رواية اسيرة عائلة القناوي
الفصل الثاني عشر 12 والثالث عشر 13
بقلم يوستينا سامي
في الارض
البنت / ملكش فيه ، هو انت هتطلعلي بطاقة و اوعي كدة من طريقي مش كفاية انك ماشي زي العمي انت و الخيل الغبي ..
و قطع كلامها شكل الخيل بس حاولت متبينش تاثرها بيه
و قالت بعصبية/ اوعي من وشي خليني اشوف كنت رايحة فين
مراد برغم ان كان في دم اللي كان نزل مناخيره من ضربتها الا انه مهتمش و مسك ايديها بسرعه بلهفه وبص لها بتركيز وقالها / هتروحي فين تاني مني معقول تبقى انتي ...
انا كان قلبي حاسس انك عايشة علفكره كلهم قالولي دي ماتت بس مصدقتش
البنت بتحاول تشد ايديها منه و نظراتها كلها حزن / ابعد ايدك دي عني انت عبيط ولا ايه ..هما اهلك ازاي سايبينك تمشي في شارع كده لوحدك ده انت خطر على البشريه
مراد ابتسم / انتي ملك وانا واثق .. انا قلبي عمره ما يغلط فيكي ابدا
وحاول مراد ان هو يشدها لحضنه جامد بس ما لقاش الا بوكس في وشه و مناخيره لدرجة انه حس انها اتكسرت
و زقته و جريت بسرعة قبل ما يقوم من علي الارض
مراد و هو ماسك مناخيره و وشه بوجع/ اه يا بنت الكلاااب والله لاجيبك ...اهااااا
ملك و هي بتاخد نفسها بصعوبة من كتر الجري / ايه اللي خلاك تطلعلي بس يا مراد ده انا طول عمري كنت بهرب منك
______________________________________________
في اوضة زين 😢
زين كان قاعد علي السرير تعبان و وشه اصفر ..
تولين و هي ماسكة كوباية ليمون / امسك يا زين اشرب
يا حبيبي ...
زين / مش قادر يا تمارا ...انا بطني بتتقطع و جسمي سايب انا لازم اروح اكشف النهاردة
تولين بتوتر / كشف ...لا كشف اي بس بلاش ده مجرد برد عادي .. وانا هفضل جمبك مش عايزاك تخاف ابدااا
زين ابتسم بتعب و مسك ايديها / ربنا يخليكي ليا يا تمارا .. اقعدي جمبي و انا متاكد هبقي كويس
قعدت تمارا جمبه بس كانت مش قادرة تبص في عينه و كانها حاسة انها هتضعف بس لقيته بيشدها ناحيته و بيقولها بصوت ضعيف اسر قلبها / تمارا خديني في حضنك زي امبارح
تولين بتوتر / طيب اشرب الليمون الاول يا زيزو وانا هاخدك في حضني
و سندته و بدات تشربه الليمون براحة جدااا ....
زين / طعمه غريب اوي ، مش قادر يا تمارا
تولين / معلش هتقدر ، مش انت زين الجامد اوي اللي مافيش منك اتنين ولا اي ..اشرب بقي
زين ابتسم و بعد الكوباية و دخل جوا حضنها و نام و تمارا اتفاجات من طريقة نومته حست كانه طفل بيستخبي في حضن امه ، حست برعشة زين اللي بتاكد ضعفه و تعبه ..
بس تولين مقدرش تتحمل منظره كدة و لقت نفسها بتعيط بوجع عليه بس حطت ايديها بسرعة علي بقها علشان ميسمعهاش / اشششش هو انت نمت صح يا زيزو
لكن زين مردش عليه و عرفت انه راح في النوم علطول
تولين عياطها زاد و قامت من جمبه و دخلت الحمام و بدات تغسل وشها جامد / لا لا ...انا مش قادرة انا بموتك بالبطئ
لا مش قادرة يا ربي
مفاجاه جالها تليفون واضطرت انها تخرج من الاوضه و الدوار كله وهي بتتسحب من غير ما حد يشوفها
_____________________________________________
في اوضة رهف 🔥🔥
عاصي دخل و هو معاه ام خليل و عينه علي رهف بخبث و قالها / خديها و دخليها الحمام و حميها و غيريلها خلجاتها دي و جهزيها لكتب الكتاب
رهف بغل / كتاب اي .. انا مش هتجوزك سامع يا عاصي خلي عندك بقي كرامة و ابعد عني انت ايه معندكش دم
عاصي حاول يتمالك اعصابك / انا مش هرد عليكي يا رهف مش هنولك مرادك و مش همد يدي عليكي و اتجي شري
رهف / لا مد ايدك عادي ما انت ربنا باليك جتة طور و عقل نملة ، و لو كنت بتفهم لو حاجة بسيطة كنت هتعرف ان من مصلحتك انك تبعدني عنك ..علشان انا حية
عاصي قرب منها و مسك راسها بايده / وانا بجي اللي هجطك راس الحية دي ..و هعرفك ان الله حج خديها يا ام خليل
و اخدتها فعلا علشان تجهزها لكتب الكتاب و نزل عاصي
و بلغ امه و مراه عمه
____________________________________________
تحت فب الدوار
مراه عمه بصدمة / تتجوزها هي يا عاصي ،انت بتجول اي دي بنت ماجدة يعني مافيش ارخص من اكده انت باين جرا في مخك حاجة
عاصي / مراه عمي الزمي حدودك ويايا ، انا مش هسكتلك كتيير و اللي بتتكلمي عنيها دي هيبقي ليها اكبر لازمة ، انها هتبجي مرات الكبير
و بص عاصي لامه اللي كانت واقفة مصدومة و مش مصدقة اللي بيحصل و باس راسها / ياما البت دي غلبانة اوي
اه الدنيا قاست عليها كتير بس غلبانة
صفصف / يا ولدي البت دي واعره و جلبي مش مرتاح ليها بس انا عرفاك زين و عارفة انك مش هتاخد براي
ولا هتسمع بيه
عاصي / حجك عليا ياما ، و رايك فوق راسي بس بالله عليكي سيبيني اعمل اللي انا رايده . الماذون هيجي بعد ساعة
و سابهم عاصي و خرج برا الدوار بيشرب سجارة و يشم هوا و كان بيفكر في كل اللي حصل من اول دخلو رهف الدوار
عاصي بارهاق / هتجوز حية جرصتها و الجبر لكن لا هتبجي لياا ولو اي حوصل يا رهف
و ضحك بتريقة و قال/ اجصد يا نور
______________________________________________
في الارض الاحلام البعيدة عن الدوار ....
تولين كانت واقفة مستنيه ملك تيجي واتفاجئت بيها جايه وهي بتنهج جامد وبتاخد نفسها بصعوبه
تولين / اي يا بت مالك بتنهجي كدة ليه .. انتي كويسة
ملك / اه كويسة .. كويسة اوي كمان بس كنت بعمل حاجة مهمة ، تعرفي اني شوفته يا تولين ... ايوااا بعد كل الهروب ده شوفته بالصدفة
تولين بخضة / معقول.. طب عملتي اي اوعي يكون عرفك
يا ملك
ملك/ ايوة عرفني ، لو عينه كانت عاملة قلبه عمره ما عمي بس اديته علي دماغه و هربت منه مكنش في دماغي خالص اني اقابله دلوقتي
تولين / طيب جبتي الحاجه ولا لا
ملك بتريقة / طبعاا .. خدي زودي الجرعة انا عايزة في خلال اسبوع زين يتفضح في العيلة و يسلام بقي لو يتنقل من الدوار ده علي المقابر علطول
تولين بان على ملامحها الخوف وحركه راسها بمعنى اه
و اخدت منها الحاجة و فاجاه سمعوا صوت حد فراحت ملك تستخبي بسرعة ..
تولين بتوتر بتخبي العلبة في جيبها و بتقول / احم ..هو في حد من الغفر هنا
مراد بخبث / هو انتي .. اي جابك يا مراه اخويا جاية تشوفيها صح ، هي فين
تولين بستغراب/ هي مين اساسا و اي اللي عمل فيك كدة ده انت متبهدل خالص يا حرام
مراد بتريقة / طبعها ولا هتشتريه ، دايما بتعمل معايا كدة ايديها تقلت ...هااا ردي عليا هي فين و قبل ما تسالي هي مين ملك اختك يا تمارا
تولين / ملك الله يرحمها و يرحمنا من بعدها بعد اذنك يا اخو جوزي ، انا راجعة الدوار
و مشيت تولين و مراد كان بيضحك بغل / ماشي يا تمارا بس قوليلها اني مسيري الاقيها ، و قوليلها اني هدفعها التمن غالي اوي لانها بعدت عني و سابتني
و بمجرد ما تخرج تولين من الارض بيروح مراد يقعد في جمب بعيد عن ملك بيفضل يتكلم لوحده. عنهااا
ملك بتبقي واقفة بتسمع كل كلامه و هي متغاظة منه اوي و فاجاه بتطلع من جيبها ولاعة و بتقول بغل / انا اللي مش عايزة اشوفك تاني في حياااتي كلها
و بترمي ملك الولاعة وسط المكان اللي قاعد فيه مراد اللي كان كله شجر و فاجاه الارض بتبقي كلها ناااااااار
🔥🔥🔥🔥🔥
______________________________________________
عند الدوار
عاصي وهو لابس جلابيته والعمه على راسه و امر الغفر ان هم يجيبوا الماذون عشان يكتب على رهف
فاطمه قربت وقفت جنب ودموعها على خدها وقالتله / معقول يا عاصي هتتجوز البنت دي اللي ماتعرفهاش اصل من فصل ...جالك قلب يا ابن عمي انك تكسرني
عاصي بصلها باستغراب وقالها / اكسرك جرى ايه يا فاطمه انا ماوعدتكيش باي حاچه وانتي عارفه اكده زين واخوكي كريم يشهد كمااان
فاطمة بدموع حطت ايدها علي كتفه / عاصي انا بحبك .. البت اللي فوق دي مش احسن مني في حاجة انا متعلمة في مصر زيها و لو علي اللبس اي واحدة في البلد ممكن تعري
و تبين جسمها كمان
عاصي لف وقرب منه وامسكها من رقبتها وبدا يضغط عليها بغل وهو شايف ملامحها وهي بتتخنق وقالها / اوعاكي يا فاطمه تجيبي سيرتها على لسانك مره تانية ، رهف دي هتبجي مرتي و اللي يرشها بالمائة ارشه انا بالدم .. خافي مني يا بنت عمي
وزقها عاصي لدرجة ان فاطمه وقعت في الارض وهي مصدومه من عنفه عليها وقسوت
وقالتله وهي بتتشحدف بوجع / هي عمرها ما هتحبك زي ما انا بحبك يا عاصي و عمرك ما هتلاقي واحده هتحبك زي .. طب اقولك علي حل حلووو
وقامت فاطمه من على الارض وهي بتمسح دموعها بايديها بلهفه وكانها لقت حل حلو وقالتله/ اتجوزني عليها وانا موافقه ابقى زوجها الثانيه .. عاصي انا مش عايزة حاجة غير اني اتكتب علي اسمك
عاصي بصلها بقرف و هو بيبعدها عنه / ما بكفياك بجى رخص يا فاطمه وعززي نفسك ، و جولتلك بدل المره الف
انا مش رايدك ومش بحبك افهمي بجي
و بعد عنها عاصي لانه كان مستفز اوي من كلامهااا
فاطمة قامت من علي الارض و هي بتعيط / كدة يا عاصي طب ورحمة ابويا لاحرق قلبك زي ما عملت فياا ، هحرقه
يا عاصي و هتشوووف
و بعد حوالي ربع ساعة بينتشر في البلد ان في ارض ولعت
و مخزن المحصول بتاع عاصي ولععععع
____________________________________________
في المكتب و الماذون بيكتب الكتاب
عاصي قام بصدمة / مخزن مين اللي ولع ...انت بتجول اي يا زفت انت
الغفير/ و مراد بيه اتنجل علي المستوصف الارض ولعت يا عمده
عاصي بصدمة / مراد اخوووي .
استووووووووووووب
واضح ان البنات بداوا يلعبواا اوووي 😂❤️#اسيره_عائلة_القناوي
13
في المكتب و الماذون بيكتب الكتاب
عاصي قام بصدمة / مخزن مين اللي ولع ...انت بتجول اي يا زفت انت
الغفير/ و مراد بيه اتنجل علي المستوصف الارض ولعت
يا عمده
عاصي بصدمة / مراد اخوووي .
خرج زين من الدوار و هو مش شايف قصاده و راح علي المستوصف بسرعة و عاصي بص للغفر
و قال / روحوا للمخزن و صفوا كل اللي فيه بسرعة
و خرج كمان ورا اخوه
______________________________________________
في المطبخ
كانت صفصف وصلها الخبر و خارجة بتعيط بانهيار / ولدي جراله اي ... ارض اي دي اللي ولعت ،اوعي يا بت اروح اشوفه ولدي
فاطمة و هي بتدمع/ اهدي يا حاجة.. كلهم راحوا و هيطمنونا عليه باذن الله
صفصف بعياط / هو انا هستني ..اوعي يا بت اوعي من طريجي .. نوليني الشال بتاعي
و اخدت صفصف طرحتها و طلعت جري علي المستشفى
و معاها فاطمة و امها
_____________________________________________°•°
في مصر 😳
صابر كان في المستشفي مع فريدة اللي فاقت من الغيبوبة اللي دخلتها بعد ما حاولت تنتحر
صابر بوجع / حمدلله علي السلامة يا ارخص واحدة شفتها في حياتي
فريدة بخوف / صابر .. انا
اقسم بالله ما عملت حاجة بكيفي او بمزاجي
صابر بغل قرب ناحيتها و مسكها من زورها / يا زبالة ده انا كنت جايبك من البلاعة ولا نسيتي ، و في الاخر روحتي اترميتي في حضن الكلب اللي اسمه مراد
فريدة و هي بتحاول تبعده عنها / محصلش والله هو اللي اعتدي علياا ، والله يا صابر انا بحبك
صابر بمنتهي تف عليها و قالها/ بس يا رخيصة متنطقيش اسمي علي لسانك ، اي فاكراني مش هعرف
و قعد يضحك صابر بغل / ما الرخيص التاني مصور و انتي في حضنه .. بقي انا اتباع علشان كلب ميسواش .. انا صابر الدسوقي يحصل فيا كدة بس لا انا هصلح غلطتي
فريدة بدموع / انا غلطت و انا معترفة بس ابوس ايدك سامحني ، صابر رد عليا علشان خاطري
صابر ابتسم بخبث / هسامحك يا فري هسامحك اوي
و خرج صابر من الاوضة و في نفس اللحظة دخل واحد ملثم و لابس قناع علي وشه و جوانتي في ايده .. و قبل ما فريدة تصرخ حط ايده علي بوقها و د*بحهااا
احمد الله يرحمك يا غالية 😂✋
_______________________________________________
في الدوار 🤲
في عز ما كلهم مشغولين نور اتسحبت و اخدت مفاتيح من الدرج بتاع عاصي و جريت تفتح الباب لرهف ..
في الاوضة دخلت نور و اتفاجات برهف لابسة فستان فرح عريان اوي عاصي هو اللي مختاره ليه
و كان اشبه بقميص النوم و علمات الضرب اللي موجوده علي وشها و جسمها
نور بصدمة / يا حبيبتي..
و جريت عليها و اخدتها في حضنها و هي بتعيط جامد
و قالتها/ انا اسفة يا حبيبتي ، انا بجد اسفة بقولك اي احنا لازم نهرب حالا من هناا ، انا خلاص مش عايزة فلوس ولا ورث .. انا مش عايزة اخسرك
رهف بصتلها بتعب و إرهاق/ بعد كل اللي حصل فيا ده عايزاني اسيبهم و امشي ، لا انا هفضل هناا لحد ما اخفيها لحد ما انهي عيلة القناوي دي للابد
نور / لا مش هتلحقي صدقيني ، عاصي هيتجوزك و ساعتها انا مضمنش هو ممكن يعمل فيكي اي يا نور بجد ، بصي انا مستعدة اقولهم الحقيقة ،انا هقولهم ان انا رهف بنت ماجدة انا بنت عمهم بس كفاية عليكي كدة
رهف / ما كفاياكي عبط بقي و استسلام و لعلمك هما مش محتاجين يعرفوا لان عاصي عارف و معاه دليل ان انا مش بنت عمه و برضو عايز يتجوزني .. فهمتي
نور / طب ليه ليكون حبك يا نور بحق و حقيقي .. اسمعي عاصي ده نابه ازرق و لولا حوار المخزن اللي ولع و الارض دي كان زمانك تحت رجله لانه ظالم
رهف بخبث/ لااا ما هما مولعوش من نفسهم كدة
نور / يعني اي ...
رهف بصت بخبث و طلعت تليفون كانت مخبياه تحت السرير و بدات تحكيلها اللي حصل ..
فلاااش باااااك 🔥🔥🔥
رهف و هي لابسة فستان الفرح و عمالة تتحرك في الاوضة بتوتر
رهف بتوتر/ اي معقول انا و هو ممكن يتقفل علينا باي واحد .. اكيد لاااا
و فاجاه جات في دماغها فكره / ملك ايوة هي ملك الوحيدة اللي تقدر تساعدني دلوقتي
و طلعت التليفون و بدات ترن عليها..
ملك بصوت واطي / نور .. بتكلميني ليه حصل حاجة ليكم
رهف / اهدي يا ملك.. انتي وصلتي الصعيد صح
ملك / اه و هقابل تمارا اديها اللي اتفقنا عليه .. مال صوتك
يا بت
رهف حاولت تتكلم بهدوء عكس النار اللي جواها / عاصي النهاردة هيكتب علياا ، ملك انتي لازم تحاولي تشغليهم باي طريقة
ملك / يتجوزك انتي يا نور .. هو فاكرك بنت عمه رهف صح
رهف/ لااا هو عارف اني نور مش رهف بنت عمه بس انا
مش عارفة اي اللي في دماغه
ملك اتوترت اوي و قالتلها بخبث / خلاص اهدي ومتقلقيش انا هخلي البلد كلها تتقلب فوق دماغه ،لازم يحس ان رجوعي هنااا بعد السنين دي كلها هيبقي بركاااان و نار
اقفلي يا نور اقفلي
ووقتها ملك راحت ولعت المخزن بتاعه اللي يعتبر اكبر مخزن ليهم في البلد و راحت بعدها تقابل اختها و لكن حوار توليع في الارض ده كان من غل ملك
باااااااااااااااااااااك 🌾🔥
في الاوضة
نور و هي بتلطم علي وشها / يا خبر مش فايت يعني ملك هي اللي عملت كل ده ده لو عاصي شافها هيفرمها ده مراد في المستشفى بسببها
رهف باستغراب / ايه دخل مراد في الموضوع دوت هي ملك عملت ايه بالظبط مش هي ولعت في المخزن وارض مثلا
من اراضي عاصي
نور/ لا طبعا ولعت في المخزن اه ، لكن ارض اللي كان قاعد فيها مراد ارض الاحلام يا بنتي
رهف اتصدمت جامد / انت بتهزري و لابتتكلمي بجد ولعت في الارض دي ، طب ليه ما في مليون واحدة غيرهااا
نور / اكيد علشان مراد هناك . ملك خلاص بقت عايزة تمحي اي كانت بتجمعهم زمان
رهف قعد على السرير بتوتر و قلق و قالت / احنا كده دخلنا في الغريق قوي ملك فعلا راجعه بجبروت ربنا يستر
__________________________________________•°•
قدام المستوصف 🙏
عاصي كان حاطط ايده علي راسه بتعب من اللي حصل
و زين قرب منه
زين / متخفشي يا عاصي ، مراد هيبقي كويس الدكتور طمني ان هو اتخنق من الحريق بس و عنده حروق بسيطة
عاصي و هو متنكد / شكله اكده هيتنجل علي مستشفي
في مصر ، خليك جنب اخوك و دير بالك عليه .. علشان انا ورايا حاجات كتير جوي لازم اعملها
صفصف خرجت من المتوصف و قالتله / استني يا عاصي انا عارفه انك رايح تدور على عملك اكده في ارضك وفي اخوك ، بس الاول ادخل اطمن على اخوك يا ولدي
عاصي بعصبيه / مغلول جوي ياما مين اللي اتجرا انه يمس حاجه من ممتلكات عاصي .. اكيد ده واحد مش باجي علي حياته
و مشي عاصي و سابهم و هو عارف ان بحركة حريق المخزن دي وقع في مصيبة .. تفتكروا اي هي ؟ ________________________________________________
في الاوضه عند تولين 🤫
تولين بعصبيه /انا ممكن افهم ايه اللي انتي عملتيه ده
انتي بتستهبلي يا ملك
ملك وهي قاعده في اوضه قريبه من الدوار مستخبيه وسانده ضهرها على الارض وبتتكلم بثقه / هو انا عملت ايه يعني ده انا عملت كل خير ولا عايزاني كنت اسيب عاصي يتجوز نور
تولين بحده/ ملك ما تستهبليش كان قدامك الف طريقه غير انك تولعي في مراد انتي عارفه لو حصل حاجه فعلا لمراد ايه اللي ممكن يحصل عاصي مش هيسمي علينا
ملك / تصدقي عندك حق خلاص اوعدك المره الجايه هولع في عاصي نفسه علشان نخلص منه بقي
تولين/ يخرب بيت دماغك انت بجد مستفزه يا ملك ..
وقبل ما تكمل باقي الجمله لقت الباب اتفتح ودخل
استووووووووووووب
احم ربنا يستر حقيقي 🙈🙈
هو اي علاقة ملك و تمارا بنور و رهف 😂
يارب محدش يتلغبط بجد 🙈🙈🙈🙈🙈🙈