رواية العنيد
الفصل العاشر 10
بقلم الشيماء محمد
ﺍﻫﻮ ﻧﺰﻟﺘﻬﺎ ﻋﻤﺮﻭ ﺑﻴﻘﻮﻟﻲ ﺍﻧﻬﺎ ﻣﺶ ﻫﺘﺠﻴﺐ ﺗﻔﺎﻋﻞ
ﻭﺍﻧﺎ ﺑﻘﻮﻟﻪ ﻷ ﺣﺒﺎﻳﺒﻲ ﺑﻴﺤﺒﻮﻧﻲ ﻭﻛﻠﻪ ﻫﻴﻌﻤﻞ ﻻﻳﻚ
ﻭﻛﻮﻣﻨﺖ
ﺍﻭﻋﻮ ﺗﻜﺴﻔﻮﻧﻲ ﻗﺪﺍﻣﻪ ﺑﻘﻲ
ﻧﺎﺩﻳﻪ ﻳﺪﻭﺏ ﻫﺘﻘﻮﻝ ﻟﺠﻮﺯﻫﺎ ﺍﻟﻠﻲ ﺑﻴﺤﺼﻞ ﺍﻟﺒﺎﺏ ﺍﺗﻔﺘﺢ
ﻭﻟﻴﻠﻲ ﺩﺧﻠﺖ
ﻧﺎﺩﻳﻪ: ﻛﻮﻳﺲ ﺍﻧﻚ ﺟﻴﺘﻲ ﺩﻩ ﺍﺑﻮﻛﻲ ﻛﺎﻥ ﻫﻴﻜﻠﻤﻚ
ﺗﻌﺎﻟﻲ ﻗﻴﺴﻴﻠﻪ ﺍﻟﻀﻐﻂ
ﻟﻴﻠﻲ ﺳﺎﻛﺘﻪ ﻗﺎﺳﺖ ﻻﺑﻮﻫﺎ ﺍﻟﻀﻐﻂ ﻭﻛﺎﻥ ﻋﺎﻟﻲ ﺷﻮﻳﻪ
ﻭﻋﻄﺘﻪ ﺍﻟﻌﻼﺝ ﺑﺘﺎﻋﻪ ﻭﺳﺎﺑﺘﻬﻢ ﻭﺩﺧﻠﺖ ﺗﻨﺎﻡ
ﺍﻣﻬﺎ ﻭﺭﺍﻫﺎ ﻋﺎﻳﺰﻩ ﺗﻌﺮﻑ ﻟﻴﻪ ﺟﺖ ﺑﺪﺭﻱ ﻭﻣﺎﻟﻬﺎ
ﻧﺎﺩﻳﻪ: ﺍﻳﻪ ﺍﻟﻠﻲ ﺣﺼﻞ؟ ﻭﻣﺎﻟﻚ ﺿﺎﺭﺑﻪ ﺑﻮﺯ ﻟﻴﻪ؟
ﻟﻴﻠﻲ ﻣﺠﺎﻭﺑﺘﺶ ﺍﻣﻬﺎ ﺑﺲ ﻓﻀﻠﺖ ﺗﻌﻴﻂ ﻓﻲ ﺣﻀﻨﻬﺎ
ﻟﻴﻠﻲ: ﻣﺎ ﺑﻴﺤﺒﻨﻴﺶ ﻳﺎ ﻣﺎﻣﺎ
ﻭﻓﻀﻠﺖ ﺗﻌﻴﻂ ﻛﺘﻴﺮ ﻭﺍﺑﻮﻫﺎ ﻛﺎﻥ ﻫﻴﺪﺧﻞ ﻳﻄﻤﻦ ﺑﺲ
ﺳﻤﻌﻬﺎ ﺑﺘﻌﻴﻂ ﻓﺴﺎﺑﻬﻢ ﻟﻮﺣﺪﻫﻢ ﻣﻊ ﺑﻌﺾ
ﺑﻌﺪ ﻣﺎ ﻧﺎﺩﻳﻪ ﺧﺮﺟﺖ ﺟﻮﺯﻫﺎ ﻛﺎﻥ ﻣﺴﺘﻨﻴﻬﺎ
ﻋﻢ ﻣﺤﻤﺪ : ﺑﻨﺘﻚ ﻣﺎﻟﻬﺎ ﻭﺍﻳﻪ ﺍﻟﻠﻲ ﻗﻠﺐ ﻛﻴﺎﻧﻬﺎ ﻛﺪﻩ؟
ﻃﻮﻝ ﻋﻤﺮﻫﺎ ﺭﺍﻓﻌﻪ ﺭﺍﺳﻬﺎ ﻓﻮﻕ ﻭﺑﺘﺒﺺ ﻟﻠﻨﺎﺱ ﻣﻦ
ﻓﻮﻕ ﺍﻳﻪ ﺍﻟﻠﻲ ﺟﺮﺍﻟﻬﺎ؟؟
ﻣﺮﺍﺗﻪ ﺳﺎﻛﺘﻪ ﻭﻣﺶ ﻋﺎﺭﻓﻪ ﺗﻘﻮﻟﻪ ﺍﻳﻪ؟
ﻋﻢ ﻣﺤﻤﺪ : ﺑﺘﺤﺒﻪ ﺻﺢ؟ ﺩﻩ ﺍﻟﻠﻲ ﻛﻨﺖ ﺧﺎﻳﻒ ﻣﻨﻪ؟
ﻧﺎﺩﻳﻪ: ﻻ ﻣﺎ ﺗﺨﺎﻓﺶ ﻫﻮ ﻣﺶ ﻋﺎﻳﺰ ﺣﺒﻬﺎ ﺩﻩ ﻭﻻ
ﻋﺎﻳﺰﻫﺎ ﺍﺻﻼ
ﻋﻢ ﻣﺤﻤﺪ : ﻃﻴﺐ ﺍﻟﺤﻤﺪﻟﻠﻪ ﺍﻧﻬﺎ ﺟﺖ ﻣﻨﻪ ﻻﻧﻪ ﻟﻮ ﺍﺧﺮ
ﺭﺍﺟﻞ ﻋﻤﺮﻱ ﻣﺎ ﻫﻮﺍﻓﻖ ﻋﻠﻴﻪ ﺍﺑﺪﺍ
ﻧﺎﺩﻳﻪ: ﻟﻴﻪ ﻣﺎﻟﻪ؟ ﻋﻴﺒﻪ ﺍﻳﻪ؟
ﻋﻢ ﻣﺤﻤﺪ : ﺍﻧﺘﻲ ﺷﺎﻳﻔﻪ ﺍﻳﻪ ﻓﻴﻪ ﺍﺻﻼ؟ ﺍﻧﺘﻲ ﻭﻻ
ﻫﻴﺎ؟؟ ﺍﻣﻮﺭ ﺣﺒﺘﻴﻦ؟ ﺍﻳﻪ ﺍﻟﻠﻲ ﻋﺪﻝ ﻓﻴﻪ؟ ﻋﺎﻳﺰﻩ
ﺗﺠﻮﺯﻱ ﺑﻨﺘﻚ ﻟﻮﺍﺣﺪ ﻛﻞ ﻳﻮﻡ ﺑﻴﻨﺎﻡ ﻣﻊ ﻭﺍﺣﺪﻩ؟؟؟
ﺗﺮﺿﻴﻬﺎ ﺩﻱ ﻟﺒﻨﺘﻚ؟؟ ﻟﺮﺍﺟﻞ ﺑﻴﺴﻜﺮ ﻟﺤﺪ ﻣﺎ ﻳﻮﻗﻊ ﻣﻦ
ﻃﻮﻟﻪ؟؟؟ ﺗﺄﻣﻨﻲ ﻋﻠﻲ ﺑﻨﺘﻚ ﻣﻌﺎﻩ ﺍﺯﺍﻱ؟؟
ﻧﺎﺩﻳﻪ: ﻫﻮ ﺑﻴﻌﻤﻞ ﻛﺪﻩ ﻣﻦ ﻭﺣﺪﺗﻪ ﻟﻮ ﻋﻨﺪﻩ ﻋﻴﻠﻪ
ﻗﺎﻃﻌﻬﺎ: ﻫﻴﻌﻤﻞ ﺍﻳﻪ؟ ﻫﻴﺒﻄﻞ ﺳﺘﺎﺕ ﻭﺷﺮﺏ؟؟؟
ﺗﻀﻤﻨﻲ ﻣﻨﻴﻦ؟ ﻭﻣﻴﻦ ﻳﻀﻤﻨﻬﻮﻟﻚ؟؟؟ ﻣﺴﺘﻌﺪﻱ
ﺗﺨﺎﻃﺮﻱ ﺑﺤﻴﺎﻩ ﺑﻨﺘﻚ؟؟؟ ﻓﻲ ﻣﺮﻩ ﺳﻜﺮﺍﻥ ﺿﺮﺑﻬﺎ ﻭﻻ
ﻗﺘﻠﻬﺎ ﺗﻌﻤﻠﻲ ﺍﻳﻪ؟ ﺗﺠﻴﺒﻲ ﺣﻘﻚ ﻣﻨﻴﻦ؟ ﻭﺍﺩﻳﻜﻲ
ﺷﻮﻓﺘﻲ ﺍﻫﻮﻩ ﻗﺘﻞ ﺍﻟﺮﺍﺟﻞ ﻭﺧﻨﻘﻪ ﻭﻛﻞ ﺭﺟﺎﻟﺘﻪ ﻗﺎﻟﻮ
ﺩﻓﺎﻉ ﻋﻦ ﺍﻟﻨﻔﺲ ﻭﻣﺤﺪﺵ ﻗﺎﻟﻪ ﻛﻠﻤﻪ ﻭﻓﻲ ﺍﻻﺧﺮ
ﺍﻋﺘﺬﺭﻭﻟﻪ ﻋﺎﺭﻓﻪ ﻟﻴﻪ؟ ﻻﻧﻪ ﻗﺎﺗﻞ .... ﻛﻞ ﻣﺎ ﻳﺤﺘﺎﺟﻮﺍ
ﻳﻘﺘﻠﻮ ﺣﺪ ﻳﺒﻌﺘﻮﻩ ... ﺑﻴﻘﺘﻞ ﺑﺪﻡ ﺑﺎﺭﺩ ... ﻭﺍﻟﻨﻮﻋﻴﻪ ﺩﻱ
ﻗﻠﻴﻠﻪ ﻗﻮﻱ ﻓﻤﺘﻤﺴﻜﻴﻦ ﺑﻴﻪ ﻭﻳﻮﻡ ﻣﺎ ﻳﺤﺐ ﻳﺴﻴﺐ
ﺷﻐﻠﻪ ﻳﻘﺘﻠﻮﻩ ﻫﻮ ....
ﻧﺎﺩﻳﻪ: ﺍﻧﺖ ﻣﻴﻦ ﻗﺎﻟﻚ ﻛﻞ ﺩﻩ؟
ﻋﻢ ﻣﺤﻤﺪ : ﺍﺑﻨﻚ ﻭﻓﻲ ﺍﻟﻤﺤﻜﻤﻪ ﻗﺎﻟﻮﻟﻪ ﻣﺶ ﻫﺘﺴﻴﺒﻨﺎ
ﻋﻠﻲ ﺭﺟﻠﻴﻚ ﺍﺑﺪﺍ ﻻﻧﻚ ﺧﻄﻴﺮ ... ﻳﻌﻨﻲ ﺣﺘﻲ ﻟﻮ ﻛﻮﻳﺲ
ﻭﺣﺘﻲ ﻟﻮ ﻫﻴﺒﻄﻞ ﻛﻞ ﺣﺎﺟﻪ ﻭﺣﺸﻪ ﻳﻐﻮﺭ ﺑﺸﻐﻠﻪ
ﺩﻩ ... ﺩﻩ ﺍﻧﺎ ﻧﻔﺴﻲ ﺍﺑﻌﺪ ﻣﺼﻄﻔﻲ ﺗﻘﻮﻣﻲ ﺗﺪﺧﻠﻲ
ﻟﻴﻠﻲ ﻣﻌﺎﻩ
ﺍﻋﻘﻠﻲ ﻭﻋﻘﻠﻲ ﺑﻨﺘﻚ
ﻧﺎﺩﻳﻪ: ﺭﻳﺢ ﺑﺎﻟﻚ ﻫﻮ ﻃﺮﺩﻫﺎ ﺍﺻﻼ
ﻋﻢ ﻣﺤﻤﺪ : ﻃﺮﺩﻫﺎ ﻣﻨﻴﻦ؟ ﻗﻮﻟﻲ ﺍﻧﻄﻘﻲ
ﻧﺎﺩﻳﻪ ﺍﺗﻮﺗﺮﺕ : ﻣﻦ ﺣﺎﻟﺘﻪ ... ﻣﺶ ﻫﻴﺎ ﻛﺎﻧﺖ ﺍﻟﺪﻛﺘﻮﺭﺓ
ﺑﺘﺎﻋﺘﻪ؟؟ ﻃﺮﺩﻫﺎ ﻭﻗﺎﻟﻬﺎ ﻣﺶ ﻋﺎﻳﺰﻙ ﻭﺳﺎﺑﻠﻬﺎ
ﺍﻟﻤﺴﺘﺸﻔﻲ ﻛﻠﻬﺎ ﻋﻠﺸﺎﻥ ﻣﺎ ﻳﺸﻮﻓﻬﺎﺵ
ﻋﻢ ﻣﺤﻤﺪ : ﻭﻋﻠﺸﺎﻥ ﻛﺪﻩ ﻛﺎﻧﺖ ﻣﺎ ﺑﺘﻔﺎﺭﻗﺶ
ﺍﻟﻤﺴﺘﺸﻔﻲ ﻭﺍﻭﻝ ﻣﺎ ﻣﺸﻲ ﺭﺟﻌﺖ ﺍﻟﺒﻴﺖ ... ﻳﺎﺭﺏ
ﺍﻧﺖ ﺑﺎﻳﺪﻙ ﻛﻞ ﺍﻟﺨﻴﺮ ﺍﺑﻌﺪ ﻋﻨﻬﺎ ﺍﻟﺸﺮ ﻭﺍﺭﺯﻗﻬﺎ ﺩﻳﻤﺎ
ﺑﺎﻟﺨﻴﺮ
ﺍﺩﻫﻢ ﺑﻴﺤﺎﻭﻝ ﻛﻞ ﺷﻮﻳﻪ ﻳﻘﻨﻊ ﻧﻔﺴﻪ ﺍﻧﻪ ﺍﺣﺴﻦ ﻭﻫﻴﺎ
ﺑﻌﻴﺪ ﻭﺍﻧﻬﺎ ﻣﺶ ﻭﺣﺸﺎﻩ ﺍﺑﺪﺍ ﺍﺑﺪﺍ
ﺑﺲ ﻛﻞ ﻛﻠﻤﻪ ﻧﻄﻘﺘﻬﺎ ... ﻛﻞ ﺣﺮﻛﻪ ﻋﻤﻠﺘﻬﺎ ... ﺷﻜﻠﻬﺎ
ﻳﻮﻡ ﺍﻟﻔﺮﺡ ﻣﺶ ﻓﺎﺭﻗﻪ ... ﻭﺷﻬﺎ .. ﺍﺑﺘﺴﺎﻣﺘﻬﺎ ...
ﺷﻌﺮﻫﺎ ...
ﻋﺎﻳﺰ ﻳﻔﻜﺮ ﻓﻲ ﻣﺎﺿﻴﻪ ﻋﻠﺸﺎﻥ ﻳﺘﺪﺧﻞ ﻭﻳﺒﻌﺪﻫﺎ ﻣﻦ
ﺫﻛﺮﻳﺎﺗﻪ ﺑﺲ ﻟﻼﺳﻒ ﻫﻴﺎ ﺑﺘﻄﺮﺩ ﺫﻛﺮﻳﺎﺕ ﻣﺎﺿﻴﻪ
ﺍﻛﺮﻡ ﺭﺟﻊ ﻣﻦ ﺷﻬﺮ ﺍﻟﻌﺴﻞ ﻭﻋﺮﻓﻮﺍ ﺍﻟﻠﻲ ﺣﺼﻞ
ﻻﺩﻫﻢ ﻭﺭﺍﺣﻮﻟﻪ ﺑﺴﺮﻋﻪ
ﻟﻮﻡ ﻭﻋﺘﺎﺏ ﻛﺘﻴﺮ ﺑﻴﻦ ﺍﻻﺻﺤﺎﺏ ﻭﻓﻲ ﺍﻻﺧﺮ ﺍﺗﺼﺎﻟﺤﻮﺍ
ﻭﻛﻠﻬﻢ ﻣﺘﺠﻤﻌﻴﻦ ﻣﻊ ﺑﻌﺾ
ﺍﻛﺮﻡ ﻭﻣﻨﻲ ﺍﺗﻐﻴﺮﻭﺍ ﻛﺘﻴﺮ ... ﺍﻛﺮﻡ ﺑﻘﻲ ﺍﻭﺳﻢ ﻭﺍﺷﻴﻚ
ﻭﺑﻴﻀﺤﻚ ﻛﺘﻴﺮ ﻭﻣﻨﻲ ﺑﻘﺖ ﺟﻤﻴﻠﻪ ﺟﺪﺍ ﻭﺍﻧﻮﺛﺘﻬﺎ ﻃﺎﻏﻴﻪ
ﻭﻃﻮﻝ ﺍﻟﻮﻗﺖ ﻫﻴﺎ ﻭﺍﻛﺮﻡ ﺑﻴﺘﻜﻠﻤﻮﺍ ﺍﻭ ﺑﻴﺘﻬﺎﻣﺴﻮﺍ ﺍﻭ
ﺑﻴﻀﺤﻜﻮﺍ
ﻟﻠﺪﺭﺟﻪ ﺩﻱ ﺍﻟﺤﺐ ﺑﻴﻐﻴﺮ؟؟؟
ﻛﻞ ﺷﻮﻳﻪ ﺍﺩﻫﻢ ﻳﺘﺨﻴﻞ ﻟﻮ ﻟﻴﻠﻲ ﻣﻮﺟﻮﺩﻩ ﻣﻌﺎﻩ ﻭﻳﺤﻂ
ﻧﻔﺴﻪ ﻣﻜﺎﻥ ﺍﻛﺮﻡ ﻭﻫﻴﺎ ﻣﻜﺎﻥ ﻣﻨﻲ
ﻋﻼﺀ ﻣﻼﺣﻈﻪ ﻭﺳﺎﻛﺖ ﻭﻓﺎﻫﻢ ﻟﺤﺪ ﻣﺎ ﺑﻘﻮﺍ ﻟﻮﺣﺪﻫﻢ
ﻭﻛﻞ ﻭﺍﺣﺪ ﺍﺧﺪ ﻣﺮﺍﺗﻪ ﺍﻛﺮﻡ ﻭﻣﺤﻤﺪ
ﻋﻼﺀ : ﻭﻓﻀﻴﺖ ﻋﻠﻴﻨﺎ ﺍﻟﺪﺍﺭ ﻭﺍﻟﻐﺮﺑﻪ ﺯﻱ ﺍﻟﻨﺎﺭ
ﺍﺩﻫﻢ: ﺻﻮﺗﻚ ﻭﺣﺶ ﻣﺎ ﺗﻐﻨﻴﺶ ﻭﺑﻌﺪﻳﻦ ﻫﻴﺎ ﻣﺶ
ﻧﺎﻗﺼﻪ ﻏﻢ ﺍﺻﻼ
ﻋﻼﺀ : ﺍﻧﺖ ﻣﺎ ﺷﻔﺘﻬﺎﺵ ﻣﻦ ﺳﺎﻋﺖ ﻣﺎ ﻃﺮﺩﺗﻬﺎ؟؟؟
ﺍﺩﻫﻢ: ﺍﻧﺎ ﻣﺎ ﻃﺮﺩﺗﻬﺎﺵ
ﻋﻼﺀ : ﻧﻌﻢ؟ ﺩﻩ ﺍﻧﺖ ﻛﺎﻥ ﻧﺎﻗﺺ ﻟﻮ ﻓﻴﻚ ﺻﺤﻪ ﺗﻔﺘﺢ
ﺍﻟﺒﺎﺏ ﻭﺗﺮﻣﻴﻬﺎ ... ﻗﺎﻝ ﻣﺎ ﻃﺮﺩﺗﻬﺎﺵ؟؟ ...
ﺍﺩﻫﻢ: ﻋﻼﺀ ﺍﻧﺎ ﻣﺶ ﻧﺎﻗﺼﻚ
ﻋﻼﺀ : ﺍﻧﺎ ﻋﺎﻳﺰ ﺍﻋﺮﻑ ﻫﻮ ﻣﺶ ﺍﻧﺖ ﺍﻟﻠﻲ ﻗﻮﻟﺖ ﻻﻛﺮﻡ
ﻭﻣﻨﻲ ﻟﻮ ﻓﺎﺿﻞ ﻓﻲ ﻋﻤﺮﻱ ﺳﺎﻋﻪ ﻫﻘﻀﻴﻬﺎ ﻓﻲ ﺣﻀﻦ
ﺣﺒﻴﺒﺘﻲ؟؟؟ ﻭﻻ ﻫﻮ ﻧﻨﺼﺢ ﻏﻴﺮﻧﺎ ﻟﻜﻦ ﻧﻔﺴﻨﺎ ﺍﻟﻜﻼﻡ
ﻛﺨﻪ؟؟ ﻓﻴﻦ ﻧﺼﺎﻳﺤﻚ ﻻﻛﺮﻡ ﻭﻣﻨﻲ؟؟؟ ﻣﺎ ﺗﻄﺒﻘﻬﺎ
ﻋﻠﻲ ﻧﻔﺴﻚ؟؟ ﻣﺎ ﺗﺮﻭﺡ ﻟﺤﺒﻴﺒﺘﻚ ﻭﺗﺮﻣﻲ ﻧﻔﺴﻚ ﻓﻲ
ﺣﻀﻨﻬﺎ ﻭﻋﻴﺶ ﺑﻘﻲ؟؟ ﻣﺎ ﺯﻫﻘﺘﺶ ﻣﻦ ﺍﻟﻮﺣﺪﻩ؟؟ ﻣﺎ
ﻣﻠﺘﺶ؟؟
ﻫﻴﺎ ﺑﺘﺤﺒﻚ ﻭﺍﻧﺖ ﺑﺘﺤﺒﻬﺎ ﻓﻴﻦ ﺍﻟﻤﺸﻜﻠﻪ؟ ؟
ﺍﺩﻫﻢ: ﻣﺎ ﺗﻌﺪﻳﺶ ﻛﻼﻣﻲ ﻣﻊ ﺍﻛﺮﻡ ﻭﻣﻨﻲ ﻫﻤﺎ
ﻭﺿﻌﻬﻢ ﻣﺨﺘﻠﻒ ﻋﻨﻲ
ﻋﻼﺀ : ﻧﻔﺲ ﺍﻟﻮﺿﻊ ﻏﺒﺎﺀ ﻓﻲ ﻏﺒﺎﺀ ﻫﻴﺎ ﺑﺘﺤﺒﻚ ﻭﺩﻩ
ﻭﺍﺿﺢ ﻗﻮﻱ ﻭﺍﻧﺖ ﺑﺘﺤﺒﻬﺎ ﻭﺩﻩ ﺑﺮﺿﻪ ﻭﺍﺿﺢ
ﺍﺩﻫﻢ :. ﻻ ﻣﺒﺤﺒﻬﺎﺵ
ﻋﻼﺀ : ﺻﺢ ﻭﻋﻠﺸﺎﻥ ﻛﺪﻩ ﻛﻞ ﻣﺎ ﻛﻨﺖ ﺗﻔﻮﻕ ﺗﻨﺎﺩﻱ
ﻋﻠﻴﻬﺎ ﻭﻛﻞ ﻣﺎ ﺗﺨﺮﻑ ﻭﺍﻧﺖ ﺳﺨﻦ ﺗﺨﺮﻑ ﺑﺎﺳﻤﻬﺎ ﻭﻛﻞ
ﻣﺎ ﺗﻔﺘﺢ ﻋﻨﻴﻚ ﺗﻘﻮﻟﻬﺎ ﺧﻠﻴﻜﻲ ﺟﻨﺒﻲ ﻭﻟﻤﺎ ﻃﺮﺩﺗﻬﺎ ﻛﻨﺖ
ﻋﺎﻳﺰ ﺗﺮﻭﺡ ﻭﺭﺍﻫﺎ ﻭﺩﻟﻮﻗﺘﻲ ﻋﻴﻨﻚ ﻣﺎ ﻧﺰﻟﺘﺶ ﻣﻦ
ﻋﻠﻲ ﺍﻛﺮﻡ ﻭﻣﻨﻲ ﻭﻣﺤﻤﺪ ﻭﺭﻗﻴﻪ ﻭﻃﻮﻝ ﺍﻟﻮﻗﺖ
ﺳﺮﺣﺎﻥ ﻭﺗﺘﺨﻴﻞ ﻧﻔﺴﻚ ﻣﻌﺎﻫﺎ ﺻﺢ ﻭﻻ ﺍﻧﺎ ﻏﻠﻄﺎﻥ؟
ﻭﻟﻮ ﺳﻤﺤﺖ ﻣﺎ ﺗﻜﺪﺑﺶ ﻋﻠﻲ ﻧﻔﺴﻚ؟؟ ﻫﻘﻮﻟﻚ ﻛﻠﻤﻪ
ﺍﻧﺖ ﻗﻮﻟﺘﻬﺎ ﻟﻤﻨﻲ .. ﺍﻟﺤﻴﺎﻩ ﻣﺎ ﺑﺘﺪﻳﺶ ﻛﺘﻴﺮ ﺑﺲ ﺑﺘﺪﻱ
ﻓﺨﺪ ﺍﻟﻠﻲ ﺑﺘﺪﻳﻬﻮﻟﻚ ﻗﺒﻞ ﻣﺎ ﺗﺎﺧﺪﻩ ﺗﺎﻧﻲ ﻣﻨﻚ ... ﺧﺪﻫﺎ
ﻳﺎ ﺍﺩﻫﻢ ﻗﺒﻞ ﻣﺎ ﺗﻄﻴﺮ ﻭﺗﻨﺪﻡ
ﺑﻜﺮﻩ ﺍﻟﺼﺒﺢ ﺭﻭﺡ ﻏﻴﺮ ﻋﻠﻲ ﺍﻟﺠﺮﺡ ﻫﺎﺟﻲ ﺍﻭﺩﻳﻚ
ﺍﻟﻤﺴﺘﺸﻔﻲ ﻭﺍﻧﺖ ﻗﺮﺭ ﺍﻟﻠﻴﻠﻪ ﺩﻱ ﻫﺘﻌﻤﻞ ﺍﻳﻪ؟
ﺳﺎﺑﻪ ﻓﻲ ﺣﺮﺏ ﺟﻮﺍﻩ ﺍﺳﺘﻤﺮﺕ ﺍﻟﻠﻴﻞ ﻛﻠﻪ ﻭﻣﺶ ﻗﺎﺩﺭ
ﻳﺎﺧﺪ ﻗﺮﺍﺭ ﺑﺲ ﻋﻨﻴﻬﺎ ﻭﺣﺸﺎﻩ ﺟﺪﺍ
ﺍﻟﺼﺒﺢ ﻃﻠﻊ ﻭﻋﻼﺀ ﺟﺎﻟﻪ ﻛﺎﻥ ﻻﺑﺲ ﻓﺎﺑﺘﺴﻢ ﺍﻭﻝ ﻣﺎ
ﺷﺎﻓﻪ ﻭﺻﻠﻪ ﺍﻟﻤﺴﺘﺸﻔﻲ
ﻋﻼﺀ : ﻫﺴﺘﻨﺎﻙ ﻫﻨﺎ؟ ﺍﻭﻙ ﻟﻮ ﻓﻲ ﺟﺪﻳﺪ ﻛﻠﻤﻨﻲ؟؟
ﺍﺩﻫﻢ ﺩﺧﻞ ﺍﻟﻤﺴﺘﺸﻔﻲ ﻭﻋﻨﺪ ﺍﻟﺮﻳﺴﺒﺸﻦ
ﺍﺩﻫﻢ: ﺍﻧﺎ ﻛﻨﺖ ﻋﺎﻣﻞ ﻋﻤﻠﻴﻪ ﻫﻨﺎ ﻭﺣﺎﻟﻴﺎ ﻋﺎﻳﺰ ﺍﻏﻴﺮ
ﻋﻠﻲ ﺍﻟﺠﺮﺡ ﻓﻌﺎﻳﺰ ﺩﻛﺘﻮﺭ ﺟﺮﺍﺣﻪ
ﺍﻟﺒﻨﺖ: ﺩﻛﺘﻮﺭ ﻣﻴﻦ ﻋﻤﻠﻚ ﺍﻟﻌﻤﻠﻴﻪ؟؟
ﺍﺩﻫﻢ: ﺩﻛﺘﻮﺭ ﺍﻣﻴﻦ
ﺍﻟﺒﻨﺖ: ﻫﻮ ﻣﺘﺎﺡ ﺣﺎﻟﻴﺎ ﺍﺗﻔﻀﻞ ﺍﻟﺪﻭﺭ ﺍﻟﺘﺎﻟﺖ
ﺍﺩﻫﻢ: ﻟﻮ ﺳﻤﺤﺘﻲ ﺩﻛﺘﻮﺭﻩ ﻟﻴﻠﻲ ﻣﻮﺟﻮﺩﻩ؟؟ ﻟﻮ ﻳﻨﻔﻊ
ﻫﺪﺧﻠﻬﺎ ﻫﻴﺎ ﻻﻥ ﻫﻴﺎ ﺍﻟﻠﻲ ﻛﺎﻧﺖ ﻣﺘﺎﺑﻌﻪ ﺣﺎﻟﺘﻲ؟؟
ﺍﻟﺒﻨﺖ: ﺑﺲ ﺩﻱ ﻟﺴﻪ ﺗﺤﺖ ﺍﻟﺘﺪﺭﻳﺐ ﻭﺩﻛﺘﻮﺭ ﺍﻣﻴﻦ
ﻣﻮﺟﻮﺩ
ﺍﺩﻫﻢ: ﻫﻮ ﺍﻧﺘﻲ ﻋﻠﻲ ﻃﻮﻝ ﺑﺘﻌﺎﺭﺿﻲ ﻭﺑﺲ؟؟
ﺩﻛﺘﻮﺭﻩ ﻟﻴﻠﻲ ﻣﻮﺟﻮﺩﻩ ﻭﻻ ﻷ؟ ﺳﺆﺍﻝ ﺑﺴﻴﻂ
ﺍﻟﺒﻨﺖ: ﻣﻮﺟﻮﺩﻩ ﺍﻟﺪﻭﺭ ﺍﻟﺘﺎﻟﺖ ﺍﻭﺿﻪ ﻛﺸﻒ 4 ﻓﻲ
ﻋﻴﺎﺩﺍﺕ ﺍﻟﺠﺮﺍﺣﻪ
ﺍﺩﻫﻢ: ﺑﺲ ﺷﻜﺮﺍ
ﺳﺎﺑﻬﺎ ﻭﻃﻠﻊ ﻟﺤﺪ ﻣﺎ ﻭﺻﻞ ﻗﺪﺍﻡ ﻋﻴﺎﺩﺗﻬﺎ ﻭﺍﺗﺮﺩﺩ ﻳﺪﺧﻞ
ﻭﻻ ﻳﻤﺸﻲ
ﺍﺧﻴﺮﺍ ﺧﺒﻂ ﻭﻗﺮﺭ ﻳﺪﺧﻞ ﻭﺍﻟﻠﻲ ﻳﺤﺼﻞ ﻳﺤﺼﻞ
ﻟﻴﻠﻲ: ﺍﺩﺧﻞ
ﺍﺩﻫﻢ ﺩﺧﻞ ﻭﻫﻴﺎ ﺑﺎﺻﻪ ﻓﻲ ﺍﻟﻜﻤﺒﻴﻮﺗﺮ ﻗﺪﺍﻣﻬﺎ
ﻭﺷﺎﻭﺭﺗﻠﻪ ﻳﻘﻌﺪ
ﻟﻴﻠﻲ: ﻟﺤﻈﻪ ﻭﻫﻔﻀﺎﻟﻚ ﺍﺗﻔﻀﻞ
ﺍﺩﻫﻢ ﻓﻀﻞ ﻭﺍﻗﻒ ﻣﻜﺎﻧﻪ ﻟﺤﺪ ﻣﺎ ﻫﻴﺎ ﺍﺧﺪﺕ ﺑﺎﻟﻬﺎ ﺍﻥ
ﻣﺤﺪﺵ ﻗﻌﺪ ﻗﺪﺍﻣﻬﺎ
ﻟﻴﻠﻲ: ﺍﺗﻒ
ﻣﻜﻤﻠﺘﺶ ﺍﻟﻜﻠﻤﻪ ﺍﻭﻝ ﻣﺎ ﺷﺎﻓﺘﻪ
ﺍﺩﻫﻢ: ﻋﺎﻳﺰ ﺍﻏﻴﺮ ﻋﻠﻲ ﺍﻟﺠﺮﺡ ﻳﻨﻔﻊ ﻭﻻ ﺍﻣﺸﻲ؟؟؟
ﻟﻴﻠﻲ ﻋﺎﻳﺰﻩ ﺗﻘﻮﻟﻪ ﻳﻤﺸﻲ ﺑﺲ ﻣﺶ ﻗﺎﺩﺭﻩ ﺗﻨﻄﻘﻬﺎ
ﻟﻴﻠﻲ: ﺍﺗﻔﻀﻞ ﻋﻠﻲ ﺍﻟﺴﺮﻳﺮ
ﺍﺩﻫﻢ: ﻋﻠﻲ ﺍﻟﺴﺮﻳﺮ ﻋﻠﻲ ﻃﻮﻝ ﻛﺪﻩ؟
ﺍﺩﻫﻢ ﻛﺎﻥ ﺑﻴﻬﺰﺭ ﺑﺲ ﻫﻴﺎ ﺣﺎﻟﻴﺎ ﻋﺎﻳﺰﻩ ﺗﻀﺮﺑﻪ ﻣﺶ
ﺗﻬﺰﺭ
ﻟﻴﻠﻲ: ﺍﺗﻔﻀﻞ ﻭﺍﻗﻠﻊ
ﺍﺩﻫﻢ: ﺍﻗﻠﻊ ﻛﻤﺎﻥ؟ ﻣﻦ ﻏﻴﺮ ﻣﻘﺪﻣﺎﺕ؟؟
ﻟﻴﻠﻲ ﺍﺳﺘﻨﺖ ﺩﻗﻴﻘﺘﻴﻦ ﻭﺭﺍﺣﺘﻠﻪ ﻭﻫﻴﺎ ﺑﺘﺤﺎﻭﻝ ﺗﺘﻤﺎﺳﻚ
ﻗﺪﺍﻣﻪ ﻭﻗﺪﺍﻡ ﺟﺴﻤﻪ ﺍﻟﻌﺮﻳﺎﻥ
ﻟﻴﻠﻲ ﻣﺘﻮﺗﺮﻩ ﺑﺘﺤﺎﻭﻝ ﺗﺪﻭﺭ ﻋﻠﻲ ﺟﻠﻔﺰ ﺗﻠﺒﺴﻪ ﻣﺶ
ﻻﻗﻴﻪ ﻭﺍﻟﻌﻠﺒﻪ ﻓﺎﺿﻴﻪ
ﻟﻴﻠﻲ: ﻫﺘﺼﻞ ﺑﺎﻱ ﻣﻤﺮﺿﻪ ﺗﺠﻴﺐ ﺟﻠﻔﺰ
ﺍﺩﻫﻢ: ﻣﺶ ﺿﺮﻭﺭﻱ ﻳﺎ ﻟﻴﻠﻲ
ﻟﻴﻠﻲ: ﻣﺎ ﻳﻨﻔﻌﺶ ﺍﻟﻤﺲ ﻣﺮﻳﺾ ﺑﺎﻳﺪﻳﺎ ﻋﺮﻳﺎﻧﻪ ﻋﻠﺸﺎﻥ
ﺟﺮﺣﻪ ﻣﺎ ﻳﺘﻠﻮﺛﺶ
ﺍﺩﻫﻢ: ﻟﻴﻠﻲ !!! ﺍﻧﺠﺰﻱ ﺳﻴﺒﻚ ﻣﻦ ﺍﻟﺸﻜﻠﻴﺎﺕ ﺩﻱ
ﻟﻴﻠﻲ ﻣﺴﻜﺖ ﻣﻘﺺ ﻭﻗﺼﺖ ﺍﻟﺸﺎﺵ ﺍﻟﻠﻲ ﻋﻠﻲ ﺻﺪﺭﻩ
ﻭﻛﺸﻔﺖ ﺍﻟﺠﺮﺡ ﻭﻫﻴﺎ ﺑﺘﻜﺸﻔﻪ ﺍﺗﺄﻟﻢ ﻟﻠﺤﻈﺎﺕ ﻭﻫﻴﺎ
ﺭﻓﻌﺖ ﻋﻨﻴﻬﺎ ﻟﻌﻨﻴﻪ ﺍﻟﻠﻲ ﻛﺎﻧﺖ ﻣﺸﺘﺎﻗﻪ ﻟﻌﻨﻴﻬﺎ ﻗﻮﻱ
ﺍﺗﻘﺎﺑﻠﺖ ﻋﻨﻴﻬﻢ ﻟﻠﺤﻈﻪ ﻃﻮﻭﻳﻠﻪ ﺷﻮﻳﻪ ﻭﺑﻌﺪﻫﺎ ﺭﻛﺰﺕ
ﻋﻠﻲ ﺍﻟﺠﺮﺡ .. ﻃﻬﺮﺗﻪ ... ﺑﺼﺖ ﻛﻤﺎﻥ ﻟﻠﺠﺮﺡ ﺍﻟﻠﻲ ﻓﻲ
ﺿﻬﺮﻩ ﻭﻃﻬﺮﺗﻪ ﻫﻮ ﻛﻤﺎﻥ
ﺣﺎﻟﻪ ﺻﻤﺖ ﻣﺴﻴﻄﺮﻩ ﻋﻠﻴﻬﻢ ﺗﻤﺎﻣﺎ
ﻟﻴﻠﻲ: ﺍﻟﺠﺮﺡ ﺍﻟﻠﻲ ﻓﻲ ﺿﻬﺮﻙ ﺗﻘﺮﻳﺒﺎ ﺧﻒ
ﺍﺩﻫﻢ: ﻋﺎﺭﻑ
ﻟﻴﻠﻲ: ﻭﺍﻟﻠﻲ ﻓﻲ ﺻﺪﺭﻙ ﻣﻠﺘﻬﺐ ﻭﻫﻴﺤﺘﺎﺝ ﻣﻀﺎﺩ
ﺍﻗﻮﻱ ﻭﺗﻐﻴﺮ ﻋﻠﻴﻪ ﻛﻞ ﻳﻮﻡ ﻋﻠﺸﺎﻥ ﺍﻟﻤﻀﺎﻋﻔﺎﺕ
ﺍﺩﻫﻢ: ﺑﺮﺿﻪ ﻋﺎﺭﻑ
ﻟﻴﻠﻲ: ﻋﺎﺭﻑ ﺍﻧﻪ ﻣﻠﺘﻬﺐ؟؟
ﺍﺩﻫﻢ: ﺍﻳﻮﻩ ﺍﻟﻤﻪ ﻣﻜﻨﺶ ﻃﺒﻴﻌﻲ
ﻟﻴﻠﻲ: ﻭﺍﻣﺎ ﺍﻧﺖ ﻋﺎﺭﻑ ﻣﺎ ﻋﺎﻟﺠﺘﻮﺵ ﻟﻴﻪ ﻭﺳﺎﻳﺒﻪ ﻟﻴﻪ؟
ﺍﺩﻫﻢ: ﻣﺎ ﺍﻧﺎ ﺟﻴﺘﻠﻚ ﺍﻫﻮﻩ ﻭﺑﻴﻦ ﺍﻳﺪﻳﻜﻲ؟؟؟
ﻭﺍﻧﺘﻲ ﺿﺎﺭﺑﻪ ﺑﻮﺯ ﻣﺎ ﺷﺎﺀﺍﻟﻠﻪ ﻋﻠﻴﻪ
ﻟﻴﻠﻲ: ﺍﻧﺖ ﻋﺎﻳﺰ ﺍﻳﻪ ﺩﻟﻮﻗﺘﻲ؟
ﺍﺩﻫﻢ: ﺍﻓﺮﺩﻱ ﻭﺷﻚ ﺩﻩ
ﻟﻴﻠﻲ: ﻭﺷﻲ ﻭﺍﻧﺎ ﺣﺮﻩ ﻓﻴﻪ ﻣﺎﻟﻜﺶ ﻓﻴﻪ
ﻟﻴﻠﻲ ﺑﺘﺘﻌﺎﻣﻞ ﺑﻌﻨﻒ ﺷﻮﻳﻪ ﻣﻌﺎﻩ
ﺍﺩﻫﻢ: ﻋﻠﻲ ﻓﻜﺮﻩ ﺍﻧﺘﻲ ﺑﺘﻮﺟﻌﻴﻨﻲ؟؟
ﻟﻴﻠﻲ: ﺑﻮﺟﻌﻚ ﺻﺮﺥ
ﺍﺩﻫﻢ: ﻳﻌﻨﻲ ﺍﻧﺘﻲ ﻋﺎﻳﺰﺍﻧﻲ ﺍﺗﻮﺟﻊ؟؟؟
ﻟﻴﻠﻲ ﺑﺼﺘﻠﻪ ﻭﻣﺎ ﺭﺩﺗﺶ ﻋﻠﻴﻪ
ﺍﺩﻫﻢ: ﺍﻧﺎ ﺍﺳﻒ ﻳﺎ ﻟﻴﻠﻲ
ﻟﻴﻠﻲ: ﻋﻠﻲ ﺍﻳﻪ؟
ﺍﺩﻫﻢ: ﺍﻟﻠﻲ ﺣﺼﻞ ﺍﺧﺮ ﻣﺮﻩ ﻛﻨﺘﻲ ﻋﻨﺪﻱ ﻓﻲ ﺍﻟﺒﻴﺖ
ﻣﻜﻨﺘﺶ ﺍﻗﺼﺪ ... ﻛﻨﺖ ﺗﻌﺒﺎﻥ ﻭﻣﺨﻨﻮﻕ ﻭﻣﻜﻨﺘﺶ ﻋﺎﺭﻑ
ﺑﻘﻮﻝ ﺍﻳﻪ ﻓﺎﻋﺬﺭﻳﻨﻲ
ﻟﻴﻠﻲ: ﻻ ﻳﺎ ﺳﻴﺎﺩﻩ ﺍﻟﻤﻘﺪﻡ ﻣﺎ ﺗﻌﺘﺬﺭﺵ ﻭﻟﻮ ﻓﻲ ﺣﺪ
ﺍﻟﻤﻔﺮﻭﺽ ﻳﻌﺘﺬﺭ ﻓﻬﻴﺒﻘﻲ ﺍﻧﺎ ... ﺍﻧﺎ ﺟﻴﺘﻠﻚ ﺍﻟﺒﻴﺖ
ﻭﺩﻗﻴﺖ ﺑﺎﺑﻚ ﺍﻧﺎ ﻭﺍﺑﻮﻳﺎ ﻭﻗﺮﻓﻨﺎﻙ ﻓﻲ ﻋﺸﺘﻚ ﻭﻣﻦ
ﺳﺎﻋﺘﻬﺎ ﺗﺨﻠﺺ ﻣﻦ ﻭﺍﺣﺪ ﻳﻄﻠﻌﻠﻚ ﻭﺍﺣﺪ ﺩﻩ ﺣﺘﻲ ﺍﻣﻲ
ﻣﺎ ﺭﺣﻤﺘﻜﺶ ﻓﺎﺣﻨﺎ ﺍﻟﻠﻲ ﺍﺳﻔﻴﻦ ﻣﺶ ﺍﻧﺖ
ﺍﺩﻫﻢ ﺍﺗﻀﺎﻳﻖ: ﻳﻮﻭﻩ ﻳﺎ ﻟﻴﻠﻲ ﺑﻘﻲ ﺧﻼﺹ ﺑﻘﻲ
ﻟﻴﻠﻲ: ﺧﻼﺹ ﺍﻳﻪ ﻳﺎ ﺳﻴﺎﺩﻩ ﺍﻟﻤﻘﺪﻡ ... ﺍﻧﺎ ﻗﺮﺑﺖ ﺍﺧﻠﺺ
ﺍﻫﻮ
ﺍﺩﻫﻢ: ﻟﻴﻠﻲ ﺑﻄﻠﻲ ﺑﺮﻭﺩ ﻭﺑﻄﻠﻲ ﺳﻴﺎﺩﻩ ﺍﻟﻤﻘﺪﻡ ﺩﻱ
ﻃﺎﻟﻌﻪ ﺳﻢ ﻣﻨﻚ
ﻟﻴﻠﻲ: ﻫﻮ ﻣﺶ ﺍﻧﺎ ﺍﻟﻤﺘﻄﻔﻠﻪ ﺍﻟﻐﻠﺴﻪ؟ ﻋﺎﻳﺰ ﺍﻳﻪ ﺑﻘﻲ؟
ﻣﺴﺘﻐﺮﺏ ﻟﻴﻪ؟ ﻣﺶ ﺍﻧﺖ ﺣﺎﻛﻲ ﻻﺻﺤﺎﺑﻚ ﻋﻨﻲ؟
ﻭﺍﺳﻤﻲ ﻋﻨﺪﻫﻢ ﺍﻟﻤﺘﻄﻔﻠﻪ ﺍﻟﻐﻠﺴﻪ؟ ﺧﻼﺹ ﺍﻧﺎ ﻻ
ﻫﺘﻄﻔﻞ ﻭﻻ ﻫﻐﻠﺲ .. ﺟﺮﺣﻚ ﺑﻘﻲ ﻧﻈﻴﻒ ... ﺑﻜﺮﻩ ﻓﻲ
ﻧﻔﺲ ﺍﻟﻤﻌﺎﺩ ﺗﻐﻴﺮ ﻋﻠﻴﻪ ﻭﻫﻜﺘﺒﻠﻚ ﻣﻀﺎﺩ ﺗﻤﺸﻲ ﻋﻠﻴﻪ
ﺳﺎﺑﺘﻪ ﻭﻣﺎﺷﻴﻪ ﻭﻫﻮ ﺷﺪﻫﺎ ﻣﻦ ﺩﺭﺍﻋﻬﺎ ﺟﺎﻣﺪ
ﺍﺩﻫﻢ: ﺍﻧﺎ ﻣﺎ ﺑﺘﻜﻠﻤﺶ ﻋﻨﻚ ﻣﻊ ﺍﺻﺤﺎﺑﻲ ﻭﻣﺎ ﺍﻋﺮﻓﺶ
ﺍﻧﺘﻲ ﺟﺒﺘﻲ ﺍﻟﻠﻘﺐ ﺩﻩ ﻣﻨﻴﻦ؟ ﻣﻤﻜﻦ ﺍﻛﻮﻥ ﻗﻮﻟﺘﻠﻬﻢ
ﻓﻲ ﺍﻻﻭﻝ ﺧﺎﻟﺺ ﻋﻠﻲ ﺍﻟﺒﻨﺖ ﺍﻟﻠﻲ ﺩﻗﺖ ﺑﺎﺑﻲ ﻟﻜﻦ
ﻏﻴﺮ ﻛﺪﻩ ﻷ ﻓﺎﺗﻌﺪﻟﻲ ﺑﻘﻲ
ﻟﻴﻠﻲ: ﺍﺗﻌﺪﻝ ﺍﻋﻤﻞ ﺍﻳﻪ؟ ﺍﻧﺖ ﻋﺎﻳﺰ ﻣﻨﻲ ﺍﻳﻪ؟ ﺍﻧﺎ ﻣﺶ
ﻓﺎﻫﻤﻪ ﺍﻧﺖ ﻋﺎﻳﺰ ﺍﻳﻪ ﺍﺻﻼ؟
ﺍﺩﻫﻢ ﺷﺪ ﻗﻤﻴﺼﻪ ﻭﻟﺒﺴﻪ ﺑﻨﺮﻓﺰﻩ : ﻣﺶ ﻋﺎﻳﺰ ﺣﺎﺟﻪ ﺍﻧﺎ
ﻏﻠﻄﺎﻥ ﺍﻧﻲ ﺟﻴﺘﻠﻚ ﺍﺻﻼ
ﺳﺎﺑﻬﺎ ﻭﻣﺸﻲ ﻭﺑﻌﺪ ﻣﺎ ﺭﺯﻉ ﺍﻟﺒﺎﺏ ﻫﻴﺎ ﻋﻴﻄﺖ ﻭﻫﻮ
ﻧﺰﻝ ﻟﺼﺎﺣﺒﻪ ﻭﺩﺧﻞ ﺍﻟﻌﺮﺑﻴﻪ ﻭﻗﻌﺪ
ﻋﻼﺀ : ﻳﺎ ﺳﺎﺗﺮ ﺍﺳﺘﺮ ﻣﺶ ﻫﺴﺄﻝ
ﻋﻼﺀ ﻳﺪﻭﺏ ﻫﻴﺪﻭﺭ ﺍﻟﻌﺮﺑﻴﻪ ﺑﺲ ﻟﻘﻲ ﺣﺎﺟﻪ ﺧﺒﻄﺘﻪ ﻓﻲ
ﻭﺷﻪ
ﺍﺩﻫﻢ: ﻣﺘﻄﻔﻠﻪ ﻏﻠﺴﻪ؟؟؟ ﺍﻧﺎ ﻗﻠﺖ ﺍﻧﻬﺎ ﻣﺘﻄﻔﻠﻪ
ﻏﻠﺴﻪ؟؟ ﻭﺍﻟﻠﻪ ﻣﺎ ﻓﻲ ﺍﻏﻠﺲ ﻣﻨﻚ ﻓﻲ ﺍﻟﺪﻧﻴﺎ ﺩﻱ
ﻛﻠﻬﺎ ﺍﻃﻠﻊ ﻳﺎ ﺑﺎﺭﺩ
ﻋﻼﺀ ﺳﻜﺖ ﻭﻣﺶ ﻋﺎﺭﻑ ﻳﻘﻮﻟﻪ ﺍﻳﻪ؟
ﻋﻼﺀ : ﻃﻠﻌﺖ ﻏﺼﺐ ﻋﻨﻲ ﻣﻜﻨﺘﺶ ﺍﻋﺮﻑ ﺍﻧﻚ ﺑﺘﺤﺒﻬﺎ
ﺍﺩﻫﻢ: ﺍﻧﺎ ﻣﺎ ﺑﺘﻨﻴﻠﺶ ﺍﺣﺒﻬﺎ ﺍﻧﺎ ﺑﺲ ﻛﻨﺖ ﺑﻌﺘﺬﺭ ﻋﻠﻲ
ﻗﻠﻪ ﺫﻭﻗﻲ ﻣﺶ ﺍﻛﺘﺮ
ﺍﺩﻫﻢ ﻓﻀﻞ ﺍﻟﻴﻮﻡ ﻛﻠﻪ ﻳﺄﻧﺐ ﻧﻔﺴﻪ ﻭﻳﻠﻮﻣﻬﺎ ﻭﻳﺸﺠﻌﻬﺎ
ﻭﻣﺸﺎﻋﺮﻩ ﻋﻤﺎﻟﻪ ﺗﺘﻘﻠﺐ ﻣﻦ ﺍﻻﻋﺬﺍﺭ ﻟﻠﻲ ﺍﻟﻠﻮﻡ ....
ﺷﻮﻳﻪ ﻳﻠﻮﻣﻬﺎ ﻭﺷﻮﻳﻪ ﻳﻌﺬﺭﻫﺎ
ﻟﻴﻠﻲ ﻛﻤﺎﻥ ﻧﻔﺲ ﺍﻟﺤﺎﻟﻪ ﺑﺲ ﺍﻟﻨﺪﻡ ﻣﺴﻴﻄﺮ ﻋﻠﻴﻬﺎ
ﺗﻤﺎﻣﺎ
ﺗﺎﻧﻲ ﻳﻮﻡ ﻓﻲ ﻧﻔﺲ ﺍﻟﻤﻌﺎﺩ ﺍﺩﻫﻢ ﻟﻘﻲ ﻧﻔﺴﻪ ﻗﺪﺍﻡ ﺑﺎﺏ
ﻋﻴﺎﺩﺗﻬﺎ ﺑﺤﺠﻪ ﺍﻧﻪ ﺳﻤﻊ ﻛﻼﻣﻬﺎ ﻭﻫﻴﻐﻴﺮ ﻋﻠﻲ ﺟﺮﺣﻪ
ﺧﺒﻂ ﻭﺩﺧﻠﻬﺎ ﻭﻣﺎ ﺍﺗﻜﻠﻤﺶ
ﻫﻴﺎ ﺍﺣﺴﺎﺱ ﺟﻮﺍﻫﺎ ﻃﻮﻝ ﻳﻮﻡ ﺍﻣﺒﺎﺭﺡ ﺑﺘﺄﻧﻴﺐ ﺍﻟﻀﻤﻴﺮ
ﺍﻧﻬﺎ ﻣﺸﺘﻪ ﻣﻦ ﻋﻨﺪﻫﺎ ﺯﻋﻼﻥ ﻭﻓﻲ ﻧﻔﺲ ﺍﻟﻮﻗﺖ ﻣﺶ
ﻋﺎﻳﺰﻩ ﺗﺘﻘﺒﻞ ﺍﺳﻔﻪ ﻻﻧﻬﺎ ﻋﺎﺭﻓﻪ ﺍﻧﻪ ﺑﻌﺪ ﺷﻮﻳﻪ ﻫﻴﺮﺟﻊ
ﻟﻌﺠﺮﻓﺘﻪ ﺗﺎﻧﻲ ... ﻓﺮﺣﻪ ﺟﻮﻱ ﻗﻠﺒﻬﺎ ﺍﻧﻪ ﺭﺟﻊ ﺗﺎﻧﻲ
ﺍﺩﻫﻢ: ﺑﺘﺒﺼﻴﻠﻲ ﻛﺪﻩ ﻟﻴﻪ؟ ﻣﺶ ﻗﻮﻟﺘﻲ ﺍﺟﻲ ﺍﻏﻴﺮ
ﻋﻠﻲ ﺍﻟﺠﺮﺡ ﻭﻻ ﺍﻧﺎ ﻛﺎﻥ ﺑﻴﺘﻬﻴﺄﻟﻲ؟؟؟
ﻟﻴﻠﻲ: ﻻ ﻗﻮﻟﺖ ﻓﻌﻼ ﺑﺲ ﻣﺴﺘﻐﺮﺑﻪ ﻻﻧﻚ ﻣﺶ ﻣﻦ
ﺍﻟﻨﻮﻋﻴﻪ ﺍﻟﻠﻲ ﺑﺘﺴﻤﻊ ﺍﻱ ﻛﻼﻡ ﻭﺧﺼﻮﺻﺎ ﻛﻼﻡ ﺍﻟﺪﻛﺎﺗﺮﻩ
ﺍﺩﻫﻢ: ﺍﻟﻮﺟﻊ ﻭﺣﺶ ﺑﻌﻴﺪ ﻋﻨﻚ
ﻟﻴﻠﻲ ﻭﻗﻔﺖ : ﺍﻧﺖ ﺗﻌﺒﺎﻥ؟ ﺍﻟﺠﺮﺡ ﻭﺍﺟﻌﻚ ﻃﻴﺐ ﺗﻌﺎﻝ
ﺍﻗﻌﺪ
ﻟﻬﻔﻪ ﻭﺧﻮﻑ ﺑﺎﻧﻮﺍ ﻓﻲ ﺻﻮﺗﻬﺎ ﻭﻫﻮ ﻻﺣﻈﻬﻢ ﻭﻗﺮﺭ
ﻳﻠﻌﺐ ﺑﺎﻟﻨﻘﻄﻪ ﺩﻱ
ﺍﺩﻫﻢ: ﺻﺪﺭﻱ ﻭﺟﻌﻨﻲ ﻣﺶ ﺍﻟﺠﺮﺡ ﺑﺮﻩ..
ﻟﻴﻠﻲ: ﺍﻟﺠﺮﺡ ﻣﺎ ﺑﻴﻮﺟﻌﻜﺶ ﺧﻼﺹ؟؟
ﺍﺩﻫﻢ: ﻻ ﻃﺒﻌﺎ ﺑﻴﻮﺟﻌﻨﻲ ﺑﺲ ﻣﺶ ﺩﻩ ﺍﻟﻠﻲ ﺟﺎﺑﻨﻲ ...
ﺻﺪﺭﻱ ﻣﺨﻨﻮﻕ ﻭﻣﺎ ﺗﻘﻮﻟﻴﺶ ﺍﻟﻜﻼﻡ ﺍﻟﻔﺎﺿﻲ ﺑﺘﺎﻉ ﻧﻮﺑﻪ
ﺍﻟﺨﻮﻑ ﻭﺍﻟﺘﺨﺎﻭﻳﻒ ﺩﻱ
ﻟﻴﻠﻲ ﺿﺤﻜﺖ ﻭﺍﺩﻫﻢ ﻻﺣﻆ ﺍﻧﻪ ﺑﻴﻌﺸﻖ ﺿﺤﻜﺘﻬﺎ
ﻭﺍﺗﻤﻨﻲ ﻟﻮ ﺍﻟﻀﺤﻜﻪ ﺩﻱ ﺗﻔﻀﻞ ﻋﻠﻲ ﻃﻮﻝ
ﻟﻴﻠﻲ: ﻃﻴﺐ ﺍﻃﻠﻊ ﻋﻠﻲ ﺍﻟﺴﺮﻳﺮ ﻭﺍﻗﻠﻊ
ﺍﺩﻫﻢ ﺍﺑﺘﺴﻢ
ﻟﻴﻠﻲ: ﺍﻧﺖ ﺑﺘﻀﺤﻚ ﻟﻴﻪ؟ ﻣﺎﻫﻮ ﺍﻧﺖ ﻻﺯﻡ ﺗﻄﻠﻊ ﻋﻠﻲ
ﺍﻟﺴﺮﻳﺮ ﻭﻻﺯﻡ ﺗﻘﻠﻊ ﺍﻟﻘﻤﻴﺺ ﻋﻠﺸﺎﻥ ﺍﻗﺪﺭ ﺍﺷﻮﻑ
ﺍﻟﺠﺮﺡ
ﺍﺩﻫﻢ: ﻋﺎﺭﻑ ﻋﺎﺭﻑ ﺑﺲ ﺍﻧﻚ ﺗﻘﻮﻟﻲ ﻟﺮﺍﺟﻞ ﺍﻃﻠﻊ
ﺍﻟﺴﺮﻳﺮ ﻭﺍﻗﻠﻊ ﻣﺶ ﺣﻠﻮﻩ .... ﻣﻠﻴﺎﻧﻪ ﺍﻳﺤﺎﺀﺍﺕ ..
ﻟﻴﻠﻲ: ﺍﻟﻤﻔﺮﻭﺽ ﺍﻗﻮﻝ ﺍﻳﻪ؟
ﺍﺩﻫﻢ: ﻣﻌﺮﻓﺶ ﺑﺲ ﻣﺶ ﻣﺘﺨﻴﻞ ﺍﻥ ﻛﻞ ﺭﺍﺟﻞ ﻳﺠﻴﻠﻚ
ﻫﻨﺎ ﺗﻘﻮﻟﻴﻠﻪ ﺍﻃﻠﻊ ﻭﺍﻗﻠﻊ؟؟
ﻟﻴﻠﻲ: ﻣﺶ ﻛﻞ ﺭﺍﺟﻞ ﻃﺒﻌﺎ ... ﺍﻧﺖ ﻋﺎﻣﻞ ﻋﻤﻠﻴﻪ ﻓﻲ
ﺻﺪﺭﻙ ﻭﺿﻬﺮﻙ ﻭﻫﻐﻴﺮ ﻋﻠﻲ ﺍﻟﺠﺮﺡ ﻓﻼﺯﻡ ﺗﻘﻠﻊ ﻏﻴﺮﻙ
ﺑﻴﺒﻘﻲ ﻣﺜﻼ ﺟﺮﺡ ﺑﺴﻴﻂ ﺍﻭ ﻣﺶ ﻣﺤﺘﺎﺝ ﻳﻘﻠﻊ ﻳﻌﻨﻲ
ﺑﺘﺨﺘﻠﻒ ﻣﻦ ﺣﺎﻟﻪ ﻟﻠﺘﺎﻧﻴﻪ
ﺍﺩﻫﻢ: ﻭﻟﻮ ﺣﺪ ﺯﻳﻲ؟؟؟ ﺑﻴﻄﻠﻊ ﻭﻳﻘﻠﻊ؟؟؟
ﻟﻴﻠﻲ: ﻋﺎﺩﻩ ﺑﺘﻜﻮﻥ ﻓﻲ ﻣﻤﺮﺿﻪ ﻭﺑﺘﻐﻄﻴﻪ ﻭﺑﺘﻜﺸﻒ
ﺑﺲ ﻣﻜﺎﻥ ﺟﺮﺣﻪ
ﺍﺩﻫﻢ: ﻭﻫﻴﺎ ﻓﻴﻦ ﺍﻟﻤﻤﺮﺿﻪ ﺩﻱ؟ ﺩﻱ ﺗﺎﻧﻲ ﻣﺮﻩ ﺍﺟﻲ
ﻭﺗﺒﻘﻲ ﻟﻮﺣﺪﻙ؟
ﻟﻴﻠﻲ: ﺣﻈﻚ ... ﻟﻜﻦ ﻋﺎﺩﻩ ﻣﺎ ﺑﻜﺸﻔﺶ ﻏﻴﺮ ﻭﻫﻴﺎ
ﻣﻮﺟﻮﺩﻩ
ﻟﺤﻈﻪ ﻭﻫﻨﺎﺩﻳﻠﻬﺎ
ﻋﺪﺕ ﻣﻦ ﻗﺪﺍﻣﻪ ﻋﻠﺸﺎﻥ ﺗﻨﺎﺩﻳﻠﻬﺎ ﻭﻫﻮ ﻣﺴﻚ ﺍﻳﺪﻳﻬﺎ
ﺍﺩﻫﻢ: ﻣﺎ ﺗﻨﺎﺩﻳﺶ ﻟﺤﺪ
ﻟﻴﻠﻲ: ﻟﻴﻪ؟ ﻣﺶ ﺍﻧﺖ ﺧﺎﻳﻒ ﻻﺣﺴﻦ ﺍﺗﻄﻔﻞ ﻋﻠﻴﻚ؟؟
ﻟﻴﻠﻲ ﻛﺎﻧﺖ ﻋﻄﻴﺎﻟﻪ ﻇﻬﺮﻫﺎ
ﻓﻬﻮ ﻟﻔﻬﺎ ﻟﻴﻪ ﻭﺭﻓﻊ ﺭﺍﺳﻬﺎ ﻋﻠﺸﺎﻥ ﺗﺒﺼﻠﻪ
ﺍﺩﻫﻢ: ﺍﻧﺎ ﻣﻘﻮﻟﺘﺶ ﺍﻧﻚ ﺍﺗﻄﻔﻠﺘﻲ ﻋﻠﻴﺎ ﺩﻱ ﺍﺑﺪﺍ ...
ﻟﻴﻠﻲ: ﺍﻧﺖ ﻗﻠﺖ ﺧﺪﻫﺎ ﻣﻦ ﻫﻨﺎ ﻭﻣﺸﻴﻬﺎ ﺩﻩ ﻣﻌﻨﺎﻩ
ﺍﻳﻪ؟
ﺍﺩﻫﻢ: ﺍﻟﻒ ﻣﻌﻨﻲ ﻟﻴﻪ ﺍﻓﺘﺮﺿﺘﻲ ﺍﻧﻲ ﻣﺶ ﻃﺎﻳﻘﻚ
ﻭﻋﺎﻳﺰ ﺍﺧﻠﺺ ﻣﻨﻚ؟؟
ﻟﻴﻠﻲ: ﻭﻫﻴﺎ ﻟﻴﻬﺎ ﻣﻌﻨﻲ ﺗﺎﻧﻲ؟؟؟ ﻓﺎﺭﺿﻪ ﻧﻔﺴﻲ ﻋﻠﻴﻚ
ﻭﺑﺘﻘﻮﻝ ﻟﺼﺎﺣﺒﻚ ﻳﺨﻠﺼﻚ ﻣﻨﻲ؟؟!
ﺍﺩﻫﻢ: ﺍﻭ ﺧﺎﻳﻒ ﻣﻦ ﻭﺟﻮﺩﻙ ﻣﻌﺎﻳﺎ ﻭﺧﺎﻳﻒ ﺍﺿﻌﻒ
ﻭﺧﺎﻳﻒ ﻗﻠﺒﻲ ﻳﺤﻦ ﻭﻳﺪﻕ ﻭﺍﻧﺎ ﻣﺶ ﻋﺎﻳﺰﻭ ﻳﺪﻕ ...
ﺑﻬﺮﺏ ﻣﻨﻚ ﻭﻣﻦ ﻗﻠﺒﻚ ... ﺧﺎﻳﻒ ﻣﻦ ﺍﻟﻀﻌﻒ ﻳﺎ ﻟﻴﻠﻲ
ﻟﻴﻠﻲ: ﺍﻧﺖ ﻣﺎ ﺑﺘﻀﻌﻔﺶ ﻭﻻ ﺑﺘﺤﻦ ﻭﻻ ﻋﻨﺪﻙ ﻗﻠﺐ ﻣﻦ
ﺍﺳﺎﺳﻪ ...
ﺍﺩﻫﻢ: ﻣﺎ ﻫﻴﺎ ﺩﻱ ﺍﻟﻤﺸﻜﻠﻪ ﺍﻥ ﺍﻟﻜﻞ ﺩﻳﻤﺎ ﺑﻴﻔﺘﺮﺽ ﺍﻥ
ﻣﻌﻨﺪﻳﺶ ﻗﻠﺐ
ﻟﻴﻠﻲ: ﺍﻧﺖ ﺑﺘﻮﺻﻞ ﺍﻟﻠﻲ ﻗﺪﺍﻣﻚ ﻟﻼﻓﺘﺮﺍﺿﺎﺕ ﺩﻱ
ﺑﻘﺴﻮﺗﻚ ﻭﺟﺒﺮﻭﺗﻚ
ﺍﺩﻫﻢ: ﻗﺴﻮﺗﻲ ﻭﺟﺒﺮﻭﺗﻲ؟؟ ﻓﻴﻦ ﻗﺴﻮﺗﻲ ﺩﻱ ﻳﺎ
ﻟﻴﻠﻲ؟ ﺍﻧﺎ ﺿﻌﻔﺖ ﻗﺪﺍﻡ ﺷﻮﻳﻪ ﺣﻨﻴﻪ ﻣﻦ ﻣﺎﻣﺘﻚ؟؟؟
ﻭﺣﺴﻴﺖ ﺍﻧﻲ ﻋﻴﻞ ﺻﻐﻴﺮ ﻋﺎﻳﺰ ﻳﻌﻴﻂ ﻓﻲ ﺣﻀﻨﻬﺎ؟؟
ﻭﺿﻌﻔﺖ ﻗﺪﺍﻡ ﺣﺒﻪ ﺍﻫﺘﻤﺎﻡ ﻣﻨﻚ؟ ﺍﻫﺘﻤﺎﻡ ﻣﻦ ﺩﻛﺘﻮﺭﻩ
ﻋﻴﻠﻪ ﻟﺴﻪ ﺣﺘﻲ ﻣﺎ ﺍﺧﺪﺗﺶ ﺷﻬﺎﺩﺗﻬﺎ ﻣﻤﻜﻦ ﺗﻜﻮﻥ
ﺑﺘﻬﺘﻢ ﺑﺤﺎﻟﻪ ﻣﺮﻳﺾ ﻣﺶ ﺍﻛﺘﺮ؟؟؟ ﺍﻧﺎ ﺿﻌﻔﺖ ﻗﺪﺍﻣﻚ
ﻭﺍﻛﺘﺮ ﻣﻦ ﻣﺮﻩ ﻭﻓﻲ ﺍﻻﺧﺮ ﺟﺎﻳﻪ ﺗﻘﻮﻟﻲ ﻗﺴﻮﺗﻲ؟؟؟
ﻟﻴﻠﻲ: ﻓﻴﻦ ﺍﻟﻀﻌﻒ ﺩﻩ ﻳﺎ ﺍﺩﻫﻢ؟؟؟ ﺑﺪﻟﻴﻞ ﺍﻳﻪ؟ ﻛﻞ
ﺷﻮﻳﻪ ﺗﻄﺮﺩﻧﻲ ﻭﻛﺄﻧﻲ ﺑﺘﻬﺠﻢ ﻋﻠﻴﻚ؟
ﺍﺩﻫﻢ: ﻋﺎﻳﺰﻩ ﺩﻟﻴﻞ ﻳﺎ ﻟﻴﻠﻲ؟؟ ﻫﺮﻭﺑﻲ ﻣﻦ
ﺍﻟﻤﺴﺘﺸﻔﻲ ﺍﻛﺒﺮ ﺩﻟﻴﻞ ﻋﻠﻲ ﺿﻌﻔﻲ .... ﻧﻮﺑﻪ ﺍﻟﺨﻮﻑ
ﺯﻱ ﻣﺎ ﺍﻧﺘﻲ ﻣﺴﻤﻴﺎﻫﺎ .... ﻃﺮﺩﻱ ﻟﻴﻜﻲ ﺍﻭﻝ ﻣﺎ ﻓﻘﺖ
ﻭﻟﻘﻴﺘﻚ ﻗﺪﺍﻣﻲ ﻣﻌﺮﻓﺘﺶ ﺍﻋﻤﻞ ﺍﻳﻪ ﺍﻭ ﺍﻗﻮﻝ ﺍﻳﻪ ﻓﻜﺎﻥ
ﺍﺳﻠﻢ ﺣﻞ ﺍﻧﻲ ﺍﻗﻮﻟﻚ ﺍﻧﺘﻲ ﺗﻤﺸﻲ
ﻟﻴﻠﻲ: ﺍﻧﺖ ﻻﺯﻡ ﻣﺎ ﺗﻜﻮﻧﺶ ﻓﻲ ﻭﻋﻴﻚ ﻋﻠﺸﺎﻥ ﺗﺤﻦ ﺍﻭ
ﺗﻨﻄﻖ ﻛﻠﻤﻪ ﻛﻮﻳﺴﻪ ...
ﺍﺩﻫﻢ: ﻣﺎ ﺍﺗﻌﻮﺩﺗﺶ ... ﻭ ﻻ ﺍﺗﻌﻮﺩﺕ ﻋﻠﻲ ﺍﻻﻫﺘﻤﺎﻡ
ﻭﻻ ﺍﻟﺤﻨﻴﻪ ﻣﻦ ﺣﺪ
ﻟﻴﻠﻲ: ﺍﻧﺖ ﺟﺎﻱ ﻟﻴﻪ ﺩﻟﻮﻗﺘﻲ ﻳﺎ ﺍﺩﻫﻢ؟؟؟
ﺍﺩﻫﻢ: ﻣﺎ ﻗﻮﻟﺘﻠﻚ ﺻﺪﺭﻱ ﻭﺟﻌﻨﻲ
ﺍﺩﻫﻢ ﺑﻴﻘﺮﺑﻬﺎ ﻟﻴﻪ ﻭﻫﻴﺎ ﺑﺘﻘﺮﺏ ﻣﻌﺎﻩ ﻟﺤﺪ ﻣﺎ ﻟﺰﻗﺖ
ﻓﻴﻪ ﻭﻋﻨﻴﻬﻢ ﻣﺘﻌﻠﻘﻪ ﺑﺒﻌﺾ ﻭﺑﻴﻘﺮﺏ ﺍﻛﺘﺮ
ﺍﺩﻫﻢ ﺍﻭﻝ ﻣﺮﻩ ﻓﻲ ﺣﻴﺎﺗﻪ ﻗﻠﺒﻪ ﻳﺪﻕ ﺑﺎﻟﻄﺮﻳﻘﻪ ﺩﻱ ..
ﻋﺎﻳﺰ ﻳﺨﺮﺝ ﻣﻦ ﻣﻜﺎﻧﻪ ... ﺍﻭﻝ ﻣﺮﻩ ﻳﺘﻤﻨﻲ ﻳﻠﻤﺲ
ﺷﻔﺎﻳﻒ ﻭﺍﺣﺪﻩ ﻗﺪﺍﻣﻪ ... ﺍﻭﻝ ﻣﺮﻩ ﻳﺤﻠﻢ ﺑﻘﺮﺏ ﻭﺍﺣﺪﻩ
ﻣﻨﻪ
ﻟﻴﻠﻲ ﻋﻘﻠﻬﺎ ﺑﻴﻮﺭﻳﻬﺎ ﻛﻞ ﻟﺤﻈﻪ ﺍﺩﻫﻢ ﻗﺴﻲ ﻋﻠﻴﻬﺎ
ﻓﻴﻬﺎ ... ﻭﺗﺨﻴﻠﺖ ﻧﻔﺴﻬﺎ ﻫﻴﻘﺮﺏ ﻣﻨﻬﺎ ﻭﺑﻌﺪﻫﺎ ﻳﺰﻗﻬﺎ
ﻭﻳﺮﻣﻴﻬﺎ ﻭﻳﻘﻮﻟﻬﺎ ﺑﺘﺮﻣﻲ ﻧﻔﺴﻚ ﻓﻲ ﺣﻀﻨﻲ ﻟﻴﻪ؟
ﻟﻴﻠﻲ ﻟﻘﺖ ﻧﻔﺴﻬﺎ ﺑﺘﺤﻂ ﺍﻳﺪﻫﺎ ﻋﻠﻲ ﺷﻔﺎﻳﻔﻪ ﺍﻟﻠﻲ
ﻗﺮﺑﺖ ﻗﻮﻱ ﻣﻨﻬﺎ
ﺍﺩﻫﻢ ﺭﻓﻊ ﻋﻴﻨﻪ ﻟﻴﻬﺎ ﻭﺍﺗﻘﺎﺑﻠﺖ ﻋﻨﻴﻬﻢ ﻭﻟﻠﺤﻈﻪ ﻟﻴﻠﻲ
ﻋﺎﻳﺰﻩ ﺗﺪﻓﻦ ﻧﻔﺴﻬﺎ ﻓﻲ ﺣﻀﻨﻪ ﺑﺲ ﻫﻴﺎ ﻣﺘﺄﻛﺪﻩ ﺍﻧﻪ
ﻫﻴﺮﻣﻴﻬﺎ ﺑﻌﺪ ﻛﺪﻩ
ﻟﻴﻠﻲ: ﺍﻧﺎ ﺯﻱ ﻣﺎ ﻗﻠﺖ ﺩﻛﺘﻮﺭﻩ ﺗﺤﺖ ﺍﻟﺘﺪﺭﻳﺐ ...
ﻫﻨﺎﺩﻱ ﺩﻛﺘﻮﺭ ﺍﻣﻴﻦ ﻳﻄﻤﻦ ﻋﻠﻲ ﺻﺪﺭﻙ ﺑﻌﺪ ﺍﺫﻧﻚ
ﻟﻴﻠﻲ ﺳﺎﺑﺘﻪ ﻭﻣﺸﻴﺖ ﻭﻫﻮ ﻓﻀﻞ ﻭﺍﻗﻒ ﻣﻜﺎﻧﻪ ﺷﻮﻳﻪ
ﻣﺶ ﻋﺎﺭﻑ ﻳﻌﻤﻞ ﺍﻳﻪ؟ ﺍﻓﺘﻜﺮ ﻛﻠﻤﻪ ﻋﻼﺀ ﻭﻫﻮ ﺑﻴﻘﻮﻟﻪ
ﺍﺗﺼﺮﻑ ﻗﺒﻞ ﻣﺎ ﺗﺒﺺ ﻣﺎ ﺗﻼﻗﻴﻬﺎﺵ ﻭﺗﻀﻴﻊ ﻣﻨﻚ؟؟؟
ﻭﺍﻫﻮ ﻓﻌﻼ ﺷﻜﻠﻪ ﺿﻴﻌﻬﺎ ﻣﻨﻪ؟؟؟
ﻟﻴﻠﻲ ﺭﺍﺣﺖ ﻟﺪﻛﺘﻮﺭ ﺍﻣﻴﻦ ﺗﺠﻴﺒﻪ ﻭﺭﺟﻌﺖ ﺍﻭﺿﻪ ﻛﺸﻔﻬﺎ
ﺑﺲ ﻟﻘﺘﻬﺎ ﻓﺎﺿﻴﻪ ﻭﻟﻘﺖ ﺍﻟﻤﻤﺮﺿﻪ ﻣﻮﺟﻮﺩﻩ
ﻟﻴﻠﻲ: ﻓﻴﻦ ﺍﻟﻠﻲ ﻛﺎﻥ ﻫﻨﺎ؟
ﺍﻟﻤﻤﺮﺿﻪ : ﻣﻘﺪﻡ ﺍﺩﻫﻢ؟
ﻟﻴﻠﻲ: ﺍﻳﻮﻩ
ﺍﻟﻤﻤﺮﺿﻪ : ﻣﺸﻲ ﻗﺎﻟﻲ ﺍﻋﺘﺬﺭﻟﻚ ﻭ ﻣﺸﻲ
ﺩﻛﺘﻮﺭ ﺍﻣﻴﻦ : ﻫﻮ ﻗﺎﻟﻚ ﺍﻳﻪ ﺑﺎﻟﻈﺒﻂ؟
ﻟﻴﻠﻲ: ﻣﻘﺎﻟﺶ ﻏﻴﺮ ﺍﻥ ﺻﺪﺭﻩ ﺑﻴﻮﺟﻌﻪ
ﺍﺩﻫﻢ ﺭﻭﺡ ﺑﻴﺘﻪ ﻭﺟﻮﺍﻩ ﺍﺣﺴﺎﺱ ﺍﻧﻪ ﺧﺴﺮﻫﺎ ﻭﻧﺪﻡ
ﻭﻓﺮﺡ
ﻧﺪﻣﺎﻥ ﻻﻧﻪ ﺟﺰﺀ ﻣﻨﻪ ﻛﺎﻥ ﻋﺎﻳﺰ ﻳﺤﺐ ﻭﻳﺘﺤﺐ
ﻓﺮﺣﺎﻥ ﻻﻧﻪ ﻣﺶ ﻋﺎﻳﺰ ﺍﻻﺭﺗﺒﺎﻁ ﺍﻭ ﺍﻟﺤﺐ ﺍﻭ ﺍﻥ ﻭﺍﺣﺪﻩ
ﺗﺪﺧﻞ ﺣﻴﺎﺗﻪ ﻭﻣﺶ ﻣﺴﺘﻌﺪ ﻟﺪﻩ ﺍﺻﻼ
ﻟﻴﻠﻲ ﻣﺶ ﻋﺎﺭﻓﻪ ﺗﻌﻤﻞ ﺍﻳﻪ؟ ﺧﺎﻳﻔﻪ ﻳﻜﻮﻥ ﺗﻌﺒﺎﻥ ﺑﺠﺪ
ﻭﻳﻜﺎﺑﺮ ﻭﻳﻮﻗﻊ ﺗﺎﻧﻲ؟ ﺧﺎﻳﻔﻪ ﺗﺮﻭﺣﻠﻪ ﻭﺗﻄﻤﻦ ﻋﻠﻴﻪ
ﻳﺒﻘﻲ ﺑﺘﻔﺮﺽ ﻧﻔﺴﻬﺎ ﺗﺎﻧﻲ؟ ﺣﻴﺮﻩ ﺟﻮﺍﻫﺎ ﻭﺣﺮﺏ ﺑﻴﻦ
ﻋﻘﻠﻬﺎ ﺍﻟﻠﻲ ﺭﺍﻓﻀﻪ ﺍﺻﻼ ﻭﻗﻠﺒﻬﺎ ﺍﻟﻠﻲ ﻫﻴﻤﻮﺕ ﻣﻦ
ﺍﻟﺨﻮﻑ ﻭﺍﻟﻘﻠﻖ ﻋﻠﻴﻪ؟
ﻭﻛﺎﻟﻌﺎﺩﻩ ﺍﻧﺘﺼﺮ ﻗﻠﺒﻬﺎ ﻋﻠﻲ ﻋﻘﻠﻬﺎ ﻭﻗﺮﺭﺕ ﺑﺲ ﺗﻄﻤﻦ
ﻋﻠﻴﻪ ﻣﺶ ﺍﻛﺘﺮ
ﻟﻴﻠﻲ: ﺩﻛﺘﻮﺭ ﺍﻣﻴﻦ ﻣﻤﻜﻦ ﺍﺳﺘﺄﺫﻥ ﺑﺪﺭﻱ ﺍﻟﻨﻬﺎﺭﺩﻩ؟
ﺩﻛﺘﻮﺭ ﺍﻣﻴﻦ : ﻣﺎﺷﻲ ﺑﺲ ﺧﺪﻱ ﺍﻟﺤﻘﻦ ﺩﻱ ( ﻛﺘﺐ
ﺍﺳﻤﻬﺎ ﻓﻲ ﻭﺭﻗﻪ )
ﻟﻴﻠﻲ: ﺍﻋﻤﻞ ﺑﻴﻬﻢ ﺍﻳﻪ؟
ﺩﻛﺘﻮﺭ ﺍﻣﻴﻦ : ﺍﺩﻳﻬﻢ ﻟﻠﻲ ﺍﻧﺘﻲ ﺭﺍﻳﺤﺎﻟﻪ
ﻟﻴﻠﻲ ﺍﺗﻮﺗﺮﺕ: ﺍﻟﻠﻲ ﺍﻧﺎ ﺭﻳﺤﺎﻟﻪ؟؟؟
ﺩﻛﺘﻮﺭ ﺍﻣﻴﻦ : ﺍﻧﺎ ﻣﺶ ﺍﺑﻦ ﺍﻣﺒﺎﺭﺡ ﻭﻣﻼﺣﻆ ﺧﻮﻓﻚ
ﻭﻗﻠﻘﻚ ﻋﻠﻴﻪ ﻣﻦ ﺍﻭﻝ ﻣﺎ ﺍﺗﺼﺎﺏ ﻭﺟﺒﺘﻴﻪ ﻫﻨﺎ
ﺍﻟﻤﻬﻢ %90 ﺗﻌﺐ ﺻﺪﺭﻩ ﻧﺘﻴﺠﻪ ﺍﻥ ﺍﻟﺠﺮﻭﺡ ﺍﻟﺪﺍﺧﻠﻴﻪ
ﻟﺴﻪ ﻣﺤﺘﺎﺟﻪ ﻟﻮﻗﺖ ﻋﻠﺸﺎﻥ ﺗﻠﺘﺌﻢ ﻭﻫﺘﻔﻀﻞ ﻓﺘﺮﻩ ﻣﺶ
ﺍﻗﻞ ﻣﻦ ﺷﻬﺮ ﺗﻮﺟﻌﻪ .. ﺍﻟﺤﻘﻦ ﺩﻱ ﻣﻀﺎﺩ ﻋﻠﺸﺎﻥ
ﺗﺴﺎﻋﺪ ﻣﻌﺎﻩ ﺷﻮﻳﻪ ... ﺑﺲ ﺭﺍﻳﻲ ﺍﻟﺸﺨﺼﻲ ﺍﻥ ﻣﺶ
ﻭﺟﻊ ﺻﺪﺭﻩ ﺍﻟﻠﻲ ﺟﺎﺑﻪ ... ﻻ ﻫﻮ ﻭﺟﻊ ﺻﺪﺭﻩ ﺍﻟﻠﻲ
ﺟﺎﺑﻪ ﺑﺲ ﻣﺶ ﺟﺮﻭﺣﻪ ﻫﻮ ﺣﺎﺟﻪ ﺗﺎﻧﻴﻪ ﻭﺟﻌﺎﻩ ﻭﺍﻋﺘﻘﺪ
ﺍﻥ ﺍﻧﺘﻲ ﺍﻟﻠﻲ ﻫﺘﺪﺍﻭﻳﻬﺎ ﺑﻌﻴﺪ ﻋﻦ ﺍﻻﺩﻭﻳﻪ
ﻟﻴﻠﻲ ﻣﻌﺮﻓﺘﺶ ﺗﺮﺩ ﻭﺗﻘﻮﻟﻪ ﺍﻳﻪ؟
ﺩﻛﺘﻮﺭ ﺍﻣﻴﻦ : ﺭﻭﺣﻲ ﻣﺴﺘﻨﻴﻪ ﺍﻳﻪ ﺍﺗﻄﻤﻨﻲ ﻭﺍﺑﻘﻲ
ﻃﻤﻨﻴﻨﻲ ...
ﻟﻴﻠﻲ ﻗﻌﺪﺕ ﻗﺪﺍﻡ ﺍﺳﺘﺎﺫﻫﺎ ﻭﺳﻜﺘﺖ
ﻟﻴﻠﻲ: ﺍﺣﻨﺎ ﻣﺎ ﺑﻨﺎﺵ ﺍﻟﻌﻼﻗﻪ ﺍﻟﻠﻲ ﺣﻀﺮﺗﻚ ﻓﺎﻛﺮﻫﻬﺎ
ﺩﻛﺘﻮﺭ ﺍﻣﻴﻦ : ﻫﻴﺒﻘﻲ ﺑﻴﻨﻜﻢ ...
ﻟﻴﻠﻲ: ﻫﻮ ﻣﺶ ﻋﺎﻳﺰ ﺍﻱ ﻋﻼﻗﺎﺕ ﻓﻲ ﺣﻴﺎﺗﻪ
ﺩﻛﺘﻮﺭ ﺍﻣﻴﻦ : ﻟﻴﻠﻲ ﻃﻮﻝ ﻋﻤﺮﻱ ﺑﻌﺘﺒﺮﻙ ﺯﻱ ﺑﻨﺘﻲ
ﻭﻣﺶ ﻫﻜﺪﺏ ﻋﻠﻴﻜﻲ ﺍﻭ ﻫﺠﺎﻣﻠﻚ ﻣﺜﻼ ... ﺍﺩﻫﻢ ﺍﻧﺘﻲ
ﺑﺎﻟﻨﺴﺒﺎﻟﻪ ﺣﺎﺟﻪ ﻣﻬﻤﻪ ﺟﺪﺍ
ﻟﻴﻠﻲ: ﻻ ﻃﺒﻌﺎ
ﺩﻛﺘﻮﺭ ﺍﻣﻴﻦ : ﻣﺎ ﺳﺄﻟﺘﻴﺶ ﻧﻔﺴﻚ ﻟﻴﻪ ﺍﻧﺘﻲ ﺑﺎﻟﺬﺍﺕ
ﺳﺎﻋﻪ ﻧﻮﺑﻪ ﺍﻟﺨﻮﻑ ﺍﻟﻠﻲ ﺟﺎﺗﻠﻪ ﻃﻠﺒﺖ ﻣﻨﻚ ﺍﻧﺘﻲ ﺍﻟﻠﻲ
ﺗﻀﻤﻴﻪ ﻛﺪﻩ .؟؟؟ ﻛﻨﺎ ﻛﺬﺍ ﺩﻛﺘﻮﺭ ﻭﺍﻧﺎ ﻛﺎﻥ ﻣﻤﻜﻦ
ﺍﻋﻤﻠﻬﺎ ﺑﻨﻔﺴﻲ ﻭﻛﺎﻥ ﻫﻴﺤﻘﻖ ﻧﻔﺲ ﺍﻟﻨﺘﻴﺠﻪ ﺑﺲ ﻫﻮ
ﻛﺎﻥ ﻣﺤﺘﺎﺟﻚ ﺍﻧﺘﻲ ﻭﻛﺎﻥ ﻋﺎﻳﺰ ﻳﻄﻤﻦ ﻓﻲ ﺣﻀﻨﻚ
ﺍﻧﺘﻲ ... ﻛﺎﻥ ﺍﻟﻤﻔﺮﻭﺽ ﺍﻭﻝ ﻣﺎ ﻳﻬﺪﻱ ﺧﻼﺹ ﺗﻘﻮﻣﻲ
ﺑﺲ ﺍﻧﺘﻲ ﻓﻀﻠﺘﻲ ﻭﻫﻮ ﻧﺎﻡ ﻓﻲ ﺣﻀﻨﻚ ﺩﻩ ﻻﻥ ﺍﻧﺘﻲ
ﻛﻨﺘﻲ ﺍﻻﻣﺎﻥ ﺑﺘﺎﻋﻪ ... ﻣﺎ ﺗﺤﺎﻭﻟﻴﺶ ﺗﻘﻨﻌﻲ ﻧﻔﺴﻚ ﺍﻧﻚ
ﻣﺶ ﻣﻬﻤﻪ ﺑﺎﻟﻨﺴﺒﺎﻟﻪ ... ﺍﻧﺘﻲ ﻣﻬﻤﻪ ﻭﻣﻬﻤﻪ ﺟﺪﺍ ﻛﻤﺎﻥ
ﺣﺘﻲ ﻟﻮ ﻫﻮ ﻧﻔﺴﻪ ﻣﺶ ﻋﺎﺭﻑ ﺩﻩ ﺍﻧﺘﻲ ﻋﺮﻓﻴﻪ ...
ﺭﻭﺣﻴﻠﻪ ﻭﻣﺎ ﺗﺘﺨﻠﻴﺶ ﻋﻨﻪ ﻓﻲ ﺍﺯﻣﺘﻪ ... ﺍﻟﻠﻲ ﺍﻋﺮﻓﻪ
ﻋﻨﻪ ﺍﻧﻪ ﻭﺣﺪﺍﻧﻲ ﺟﺪﺍ ﻭﺑﻴﺠﻲ ﻛﺘﻴﺮ ﻫﻨﺎ ﻭﺩﻱ ﺍﻭﻝ
ﻣﺮﻩ ﻳﻔﻀﻞ ﺍﻟﻔﺘﺮﻩ ﺩﻱ ﻓﻲ ﺍﻟﻤﺴﺘﺸﻔﻲ ﻛﺎﻥ ﻣﺠﺮﺩ ﻣﺎ
ﺑﻴﻔﻮﻕ ﺑﻴﻤﺸﻲ ﻣﻬﻤﺎ ﻳﻜﻮﻥ ﺗﻌﺒﺎﻥ ﻟﻜﻦ ﺍﻟﻤﺮﻩ ﺩﻱ
ﻓﻀﻞ ﻛﺬﺍ ﻳﻮﻡ ﻭﺟﻪ ﻳﻐﻴﺮ ﻋﻠﻲ ﺟﺮﺣﻪ ﻣﺮﻩ ﻭﺍﺗﻨﻴﻦ
ﻫﻮ ﻣﺶ ﻋﺎﺭﻑ ﻳﻌﻤﻞ ﺍﻳﻪ؟ ﻫﻮ ﺯﻱ ﻃﻔﻞ ﺻﻐﻴﺮ ﺑﻴﺨﺒﻂ
ﻓﻲ ﺍﻟﻀﻠﻤﻪ ﻭﻣﺤﺘﺎﺝ ﺣﺪ ﻳﻤﺴﻚ ﺍﻳﺪﻩ ﻭﻳﻄﻠﻌﻪ ﺑﺮ
ﺍﻻﻣﺎﻥ
ﻭﻓﻲ ﺍﻻﻭﻝ ﻭﺍﻻﺧﺮ ﺍﻧﺘﻲ ﺣﺮﻩ ﺩﻱ ﺣﻴﺎﺗﻚ..
ﻟﻴﻠﻲ ﻣﺸﻴﺖ ﻣﻦ ﻋﻨﺪﻩ ﻭﺍﻓﻜﺎﺭ ﺟﻮﺍﻫﺎ ﻛﺘﻴﺮ ﻣﺘﻠﺨﺒﻄﻪ
ﺷﻮﻳﻪ ﺗﺤﺲ ﺍﻧﻬﺎ ﺻﺢ ﻭﺷﻮﻳﻪ ﺗﺤﺲ ﺍﻧﻬﺎ ﻏﻠﻂ
ﺭﺍﺣﺖ ﻟﻘﺪﺍﻡ ﺑﻴﺘﻪ ﻭﻣﺴﻜﺖ ﻣﻔﺘﺎﺡ ﺷﻘﺘﻪ ﺍﻟﻠﻲ ﻋﻼﺀ
ﻋﻄﺎﻫﻮﻟﻬﺎ ﻭﻣﺘﺮﺩﺩﻩ ﺗﺪﺧﻞ ﻭﻻ ﻷ
ﺍﺧﻴﺮﺍ ﺩﺧﻠﺖ ﻭﺍﻟﺠﻮ ﻛﺎﻥ ﻫﺎﺩﻱ ﻧﺎﺩﺕ ﻭﻣﺤﺪﺵ ﺭﺩ
ﺩﺧﻠﺖ ﺍﻭﺿﻪ ﻧﻮﻣﻪ ﺑﺲ ﻓﺎﺿﻴﻪ ﻭﻣﻔﻴﻬﺎﺵ ﺣﺪ
ﻛﺎﻧﺖ ﻫﺘﻤﺸﻲ ﺑﺲ ﻟﻤﺤﺖ ﻣﻮﺑﻴﻠﻪ ﻭﻣﻔﺎﺗﻴﺤﻪ ﻭﻧﻈﺎﺭﺗﻪ
ﻋﻠﻲ ﺍﻟﺘﺴﺮﻳﺤﻪ ﻳﺒﻘﻲ ﻫﻮ ﻫﻨﺎ
ﺧﺎﻓﺖ ﻳﻜﻮﻥ ﺍﻏﻤﻲ ﻋﻠﻴﻪ ﺍﻭ ﺟﺮﺍﻟﻪ ﺣﺎﺟﻪ
ﻓﺘﺤﺖ ﺍﻟﺒﻠﻜﻮﻧﻪ ﻣﻠﻘﺘﺶ ﺣﺪ ﻭﻫﻴﺎ ﺧﺎﺭﺟﻪ ﺑﺮﻩ ﺍﻻﻭﺿﻪ
ﻓﻜﺮﺕ ﺍﻧﻪ ﻣﻤﻜﻦ ﻳﻜﻮﻥ ﻓﻲ ﺍﻟﺤﻤﺎﻡ ﻻﻥ ﺑﺎﺑﻪ ﻣﻘﻔﻮﻝ
ﺧﺒﻄﺖ : ﺍﺩﻫﻢ ﺍﻧﺖ ﻫﻨﺎ؟؟؟ ﺍﺩﻫﻢ؟؟ ﺍﺩﻫﻢ،؟؟
ﻓﺘﺤﺖ ﺍﻟﺒﺎﺏ ﻣﻔﻴﺶ ﺣﺪ ﺧﺮﺟﺖ ﻭﻣﺎﺷﻴﻪ ﺑﺲ ﺳﻤﻌﺖ
ﻛﺮﻛﺒﻪ ﻓﻲ ﺍﻟﻤﻄﺒﺦ ﺑﺼﺖ ﻭﻫﻴﺎ ﻓﻲ ﺍﻟﺼﺎﻟﻪ ﻣﻔﻴﺶ ﺣﺪ
ﺭﺍﺣﺖ ﺗﺸﻮﻑ ﺍﻳﻪ ﻭﺗﺨﻴﻠﺖ ﺍﻧﻬﺎ ﻣﻤﻜﻦ ﺗﻜﻮﻥ ﻗﻄﻪ ﻭﻻ
ﺣﺎﺟﻪ ﺩﺧﻠﺖ ﻭﻫﻴﺎ ﺳﺎﻳﺒﻪ ﺍﻟﺒﺎﺏ ﻣﻔﺘﻮﺡ
ﻟﻔﺖ ﻭﺩﺧﻠﺖ ﻭﻟﻘﺘﻪ ﻓﻲ ﺍﻻﺭﺽ ﻭﺣﻮﺍﻟﻴﻪ ﻗﺰﺍﻳﺰ ﻛﺘﻴﺮ
ﻓﺎﺿﻴﻪ
ﻟﻴﻠﻲ: ﺍﺩﻫﻢ ﺍﺩﻫﻢ ﺍﺩﻫﻢ
ﺍﺩﻫﻢ: ﺍﻳﻪ ﺍﻳﻪ ﺍﻳﻪ
ﺯﻗﻬﺎ ﺑﻌﻴﺪ
ﺍﺩﻫﻢ: ﻫﻮ ﺷﻮﻳﻪ ﺗﻴﺠﻲ ﻭﺷﻮﻳﻪ ﺗﻤﺸﻲ؟؟؟ ﺍﺭﺳﻲ
ﻋﻠﻲ ﺑﺮ
ﻟﻴﻠﻲ: ﺍﻧﺖ ﺳﻜﺮﺍﻥ ﺻﺢ؟
ﺍﺩﻫﻢ: ﻫﻬﻬﻬﻬﻬﻬﻪ ﻷ ﻫﻬﻬﻬﻬﻬﻬﻬﻪ ﻣﺶ ﺳﻜﺮﺍﻥ
ﺧﺎﻟﺺ .... ﻫﻬﻬﻬﻬﻬﻬﻬﻴﻬﻬﻪ ﺧﺎﻟﺺ ﺧﺎﻟﺺ .... ﻣﺎ ﺗﻴﺠﻲ
ﺗﻘﺮﺑﻲ
ﻟﻴﻠﻲ: ﺍﺩﻫﻢ ﺍﻭﻋﻲ ﺑﻘﻲ ... ﺍﻧﺖ ﻻﺯﻡ ﺗﻔﻮﻕ ... ﺍﻟﺸﺮﺏ
ﻏﻠﻂ ﺍﺻﻼ ﻣﻊ ﺍﻻﺩﻭﻳﻪ ﺍﻟﻠﻲ ﺑﺘﺎﺧﺪﻫﺎ
ﺍﺩﻫﻢ: ﺗﻌﺎﻟﻲ ﺑﺲ ﺍﻧﺎ ﻓﺎﻳﻖ .... ﻓﺎﻳﻖ ﺍﻫﻮﻩ
ﻫﻬﻬﻬﻬﻬﻬﻬﻬﻬﻪ
ﻟﻴﻠﻲ: ﺩﻩ ﻣﻨﻈﺮ ﻭﺍﺣﺪ ﻓﺎﻳﻖ؟؟؟ ﻗﻮﻡ ﻣﻌﺎﻳﺎ ﻗﻮﻡ
ﺷﺪﺗﻪ ﻭﻗﻔﺘﻪ ﻭﻫﻮ ﺑﻴﻮﻗﻊ ﻭﻳﻮﻗﻌﻬﺎ ﻣﻌﺎﻩ
ﻟﻴﻠﻲ: ﺍﻧﺖ ﺗﻘﻴﻞ ﻗﻮﻱ ﻛﺪﻩ ﻟﻴﻪ؟ ﺍﻣﺸﻲ ﺑﻘﻲ
ﺍﺩﻫﻢ: ﺍﻧﺎ ﺗﻘﻴﻞ ﻫﻬﻬﻬﻬﻬﻪ ﻭﺍﻧﺘﻲ؟؟
ﺍﺩﻫﻢ ﺷﺎﻟﻬﺎ ﻣﺮﻩ ﻭﺍﺣﺪﻩ ﻭﺻﻮﺗﺖ ﻭﻫﻮ ﺍﺻﻼ ﺑﻴﻄﻮﺡ
ﺑﺲ ﺧﻔﻴﻔﻪ ﻓﻲ ﺍﻳﺪﻩ
ﺍﺩﻫﻢ: ﺍﻧﺘﻲ ﻣﺶ ﺗﻘﻴﻠﻪ
ﻟﻴﻠﻲ: ﻃﻴﺐ ﻧﺰﻟﻨﻲ .... ﺍﺩﻫﻢ ﻧﺰﻟﻨﻲ ﻫﻨﻮﻗﻊ ﺍﺣﻨﺎ
ﺍﻻﺗﻨﻴﻦ ﻧﺰﻟﻨﻲ
ﺍﺩﻫﻢ: ﺍﻫﻮ ﻧﺰﻟﺘﻚ ﺑﻄﻠﻲ ﺻﻮﺗﻚ ﺍﻟﻤﺴﺮﺳﻊ ﺩﻩ
ﻟﻴﻠﻲ: ﺍﺩﺧﻞ ﺍﺩﺧﻞ ... ﺍﺳﺘﻨﻲ
ﺍﺩﻫﻢ: ﻳﻮﻭﻭﻭﻩ ﺭﻛﺰﻱ ﺑﻘﻲ ﺍﺩﺧﻞ ﻭﻻ ﺍﺳﺘﻨﻲ ... ﺍﻧﺘﻲ
ﺳﻜﺮﺍﻧﻪ ﻭﻻ ﺍﻳﻪ؟ ﺍﻧﺘﻲ ﺑﺘﻌﻤﻠﻲ ﺍﻳﻪ؟ ﻫﻬﻬﻬﻬﻬﻪ ﺍﻧﺘﻲ
ﺑﺘﻘﻠﺒﻴﻨﻲ؟؟؟
ﻟﻴﻠﻲ: ﻫﻮ ﺍﻧﺖ ﻣﻌﺎﻙ ﺣﺎﺟﻪ ﺗﺘﻘﻠﺐ ﺍﺻﻼ؟ ﺍﻧﺎ ﺑﻔﻀﻲ
ﺟﻴﻮﺑﻚ ﺑﺲ
ﺍﺩﻫﻢ: ﻟﻴﻪ؟
ﻟﻴﻠﻲ: ﻫﺘﻌﺮﻑ ﺩﻟﻮﻗﺘﻲ
ﻟﻴﻠﻲ ﺩﺧﻠﺘﻪ ﺍﻟﺤﻤﺎﻡ ﻭﺍﺣﺘﺎﺭﺕ ﺗﺤﻄﻪ ﻓﻲ ﺍﻟﺒﺎﻧﻴﻮ ﻭﻻ
ﺗﺪﺧﻠﻪ ﺗﺤﺖ ﺍﻟﺪﺵ
ﺍﺧﺘﺎﺭﺕ ﺍﻟﺪﺵ ﻓﺘﺤﺖ ﺍﻟﺒﺎﺏ ﺍﻟﻘﺰﺍﺯ ﺑﺘﺎﻋﻪ ﻭﺯﻗﺘﻪ
ﺍﺩﻫﻢ: ﺍﻧﺘﻲ ﺟﺎﻳﺒﺎﻧﻲ ﻫﻨﺎ ﻟﻴﻪ؟ ﻃﻴﺐ ﺍﻗﻠﻊ ﺍﻻﻭﻝ؟
ﺍﺩﻫﻢ ﺑﻴﻔﻚ ﻗﻤﻴﺼﻪ ﻭﻟﻴﻠﻲ ﺑﺘﺤﺎﻭﻝ ﺗﻔﺘﺢ ﺍﻟﻤﻴﻪ
ﻭﻟﻼﺳﻒ ﻣﻌﺮﻓﺘﺶ ﺗﻔﺘﺤﻬﺎ
ﻟﻴﻠﻲ: ﺍﻟﺒﺘﺎﻉ ﺩﻩ ﺑﻴﺘﻔﺘﺢ ﻣﻨﻴﻦ؟ ﺑﻄﻞ ﺿﺤﻚ ﻭﻗﻮﻟﻲ ...
ﻫﻴﺎ ﻓﻴﻦ ﺍﻟﺤﻨﻔﻴﺎﺕ ﺍﺻﻼ؟؟؟ ﺣﺘﻲ ﺩﻩ ﺑﻘﻲ ﺩﻳﺠﺘﺎﻝ؟؟؟
ﺍﺩﻫﻢ ﺍﻓﺘﺢ ﺍﻟﺒﺘﺎﻉ ﺩﻩ؟
ﺍﺩﻫﻢ: ﻫﻬﻬﻬﻬﻪ ﻳﺎ ﺟﺎﻫﻠﻪ ... ﻫﻬﻬﻬﻬﻬﻬﻪ ﻫﺎﺗﻲ ﺑﻮﺳﻪ
ﻭﺍﻧﺎ ﺍﻓﺘﺤﻪ
ﻟﻴﻠﻲ: ﺍﻓﺘﺤﻪ ﻳﺎﻻ
ﺍﺩﻫﻢ: ﺩﻭﺳﻲ ﻋﻠﻲ ﺍﻟﺰﺭﺍﻳﺮ ﺩﻱ
ﻟﻴﻠﻲ: ﻃﻴﺐ ﻳﻜﺘﺒﻮﺍ ﻋﻠﻴﻬﻢ
ﺍﺩﻫﻢ ﺩﺍﺱ ﻋﻠﻲ ﻛﺎﻡ ﺯﺭﺍﺭ ﻭﺍﻟﻤﻴﻪ ﺧﺮﺟﺖ ﻣﻦ ﻛﻞ
ﻣﻜﺎﻥ ﻭﻟﻴﻠﻲ ﺻﺮﺧﺖ ﻻﻧﻬﺎ ﺍﺗﻐﺮﻗﺖ ﻭﺍﺩﻫﻢ ﺷﺪﻫﺎ ﻣﻌﺎﻩ
ﻭﻗﻔﻞ ﺍﻟﺒﺎﺏ ﻋﻠﻴﻬﻢ ﻭﻫﻴﺎ ﺑﺘﻀﺮﺏ ﻓﻴﻪ ﻋﻠﺸﺎﻥ ﺗﻄﻠﻊ
ﺑﺮﻩ ﺛﺒﺘﻬﺎ ﻋﻠﻲ ﺍﻟﻘﺰﺍﺯ ﻭﺍﺗﻜﻠﻢ ﺑﺠﺪ
ﺍﺩﻫﻢ: ﺍﻧﺘﻲ ﻓﻜﺮﺍﻧﻲ ﺳﻜﺮﺍﻥ؟؟؟؟ ﻣﻌﻠﻮﻣﻪ ﺻﻐﻴﺮﻩ
ﻗﻮﻱ ﻣﻔﻴﺶ ﺿﺒﺎﻁ ﻣﺨﺎﺑﺮﺍﺕ ﺑﻴﺴﻜﺮﻭﺍ ﻣﻬﻤﺎ ﺷﺮﺑﻮ ﺍ
ﻻﻧﻬﻢ ﻟﻮ ﺳﻜﺮﻭﺍ ﺑﻀﻴﻌﻮﺍ ﺑﻠﺪ ﻛﺎﻣﻠﻪ ﻓﺎﻫﻤﻪ؟؟ ﻭﻻ
ﺍﻓﻬﻤﻚ؟؟؟
ﻟﻴﻠﻲ: ﺳﻴﺒﻨﻲ ﺍﻃﻠﻊ
ﺍﺩﻫﻢ ﺭﻓﻊ ﺍﻳﺪﻳﻪ ﻭﺳﺎﺑﻬﺎ ﻭﺭﺟﻊ ﻟﻮﺭﺍ ﻭﺳﻨﺪ ﻋﻠﻲ
ﺍﻟﻘﺰﺍﺯ ﻭﺑﺎﺻﺼﻠﻬﺎ
ﻟﻴﻠﻲ ﺑﺘﺤﺎﻭﻝ ﺗﻔﺘﺢ ﺍﻟﺒﺎﺏ ﻣﺶ ﻋﺎﺭﻓﻪ
ﻟﻴﻠﻲ: ﻣﻤﻜﻦ؟؟؟
ﺍﺩﻫﻢ ﺩﺍﺱ ﻋﻠﻲ ﺯﺭﺍﺭ ﻭﻓﺘﺤﻠﻬﺎ ﺍﻟﺒﺎﺏ ﻭﻫﻴﺎ ﺧﺮﺟﺖ
ﺗﻨﻘﻂ ﻣﻴﻪ ﻭﻫﻮ ﻗﻔﻞ ﺍﻟﻤﻴﻪ ﻭﺳﺎﻧﺪ ﻋﻠﻲ ﺍﻟﺒﺎﺏ ﻳﺘﻔﺮﺝ
ﻋﻠﻴﻬﺎ
ﻟﻴﻠﻲ: ﺗﻘﺪﺭ ﺗﻘﻮﻟﻲ ﺍﻧﺎ ﻫﻌﻤﻞ ﺍﻳﻪ ﺩﻟﻮﻗﺘﻲ؟
ﺍﺩﻫﻢ: ﻗﻮﻟﺘﻴﻠﻲ ﺍﻓﺘﺢ ﺍﻟﻤﻴﻪ ﻓﺘﺤﺘﻬﺎ
ﻟﻴﻠﻲ: ﺍﻟﻤﻴﻪ ﺑﺘﻨﺰﻝ ﻣﻦ ﻓﻮﻕ ﻣﺶ ﻣﻦ ﻛﻞ ﺣﺘﻪ ﻭﻛﻞ
ﺟﻨﺐ ... ﻣﺪﺧﻠﺘﺶ ﺍﻟﺰﻓﺖ ﺩﻩ ﻗﺒﻞ ﻛﺪﻩ ﻭﻣﻌﺮﻓﺶ ﺍﻥ
ﺍﻟﻤﻴﻪ ﺑﺘﺨﺮﺝ ﻛﺪﻩ
ﺍﺩﻫﻢ: ﻭﺍﺩﻳﻜﻲ ﻋﺮﻓﺘﻲ
ﻟﻴﻠﻲ: ﻟﻤﺎ ﺍﻧﺖ ﻓﺎﻳﻖ ﻣﺮﺩﻳﺘﺶ ﻟﻴﻪ ﻋﻠﻴﺎ؟
ﺍﺩﻫﻢ: ﻓﻀﻮﻝ !! ﻛﻨﺖ ﻋﺎﻳﺰ ﺍﺷﻮﻑ ﻫﺘﻌﻤﻠﻲ ﺍﻳﻪ؟ ﻟﻮ
ﺍﻧﺎ ﻣﻐﻤﻲ ﻋﻠﻴﺎ ﺍﻭ ﺳﻜﺮﺍﻥ ﻓﻌﻼ !!
ﻟﻴﻠﻲ: ﻭﺍﺩﻳﻚ ﺷﻔﺖ ﻋﺠﺒﻚ ﺍﻟﻠﻲ ﺷﻔﺘﻪ؟؟؟
ﺍﺩﻫﻢ ﺑﻴﺒﺼﻠﻬﺎ ﻣﻦ ﻓﻮﻕ ﻟﺘﺤﺖ ﺑﻬﺪﻭﻣﻬﺎ ﺍﻟﻼﺯﻗﻪ ﻋﻠﻴﻬﺎ
ﻟﻴﻠﻲ ﺑﺘﻠﻘﺎﺋﻴﻪ ﺣﻄﺖ ﺍﻳﺪﻳﻬﺎ ﻋﻠﻲ ﺻﺪﺭﻫﺎ
ﺍﺩﻫﻢ: ﺟﺪﺍ
ﻟﻴﻠﻲ: ﻣﺶ ﻗﺼﺪﻱ ﻋﻠﻲ ﺩﻩ؟
ﻭﺑﺘﺪﺍﺭﻱ ﺟﺴﻤﻬﺎ ﻭﺑﺼﺖ ﺣﻮﺍﻟﻴﻬﺎ ﻓﻬﻮ ﺷﺪ ﻓﻮﻃﻪ ﻣﻦ
ﺩﺭﺝ ﻓﺘﺤﻪ ﻭﺭﻣﺎﻫﺎﻟﻬﺎ
ﺍﺩﻫﻢ: ﻭﺍﻧﺎ ﻛﻤﺎﻥ ﻣﻜﻨﺶ ﻗﺼﺪﻱ ﻋﻠﻲ ﺩﻩ ... ﻗﺼﺪﻱ
ﻣﺤﺎﻭﻟﺘﻚ ﺍﻧﻚ ﺗﻔﻮﻗﻴﻨﻲ ﻭﺗﺴﻨﺪﻳﻨﻲ ﻟﺤﺪ ﻫﻨﺎ ﻭﺍﺻﺮﺍﺭﻙ
ﻟﻴﻠﻲ: ﻃﻴﺐ ﺍﻋﻤﻞ ﺍﻳﻪ ﺍﻧﺎ ﺩﻟﻮﻗﺘﻲ ﻭﺍﺭﻭﺡ ﺍﺯﺍﻱ؟ ﻛﻞ
ﻣﺮﻩ ﺑﺠﻴﻠﻚ ﺑﻨﺪﻡ ﻓﻴﻬﺎ ﻭﺍﺧﺪ ﻋﻬﺪ ﻋﻠﻲ ﻧﻔﺴﻲ ﺍﻧﻬﺎ
ﺍﺧﺮ ﻣﺮﻩ ﻭﺑﺮﺿﻪ ﺍﺣﻦ ﻭﺍﺟﻴﻠﻚ ﺗﺎﻧﻲ
ﺍﺩﻫﻢ ﻗﺮﺏ ﻣﻨﻬﺎ ﻭﻫﻴﺎ ﺑﺘﺮﺟﻊ ﻟﻮﺭﺍ ﻟﺤﺪ ﻣﺎ ﺧﺒﻄﺖ ﻓﻲ
ﺍﻟﺒﺎﺏ ﻓﺎﺗﻘﻔﻞ
ﺍﺩﻫﻢ: ﺍﻧﺘﻲ ﺑﺘﺨﺎﻓﻲ ﻣﻨﻲ ﻟﻴﻪ؟ ﻭﻛﻞ ﻣﺎ ﺍﻗﺮﺏ
ﺑﺘﺒﻌﺪﻱ ﻟﻴﻪ؟
ﻟﻴﻠﻲ: ﻋﻠﺸﺎﻥ ﻣﺶ ﻋﺎﺭﻓﻪ ﺩﻣﺎﻏﻚ ﻓﻴﻬﺎ ﺍﻳﻪ؟ ﻭﻋﻠﺸﺎﻥ
ﺍﻟﻠﻲ ﻋﻤﻠﺘﻪ ﻣﻌﺎﻳﺎ ﻗﺒﻞ ﻛﺪﻩ ﻭﻻ ﻧﺴﻴﺖ؟
ﺍﺩﻫﻢ: ﺍﻳﻪ ﺍﻟﻠﻲ ﻋﻤﻠﺘﻪ ﻣﻌﺎﻛﻲ؟ ﻟﻤﺴﺘﻚ؟؟
ﺑﻮﺳﺘﻚ؟؟؟ ﺣﻀﻨﺘﻚ؟؟؟ ﻋﻤﻠﺖ ﺍﻳﻪ؟؟
ﻟﻴﻠﻲ: ﻻ ﻣﻌﻤﻠﺘﺶ ﻛﻞ ﺩﻩ ﺑﺲ ﻛﺘﻔﺘﻴﻨﻲ ﻭﺣﻄﻴﺘﻨﻲ
ﻋﻠﻲ ﺍﻟﺴﺮﻳﺮ ﻭﻗﻄﻌﺖ ﻫﺪﻭﻣﻲ
ﺍﺩﻫﻢ: ﻛﻨﺖ ﻋﺎﻳﺰ ﺍﺧﻮﻓﻚ ﻣﻨﻲ ﺳﺎﻋﺘﻬﺎ ﻣﺶ ﺍﻛﺘﺮ
ﻟﻴﻠﻲ: ﻭﺍﺩﻳﻨﻲ ﺑﻘﻴﺖ ﺑﺨﺎﻑ ﻣﻨﻚ ﺍﻫﻮﻩ ﻭﺣﻘﻘﺖ ﺍﻟﻠﻲ
ﺍﻧﺖ ﻋﺎﻳﺰﻩ
ﺍﺩﻫﻢ: ﻭﺍﻧﺘﻲ ﺗﻌﺮﻓﻲ ﺍﻧﺎ ﻋﺎﻳﺰ ﺍﻳﻪ ﻋﻠﺸﺎﻥ ﺗﻘﻮﻟﻲ
ﺣﻘﻘﺘﻪ؟؟
ﻟﻴﻠﻲ: ﺍﻧﺖ ﻋﺎﻳﺰ ﺍﻳﻪ؟؟؟
ﻗﺎﻟﺘﻬﺎ ﺑﺎﻟﻬﻤﺲ ﻭﺍﻧﻔﺎﺳﻬﺎ ﻋﺎﻟﻴﻪ ﻻﻧﻪ ﻗﺮﻳﺐ ﻗﻮﻱ ﻣﻨﻬﺎ
ﺍﺩﻫﻢ: ﻋﺎﻳﺰﻙ ﺍﻧﺘﻲ ... ﻋﻤﺮﻱ ﻣﺎ ﺍﺗﻤﻨﻴﺖ ﻭﺍﺣﺪﻩ ﻗﺒﻠﻚ
ﺍﻧﺘﻲ .... ﻋﻤﺮﻱ ﻣﺎ ﺿﻌﻔﺖ ﺍﺑﺪﺍ ﻗﺪﺍﻡ ﻭﺍﺣﺪﻩ ﺯﻱ
ﺩﻟﻮﻗﺘﻲ ... ﺍﻧﺎ ﻣﺶ ﻋﺎﺭﻑ ﺍﻳﻪ ﺍﻟﻤﺨﺘﻠﻒ ﻓﻴﻜﻲ ﺑﺲ
ﺍﻧﺘﻲ ﺑﺘﺠﻨﻨﻴﻨﻲ ... ﺑﺘﺒﺴﻄﻴﻨﻲ ﺑﺘﺰﻋﻠﻴﻨﻲ ﺑﺘﺮﻓﻌﻴﻨﻲ
ﻟﺴﺎﺑﻊ ﺳﻤﺎ ﺑﻀﺤﻜﻪ ﻭﺑﺘﻨﺰﻟﻴﻨﻲ ﻟﺴﺎﺑﻊ ﺍﺭﺽ ﺑﻜﻠﻤﻪ ....
ﺍﻧﺎ ﻣﺶ ﻋﺎﺭﻑ ﺍﻧﺘﻲ ﺑﺘﻌﻤﻠﻲ ﻓﻴﺎ ﺍﻳﻪ؟ ﺑﺲ ﺍﻟﻠﻲ
ﻋﺎﺭﻓﻪ ﺍﻧﻲ ﻋﺎﻳﺰﻙ ﻋﻠﻲ ﻃﻮﻝ ... ﻭﻟﻮ ﺍﻗﺪﺭ ﺍﺣﺒﺴﻚ
ﻫﻨﺎ ﻭﻣﺎ ﺍﺧﺮﺟﻜﻴﺶ ﺍﺑﺪﺍ
ﻟﻴﻠﻲ: ﻭﺍﻳﻪ ﺍﻟﻠﻲ ﻣﺎﻧﻌﻚ؟؟؟
ﺍﺩﻫﻢ: ﻳﻮﻭﻭﻩ ﻛﺘﻴﺮ
ﻟﻴﻠﻲ ﺑﺘﻬﻤﺲ ﻭﻫﻴﺎ ﺑﺘﺘﻜﻠﻢ ﻭﺑﺎﺻﻪ ﻟﺘﺤﺖ ﻭﺭﻓﻌﺖ
ﻋﻴﻨﻴﻬﺎ ﻟﻌﻨﻴﻪ ﻭﺷﺎﻓﺖ ﺣﺐ ﺻﺎﺩﻕ ﺟﻮﺍﻩ ... ﺍﻭﻝ ﻣﺮﻩ
ﺗﻠﻤﺢ ﺍﻟﺤﺐ ﺟﻮﻱ ﻋﻨﻴﻪ ...
ﻟﻴﻠﻲ: ﺍﺩﻫﻢ ....
ﺍﺩﻫﻢ: ﺷﺎﻭﺭﻱ
ﻟﻴﻠﻲ: ﺑﻄﻞ ﺗﺨﻠﻴﻨﻲ ﺍﻧﺪﻡ
ﺍﺩﻫﻢ: ﻳﺒﻘﻲ ﺍﺧﺮﺟﻲ ﺑﺮﻩ ﺑﻴﺘﻲ ﻭﺍﻧﺴﻲ ﺍﻧﻚ ﻋﺮﻓﺘﻴﻨﻲ
ﻓﻲ ﻳﻮﻡ ﻣﻦ ﺍﻻﻳﺎﻡ ﻭﺍﻧﺴﻲ ﺍﺳﻤﻲ
ﻟﻴﻠﻲ: ﻣﻘﺪﺭﺵ
ﺍﺩﻫﻢ: ﻣﻌﺮﻓﺘﻚ ﻟﻴﺎ ﻓﻲ ﺣﺪ ﺫﺍﺗﻬﺎ ﻧﺪﻡ ﻳﺒﻘﻲ ﺍﺯﺍﻱ ﻣﺎ
ﺍﺧﻠﻜﻴﺶ ﺗﻨﺪﻣﻲ؟؟؟
ﻣﺴﻜﺖ ﻗﻤﻴﺼﻪ ﺑﺎﻳﺪﻳﻬﺎ ﺍﻻﺗﻨﻴﻦ
ﻟﻴﻠﻲ: ﻃﻴﺐ ﺑﻄﻞ ﺗﺒﻌﺪﻧﻲ ﺧﻠﻴﻨﻲ ﻗﺮﻳﺒﻪ
ﺍﺩﻫﻢ: ﺍﻧﺎ ﻋﺎﻳﺰﻙ ﻗﺮﻳﺒﻪ ﺑﺲ ﺍﻧﺘﻲ ﺍﻟﻠﻲ ﺑﺘﺒﻌﺪﻱ
ﺩﻳﻤﺎ ... ﻣﺶ ﻗﺎﺩﺭﻩ ﺗﻔﻬﻤﻴﻨﻲ ﻭﺑﺘﺒﻌﺪﻱ ﻋﻨﻲ ﻣﻊ ﺍﻧﻲ
ﻃﻠﺒﺖ ﻣﻨﻚ ﻛﺘﻴﺮ ﺗﻔﻀﻠﻲ ﺑﺲ ﺍﻧﺘﻲ ﺑﺘﺸﻮﻓﻲ ﺍﻟﻈﺎﻫﺮ
ﺑﺲ ﻣﺎ ﺑﺘﺤﺴﻴﺶ ﺑﻴﺎ
ﻟﻴﻠﻲ: ﻭﻻ ﺍﻧﺖ ﺑﺘﺤﺲ ﺑﻴﺎ
ﺍﺩﻫﻢ: ﺟﻴﺘﻠﻚ ﻭﻣﺸﻴﺘﻴﻨﻲ ﻣﻦ ﻋﻨﺪﻙ .... ﻭﺩﻟﻮﻗﺘﻲ
ﺟﻴﺘﻲ ﺍﻧﺘﻲ ﻟﻴﺎ؟؟؟ ﻓﻬﻤﻴﻨﻲ ﺍﻧﺘﻲ ﻋﺎﻳﺰﻩ ﺍﻳﻪ ﻣﻨﻲ؟
ﻟﻴﻠﻲ: ﺍﻧﺎ ﻣﺶ ﻋﺎﻳﺰﻩ ﻣﻨﻚ ﺣﺎﺟﻪ ....
ﺍﺩﻫﻢ ﻳﺪﻭﺏ ﻫﻴﺒﻌﺪ ﻓﻜﻤﻠﺖ ﺟﻤﻠﺘﻬﺎ
ﻟﻴﻠﻲ: ﺍﻧﺎ ﻋﻴﺰﺍﻙ ﺍﻧﺖ ﻛﻠﻚ ﻋﻠﻲ ﺑﻌﻀﻚ
ﺍﺩﻫﻢ ﺷﺪ ﺍﻳﺪﻳﻬﺎ ﻣﻦ ﻋﻠﻲ ﻗﻤﻴﺼﻪ ﻭﺣﻄﻬﺎ ﺣﻮﺍﻟﻴﻦ
ﺭﻗﺒﺘﻪ ﻭﺿﻤﻬﺎ .... ﺿﻤﻬﺎ ﺟﺎﻣﺪ ﺟﺪﺍ ﻟﺪﺭﺟﻪ ﺍﻧﻬﺎ ﺣﺴﺖ
ﺍﻧﻪ ﻋﺎﻳﺰ ﻳﺪﺧﻠﻬﺎ ﺟﻮﺍﻩ
ﻛﺎﻧﺖ ﻭﺍﻗﻔﻪ ﻋﻠﻲ ﻃﺮﺍﻃﻴﻒ ﺻﻮﺍﺑﻌﻬﺎ ﻋﻠﺸﺎﻥ ﺗﺒﻘﻲ
ﻓﻲ ﻣﺴﺘﻮﺍﻩ ﻓﻬﻮ ﺭﻓﻌﻬﺎ ﻣﻦ ﻋﻠﻲ ﺍﻻﺭﺿﻪ ﻭﺷﻪ ﻓﻲ
ﺭﻗﺒﺘﻬﺎ
ﻭﻫﻴﺎ ﺍﻳﺪﻳﻬﺎ ﺣﻮﺍﻟﻴﻪ ﺑﺘﺸﺪﻩ ﺟﺎﻣﺪ ﻟﻴﻬﺎ ﺍﻛﺘﺮ ﻭﺍﻛﺘﺮ
ﺷﻮﻕ ﻭﻟﻬﻔﻪ ﻃﺎﻝ ﺍﻧﺘﻈﺎﺭﻫﻢ
ﻧﺰﻟﻬﺎ ﺑﺮﺍﺣﻪ ﻭﻫﻴﺎ ﺑﺼﺘﻠﻪ ﻭﺍﺑﺘﺴﻤﺘﻠﻪ ﻭﻭﺷﻪ ﻣﺎﺳﻜﺎﻩ
ﺑﺎﻳﺪﻳﻬﺎ
ﻣﺴﻚ ﺍﻳﺪﻳﻬﺎ ﻭﻧﺰﻟﻬﺎ ﻭﺭﺟﻊ ﺧﻄﻮﻩ ﻟﻮﺭﻱ
ﺍﺩﻫﻢ: ﺍﻗﻠﻌﻲ ﻫﺪﻭﻣﻚ
ﻭﻧﻜﻤﻞ ﺑﻜﺮﻩ
ﺗﻮﻗﻌﺎﺗﻜﻢ ﺍﻳﻪ ﺍﻟﻠﻲ ﻫﻴﺤﺼﻞ؟
ﺍﺩﻫﻢ ﻫﻴﻌﺘﺮﻑ ﺑﺤﺒﻪ ﻭ ﻻ ﻟﺴﻪ؟
ﻟﻴﻠﻲ ﻫﺘﺴﺘﺴﻠﻢ ﻟﻌﻮﺍﻃﻔﻬﺎ ﻭﻻﺩﻫﻢ ﻭﻻ ﻫﺘﻘﺎﻭﻣﻪ؟..