رواية اسيرة عائلة القناوي
الفصل الواحد والثلاثون 31 والثاني والثلاثون 32
بقلم يوستينا سامي
في معرض مراد القناوي ☺️
كان واقف بيستقبل الناس في المعرض بتاعه هو بيرحب بيهم كمان وكانوا مذهولين بصوره
ساندي / الناس كلها مبهوره بشغلك انا مش فاهمه انت ازاي اتاخرت جدا انك تاخد خطوه المعرض دي
مراد مسك ايديها وبسها وقالها / وعمري ما كنت هاخدها لولاكي يا ساندي ، ربنا يخليكي ليا بجد
ساندي قربت منه و باسته من خده و حضنته لكن بعدت عنه اول ما سمعت صوت عاصي اللي كان واقف مبتسم و بيقول/ يااه ده انتوا سبتوا الناس اللي معزومه ومركزين في حاجات تانيه خالص
مراد بس الناحيه الثانيه و عمل نفسه ما سمعوش وقال / ساندي انا رايح اشوف الناس ولما تخلصي ابقي تعالي
عاصي قرب ناحيته ومسك دراعه وقاله / هتمشي وهسيب اخوك الكبير وهو بيتكلم ولا ايه ، مالك يا مراد انا قلت كله هيقلب عليا ما عدا انت
مراد بصله بتريقة / وانت لما اخذت القرار انك تفرقنا رجعتلي ، وبعدين زعلان ليه اني مش برد عليك ما انا ياما حاولت اوصلك واكلمك وانت مكنتش بترد عليا ولا هو حلال ليك وحرام عليا
وسابه مراد وراح يرحب بضيوفه في المعرض و قربت ساندي من عاصي وقالتله / سوري يا عاصي مراد مش عايزه يتكلم في اي حاجه حصلت زمان وارجوك بلاش تفتح الذكريات دي علشان هو بيتعب اوي
عاصي بصلها من من فوق لتحت بقرف / انتي مش هتقوليلس انا اتكلم مع اخويا اقوله ايه وخليكي في حالك احسنلك
وسابها وخرج من المعرض وراح الشركه اللي بقى هو اللي يتابعها بعد ما مراد قرر يبعد تماما عن شغله و يركز في موهبته وشغل الخاص ،و زين كمان رجع امريكا
_____________________________________________
في دبي 🔥
في اوضة رهف دخلت وبتبص علي السرير لكن اتفاجات انه اسر لسه نايم
قربت من السرير و باسته من خده بحب / قوم بقي هتفضل نايم لحد امتى ، البنات كلهم نزلوا
اسر و هو بيفتح عينيه / ده اي الصباح الفل ده ، مالك بعيدة كدة ما تقربي هاتي بوسة او اي حاجة
رهف بكسوف / الله ما انا بوستك من خدك والله . قوم و انا هعملك حتى فطار هتاكل صوابعك وراه
اسر شدها من ايديها و نيمها علي السرير و مسك ايديها بتحكم / و مين قالك اني عايز افطر ، حد يشوف القمر ده قدامه و يفكر في اكل برضو
رهف بكسوف / اسر الشركة كدة انت هتتاخر وحياتي قوم بقي
اسر / وحياتك عندي انا ما هقووم
ولسه بيقرب منها اتفاجاه بالباب اتفتح ودخلت تماره وهي بتقول / اوعي تكوني نمتي يا رهف و سبتيني
ولكن لفت وشها بسرعه باحراج لما لقت اسر منغير تيشرت وقالت باحراج / انا اسفه والله ما كنتش اعرف انك هنا افتكرتك رحت الشغل
اسر هو بيبعد عن رهف وبيقولها من تحت ضرسه / لا عادي حصل خير
واخد الفوطة و راح الحمام و هو بيقول / استغفر الله العظيم يا رب من ده بيت
رهف قعدت تضحك جامد وقربت من تماره واخدتها في حضنها وقالتلها / يخرب بيت فقرك اسر هيشد في شعره منك دايما بتقطعي عليه بس بصراحه بتيجي في مواعيد مناسبه
تمارا باحراج / والله ما كنت اقصد افتكرته نزل وبعدين احسن عشان يتسرعوا في موضوع الشقه بتاعتكم
اوعي يا شيخة
وخرجت عمرها من الاوضه وراهم بدا تجهز هدوم اسر علشان يروح شغله
طبعا كلكم مستغربين اللي بيحصل 🔥🔥
ولكن اسر سافر دبي معاهم و متجوز هو ورهف من اقل من شهر ، ولان رهف كانت خايفه على البنات صممت ان تقعد معاهم فتره لحد ما تلاقي شقه قريبه جدا منهم
______________________________________________
في الجامعة
نور كانت قاعدة علي اللاب توب بتاعها وبتذاكر ولقيت حسن قرب وماسك في ايدي وكوبايتين نسكافيه وقالها / كوبايتك يا باشا عشان تعرفي اني ما بنساكيش ابدا
نور ابتسمت / لا واضح لو سكر زياده هنزعل خد بالك ، بس كويس انك جيت يا دكتور حسن لاني كان عندي مشكله كبيره جدا في السلايد دي مش فاهمه فيها اي حاجه
حسن مسك ايديها بحب و اتنهد /في مشكله وانا موجود طب ده كلام ، وريني يا ستي
ومسك اللاب وبدا يشرحلها الجزء دوت ولكن قطع الشرح لما لقى خاتم في ايديها وقالها / تصدقي الخاتم ده بشوفها على طول في ايدك بس ما اعرفش بتاع ايه بس بصراحه شكله غريب قوي
نور بصت على الخاتم ولقيت نفسها تلقائي بتحط ايديها الثانيه عليه بتخبيه وبتقول بهدوء / عادي خاتم عزيز عليا حاولت اسيبه كتير بس مش بعرف
حسن ابتسم وقالها / هو من والدك او والدتك ولا ايه انا اسف طبعا لو كنت قلبت عليك المواجع
نور بصيتله بالم / سيبك منه يا حسن ايه رايك لو نخلي الخطوبة اخر الاسبوع ده
حسن بفرحة مسك ايديها وقالها / اخيرا يا نور طبعا موافق احنا هنعمله في اكبر مكان وكمان ..
نور قطعته في الكلام / لا انا هعمله في البيت هرتاح كده اكتر .. ها موافق
حسن باس ايديها بحب / طبعا موافق يا قلب حسن
يلا نكمل شرح يا ستي
عايزه اعرف رايكم في تصرف نور تفتكروا ده صح
وهل موافقين انها تتجوز اللي اسمه حسن دوت بصراحه
انا مش نازلي من زور 🤦
____________________________________________
في المعرض 🤭
ساندي قربت من مراد و حطت ايديها على كتفه / خلاص ماشي ما تزعلش نفسك
مراد بعت ايديها عنه وقالها / ساندي انا بحبك اوي زي اختي والحركات اللي انت بتعمليها دي انا مش متقبلها ومش هوافق بيها فبلاش علشان ما نخسرش بعض
وبعد مراد وسابها وساندي كانت واقفه مغلوله وقالت في سرها / مسيرك تجيلي ما انت مش هتلاقي غيري ماشي
يا مراد ماشي
وطلع مراد بره المعرض عشان يشرب سيجاره ولكن بيتفاجئ برقم بيكلمه واول ما رد سمع صوتها هي ملك
ملك برقتها المعتادة / يا رب ما اكونش بعطلك يا فنان
انا مكلماك اصبح عليك واقولك الف مبروك على المعرض
مراد حط ايده على وشه الفرح / يااه يا ملك صوتك وحشني اوي ، لا انتي كلك على بعضك وحشتيني قوي ..
ليه ما جيتيش كان نفسي اشوفك و اخدك في حضني
ملك بتوتر / مراد وبعدين معاك مش احنا اتفقنا نبقي اصحاب ، ما تندمنيش علي الاتصال ده عشان خاطري
مراد ابتسم بوجع / اهاا صحاب صح اتفقنا على كده طب
ما جيتيش ليه يا صاحبتي علشان تباركيلي
ملك / هاجيلك بس انت عارف ان شغلي واخد كل وقتي
ما انا الدكتور ملك برده عيب عليك ، اه صح نور هتتخطب لدكتور معاها في الجامعه اسمه حسن هتيجي الخطوبه يا مراد
مراد ابتسم بتريقة وقالها/ والله العظيم عندها حق انا لو منها اشوف حياتي برده هاجي ما جيش ليه يعني
ملك بفرحه / وانا هستناك وهبعتلك الميعاد خد بالك من نفسك يا مراد والف مبروك انا هقفل بقى عشان عندي شغل
مراد وهو بيتنهد بتعب / طبعا لو قلتلك خليك معايا شويه يعني هترفضي ، ده انا ما صدقت اسمع صوتك
ملك بفرحه / هكلمك تاني والله انت كمان بتوحشني قوي خلي بالك من نفسك عشان خاطري سلام يا ميمو
وقفل التليفون معاه ومراد بص للسما و رفع ايده و هو بيدعي / والنبي يارب نفسي البت دي تبقي من نصيبي بقي حنن قلبها عليا بقي
ملك وهي في مكتبها قفلت التليفون وحطت ايديها على قلبها بسرعه وقالت / طب انت بتدق ليه دلوقتي جامد كده ما احنا اللي اخترنا البعد ، يا لو تعرف انا بحبك قد ايه .. افففف بقي
_____________________________________________
في المطبخ
رهف كانت بتجهزله الفطار لكن لقته حضنها من ضهرها و دفن راسه في رقبتها/ طب والنبي ده اسمه كلام ، تبقي حلالي و مش عارف اقرب منك بسبب العصابة اللي عندك دي
رهف / امم قدرك بقي ، قولي صحيح عامل اي في الشغل مع كريم عارف لو زعلته هخاصمك
اسر بعد عنها بخنقة/ يادي كريم اللي طالعلي في البخت ده انا نفسي تحبيني ربع ما انتي بتحبيه
رهف بلهفة باسته من خده / بحبك اووي اووي والله انا اساسا مقدرش اتخيل حياتي منغيرك يا اسر
بس كريم جديد في شغل الشركات دوت عشان كده قلقانة عليه
اسر ابتسم و مسك خدها بحب / يا خلاسي علي الرقة يا ناس ، هو في حد رقيق اوي كدة انا بهزر معاكي ...ما تجيبي بوسة من بتاعة الافلام دي بالله عليكي
رهف ضحكت ووطت راسها و قالته / طب بص وراك كدة
بص اسر وراه بو لقي تماره لثاني مره واقفه بتضحك بس معاها المره دي سجى اختها الصغيره وبتقول / على فكره انت اللي خارج بره حدود اوضتك ده مطبخ و متاح للجميع
فجاه قربت منه سجي و هي حاطة ايديها في وسطها وقالت / وعلى فكره بقى اللي بتعمله دوت عيب ده في اوضه النوم مش هنا
اسر قرب منها و باسها من اخدها وقالها / حتى انتي يا اوزعه بتديني نصايح .. يا خرابي علي العسل
عموما انا هاخد الساندوتش وهنزل لاني تاخرت على الشغل سلام عليكم
وسابهم اسر ونزل راح شغله ...
______________________________________________
وبعد ما نزل اسر دخلت بسرعه البلكونه عشان تكلم كريم تطمن عليه انه صحي و راح شغل ولا لا
في شقة كريم في دبي 🤪🔥
كريم وهو بيتمطع على السرير وبيحاول يفتح عينه / ايوه يا حبيبتي صحيت خلاص انت بجى ايه اخبارك طمنيني عليكي
رهف / لا ما تقلقش انا تمام والبنات كلهم كويسين كمان امال فين جميله هنا بكلمها من امبارح مش بترد عليا
كريم ضحك وبص جابنه على السرير لقه جميله نايمه برقتها المعتاده وشعرها كله على وشها ابتسم بحب وقرب منها وبدا يشيل شعرها وبيتامل ملامحها وقال وهو بيتنهد / اهي جدامي بسم الله ما شاء الله زي القمر وهي نايمه
رهف و هي بتضحك / يا عم يا عم بقالكم شهرين متجوزين ومع ذلك لسه بتحبها غريبه الصراحه
كريم ضحك / طب اجفلي بجى عشان اصحيها تعملي الوكل قبل ما اروح الشغل يلا سلام
وقفل الكريم تليفون في وش اخته وبدا يبص علي جميلة بحب و قرب منها و شدها لحضنه و قال / طب انا دلوجت اصحيكي و لا انام جمبيكي يا بت الناس
جميله وهي بدات تفتح عيونها ابتسمت اول ما شافت كريم واخدها في حضنه وقالت / هو انت صحيت يا حبيبي
كريم وهو بيبوسها من خدنا / ايوه يا اختي صحيت جومي بجى اعملي الوكل عشان اتاخرت جوي على الشركه يلا قومي بكفايه دلع عاد
جميلة / اممم طب لو قلتلك اني والله ما قادرة اقوم خالص هتزعل مني بقي
كريم ابتسم وقالها / لا هعملك اني الفطور ومش هتاخر
و لسه هيقوم من السرير رجع و بصلها بخبث و قالها / بجولك ايه ما تجيبي بوسه اكده بما انك بتصحي زي الجمر
جميله قربت منه وباسيته ولفت ايديها علي رقبته بحب / صباح القمر علي احلي عيون عسلي يا ناس ، علفكره بقي انا كنت بختبرك و نجحت .. ثواني و تلاقي الوكل چاهز يا كبير
وقامت جميله بسرعة من على السرير وراحت تجهزله الفطار وصحت والدتها كمان و قعدوا هما الثلاثه يفطروا مع بعض
______________________________________________
بليل في فيلا عاصي
اول ما دخل الفيلا قربت فاطمه منه وحضنته وقالت / معقول تتاخر كل ده في الشغل امال لو مكنش فرحنا الاسبوع الجاي
عاصي اتنهد وقالها / عادي هتاخر برده اوعي يا فاطمه انا مش قادر اناهد مع حد هي امك فين
فاطمه / عادي بتعملك الاكل كالعاده يعني هي عارفه انك بتحب تاكل من ايديها بعد ما مامتك اتوفت
عاصي بصلها بوجع وبغل واضح جدا في عينيه وفاطمه اتوترت قوي قالتله / انا اسفه وما اقصدش ان انا افكرك انا قصدي يعني انك بتحب الطبيخ البيتي و ..
عاصي بغل / قوليها اني مش عايزه اكل انا هطلع انام وما تجيش ورايا يا فاطمه
ودخل عاصي اوضته او اللي كانت اوضته هو ونور وقرب فتح الدولاب اللي كان محطوط فيه هدومها اللي هو كان جايبهالها / هفضل لحد امتى باخد حاجه من هدومك واحضنها قبل ما انام عشان احس بيكي جنبي ، هفضل لحد امتى اتعذب برغم اني استحق كل اللي بيحصلي
وقعد عاصي على السرير ونام وغمض عيني وقال / كلهم بعدوا عني ، حتى انتي يا حاجه انصاف موتي وسبتني لوحدي
و حط ايده علي وشه و بدا يعيط / الدنيا ضاقت عليا قوي يما وما بقتش سايعاني خايف اخذ الخطوه اللي في دماغي اموت كافر كمان .. ساعديني ياما
وفجاه الباب اتفتح على عاصي واتفاجئ اول ما شاف ؟؟🤦
استووووووووووووووووووب
علشان اوضح الجزء ده اللي ظهر في الحلقه اسر وكريم سافروا دبي مع البنات 🤝
اسر اتجوز رهف🤭 وكريم اتجوز جميله 💕
واخذ مامتها كمان معاهم
واسر وكريم الاتنين اتشاركوا فتحوا شركه مع بعض
احم احم انا عارفه ان في ناس كتير مش فاهمه اللي بيحصل بس هتفهموا الحلقه الجايه عادي خالص 😂
يلا اشوفكم على خير.
و متنسوش تدعوا لاخواتنا في فلس طين ان ربنا يقويهم
،و يرحم شهدا*ئهم 🙏💕#اسيره_عائلة_القناوي
32
في اوضة جميلة وكريم كانت عشان خاطر العزومه وبتنقي فستان شيك ومحترم
جميله / كوكو اي رايك في الفستان دوت حلو صح
كريم وهو بيقفل القميص مسك ايديها وشدها ناحيته وقالها بحزم / ايه كوكو دي اني جولتلك قبل اكده اني مش بحب الدلع انا راجل صعيدي
جميله وهي بتحط ايديها رقبته بحب / طب هو انا دلعتك قدام حد ، ده انا و انت لوحدينا
كريم بحده / جميلة جولتلك لااه اني اسمي كريم و بس اتفجنااا
جميله اتصنعت الزعل وربعت ايديها وقالت / خلاص يبقى
انا اسمي جميله وما تدلعنيش خالص ابدا سامع
و قبل ما تبعد عنه لقت كريم حاوطها من وسطها و دفن راسه في حضنها/ لاااه اني اجول اللي انا عايزه انتي مرتي
و حجي .. اي هتمنعيني منه ولا اي
جميلة برقة/ طب ما انت كمان راجلي و من حقي ادلعك زي ما احب ، فيها اي لما اناديك باللي نفسي فيه
و قربت جميلة بجرائة و باسته بحب و هو اتاثر بيها اووي
و نسيوا اساسا العزومة 😉
______________________________________________
في الفيلا و خصوصا في اوضة عاصي
الباب اتفتح و لقه مراد داخل و هو ببتسامه شماته
وقالوا / كويس انك صاحي مرات عمك تحت قالتلي
ان فرحك بعد اسبوع الف مبروك
عاصي كان بيتاكد انه مسح دموعه وقام وقف
وقاله بثبات / الله يبارك فيك ايه اخيرا ترجع لعقلك وترجع تعيش بيت ابوك
مراد ضحك وقاله/ طب ليه السيره الزباله دي بقى ماتجيبلنا سيره عدله
عاصي بغيظ / لاخر مره بقولك اتكلم عن ابوك الله يرحمه بادب
مراد / طيب بلاش تستفزيني عشان ما اغلطش سهله اهي
و بعدين انت عارف كويس قوي ان انا مستحيل احط رجلي في البيت ده ثاني ولو همو*ت من الجوع .. انا كنت جايلك عشان حاجه تانيه خالص وهمشي علطول
عاصي بصيله بقرف وقاله/ انجز وجودك مش مرحب بيه
مراد ضحك باستهزاء وقاله / والله ده انت اللي وجودك في الحياه كلها مش مرغوب فيه .. عموما انا كنت جايه اقولك ان مراتك نور هتتخطب وعزموني على فكره انا رايح .. لا لا انا غلطت اقصد طليقتك
عاصي اتعصب قوي وقرب منه و في لاحظه غدر زقوا عند الحيطه ومسك رقب*ته بايده وقاله / جاي تحر*ق د*مي يا مراد ، جاي تعمل كدة في اخوك الكبير
مراد بابتسامه برود وشماته/ اه ابقى بكذب عليك لو قلتلك اني مش جاي عشان اشوف النظره دي واستمتع بيها ، نفسي اشوفك مذلو*ل يا عاصي اي مش حقي
عاصي حاول انه يتمكن في اعصابه وغضبه وبعد عنه وقاله بعزم قوته / اطلع بره يا مراد و ما تجيش هنا تاني احسنلك ، لاني مش عايز اذيك يا ابن امي و ابويا
مراد ضحك وخرج من الاوضه وسابه لكن سابه وهو موجوع وضعيف عاصي مش بس خسر البني ادمه الوحيده اللي حبها ده واضح ان خسر اخواته وامه
شكله اتكسر و صعب يرجع عاصي القناوي القديم 😭
______________________________________________
في مطعم كبير 🎉
كان متجمع في اسر ورهف وكريم وجميله وتمارا وسجى وملك ونور و حسن اللي عايز يخطبها
اسر هو بيضحك / بس يا سيدي و تضيق الدنيا كلها و انا وكريم ابو نسب نتشارك مع بعضينا مش بقولك قصه مريبه
كريم رفع حاجبه بغيظ / اللهم طولك يا روح انت ليه يا ابني محسسني ان انا اللي كنت بچري وراك وعايز اشاركك طب ربنا وحده اللي يعلم اني كنت بكرهك اكيف وما بتنزليش من زور كمان
حسن قعد يضحك وقال / ايه يا جماعه الصراحه دي استهدوا بالله كدة بس متحسسونيش اني وقعت بينكم
جميله وهي بتمسك ايد كريم جامد بصوت واطي و رقيق كعادتها/حبيبي ما ينفعش كده ممكن رهف تزعل منك وحياتي عندك تهدي
كريم مسك ايديها و ابتسم علي طريقة كلامها معاه و بدا يعدلها الخمار اللي لبساه بحب / حياتك عندي غالية جوي ده انتي حتة مني ، بس اني والله مش زعلان ولا حاچه بس دي علاقتي وياه ناجر ونجير متجلجيش انتي بس
جميلة اخدت نفسها براحة / الحمدلله بجد ، طب ممكن ادوق القهوة بتاعتك انا عارفة انك مانعها عني بس اصل ريحتها عجباني اوي
كريم اتهند و اداها القهوة / علي الرغم اني مبحبكيش تشربي الحاجات دي عشان عفشة بس ماجدرش يبجي نفسك في حاچة و امنعها
جميلة ابتسم بفرحة و بدات تشرب منها بس لقت كريم بيقرب من ودنها بخبث/ بطلي تبتسمي جوي اكده ، احسن اخدك و نمشي واني بتلكك
جميلة وطت راسها بكسوف من مغزي كلامه / لاا خلاص هكشر اهووو
في ناحيه رهف واسر
رهف داست على رجل اسر من تحت بغيظ وقالت وهي بتجز على اسنانها/ حسابنا في البيت على فكره و اعمل حسابك النهارده فيه ليلة نكد
اسر بتوتر/ ايه ده يعني النهارده في نكد طب والله حرام عليكي ما انتي لسه منكده عليا امبارح ولا هو النكد بيتوزع كده ببلاش علي الحبايب وبعدين انا كنت بهزر
رهف / والنبي اي ، طيب هنشوف حوار الهزار ده بعدين علشان حسن بس موجود
وقطع كلامهم ملك اللي كانت بتنفخ بالملل وقالت /
ما خلاص بقى يا جماعه واستهدوا بالله كده وبعدين راعوا ان انا سنجل انا والبنت اللي هناك دي
و انتوا وكل واحده فيكم واخده ايد الوالد بتاعها و مكلبشة فيه
اسر بصلها وهو بيضحك وقالها / والله الواد بتاعك موجود وده بقى مش هيكلبش في ايدك بس ده هيكلفش فيكي انتي كلك علي بعضك
و غمزلها بخبث / مش كدة يا ملوكة
ملك رفعت حاجبها بغيظ وبصت لرهف / لمي جوزك عشان
ما يرجعش يعيط عشان انا نابي ازرق ها
حسن ضحك / لا ده واضح يا اسر ان ما حدش طايقك وبعدين هو انتي مرتبطه يا ملك انا كنت فاكرك سنجل
ملك اتوتر اوي / هاا لا انا مش مرتبطه وسنجل بس هو اسر بيحب يرخم عليا انا هروح التويلت عقبال ما تطلبوا الاكل
____________________________________________
في شقة مراد
مراد كان خارج من الحمام بعد ما اخذ شاور و كان لافف فوطة علي وسطه و واقف قدام المرايه بيبص مكان الرصا*صه اللي عند صدره و الجر*ح اللي في بطنه و كان لسه بارز فيه مكان الخياطة وغمض عينه بوجع
مراد / اممم هي دي اللي حرمتني منك يا ملك رصاصة خلتني بعيد عنك في اكتر وقت كنتي محتجاني فيه ..
وبدا مراد يفتكر ايه السبب في الرصاصه ديت و الجرح
تعالوا انا هقولكم 🎉
اليوم اللي مراد و ملك راحوا فيه القسم وبعدها ملك سابتهم ومشيت صابر ورجالته قدروا ان هما يوصلوا لمراد اخيرا بعد ما رجع للبلد و كان عايز يخلص عليه
و ده فعلا اللي حصل و رجالته حاولت تق*تله
(معلومة صابر ده كان خطيب البنت اللي مراد اخدها منه قبل فرحها بيوم )
في مخزن صابر
كان مراد مربوط في عمود و مغم عليه من اثر ضر*به علي راسه
صابر قرب ناحيته و هو بيدقق من ملامحه و فاجاه بعزم قوته ضر*به برجلة في بطنه و جمبه / و*سخ هتعيش و هتمو*ت وسخ يا مراد .. اتفووو عليك
و بص لرجالته و قال بحده / فوقووووه
الرجالة قربت و رمت جرادل ميه على مراد لحظ ما فاق بخضة و هو حاسس بدوخة جامدة و عينه مزغلغة مش قادر يعرف مين واقف قدامه
صابر بتريقة نزل لمستواها و هو بيضحك بشماته / اي حاسس بصداع ولا اي ، اصل الرجالة الاغبيه ديت و هما بيجيبوك انت حاولت تضر*بهم فقاموا ضا*ربينك بالمسدس على راسك و للاسف هي بتنز*ف دلوقتي بس انا مش عايزك تموت دلوقتي فكبستهالك ببن
مراد بصله بصعوبة / صابر .. انت عايز مني اي
جايبني هنا تنتقم مني مش كدة
صابر / تؤتؤ زمن الانتقام ولي وفات يا مراد ، و بعدين
يا حبيبي انت مخسرتنيش عشره طاولة ده انت دوست علي شرفي لما نمت مع خطيبتي .. تفتكر اني بس هنتقم
مراد بتعب / اسمع انت لو كنت جيتلي زمان يمكن كنت قولت كلام كتير اووي و كسرتك يا صابر
بس دلوقتي الوضع اتغير انا والله حاسس بالنار اللي في قلبك و ندمان اني عملت كدة
صابر بغل مسكه من شعره / انت عمرك ما هتحس بيا غير لما تجرب اللي انا جربته ،اي توبت و بقيت تعرف ربنا اول ما ملك ظهرت صح .. تحب اعمل فيها زي ما انت عملت
مراد بغيره ضرب صابر بالدماغ و قال بصوت عالي/ لسانك النج*س ده مينطقش اسمها دي انضف منك و من اهلك كلهم ، اسمع يا صابر كله الا ملك .. دي البني ادمة الوحيدة اللي لو لمستها انا هصفي عيلتك كلها و انت عارف مراد القناوي كويس لو عضم في قفة مش بيسيب حقه
صابر / بس انا مش هعملها حاجة مش علشان انا خايف من تهديدك الاهبل ده ، لااا علشان انا عارف هشفي غليلي ازاي
و في نفس اللحظة قرب منه و طعنه بسكينة في بطنه بكره و قال / انا هسيبك كدة تتصفي .. عايز اشوفك و انت بتتعذ*ب زيها بالضبط ، اصل المر*حومة برضو ما*تت مدبو*حة
و بعد عن مراد اللي كان مرمي في الارض بتالم و شاور لراجل من رجالته اللي ضرب عليه نااار 😭
(تستاهل يا مراد دي اخره الطفاسة ، يا طفس)
و للاسف يومها بليل مراد كان مرمي في الشارع و هو سا*يح في د*مه و مضر*وب بالرصاصة لحد ما الاقيه ناس وودوه المستشفى ولكن ما تعرفوش عليه وفضل في العنايه مركزه فتره وما كانش حاضر اي حاجه حصلت بين عاصي و ملك ورهف ونور حتى اخواته
فاق مراد من ذكرياته و هو مخنوق اوووي و رمي الكوباية علي المراية بوجع و اتكسرت قدامه و كان حاسس اه سامع صوت قلبه هو اللي بيتكسر
مراد بغل / هق*تلك يا صابر ، انت السبب ان ملك تسافر منغير ما تسمعني و تبعد عني ياريتني كنت موجود كنت منعتها
و قعد علي السرير بخنقة/ ورحمة امي ما هسيبك ابدااا يا بنت زهره
______________________________________________
في المطعم
سجى بملل / انا مش فاهمه انتوا جايبينني معاكم ليه ما فيش حد من سني العب معاه ولا حتى اتكلم
حسن ضحك وقالها / لا ازاي طب ده انا هعرفك على بنت اختي تقريبا من سنك هتحبيها قوي اسمها فرح
سجي / يا سلام يا اخويا طالما عندك حد قدي ما جبتوش معاك ليه ، ولا لازم افهمك يعني
تمارا وهي بتحط ايديها على بق سجى اختها الصغيره / معلش يا حسن احنا اسفين اصل سجى مندفعه حاجه بسيطه كده ولسانهم ما شاء الله فرقله
حسن وهو بيضحك / لا بصراحه عندها حق انا استغبيت شويه بس انا ما كنتش برده عامل حسابي ان العزومه هتبقى كبيره قوي كده
نور قربت من ودنه واتكلمت بصوت واطي / هو انت اتضايقت ولا ايه في حد غلس عليك
حسن مسك ايديها و قالها بحب / لا خالص بالعكس كلهم لذاذ ودمهم خفيف بس افتكرت هخرج انا وانتي لوحدنا يعني كان عندي عشم
نور / اممم بعد الخطوبة هيحصل اكيد
حسن / ده انا مستني بفارغ الصبر
وقدوا العزومه مع بعضيهم وبعدها كل واحد فيهم روح ..
لكن في بيت اسر ورهف كان الوضع متغير رهف دخلت عشان تاخد شاور واسر جتله رساله على التليفون
اسر بوجع/ مش معقول ، ازاي رجعت تاني ازاي
رهف اول ما خرجت و كانت لابسه البشكير قصير و قالت بكسوف / حبيبي هو انت بره
وفي اللحظه دي اسر التليفون ورا السرير بخوف احسن رهف تشوفه احم احم تفتكروا ايه الرساله اللي ممكن تكون جت لاسر وايه خلاه اصلا يسيب صاحب عمره مراد ويسافر دبي هل هما متخانقين ؟
الفصل الثالث والثلاثون والرابع والثلاثون من هنا