رواية عشق الصخر
الفصل السابع عشر 17 والثامن عشر 18
بقلم شيماء عصمت
عشق: ممكن اعرف انت فرحان كده ليه اللي يشوفك دلوقتي ميشوفكش من كام دقيقة وانت بتضرب الشاب المسكين بكل همحية
صخر: اممممم شاب ومسكين!! لا وايه بضربة بهمجيه .. الشاب المسكين دا كان قاصد يخبطك انا شايفه بعيوني .. دا غير انه بيقولك ياقمر!! بيقول لـ مراتي انا كده
عشق بغيظ : وهو انا مش قمر ولا ايه؟ ولا انت بتعجبك الحاجات الملزقة وبس
صخر بتسليه: وهو فيه احلى من الحاجات الملزقه
عشق بغضب: تصدق بالله انت واحد قليل الادب وبنت عمك معندهاش ادب اصلا واقولك على حاجة طلقني ياصخر
في نفس الوقت اللي نطقت فيه الكلمة دي كانوا وصلوا قدام الشالية نزلت من العربية بغضب ودخلت الشالية .. صخر نزل من العربية وشال الحاجة اللي اشتراها ودخل الشالية وحط الحاجة المطبخ وراح لـ عشق ومسكها من ايديها وبغضب قال: اقفي عندك وفهميني .. هي طلقني كلمة سهله على لسانك كده ليه؟!
عشق بغضب: ومتبقاش سلهة ليه ان شاء الله! متنساش احنا اتجوزنا ازاي ومتنساش ان انا مبحبكش ولا عمري هحبك وجوزنا دا فترة مؤقتة واول ما الست شهور ينتهوا هنطلق ياصخر فـ متتجاوز حدودك
صخر: ما تجوز حدودي!! هقلك كلمة قولتهالك قبل كده وخليها حلقة في ودنك طلاق انا مبطلقش ولاخر نفس فيا هتكوني مراتي وبتاعتي انا وبس
عشق بصريخ: انا مش مراتك ولا بتاعتك وعمرنا ماهنعيش زي اي اتنين متجوزبن انت قولت هنعيش مع بعض 6شهور ولو انا مرتحتش هنطلق وانا مش مستريحه ولا هرتاح طول مانا معاك .. وتقدر تروح للملزقه بتاعتك انما انا هطلقني .. افهم بقاا انا مبحبكش انا بحب سيـ
صخر بجنون كتم بوقها بـ أيده: متنطقيش كلمة انتي مش قدها ولا قد رده فعلي عليها ومتنسيش انك على زمة راجل .. راجل بجد وكل الهري اللي كنتي هتقوليه انا متاكد مليون في المية انه مش حقيقي وهـ تحبيني ياعشق بمزاجك او غصب عنك هـ تحبيني زي مانا بحبك
عشق عيونها وسعت بصدمة!! هو فعلا صخر اعترافلها بحبه ليها؟!!
صخر بتاكيد وهو ملاحظ صدمتها: ايوه بحبك بحبك من اول يوم شفتك فيه مش من دلوقتي لا خالص .. من زمان .. من وانتي عيله بضفاير .. انتي واصلة جويا لمرحلة علي قد ماهو احساس على قد ماهو اقتناع انك حته مني .. انا بحبك بجد .. بصي بلاش بحبك دي عشان هبقى بظلم اي حاجة جويا بالكلمة دي .. كلمة بحبك لا يمكن توصف مشاعري من ناحيتك ياعشقي .. انا استنيت كتير اووي عشان تكوني مراتي وبتاعتي وعندي استعداد استناكي تاني لحد ماتحبيني وهـ تحبيني
عشق: انت اكيد مجنون هتخليني اعيش معاك بالعافية ياصخر؟!! هتقبلها على نفسك؟!! نسيت وعدك ليا!!
صخر وهو بيبوسها من جبينها: ومين قالك اني نسيت وعدي ولا حتى هجبرك على حاجة بس في خلال الشهور الباقية مش هتقدري حتى تتنفسي من غيري
زقته بغيظ وبعند قالت: دا لما تشوف قفاك انا لا يمكن احبك لاني ببساطه بكرهك
صخر ببتسامة مستفزة: طب خلي بالك بقى لـ الكره دا يتحول لحب وانتي مش واخده بالك
عشق بغضب دبت الارض برجليها وطلعت على اوضتها ودا خلى صخر يبتسم اكتر واكتر
وبمرح قال: البت دي بتموت فيا .. اه والله!!
____________ صلوا على النبي
اما في اوضة عشق رايحة جاية بتوتر وعصبية وبتقول لنفسها: قال بيحبني قال هو في حد بيحب حد يعمل معاه اللي هو عامله معايا الكداب ده! بس لا يمكن احبه لا يمكن!! ان مكرهتكش في عشتك ياصخر مبقاش انا هخليك تلف حاولين نفسك زي الفرخة الدايخة لا وكمان انت اللي هتتحايل عليا عشان نطلق .. قال بيحبني قال مش كفاية قريبته الملزقه كانت بتحضنه ازاي .. انا غلطانة كان لازم اجبها من شعرها ازاي تعمل مع جوزي كده وانا واقفة اما بجحة بصحيح .. لا وصخر باشا واقف ولا على باله
بغضب نزلت لـ صخر تاني اللي كان قاعد باريحيه بيتفرج على التليفزيون
عشق بغضب وحده: علفكره انت قليل الادب ازاي تسمح بالملزقه دي تحضنك بالطريقة دي ولا انت متعود على كده!! انا مش هسمحلك تهين كرامتي قدام حد .. وافتكر اني قدام الناس مراتك
صخر بصلها بهدوء ورجع يتابع التليفزيون ودا عصب عشق اكتر واكتر .. راحت قفلت التليفزيون ووقفت قدام صخر وبغضب قالت: انا بكلمك على فكره
صخر بصلها كتير بنظرات وترتها ومره واحده ساحبها قعدت على رجله .. عشق شهقت بصدمة وبصتله بذهول وصخر عمزلها بتسليه حاولت تقوم بس حرفيا كان مكتفها بايديه
عشق بخجل وصدمة: صخر انت اتجننت سبني
صخر وهو بيدفن وشه في شعرها: لا مش هسيبك انا مستريح كده
عشق بخجل وارتباك: صخر بجد احترم نفسك وسبني عيب كده والله
صخر وهو بيمرمغ وشه في شعرها: انا مش محترم اساسا وبطلي كلام عايزة اقولك على حاجة مهمة
عشق بتوتر: حاجة مهمة! بخصوص ايه؟!
صخر بتنهيدة: الملزقه
عشق بغضب حاولت تقوم: عشان تعرف انك قاصد تضايقني
صخر بتسليه: هو انتي بتغيري عليا ولا ايه
عشق بذهول: ا ايه؟ اغير عليك!! ومن ايه اصلا؟ هي مين دي اللي اغير منها لا بقولك انت انسان مش طبيعي بجد والله
صخر: اتهدي بقا يابت واسمعيني
عشق بغيظ: اتهدينا اتفضل قول
صخر اخد نفس عميق وقال: دينا تبقى طلقتي
عشق قامت من حجرة زي الملدوغة وبصدمة قالت: مراتك
صخر وقف قصدها: مش مراتي طالقتي في فرق
عشق بدموع: في كام كدبة لسه مخبيهم ياصخر
صخر: انا مكدبتش عليكي ياعشق مكدبتش
عشق بصريخ: لا كدبت وكدبت كتير الاول في موضوع كريمة هانم ودلوقتي في الملزقة اللي طلعت طالقتك
صخر كان هـ يضحك من اخر جملة قالتها بس مسك نفسه: انا مكدبتش بردو لان ببساطة انتي مسالتنيش وانا مثلا جوابتك بـ اجابة مش صحيحة فـ انا مكدبتش
عشق: عذر اقبح من ذنب .. مجرد انك تكون عارف حاجة ومخبي عليا ومستغفلني فـ انت كدا بتكدب وانا مراتك ومن حقي اعرف كل حاجة عنك
صخر بتسليه: مش على اساس عايزة تطلقي
عشق بغيظ: انت مستفز ياصخر مستفزززز
صخر ببرود: لسانك ده عايز يقطع من حته اصله طويل اووي
عشق: محدش يقدر على فكره
صخر بعبث: اعتبر دي دعوة صريحة منك اني ابوسك
عشق بصدمة: اقسم بالله انت مش طبيعي مش معقول كل كلامة وتصرفاتك بتوصلها لحتت منحرفة زيك .. قليل الادب
صخر: مش قولتلك انا متربش اصلا احفظيها بقى
عشق: محدش هيربيك غيري ياصخر ياانا ياانت
صخر وهو بيبوس خدودها: انتي طبعا ياجميل
عشق: عاااااااااا متلمسنيييييييييش يابارد واعمل حسابك بكره هنرجع القصر مستحيل اقعد لوحدي مع واحد متحرش زيك
قالت كلمها وطلعت اوضتها تجهز شنطتها للرجوع لقصر السيوفي
صخر بدهشة: انا متحرش
______________
في قصر السيوفي
كريمة وعلي ومريم قاعدين مع بعض في جنينة القصر
كريمة بتعب: صخر مااتصلش بيك ياعلي وقالك هيرجع امتى؟!
علي بهدوء: من جهه انه كلمني فـ احنا كل يوم بنكلم بعض بخصوص الشغل بس مفتحش موضوع هيرجع امتي دا
كريمة بدموع: حتى لما بيكلمني مبيجبش سيرة رجعوهم ولا سيرة عشق اصلا .. ياترى هيرجعوا هنا تاني ولا لا
مريم وهي بطبط عليها: اكيد هيرجعوا هتلاقيه مستني عشق تهدى وتريح اعصبها وهيرجعوا علطول اطمني ياماما
علي: مريم معاها حق ياماما كريمة كلها وقت مش اكتر
كريمة: ان شاء الله انا هطلع استريح ف اوضتي شوية البيت بيتك ياعلي
مريم لسه هتعترض قاطعها علي: براحتك ياست الكل انا شوية وماشي
وفعلا كريمة طلعت اوضتها ومريم متبعاها بدموع قطع شوردها علي: بتعيطي ليه
مريم ببكاء: ماما بقت حابسه نفسها في اوضتها علطول وكل دا بسببي
علي: مش بسببك ولا حاجة انتي فعلا غلطتي لما اتسرعتي وخليتي عشق تعرف بطريقة مش ظريفة بس نيتك كانت خير ورده فعل عشق اعتقد كانت هتكون نفس اللي هي عملته .. هي عايزة وقتها وبكره ولا بعده هتلقيهم رجعوا .. بطلي عياط بقى وامسحي دموعك دي
______________
نريمان بصدمة: كريمة عايشة يامايا .. عايشة .. ومش بس كده لا دي تبقا مرات ابو صخر .. صخر السيوفي ممكن يكون عارف كل اللي حصل زمان اكيد مش هيسبني اكيد .. بس كريمة عايشة ازاي انا شوفتها بعيوني قاطعة النفس يالهوي لو كشف الحقيقة ناصر وقتها مش بعيد يقتلني اعمل ايه واتصرف ازاي انطقيييي انتي بارده كده ازاي
مايا بتفكير: اهدي يامامي عصبيتك دي مش هتفدنا بحاجة اهدي خلينا نلاقي حل في المصيبة دي
نريمان بشر: مفيش الا حل واحد
مايا بلهفة: ايه هو
نريمان بحقد: نقتل كريمة
مايا بزهق: طبعا لا .. لو فعلا صخر عارف كل حاجة مش هيشك غير فينا انت ايه رايك ياسيف
سيف بـ ابتسامة خبيثة: تعجبني دماغك يامايا .. بس انا عندي فكره هتعجبكم
نريمان بلهفه: ايه هي
سيف بشر: اقولكم
وحكالهم كل تفاصيل خطته
مايا بأعجاب: يخربيت تفكيرك .. سمم
سيف بغمزه: تلميذك
________________
صخر وعشق جهزوا شناطهم واستعدوا للعودة لقصر السيوفي .. طول الطريق وعشق متجاهله صخر تماما رغم انه طول الوقت بيشاكسها بس هي منفضاله وده غيظه جدااا بس بيحاول ميبينش
بمرور الوقت وصلوا قصر السيوفي ودخلوا البيت بس اتفاجئوا باللي شافوه
الفصل 18
صخر وعشق جهزوا شنطهم واستعدوا للرجوع لقصر السيوفي .. طول الطريق وعشق متجاهله صخر تماما رغم انه طول الوقت بيشاكسها بس هي منفضاله وده غيظه جدااا بس بيحاول ميبينش
بمرور الوقت وصلوا قصر السيوفي ودخلوا البيت بس اتفاجئوا بـ اللي شافوه
مريم وكريمة وعلي قاعدين في الصالون ومعاهم ..
عشق بسخرية: الحق الملزقه بتاعتك هنا .. مراتك
صخر: قصدك طالقتي
عشق: كله محصل بعضه ياملزق
صخر بتوعد: ملزق وقبل كده متحرش!! على العموم في اوضة تلمنا
وبصوت عالي قال: يا اهل الدار احنا رجعنا
اول واحده قامت كانت مريم اللي جريت حضنت صخر
مريم: وحشتني اوووي ياصخر اول مره تبعد عننا كل ده
صخر بهدوء وهو بيبادلها الحضن: اديني رجعت .. وانتي كمان وحشتنيني
كريمة وقفت مش عارفة تعمل ايه! بتبص على عشق بلهفة ام .. صخر قرب منها وباس ايديها وضمها: وحشتيني ياست الكل وهمسلها في ودنها .. عشق كويسة اطمني
كريمة بهمس ودموع بتلمع في عنيها: بجد هي كويسة ياصخر
صخر بهمس: زي القرده قدامك اهيه اطمني
قاطعهم صوت دينا: حمدلله على سلامتك ياصخر
صخر بصلها من فوق وتحت ومردش عليها ودا عصبها جداا
علي حضن صخر: عاش من شافك ياكبير حمدلله على السلامة
صخر: الله يسلمك .. ها الشغل عامل ايه
علي بمرح: كله تمام وراك رجاله ياجدع
صخر رتب على كتفه: عارف ومتاكد
علي: هروح انا بقى عشان الوقت اتاخر هعدي عليك بكره عشان نروح الشركة سوا ولا هتريح
صخر: لا هروح كفايه لحد كده
علي: تمام همشي انا بقى
عشق طول الوقت مركزه مع كريمة من جواها نفسها تروح تترمي في حضنها بس في حاجة منعاها .. الكل رحب بـ صخر بس محدش قلها كلمة حتى!! يمكن مش عارفين يفتحوا معاكي مواضيع بعد اللي حصل ياعشق!
قاطع شوردها صوت كريمة
كريمة بحنان: حمدالله على سلامتك ياعشق يارب تكوني بخير يابنتي
عشق بصت لـ صخر اللي كان قلقان من رد فعلها عشق بهدوء لـ صخر: انا هطلع استريح من السفر .. الطريق كان طويل وتعبنا عن اذنكم .. قالت كلمها وطلعت اوضتها علطول .. كريمة دموعها نزلت وحست ان عشق لا يمكن تسامحها
دينا قاطعت الصمت: هي ازاي متردش على طنط كريمة!! مراتك دي قليله الاد
قاطعها صخر بغضب: كلمة كمان وهقطعلك لسانك يادينا مش على اخر الزمن واحدة زايك هتنتقد مراتي .. وبعدين انتي هنا بتعملي ايه
دينا بغيظ واخراج من كلام صخر: جايه اقعد يومين في بيت عمي ولا هتطردني ياصخر
صخر بتاكيد: طبعا هـ اطردك انتي معندكيش دم انا مش قولتلك مش عايز اشوف وشك هنا تاني
كريمة بتعب: صخر عيب كده دينا مهما حصل هتفضل بنت عمك وتيجي فاي وقت
دينا ببكاء مصطنع: شوفتي ياطنط بيكلمني ازاي وعشان مين
في الوقت دا عشق كانت نزله تجيب شنطة هدومها اللي نسيتها تحت وسمعت كلام دينا
دينا: واحده الله اعلم جايبها منين وعرفها ازاي واتجوزها في يوم وليله!! اكيد غلط معاها وعشان كده اتجوزها عشان يصلح غلطته و
قاطع كلمها كريمة اللي ضربتها بالقلم
كريمة بعنف: انا بنتي اشرف منك ومن الدنيا كلها ومسمحليش انك تفكري مجرد تفكير وحش عنها .. انا منستش كل اللي عملتيه زمان واحب افكرك اني انا اللي اقنعت صخر يتجوزك وانتي عارفة ليه وان كنت قولت تقعدي هنا ووافقت فـ ده لانك بنت وانا عندي بنات واخاف عليهم بس انتي متستهليش اتفضلي روحي بيتك ومش عايزه اشوف وشك هنا تاني .. عشق ناصر عمران مرات صخر السيوفي هي صاحبت البيت ده واللي يدخل البيت ده لازم يحترمها غصب عن عنيه .. اتفضلي
قالت اخر كلمة وهي بتشورلها على الباب
دينا بحقد: تمن القلم ده هتدفعيه غالي اووي انتي وبنتك
صخر قرب ومسكها من شعرها بعنف: انتي لسه هتتكلمي اطلعي بره يا****** مشفش خلقتك هنا تاني
دينا مشيت وهي بتتوعد لـ صخر وعيلته
صخر شاف عشق اللي كانت واقفه على السلم وعنيها مدمعه
صخر: عشق ايه اللي نزلك ياحبيبتي
عشق بضعف وهي بتبص لـ كريمة: عايزة شنطة هدومي
صخر بحنيه: اطلعي انتي وانا هجبها واحصلك
صخر: ماما اطلعي استريحي شكلك تعبانه
كريمة بحزن: تصبحوا على خير
_________________
بعد عده ساعات في اوضة صخر وعشق
الاتنين كانوا نايمين ومش نايمين كل واحد فيهم باصص للسقف وبيفكر في حاجة
عشق قطعت الصمت: صخر
صخر بصلها: عيونه
عشق بعذاب: مش عارفة اسمحها يا صخر .. مش عارفة .. في حاجة جوايا بتمنعني .. في حاجز بيني وما بينها .. في صراع ما بين اتنين جوايا .. حد بيقولي سمحيها والتاني لا ما تسمحيهاش .. وانا في النص مش عارفة اعمل ايه .. عارف
صخر بحنان: ايه
عشق بـ أبتسامة ضعيفة: كنت فرحانه اوووي من اللي هي عملته في دينا .. فرحانه لدرجة عمرك ما تتخيلها .. اني الاقي حد يدافع عني يكون في ضهري .. بس هي مش اي حد هي امـ .. قطعت كلامها ومقدرتش تقول (امي)
صخر حس بيها وطبطب عليها وبحنان قال: كل حاجة هتتصلح ياعشقي وانا معاكي في اي قرار هتخديه بس ماما كريمة الدنيا جت عليها كتير .. متقسيش عليها ياعشق مهما كان دي امك .. الوقت اللي تحسي فيه انك سمحتيها بجد .. قربي منها واحده واحده حاولي تنسي وتنسيها كل اللي فات .. اعذريها وحطي نفسك مكانها .. فهماني ياعشقي
عشق وهي بتبصله بتركيز شديد: فهماك
صخر ببتسامة جميلة: طب بقولك ايه .. ايه رايك ماروحش الشركة بكره ونخرج نتفسح انا وانتي
عشق بسعادة وعيون بتلمع: بجد
صخر بحنان: وجد الجد كمان
عشق برجاء طفولي: ونروح الملاهي بليييز
صخر بضحكة سرقت قلبها: نروح الملاهي احنا عندنا كام عشق يعني! يلا نامي بقا عشان نلحق اليوم بكره من اوله
___________________
في صباح اليوم التالي في قصر السيوفي .. الكل مجتمع على السفرة وبيفطروا في صمت قطعت الصمت ده سعدية اللي بلغت صخر ان علي مستنية برة
صخر بستغراب: وهو مدخلش ليه؟ استاذن من الكل: هروح اشوفه وراجع
صخر فعلا طلع لعلي وبحيرة قاله: مدخلتش ليه يابني
علي بهدوء: عادي ياصخر .. ها مش هتروح الشركة
صخر: بصراحة لا هاخد عشق ونخرج النهاردة انت عارف حالتها عامله ازاي وبـالمرة هتفك الجبس .. قولي بقى انت فيك ايه شكلك مش عاجبني انت كويس مالك ياعلي
علي بتنهيدة: انا كويس ياصخر عايزك بس تفاتح مريم اني عايزة اخطبها وشوف رائيها وقولي
صخر: جبت اخرك صح
علي بـ أبتسامة: بالظبط .. امشي انا بقا .. سلام
علي مشي وصخر رجع يفطر بص لـ مريم وبعدين لـ كريمة وبهدوء قال: علي طالب ايد مريم
مريم بصدمة: ايييه
صخر: مالك انصدمتي اووي كده ليه؟ انا لا يمكن اغصبك على حاجة لو موافقة يبقى ع البركة ولو لا يبقى مفيش نصيب ولا ايه رايك ياامي
كريمة بهدوء: كلامك صح ياصخر وكملت لمريم بحنان: مفيش حد هيجبرك على حاجة ياحبيبتي شوفي انتي عايزة ايه وانا معاكي
عشق بصتلها بحسرة ووجع وبصت للارض والكام طوبة اللي اتهدوا بينها وبين كريمة اتبنى غيرهم 100طوبة
صخر حس بيها مسك ايديها وضغط عليها وكأنه .. بيوسيها!!
_____________
عند ناصر عمران قاعد سرحان في جواه احساس ان مشتاق لـ عشق احساس مضايقه وكارهه .. ازاي يشتاق لـ بنت مش بنته ازاي!! اومال لو مكنش اتاكد بنفسه انها مش بنته؟!!
فلاش بااك
ناصر بكره وهو بيبص على الطفلة عشق اللي ميته من العياط .. الطفله اللي يادوب عمرها ايام: سكتيها بقى يا نريمان صدعت من زنهاا
نريمان: اعمل ايه يعني ياناصر البنت هتموت من الجوع
ناصر بحقد: تموت ولا تروح في ستين داهية
نريمان بمكر خفي: حرام عليك دي مهما كان بنتك من لحمك ودمك وملهاش ذنب في اللي عملته امها
ناصر بجنون: بنتي! وانا ايه يـأكدلي انها بنتي؟!! الله اعلم امها ال***** بنت ال**** جابتها من مين
نريمان: فأيدك تعرف هي بنتك ولا لا
ناصر بلهفه: ازاي
نريمان: تعملها تحليل DNA ووقتها هتعرف هي بنتك ولا لا
ناصر فعلا راح وعمل التحليل .. ومن جواه كان عنده امل ان عشق تكون بنته بس الامل دا ادمر لما نتيجة التحليل ظهرت واكدت بـ نسبة 100% ان عشق مش بنته
بااااااك
ناصر لنفسه: فوق ياناصر فووق عشق مش بنتك اوعى تضعف لازم تنتقم منها ومن اللي عامله جوزها فيك ومن اللي امهما عملته فيك زمان
______________
صخر اخد عشق وخرجها وفعلا وداها الملاهي عشق كانت زي الطفلة الصغيرة وفرحتها مش سايعاها
عشق بفرح وهي راكبة المرجيحة : صخر تعالى اركب معايا انت واقف كده ليه
صخر بـ أبتسامة وهو بيصورها: لا انا مستريح كده
شدته من ايده: وحياتي ياصخر وحياتي تعال اتمرجح وبطل تصور فيا
سمع كلامها فعلا وبقي يلعب معاها
الوقت عدى مابين لعب وجري بين عشق وصخر وفي اخر اليوم
عشق بجوع: صخر
صخر بضحك من شكلها: نعم
عشق: انا هموت من الجوع
صخر: ايوه عايزة ايه يعني؟
عشق بغيظ: يالهوي على الذكاء اللي بيوقع منك!! اكيد عايزة اكل يعني
صخر بتنهيدة: طب تعالي نروح مطعم ناكل ولا نروح احسن
عشق بتفكير: لا نروح احسن واقولك كمان انا اللي هعمل الاكل
صخر بدرامة: ليه يابنتي هتعملي كده انتي عايزة تموتيني بدري ليه
عشق بغيظ ضربته في صدره: علفكره انا بعمل اكل من حلاوته هتاكل صوابعك وراه
صخر وهو قاصد يضايقها: اما نشوف
_____________
بمرور الوقت كانوا وصلوا القصر والكل كان نايم وفعلا عشق دخلت تعمل الاكل وطلبت من صخر يستناها في الجنينة
عشق وهي بتشم ريحه الاكل: الله الله شيف يابت ياعشق دا صخر هيتهبل من حلاوة الاكل
اخدت الاكل وطلعت عند صخر
صخر ببتسامة: ايه دا لحقتي تخلصي؟! دا انتي بقالك يجي 10دقايق بس
عشق: نحن نختلف عن الاخرين
كشفت الاكل وكانت الصدمة
صخر بصدمة: ايييه دا..