رواية اسيرة عائلة القناوي الفصل السابع والعشرون 27 بقلم يوستينا سامي


رواية اسيرة عائلة القناوي
الفصل السابع والعشرون 27 والثامن والعشرون 28
بقلم يوستينا سامي

في الفيلا 
كريم كان حاطط ايده علي كتف رهف و مش عايز يبعد عنها خالص

اسر بغيظ / اي يا كريم هتفضل حاضن فيها كدة كتير ما تلم نفسك بقي و احترم مشاعرنا و ابعد شوية 

كريم رفع حاجبه بستغراب و قاله / اباي عليك اختي و اعمل وياها اللي انا عايزه ، اي هتخاف علي اختي مني ولا اي 

اسر و هو بيمسك ايد رهف و بيشدها من حضن كريم / لا طبعا حتي لو اختك مينفعش تفضل قافش فيها كدة ، هو انت قابض علي حرامي و بعدين انا عايز اقولها كلمة علي انفراد 

و قبل ما يستنى راي كريم مسك ايديها ومشي بيها وكريم كان واقف مصدوم وجميله كانت عماله تضحك علي تصرفاته 
كريم / واه عم تضحكي عاد و انا بيتحرق دمي ، ش في الواد بيعمل وياها اي 

جميلة وهي تضحك / بطل غلاسه بقى يا كريم من واحنا في المواصلات وانت بترخم عليه باين قوي انه معجب بيها يعني و غيران كمان 

كريم بغيره ونخوه / ايه اللي عم بتجوليه ده عاد اتحشمي
 يا جميلة ، احنا ما عندناش حاجه اسمها معجب بيها لو عينه منها ورايدها يجي يتقدملها و انا هوافج .. انا اعرف اسر من زمان و عارف انه راجل زين و بيتحمل المسؤولية لكن غير اكده لااه 

جميله بصت لكريم باعجاب لانه يعرف ربنا ولانه غيور على اخواته ودي حاجه ما كانتش لاقيها في مراد وقالتله / عندك حق ، احم انا لازم ادخل اساعد ماما تلاقيها محتاره من غيري 

______________________________________________
في المستشفى 

الدكتور بص لعاصي اللي فهم من نظرته ان زين مش مش عارف وقاله / معلش يا ابني البقاء لله هو الجنين توفى ولكن ربنا اكيد هيكرمكم بغيره

زين بصله بصدمه وما كانش مصدق اللي بيسمعه ...
وقعد مكانه على الكرسي لان ما كانش قادر يسند طوله
 وقال بوجع / يعني الحاجه اللي كانت رابطانه خلاص راحت .. ازاي يعني اكيد لا

عاصي و هو بيحاول يسيطر علي زين من الانفعال
 و قاله / قل لن يصيبنا الا ما كتب الله لنا وبعدين اكيد ربنا ما عملش كده شر ليك اكيد في خير اهدي يا زين عشان خاطري انا

زين بص لاخوه و هو بيعيط وقاله / صعبان عليا قوي ان انا مالحقش حتى اتهنى بابني واللي صعبان عليا بجد تمارا  خايف تبعد عني لان خلاص ما بقاش في حاجه ربطانه  انا مخنوق اوي يا عاصي.. مخنوق 

واخذوا عاصي في حضنه وبدا يطبطب عليه عشان يهديه و شاور للدكتور انه يمشي و برغم انشغال عاصي بحالة زين و خوفه على تمارا  بس الشعور الاقوى اللي كان جوله ان زين فيه حاجه مش مظبوطه علشان كده قرر انه لازم يقنعه انه يعمل تحاليل ..

_______________________________________________

في الجنينة 

رهف وهي بتبعد ايد اسر عنها / وبعدين معاك هو انت بتشدني كده ليه وكريم لو شافك علفكره مش هيحصل طيب 

اسر بغيظ / يادي كريم اللي طلعلي في البخت دوت ما كان متخانق معاكي كان لازم يعني اعمل فيها راجل و اصالحكم على بعض

رهف من عصبيته وضحكت وقالت / يا ساتر يا رب في ايه
 يا ابني وبعدين ده انت كبرت في نظري قوي باللي انت عملته دوت

اسر بغيظ/  يا فرحتي يا اختي ده انت نسيتيني خالص بعد ما بقيتي معاه للدرجه دي كان واحشك 

رهف استغربت طريقه كلامه وقالتله / اسر هو انت ليه  بتتكلم بالطريقه دي هو مش المفروض برده ان احنا اصحاب بس

اسر اتحرج من سؤالها وحس انها مش بتبادلوا نفس المشاعر اللي هو حسها من اول ما شافها وقالها  باحراج / احم اه طبعا صحاب انا اسف لو كنت تعديت حدودي معاكي

رهف ابتسمت وقالت / لا ابدا ما فيش حاجه بس انا هروح اطمن على البنات ماشي باي باي

ودخلت في الفيلا عشان تطلع لملك واسر  كان واقف متضايق وقال / ما انا برده اللي غبي .. طب والله حقها انها تخاف مني ده ناقص ثانيه واقولها هنسمي عيالنا ايه استغفر الله العظيم يا رب مش هعقل ابدا 

____________________________________________

في اوضة ملك 
ملك وهي قاعده على السرير بتاعها و ملانة مش عارفة تعمل اي  اتفاجات بباب الاوضة بيتفتح 
و دخلت رهف عليها 

ملك بصدمة/ رهف ! انتي جيتي هنا ازاي انتي كويسة 

رهف قربت ناحيتها وقالتلها / انا جايه اقولك اني ماليش دعوه تماما باي حاجه ماما عملتها انا جيت هنا عشان كريم اخويا ، و كمان كنت عايزة اقولك ان انا اسفه اووي 

ملك ماادتهاش اي فرصه وجريت عليها حضرتها 
وقالتلها / متقوليش انا اسفه دي تاني .. انا اللي كنت غبيه عشان سلمت ودني ليها من غير ما يكون معاها حتة دليل واحد و بعدين انا عارفه انك ما لكيش ذنب يا رهف

نور دخلت هي كمان وحضنتهم وقالت بضحك /. والله وانا كمان ماليش ذنب بس هو احنا هنفضل نعيط كده كتير ولا ايه 

ملك وهي بتمسح دموعها وبتزق نور بعيد عنها / بس
 يا بتاعة عاصي انتي كمان 

نور / الله الله هو احنا فينا بقى من التلقيح ده ولا ايه  وبعدين يا جدعان ده جوزي قره عيني .. كلكم نظر بقي

رهف وهي تضحك / ايه ده .. ايه ده  هو معقول بعد كل اللي عمله فيكي حبتيه يا نور 

نور ابتسامتها اختفت من على وشها في ثانيه لانها افتكرت اللي عمله فيها وقالت / خلاص بقى يا رهف هو انتي جايه تقلبي عليا المواجع ولا ايه خفي عليا شويه انا مش ناقصه

رهف باحراج / والله العظيم ما اقصد حقك عليا .

ملك بتوتر /  خلاص بقى انتي وهي المهم دلوقتي تمارا انا عايزه اطمن عليها قوي و مش عارفة اوصلها 

رهف ابتسمت /  لا يا اختي ما تخافيش مراد جابها اصل ماما كانت خطفاها بس ما اعرفش هي فين دلوقتي

ملك بخضه / خطفها يعني ايه ..هو فين مراد انا لازم اطمن عليها 

وسابتهم ملك بسرعه وخرجت ونور خبطت رهف في كتفها وقالتها/  كان لازم يعني تقوليلها انها مخطوفه ده انتي لسانك ده عايز الحرق  

رهف بتربع ايديها بقمص / يوووه بقى يا نور غصب عني قلت .. غلطة لسان يعني 

نور / يا شيخه دي غلطه المخ ده انتوا شاله مخك وحطه مكانه مخ قرد .. تعالي قدامي نلحقها 

في الوقت دوت ملك كانت عماله تدور على مراد بس مالقتوش في الجنينه وطلعت اوضته وبرده ملقيتوش وفضلت تدور لحد ما طلع الروف واتفاجئت بالاوضه بتاعته اللي هو عاملها للرسم .
______________________________________________

في المستشفى

في اوضة تمارا.. كان زين قاعد جمبها و هو ماسك ايديها بحب و بيبوسها / عارف انك هتتوجعي اوي لما تعرفي ، بس انا مش عايز اشوفك ضعيفة تاني يا تيتو علشان خاطري قومي بقي و اتخانقي معايا زي الاول ..علشان خاطري تمارا وحياتي فوقي 

و سند راسه علي راسه و هو بيدعي في سره انها تفوق و ترجعله تاني مساعده تقريبا اكثر من نص ساعه وهي لسه ما فقتش لدرجه ان زين راح في النوم وصحي على صوت حد بيتوجع 

زين وهو بيفتح عيونه اتصدم ان تمارا فاقت و بتقول بتعب / راسي ..انت ساند عليا اوعي 

زين ضحك وقرب منها و باس راسها /حقك عليا والله ما كنتش اقصد 
و حضنها جامد بلهفة/ انتي فوقتي يا تيتو حمدلله علي السلامة يا قلبي .. انتي كويسة ولا اناديلك الدكتور

تمارا بتعب / تؤتؤ انا كويسه بس تعبانه شويه طمني يا زين الدنيا كويس ولا لا .. انا شوفت دم كتير قولي بصراحة هو كويس صح علشان خاطري طمني 

زين قرب منها و هو بيحاول يهديها / اشش انا ما يفرقش معايا اي حاجه دلوقتي غيرك انتي ، عارفة انتي لو قومتي بالسلامه انا هجيب بدل العيل عشره والله اسمعي مني 

تمارا بدموع / انا مش عايزة عشره ، انا عايزة ابني انا 
بالله عليك قولي الحقيقة ابننا يا زين كويس.

زين مقدرش يستحمل يشوف دموعها وقرب و مسح دموعها من على خدها و باسها بهدوء و حب وقالها /  اه كويس الدكتور طمني وقالي ان صحته زي البومب كمان كفايه خوف بقى .. تعالي في حضني

تمارا ابتسمت بفرحة و حطت ايديها علي بطنها و قالت / كنت واثقة ان ربنا مش هيخذلي ، اصل انت مش عارف ماجدة خلت رجالتها يضربو*ني في بطني كانت عايزة تمو*ت ابننا من غيظها 

زين و بتنهد بتعب / انسي كل الحاجات دي خالص وانا وحياتك عندي لاجيبلك حقك 

تمارا مسكت ايده و حطتها علي بطنها و قالت / مش عايزة حق كفاية انه معانا .. انا عايزة انام في حضضنك شوية 

و هديت تمارا و نامت بسلام و زين مكنش مصدق انه كدب عليها وفضل قاعد مستحمل لحد ما اتاكد انها راحت في النوم وخرج من الاوضه جري وهو عمال يرجع بتعب و صعوبة لدرجة ان الممرضات جريوا عليه 

الممرضة / حضرتك كويس ، تحب انادي الدكتور 

زين و هو بياخد نفسه بصعوبة / انا مش عارف مالي 

و حط ايده علي راسه وكان حاسس ان هو هيقع على الارض بس لقه عاصي واقف جنبه وسنده و قعده علي الكرسي 

عاصي بشك / لا انت مش طبيعي تعالى معايا يا زين 

زين وهو بيتنهد بصوبه / اجي فين مراتي مش هقدر اسيبها لوحدها 

عاصي بحده / انا قلتلك هتيجي معايا انا مش هينفع اشوفك بتتصفي كدة قدامي و اسيبك 

واخذوا عاصي و راح بيه معمل التحاليل ويا ترى ايه اللي ممكن يحصل ربنا يستر 🙈

______________________________________________

في اوضه مراد

 اتفاجئت بيه كان قاعد لابس تيشرت كت وبنطلون اسود شروال ومتبهدل كله بالالوان وقدامه لوحه كبيره بيرسم عليها والمكان كله عباره عن لوح ولكن لفت نظرها هي اللوحه اللي بعرض الاوضه اللي ليهم هم الاثنين وهما صغيرين

مراد قام من مكانه وقرب ناحيته وهو حاطط الفرشة بتاعة التلوين في بقه وقالها / في حد بيدخل اوضه حد كده من غير ما يستاذن .. مالك سرحانة في اي 

ملك ابتسمت وبصت على اللوحه وقالتله / صورتي انا وانت صح .  ياه لسه فاكرها يا مراد 

مراد بص للصورة وابتسم وقالها / انا ممكن انسي اي حاجة بس الصورة دي لا معتقدش 

ملك قربت ناحيتها وهي مبتسمه وسرحت بكل تفاصيلها و بصت لمراد بحب و قربت منه و اترمت في حضنه و مراد حاوطها بدراعه بوجع بسبب الجرح اللي في جمبه 

مراد و هو مبتسم / قوليها يا ملك .. وحياه اغلي حاجة عندك نفسي اسمعها اووي يا ملك يمكن اكتر من الحضن القمر ده 

ملك ابتسمت و هي في حضنه و قالت/ اول ما ابقي مستعدة هقولها  لكن دلوقتي مش هقدر صدقني 

مفاجاه افتكرت اللي حصل وبعدت عنه بسرعه وقالتله / تمارا اختي فين يا اخي لهتني في لوحاتك ...طمني عليها 

مراد رفع حاجبه بندهاش و قالها / ده ايه التحويله الغريبه دي بعدين اطمني تمارا كويسه ومش هقولك دلوقتي مكانها بس زين معاها فاطمني

ملك بعصبية / يعني ايه مش هتقولي مكانها انجز فين اختي بدل ما وربنا ازعلك و انت مش قدي 

و قربت منه و مسكته من هدومه بنفس حركاتهم زمان و مراد اتفاجاه بالحركة و بص علي ايديها و ابتسم بخبث/ تصدقي ان انا لو هزعل منك انتي انا هبقي راضي .. 

و شدها من وسطها ناحيته و قال / بعد كدة بلاش الشراسة دي علشان بتشدني ليكي اكتر و ساعتها مش هقدر اتحكم في نفسي يا بنت الناس 

فاجاه ملك ضربته بالبوكس في بطنه و بعدته عنها / ما تظبط نفسك بقي و متخلنيش اقلب عليك 

مراد و هو حاطط ايده علي بطنه / يا شيخة ابو غباءك هو في كدة في الدنيا يعني

ملك اتوترت عليه و قربت ناحيته بحذر / اي هو البوكس ده وجعك اوي كدة .. معلش والله ما كنت اقصد ..اي ده اهاا 

و فاجاه لقت مراد شدها ناحيته بغفله و قرب ناحيتها و باسها و كانت بتحاول تبعده بس هو كان متمكن منها 

_______________________________________________

في معمل التحاليل

عاصي / ها يا دكتور ماله زين 

الدكتور/ للاسف طلع زي ما كنت شاكك زين مد*من

عاصي بصله بصدمة وفي لحظه عيونه اتحولت للون الاحمر من كتر عصبيه وبقت شبه الد*م و مسك الدكتور من لياقه قميص وقاله بصوت سمع المستشفى كلها / انت بتقول ايه 

استووووووووب 🙈😭#اسيره_عائلة_القناوي 
28

فاجاه ملك ضر*بته بالبوكس في بطنه 
و بعدته عنها / ما تظبط نفسك بقي و متخلنيش اقلب عليك 

مراد و هو حاطط ايده علي بطنه / يا شيخة ابو غباءك هو في كدة في الدنيا يعني

ملك اتوترت عليه و قربت ناحيته بحذر / اي هو البوكس ده وجعك اوي كدة معلش والله ما كنت اقصد ..اي ده اهاا 

و فاجاه لقت مراد شدها ناحيته بغفله و قرب ناحيتها وبا*سها و كانت بتحاول تبعده بس هو كان متمكن منها لكن ملك كانت بتزقه جامد و بصعوبة قدرت تبعده عنها 

ملك بزهول /مراد انت اتجننت ازاي تعمل كده اصلا

مراد و هو بياخد نفسه و بيبصلها بخبث /  زي ما عملت دلوقتي شكلك مش فاكره صح ، عادي افكرك تاني

ملك بتبعد عنها بسرعة و غصب عنها ابتسمت علي جنانه
 وحاولت تدفعه بايدها / انت مش طبيعي انت ليه محسسني ان انا كنت بايته معاك امبارح يا ابني احنا بقلنا اكثر من 10 سنين ما شفناش بعض ولا حتى نعرف حاجه عن بعض

مراد/ هو انتي اه مكنتيش بايتة معايا امبارح بس وحياة عيونك دول لاخليكي تباتي النهاردة و في حصني كمان 

ملك و هي بترفع ايديها في وشه بتهدده / مراد اضبط نفسك معاياا سامع ولا لاء ، و بعدين مردتش علي سؤالي العمر ده كله مش محسسك بحاجة 

مراد بتريقة / يادي العمر و العشر سنين اللي مجننينك 
 ايه فاكراني نسيتك بالعكس ده انتي عمرك ما غبتي عن 
بالي وبعدين تعالي ننسي كل ده نبدا من جديد بقي يا ولية انتي

و قرب ناحيتها و حط ايده علي وسطها و بدا يتكلم قصاد وشها بحنين/ امم ايه رايك مش انتي عايزاني 

ملك كانت بصله بصدمه وضحكت بذهول / انت مش طبيعي والله العظيم عايز تتعالج .. يا ابني انا ما اعرفش عنك اي حاجه خالص.. خالص .. اوعي يا مراد ابعد 

مراد و هو بينفخ/ رايحة فين بس  استني بلاش رخامة تعالي افرجك علي صوري .. بصي 

ملك و هي بتحاول تمنع نفسها انها تشوف الصور علشان متضعفش تاني و قالت و هي موطية راسها. / وقت تاني انا لازم اخرج اطمن على اختي 

وقبل ما تخرج من باب الاوضه مسك ايديها وقالها / خلاص هاجي معاكي بس استني اغير هدومي بس لو عايزاني اتشجع و اخلص بسرعة تعالي معايا 

ملك و هي بتزقه و بتخرج تقعد في الجنينة تستناه 
_______________________________________________
في معمل التحاليل

عاصي / ها يا دكتور ماله زين 

الدكتور/ للاسف طلع زي ما كنت شاكك زين مد*من

عاصي بصله بصدمة وفي لحظه عيونه اتحولت للون الاحمر من كتر عصبيه وبقت شبه الد*م و مسك الدكتور من لياقه قميص وقاله بصوت سمع المستشفى كلها / انت بتجول ايه عاد انت باين عليك خرفت زين القناوي مش مدمن و يستحيل يعمل اكده ، سامع ولا لاه 

الدكتور بتوتر / اهدى بس يا عاصي باشا اهدى كل حاجه ممكن تتعدل وهو في البدايات وممكن يتعالج بسهوله

عاصي زق الدكتور بعيد عنه وماسك التحاليل بايده وما كانش مصدق اللي هو سمعه .

ودخل عاصي اوضه وطلب من الممرضه انها تنادي على زين 

______________________________________________

في الجنينة 🔥

مراد نزل و هو متشيك جداا ، ملك بصتله بغيظ وقالت / اي سنة علشان تنزل حبكت كل الشياكة دي علفكره بقي كنت همشي و اسيبك

مراد / يسلاام انتي تقدري اصلا ، و بعدين يا ماما انا طول عمري شيك 

و غمزلها بواقحته المعتاده / و لو ناسي افكرك يا وحش 

ملك بزهول / يا ابني بطل بقي ، انا عايزة اطمن علي اختي اي مافيش مشاعر ابدااا 

مراد / ما قولنا ست زفتة قاعدة مع سي زفت اللي اسمه زين هنروح دلوقتي هنقطع عليهم والله 

ملك بستغراب / يعني اي نقطع عليهم مش فاهمه

مراد بخبث / لا ده موضوع كبير اووي ، بس ممكن اشرحهولك اصلهم متجوزين و هي كان بقالها كام يوم بعيد عن حضنه فكلك نظر بقي ده مش بعيد يجيبه عيل تاني 

و غمزلها بعينيه لكن لقه بوكس بعزم قوتها في بطنه و قالتله بغل / انت اظاهر امك كانت بترضعك سفالة يا سافل 

و سابته و طلعت من الفيلا و مراد جري وراها / طب استني بس ، ده جزاتي اني بفطمك يعني يا بت يا ملك يا قفوشة انتي ما انتي كل حاجة هتشوفيها عملي اول ما نتجوز 

و لحقها و ركبوا هما الاتنين العربية و طلعوا ع المستشفى
_______________________________________________

في الاوضة التحاليل في المستشفى 

عاصي كان واقف بضهره و وشه احمر جدا من شده عصبيته و عروق ايده و رقبته بارزة و كان بيضغط علي ايده بعنف علشان يقدر يتكلم في غضبه 

زين بتعب و ارهاق و كان قاعد علي السرير قدامه و هو مش قادر يقف و بيكح بتعب / مقتليش يا عاصي الدكتور قالك اي .. اكيد طلع معنديش حاجة 
يمكن برد او ...

و قبل ما زين يكمل باقي الجملة لقي عاصي بيقرب منه زي الطور الهايج و بيضربه بالبوكس و بيمسكه من لياقة قميصه 

عاصي / ليه عايز تضيع نفسك يا زين ...ليه 
انا حرمتك من ايه علشان تعمل اكده في حالك

زين بستغراب/ هو انا عملت اي .. انا مش فاهم حاجة 

عاصي ضربه بالبوكس جامد و قاله/ لا مدام هتفضل عايش في دور الاستهبال اكدة كتير .. انا هجولك 
التحاليل بتجول انك مد*من يا ابن القناوي 

و رمي عاصي التحاليل في وشه بعنف و قاله / شوف بعينك

زين بصدمة / مد*من .. ازاي 😳😳
اكيد في حاجة غلط صدقني يا عاصي انا معملتش كدة والله ، ورحمة جدك صدقني 

عاصي بصتله بزهول وما كانش عامل حسابه ان ممكن يكون حتى زين ما يعرفش حاجه عن الحاجات دي وان ممكن يكون اخدها بغير ارادته 

عاصي / عارف لو كنت بتضحك عليا هعمل فيك اي هق*تلك
 يا زين ، و هقت*لك بايدي 

زين / اقسم بالله ما اخدت حاجة .

عاصي سابه و بعد عنه حاول ان يهدي اعصابه ويستفسر عن الموضوع دوت من الدكتور وعرف انه جايز ده يحصل ولكن المريض لازم يحس بتغيرات وتعب ... و دي نفس اللي حس بيها زين 
______________________________________________

في المستشفى وصلت ملك هي و مراد و دخلوا اوضة تمارا 

ملك كانت قاعدة علي السرير جنبها و واخدها في حضنها /كده برده يا توتي تخوفيني عليك وتوقعي قلبي 

مراد وهو بيبص لملك بغيظ وقالها/  وانتي اللي ازيك عنده قلب ما انتي لو كان عندك قلب كنتي حسيتي بيا يا لوكا

ملك ابتسمت على كلام مراد لكن ما علقتش عليه وتماره كانت بتبتسم على علاقتهم هما الاثنين اللي اكناها ما تاثرتش باي حاجه حصلت وقالت / اطمني يا ملك انا كويسه والحمد لله و اهم حاجة ان البيبي كمان كويس 

ملك باست راسها وحضنتها اكتر وقالتلها / الحمد لله يا قلب ملك ده علشان انتي طيبه بس وتستاهلي كل خير

مراد اول ما سمع الكلمه دي تفاجئ وبص ناحيه زين وفهم من نظرته انه قال كده عشان يهديها وانها لسه ما تعرفش ان الجنين توفى 

مراد / احم طب الحمد لله طبعا تلاقيك هايص يا زين ، على فكره بقى انا ما كنتش عارف ان هو بيحبك كده تمارا ده كان بيموت من غيرك ولا اقولك تولين اني هيبقي احلي 

ملك رمت عليه كيس مناديل كان جنبها وقالتله / ما تبطل رخامه بقى ده انت غلس قوي ،انت مكنتش كدة زمان

مراد وهو بيتفادى كيس وبيضحك / اسم الله شوف مين بتتكلم بقى القطه المغمضه بقت وحشه مفترس كاسر وبتتكلم شفتوا البجاحه يا ناس 

ملك وهي بتطلعله لسانها / ملكش دعوه يا رخم .. مالك
 يا زين هو انت مكشر ليه كده انت كويس

زين بص لملك باستغراب انها اهتمت بيه وقالها بجديه / اه كويس و ياريت متشغليش بالك بيا او بمعني اصح ما لكيش دعوه بيا

مراد بحده / زين في ايه ما تظبط كلامك

زين بص لاخوه بحديه اكبر وقال / انا ظابط كلامي كويس قوي و انت مش هتقولي اتكلم مع مين ازاي 
قلها هي ملهاش دعوه بيا وتعتبرني مش موجود ده لو اصلا ليك حق تقولها كدة 

وقرب زين ناحيه تمارا اللي كانت قاعده على السرير مصدومه من الجو اللي اتقلب مره واحده وباس ايديها وقالها / ايه يا حبيبي انتي كويسه دلوقتي تحبي اجيبلك الدكتور او حاجة 

تمارا حركت راسها بمعني الرفض بسكوت منغير ولا كلمة  وزين قرب منها وباس راسها وسابهم يقعدوا معاها وخرج علشان يشوف عاصي

مراد بص لملك اللي كانت موطيه راسها بحزن على كلام زين ليها وقالها / ما تزعليش غصب عنه مش كل الناس هتعرف تنسى بسرعه يا ملك 

ملك بابتسامه تريقه / بالعكس اللي عمله ده هو الصح
اللي انت بتعمله معايا انت وعاصي اللي مش طبيعي اصلا .. بص روح يا مراد انا كده كده هبات هنا معاها 

مراد قام وقف / مفيش الكلام ده انا هطلع اجيب اي حاجه نشربها وهاجي تاني 
_______________________________________________
في مكتب الدكتور 

عاصي / طيب لو صدقت كلامك وعرفت ان زين هو اللي  اتحطله المخدر دوت في اي حاجه ، اي بقي الحل يا دكتور انا اخويا لازم يتعالج وفي اسرع وقت

الدكتور حاول ان هو يهديه ويطمني وقاله/  صدقني هو في بدايه المرحله والجرعات اللي هو اخذها قليله جدا بس المهم دلوقتي يا عاصي باشا انك تعرف مين اللي عمل فيه كده علشان ميرجعوش تاني 

عاصي بغل / لا ده انا هعرفه في اقرب وقت وساعتها هجيبهولك برده عشان تعالجه ده لو لحقت حته في سليمه

وقعد عاصي يعصر دماغه ان ممكن مين يكون لي يد في اذيه اخوه وموته بالبطيء ولكن فاق على صوت الدكتور
 وهو بيقوله / طيب انا هحجزله اوضه عشان يتعالج 

عاصي بصله بزهول / انا اخويا مش هيتحجز في مصحه 
لا يتعالج في البيت انا اكيد مش هعمل فيه كده .. انا مش هكسر زين اخويا لااا

الدكتور / صدقني ده احسن حل ليه طالما لحد دلوقتي ما عرفناش مين اللي عمل فيه كده مش جايز الشخص دوت يرجع تاني يحطله الجرعات 

عاصي بص للدكتور بوجع و مقدرش انه يتكلم اصله ازاي هيقدر ياخده من مراته في عز الظروف اللي هي فيها ، بمجرد ما فتح علصي الباب شاف زين واقف  وسمع كل الحوار وعينه كان فيها دموع يمكن على حاله او انه مجبور يبعد عن مراته في عز ما هي محتاجاه  

عاصي حط ايده على كتفه وقاله / محدش هيعرف هقول  اني حصلت مشكله في الصعيد وانت سافرت ما تخافش يا 
زين انا هبقى في ظهرك و مراتك هتبقى في عيني والله العظيم ما تخاف 

زين اترمي رمى في حضن اخوه قعد يعيط وقاله/  انا ماستاهلش يحصل فيها كده يا عاصي انا اذيت مين عشان يعمل فيا كده .. رد عليا 

عاصي وهو بيشد على كتفه / اسكت ما تعيطش انا اخويا ميعيطش .. يلا تعالي معايا 

وفعلا عاصي اخذ زين وخرج من المستشفى وراح المصحه اللي هيتعالج فيها وماقالش ولا اي حاجه وخبي عن كله 
____________________________________________

و بعد يوووم طويل .. 

بليل في اوضة نور كانت قاعدة مستياه يوصل و اول ما شافته دخل الاوضة

نور بلهفة جريت اترمت في حضنه / اي حمدلله علي السلامة اخيرا ، ده انا كنت قاعدة مستنياك من بدري 

عاصي مردش عليها و راح قعد علي السرير و حط ايده الاتنين علي راسه بارهاق ، نور قربت ناحيته و حطت ايديها علي شعره و قالت بصوت ناعم و هادي/ في اي بس مالك  انت كويس ...

و ملحقتش تكمل كلامها و لقت عاصي سند راسه علي صدرها بهدوء و مافيش ثواني الا و سمعت صوت عياطه لدرجة ان نور مخها وقف و بدات تكلم نفسها / معقول عاصي يكون بالضعف ده و بيعيط في حضني ليه 
فاقت لنفسها و ضمت راسه لحضنها اكتر و قالتله بخوف / مالك يا حبيبي انت كويس ، عاصي رد عليا 

عاصي / اشششش مش عايز اتكلم ، انا عايز افصل دماغي .. سيبيني كدة انا مرتاح 

نور / طب افرد جسمك علي السرير .. تعالي انا هساعدك 

و ساعدته نور و نيمها على السرير ونام هو في حضنها و كان لافف ايده حوالين وسطها بقوة و كانه عايز يتحامي فيها ونور ما كانش في ايديها اي حاجه تعملها وخصوصا انها حست انها محاصره منه غير انها تلعب في شعره ولكن قطع لحظه الصمت ديت كلمه عاصي / انا النهاردة دخلت اخويا مصحة الاد*مان بايدي و انتي السبب 

نور بصتله بصدمة 😳😳

تعليقات