رواية اسيرة عائلة القناوي
الفصل الرابع والعشرون 24
والخامس والعشرون 25
بقلم يوستينا سامي
مراد بغل قرب من رهف اللي كانت في الارض متربطة ومحطوط لزق علي بقها و جابها من شعرها ومسكها من رقبتها وقال ببرود / بنتك في ايدي اهي ما تخافيش عليها دي حتي رقيقة خالص و مكنتش تعرف حقيقتك الو*سخة بس متقلقيش انا قولتلها كل حاجة .. تحبي تسمعي صوتها
ماجدة بغل / انت عارف لو عملت في بنتي حاجة انا هعمل فيك اي .. اناا
و قبل ما تكمل الجملة سمعت صوت ضرب ناار و صريخ بنتهااااا 😳😭😭
ماجده حاسه ان قلبها اتنفض مجرد ما سمعت صوت الرصاصه وصرخت بعزم قوتهاا / لا يا مراد رهف ملهاش ذنب ، والله ما ليها ذنب في حاجة ..ابوس ايدك متعملش فيها كدة
و بدات تعيط بوجع علي بنتها / سيبها و انا هعملك كل اللي انت عايزة
مراد ببرود / انا مش عايز منك حاجه خالص على فكره ، انا بس عايز اوجع قلبك وعلى فكره الرصاصة ما جتش فيها جت في الحيطه اللي جمبهاا
شد رهف من شعرها بقوة / صح يا رهوف .. قولي لماما
و شال اللزق اللي علي بوقها وكان مستنيها تتكلم بس رهف ما نطقتش بكلمه واحده مراد بصلها باستغراب وقالها /ايه ده مش عايزه تردي على ماما ده كلام برده .. لا واضح يا مدام ماجده انك معرفتيش تربي خالص
رهف وهي بتعيط وبتحاول تبعد ايد مواد عن شعرها وبتقوله /ابعد عني انا مش عايزه اكلم حد اوعى سيبني
ماجده بلهفه / ما تخافيش يرهف ما تخافيش يا حبيبتي انا هاجي هو مش هيقدر يلمسك .. اسمعني يا مراد لو فاكر ان انت واخواتك قدرتوا عليا تبقوا غلطانين تمارا معايا و اختها سجي كمان تحت ايدي ممكن احسركم عليهم العمر كله سامع ولا لا
مراد التوتر والخوف دخلوا قلبه لكن حاول ان هو يبين عكس كده وقالها ببرود /بجد تمارا معاكي طب ابقي اكليها كويس عشان البيبي اللي في بطنها ،طبعا انتي عارفة ده حفيد القناوي يعني غالي اووي
ماجده بدات تهدي اعصابها وحست انها بتلعب على كارت ربحان وقالت / طالما هو غالي قوي كده يبقى نتفق انا عايزه رهف بنتي ترجعلي دلوقتي وعايزه ورثها و ورثي اللي اتحرمت منه ومش بس كده
مراد قاطعها في الكلام وقعد يضحك وقالها/ شوف ازاي في عز ما بنتك مخطوفه وتحت ايدي وربنا وحده اللي يعلم انا ممكن اعملك فيها ايه بتفكري في الفلوس ده انت وليه بجحه صحيح، تصدقني انا عرفت ليه بنتك مش راضيه ترد عليكي.. عموما خليلك تمارا والواد اللي في بطنها اصل انا اخويا لسه فيه الصحه يقدر يعوضه في ثانيه و بدل العيل هيبقي ثلاثه واربعه كمان ، يلا سلام يا مراه عمي
و قفل مراد التليفون في وشها وقرب من رهف ومسكها شعرها وقالها/ تصدقي وتامني بايه ورغم انك بنت العقربة دي الا انك عجباني كفايه انك مرضيتيش تردي عليها في التليفون
رهف وهي بتعيط / ابعت ايدك دي عني ويكون في علمك
انا مش عايزة ارجع ليها و لو فكرت ترجعني يا مراد
قبل ما تعمل كدة هموت نفسي
اسر وهو بيزعق لمراد جامد و بيزقه بعيد عنها / كفاية يا اخي ابعد عنها انت استحليت الضرب فيها ولا ايه يا مراد
حرام عليك بقي
وبيبعد اسر مراد عن رهف اللي كانت بتعيط بخوف
وقاله / عمرك ما هيتغير على فكره هتفضل غبي وعنيف
مراد وهو بيرمي المسدس على الارض بعنف وضحك باستهزاء / وانت عمرك ما تتغير هتفضل مشاعرك هي اللي ممشياك اللي صعبانه عليك دي يا حبيبي امها اتسببت في موت ناس و اذيتهم يعني بنت حية
اسر بصله بقرف وقاله / اديك قلتها امها اللي عملت كده وبعدين احنا لو هنحاسب الناس على اخطاء اهلها فانا كنت هحاسبك يا مراد وزماننا ما بقيناش صحاب
اسر وهو بيبص لرهف اللي ضامة رجليها بخوف و بتترعش و قرب منها و حط ايده على كتفها وحس بنفضتها بمجرد مقرب منها و قالها بوجع / ما تخافيش اوي كدة انا مش هخليه يقربلك ثاني بس كفاية توتر ، تحبي اجيبلك حاجة تاكليها
مراد ربع ايده وبصلهم بتريقة وقال / يا حبايبي شكلكم شبه العصافير بالضبط جرى ايه يا اسر ما تخف اللعب شويه ما تحسنيش انها اختك وبعدين راعي اني بغير يا اخي انت ناسي انها بنت عمي ولا ايه
وقرب مراد و حط ايده على كتفها بنظره شهوانيه اسر فاهمها كويس وقالها / تعرفي ما كنتش اعرف ان بنت ماجده زي القمر كده
اسر زقه جامد و بعده عنها و اخده برا المكان خالص
وقاله / هو انت لسه ما تغيرتش .. طب لعلمك بقى انت لو
مالمتش نفسك انا هكلم عاصي واحكيله على كل اللي انت بتعمله ده
مراد وهو بيضحك / لا وعلى ايه الطيب احسن انا كده كده راجع الفيلا خد بالك منها يا اسر دي بنت عمي يعني بلاش تعمل حاجه دلوقتي ماشي
اسر بصله بقرف قاله / سافل وقذر .. غور يا مراد غوور
و مشي مراد و رجع الفيلاا ..
________________________________________________
في الفيلا ❤️
جميله كانت قاعده في المطبخ بتعيط وامها قربت منها وحطت ايدي على كتفها وقالتلها/ ما بيكفياكي بقى يا بنتي عياط سبق وقلتلك يا جميله بلاش تحلمي بحاجه مش هتوصليلها عشان ما تتوجعيش يا بنتي
جميله بعياط /كنت عارفه ان قلبه مش ملكه يا ماما وانه بيحب البنت اللي في الصوره بس ما كنتش متخيله انها ممكن تظهر تاني .. افتكرت انه ممكن ينساها ويحبني انا
بس طلعت غلطانه
امها ابتسمت بحزن / انتي ما تعرفيش هو بيحب ملك ازاي ده بينام يحلم بيها .. انسيه يا بنتي عشان ما تتعبيش وباذن الله ربنا هيبعتلك نصيبك
وفي الوقت دوت دخل كريم وهو بلبسه الصعيدي وبيكح باحترام / احم يا رب يا ساتر لا مؤاخذه يا حاچه انا كنت بس رايد كوبايه شاي لو مش هتجل عليكم
جميله بصيتله باستغراب وما كانتش عارفه هو مين وقالت بزوق / هو حضرتك تبقى قريب مراد
كريم رفع عينيه وبصلها بابتسامه وخصوصا ان شكلها رقيق بالخمار والفستان الواسع وقالها /ايوه انا ابجى ولد عمه اني كريم سامح القناوي ، بعد اذنك انا هقف بره في الجنينه
اول ما خرج كريم امها بصيتلها /قومي يا بنتي اعمليله الشاي ده لسه راجع من السفر.
وقامت جميله عملته و طلعتهوله الجنينة بنفسها ..
_______________________________________________
وبعد حوالي ساعه وصل مراد الفيلا وشاف جميله وهي واقفه مع كريم و ابتسم وحس ان الاثنين شبه بعض وقال برخامته المعتادة / مساء الخير يا رب يا كريم باشا تكون عجبتك الفيلا انا عارف انك مش بتيجي مصر كتير
كريم بصله بغل وقاله/ بجولك ايه يا مراد اني جلتلك قبل اكده ان الكلام بيني وبينك خلص و الوسيط بيناتنا هيبطى عاصي لان مش بتكلم مع عيال سامع ولا لاه
مراد برود/ على فكره انت كده بتغلط فيا جامد وما تنساش ان انا ابن عمك .. بس مقبوله منك يا كريم اكمنك الكبير انا هطلع ارتاح شويه واه لما يصحى عاصي قوله مراد شرفك يلا تصبح على خير
وقبل ما يطلع بص لجميله وقالها / معلش اتلهيت معاه في الخناق تصبحي على خير يا جميله
وطلع مراد وسابهم وكريم بصلها بغيظ وقالها/ معلش شكلي دوشتك في الكلام بس اني ما اعرفش حاچه اهنا في مصر فتلاقيني متاخد شوية
جميله ابتسمت وقالتله/ لا ابدا ما فيش حاجه لو عايز تروح اي مكان انا ممكن اوصلك في طريقي يعني
كريم / لاااه انا ما احبش اخرج وياكي لوحديني و ما تقلقيش علي انا هعرف اظبط اموري مع نفسي و بتشكرك يا بنت الناس اتفضلي بجى
جميله اتصدمت من طريقته وحسن ان هو بيطردها وقالتله باحراج / انا اسفه اني وقفت معاك انا بس كنت عايزه افيدك بعد اذنك
ودخلت جميله الفيلا وهي مستغربه جدا طريقته معاها وكريم بث لنفسه بغيظ وقال/ عمرك ما تتغير ابدا يا ابن القناوي مش بتعرف تتعامل ابدا مع اي حرمه ... تلاجيها افتكرت امي متسلط بجى ومغرور واكده واني والله مش اي حاچه من الحاچات دي
_____________________________________________
في المكان المهجور اللي مراد مخبي فيه رهف
اسر و هو بيسند رهف اللي كانت واقفة بترجع بتعب و مش قادرة تاخد نفسها
رهف و هي بتعيط/ انتوا عايزين مني اي ، عايزين تموتوني صح مش كدة ...يلا تعملوا كدة بقي و ريحوني ، انا عايزة اموت
اسر و هو بيمسحلها وشها من للعرق و الدموعها اللي مغرقة وشها / ممكن تبطلي عياط بقي و تهدي ، العياط ده هو اللي هيتعبك اكتر
رهف و هي بتزق ايده بعيد عنها / متعملش فيها خايف علياا
انا مافيش حد بيحبني ، وانا عارفة كدة كويس
و عيطت رهف بشحتفه و قعدت علي الارض جمب الحبطة و ضمت رجليها و قال بوجع / مين هيحبني اساسا ... و مين هيصدق اني ماليش ذنب في حاجة
و رفعت عينيها ليه و قالت بضعف / انا معملتش حاجة لحد فيهم والله انا كنت بحبهم كلهم و كنت فاكره ان مراد و عاصي و زين هما السبب في كل حاجة اذيتنا ، انت عارف انا كان نفسي في اي
اسر / في اي يا رهف
رهف / كان نفسي في حضن من كريم اووي ، والله كان نفسي احس اني ليا اخ ، انا معشتش مع ابويا
انا تعبانة اوي تعبااانة
اسر قرب منها و قعد في الارض جمبها و قالها بصوت واطي / مش عايزك تبقي ضعيفة كدة ، لعلمك انا كمان عشت لوحدي و كان نفسي يبقي عندي اخت ، يعني ممكن اتبناكي و اديكي انا الحضن و يلا انشالله ما حد حوش بقي
ابتسمت رهف علي كلامه و بتلقائية سندت راسها علي كتفه و قالت بارهاق / انا مش هعرف انام علي الارض ينفع اسند علي كتفك شوية
اسر ببتسامة / اه ينفع تعملي كل اللي نفسك فيه كمان ، بس اطلع اجبلك الساندوتش الاول علشان خاطري
و طلع اسر جاب الاكل و اكلته رهف و بعدها نامت علي كتفه و هو كان مستمتع اوووي ، هو شكله هيحبها ولا اي 😂
______________________________________________________
في المطبخ
جميله حطيت كوبايه الشاي وهي متعصبه وبصت لمامتها وقالتلها بغيظ / غريب اللي اسمه كريم ده قوي وقف معايا وبيسالني على اسم بنك معين بعد ما قلتله العنوان وفهمته بيقولي خلاص امشي بقى ده كلام برده قليل الذوق بجد
امها ابتسمت وقالتلها / ما تاخديش في بالك كريم المرتين اللي شفته فيهم ما كانش بيبصلي في عيني وانا قد امه ..واضح انه متربي قوي على عكس مراد
_______________________________________________
في اوضة ملك 🔥
كانت نايمة بهدوء و سلام .. دخل مراد الاوضة عليها و بدا يبص عليها من بعيد لبعيد مكنش قادر يقرب منهاا
مراد و هو باصصلها بتاثر/ ياااه معقول يجي اليوم اللي تبقي قدام عيني و بين ايديا و مش قادر المسك يا ملك ، ليه عملتي فينا كدة بس
و لسه بيلف مراد و فتح الباب و خرج منه ..
ملك وقتها فتحت عينيها و قامت قعدت علي السرير و فضلت تعيط جااامد و تكلم مع نفسها بصوت عالي / انا اسفه يا مراد والله ما كنت اقصد اعمل فيك كده ، ده انا ياما عديت الساعات والدقايق اني اشوفك قدامي علشان تيجي تبررلي انك مش السبب في موت ابويا .. بس انا اللي غبيه انا اللي عملت كل ده انا اسفه بجد
وحطت ملك ايديها على وشها وبدات تعيط وصوت شهقتها ودموعها كان واصل لمراد اللي كان واقف على الباب وسمع كلامها وما كانش قادر يواجهها وحاسس ان العلاقه دي خلاص بقت شبه مستحيله
مراد اتنهد بتعب/ يا خساره كل حاجة كانت بينا
و دخل مراد هو كمان ينام ..
______________________________________________
تاني يوم الصبح
في اوضة عاصي 😘
نور كانت مفتحة عينيها و بتتامل ملامح عاصي و هي في حضنه و بتتكلم بصوت مسموع / الحالة اللي انا وصلتلها دي تخوف ، انا بقيت عايزة افضل في حضنك كدة علطول يا عاصي
عاصي و هو مغمض عينيه / اممم و تخوف ليه بقي ، حد قالك عليا اني بعض مثلاااا
نور ابتسمت/ تؤتؤ هو انت صاحي من امتي
عاصي فتح عيونه و بصلها / من بدري اووي هو انتي محدش قالك اني نومي زي الخيل يعني بمجرد ما حد بيحط ايده علياا بصحي
و غمزلها بخبث/ يعني انا صاحي من بدري اوووي
نور اتكسفت ووطت راسها / يسلام انا اصلا معملتش حاجة عادي يعني اوعي اسدك دي خليني اقوم
عاصي مسك ايديها جامد و قام و شدها تحتيه و بقي محاصرها بين ايده الاتنين و قالعا بخبث / بقي كل ده معملتيش حاجة ده انتي هرياني بوس ، طيب طلاما بتحبيني اوي كدة ما تعترفي يا بنتي
نور و هي بتضربه علي كتفه / اي هرياك بوس دي ما تحترم
نفسك اوعي يا عاصي بجد من فوقي علشان انا زعلت منك
عاصي و هو بيبوسها من خدها بحب / ابعد عنك اي بس
ده انا كنت بعد الدقايق علشان اوصلك ، انا عايزك تنسي حوار البعاد ده سامعة ولا لاء
و قرب عاصي منهااا و دفن راسه في رقبتهاا و هي اتنهدت بحب و قالت في سرها / شكلي حبيتك بجد ..
احم احم ايه ...اكيد هنمشي و نسيبهم 😂😂😂
_______________________________________________
في الوقت دوت في اوضه زين 😭
كان حاسس بوجع جامد في ظهره وان اعصابه كلها سايبه مش قادر يقف على رجله
زين وهو بيتنهد بتعب و حاطط ايده علي ضهره / انا مش قادر استحمل الصداع ده ولا الجرابيج اللي في ضهري دي
، انا ايه اللي بيحصلي بس ... انا ليه اللي بيحصلي كدة
وحاول زين ان هو يسند على اي حاجه كانت قدامه علشان يقرب وياخد اي برشامة مسكن لكن ما اقدرش وفجاه وقع على الارض بقوة وفضل يتالم وهو واقع وبيقول / عاصي الحقني ... اهاا راسي اه
استوووووووووووووووووب 😭
احم تفتكروا زين ماله ، و تفتكروا ماجدة ممكن تاذي ماجدة ولا لاء 😭#اسيره_عائلة_القناوي
25
في اوضة زين 🙈
كان واقع علي الارض مغم عليه و لكن معداش اكتر من دقيقة و جميله كانت بتخبط علي الباب علشان تديله الادويه بتاعته و لما اتاخر في الرد قررت تفتح الباب بحذر
جميله دخلت الاوضه باحراج وموطيه راسها / معلش يا زين بيه بس ميعاد الادويه بتاعتك و انا امي مش موجوده هنا حضرتك سامعني .. يا زين 😳
اتفاجات جميلة بيه واقع علي الارض وهو بالمنظر دوت
و تقريبا قاطع النفس جميله جريت ناحيته وبدات تهز فيه بخوف./ يا زين رد عليا انت كويس فيك حاجه
لكن زين ما ردش عليا تماما حتى النفس كان بياخده بصعوبه وده قلقها جدا و ما عرفتش تتصرف فخرجت عشان تنادي على اي حد ينقذه ولكن خبطت في ملك
ملك بصيتلها باستغراب وبالرغم انها علامات التعب والارق مرسومه على وشها و شكلها اللي بقي اضعيف وهزلان الا ان براءتها وجمالها مازال موجوده و يخطف النظر
جميله بتوتر / احم انا اسفه بس زين تعبان قوي وانا مش عارفه اتصرف و اصحي مراد او عاصي
ملك بتوتر / زين تعبان ! طب ما تصحيش حد انا هشوفه
وجريه ملك على الاوضه وقربت من زين وبدات تعمل حركات عند راسه وايده بتحاول تجري الدم في جسمه لكن جميلة ما كانتش فاهماها
جميلة بحده / على فكره انا لازم اصحيه اسع حد من اخواته يشوفوله اي دكتور لكن اللي بتعمليه دوت مالوش اي ستين لازمه
وقبل ما تخرج جميله من الاوضه ملك بصوت مسموع
و قالت / انا دكتوره على فكره و عارفه حالته كويس قوي
ما تخافيش
جميله بصتلها شكلها باحراج وقالتلها / انا اسفه ما كنتش اعرف طب والحل ايه
ملك / ما تصحيش حد وما تخوفيهومش تعالي بس ساعديني نحطه على السرير وانا عارفه هعالجه ازاي كويس قوي
وفعلا هما الاثنين حطوا زين على السرير وملك كانت بصاله بحزن لانها كانت عارفه انها السبب في الحاله اللي هو وصلها لانه ماخدتش الجرعة اللي كان متعود ياخدها في البلد
ملك بصت لجميله / انا هروح اجيبله دواء هيساعده من الاوضه بس ارجوكي اعمليله اي حاجه ياكلها بعد اذنك
جميله بصتلها بهدوء وخرجت زي ما طلبت منها وراحت ملك جابت للاسف ابره من المخدرات اللي كان بيحطهوله في القهوة و قبل ما تحقنها في دراعه سرحت في شكله
فلاااااش بااااااااااااك ..
في الارض الزراعية ارض الاحلام
تمارا بتوتر / انا مش عارفه احطهاله فين زين مش بيشرب اي حاجه غير القهوه حتى العصائر مش بيحبها
ملك / حلو قوي الكلام دوت يبقى كيس معاكي وكيس مع رهف ولازم بيتحطله الجرعه اللي احنا اتفقنا عليها كل يوم في القهوه اوعي تنسي
تمارا وهي بتبص حواليها بخوف / ساعات مش بعرف ادخل المطبخ عندهم ومش بعرف اتصرف .. هيبقي اي ساعتها الحب
ملك / لا ما تقلقيش ما اتفقت مع واحده من الخدامين اللي موجودين في الدوار لو انتي طلعتلوش القهوه بنفسك هي هتتصرف ، بصي انا عايزه البني ادم ده في اقل وقت ممكن يبقي مد*من
و يجيب العار لخواته ..و يبقي يواريني بقي عاصي هيعمل في اي
فاقت ملك من ذكرياتهااا و بصت علي زين و رمت الابره
اللي كانت في ايديها و بدات تعيط بندم
وقالت / كنت زمان بديك الحاجات دي عشان عايزاك تموت بس دلوقتي مش هقدر .. انت لازم تتعالج يا زين لااازم
ومسحت ملك دموعها وقالت بقوه / انا عارفة اني كنت باذيك بس والله ما هسيبك لحد ما تتعالج
نزلت ملك وطلبت من جميله ان هما يتصلوا باقرب صيدليه وجابت ابره تسكن معاه حتى لو مؤقت علشان تقدر تواجه بالحقيقة و تساعده في العلاج
ملك حطت ايديها علي شعره بندم / هترجع احسن من الاول يا زووز
و خرجت ملك بسرعة من الاوضة و سابته يرتاح ..
_______________________________________________
في اوضة عاصي
نور بدات تفتح عينيها و تفوق كان بيقع عينيها على عاصي اللي نايم جنبها من غير تيشرت و لابس شورت بس
نور اتكسفت قوي وبصت على نفسها لقيت انها لابسة بقميصه لكن زرايره مفتوح اغلبها حط ايديها على خدها باحراج وقالت / وبعدين بقى كان لازم تعملي كده يعني يا نور .. هيقول عليا اي بس دلوقتي اما يصحي
و بدات تتحرك بالراحه من جنبه علشان تدخل الحمام وهو فعلا كان نايم ومش حاسس بيها تماما ..
في الحمام .
نور وهي قاعده عند البانيو متغاظه جدا بتقول في نفسها / زمانه دلوقتي زعلان مني بسبب اللي عملته امبارح و الصراحة بقي ليه حق اووي
وبدات تفتكر نور تفاصيل اللي حصلت امبارح تعالوا اقولكم عملت ايه 🙈😂
علي السرير ..
عاصي كان نايم فوق نور و هي محاوطه رقبته بايديهااا و دافن راسه في رقبتها بشتياق ..
نور و هي بتاخد نفسها بصعوبه و بتحاول تبعده عنها بتقول برجاء/ عاصي ابعد .. لو سمحت انا مش عايزة
عاصي اتصدم من كلمتها جدا و بعد راسها عنها/ نور بجد انتي مش عايزاني طب ليه
نور بصتله بتوتر/ علشان .. يعني انت ..
عاصي و هو بيحرك ايده علي شعرها بهدوء / اشش اهدي طيب متوتره كدة ليه ، هو انتي مش عارفة اني بحبك
و عايزك .. ليه بقي كل التوتر ده
نور مسكت ايده و هي بتبلع ريقها بصعوبة / ايوة بس مش هقدر ..اوعي يا عاصي اوعي علشان خاطري
عاصي قام و بعد عنهااا و هو مستغرب تحولها المفاجاه ده
و كان بيكلم نفسه / هي مكنتش كدة من شوية ، كنت حاسس بيها و هي بين ايديها كنت حاسس انها عايزاني زي ما انا عايزها
نور و هي حاطة ايديها علي قلبها و بتحاول تهدي نفسها عاصي قرب منها و باس راسها و قال / عارف اللي مرينه بيها مكنش سهل عليكي حتي جوازنا مكنش طبيعي ، بصي يا بنت الناس انا اه بحبك و انتي اول واحدة اتعلق بيها في حياتي بس لو مش رايداني انا مش هجبرك
و بعد عاصي عنها و كان لسه هيقوم من جمبها بس مسكت ايده بسرعة و قالت بلهفة/ لاا . انا مش رافضة بس غصب عني مش مستعده .. انا .. خايفة اوووي
و عيطت بندم و هي بتتكلم بصوت متقطع وجع قلب عاصي عليها و اخدها في حضنه جامد و هو بيطبط علي ضهرها / بس اهدي .. خلااص كفاية اني عرفت حقيقة مشاعرك ، كفاية انك بتحبيني زي ما بحبك و انا مستعد استني العمر كله . بس كفاية عياط هي دي الحاجة الوحيدة اللي ببقي ضعيف قدامها بجد يا نور
نور بكسوف / اه بحبك اووي .. انت أماني اللي عشت عمري بدور عليه
عاصي غمض عينيه و هو بيحاول يتمالك اعصابه بعد الكلمة اللي قالتها دي / اللهم اخذيك يا شيطان .. اوعي بدل ما افقد اعصابي يا بت انتي
و رجع تاني نام علي السرير و هي في حضنه ..
و فاقت نور من خيالها و و كان مرسوم علي وشها ابتسامه حب ولكن اتفاجئت بعاصي واقف قدامها في الحمام
نور احراج قامت وقفت / في ايه هو حصل حاجه
عاصي وهو بيبتسم باستغراب / لا ما حصلش حاجه بس ده حمام يعني كلك نظر ..و بعدين خبطت كثير عليكي بس مردتيش
نور رجعت شعرها ورا ودنها بكسوف / احم معلش اتفضل .. انا كدة كدة كنت خارجة
و قبل ما تخرج من الحمام لقت عاصي بيشدها من وسطها
و بيتكلم في ودنها بصوته الرجولس اللي عشتقه و ريحته اللي قادرة انها تاسرها في عالمه الخاص /لما احتاج هدومي هاتيهالي هاا .. اوعي تسرحي تاني
و بعد عنها و سابها و كانت لسه تحت تاثيره و قالت بصوت مبحوح / حاضر ..انا برااا
____________________________________________
في الجنينة
كان كريم قاعد بيفطر وجميلة قربت ناحيته وحطت قدامه كوبايه الشاي وقالت / كده حضرتك عايز مني اي حاجه تاني مني
كريم / احم لاه تشكري وتسلم يدك الوكل زي الفل بس انا كنت عايزه اعتذر ك يعني على الكلام الماسخ اللي جولتهولك امبارح ، اصل بصراحة انا طول عمري اكده جلنف و مبعرفش اتعامل مع البنات
جميله ابتسمت على صراحته في الكلام وقالت / لا ابدا مش زعلانه وبعدين ما حصلش حاجه اصلا
كريم بحماس / اذا كان اكده يبقجى تجعدي تفطري ويايا
انا مش متعود اني اكل لوحدي يعني ..ها جولتي ايه
جميلة ببتسامه /قلت ماشي اكل اهي لقمه هنيه تكفي مية
وقعدوا هما الاثنين ياكلوا مع بعض وكريم كان معجب بيها وبرقتها وذوقها في الكلام حتى طريقه لبسها كانت محترمه
_____________________________________________
في المكان اللي رهف و اسر موجودين فيه
اسر و هو حاطط قدامها الاكل وهي بصاله بقرف قالها استغربت /في ايه يا بنتي هتفضلي تبصيلي كده كثير ما تاكلي
رهف وهي قرفانه / اصل بصراحه الاكل ده طعمه وحش قوي انا اكلت منه امبارح
اسر لوي وش وقالها / الصراحه عندك حق بس ده اقرب مطعم من مكان الزفت اللي احنا فيه دوت واكيد هنا ما فيش دليفري وبعدين المفروض انك مخطوفه فكلك نظر بقي اكيد مش هجيبك ماك مثلا
ضحكت على كلامه وقالت / فكره ملوش علاقه غاده عبد الرازق كانت خاطف امراه ابنها وبتجيبلها من بافلو
ياسر وهو بيضحك / طب دي واحده ثارية لكن انت عيله عمك شحاتين يا بنتي
رهف و هي بتضحك / هو كريم عارف ان انتم عاملين فيها كده وحابسيني في المكان ده
اسر ضحك وقالها / حبسينك كلمه كبيره قوي عليا وبعدين حبسينك ازاي يا مفتريه اذا كان انا نمت جنبك امبارح وما كنتش قافل الباب يعني لو عايز تمشي كنتي مشيتي بس انت الظاهر انك حبيتي الوضع
رهف / انت بتقول فيها عندك حق الصراحه اصب هروح لمين انا لو خرجت من هنا هروح لكريم هو الوحيد اللي نفسي ابقي معاه
اسر / ما تقلقيش انا هكلمه يجي طلاما نفسك تشوفيه اوي كدة .. كلي بقي مش كفاية انك صاحية من النوم زي القمر و مش باين عليكي اي معالم خطف او تعذيب ...كلي و خليني ساكت دي الشغلانة لمت
و قعدوا يكلوا مع بعض و هي مطمنة اوي بوجودة معاها
_______________________________________________
وعدي تقريبا فوق الساعتين في فيله مراد وكريم خرج هو مع جميله عشان يروح البنك اللي كان عايز يروحه وزين كان لسه نايم و ما كانش في حد قاعد مع ملك اللي كانت قاعده في الجنينه لوحدها
في الجنينة تحت الشجر والورود اللي مزروعه كانت واقفه ملك وهي مبتسمه لانها عارفه ان مراد هو اللي بيحب الورد والزرع
وفجاه سمعت صوته وهو بيقولها / اهي دي بقى انا سميتها الفرحة يعني كنت بتفائل بيها .. ودي سميتها ملك عشان بحب الاسم ده اوي و علشان تفكرني بصاحبتها و علفكرع من اكتر الانواع اللي كنت بحس انها فهماني و حاسة بيا
لفه ملك وبصتله بصدمه وحاولت انها تحبس دموعها على شكله والعصايه اللي ماسكها في ايده بسببها وقالت/ سميتها ملك حتى وانت متاكد ان ملك الاصلية ميتة
مراد اتنهد وقالها / بالعكس انا كنت متاكده انك عايشه قلبي ابن الجز*مه دوت هو اللي كان بيسوقني بقي اعمل اي
ملك بصيت بحزن / كل اللي حصلك دوت بسببي انا اسفه
مراد بهزار / يا سيتي عادي ياما دقت علي الراس طبول . ياااه انا مش مصدق اني واقف قدامك وبنتكلم عادي لا
و كمان كنتي نايمه في اوضه في فليتي. . هو اللي بيحصل ده حقيقي يا ملك
ملك رفعت وشها وبصت في عيني وقالت / هو حقيقي بس مش هيستمر كثير لاني همشي وهرجع تاني مكان ما جيت
مراد رفع حاجبه بتريقة / بجد ماشي بس ياريت تبقي تودعيني قبلها احسن هتوحشيني اوي
ملك ابتسمت عليه و هي مستغربه أسلوبه اللي اتغير كتير
و قالت / انا هطلع اوضتي ارتاح لحد ما عاصي يصحي.. بعد اذنك
مراد ببتسامة / لا اذنك معاكي يا اختي .. ابقي اتغطي كويس لان واضح انك لسه بترمي الغطا لحد دلوقتي ..
و سابها و راح يقعد علي التربيزة اللي موجودة في الجنينة و هي حطت ايديها علي قلبها و اتهدت و قالت في سرها/ لاا متدقش كدة ..انا اكيد مش بحبه ولا هوو اللي بينا ده حنين ذكريات مش اكتر
و طلعت ملك اوضتها ومراد بص ناحيتها اول ما مشي
وقال في سره / حتى لو حبك ليا ما بقاش موجود انا مستعد اخليك تحبيني من اول وجديد يا ملك وانا اساسا فاضي مواريش حاجة .و انا وانتي والزمن طويل
_______________________________________________
في اوضة عاصي 🔥
كان واقف قدام المرايه بيعدل هدومه وشعره قبل ما ينزل ودي كانت اول مره نور تلاحظ فيها لبسه وانه لابس قميص وبنطلون مش لبس صعيدي و قربت منه وهي بتعدل القميص بتاعه وقالت / شكله حلو عليك على فكره مش بطال
عاصي وهو بيغمزلها / يا راجل قول كلام غير ده علي الرغم ان القميص بتاعي اللي انتي لابسه احلى بكتير وملفت اكثر
نور اتكسفت وخبت وشها في حضن وقالت له بطل تكسفني بقي .. هو انت هتتاخر
عاصي وهو بيرجع شعرها لورا وبيبوس راسها / لا مش هتاخر ما تخافيش . على فكره ملك موجوده في الفيلا من امبارح روحي اقعدي معاها لو زهقانه لكن لا زين ولا مراد تقربي منهم اتفقنا
نور بفرحه مسكت ايده وقالتله بحماس / هو انت سامحت ملك مش كده . على فكره هي وتمارا غلابه جدا و والله العظيم
عاصي وهو بيضحك / هش هش خلاص انت هتشحتي عليهم وبعدين ملك وتمارا دول انا اللي مربيهم على ايدي وعارف انهم كانوا ضحيه و يلا بقى متاخرنيش
وسابها عاصي ونزل عشان يشوف فين مراد لانه كان بيكلمه على تليفون كتير وهو مش بيرد ولكن اول ما نزل الجنينه تفاجئ بيه قاعد بيشرب قهوه بتاعته وماسك التليفون وهو بيضحك كمان
عاصي قرب ناحيه بغل وضربوا في رجل وقاله/ هو انا يا بني ادم انت مش بكلمك مش بترد عليا ليه واديك متنيل ماسك التليفون اهو
مراد و هو مبتسم / لا والله انا لسه ماسكه دلوقتي انا كنت بفطر اصلا مالك متعصب ليه كده في حد زعلك
عاصي صدمه / يا اخي يخرب بيت برودك ده بدل ما تطمني عملت ايه امبارح اختفيت مره واحده
مراد / اه اه افتكرت ما فيش اتكلمت مع ماجده بس فاجئتني انها خطفت تمارا و عندها وبتهددنا بالواد اللي في بطنها دوت وقال ايه عايزه نص الثروه عبيطه قوي
وكمل مراد شرب القهوه وكان ما قالش حاجه وده عصب عاصي اوي و قاله بصدمه / انت كمان بتشرب قهوه انت عايز تجلطني يا ابني يعني هي خطفت مرات اخوك وابنه وانت
ما تقوليش حاجه زي كده وقاعد وكاني ماحصلش حاجه
مراد / الله ما انا رجعت البيت لقيتك نايم قلت حرام انت بقالك كثير قوي ما بتنامش اقلقك يعني وبعدين انا اتصرفت
عاصي بتوتر / اتصرفت عملت ايه يعني طمني انا عارفك دماغك ديت متركبه شمال
مراد ساب القهوه وقاله بهدوء / عادي رجعتها بس هي دلوقتي في العمليات تصور بقالها ساعتين جوااا ربنا يقومها بالسلامة يارب
عاصي فتح بوقه بزهول و قاله/ لاموخذه بس في الكلمة هي مين دي اللي قي العمليات
مراد / تمارا دخلت العمليات النهارده
عاصي بتوتر / ليييه ...حصلها اي ما تتكلم يا ابني سيبت اعصاب البنت كويسة هي و اللي في بطنها و ماجدة جرالها اي
مراد / بصراحة لااا مش كويس ... يلا الله يرحمهم
عاصي اتجنن و مسك مراد من هدومه و قاله بصوت عالي سمع الفيلا كلهااا/مين دوا يلاااا اللي الله يرحمهم انطق بدل ما اخلص عليك وقتي
استووووووووووووووووووووووووووووووب
احم اي برووووود مراد ده 🤣🤣🤣🤣
و اي حب عاصي ده حييبه ❤️😂
دي باينلهااا هتحلووووووو 🙈.