رواية نتيجة اغتصاب
الفصل التاسع والثلاثون 39
بقلم مجهول
قال : بتذكرك شنو ؟
قلت : بترجعني لي 3 سنوات لما انا راجعة من الشغل في زمن متأخر... ولقيتك واقف نزلت قزاز العربية وقلت لي : اركبي اوصلك ي أخت ...
طبعا خنقتني العبرة م قدرت اتكلم وهو كان واقف مدنقر .. خليتوا وركبت العربية حصلني وهو وشوا م بتفسر. ..
قال : هند انا والله لو اعتزار ليك العمر كلوا م بخفف عنك وانا والله ندمان للحظة دي للآن ..
وسكت ودمعتوا جرت ... قلت : ولا يهمك ي أبو أماني انا مسامحاك ورياضية عنك كتر خيرك م قصرت .. قيمتني انا واهلي وبتك وخليتني كبيرة في عيون الناس ... مرتاحة معاك بلبس احسن لبس وباكل احسن اكل حتى الذهب لبستني ليهو لمن مسخ لي .. طوالي ضماني عليهو وانا مسكت فيه شديد لأني بالجد بحبوا ومسامحاه من أعماق قلبي 😔 لانوا غير حياتي ...
وسارحين مع بعض تلفوني رن لقيت دي رماح متصلة رديت ومن فتحت الخط. ..
قالت : هند ي مجنونة انت وين انا من قبيل منتظراك؟
قلت : نون بكت مش.
قالت : نون نامت بس نسيتي انك وعدتيني بشنو ؟ قلت : أي اتذكرت خلاص يجي هسي وبعملها ليكي .. طوالي إسماعيل شال التلفون. .. وفتح الاسبيكر
وقال : من يوم الليلة هند دي ما تتعبيها معاك ..
قالت : ليه المشكلة وين؟
قال : مرت أخوك حاامل ي رماح ..
ورماح طوالي صرخت ... وواي امي سمعتي الخبر ... قال هند حامل .. وفصل الخط ومشينا البيت وانا مبسوطة عن حجم الفرحة الهم فرحننها عشاني .. وصلنا البيت ومن جينا داخلين البيت لقينا رباب جات ومعاها امها واخواتها ومن شافت اسماعيل وقفت ع حيلها عايزة تسلم ليه بالحضن .. اسماعيل طوالي اختصراها ومد يدوا بس .. لمن وشها اتغير .. انا طبعا اتكيفت شديد وسلمت ليها بطرف يدي 😒 ودخلت ... وكده حاجة اسمها رباب اتلاشت بالنسبة لي .. مر اسبوع وعملنا مناسبة رماح وكانت احلى من العسل ... وحلوة شديد. ..
🔸 مرت 8 شهور. ..بدايتها كنت بصرخ وانا ع وش ولادة ... وإسماعيل وواقف ع حيلوا ويتصل ع امي .. وأنا بصرخ ونون كمان بتصرخ .. وإسماعيل م عارف يعمل شنو 😨
لقراءة جميع فصول الرواية من هنا