمل المشروع لو الارض رسيت علينا ان شاء الله
حمزه:ايوه بقي ياحاجه روقيه ياجامده انتي وجول وجول وجول
عاصي: حاجه حاجة مين اطلع بره يا حمزه
حمزه:هههههههه بعينك دانا فيها لخفيها يا معلم
فضالي:روقيه في ايه انتي مالك قلبتي طماطميه كده ليه
عاصي:بقولك ايه براحه عليها كده شويه وعلي نفسك انت كمان امسك نفسك كويس قولي بقي الخبر اللي عندك ياستي وانا ماسكه كده وخلصينا
روقيه وقد تشجعت:انا حامل يا عبد الرحمن
عبد الرحمن وقد جلس مندهش:ايه انتي بتقولي ايه بجد يا روقيه
روقيه:ايوه بجد هي الحاجات دي فيها هزار
عاصي:يا عبد الرحمن يا جامد مبروك الف مبروك يا حبيبي بس بقولك ايه انا عايز بنات محدش يخلف ولاد تاني كفايه عليا البغل ده والفثل ده
فضالي:هههههههه الله يبارك فيك يا حبيبي عقبال غمزه
نظرت هي الي زوجها بحزن فهي تعلم انه يريد ان تحمل له انثي في احشاءها ولكن الله لم يرد الي الان
جلست في صمت بينما انهالت علي والدتها تهانيهم واعلامها بفرحتهم بهذا الخبر السعيد
توجهت حسنه اليهم وصاحت
حسنه:ستي روقيه انتو مش هتتغدو بقي ولا ايه الغدا جاهز
عاصي:الله يخرب بيتك يافرج لاء دانا لازم ارحلك من البيت الفتره اللي جايه دي انت كده هتبوز شكل الانتاج الجديد خالص ههههههههه
///////////////بقلمي/كنزي حمزه///////////////////////
جلست علي الفراش بحزن تكبت ضيقها لاتريد ان تحزنه بأي شيء دلف هو اليها بعد ان ارقد الصغير في حجرته
عاصي: غمزه انتي هتانمي هنا ولا ايه تعالي هنام مع زين لحد ما اجيب حد يصلح الاوضه دي ولا ايه رأيك
انا هاغيرها خالص بصراحه شكلها مش هتنفع تاني بعد التكسير دا كله
غمزه:لاءه ماتغيرهاش ايه يعني شوية ازاز ولا ومرايا اتكسر هات حد يركب غيرهم وخلاص
عاصي:مالك يا حبيبتي انتي زعلانه ليه
غمزه وقد لمعت الدموع في عينها:لاء مش زعلانه ولاحاجه انا كويسه
عاصي وهو يجذبها اليه ويحتضنها:كويسه ايه دانتي بتعيطي كمان مالك بس قوليلي فيكي ايه
غمزه:مافيش يا حبيبي انا بس موضوع الحمل ده مزعلني شويه
عاصي:لاء مش فاهم انتي زعلانه عشان امك حامل
غمزه:يووووه يا عاصي قولتلك مليون مره اسمها مامتك مش امك
عاصي:طب بزمتك ده وقته يا ستي قوليلي زعلانه ليه واخلصي
غمزه:انا زعلانه عاشاني انا مامي حامل وغزل قبلها وانا مش عارفه افرحك بحملي لاء وكمان بعد ما كنت بتقولي ان نفسك انا اجيبلك بنوته دلوقتي بتطلب منهم هما
اندهش هو مما تفوهت به وبدأ يضحك ضحكه رجوليه عاليه:هههههههههههههههههههههه انتي غيرانه يا غمزه لاء بجد مش مصدق
نظرت له بغضب ثم ابتعدت عنه واعتدلت واقفه من علي الفراش كادت ان تذهب الا انه اجلسها علي قدمه مره تانيه
عاصي:تعالي بس رايحه فين
غمزه:اوعي سيبني انا عايزه اروح انام
عاصي وهو يلف خصلات شعرها حول اصبعه :طب ماحنا هنام بس الاول نحل موضوع البيبي ده
غمزه:هاه اذاي يعني
عاصي:اذاي دي بقي تسبيها علي ربنا وانا من ناحيتي هاعمل اللي عليا هههههههه
غمزه:يعني انت موافق نروح للدكتوره
عاصي:دكتوره ليه احنا لسه مكملناش ٦ شهور متجوزين يعني خلينا نحب في بعض شويه
غمزه:للاء ماليش دعوه انا عايزه بيبي
عاصي: كده طب خلينا بقي في حضن بعض كده لحد ما يحصل ايه رأيك وبدء يزيح ملابسها من عليها
غمزه:استني بس انا كنت عايزه اقولك حاجه عن زين
عاصي وهو يلامس شفايفها بشفاه :شششش ركزي معايا بقي مش عايز اسمع غير كلمه واحده
غمزه:بحبك يا عاصي
عاصي بهمس:وانا كمان ياقلب العاصي وهموت واشيل بين ايديا ابننا ولا بنتنا احنا الاتنين
تاهت هي في بحر همساته لها واغرقها بقبلاته الذي يمطرها بها الي ان اتمو ليلتهم كالعاده نائمه بين احضانه
/////////////////////
جلس علي فرشه شارد في شيء ما جلست امامه وتنظر اليه ثم قطعت هذا الصمت
روقيه:مالك ياعبد الرحمن سرحان في ايه انت زعلان عشان انا حملت
فضالي:ايوه زعلان كان رده صادم لها فبدأت الدموع تستجمع في عينها
روقيه:كده طب ولا تزعل نفسك انا ممكن انزله
فضالي بغضب:ايه اللي بتقوليه ده مش الاول تسألي انا زعلان ليه
افهميني يا روقيه انا خايف ملحقش اربي العيل اللي جي ده انا مش صغير بردو وكمان خايف عليكي انتي
روقيه:ربنا يديك طولة العمر وتفرح بيه
فضالي: يا رب وتقومي ليا بألف سلامه بس تاني مره مافيش خروج من البيت مين غير ما تقوليلي
روقيه:والله ماكنت قاصده اعمل كده انا عملت كده عشان خاطر الولاد يتصالحو مع بعض
فضالي:عارف يا حبيبتي ربنا يخليكي ليا
/////////////////////**************
انها الثانيه صباحا ولكنها مازلت مستيقظه جالسه علي الاريكه وقد بدأت بطنها تظهر في بأنتفاخ ملحوظ امام تلك الشاشه الكبيره وتضع علي قدمها طبق كبير من الفشار
خرج هو من غرفته ليجلب له زجاجة ماء ولكنه تصنم حين رأها
حمزه:بتعملي ايه الساعه دي انتي بتاكلي ياغزل
غزل:دا فشار والله مش اكل وبعدين انا مش جايلي نوم فقلت اقعد هنا عشان مش تقلق مني
حمزه:اقلق ايه بس كفايه يا حبيبتي اكل فشار بجد هاتتخني عقبال ما تولدي كده
غزل:يعني لما كنت مش باكل كنت بتزعقلي ولما بقيت اكل تقولي هاتتخني انا بجد مش بقيت عارفه ارضيك اذاي
ثم بداءت في البكاء بصوت مرتفع
تفاجىء هو مماتفعله واذا به يمسك من يدها هذا الطبق الكبير وينحني بجزعه ويحملها بين يدها
حمزه:انا مش هاعلق علي الهبل اللي انتي فيه دا بس هاقولك حاجه واحده ربنا يديني الصبر علبال ما تولدي عشان خلاص جبت اخري
ثم صرخ في وجهها وهو متجه بها الي غرفة نومهم(بطلي عياط)
اغمضت عينها وخبأت وجهها بالكامل في عنقه تكاد الا تتنفس حتي لي يسمع صوتها
وضعها علي الفراش بكل هدوء واتجهه الي جانبها من الناحيه الاخري ونام وهو يدثرها جيدا
حمزه:يلا نامي ومش عايز اسمع صوتك
غزل :بدموع مش جايلي نوم.
فرد ذراعه علي المخده قاصد قربها اليه
حمزه:تعالي نامي زي كل يوم وانتي هاتلقي النوم جيه لوحده
وضعت رأسها علي ذراعه وبعد دقائق ذهبت في نوم عميق
ابتسم هو علي تلك اللعينه التي دائما ما تنجح في ان تسلبه قلبه وظل ينظر إليها ويحتضنها جيدا الي ان ذهب هو الاخر في النوم
/////////////////////////////////////////
اصبحت شمس يوم جديد وذهب زين المدرسه وشرع عاصي في ارتداء ملابسه كانت هي تلبس حجابها امام المراءه في غرفة زين دلف هو عليها واحتضنها من الخلف
عاصي:غمزه
غمزه:نعم يا حبيبي
عاصي:ايه الحاجه اللي كنتي عايزه تقوليها ليا امبارح بخصوص زين
غمزه: ها اه افتكرت لما كنت بتتخانق انت وحمزه في الوكاله وزعقت لزين وطلعته
هو طلع هنا وقعد يعيط ويقولي انك بقيت مش بتحبه وانه عايز باباه ومامته الحقيقين انت ليه معرفه انو مش ابنك
افلت يده من حول خصرها واستند بجزعه علي حرف المقعد ضامم يديه حول صدره
عاصي :تفتكري انا ممكن اقول حاجه زي دي لطفل الحكومه قدرت سنه انه ٣ سنين
غمزه:لاء مش فاهمه طبعا انامعتقدتش انك ممكن تعمل كده بس مين اللي مفهمه حاجه زي دي
عاصي:طب انتي لو خلصتي احنا ممكن نكمل كلامنا في العربيه عشان منتأخرش
غمزه:اوك يلا بينا
جلست بجانبه في السياره وادار هو محركها ثم اتجهو الي كليتها
غمزه:قولي بقي ايه الحكايه بالظبط
عاصي :بصي يا ستي طبعا انتي عارفه انا لقيته اذاي واني استلمته عن طريق القسم
غمزه:ايوه نانا قالتلي الحكايه كلها
عاصي:بس اللي انتي ماتعرفهوش بقي ان الحكومه عشان توافق ان احنا اللي نربيه كان لازم نستلمه من دار رعايه
وانهم كل شويه يجو ويسألو عليه ويسألوه هو اذا كان مبسوط معانا وبنعامله كويس ولا لاء كده يعني
وهما اللي معرفينه انه مش ابني فكان لازم عشان هو ما يتهوش في كل الحوارت دي افهمه
وانا كمان حاولت كتير اوصل لأي حاجه تخص اهله بس للأسف معرفتش حاجه
غمزه:طب هو انت عندك صوره ليه وهو لسه صغير
عاصي:قصدك لما لقيته يعني ايوه عندي وكل حاجته كمان عندي
غمزه:طب ايه رأيك لو ننشرها علي النت في جروبات كتير بتنشر حاجات زي دي وفي اطفال بيرجعو لأهلهم عن طريقها
عاصي:لاء انا زين بالنسبه ليا بقي ابني انا واتعلقت بيه مش هينفع حتي لو لقينا اهله اني ابعده عني
غمزه:بس دي تبقي انانيه منك يا عاصي انت ماتعرفش حال عيلته ايه طول الفتره دي وكمان هو يا حبيبي لسه صغير وتفكيره بيوصله ان اي حد بيزعله يبقي مش بيحبه وبيفكر لو هو معاهم اكيد كانو هايحبو
عاصي:صدقيني انا عارف كل الكلام ده ودورت كتير بس من غير نتيجه
غمزه:طب معلش سيبني احاول المره دي كمان عشان خاطره
عاصي بتنهيده:ماشي موافق بس اما نرجع بقي نبقي نشوف هانعمل ده ازاي يلا وصلنا
اظن اني مش محتاج انبه عليكي انك لاتقفي ولا تتكلمي مع حد
غمزه:طبعا اكتر من اسراء مش هاقف مع حد ثم اقتربت منه وطبعت قبله علي وجنته
وهتفت:سلام يا حبيبي اسراء واقفه هناك اهيه وهاروح ليها
عاصي :ماشي يا حبيبتي خلي بالك من نفسك ولو حد حاول يتعرض ليكي بس كلميني تليفونك فين
غمزه:هههههه اهو معايا متخافش يلا سلام بقي
عاصي:سلام يا قلبي ترجلت من جواره وذهبت الي صديقتها التي ما ان رأتهم وبدأت تقترب منهم
ادار هو محرك سيارته واتجه بها الي عمله
/////////////////////////////////////////////////
اقتربت هي منها وأمسكتها من يدها تحسها علي الحديث
اسراء:ايه يا بنتي انا كنت هاتجنن لما مش كنتي بتردي علي الفون بتاعك واتجننت اكتر لما حازم قالي ان جوزك كان بيتخانق هو واخوه ايه الحصل فاهميني
غمزه:مافيش يا اسراء هو بس شد مع اخوه شويه بخصوص شغلهم والحمد لله اتصالحو بعد ما ورانا كلنا ليله مايعلم بيها الا ربنا
اسراء:طب وانتي عمل معاكي ايه اتخانق معاكي بسبب الزفت ده ولا عمل ايه
غمزه:طبعا هو اصلا كان جاي ياخدني وهو مشحون من اخوه علي الاخر بس اتكلمت معاه وعرفته اني بحترمه في غيابه قبل حضوره وهو فهم ده
بس بردو فضل زعلان اني خبيت عليه اني كنت اعرف ان الاچنده مع الزفت ده حتي لو كنت خايفه منه
وقالي انو مش هايمنعني من الكليه عشان هو قادر يحميني في اي حته
اسراء:الله يخرب بيته فادي الزفت ده هو السبب
غمزه:ياريت ما يحاولش يحتك بينا تاني والحمد لله الامتحانات قربت وأخلص بقي من الترم ده
اسراء:طب يلا تعالي ندخل المحاضره احسن ده عمال يبص علينا دلفو الي المحاضره تحت نظارته العاشقه لها افاقه من شروده صديقه
معتز:تاني يا فادي مش قولنا مش عايزين مشاكل
فادي:خلاص والله يا معتز انا اعتبرتها زيها زي اي بنت في الكليه بس غصب عني اول عيني ما بتيجي عليها بتشد ليها
معتز :معلش يا صاحبي مره في مره هاتتعود وتنساها اقولك تعالي نروح الكافتريا نشرب حاجه
فادي:لاء ماليش مزاج اقولك انا هاروح.. ادعموا الصفحة ب 10 تعليقات لانها مقيدة 🥺❤️❤️