الفصل الواحد والعشرون 21 والثاني والعشرون 22
بقلم ياسمين عزيز
بعد ثلاثة أيام....
تجلس ليليان في مكتبها تترشف قهوتها الصباحية مع أمنية صديقتها....
أمنية بسخرية :"طول عمرك غاوية تعب و مرمطة... بدل ما تقعدي في البيت زي أي عروسة جاية الشغل بعد أسبوعين جواز... ليه هو الشغل كان حيطير و إلا العيانين حيخلصوا....
وضعت ليليان الكوب على سطح المكتب و هي تنظر لأمنية بحاجبين مرفوعين قبل أن تبادر بالقول:" جرا يا أمنية مالك مستلماني من الصبح كده و عمالة تهزقي فيا يمين و شمال... إشحال مكنتيش عارفة اللي فيها....
مصمصت أمنية شفتيها قبل أن تتكلم :" و حكون عارفة إيه يعني....بلا خيبة إنت ست حلوة و زي القمر و بنظرة واحدة تتطيري عقل أي راجل مخلية جوزك راجع شغله بعد أسبوع ليه....
ليليان بلامبالاة:" يمكن زهق من قعدة البيت بعد مارجعنا من المالديف.....
أمنية و هي تقلدها بتهكم:"رجعنا من المالديف....و ليه ما سافرتوش ثاني فرنسا أمريكا تركيا إنشاء الله جنوب أفريقيا...
ليليان بضحك :"جنوب أفريقيا و حنعمل إيه هناك.."نلعب مع القرود.
رمقتها أمنية بنظرة متذكرة و هي تجيبها :" حافضلي طول عمرك خايبة... ذكتور أيهم راجل غني و مشهور و حلم أي بنت في الدنيا و هو دلوقتي بقى جوزك إزاي و ليه معادش مهم المهم أنه بقى جوزك فلازم تحافظي عليه....و تحاولي تغيري من طباعه...ليليان إعقلي و إطلعب من دور الست الغير مهمتة بجوزها
و مش طايقاه داه مش بعيد يمل منك و يبص برا ".
ليليان بتنهيدة :" و هو يعني معملهاش قبل كده ألف مرة و إلا إنت ناسية تاريخه الحافل...داه كان بيخوني كل ليلة و احنا مخطوبين.. ".
أمنية و هي تحاول مواساتها :" أنا عارفة كل حاجة يا لولو و عارفة إنت قد إيه إتعذبتي وبسببه و إستحملتي... بس داه بقى جوزك يا حبيبتي يعني خلاص اللي حصل حصل فحاولي تنسى اللي فات و تبدئي من جديد... ".
ليليان :" طب عاوزاني أعمل إيه يا أمنية... أيهم طبعه صعب جدا و مش بيعمل غير اللي في دماغه و انا مش حقدر اغيره... انا محتارة يا ميمي و حاسة إني في تايهة في دوامة و مش عارفة أخرج منها.... انا خلاص تعبت... عملت كل اللي هو عاوزه و تجوزته
بس لسه مش مرتاحة، مش حاسة بالأمان معاه... عارفة انه مش حيتغير و حيفضل زي ماهو حيعرف بنات و حيخوني ".
أمنية باستفسار :" هو إنت بتحبيه يا ليليان؟؟ ".
ليليان بصوت حزين :" انا معرفتش راجل غيره في حياتي...مش بتخيل نفسي مع حد ثاني ساعات كثيرة بتمنى لو ماكنتش أخلاقه كده كنت ححبه... داه هو بنفسه مش بيعترف بحاجة إسمها حب بيقلي إني كل اللي بينا رغبة... بيعجبه جمالي و جسمي بس مش بيحبني، يعني مش فارقة معاه لو إشتغلت او قعدت في البيت و حتى لو حولت نفسي لجارية تحت رجليه مش حيمنعه داه أنه يبص لغيري.. "
أمنية بحزن :" انا آسفة يا لولو بس انا كنت بقول كده عشان مصلحتك انا خايفة عليكي...
ليليان بغصة:"متخافيش انا اصلا تعودت آخر ذرة مقاومة ليا فقدتها لما تجوزته... و دلوقتي أنا راضية بكل حاجة...داه قدري و نصيبي و لازم أستحمل... داه ابويا تخلي عني و رماني و انا عيلة صغيرة حستغرب من إبن عمي إنه يحافظ عليا...".
مسحت أمنية دموعها التي نزلت رغما عنها ثم بدأت تحرك يديها على وجهها لتجفف وجهها و هي تقول بلوم :" كده قلبناها نكد و خليتيني أعيط...ثم أكملت بمرح :"هاتي حتة من الشكلاطة اللي إنت مخبياها في الدرج بتاعك عشان أبطل عياط".
إنفجرت ليليان بالضحك و هي تنحني لتفتح درجها و تخرج علبة الشوكولا الفاخرة التي تحتفظ بها دائما في مكتبها و تضعها أمام أمنية قائلة:" خذي يا ستي اهي العلبة كلها... بقت بتاعتك و بلاش عياط عشان نرجع شغلنا و إلا إنت ناسية ".
أمنية بتذمر و هي تفتح العلبة و تختار أحدى القطع كطفلة صغيرة :"و دي حاجة تتنسي... أكل عيشنا بردوا..".
_________________________
في إحدى الشقق الراقية....
تثائبت نور بكسل و هي تتحسس بيديها سريرها المريح ذو المفارش الحريرية لتمتم بنعاس :" ياااه انا عمري مانمت كويس زي ليلة إمبارح... انا مش عاوزة أقوم....
لم تنهي جملتها حتى فوجئت بوالدتها تدخل الغرفة و تتجه لفتح الستائر و هي تنادي عليها بصوت عال:" بت يا نور.... يلا قومي إنت كده حتتأخري على المدرسة... يلا ".
جذبت نور الغطاء بضيق و هي تكز على أسنانها بغيظ قائلة :"أولا صباح الخير يا ماما...ثانيا وطي صوتك إحنا مش في الحارة عشان تزعقي و تتكلمي بصوت عالي...دي حتة راقية و هادية يعني أي حد معدي من تحت العمارة حيسمع صوتك..... ثالثا أنا مش رايحة المدرسة.. انا تعبانة ومش قادرة أقوم من مكاني".
الام بسخرية :"و تعبانة من إيه إنشاء الله... دي حتى الشقة لقيناها مفروشة و مجهزة من مجاميعه... إحنا منقلتاش غير شنط هدومنا... ".
نور و هي تتصنع الألم :" دماغي يا ماما واجعاني و مصدعة يمكن عشان مقدرتش أنام كويس إمبارح... داه مهما كان مكان جديد و أنا لسه متعودتش عليه....
الام بعدم إقتناع :"ماشي انازحفوتهالك المرة دي... بس بكره مفيش حجج و حتنزلي المدرسة إنت بقالك أسبوع قاعدة في البيت مش بتروحي.. و أمبد فاتك دروس كثير".
نور بابتسامة على نجاح خطتها فهي لم ترد الذهاب اليوم إلى المدرسة حتى يتسنى لها الوقت لتكتشف منطقة سكنها الجديدة...
هبت من مكانها لتحتضن والدتها بلهفة قائلة :" ميرسي يا أحلا مامي في الدنيا....
أبعدتها والدتها بصعوبة عنها و هي تقلدها بسخرية :" لسه مكملتيش يوم هنا و بقيتي بتناديني مامي ".
نور بضحك :" طبعا مامي و بابي كمان... ".
شركتها والدتها الضحك و هي تربت على شعرها لتستأنف الفتاة الحديث مجددا :" ماما هي كاميليا مش بترد على تلفونها ليه... إحنا بقالنا أسبوع من يوم ما تجوزت مش عارفين عنها حاجة و لا قادرين نوصلها ".
إرتبكت الام من سؤال إبنتها المفاجئ و الذي لا تنكر أنه كان في محله فهي أيضا لطالما تساءلت عن سبب غياب إبنتها المفاجئ و الغير مبرر و لكنها لم تكن تبين حتى لا تشغل بال زوجها و أطفالها...
تنهدت قليلا قبل أن تتحدث بجدية :" أنا كمان مش عازفة يا نور انا إتصلت عليها كام مرة بس دايما بيقلي مقفول... انا بكرة و حروح أسأل عنها في الفيلا بتاعتهم اكيد عندهم علم بحاجة...
نور و قد إستشعرت قلق والدتها :" إطمني ياماما هما أكيد في شهر العسل و قافلين تلفوناتهم...مش عاوزين حد يزعجهم او يقلق راحتهم... صدقيني كل الناس بتعمل كده...".
الام بقلق :"تفتكري كده يا بنتي".
نور بابتسامة :"أيوا يا ماما انا متأكدة من داه... بس عشان نطمن أكثر انا حتصل بهبة خطيبها يبقى صاحب شاهين.. أكيد عارف عنهم حاجة ".
أومأت لها والدتها بالموافقة و هي تدعو في سرها ان تكون إبنتها بخير و سعيدة....
أخرجتها نور من شرودها و هي تقول بحماس :" يلا بقى يا ماما أنا جعانة و عاوزة أفطر... عاوزة أجرب الفطار في البيت الجديد ... ".
____________________________
طرقات خافتة على باب الغرفة تلاه دخول فتحية و هي تحمل في يدها صينية طعام لتضعها على الطاولة بجانب السرير ثم تشرع في إيقاظ كاميليا التي كانت تتدثر بالاغطية الثقيلة رغم حرارة الغرفة...
فتحية بلطف :" كاميليا يلا قومي إغسلي وشك و صحصحي انا جبتلك الفطار....
تجلست كاميليا على السرير و لفت الغطاء حولها قائلة :" انا صاحية يا فتحية بس حبيت أقعد تحت الغطاء اصلي حاسة إني بردانة... ".
تحسست فتحية جبينها قبل أن تهتف بتعحب:" حرارتك عادية....هوإنت حاسة بإيه؟؟؟
كاميليا بنفي :" و لا حاجة انا كويسة...الجو بارد و داه شيئ طبيعي....
فتحية ببلاهة :"بس الفيلا فيها سخانات يعني الحرارة معتدلة مفيش برد هنا...
كاميليا بتلعثم:"انا مش عارفة.. انا حاسة إني بردانة و خلاص... ".
فتحية بلامبالاة:"طيب قومي عشان تفطري انا عملتلك القهوة زي ما بتحبيها... يلا قبل ما تبرد ".
حركت كاميليا رأسها لليمين لتقابلها الصينية التي تحتوي على الطعام... نظرت بلهفة إلى فنجان القهوة الساخن الذي يتصاعد منه البخار لتشعر بقشعريرة تسري بكامل جسدها عندما تذكرت كوب الشوكولا الساخنة في تلك الليلة....
هزتها فتحية قليلا حتى تنتبه لها فهي قد كانت شاردة و لاتجيب عن تساؤلاتها... نظرت لها كاميليا قليلا قبل أن تطلب منها ان تقرب لها فنجان القهوة فقط....
أمسكت فتحية الصينية ووضعتها قريبا منها و هي تقول بلوم :"ميصحكش كده إنت بقالك ثلاثة أيام مش على بعضك و حتى الاكل مش بتاكلي كويس و داه مش كويس علشان صحتك... لو تعبانة حقول لثريا هانم تجيبلك الدكتور... هي دايما بتسألني عليكي مش عايزة تجيليك هنا عشان متزعجكيش...
أخذت كاميليا رشفة من قهوتها الساخنة قبل أن تتكلم بنفي :"هي قلتلك كده...مش عاوزة تزعجني...داه بيتها يعني أنا اللي بزعجها مش هي...
مصمصت فتحية شفتيها بطريقة شعبية دلالة على تهكمها قبل تتكلم :" إنت فعلا أغرب بنت شفتها في حياتي...بيت مين و إزعاج إيه و إيه الكلام داه انا أقصد انها مش عاوزة تتدخل في اللي بيحصل بينك و بين جوزك عشان متحرجكيش و كده.... قالتها بصوت هامس قبل أن تكمل بنفس النبرة....إنت صعبانه علينا كلنا و اولنا ثريا هانم طول الوقت و هي شاردة و بتفكر و مش همها صحتها اللي بتتدهور دي.... عارفة انا ساعات لما يدخل أوضتها بلاقيها بتبكي أصلها يا عيني ست حنينة و طيبة و مش رضيانة باللي بيعمله إبنها دي ياما تخانقت معاه.....
زفرت كاميليا بحنق من ثرثرة فتحية و تلميحاتها عليها حتى انها بدأت تندم أنها سمحت لها بالتحدث معها كصديقة بعد زواجها ....
:"خلاص يا فتحية مفيش داعي للكلام داه دي حاجة خاصة و مينفعش تتدخلي فيها.....
قاطعتها فتحية التي كانت مصرة على ثرثرتها متجاهلة تضايق كاميليا من كلامها :" يا بنتي أنا بقول كده عشانك و عشان صعبانة عليا...... إنت متستاهليش كل داه حرام عروسة في شهر عسلها يحصل معاها كده إنت َش شايفة وشك و جسمك إزاي كله كدمات و جروح.....
كاميليا بحنق :" فتحية خوذي الصينية دي معاكي و روحي شوفي شغلك كفاية كلام إرحمي لسانك داه لأحسن لو سمعك شاهين بيه حيقطعهولك.....
ضحكت فتحية بمرح قبل أن تجيبها :" شاهين بيه....طب بذمتك في ست بتقول لجوزها بيه... أسكتي أسكتي بلا خيبة انا مش حطلع من هنا غير لما تكملي فطارك و أقولك الكلمتين اللي قلبي عشان أرتاح.....
كاميليا و هي تأخذ من يدها قطعة التوست :" كلمتين.... داه إنت من وقت ماقعدتي قلتي يجي خمس ألاف كلمة...
فتحية بلامبالاة:" على كده خليهم عشرة ألاف و أهو كله بفائدة.....المهم إسمعيني انا كنت عاوزة أقلك حاجة يمكن تنفعك عشان تتخلصي من عذابك داه و تخلي البيه يحن عليكي و يرحمك من اللي بيعمله فيكي .... إنت مش مقدرة النعمة اللي إدهالك ربنا و مش عارفة إزاي تستغليها.....
كاميليا بملل:"بلاش لف و دوران و إتكلمي دغري انا اصلا مصدعة و عايزة أرجع أنام.....
فتحية بلهفة :" تنامي إيه لا خلاص كفاياكي نوم...النوم مش حيحيل مشكلتك....
كامليا :"أمال إيه اللي حيحللي المشكلة يا عم النصوحة و بعدين هي أصلا إيه مشكلتي.....
فتحية و هي ترفع حاحبيها باستغراب:"مشكلتك....لا مفيش مشكلة غير إنك مشفتيش يوم عدل من لما دخلتي البيت داه و البيه بيعاملك و كإنك مرات أبوه مش مراته.... ضرب و إهانة و حاجات ثانية اعذريني مش عايزة اقولها......
كاميليا بسخرية :" لا ياختي و إنت سبتي إيه عشان تقوليه....
فتحية :"اعذرني بس كل اللي في الفيلا طبعا اللي جوا بس عارفين.....
كاميليا بحرج:"خلاص مفيش داعي تكملي أنا عارفة و عارفة كمان إن كل اللي بتقوليه صح....بس انا مفيش في إيدي أي حل اديني مستحملة لحد ما يزهق مني و يسيبني....
فتحية بحماس:"و يسيبك ليه... يا هبلة هي في واحدة وصلت تجوزت شاهين الألفي و تعوز تسيبه.... إنت مش عارفة الناس بتتكلم و بتقول عليكي إيه برا في الجرايد و التلفزيون و في النت.... كلهم بيقولوا إنك اكثر بنت محظوظة عشان البيه إختيارك من كل بنات الدنيا و لسه بيتكلموا على جمالك و رقتك يوم الحفلة.... خسارة مقدرش أجيبلك الموبايل لأحسن البيه يعرف و ساعتها حتكون نهايتي..
ختمت كلامها بضحكة طويلة لتنهرها كاميليا قائلة :"كفاية ضحك لأحسن البيه ييجي و يلاقيكي هنا و ساعتها انا و إنت نقول على نفسنا يا رحمان يا رحيم....
مطت فتحية شفتيها قبل أن تقول بثقة :" تؤ متخافيش انا عاملة حسابي البيه طلع و باين عليه رجع الشغل.... أصل الناس الاغنياء دول مبيستحملوش القعدة... مش زي الثور الي عندي فالبيت بيشتغل يوم و ينام عشرة... المهم انا كنت عايزة اقلك حاجة مهمة قبل ما انزل المطبخ...
كاميليا إنت زي أختي الصغيرة و انا حبيتك اوي من يوم دخلتي هنا و ربنا عالم و مش هاين عليا اللي انت فيه داه.... إنت متستاهليش كل داه..... بنت رقيقة و جميلة زيك تستاهل إنها تعيش ملكة مش مهانة زي ما يحصل معاكي.....و شاهين بيه مكانش كده يااااه يا بختها اللي يحبها حيجبلها نجمة من السماء زي ماكان بيعمل مع أم فادي ...وانت زي ما قلتلك بإيديكي تنهي عذابك إستغلي جمالك و حلاوتك و إغريه...داه مهما كان جوزك و حلالك.... انا مش حعلمك تعملي إيه بقى، كل ست و أسلوبها و انت بصراحة مش محتاجة تبذلي مجهود كبير فستان أحمر زي اللي في دماغي على ميكاب ثقيل و نظرة من عيونك الحلوة و حتلاقيه إستوى على آخره إتلحلحي بقى و بلاش لبس الغفير اللي عمالة بتلبسيه داه .....
شهقت كاميليا بخجل قبل أن تنفجر من الضحك على تعابير فتحية المضحكة و هي تصف لها ما تفعله :"و الله ضحكتيني و انا مش عاوزة أضحك.... اللي بتتكلمي عليه داه شاهين الألفي يعني الحركات القديمة مش حتفرق معاه داه مش بعيد يرميني من الشباك..... اسكتي بلا خيبة انت مش فاهمة حاجة.... و كل اللي إنت عارفاه مايجيش نقطة من اللي بيحصلي....يا ريت لو كل المشاكل تتحل بالطريقة السهلة دي.... انا اول ما بشوفه بترعب بخاف حتى اتنفس لحسن يزعل تقوليلي أغريه ".
ظلت تتحدث لوقت طويل مع فتحية قبل أن تنزل إلى الاسفل لتمضي بعض الوقت مع ثريا و فادي....
_______________________
في المقر الرئيسي لشركات الالفي.....
إنتفض عمر من مكانه عندما سمع ماقالته له هبة ليلبس معطفه على عجل و يلتقط مفاتيحه ثم يهرول متجها إلى مكتب شاهين....
رفع شاهين عينيه عن حاسوبه بتعجب بعد إقتحام عمر لمكتبه :"شاهين إلحقني... هبة كلمتني دلوقتي بتعيط عشان ابوها ناوي يجوزها لواحد قريبهم....
شاهين ببرود و هو يعود للعمل و كأنه لم يسمع شيئا غريبا :" و إنت مالك خليها تتجوز؟؟؟؟
مسح عمر وجهه بعصبيه من برود إبن خالته ليصرخ بنفاذ صبر :"شاهين ارجوك انا مزاجي مش مستحمل برودك داه..... انا جايلك علشان تلاقيلي حل ".
دفع شاهين حاسوبه قليلا أمامه و عاد بجسده إلى الوراء ليرتخي على كرسيه قبل أن يتحدث بنبرة واثقة:"انا عندي الحل و من زمان كمان بس انت اللي رافض إني أتدخل".
علق عمر نظراته على وجهه الجدي قبل أن يتحدث بيأس:" بس إنت حلولك معروفة مش بتتعامل غير بالقوة.. و انا عاوز هبة بس مش عاوزها تخسر عيلتها...
شاهين بلا اكتراث:" إنت اللي نزلت من مستواك لدرجة إن عيلة زي دي ترفض تديك بنتهم....إتحمل المسؤولية بقى و خليك قاعد مكانك لحد ما البنت تتجوز واحد ثاني.... ".
عمر بنفي و قد تحولت ملامحه و إكتسى وجهه الغضب :"مستحيل و الله لولع فيهم كلهم....أنا ساكت بس عشان مش عاوز تزعل،".
شاهين بضجر :" ماهو يا تزعل يا تخسرها...إحتار إنت بقى....
عمر بغضب :"شاهين انا جايلك علشان تلاقيلي حل بلاش تستفزني لأحسن و الله اروح دلوقتي الحارة و أخطفها....".
شاهين بتلاعب :" لو عملت كده تبقى إبن خالتي بجد
و دلوقتي إحكيلي هي قلتلك إيه؟؟
عمر :" أبوها قرر يكتب كتابها آخر الأسبوع داه على واحد قريبهم.... باين فيه مخطط كويس لكل حاجة...".
مسح شاهين ذقنه بخفة قبل أن يهمهم بتفكير :"مممممم طيب تعالى معايا و انا ححلك المشكلة دي بس حجز نفسك عشان حتكتب كتابك عليها الليلة دي...و منتدخلش في أي حاجة أنا حعملها....إتجوزها دلوقتي و بعدين حاول كل حاجة حتتحل.... ".
أومأ له عمر بالموافقة قبل أن يتبعه خارجا متجهين إلى بيت منصور.....
بعد حوالي ساعة.....
تقف نجوى في مطبخها الصغير تحضر وجبة الغداء لعائلتها لتسمع طرقات قوية على باب شقتها.. نشفت يديها بالمنديل و عدلت من وشاحها و عبائتها قب ان تتجه إلى الباب لتفتحه...
رجعت عدة خطوات إلى الوراء بفزع إلى داخل الشقة عندما وجدت عدة رجال ضخام يرتدون ملابس رسمية طغى عليها اللون الاسود و نظارات شمسية...
تصنمت مكانها و بدا عليها التوتر الشديد عندما وجدتهم يفسحون المجال لمرور رجل آخر
ذو ملامح حادة و نظرات صارمة تبعث الرهبة في نفوس المحيطين به يرتدي ملابس فاخرة لا تختلف كثيرا عن ملابس البقية و يتبعه رجل آخر بدا لها مألوفا و لكنها لم تستطع تذكره...
تكلم الرجل بصوت جهوري ليقطع تأملها :"هي دي شقة منصور.....
إبتلعت نجوى ريقها بصعوبة من هالته المفزعة و نظراته الحادة التي تكاد تخترقها لتجيبه بتلعثم :" أيوا.... ايوا دي شقة منصور.... إنتم مين؟؟؟.
رمقها شاهين بنظرات لامبالية و هو يدير عينيه داخل المكان قبل أن يعيد بصره إليها قائلا :"انا شاهين الألفي و داه عمر الشناوى.. اكيد عارفاه....
تسمرت نجوى و شعرت و كأن أحدهم سكب عليها دلو مياه مثلجة و هي تتفرس عمر بنظراتها محاولة تذكره... أومأت برأسها عدة مرات قبل أن تتحدث بارتباك ممزوج بالخوف :" أيوا عارفاه... إنتو عاوزين إيه؟؟
أشر لها شاهين بيده لتتقهقر إلى الداخل و يدخل هو و هي يجوب بعينيه اثاث الشقة البالي ليعاود السؤال من جديد و قد بانت على ملامحه دلالات الاشمئزاز و التقزز :" جوزك فين...؟ عاوزينه في كلمتين؟؟؟
تبعتهم نجوى إلى الداخل بهرولة و هي تتحدث :" جوزي مش هنا.... بتسالوا عليه ليه و عاوزين منه إيه... ؟؟؟
ضاق شاهين ذرعا من سؤلاتها المتكررة ليزفر بنفاذ صبر و هو يقول :"روحي إندهي جوزك و بلاش أسئلة.... لما ييجي حتعرفي".
هرولت نجوى إلى داخل غرفتها ما و أوصدت الباب ورائها لتهاتف زوجها الذي جاء بعد عده دقائق نظرا لانه يعمل في محل قريب من مكان سكنه....
دخل منصور الشقة و هو يغلي من الغضب عندما أخبرته زوجته باقتحام غرباء لمنزله و في غيابه و معهم عمر الشناوى....صاح هادرا وهو يقف في مواجهة الرجلين :"إنتم مين و عاوزين إيه و إزاي تتهجموا على بيتي و انا مش موجود.."
تنحنح عمر بحرج و قد عزم على التحدث بهدوء محاولا إمتصاص غضب منصور و تفادي عصبيته حتى ينتهي الموضوع بسلام... لكن إشارة من يد شاهين أوفقته عن الكلام و الاكتفاء بالمشاهدة...
تحرك شاهين ناحية منصور ليقف أمامه و هو يحدجه بنظرات نارية قبل أن يتحدث بصوت هادئ :"إحنا خبطنا على الباب و مراتك هي اللي فتحتلنا أقعد خلينا نتفاهم بهدوء و بلاش الحركات دي عشان متاكلش معايا .....
قاطعه الاخر بصراخ و قد تضاعف غضبه من نبرة شاهين المستفزة :" انا مليش كلام معاكم... إطلعوا من بيتي حالا و إلا و الله حطلب البوليس و هو حيعرف يتصرف معاكم..".
زفر شاهين بملل من عجرفته و هو يتمسك بآخر ذرة صبر له من أجل عمر فلو كان في وضع آخر لما سمح لمنصور حتى بالتنفس أمامه...
تحدث شاهين بنفس الهدوء و هو يتجه ليجلس على الاريكة القديمة :" متستعجلس يا أستاذ منصور هو البوليس حييجي بس مش دلوقتي خليه للآخر ...إلا قلي يا حاج منصور هو فين إبنك ثامر انا مش شايفه يعني...
إضطرب منصور علي الفور من نبرة شاهين الواثقة و نظراته الخبيثة التي كانت تخفي وراءها شيئا خطيرا لكنه حاول التماس و التحدث بنبرة طبيعية إلا أن فشل في ذلك فخرج صوته مرتبكا:"و إنت.... إنت مين يا جدع إنت و بتسأل ليه على إبني..."
شاهين بتلاعب:" و لا حاجة حبيت اطمن عليه بس لحسن يكون رجع للسكة القديمة من ثاني و إنت فاهم كويس انا بتكلم على إيه فبطل لف و دوران.... و خلينيا نتكلم في الموضوع اللي إحنا جايين فيه عشان ورايا شغل و مش فاضيلك ". تبدلت نبرة شاهين إلى الجدية و هو يحدج منصور بنظرات حادة تكاد تخترقه و يشير له بالجلوس.
جلس منصور علي مضض و قد فهم مايرمي له هذا الرجل الغريب تحت نظرات عمر المتعجبة.
إنتقل بنظره إلى شاهين الذي تحدث باستخفاف:" إسمع يا... منصور إنت عارف كويس إحنا مين و جايين ليه فقصر علينا الطريق و ماتخلينيش أضطر اتعامل معاك بطريقة ثانية...".
منصور و هو يرمقه بنظرات نارية رغم إرتباكه:"مش فاهم إنتم جايين هنا ليه و عاوزين إيه؟؟؟".
شاهين و هو ينظر إلى ساعته بملل قبل أن يرفع رأسه و يشير بيده إلى عمر :"داه عمر الشناوى إبن الدكتور رفعت الشناوى و انا أبقى شاهين الألفي اكيد سامع عننا كثير...إحنا جايين النهاردة عشان نطلب إيد الآنسة هبة فيا ريت توافق.. ".
منصور بغضب مكتوم و هو يراقب زوجته التي أسرعت إلى غرفة هبة :" إنتوا غلطانين في العنوان يا بهوات....انا بنتي مخطوبة و كتب كتابها آخر الأسبوع داه....
قفز عمر من كرسيه و الشرر يتطاير من عينيه بعد أن بلغ غضبه الذروة فهو منذ جلوسه و هو يتحمل كلام منصور اللاذع بصعوبة و ينتظر الفرصة المناسبة حتى ينقض عليه..
عمر بصراخ:" إيه الكلام الفارغ اللي انت بتقوله داه....
انا من ساعة مادخلت بيتك و انا مستحملك بالعافية عشان خاطر هبة بس كلمة كمان و ديني لأكون دافنك مكانك".
أمسكه شاهين من ذراعه و هو يكتم ضحكاته على غضب عمر و هو الذي كان يوصيه طوال الطريق بالتحلي بالصبر و عدم التهور و هاهو الان يفقد أعصابه و يحاول الهجوم على هذا الرجل المستفز
نفض عمر يد إبن خالته بغضب و عاد يجلس مكانه...
جذب ربطة عنقه بحركة عصيبة قبل أن يهمس حانقة: شاهين خلي المأذون ييجي انا حكتب عليها دلوقتي و حاخذها من هنا... كفاية إستحملت ثلاثة عشرين سنة عند الراجل المستفز داه ".
أومأ له شاهين الذي أخرج هاتفه و كتب رسالة ما قبل أن يدس هاتفه في جيبه مرة أخرى ....
أعاد ظهره إلى الوراء باسترخاء و قد لمعت عيناه ببريق التحدي بعد أن منحه عمر الضوء الأخضر لفعل ما يريد، هاهو الوجه الحقيقي لشاهين الألفي يظهر و على هذا النحو سيتصرف و يحل الأمر في دقائق معدودة.
:"المؤذون جاي دلوقتي علشان يكتب كتاب عمر بيه على بنتك....و إنت عندك حلين، الأول إنك توافق من سكات و تخلي الليلة تعدي على خير يا إما حضطر أبلغ البوليس على إبنك المدمن اللي انت بتتستر عليه .....
تكلم شاهين بنبرة هادئة مخيفة و هو يرسل نظرات محذرة لمنصور الذي تسمر مكانه دون رد.
❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥
الثاني و العشرون
طوال الطريق لم تتوقف هبة عن البكاء
و هي تتذكر نظرات والدها القاسية
و كأنها أجرمت في حقه...
آخر كلماته مازالت ترن في أذنيها
عندما دخل عليها غرفتها بعد عقد
قرانها ليقول لها بكل قسوة و جمود
:" بعد اللي إنت عملتيه داه إنسي
إن ليكي عيلة و إحنا كمان حنعتبرك
ميتة و لما يزهق منك إبن الذوات
اللي برا داه و يرميكي إوعي
ترجعي هنا عشان ساعتها مش حتردد إني أقتلك...".
ضمها عمر الذي كان يجلس إلى جانبها في الكرسي
الخلفي لسيارة شاهين إلى أحضانه
و هو يربت على كتفها بحنان هامسا لها
بكلمات مطمئنة عله يخفف عنها بعضا من
ألمها الذي تشعر به....
عبرت السيارة البوابة الكبيرة لفيلا شاهين
فهو قد إتفق مع عمر علي مكوث هبة في
فيلته عدة أيام قبل إقامة الزفاف...
توقفت أمام الباب الرئيسي للفيلا
ليسارع عمر بفتح الباب الذي بجانبه
و يترجل للجهة الأخرى من السيارة
ليفتح الباب و يساعد هبة على الخروج....
إستندت عليه لتخرج بصعوبة و الدموع
التي تغشى عينيها تجعلها غير قادرة
على رؤية أي شيئ أمامها....
ساعدها عمر لصعود الدرج الداخلي
ليتجه بها إلى إحدى الغرف...
راقبهما شاهين و قد إرتسمت
على ثغره إبتسامة ساخرة ليتمتم:"إيه المسلسل الهندي داه...
مط جسده بكسل قبل أن يتجه إلى الحديقة باحثا عن والدته للاطمئنان عليها.
فتح عمر باب الغرفة لتدخل هبه قبله ثم يتبعها هو و يغلق الباب ورائها...
أجلسها برفق على السرير ثم جلس
بجانبها و هو يحتضنها داخل صدره بقوة
مقبلا فروة رأسها لتتمسك به هبة أكثر
و هي تجهش ببكاء مرير...
مرر عمر يده على كتفها و ظهرها
بحنان ليشعرها بوجوده معها لتهمس
له هبه من بين شهقاتها بصوت متقطع:"عمر.. أرج.... وك متسبنيش... انا مليش غيرك دل.... وقتي".
قبلها عمر مرة أخرى من أعلى جبينها
قبلة طويلة و هو يجيبها بهمس مماثل:" ششش إهدي و متفكريش في حاجة غير إني
أنا و إنت مع بعض....و إن انا بحبك أكثر من روحي يا بيبة".
هبة ببكاء :"بابا طردني من البيت....
انا معادش ليا عيلة.... انا خسرتهم، خسرت كل حاجة عشان غلطت.... ".
قاطعها عمر بصرامة و هو يبعدها
عنه قليلا ليصبح وجهها مقابلا لوجهه :"أوعي تقولي كده.. إحنا مغلطناش في حاجة هو اللي
كان رافض حبنا من غير سبب مقنع...و كان عاوز يجوزك لواحد ثاني إحنا عملنا الصح
و تجوزنا على سنة الله و رسوله
و معملناش حاجة غلط فأوعي
تقولي الكلام داه مرة ثانية انا إخترتك
و إنت إخترتيني عشان بنحب بعض
و مفيش مخلوق في الدنيا دي حيقدر يفرقنا.... بكرة حيقتنع اكيد لما يلاقيكي مبسوطة
و سعيدة معايا...
يلا بقى إمسحي دموعك بلاش العينين
الحلوة دي تتأذي و انا حنزل أجيبلك حاجة تاكليها عشان تنامي شوية و ترتاحي....".ختم كلامه و هو يمسح وجهها برقةشديدة من الدموع الذي كانت تغرقه و يتفرس ملامح وجهها الجميلة رغم ذبولها...أغلقت هبة عينيها لتشعر بلمساته
الحانية على وجهها تتغلغل داخل روحها لتداوي ندوب قلبها التي سببتها قسوة والدها منذ سنوات ....كتمت أنفاسها عندما شعرت بشفتيه
الرطبتين تلتصقان بشفتيها لتأخذهمافي قبلة طويلة متلهفة جعلتها تحلق حرفيا فوق السحاب...غاب الزمان و المكان من حولهما وهما يغتنمان هذه اللحظات المسروقةالتي جعلتهما ينسيان واقعهما الأليم.سحب عمر شفتيه مبتعدا عن خاصتي
هبة بصعوبة محاولا التحكم في أنفاسه اللاهثة لينظر إلى حبيبته
التي لم يكن حالها أفضل منه بوجهها
المحمر كحبة فروالة ناضجة و شفتيها
.
المنتفختين بإغراء محبب يحثانه على
العودة و أخذهما في قبلة أطول و أعمق...
حاوط عمر وجهها بيديه ثم تحدث
أخيرا بصوت أجش مشبع بالرغبة:"فرحنا حيكون الخميس اللي جاي...الايام القليلة دي حتمر عليا سنين عشان مش قادر أصبر....
إبتسمت هبة بخجل و هي تدفن وجهها
بصدره و دقات قلبها المتسارعة خير
دليل على كمية المشاعر المختلطة التي
تسيطر على عقلها و قلبها...أول قبلة
لها مع فارس أحلامها الغائب الذي
أمضت سنين حياتها و هي غارقة في
حبه المستحيل حتى جاء ذالك اليوم
الذي عاد فيه لينتشلها من حياتها البائسة
و يعوضها عن كل لحظة حزن و ألم عاشتها بعيدا عنه...
طال سكونها في أحضانه لترتسم إبتسامة
. شقية على شفتي عمر الذي كان يشعر..
بما تمر به محبوبته لكنه أراد أن يشاكسها قليلا
عندما قال بشقاوة :"هبة إنت نمتي يا حبيبتي.... طب إوعي تعيطي تاني لحسن تبوزيلي
القميص...داه غالي و انا راجل على وش جواز و بحوش...".
دفعته هبة برفق و هي تجيبه بغيظ :"إوعي كده... يا بخيل...
عمر بمرح بعد خطف قبلة سريعة من شفتيها :" حنزل أجييلك أكل و هدوم عشان تغيري هدومك
و ترتاحي شوية... و بحذرك لو لقيتك
بتعيطي حكمل اللي كنت بعمله من
شوية و مش حستني ليوم الخميس....
رمقته هبة بدهشة على جرأته رغم
خجلها منه في هذه اللحظات إلا
أنها لم تستطع إخفاء دهشتها من تصرفاته الجديدة...
__________________________
فتح شاهين باب غرفته بهدوء ثم
دلف بخطوات غير مسموعه...جال
بعينيه داخل الغرفة ذات الاضواء
الخافتة ليبتسم بخبث عندما لمح
كاميليا مستلقية على السرير و تغط
في نوم عميق... إقترب منها بهدوء
ليتأمل ملامحها الفاتنة قبل أن
يسحب جسده بصعوبة باتجاه الحمام.... خرج بعد دقائق يرتدي بنطالا قطنيا أسود اللون
و منشفة صغيرة على رقبته...
وضع المنشفة على الاريكة بهدوء
حتى لا يصدر صوتا يجعلها تستيقظ، صعد فوق السرير ليمدد بجانبها ثم يجذبها بخفة
ليصبح نصف جسدها فوقه...
تململت كاميليا في نومها بعد أن شعرت
بتغير ملمس الفراش تحتها لكنها لم
تستيقظ ليزفر شاهين بحنق متمتما:"إمتى حتبطل تاخذ الأدوية الزفت دي..
إنحنى قليلا ليطبع قبلة سريعة على
وجنتها لكنها لم تكن كافية بل زادت
من إشتعال النار داخله ليتبعها بقبلات
أخرى على رقبتها و عنقها مستنشقا
رائحتها المسكرة التي ألهبت حواسه
لتتسارع أنفاسه الساخنة على بشرتها الناعمة
و باتت رغبته تسيطر على جسده
أنًت كاميليا بصوت خافت تعبيرا عن
إنزعاجها غير واعية بذلك الذي جن
جنونه يكاد يفقد السيطرة على آخر
ذرة من ذرات عقله...كيف تغير حاله
إلى هذه الدرجة، قلبه الميت بدأ
يحيا من جديد على يدي هذه الصغيرة
التي أصبح لا يجد راحته سوى في أحضانها.... وهو البارد القاسي الذي أسقاها من عذابه
كؤوسا بات يسعى إلى وصالها ليلا نهارا...
فتحت عينيها و هي تشعر بشيئ رطب
يجوب وجهها و عنقها لتجده هو....
تراجعت إلى الخلف و هي تدفعه بيدها
على صدره العاري بحركة دفاعية لكن
ذراعه الأخرى طوقتها من ظهرها
و قربت جسدها منه أكثر ....تمتمت برعب بعد أن وعت بفعلتها :"أنا آسفة.... مكنش قصدي...
شفتيها كانتا ترتعشان بخوف و عينيها
تلتمعان بدموعها التي كانت على وشك
الأنهمار.. كم كانت خائفة منه و بشدة
فمجيئه بهذه الطريقة يعني فقط شيئا واحدا و هو عقاب جديد...
تمالكت كاميليا نفسها بصعوبة لتجد
حلا فوريا يساعدها على التخلص من براثنه... الخوف و الاستسلام ليسا حلا إذا أرادت
ان تنجو منه، فجأة تذكرت كلمات
فتحية في الصباح عندما أخبرتها
بضرورة بإستعمال الأسلحة القديمة لأي إمرأة...
. الاغراء و الدموع.
عضت وجنتيها من الداخل بخجل
على هذه الفكرة الجريئة التي لم
تكن تتخيل يوما أنها سوف تلتجئ لها خاصة مع ملك الجليد زوجها...
كيف ستغريه و هي لا تستطيع حتى
التنفس بحرية عندما يكون بقربها.. يجب أن تجرب، لا ضرر من تجربة شيئ جديد حتى
و لو كانت نهايته الحتمية هو تعرضها لعقابه....
تسمر شاهين مكانه من هول المفاجأة عندما
إندفعت كاميليا بجسدها داخل
أحضانه مطوقة رقبته بذراعيها الصغيرتين و هي تجهش ببكاء مصطنع...
متمتمة بين شهقاتها بصوت متقطع
بصعوبة فهمه:" انا... انا اااسفففة.. اااسفة ممش قصد".
إستدرك شاهين نفسه ليربت على ظهرها بحركات لطيفة غير متوقعة منه و هو لايزال
غير مستوعب لما تفعله...
أبعدها عنه بصعوبة بسبب تشبثها به و
رفضها تركه مخافة مواجهة ردة فعله... إرتخت ذراعاها تدريجيا و هدأ خوفها قليلا
لترفع عينيها الدامعتين بتردد
ترمقه بنظرات مستعطفة كجرو صغير أتلف غرضا ثمينا لصاحبه...
أخفى إرتباكه ببراعة و هو لا يكاد
يصدق ما يحصل معه هل شاهين الألفي
من يرتبك من نظرات أنثى بعد كل تجاربها التي لا تحصى و لا تعد مع النساء...
نظر إلى عيناها الزرقاء بتمعن قبل أن
يزفر بغضب من نفسه فما كان يخشاه
منذ سنوات و حاول بشتى الطرق تجنبه قد حصل...ان يضعف أمام إمرأة من جديد...
دفعها بلطف مرة أخرى من جديد لتتمدد
على الفراش ثم مد يده ليجذب الغطاء
و يدثرها به و هو يتحاشى بصعوبة النظر إليها....
إلتفت إلى الجهة الأخرى إستعدادا
المغادرة لكن يدها الرقيقة التي حطت
فوق كتفيه فجأة منعته لتصلب مكانه
خاصة بعد أن سمع صوتها الرقيق و هي تسأله بارتباك:"إنت زعلت مني...
كان صوتها ناعما مرتعشا كسنفونية
موسيقية حزينة ود لو انه باستطاعته..
الاستدارة إليها و أخذها في أحضانه
و طمئنتها بأن لا علاقة لها بما يشعر به من تخبط و ضياع ...هل يتبع قلبه مرة أخرى و
يستسلم لمشاعر الحب ام يستمع
إلى صوت عقله الذي يحذر من جديد من الوقوع في الفخ.
قفز من فوق السرير كمن لدغه عقرب
و هو يتمتم بصوت حاد :"كملي نومك...انا حطلع أطمن على عمر"....
دخل غرفة الملابس ليلتقط قميصا
مماثلا للون البنطال ثم خرج دون أن يلتفت إليها....
تبعته كاميليا بعينيها و هو يغلق باب
الغرفة وراءه لتردد بانتصار و هي تعقد قبضتيها على شكل لكمة و ترفع ذراعيها إلى الأعلى :"yes, yes, yes
مسحت دموعها و هي ترسم إبتسامة مرحة
على وجهها قبل أن تذكر آخر كلامه لتتمتم :" عمر عمر داه؟ يكونش عمر بتاع هبة.... انا أنزل اشوف فتحية إذاعة الفيلا اكيد عندها آخر الأخبار ؟؟
تعثرت بالاغطية لتقع على السرير مرة
أخرى لتضم شفتيها بحنق لذيذ ثم نهضت مرة أخرى متجهة إلى الاسفل وهي تمشي على
أطراف أصابها.
وصلت إلى المطبخ لتجد فتحية و
زينب تجلسان حول الطاولة تعدان أطباق السلطة للعشاء فيما كانت خديجة بجانب الموقد.
ضيقت عينيها بطريقة شبيهة
للمخبرين قبل أن تقترب من الفتاتين التين كانتا تتهامسان بخفوت....
جلست على الكرسي بجانبهما فجأة
لتتصرخا بفزع من رؤيتها.
زينب و هي تضع يدها على قلبها:"إيه يا كاميليا هانم
خضيتينا في إيه جاية تتسحبي زي الحرامية...".
مدت كاميليا يدها لتأخذ قطعة طماطم
و تأكلها و هي تتكلم:"كملوا كلامكم يلا....
تظاهرت فتحية بالانشغال بعملها و
هي تجيبها بتلعثم:" كلام إيه يا هانم إحنا مكناش بنقول حاجة
كنا بنتكلم على العشا بس....
همهمت كاميليا بعدم إقتناع و هي
توجه نحوهما السكين بطريقة مسرحية :"إيه حكاية الضيوف اللي كنتوا بتتكلموا عليهم دول....
حاولت الفتاتين التملص من سؤالها
لكنها كانت مصرة حتى تعرف.
فتحية بيأس:" داه البشمهندس عمر صاحب
شاهين بيه بيقولوا جايب معاه بنت كده....الظاهر إنها مهمة جدا بالنسبة له عشان نزل
خدلها الاكل و كمان شنطة هدومها الظاهر إنها حتطول هنا....
وضعت كاميليا السكين على الطاولة
ثم إنحنت بجسدها لتصل إليهما و هي
تضع ساقها على الكرسي ثم قالت:"حتطول هنا؟؟؟ طب إنتم مش عارفين إسمها إيه و شكلها إزاي... ؟؟
زينب بنفي:لا يا هانم محدش شاف
وشها أصل عمر بيه كان حاصنها جامد و مغطي شكلها كله.....
حكت كاميليا رأسها بتفكير و قد شغلها
معرفة هوية هذه الفتاة التي أحضرها حبيب صديقتها إلى الفيلا...
قاطع إجتماعهم المهم دخول شاهين
المطبخ كثور هائج...عيناه حمراء بغضب و هو يجوب المطبخ يبحث عن شيئ ما..
وقفت الفتيات بفزع من أماكنهن ليقفن
مكانهن و هن يحنين رؤوسهن بطاعة....
كانت كاميليا متسمرة في مكانها على الكرسي
و هي تشاهد ما سيحصل بعينين
فزعتين و هي تتسائل عن سبب غضبه المفاجئ
فهي منذ دقائق قد تركته بمزاج جيد....
رمق شاهين فتحية بنظرات قاتلة قبل
أن يشير إليها بإصبعه قائلا بغطرسة:"إنت... ورايا على المكتب....
حول نظراته إلى كاميليا التي كانت تحدق
بعينيها كالبلهاء ليشير إليها هي الأخرى :" و إنت إطلعي فوق...
اومأت له برأسها عدة مرات قبل أن تقفز من
الكرسي بخفة و تتوجه إلى الخارج هربا منه....
داخل المكتب...
دخلت فتحية المكتب بخطوات متعثرة و
قلبها يكاد يسقط مكانه من شدة الرعب....
طوال الطريق من المطبخ إلى المكتب
و هي تتسائل مالذي فعلته حتى تثير غضبه
بهذا الشكل... فتحت الباب و دخلت ثم أغلقته ورائها.
و هي ترفع رأيها ببطء تبحث عن رب عملها
بخفية، صرخت بقوة ثم إنحنت برأسها بسرعة بعد
أن تفاجأت بشيئ أسود يطير ناحيتها ليترتطم
بالحائط و يسقط أرضا ليتهشم إلى مئات القطع..
دققت النظر لتجد بقايا حاسوب مهشم
كان قد رماه شاهين ناحيتها في إحدى نوبات غضبه...
و هو يصرخ :"انا كام مرة نبهت عليكي
عشان تمسكي لسانك و تبطلي كلام في اللي ملكيش
فيه ها.....
كام مرة قالها بصياح أعلى ثم أكمل... بقى حتة خدامة زيك حتدخل نفسها في شؤون أسيادها".
إنكمشت فتحية على نفسها خوفا من هيئته
المرعبة قبل أن تتمتم برجاء :"يا بيه.... انا مش فاهمة إنت بتتكلم على إيه".
ضرب شاهين سطح مكتبه لتصمت
فتحية و هي تراقب ما يفعله بصمت عندما فتح الدرج و جذب حاسوبا آخر ليفتحه
و يضرب
أزراره عدة مرات قبل أن يوجهه لها لتظهر صورتها مع كاميليا تتحدثان صباحا....
شهقت المسكينة بفزع بعد أن فهمت
ما يرمي إليه لتبدأ بتلاوة الشهادتين في سرها.
ابعد الجهاز من أمامه ثم جلس و
.
هو يأخذ عدة أنفاس متلاحقة قبل
أن يردف بسخرية:"بقى إنت بتنصحي مراتي إنها تغريني عشان توصل للي هي عاوزاه و تتحكم فيا...
قاطعته فتحية و هي تنفي برأسها بخوف:" لا يا بيه مش قصد...
إخرسي "صرخ بها و هو يكمل كلامه
بهدوء :" مممممم بس تعرفي عجبتني الفكرة...فتحية هو إنت بقالك أد إيه بتشتغلي هنا؟؟؟
:"خمس س... سنين يا بيه ".
أجابته و هي تبتلع ريقها بصعوبة....
:" خمس سنين طب كويس... يعني عارفة إني بعاقب أي حد يغلط فيا.....
قالها ببرود و هو يقلب بعض الأوراق في يديه...
يا بيه و الله مش قصدي إحنا بس كنا بندردش..... و الله مكانش قصدي حاجة
أجابته بتلعثم...
نظر لها قليلا قبل أن يتكلم و هو يستدير من حول المكتب و يجلس على الاريكة بأريحية....
:"و إنت بقى مين عشان تدردشي مع
الهانم ها... إنت بتشتغلي هتا يعني
مهمتك تعملي شغلك و بس مش تقعدي
. تدردشي.... و على فكرة دي مش
أول مرة و انا نبهت عليكي كثير بس إنت الظاهر من النوع اللي بيفهم بالكلام....
إنحنت فتحية تحت قدميه و هي
تشهق بالبكاء و تستعطفه:" ارجوك يا بيه و سامحني المرة دي آخر مرة...
أشار لها بأن تقف...لتبتعد فتحية و
هي ترجو داخلها ان يسامحها فهي ضعيفة و غير قادرة على مجابهة غضبه....
أشعل شاهين إحدى سجائره الفاخرة ثم
بدأ بتدخينها بتلذذ.... تحت أنظار فتحية التي كانت تقف مكانها بصعوبة يكاد يغمى عليها من الخوف.....
نظر إليها أخيرا برهة من الزمن و كأنه يفكر في شيئ ما قبل أن يتحدث :" عاوزاني أسامحك و أديكي فرصة ثانية......
اومأت له الأخرى و هي تمسح دموعها بيديها... ليتابع :" يبقى تعملي كل اللي بقلك عليه بالحرف الواحد.... و إياكي تغلطي او تنسي كلمة من اللي انا حقلك عليه....
أشار لها بسبابته بتحذير و هو يقف من مكانه مكملا :"و متنسيش إننا حكون بتفرج عليكي.. يعني حبقى عارف كل اللي إنت بتعمليه... ".
اومأت المسكينة بطاعة مرة أخرى و هي لاتكاد تصدق نجاتها.... حمدت الله في سرها قبل أن تستعيد تركيزها لتفهم ما يقوله لها.
_____________________
في الغرفة الأخرى...
إستلقت هبة بتعب على السرير
و هي تسترجع أحداث اليوم الصعب الذي مر عليها لتنهمر دموعها بصمت... إنتبهت لدخول
عمر الذي توجه مباشرة إلى الخزانة الكبيرة ليخرج بعض من ملابسه...
مسحت هبه دموعها بسرعة ثم تنحنحت
حتى ينتبه لها و بالفعل ترك عمر الملابس من يده ثم إلتفت إليها و علي وجهه إبتسامة مرحة
ليقول :"إنت لسه صاحية؟؟ إفتكرتك نمتي...
تجلست هبة مكانها و هي تضع يدها على رأسها بألم قائلة :" عندي صداع و مقدرتش أنام...
سارع إليها عمر و هو يتفحصها بلهفة...
وضع يده على جبينها ليتأكد من
حرارتها قبل أن يقول بنبرة عتاب:"مفيش حرارة الحمد لله...مصدعة عشان عيطتي كثير انا حجيبلك مسكن
و حتبقي كويسة ".
أمسكته هبة من يده تمنعه من الوقوف و
هي تقول بصوت ضعيف من الالم :" مفيش داعي مش بحب الأدوية.. شوية و الصداع حيروح لوحده".
ضمها عمر إليه و هو يهمس:"متقلقنيش
عليكي يا حبيبتي.. إنت مش عارفة انا ببقى عامل إزاي و انا شايفك حزينة كده.. انا لسه لحد
دلوقتي بلوم نفسي إني سكتت و معملتش حاجة لما ابوكي مد إيده عليكي و ضربك..و نادم
كمان عشان مخطفتكيش من زمان من سبع سنين... انا كل مرة بقعد لوحدي و بفكر في العذاب
اللي إنت عشتيه بسببي بكره نفسي...و دلوقتي عاوز
أعمل كل حاجة عشان اكفر عن ذنبي داه... "
رفعت هبة عينيها الدامعتين نحوه ترمقه
بنظرات خائفة و هي تقول :" يعني إنت
تجوزتني عشان كده عشان حاسس بالذنب.. "
فلتت من بين شفتيه ضحكة مرحة على
مظهرها الطفولي بوجهها الأحمر و عينيها الدامعتين
و هي تنظر له بوداعة هكذا ليمسك عمر نفسه بصعوبة على إلتهامها....
:"انا تجوزتك عشان بحبك...و محبتش
غيرك في حياتي لا قبلك و لا بعدك...المعلومة
دي خزنيها كويس في دماغك الحلوة دي
و حتى لو مخزنتيهاش انا حفضل اقولهالك
على طول....و إفهمي إن انا دلوقتي اسعد راجل في الدنيا عشان بقيتي مراتي و في حضني....
نظر لها و هو يلاعب حاجبيه بتسلية لتنزل
هبة رأسها بخجل...قهقه عمر بخفة و هو يحتضنها
بقوة غير مصدق لوجودها معه...
تنهد طويلا قبل أن يباشر في الحديث و هو
مازال يحتفظ بها بين أحضانه :"عارفة الأوضة
دي بتاعتي...لما بتضايق من البيت أو اتشد في
الشغل مع شاهين ببات هنا...كنت بحلم بيكي
كل ليلة و انت معايا و في حضني...و بتخيلك بتحكيلي عملتي إيه في المدرسة".
نظر لها قليلا ثم إستأنف حديثه مجددا:"عارفة انا
اللي السنة اللي فاتت كنت فاكرك لسه في المدرسة ".
إبتسمت هبة ثم إبتعدت عنه قليلا قائلة:" طيب ليه
مدورتش عليا قبل كده... يعني اقصد انه لو
متقابلناش صدفة هنا انت مكنتش حتلاقيني....
عمر بنفي:"انا رجعت مصر بقالي شهور قليلة بس
كنت ناوي فعلا ادور عليكي و في نفس الوقت كنت
متردد كنت خايف الاقيكي تجوزتي...مكنتش حتقبل
داه بس لما لقيتك وعدت نفسي إني مش حسيبك
ثاني مهما حصل... هبة أنا زمان سيبتك عشان كنتي
صغيرة و في فترة مراهقة و مكنتيش واعية و
متأكدة من حبك ليا و انا كنت خايف اكون بظلمك
معايا...بس خلاص دلوقتي خلينا ننسى كل اللي فات
و نفتكر بس إننا و إنت مع بعض و بإذن الله كل المشاكل حتتحل ".
______________________________
تربعت كامليا فوق الفراش و هي تقضم أصابعها من
شدة التوتر... تمتمت بخوف و هي تتخيل حالة
فتحية اما ذلك الشيطان :" يا لهوي..داه مش بعيد
يقتلها بس هي... هي عملت إيه أنا مش فاهمة.... لالا
اكيد لسانها المتبري منها هو السبب، مبتعرفش
تسكت و يمكن سمعها و هي بتتكلم في حاجة...
يوووه انا حطق هنا عاوزة أعرف...
إبتلعت ريقها بصعوبه و هي تعتدل في جلستها بعد
أن سمعت صوت باب الغرفة يفتح....
اطل من ورائه شاهين بهيبته المعتادة التي تلقي في
نفسها الذعر، لمحت إبتسامته المخيفة مرتسمة على
شفتيه اللعوبتين لتشعر بوجود خطب ما جلس على
حافة السرير قريبا منها و هو مازال ينظر لها بنظرات
غامضة،شعرت به يتفحص جسدها بوقاحة لتنكمش
كامليا على نفسها و هي تتراجع إلى الخلف ببطئ
ظنا من انه لن يشعر بها....
أشار لها بكفه ان تتوقف عن التحرك و هو يقول
بصوت حازم:"يعني كنتي بتنفذي تعليمات الخدامة
و بتحاولي تغريني....
شهقت كاميليا غير مصدقة لما تسمعه منه.. يا إلهي
هل يوجد شيئ لا يعلمه هذا الرجل... نفت برأسها و
قد بدأت الدموع تتجمع في عينيها و هي تحدق به، كانت عينيه تلمعان بوميض حزن سرعان ما أخفاه
لتيحدث من جديد متجاهلا فزعها :" طيب مكملتيش
ليه داه انا حتى... قربت اصدقك و أصدق دموع التماسيح بتاعتك".
إندفعت كاميليا قائلة تنفي إتهاماته :"الحكاية مش كده صدقني... أما بس كنت خايفة منك...
شاهين بعدم تصديق :" طيب...أدخلي الأوضة
حتلاقي فستان فوق الكرسي إلبسيه و تعالي... ".
بعد نصف ساعة داخل غرفة الملابس وقفت كاميليا
مقابل المرآة الكبيرة تطالع نفسها بتقزز من هيأتها
المختلفة.... شعرت بغصة في حلقها و هي تشعر
بضعفها و عجزها للمرة الالف و هي تنفذ أوامره كجارية...
أولم يقل لها من قبل انها هنا فقط لتلبية رغباته.
إكتفت بوضع ملمع شفاه على شفتيها ثم إستدارت لتجد شاهين يقف مستندا على باب الغرفة ينظر لها بذهول.
غمغم بعدة كلمات خافتة قبل أن يتقدم نحوها و
عيناه تتفرسان تفاصيلها بإعجاب.
بدت رائعة، مثيرة بل فتنة تمشي على وجه الارض
حتى أنه لم يستطع إزاحة عينيه من عليها و لو
لحظة.
حورية نزلت إليه من السماء لم يتوقع ان تكون بهذا الجمال و هو يختار لها الفستان الذي صمم لها
خصيصا...
بلونه الأزرق الناعم المائل إلى البنفسجي الخفيف
إنسدل على جسدها ليرسم منحنياته بإغراء....
تصميمه العاري من أعلى ليبين كامل ذراعيها و عنقها
و جزء من صدرها و بفتحة طويلة على ساقها لتبرز جمال ساقيها البيضاوتين....
إنحنى ليلثم عنقها بنعومة قبل أن يبتعد عنه قليلا
ليتأمل جمالها الذي أظهره هذا الثوب بسخاء.
أحاط وجهها بكفيه حتى إختلطت أنفاسها الخائفة
بأنفاسه الراغبة ليهمس بصوت ثقيل :"كل الجمال داه ليا لوحدي...ملاكي".
أنزل يده اليمنى إلى خصرها لتطوقه و يجذبها نحوه بتملك لي بق على شفتيها بقبلة عنيفة مؤلمة كادت ان تفقد كاميليا أنفاسها ليبتعد عنها و هو يسند جسدها المرتخي قائلا بهمس محذر:"مش حسمح لحد انه يشوف جمالك داه غيري و لا حسمحلك إنك تبصي لحد غيري.. إنت بتاعتي أنا و ملكي أنا لوحدي.....
لقراءة جميع فصول الرواية من هنا