رواية أنا لست ضعيفة
الفصل الخامس 5
بقلم هبة احمد
بعد مرور أكثر من ساعة ونصف الساعة
وصلت شهد وجاسر الى منطقة هادئة
وركن السيارة امام احد الفيلات وقال
جاسر : حمدالله على السلامة اتفضلى
ونزل فتح باب العربية ليها وعوز يسندها
شهد : انا كويسة ومشت لوحدها ببط
حتى وصلت لباب الفيلا
جاسر : عمى صالح خد هات العلاج دة
بسرعة
صالح الغفير : حاضر يا استاذ ومشى
جاسر فتح الباب سعدية ياسعدية
سعدية : نعم يابنى حمد الله على السلامة
جاسر :دى شهد مرأتى يلا ياشهد اوضتك دى
شهد : بصت لاوضة صغيرة شويه وقالت
انا هنام هنا ودخلت وقعدت على سرير الأطفال
جاسر : ساعديها يادادة تغير
شهد : لا مفيش داعى انا هنام ونامت بهدومها
سعدية : تعالي اساعدك تغيرى يابنتى
شهد : عوزة بيجامة بس يادادة وانا
هاريح شويه وبعدين اقوم اغير
دادة سعدية : تحت امرك هاحضر ليكى
الاكل علشان العلاج
شهد : شويه يادادة عوزة ارتاح ممكن
تجيبى شنطتى لو سمحتى
دادة سعدية : حاضر
جاسر دخل بالشنطة وقال انا اسف بجد
صدقيني عمري ماهزعلك تانى سامحيني
شهد : ربنا هو اللي بيسامح من فضلك عوزة انام
خرج جاسر وقفل الباب وهى تركت
لعيونها العنان ونامت ودموعها نازلة
جاسر : دادة خلى بالك منها واوعك تهملى
فى مواعيد العلاج
دادة سعدية : حاضر يابنى الا هى كانت فى حادثة
دى شكل وشها متنفخ وازرق خالص
جاسر :حاجة زى كدة انا خارج
دادة سعدية : بالسلامة يابنى ( فيلا جاسر مجهزة لانة اشتراها من اصحابها بالعفش وكان بيجى يسهر فيها هو واصحابة خميس وجمعة
من كل أسبوع واحيانا هو بيقعد فيها لوحدة)
عند ابو شهد
========
حسين : ترن ترن ترن
جاسر / خير ياحاج فى حاجة
حسين : اصل كنت عوز أقولك القسيمة
طلعت وام ياسر(زوجتة ) عوزة تاجى تشوف شهد
وتدلها القسيمة
جاسر : بسرعة لا خليها انا جاى اخدها
انا فى الطريق
حسين : تعالى انا منتظرك
فريدة : هي المحروسة بنتك خلاص علت
ومش عوزة تشوفنا ولا تعرفنا
حسين : حرام عليكي دى لسه عروسة
وبعدين الراجل قال انة فى الطريق
فريدة : انا عارفة انها بتكرهنى انا
وولادى بنت سوسة
حسين : انا هانزل استنى الراجل تحت
احسن ونزل
مشيرة : بابا هى شهد كويسة
حسين : ايوة يابنتى بتسلم عليكي
مشيرة : انا رايحة اذاكر مع دعاء
حسين : ماشي ياحبيبتى روحي
فريدة : تروحى فين يااختي ومين
هيغسل المواعين ويلم الغسيل اخلصى
يابت ويكويها
مشيرة : حاضر ياخالتى
فريدة : خالتك فى عينك
جاسر : ازيك ياعمى
حسين :الحمد لله يابنى شهد عاملة ايه كويسة
جاسر : بخير الحمد لله
حسين : شهد معدش ليها غيرك خلى بالك منها
جاسر : حاضر ياعمى القسيمة مع حضرتك
حسين : ايوة اتفضل القسيمة بتاعتك
ربنا يهدى سركم
جاسر : هامشى مع السلامة
شهد : دادة من فضلك هاتى العلاج
علشان معايا صداع جامد
دادة سعدية : يلا يابنتى الاكل تقدرى
تاكلى ولا اكلك بنفسى
شهد : كتر خيرك هاكل بنفسى ممكن كوبية شاى
دادة سعدية : من عنية
شهد اكلت واخدت العلاج وقعدت فتحت
حسابها وقعدت تتابع شوية لاقت رحمة بنت خالة امها فاتحة
شهد لاقت رسالة من رحمة نصها
( وحشانى ياشهود عاملة اية والبت مشيرة ورحاب كويسين نفسى اشوفكم نسيت كنتى عوزة حاجه انا بكون فاتحة بعد الضهر على طول )
شهد انا الحمد لله عوزة اجاى اقعد عندكم
يومين ممكن
رحمة : تنورى ياحبيبتى وهتجيبى مشيرة
ورحاب معاكى
شهد : بصى انا كمان يومين هاجى لوحدى متقوليش
لحد انى جايه وكمان انا نسيت
السكة هابقى ارن عليكى توصفلى الطريق
رحمة : ماشي ياحبيبتى هاستناكى فى
الموقف انا فرحانة انى هاشوفك
شهد : تيتا كويسة
رحمة : ايوة وفرحانة انها هتشوفك
شهد : هاقفل دلوقتي متكلمنيش الا لما
انا اكلمك ماشي
رحمه : تمام ياحبيبتى
جاسر فتح الباب ودخل شهد مسحت
المحادثة وديرت وشها ناحية الحيطة ونامت
جاسر : خدى انا جبت ليك فون جديد وجبت
القسيمة من عند باباكى هو بيسلم عليكي
شهد : ماشي اشكرك ممكن تسيب القسيمة
عندك عاوزه اشوفها
جاسر : هاتى الخط اللى معاكى احطة فى
الفون واظبطة
شهد : انا متعودة على الفون بتاعى شكرا
جاسر : طب هو عندك على الطرابيزة هو والقسيمة
انا فى الاوضة اللى جنبك
لو عوزة حاجة
شهد : حاضر
مر يومين وشهد بدأت تتحسن بالتدريج
وثالث يوم قررت تنسحب من حياتة
وبهدوء وجاسر رجع الشركة وباباها سألة
الاستاذ محمد : جاسر تعالى عوزك
جاسر : حاضر ياحاج هاخلص البوستة وجاى
الاستاذ محمد : متتأخرش
جاسر : حاضر ياحاج جاى على طول
جاسر : للسكرتيرة هبة
هبة : تحت امرك جاسربية
جاسر : ا تصلى بالاستاذ خالد
هبة : الاستاذ خالد قدم استقالتة
من يومين واخد اخلاء طرف
جاسر : مين اللى واقف على اخلاء الطرف
هبة : والد حضرتك
جاسر : طب روحى انتى وخرج راح
مكتب ابوه
جاسر : ازيك ياحاج صحتك كويسة انا
روحت ماما قالت انك مسافر
الاستاذ محمد : انت خلاص معدش عندك
دم بقالك اد اية مجتش الشركة
جاسر : حوالى 14 يوم
الاستاذ محمد : يابرودك يااخى شاطر
فى سحب الفلوس على فكرة هو انت
فعلا اتجوزت السكرتيرة بتاعتك
جاسر : ايوة وقاعدة معايا فى الفيلا بتاعتى
الاستاذ محمد : هات مرأتك وتعالى عيش معانا
جاسر : انا كدة مرتاح
الاستاذ محمد : علشان تتسرمح براحتك
على العموم انا جاى بكرة اتغدا معاكم
واتكلم مع مرأتك
جاسر / لا بلا٠٠٠..
لقراءة جميع فصول الرواية من هنا