رواية اسيرة عائلة القناوي
الفصل السادس عشر 16
والسابع عشر 17
بقلم يوستينا سامي
في مكان بعيد اشبه بالصحراء بعيد عن الدوار
و قرب عاصي من ودن رهف و قالها بصوت واطي /بعد ما ابوكي اتسجن و امك ماتت بحسرتها عليه .. هاا اجول تاني ولا بكفاية عاد
رهف دموعها نزلت علي خدها بوجع / ياه ده انت شاطر اوي
و بدات تسقف بايديها / لا حقيقي بهرتني و ياترا عارف مين كان السبب في حبس ابويا يا عاصي و لا لاء .. اديني انا بقي الفرصة علشان اقولك مين ابووك هو السبب في كل اللي حصلي
عاصي ببرود / عارف يا نور لكن انا بتكرهيني اكده ليه
و انتي متعرفيش عني ايتها حاچة ، ليه جاية البلد و انتي حطاني قصادك هدف
رهف بخبث / تؤ مش هقولك خليك كدة بتلف حوالين نفسك و مش لاقي اجابة السؤال ده يا عاصي
عاصي قرب منها اكتر و مسك ايديها الاتنين و تناهم ورا ضهرها و قربها لحضنه اكتر / عارفة بعد كل اللي انا عرفته عنيكي و عيونك اللي كلتها غل و كره ليا
الا ان اني بحبك جوي يا نور .. بحبك جوي
و قرب عاصي و باسها بشتياق و وجع ، رهف حاولت تبعده عنها بس هو كان مسيطر علي ايديها ورا ضهرها ..
و بعد عاصي عنها و رهف كانت بتحاول تفك نفسها منه و بتزعق بصوت عالي بس هو مركزش في كل اللي هي بتقوله
عاصي بثقة / انتي دلوجتي هتركبي معاي و هنروح عند اجرب ماذون و هتجوزك علي سنة الله و رسولة و الا
رهف / والا اي .. طلع الوساخة اللي في قلبك عارف يا عاصي لو اتقلبت قرد كدة مش هتجوزك ولا هتطول شعره مني
عاصي قرب من ودنها و قالها بخبث / والا هحبس نور و ماجدة و اقول انهم زوروا ورق الورث و هنسي وصية عمي ليا ، لا و كمان هحبس تمارا بتهمة حرق المخازن و عندي الف شاهد و خدي بقي الكبيره هموت ملك زي ما هي ولعت في اخويا حي .. ها جولتي اي
رهف بكسره و وجع / حسبي الله و نعم الوكيل فيك يا عاصي انا بكرك كره انت مش متخيله
عاصي قرب منها و دفن راسه في رقبتها/ واني بحبك حب عمره ما يتوصف يا نور
رهف بدموع محبوسة في عينيها / طب ابعد عني ، ابعد .. انا موافقة اتجوزك بس بشرط
عاصي / وانا مش هستنكي ان تتشرطي عليا اني اكده ولا اكده هتجوزك .. بس جولي يا نور
و قالتله علي الشرط و هو وافق و اخدها و كتب كتابه عليها باسمها الحقيقي و بطاقتها الاصلية نور .. و بكده بقت حرم عاصي القناوي بشكل القناوي
________________________________________________
في الزريبة
زين دخلها بعد ما حس بهدوء تام جوا و استنتج انها اغم عليها و اخدها علي المستشفى. واول ما وصل هناك عرف باللي حصل لاخوه و الرصاصة اللي جات في جمبه
زين وهو بيتكلم مع الدكتور بعصبيه / يعني ايه حد غريب دخل اوضته وضربوا بالرصاص وهو محجوز في مستشفى هو احنا فين بالظبط .. ولا انتم متفقين معاهم ولا اي
الدكتور / يا زين بيه اهدي ، والله احنا منعرفش مين اللي دخل هنا ولا لينا يد في اي حاجة
زين بصله بغيظ ومسكه من هدومه وقاله / حظك انك انقذت اخويا عارف لو كان مراد القناوي حصله حاجه مكنش هيكفيني فيها رقبتك .. غور من هنا
وساب الدكتور ومشي وزين راح لمسعد هو والغفر عشان يفهم مين اللي دخل اوضه مراد ولكن ما استناش يسمعهم
و نزل فيهم ضرب
زين و هو بيضرب مسعد / انطق مين اللي عمل كدة في اخويا ، ما انته موجودين هنا عياقة ملكوش لازمة
مسعد / يا زين بيه اسعمني والله احنا اول ما سمعنا صوت الرصاص دخلنا چري و مسكتها كمان بس مراد بيه زعجلنا
و جال هملوها لحالها و خلاها تمشي كمان
زين بزهول / هي كانت بنت اللي عملت في اخويا كدة ، هي ملك .. اكيد هي
اسمع انت تروح مع الغفر تقلبولي البلد دي حتة حتة البنت دي عايزها تحت رجلي في ظرف ساعات سامع
و يكون في علمك لو مجبتهاش انا هاخد رقبتك انت مكانها .. غور من وشي. . غووووووور
وراح مسعدد هو والغفر عشان يدوروا على ملك والبلد كلها اتقلبت بعد ما عروفوا باللي حصل .
و دخل زين اوضة عند مراد
_______________________________________________
في الاوضة عند مراد
زين بحزن/ حمدلله علي سلامتك الدكتور طمني علي حالتك و الحمدلله أن الرصاصة كانت ..
مراد قاطعه في الكلام/ ملك لا يا زين سامع ، لو حد اذاها بخدش واحد هيبقي حسابه معايا انا
زين بغل / هو انت في ايه ولا في ايه ما تركز في اللي انت فيه بقي يا اخي .. صحيح يا مراد هو ابوك كان تاجر سلاح
مراد بصله بصدمة و لف وشه الناحية التانية بتعب
و قاله / اطلع برا يا زين انا عايز ارتاح شوية
زين بحزن / لفيت وشك ليه يا مراد.. يبقي كلامها كان صحى
و يبقي ابوك هو اللي قتلهم مش كدة
مراد بعصبية / يوووووه قولتلك اطلع برا بقي.
زين محبش يعصبه اكتر من كدة و خرج برا الاوضة و مراد بغل رمي كل الأدوية اللي كانت جمبه / بكرهك يا طاهر طول عمري بكرهك ..انت السبب في كل ده
و سند راسه علي السرير بوجع و هو بيردد / بكرهك اوي
_______________________________________________
في الدوار
ام كريم بعصبيه/ يعني ايه الكلام اللي انت بتجوله دلوجت ده عايز تدي بنت ماجدة حقها في ورثك انت و اختك
كريم بحده / ياما رهف دي تبجى اختي و بكفاية عاد انا مش عايز اعذب ابوي في جبره .. انا جولت اللي عندي
امه مسكته من ايده / استني اهناااا .. مافيش فلوس هترچع ليهم يا كريم و يكون في علمك لو عملت اكده
لا انت ابني ولا انا عايزة اعرفك كمان
كريم بصلها بعتاب / ماشي ياما بخوطرك لكن رهف هتاخد ورثهااا و لو علي موتي
و خرج كريم الاوضة و اتفاجاه بنور قاعدة علي السلم بتعيط و هي سامعة اغلب حوارهم .
كريم بصلها بستغراب/ اييه مالك واجفة اكده ليه ، انتي زينة متخفيش اكده انا مش هاذي صحبتك انا هديها ورثهاا دي تبجي اختي و الدم عمره ما يبجي ماية
في اللحظة دي نور قربت منه و حضنته و كان نفسها تقوله بعلو صوتها انها رهف و انها اخته و قد اي كان نفسها تسمع الكلام ده اوي من ساعة ما دخلت الدوار ده
كريم بستغراب بعدها عنه / اييه اللي انتي بتعمليه ده ، احتشمي احنا مش في مصر الا جوليلي فين رهف
نور بصتله و الدموع كانت بتنزل من عينيها و حاولت تتكلم طبيعي و قالتله / رهف مع عاصي ، اخدها و معرفش راح بيها فين
كريم بصلها بخوف حقيقي / ايييه اخدها ازاي يعني
لاااه علصي مش مضمون و ممكن يعمل فيها ايتها حاچة .. انا لازم اتصرف
و قبل ما ينزل كريم نور مسكت ايده و هي بتعيط
و قالتله / كريم انت فعلا هتبقالها سند و ضهر زي ما قولت لعلمك رهف مش عايزة فلوس ، هي كانت عايزة اخ بجد وعيلة
كريم بستغراب / انتي بتعيطي اكده ليه ، عموما اه جوتلك الدم عمره ما هيبجي ماية و انا خلاص معتش هسيبها واصل
و سابها كريم و نزل زي المجنون يدور علي عاصي و رهف
_______________________________________________
في المستشفى
زين دخل و قعد قدام تمارا اللي كانت فاقت و متعلقلها محلول
زين ببرود/ حمدلله علي السلامة.. يارب تكوني احسن ومخك كمان بقي احسن
تمارا بوجع / ملكش دعوة بيا ، انا اللي بيني و بينك خلاص انتهي ، انت عرفت حقيقتي و عرفت اني كنت مخططة من اول يوم دخلت في الجامعة اني اعرف و اشوفك .. يبقي خلاص خلصت يا ابن القناوي
زين بتريقة / لااه انت مش عايزها تخلص دلوقتي و خصوصا لما يبقي ابني في بطنك ساعتها يبقي في كلام تاني خالص
تمارا قامت من علي السرير بصدمة / انت بتقول اي انت كداب انا مستحيل ابقي حامل و مستحيل اخلف من واحد شبهك ابداا
زين ببتسامة / لا حامل مني و هتخلفي ولد و هسميه طاهر علي اسم ابويا الله يرحمه ..و يبقي طاهر زين القناوي ياااه اسم سينمائي بصحيح
تمارا بغل / انا عندي اني اموت نفسي و اموت ابني اللي بطني والا انه يتكتب باسمك انت و عيلتك انتوا ايييه لا بترحموا ولا بتخلوا رحمة ربنا تنزل صحيح ظلمة و كلاااب
زين ضغط علي ايده بغيظ و غل / بصي انا همسك نفسي
و اعصابي علشان مازكيش يا تمااارا ..انااا مش عايز اذيكي
و بص زين علي المحلول و قال بشماته / المحلول خلص
و انا اطمن عليكي يبقي خلاص نرجع ببتنا بقي
و لسه زين هيشيلها بس تمارا ضربته في بطنه برجليها وكانت هتجري من الاوضة و لكن زين جابها من شعرها
تمارا بصريخ / اهاا سيبني شعري اي
زين و هو ماسكها من ضهرها و بيتكلم في ودنها بغل / برضو مصصمة تخليني امد ايدي عليكي لييه
ما انتي اللي هتتوجعي مش اناا
يكون في علمك محاولة هروبك مني زمان كوم و دلوقتي
وانتي شايفة ابني في بطنك ده كوم تاني خااالص
تمارا بوجع / طب سيب شعري طيب
زين بعد عنها و هو يياخد نفسه بصعوبة / ماشي هسيبك .. تعالي
و قرب زين و شال تمارا علي دراعه و طلع بيها علي الدوار مره تانية .
______________________________________________
في العربية
رهف كانت سانده ايديها و بتدمع في صمت ، عاصي وقف العربية و بص ناحيتها و قالها بهدوء / مبروك يا عروسة
رهف بحزن / مبروك علياا عذابي مع واحد طور زيك
عاصي بغل / مقبولة منك ، ايه مش هتقوليلي برضو اي سببكرهك ليااا علشان انا اقولك مين اللي حبس ابوكي
رهف بتريقة / لا متقلقش انا عارفة كويس مين اللي عمل كدة ..طاهر القناوي
عاصي / و لو قوتلك ان اللي عمل كدة يبقي اخو طاهر القناوي عمي ، اممم ابو كريم و رهف الحقيقية اللي انتي راجعة علشان تاخدي حقها
رهف بصتله بصدمة / انت بتقول اي ..انت اكيد اتجننت ده هو اللي وداني لماجدة علشان تربيني مع بنته و ...
عاصي قاطعها في الكلام / و علشان يكفر عن ذنبه و معايا دليل بكل كلمة انا قولتها مش عاصي القناوي اللي يقول كلام من الفراغ كدة
رهف بصتله بصدمة و دموعها بدات تنزل علي خدها و هي مش مصدمة كلامه تماما/ انت اكيد كداب .. مستحيل يبقي كلامك صح
عاصي قرب و حط ايده علي خدها و مسك دموعها
بحب/ مش كداب يا نور و مستعد اثبتلك و لعلمك بقي اللي كان مشترك معاه في كل حاجة ابو تمارا و ملك اللي انتي برضو معاهم ضدنا احنااا .
نور بصدمة / لاااا لااااا 😭😳
استووووووووووووب 🤭🤭🤭🤣#اسيره_عائلة_القناوي
17
رهف بصتله بصدمة و دموعها بدات تنزل علي خدها و هي مش مصدمة كلامه تماما/ انت اكيد كداب .. مستحيل يبقي كلامك صح
عاصي قرب و حط ايده علي خدها و مسك دموعها
بحب/ مش كداب يا نور و مستعد اثبتلك و لعلمك بقي اللي كان مشترك مع عمي في كل حاجة ابو تمارا و ملك اللي انتي برضو معاهم ضدنا احنااا .
نور بصدمة / لاااا لااااا 😭😳 انت بتعمل فيا كدة ليه ، ليه مصمم تعذبني
عاصي وهو بيخبط على الدركسيون بعصبيه / انا مش مصمم اعذبك او اعمل فيكي اي حاجه و لعلمك بقي انا عارف ان انتي نور من بدري قوي وما رضيتش اقولك الحقيقه عشان ما تتوجعيش
نور خرجت من العربيه وهي بتعيط وحاطة ايديها على ودنها وبتقول / كفايه بعد مش عايزه اسمع حاجه تاني ..انت اي مش بني ادم
عاصي نزل وراها و مسك ايديها وقربها لحضنه وقالها / انا عارف ان انتي متلخبطه و مش عارفة مين معاكي و مين ضدك .. بس صدقيني ماجدة دي هي السبب
نور و هي بتزقه بعيد عنها / ابعد عني انت لا يمكن تكون بني ادم وماما ماجده اللي انت بتتكلم عليها دي هي اللي نقذت حياتي وربتني وخلتني بني ادمة
عاصي بصلها بعصبيه وقالها / بني ادمه مشوهه قصدك من جوه ومن بره ، لو هي بتحبك قوي كده وخايفه عليكي ليه بعتتك هنااا بصفتك رهف هي ما تعرفش انا ممكن اقتلك ...
عاصي مسكها من ايديها جامد و كان بيهزرها بعنف و بيتكلم بحده / هي لو كانت بتحبك يا نور ما كانتش قست قلبك علينا وفهمتك ان احنا السبب في موت ابوكي عشان ترجعي وتنتقمي مننا برغم انها عارفة ان ابويا معملش كدة
ما تردي قست قلبك و لا لاء
نور كانت بصاله بضعف و مردتش عليه و عاصي بدا. يحس بحالتها و بعد عنها و قالها بوجع / لو عايزة تتاكدي من كل كلمة قولتهالك تعالي معايا ..
و راحت نور مع عاصي و لمست في كل كلمه هو بيقولها الصدق وفعلا وراها حاجات كثير قوي كانت غافله عنها ... ويومها ما رجعوش الدوار وفضلوا طول اليوم بره
_____________________________________________
تاني يوم الصبح
في اوضه زين
زين كان بيلبس عشان ينزلوا كلهم يفطروا مع بعض و خصوصا بعد ما مراد اصر انه يخرج من المستشفى ويرجع تاني الدوار و زين وافقه بعد اللي حصله هناك
زين وهو واقف قدام المرايه وبيبص لتمارا بطرف عينه / ايه هتفضلي قاعده كده كتير يلا عشان تنزلي تفطري معانا ابني اللي في بطنك لازم يتغذي
تمارا و هي وشها شاحب و التعب واضح عليها / مش هنزل غير لما تقولي عملت اي في اختي انا بكلمها من امبارح و مش بترد عليا
زين ابتسم بخبث و قرب منها و حط ايده علي شعرها/ الله بقي يا ام طاهر مش احنا اتفقنا اننا هنبدا حياه جديدة بعيد عن اختك و العيلة دي
و بعدين ملك انا والله ما اعرف فين بس الشهادة لله انا مدي اومر ان اللي يشوفها يقتلها
تمارا بعياط/ لا والنبي يا زين ، انت عمرك ماكنت قاسي كدة ابوس ايدك اعتقهاا لوجه الله
زين بغل / انا فعلا عمري ما كنت قاسي وطول عمري بعيد عن كل حاجه بس انتم دخلتوني في لعبه الانتقام بتاعتكم وبعدين هو انتي زعلانه ليه كده هي حياه اختك اغلى من حاجه اخويا ولا ايه
تمارا / انا مستعدة اعيش معاك و انسي كل اللي فات بس تسيب اختي
زين ضحك بعلو صوته و قعدت علي السرير / ده كدة كدة غصب عنك ..انتي ناسية انك شايلة عيل من صلبي ولا اي .. تمارا اخر الكلام ملك هتموت يعني هتموت .. و يلا علشان زمان الفطار جهز
و قرب و مسك ايديها بس هي شدتها منه بغيظ و ده خلاه يبصلها بتحزير و قالها بخبث / هتنزلي بالذوق ولا انزلك بالجزمة
وتحت تهديد زين تماره نزلت معاه فعلا و قعدوا كلهم علي السفره بياكلوا
______________________________________________
علي السفره تحت
كانت العيله كلها متجمعه فاطمه وامها وكريم وانصاف اللي قاعده جنب مراد ابنها و بتاكله واحدة واحدة ..و زين و تمارا و رهف الحقيقية
انصاف / يا ولدي افتح خشمك بجي انت ماكلتش حاجة واصل
مراد وهو بيبتسم بوجع وقالها /يا حاجه والله اكلت انا بس مش قادر .
وبص ناحيه تمارا اللي كانت تلعب في الاكل قدامها ومش بتاكل حاجه وقالها / ايه مرات اخويا مالك عامله اضراب عن الاكل ليه . مش المفروض تخافي على نفسي اكتر من كده او حتى على اللي في بطنك
انصاف بصيتلهم بصدمه وقالت / وااه هي مراتك حمله ولا ايه يا زين ما تجولي يا ولدي و فرح جلبي
زين ابتسم ومسك ايد تماره وبسها وقال / اه يا ماما باذن الله هاجيلك ولي العهد هيبقى طاهر زين القناوي
تمارا بصلته بغل وسحبت ايديها منه و متكلمتش
انصاف وهي بتزغرط بفرحه / لا ده النهارده يوم المنى تعالي يا بنت اجعدي جنبي عشان اكلك ده انت ما اكلتيش حاجه واصل من ساعه ما نزلتي
رهف (الحقيقية) بصت بصدمة لتمارا وقالتلها / ده بجد يا تمارا انت فعلا حامل
زين بصلها بغل /اه طبعا حامل هي مش متجوزه راجل ولا ايه ..عقبالك يا نور
وقامت انصاف وقعدت جنب تمارا وهي الفرحه مش سايعاها وقعدت تاكل فيها
عزيزة كانت بتبص بنتها و هي بتغلي وقالت / معجول ده هو مش حصل برده بسرعه ولا بتهيجلي
زين بمكر / لا حصل بسرعه اصل انا برضو مش اي حد جرا اي يا كريم ما تقول لامك حاجة
كريم ضحك وقال / بجي اصغر واحد في عيله القناوي هو اللي يتجوز ويبجى اب و يجيب حفيد الف مبروك يا زين
و قام كريم وحضن زين وباسه وكان فعلا فرحانله من قلبه على عكس فاطمه وعزيزه تماما اللي الغل كان باين في عيونهم ،وفي عز الفرحه والزغاريد دخل عاصي الدوار وهو حاطط ايده على كتف نور
عاصي / جرا اي يا عيلة القناوي ايه الزغاريد دي كلتها
ايه سببها ما تفرحوني معاكم
كلهم بصوا لناحيه عاصي و نور اللي داخلين عادي وكانه ما فيش حاجه و لكن قطع الصمت ده كريم و هو بيقوم من علي السفره بعصبية و بيقول
كريم / اي يا عاصي واضح انك اتخطيت كل حدودك و نسيت ان دي تبجى اختي بعد يدك دي عنيهاااا و يكون في علمك اني مش هسمحلك بعد اكده انك تعمل معاها حاچة واصل او تمد يدك عليها
عاصي ابتسم باستغراب وقاله / غريبه دي ده انت اللي جولتلي انك مالكش صالح بيها ..صوح ولا لاه
كريم / ايوه صح ورجعت في كلامي
ومد ايده ومسك ايد نور وضمها لحضنه وقال / دي تبجى اختي ومش هتنازل عنها واصل مهما حوصل
وفجاه بدون اي مقدمات عاصي لما شافها في حضنه اتصدم و اتعصب جدا ولقى نفسه تلقائي بيديله بالرجل في صدره بعزم قوته لدرجه ان الكريم وقع على الارض ومسك ايد نور و ضمها لحضنه و حاوطتها بايدي
عزيزه وهي بتجري على ابنها بخوف وبتقول / حرام عليك يا ولدي ليه تعمل فيه اكده امال لو ما كنتوش اخوات من وانتم صغيرين
فاطمه بعصبيه قامت من على السفره وقالت / كله من البنت دي من ساعه ما دخلت البيت والدنيا كلها باظت ، حقيقي حيه و لازم يتقطع راسها
عاصي وهو بيبصلها بغدر / فااطمة خدي بالك من لسانك عاد ..لان كلمه ثانيه هنسى انك بنت عمي وانا اللي هقطع لسانك بيدي
مراد وهو بيسند على السفره وبيقرب من عاصي بيمسك ايده وبيقوله في ودنه بصوت واطي / في اي عاصي اهدى مش كده .. انت اتجننت ولا اي
كريم قام من على الارض و بص لعاصي بغل / ماشي يا ولد عمي ، بس برضك مهما عملت مش هوافق علي جوازك منيهااا .. سامع ولا لاه .. لانها اختي و انا بس اللي اقرر تتچوز مين
عاصي قرب ناحيته وبص في عينه بغل وقاله / بس دي مش اختك اه دي مش رهف القناوي دي نور وتبجى مرتي .. عايز تعرف مين اختك بص علي السفره زين و انت تعرف
وقرب عاصي من نور اللي كانت بصلهم بخوف و توتر وحط ايده على كتفها حوطها و ضمها حضنه وقالها / تعالي معايا نطلع اوضتنا ما تخافيش طول ما انتي جنبي اوعي تخافي
و اخدها عاصي و طلع بيها الاوضة وكانه فجر مصيبه في وش العيله كلها وانسحب وسابهم .
وفي الوقت اللي كريم كان بيبص لامه واخته ومش فاهم اللي قاله عاصي ، كانت برده نور باصة تماره بخوف وحست ان سرهم اتكشف وما كانوش مصدقين ان رهف استسلمت بسهوله كده
_____________________________________________
في اوضه عاصي
نور كانت واقفة بتبص لكل جزء فيها و كانها شايفة نفسها
لما كانت بتضرب و ببتهان في الاوضة دي
عاصي حس بيها وقرب ناحيتها وحضنها من ضهرها
وقالها / انا اسف يا نور حقيقي انا اسف بس صدقيني طول ما انا كنت قريب منك ما كنتش بعرف اتمالك اعصابي ، من اول لحظه شفتك فيها في الدوار وانا اتعلقت بيكي وما كنتش فاهم انتي بتكرهيني كل الكره ده ليه ، واتوجعت اكتر لما عرفت انك كنت بتغري مراد عشان توقعيني فيه
نور لفت وشها و كان شكلها ضعيف و هزيل اوي و اتفاجاه لما لقاها اترمت جوا صدره و مسكت في الجلابية بتاعته جامد وكانها نفسها تداري عن كل الناس جواه ، عاصي لف ايده حوالين وسطها و باس راسها و قالها / انتي كويسة يا نور مش كدة
نور رفعت عينيها ليه وكالعاده زي ما كانت بتاسره بنظرتها القويه قدرت تاسره بنظرتها الضعيفة
نور بهدوء / هو انت بتتكلم مصري ليه اول مره اسمعك بتتكلم مصري مش صعيدي
عاصي ابتسم و باس راسها وقالها / ما انا متعلم في مصر و عايش هنا وبتكلم مع كل اللي هنا صعيدي بس برضو بعرف اتكلم مصري اوي
نور رجعت تاني لحضنه و قالتله بصوت ضعيف / انا عايزة انام يا عاصي في حضنك ممكن متسبنيش النهاردة ، علشان خاطري
عاصي ابتسم و وطي ضهره و شالها علي ايده و اخدها علي السرير و نام جمبها و دخلها جوا حضنه و فضل طول الليل بيطبط عليهاا لحد ما راحت في النوم بامان
______________________________________________
في اوضه رهف الحقيقية كان بنتكلم عمتها في التليفون وهي متوتره
رهف / بقولك عرفوا كل حاجه يا ماما عرفوا ان نور كانت بتمثل انها انا و الغريب ان عاصي اتجوزها انا مش فاهمه ايه اللي حصل ده
ماجده بعصبيه / يعني ايه يعني نور ممكن تاخد كل حاجه علي الجاهز كدة
رهف / قلتلك يا ماما بلاش الموضوع ده من الاول
ماجده حط ايدها راسها بصدمة / استني بس مش وقت الكلام ده فهميني طيب هما عرفوا ان انت رهف القناوي ولالا
رهف / لا يا ماما لسه ما عرفوش عاصي قال لكريم دور على اختك لكن كريم اخذ بعضه وخرج من الدوار كله
ماجده بخوف / لا انا مش عايزاهم يعرفوا ان انتي رهف كده عزيزه ممكن تخلص عليكي ..
لا تغور كل حاجه ، بصي لمي هدومك واخرجي من الدوار الملعون ده النهارده يا رهف
وفي اللحظه دي رهف لقيت الباب اتفتح ودخل ...
في اكتر من سؤال هنا
1) ايه اللي غير رهف كده 180 درجه وايه اللي ممكن تكون عرفته خلاها ضعيفه بالشكل ده ؟
2) وماجده دي اي حكايتهاااا بقي ؟؟