الفصل الثالث عشر 13 والرابع عشر 14
بقلم الشيماء محمد
علي فكره ادهم ذكرياته دي من عشر سنين مش خمسه ارجعو لاول حلقه
هو مسافر من خمس سنين لكن قبل ما يسافر فضل في مصر خمس سنين وهنفهم اكتر مع الحلقات بس كل الذكريات دي من عشر سنين
ليلي اخدوها اهلها علي المستشفي ولما الدكتوره كشفت عليها
الدكتوره: بنت حضرتك عندها انهيار عصبي
جدها وابوها: ايه؟؟طيب ليه؟؟؟
الدكتوره: حد فيكم زعلها
جدها: لا يا بنتي ابدا ليلي دي دلوعه البيت كله
الاب” انت اكتر واحد هيا بتتكلم معاك..اكيد لمحتلك بحاجه
الجد: لا يا ابني بقالها فتره كبيره مش بتتكلم معايا..تقريبا من….
الاب: تقريبا ايه يا بابا؟
الجد: من ساعه ما سألتني عن الحب وانا قلتلها مش وقته…يمكن تكون حبت ولما انا قفلت الكلام خبت عني؟؟؟
الاب: يعني هيا بتحب؟؟؟
الجد: مش عارف اسأل اسماء صاحبتها كل اسرارهم مع بعض
فعلا راح الاب واتصل بيبت اسماء وطلب يكلمها
الاب: ازيك يا اسماء عامله ايه؟
اسماء: انا كويسه يا عمو خير في حاجه؟
الاب: انتي اللي قوليلي في ايه؟
اسماء: مش فاهمه قصدك ايه يا عمو؟
الاب: قصدي ليلي مالها يا اسماء؟
اسماء”: مالهاش يا عمو انتي ليه بتسأل كل الاسئله دي؟
الاب: علشان احنا في المستشفي بليلي وعندها انهيار عصبي
ممكن تقوليلي ايه اللي وصل بنتي للانهيار العصبي
اسماء:ايه انهيار عصبي؟؟؟ اااانا مش عارفه يا عمي ..طيب حصل امتي ؟
الاب: اسماء انتي اكتر واحده عارفه بنتي فارجوكي قوليلي …مين اللي ليلي بتحبه ووصلها للحاله دي..وما تكدبيش علشان العشره اللي بينكم والعيش والملح ما تكدبيش
اسماء: عمو انا كل اللي اعرفه انها كانت بتحب ظابط من المتدربين الجداد وانه سافر وبس
الاب: يعني لمجرد انه سافر هيا انهارت؟
اسماء: مش عارفه يا عمي ده كل اللي اعرفه
قفل المكالمه وراح للجد وحكاله كل اللي حصل
الاب: ممكن تكون غلطت معاه ولما سافر هيا انهارت؟
الجد: لا طبعا انا حفيدتي ما تعملش كده ابدا
الاب: امال ايه اللي وصلها للانهيار .؟؟؟انا لازم اتأكد
الجد: استني هتعمل ايه؟بطل جنون
الاب: هطمن علي بنتي
راح للدكتوره وسألها
الاب: بعد اذنك يا دكتوره انا كنت عايزه اطلب من حضرتك طلب..بس عايز الموضوع سر بيننا
الدكتوره: اتفضل طبعا
الاب: عايز اتأكد اذا كانت بنتي لسه بنت ولا لأ؟
الدكتوره: انت عايزني اشوف عذريه بنتك ومن غير ما هيا تعرف؟
الاب: ايوه..لو سمحتي
الدكتوره: بس بنتك لو عرفت ده هيأثر زياده علي حالتها
الاب: انا بثق في بنتي جدا بس مش لاقي اي سبب يوصلها للانهيار
وافقت الدكتوره وفعلا كشفت علي ليلي وطمنتهم انها مازلت محتفظه بعذريتها
فضلت ليلي في المستشفي فتره طويله واخيرا بدأت تتكلم وشويه
شويه جدها بدأ يخرجها من حالتها وقالها انها لازم تكون قويه وانها لسه في اول الطريق والحياه قدامها طويله وما ينفعش تنهار قدام
كل مشكله
وفي يوم قررت ليلي انها لازم تركز في مذاكرتها وبس لانها لازم تنجح وتوصل لحلمها فوقفت قدام المرايه ومسكت السلسله اللي
في رقبتها وبدأت تعاهد نفسها
في نفس اللحظه دي ادهم قرر انه لازم ينجح في شغله ولازم يوصل لحلمه علشان لما يرجع لحبيبته يكون رافع راسه فوقف
قدام المرايه ومسك سلسلتها وعاهد نفسه
ليلي: اوعدك اني عمري ما هضعف تاني ابدا وهقف قدام كل حاجه تقابلني
ادهم:اوعدك اني عمري ما هضعف تاني ابدا وهقف قدام كل حاجه تقابلني
ليلي: واوعدك اني هفضل اكرهك لاخر يوم في عمري وكل ما احن او اضعف همسك السلسله وافتكر كل حاجه بيننا واكرهك اكتر وعمري ما هقلعها ابدا لان الكره بيدي قوه غريبه ..هكرهك لاخر لحظه في عمري…بكرهك
ادهم:واوعدك اني هفضل احبك لاخر يوم في عمري وكل ما اقسي او اضعف همسك السلسله وافتكر كل حاجه بيننا واحبك اكتر وعمري ما هقلعها ابدا لان الحب بيدي قوه غريبه ..هحبك لاخر لحظه في عمري…بحبك
ده كان عهد كل واحد لنفسه ..فضلت الايام تعدي وليلي نجحت
ودخلت فعلا كليه طب..ادهم كان مستني النتيجه علي نار كان لازم
يطمن عليها ..في يوم النتيجه ماخرجش من البيت او راح شغله
فضل قاعد جنب النت مستنيهم ينزلوا النتيجه كان مستني علي نار
واخيرا اطمن علي حبيبته وعرف انها هتقبل طب القاهره
وكان الكل مستغرب هو ليه فرحان قوي كده….
كل يوم بيعدي قدام القصر العيني بيبقي نفسه يقف ولو لحظه يمكن
يلمحها او يشوفها بس بيفتكر عهده لابوه ويمشي….
ادهم كان ديما واقف جنب اصحابه في افراحهم ومشاكلهم بس
الكل حاسس انه جواه مكسور واكتر واحد حاسس بيه كان ابوه
لدرجه انه ساعات بيفكر يروح يقوله روحلها..بس يرجع في كلامه
ويقول يمكن يكون نسيها وانتهي الموضوع …
عدي اربع سنين علي فراق ادهم وليلي …الفتره دي كان احمد
عايش في قصه حب مع دكتوره كانت عالجته لما اتصاب في اخر
مهمه بس كان ديما بينهم مشاكل
في يوم احمد راح شغله وكان متضايق جدا
ادهم: يافتاح يا عليم مالك يا ابني علي الصبح؟
احمد: عبير هو غيرها
ادهم:مالها …يا ابني احمد ربنا ان واحده زيها رضيت تبصلك اصلا
احمد: ما انا حامد ربنا بس المشكله فيها هيا..هيا اللي عايزه تبعد
ادهم: تبعد ليه؟؟مش بتحبوا بعض؟
احمد: ايوه بس يا سيدي هيا قال ايه مش قادره تثق فيا
ادهم: وانت عملت ايه خلاها تفقد ثقتها فيك؟
احمد: ولا اي شيئ ..بتقول انه احساس جواها..اعمل ايه يا ادهم
لو بعدت عني هموت
ادهم: عارف يا احمد….انا هحاول اكلمها ما تقلقش
احمد: بجد هتكلمها؟؟
ادهم: بجد وانا من امتي بتأخر عليك؟؟؟؟ وبعدين انا ما يرضينيش اي اتنين بيحبوا بعض يبعدوا عن بعض
احمد: انا اسف يا ادهم
ادهم: اسف علي ايه؟
احمد: ……….
ادهم: ايه مالك؟؟
احمد: اسف انك بعيد عنها
ادهم: وانت دخلك ايه يعني؟؟؟؟وبعدين علشان عارف احساس الحرمان من حبيبتك صعب قد ايه فمرضاهوش لحد وخصوصا انت…
احمد كل يوم بيندم علي اللي عمله معاه..هو هدم حياته وادهم ديما بيبني معاه
ادهم فعلا راح لعبير الشغل
ادهم: دكتوره عبير ازيك
عبير: ادهم ازيك ..عاش من شافك
ادهم: شغل بقي…عندك وقت نشرب قهوه مع بعض
عبير : عندي تعالا نروح كافتيريا المستشفي
راحوا وقعدوا وطلبوا قهوه وفضلوا يتكلموا شويه
ادهم: المهم انتي ليه عايز
دهم: المهم انتي ليه عايزه تبعدي عن احمد؟؟
عبير: انا مستنيه السؤال ده من ساعه ما شوفتك
ادهم: واجابته؟
عبير: جوايا احساس غامض انه ممكن يخون,,,,يخون اقرب الناس ليه..مش عارفه الاحساس ده جاي منين؟
ادهم: هسألك سؤال وجاوبي من غير ما تفكري
عبير: اسأل
ادهم: بتحبيه؟
عبير: ايوه بحبه
ادهم: عايزه ايه تاني؟
عبير: عايزه اثق فيه
ادهم: عمره قصر معاكي قبل كده او عمل موقف ضايقك او عمل اي شيئ خلاه صغر في نظرك
عبير: لأ عمره
ادهم: يبقي ايه تاني…انا اعرف احمد تقريبا كده من 19 سنه من واحنا عيال وبثق فيه بعمري ..وبقولك اهوه احمد انسان اهل للثقه
واضمنه بحياتي
عبير: يعني انا لو ايه اختك توافق عليه؟
ادهم: من غير ما افكر بس هو بيعتبر ايه صغيره والا كنت جوزتهاله غصب عنه
ضحكوا الاتنين
عبير: ممكن اطلب منك طلب؟
ادهم: طبعا …
عبير: انا ابويا ميت وماليش اخوات وعايشه انا وامي لوحدينا ممكن اعتبرك انت اخ ليا وتقف جنببي في كل حاجه..وتنسي ان احمد صاحبك وتعتبرني انا زي ايه
ادهم: ده شرف ليا يا عبير .
عبير: لحظه يا ادهم
مسكت عبير التليفون واتكلمت
عبير: ايوه يا احمد …لو لسه عايزني قابل ادهم وحدد معاه معاد
يناسبه وتعال البيت وهتطلبني منه..سلام
قفلت السكه وادهم ضحك
ادهم: علي فكره انتي مجنونه
عبير: عارفه ..احمد هيحدد معاك معاد شوف الوقت اللي يناسبك وعرفني وانا هقول لماما
ادهم: النهارده علي الساعه 7 ينفع؟
عبير: ينفع قوي ..انا عمري ما هنسالك الجميل ده يا ادهم
ادهم: ده مش جميل مفيش جمايل بين الاخوات
ادهم ساعدهم لحد ما عملوا الخطوبه وفعلا كان بيعتبر عبير زي اخته وفي مره
عبير: ادهم ما تيجي عندي المستشفي النهارده
ادهم: ليه في حاجه؟
عبير: ايوه عايزاك ضروري يناسبك امتي؟
ادهم: ينفع الساعه 2 هعدي عليك
عبير: ماشي ينفع قوي
راح ادهم لعبير وهو متخيل انها كالعاده متخانقه مع احمد وعايزاه يصالحهم..بس اتفاجئ ادهم انها بتعرفه علي واحده صاحبتها
اتضايق ادهم من عبير وانسحب بسرعه..عبير جريت وراه
عبير: ادهم ..ادهم استني بس
ادهم: افندم
عبير: مالك في ايه؟
ادهم: مين قالك اني عايز اتعرف علي بنات ؟؟؟
عبير: انا اسفه انا متخيلتش ان الموضوع هيضايقك قوي كده…بس انت انسان رائع وانا كنت عايزه..
ادهم: عايزه ايه ؟مش يمكن اكون مرتبط؟
عبير: وهيا فين؟؟؟؟عمري ما شفتك بتتكلم مع واحده او عمرك ما اتكلمت عن واحده..لو بتحب فين هيا حبيبتك؟
ادهم: حبيبتي؟؟؟؟موجوده بس لسه مجاش الوقت اللي اعرفكم عليها ..اسألي احمد عليها وهو يقولك..بعد اذنك
عبير: انا اسفه لو ضايقتك..اتمني انك تتجمع معاها بسرعه
ادهم ابتسم وسابها ومشي وهو قلبه خلاص هينفجر من الحنين
ولقي نفسه سايق عربيته وواقف قدام القصر العيني مستني ومش عارف مستني ليه..كل اللي عارفه انه عايز يلمحها ولو من بعيد
وفضل واقف مستني ومستني ومستني وقف تقريبا 3 ساعات
واخيرا لمحها خرجت مع اصحابها…جميله مليانه حيويه …عايز
ينزل من عربيته ويروح يضمها ..يشوف عنيها من قريب …
عايز….عايز كتير قوي بس مش هينفع….وفجأه بصت ناحيته
ونكمل ولا اي علشان نشوف
ايه اللي هيحصل؟
ادهم هينقض عهده مع ابوه؟
ليلي هتعمل ايه؟
احمد احساسه بالذنب هيعمل فيه ايه؟..تبع 🌺
رواية مر العمر الحلقة الرابعة عشر
ادهم كان قاعد في عربيته ومستني يلمح ليلي من بعيد ..عربيه ادهم كانت كلها متفيمه (يعني اللي بره ما يشوفش اللي جوي العربيه) واخيرا لمحها خارجه وهيا بصت ناحيته وراحت في
اتجاهه ووقفت قريبه جدا من عربيته وعماله تبص حواليها
اسماء: ايه يا بنتي في ايه؟ بتدوري علي مين؟
ليلي: مش بدور علي حد,,,احساس غريب جوايا
اسماء: احساس ايه؟
ليلي: قلبي بيدق بطريقه غريبه
اسماء: يالا بينا انا هموت من الجوع يادوب نلحق الاكل
ليلي: همك علي بطنك كده يالا
مشيت ليلي وكل شويه تبص وراها زي ماتكون حاسه بيه
واختفت تاني عن انظاره….هانت يا ادهم خلاص صبرت اربع سنين و3 شهور هانت خلاص..هانت يا ليلي وهرجعلك تاني
ومفيش قوه علي الارض هتفرقنا تاني…هانت يا اغلي من قلبي
________
عند ليلي
________
اسماء: قوليلي يا ليلي…هو انتي خلاص نسيتي ادهم
ليلي: ادهم؟؟؟وانتي ايه فكرك بيه دلوقتي.؟
اسماء: النهارده لما كنا قدام باب الكليه .انا افتكرت انك شوفتيه
ليلي: لا ما شفتهوش…
اسماء: لسه بتحبيه؟؟؟
ليلي: بحبه بس علي قد ما بحبه علي قد ما بكرهه…جواي كره غريب قوي ليه…بس مديوناله بحاجات كتير
اسماء: مديوناله بايه؟بانك مش عارفه تتصاحبي علي اي حد؟او ترفضي اي ولد يقرب من غير حتي ما تتكلمي معاه
ليلي: مديوناله انه كل ما بضعف كرهي ليه بيقويني تاني..اما الحب فمش وقته وده برضه بفضله الحب في الوقت الغلط بيوجع وانا معنديش استعداد ولا احب ولا اتحب
________
عدت باقي السنه ببطء شديد واليوم بيعدي بسنه علي ادهم
احمد: ادهم ادهم ادهم
احمد كان داخل بيت ادهم وبينادي بصوته كله علي ادهم فكل البيت خرج
وفاء: ايه يا مجنون انت كسبت اليانصيب؟
امجد: لا وانتي الصادقه تلاقيه عامل عمله وعايز ادهم يلحقه منها زي عوايده..
عبد العزيز: ايه الدوشه دي؟في ايه؟وانت يا ولد بتزعق كده ليه؟
احمد: انا اسف ليكم جميعا بس عندي خبر حلو
ادهم اخيرا خرج
ادهم: قول اخبارك
احمد: هتجوز انا وعبير الشهر الجاي
ادهم: اخيرا هتتنيلوا ونخلص منكم..حددتوا يوم ولا
احمد: اه عبير عايزاه يوم 21\3 يوم عيد الام
ادهم اتفاجئ بالتاريخ ده .لان ده اهم تاريخ في حياته…تاريخ فراقه عن ليلي وتاريخ رجوعه ليها برضه
احمد: ايه مالكم مفيش مبروك؟
الكل: مبروك وربنا يتملك علي خير
ادهم: مبروك يا احمد
عدي الشهر بسرعه وادهم بيحاول ما يفكرش ومغرق نفسه في تجهيزات شقه احمد وبيساعد عبير برضه وواقف معاهم ….
قبل الفرح بيوم
ادهم مستني النهار يطلع لان اول حاجه هيعملها هيروح لليلي
وبيفكر يعزمها تحضر معاه فرح احمد
عبدالعزيز دخل علي ادهم لاقاه بيجهز البدله اللي هيحضر بيها الفرح
عبدالعزيز: عقبال كده ما تجهز بدله فرحك انت…
ادهم: ربنا يسهل
عبدالعزيز: مالك مش علي بعضك
ادهم: ماليش ..ما تشغلش نفسك انت
عبدالعزيز: الصبح كنت عايزك معايا في مشوار ممكن
ادهم: لا الصبح مش فاضي
عبدالعزيز: وراك ايه؟ ..انتو جهزتو كل حاجه للفرح؟؟..في حاجه ناقصه لسه
ادهم: لا ده مشوار خاص بيا انا
عبدالعزيز: مشوار ايه؟
ادهم: بكره هكون في حل من عهدي ليك…بكره الخمس سنين هيكونوا خلصوا
عبد العزيز: ايه؟؟؟خمس سنين ايه؟وعهد ايه؟
ادهم: هاه…نسيت؟؟؟؟وانت هتفتكر ليه…دول يدوب خمس سنين ضيعتهم من حياه ابنك
عبدالعزيز: انت بتتكلم عن ايه؟
ادهم: عن ليلي …نسيتها؟؟؟نسيت العهد اللي خليتني اعاهدك بيه؟ نسيت الخمس سنين اللي طلبت مني ابعدهم عنها؟؟
انا حافظت علي عهدي ليك وماكلمتهاش ولا مره ولا حتي عرفت اسيبلها رساله…وبكره هروحلها الصبح
عبدالعزيز: انت عايز تفهمني انك لسه فاكر البنت دي؟؟؟ده فات خمس سنين ..وانت في شغلك وحياتك
ادهم: لسه فاكرها؟؟؟؟؟ انا ليلي مش بتغيب عن بالي لحظه..انا منسيتهاش ولو ثانيه(مسك السلسه بايده) طول الوقت كانت في
قلبي وما بعدتش لحظه
عبدالعزيز: انا قلت انك خفيت من جنونك ده؟؟؟لكن الظاهر انك لسه مجنون
ادهم: انا سبق وقلتلك اني حبيتها بجد وانت مصدقتنيش …ده مش جنون ده حب
عبدالعزيز: علشان كده كنت بترفض كل البنات اللي امك بتحاول تعرفك عليهم وعماله تدورلك علي عروسه
ادهم: انا ما طلبتش منها تدورلي علي حد …وانت عارف اني بحب ليلي يبقي ازاي عايزني ابص لغيرها..بعد اذنك انا عايز انام
عبد العزيز: تنام؟؟؟ انا تقريبا عمري ما شفتك نايم
ادهم: بكره هنام …عايز ارتاح طالما انام مضايقاك
عبدالعزيز خرج من اوضته وهو هيتجنن هو عمره ما تخيل انه لسه فاكر البنت دي…فضل يفتكر الخمس سنين اللي فاتوا يفتكر ابنه …عمره ما شافه بيضحك من قلبه…عمره ما شافه نايم في اوضته ديما بينام لو نام في اي مكان …عمره ما شافه بيتكلم مع اخواته او امه زي الاول…عمره ما شافه بيعمل اي شيئ للتسليه..كان متخيل انه كبر وبقي جد لكن
عمره ما تخيل ابدا انه كان عايش علي العهد وحارم نفسه من الحياه…معقوله هو عمل في ابنه كده؟..بس كان في ايده ايه البنت كانت صغيره قوي….
اخيرا طلع النهار وادهم راح لليلي ودخل كليتها وعمال يحلم باللحظه اللي هيضمها تاني لصدره …عنيه بتدور عليها في كل
مكان..عامل زي المجنون عايز يشوفها…
ليلي خرجت من المحاضره وفجأه لمحته من بعيد بيدور علي حد دخلت بسرعه جوه المدرج تاني واستخبت
شافها اتنين من اصحابها عمر وايناس كانوا مخطوبين لبعض
عمر: ايه يا ليلي مالك مستخبيه كده ليه ؟في ايه؟
ايناس: في حاجه يا ليلي؟؟مالك وشك مخطوف كده ليه
ليلي: ايناس انا ممكن اطلب منك طلب غريب؟
ايناس: طبعا يا حبيبتي اطلبي
ليلي: تسلفيني خطيبك عشر دقايق
عمر وايناس: افندم؟؟؟
ليلي: في واحد بره بيضايقني من فتره وانا مش عارفه اخلص منه
فلو قلتله اني مخطوبه مش هيجي تاني
عمر: لو بيضايقك انا ممكن..
ليلي: لا مش بيضايقني هو حد محترم ولو قلتله اني مخطوبه مش هيجي تاني ..هو مش من النوع اللي بيفرض نفسه
ايناس: يعني انت عايزه عمر يقول قدامه انه خطيبك؟
ليلي: لو متضايقه بلاش
ايناس: لا طبعا ..احنا لبعض وخدي دي كمان علشان يصدق
ليلي: لا دي دبلتك مقدرش البسها
ايناس: مؤقتا وهترجعيها..لو شاف الدبله هيصدق اكتر
خرجت ليلي وهيا ماشيه جنب عمر واخيرا ادهم لمحها ..طار عليها
ادهم: ليلي…ازيك
ليلي: ادهم ازيك عامل ايه؟؟
ادهم: انا كويس وانتي؟
ليلي: انا كويسه…
ادهم: بقيتي دكتوره اهوه
ليلي: نص دكتوره لسه
ادهم: حطيتي رجلك علي الطريق الباقي سهل
هنا اتدخل عمر في الكلام اللي ادهم اصلا ما كانش شايفه
عمر: ليلي هنتأخر علي المحاضره
ادهم: مهمه قوي محاضرتك دي؟
ليلي: كل محاضراتي مهمه
عمر: لولي يالا
ادهم: لولي؟؟؟؟
عمر: سوري مش عرفتك علي نفسي
ليلي: سوري انا مش عرفتكم علي بعض….عمر ده ملازم ادهم كان صديق قديم قوي
ادهم: رائد دلوقتي بقيت رائد
ليلي: بجد؟سوري رائد ادهم….ادهم ده عمر زميلي في الكليه(واترددت تكمل)
فكمل عمر: وخطيبها..زميلها وخطيبها
ونكمل ولا اي علشان
نشوف ادهم هيعمل ايه؟
ليلي هتعمل ايه؟؟
الحب انتهي كده....