رواية نور الصعيد
الفصل الاول 1 والثاني 2
بقلم رقيه طارق
في الصباح تسلل اشاعه الشمس الي وجه تلك الفتاه الجميله النائمه بطريقه بهلوانيه فهي تنام نصفها علي الفراش والنصف الثاني علي ارضيه الغرفه محتضنه وسادتها الناعمه وشعرها مبعثر فهيا تصبح كالطفله الصغيره عند نومها لتفتح عينها بسعاده وتشق وجناتها هاتين الغامزتين لتزيدها فتنه لتنهض هذه الفاتنه سريعا لكي ترتب فراشها وتفعل روتينها اليومي ومن ثم تذهت لتوقظ جدها العزيز طرقت نور طرقات خفيفه علي باب غرفه جدها تسمعه يأذن لها بالدخول
نور بمشاكسه أجدها:صباح الخير ياجمر انت كيفك
الجد بأبتسامه بشوشه:صباح الخير ياجلبي انا بخير يابتي نحمده
نور بأبتسامه جميله:يلا بجا عشان ناكل واديك دواك ياجمر
الجد بضحك:لما انا جمر انتي ايه جشطه
فها هوا الجد الذي يصبح كطفل مع نوره كما يلقبها لتضحك نورضحكتها المعتادة التي تسحر الكل بلا استثناء وتتفتح هذه الازهار الموجوده على وجنتيها
نور بضحك:لا بقولك اي انتا عتخدني في دوكه عاد ولا اي يلا بينا أكده عشان دواك ياحج
_______________________________________"""""
في مكان آخر بالقاهرة في فيلا منصور الشافعي
يستيقظ البطل بنظراته البارده وملامحه الوسيمه ويستعد لعمله فيرتدي بدلته السوداء والقميص الابيض ويصفف شعره الاسود ويكمل أناقته برشه من عطره الخاص ليصبح فعلا يزن الشافعي الساحر للنساء لينزل الي أسفل ليري والدته ليقبل رأسها ويقول:صباح الخير ياامي صباح الخير يابابا
منصور بحنان:صباح الخير يابني
خديجه بحنان:صباح الخير ياحبيبي
يزن بعد ان انهي فطاره سريعا:بابا انا خروع الفرع الرئيسي للشركه حضرتك لازم تيجي النهارده ضروري عل ١٢ عندنا اجتماع مهم ياريت متتاخرش ها متتأخرش
منصور بضحك:حاضر ياحبيبي ١٢بظبط هكون عندك
يزن:وهو يقبل رأس كل منهما: يلا سلام
منصور:سلام يا حبيبي
خديجه بحب:سلام يبني ربنا يوفقك
________________________________________________
.في قصر الشافعي.
نتجمع العائله علي الفطار بعد أن تبادلوا التحيات الصباحيه يجلس الجد ومحمد ونور وسعاد ومالك وفيروز لينهي الحاج الشافعي طعامه ويقول
الجد بهدوء:الحمد لله اللهم ديمها نعمه واحفظها من الزوال محمد لما تخلص فطارك تعالي المكتب عايزك ياولدي
محمد بسرعه وهوا ينهض بسرعه:انا خلصت يابا وجايلك طوالي
####في المكتب
الحاج الشافعي بتعب وحزن:اسمع ياولدي وافهم اللي عايز أقولو لك وانت خابر زين أن اخوك من يوم سبنا علشان بنت البندر وانا مقاطعه وغضبان عليه دا بقاله اكتر من ٣٠ سنه وهو بعيد عنينا وعن بلده وانت خابر. قد ايه حاول يرجع كل حاجه زي الاول وانا اللي كنت برفض بس انا تعبت ياولدي وحاسس اني في اخر ايامي
محمد بحزن علي والده وشقيقه:الف بعد الشر عليك يابوي انشالله عدوينك ربنا يخليك لينا يابوي ويطولنا في عمرك
الحاج الشافعي بتعب ظاهر علي وجهه:متقطعنيش ياولدي واسمعني للآخر وعدين محدش هيخلل فيها وكل واحد له عمر وبعديها هيروح للخلقه انا عايزك تكلم اخوك يامحمد وتقوله اللي هقلهولك
محمد يتسائل:اجوله ايه يابوي
الشافعي بجديه:اسمع ياولدي......................
محمد بصدمه:وه يابوي اللي عاتجوله دا معجول أكده عاد
الجد بثقه وهدوء:معقول ياولدي معقول انا هفهمك كل حاجه وانا متأكد اني أكده هجمع ولي ونلم شملنا
محمد: بس نور عمرها ما هترضي بكده
#الفصل_٢
رواية نور الصعيد الفصل الثاني 2 بقلم رقية طارق
تتحرك السيارات متجهه الي قنا لينظر منصور الي خارج النافذه بشرود ويسترجع الأحداث التي مرت من اتصال اخيه حتي الآن
🎥🎞️🎬flash back🎥🎞️🎬
محمد بشوق لأخيه:الو السلام عليكم كيفك ياخوي اخبارك اي ياولد ابوي واخبار الجماعه عندك ايه
منصور بشوق وصدمه لكلام اخيه بعدما كان فقد الامل في إصلاح الأمور :محمد كيفك ياخوي انا ابخير ياولد ايو اتوحشتك جوي جوي ياخوي واتوحشت البيت وابوى والبيت وكلياتكم كيفكم يا اخوي
كان الاخوه يتحدثون والدموع تهبط من عيناهما مثل المطر فما اصعب فراق الاخوه
محمد بسعاده:انا بخير ياخوي عايز اقولك حاجه علي لسان ابوك يامنصور وياريت تسمعني زين
منصور بلهفه:جول ياخوي
محمد بجديه:ابوك بيقول انو مستعد يسامحك بس بشرط
منصور بسعاده:بجد ياخوي بجد يعني ابوي اخيرا هيرضي عني وبعدين ايه هوا الشرط يامحمد
محمد بهدوء:الشرط أننا نجوز بتي نور لولدك يزن
منصور بسعاده عارمه:وانا مشمهما دورت مش هلاقي يا ولد ابوي احسن من نور تبقا مرت ولدي
محمد بجديه:اسمع ياخوي انا محلتيش غير نور وهيا نور البيت أهنه انا عارف ان ابوي هيعمل عل دا عام يربطنا تاني ببعض بس نور عائقا امانه في رقبتك ياخوي سامعني ياولد ابوي انا محلتيش غيرها
منصور بحنان:انتا بتوصيني علي نور ياخوي دي هتبقى بنتي
محمد بسعاده:ماشي ياخوي انتوا هاتاجوا فرح مالك ابن اختك سعاد وتقعدوا هنا للفرح والفرح هيكون السبوع الجاي ونكتب كتاب العيال ونعملهم الفرح مع بعضهم
منصور بسعاده:ماشي ياخوي سلملي علي كل اللي عنديك وجول لأبوي اني اتوحشته جوي
محمد بحب:وهوا كومان اتوحشتك جوي ياخوي يلا اسيبك دلوقت واكلمك بعدين
منصور بسعاده:سلام ياخوي
....................................................................................
في مشهد آخر أخبار منصور ليزن وخديجه بعد أن أنهوا الاجتماع وذهبوا الي الفيلا في المساء ............
منصور بجدية:انا عاوز اقولكم حاجه
لينتبه كل من خديجه ويزن ل كلام منصور بأهتمام ليقص عليهم كل ماحدث من مكالمه اخيه
يزن بغضب وصوت عالي:يعني ايه الكلام دا يابابا هوا انا بنت علشان تجبروني ولاتحددولي اني اتجوز وحده معرفهاش وكمان صعيديه
ايه منصور يقف بغضب ويصرخ في يزن بصوت هادر:انت ازاي تزعق قدامي تزعق قدامي كدا ياولد هوا انت نسيت انك بتكلم ابوك ولا ايه وبعدين مالهم الصعايده ياولد منصور هوا نت ناسي انو انا صعيدي وانت كمان صعيدي ابآ عن جد والايه لا فوق بقا انت هتتجوز نور ورجلك فوق رقبتك والكلام اللي عندي قولته وهيتنفذ غصب عنك يايزن والا لاهتبقي ابني ولا اعرفك وهبقا غضبان عليك ليوم الدين
ليتركهم منصور ويذهب الي غرفته وهوا غاضب بشده
خديجه وهيا تحاول تهدأت ابنها:انت عارف ياحبيبي أن ابوك عمره ما يعمل حاجه يضرك فيها وبعدين دي في الاول وفي الاخر بنت عمك وانواع فرح مالك ابن عمك وانا عارفه انك متعرفش حد منهم بس جه الوقت انك تعرف فيه عيلتك ياحبيبي ونصلح العلاقه اللي بينا
ليصيح يزن بغضب:حتي انتي ياماما حتي انتي عايزاني اتجوز واحده جاهله من الصعيد معرفهاش ولا حتي شوفتها ومحدش بيفكر فيا هيبقي شكلي ازاي قدام الناس ولا الفضايح عايزين تخلوني كبش فداء تضحوا بيا عشان تحلوا مشاكلكم ومحدش فيكم فكر انا عايز كدا ولا لاء دي مبقتش عيشه انا سايبلكم البيت خالص وماشي(اهدي ي صلاح ليطقلك عرق وانت شبه القنبله الموقوته كد😂)
خديجه بحزن علي الحاله التي وصلوا ليها :علي فين كدا يايزن ياحبيبي اهدا كدا
يزن بغضب:رايح في ستين دا هيه ليأخذ يزن سيارته ويتجه الي بيت صديقه مازن
لتصعد خديجه الي منصور.......
خديجه بحزن وعتاب:ليه عملت كدا يا منصور ويزن ذنبه ايه
منصور بعقلانيه:ياخديجخ انا عارف انا بعمل ايه دا الحل الوحيد اللي ممكن يرجعنا عيله تاني زي الاول انتي ناسيه اني انا من زمان نفسي نلم شملنا تاني انا اختارتك من زمان وفضلتك عن عائلتي ومش ندمان علي دا ولو رجع بيا الزمن تاني ١٠٠مرا هختارك انتي وبس بس انا عايز نرجع زي الاول نرجع عيله من جديد وبعدين انا متأكد اموت ابنك هيحب نور بس انتي عارفه انزل مغرور وعصبي ومتهور بناتنا متربيين ومتعلمين مش جاهلين زي ماهوا فاهم بناتنا ١٠٠راجل كفايه أنها هتصونه في غيابه ووجوده وتكون ونعمه الام لعياله ومش هتتجوزه بس عشان هوا يزن الشاب الغني الوسيم صاحب الشركات بس انا عارف في الاخر هيشكرني علي اللي حصل دا سواء كنت عايش أو ميت
خديجه بتفهم وحب:وانا فهناك ياحبيبي وانا كمان نفسي نرجع زي الاول بس هنعمل ايه انت عارف ان دماغ ابنك ناشفه
منصور يأبتسامه خبيثه:انا هقولك هنعمل ايه اسمعي ياستي
احنا هنع.........................
عند يزن أثناء ذهابه الي منزل صديقه
يرن هاتفه ليظهر علي الشاشه اسم(امي) ليرد علي اتصالها بعد المره الثالثه فقد اصابه القلق الشديد ليصف السياره الي جانب الطريق ويتحدث
خديجه بحزن شديد صراخ مصتنع:يزن الحقول ابوك واقع واحنا رايحين المستشفي ................ دلوقتي تعالي بسرعه
ليذهب يزن مسرعاً الي والده فولده مصاب بالقلب ومهما غضب منه فإنه لا يزال ظهره وحمايته وسنده في الحياه
وصل المستشفى
يزن وهو يتنفس بصعوبه من أثر الجري :بابا ماله يادكتور
الدكتور بحزن مصطنع ويرسم علي وجهه الجديه:مخبيش عليك والدك اتعرض ازعل ونتيجه ضغط. شديد ادي أنه يتعب بس الحمد لله لحقناه في الوقت المناسب بس معرفش المره الجايه ايه اللي ممكن يحصل
عن ازنكم
ليخرج الطبيب وينظر يزن الي والده المتصل بالاجهزه بحزن: ليذهب ويقبل رأسه انا هعمل اللي انتا عاوزه يابابا وهتجوز بنت عمي بس ارجوك قوم
خديجه:ممكن يابني تجب عصير من الكافيه وتيجي
يزن:حاضر
بعدما خرج يزن قام منصور :شوفتي ياقلبي ختطنا ياقلبي نجحت ازاي وانتي اللي كنتي خايفه علي الفاضي
خديجه بضحك علي زوجها البارع في التمثيل خدع ابنه بسهوله بأتفاقه مع الطبيب أن يخبر يزن بهذا الحديث وبهذه الطريقه سيكون يزن مطرا أن ينفذ كل ما يريده والده:الحمد لله يارب الامور بقا تمشي زي ما احنا عايزين
منصور وهو يفكر في عائلته ودفئ بيته القديم وبصوت ضعيف:بإذن الله كل حاجه هتتصلح
..................................
علي الجانب الآخر في قنا تحديدا في القصر
بعد أن أخبرها جدها بأنها ستتزوج من ابن عمها في بدايه الامر لكن بعد تحدثت مع جدها مره اخري استطاع إقناعها وهيا في الحقيقة سمعت كثيرا عن انجازات عن يزن منصور الشافعي ابن عمها والذي ظنت في بدايه الامر أنه مجرد تشابه اسماء حتي أدركت الحقيقه كامله من جدها بعد أن أخبرها كل شي
نور بهدوء:امممممم ماشي ياجدي اما نشوف انت خابر كيف انا عنحبك انت وأبوي انتوا اغلي الناس علي جلبي ومقدرش اعصالكم امر بس انا عندي شرط
لينظر كل من الجد ومحمد الي نور الجد بأستفهام:شرط ايه دا يانور
نور بحكمه:انا مش عايزاه يعرف حاجه عني ولا حد يقولوا اني انا متعلمه تعليم عالي عايزاه يعرف الحاجات دي مني انا ويتجوزني عشان انا نور مش عشان انا بت عمه لاع ولا عشان يصلح المشاكل اللي بنا وبينهم ولا عشان واخده علام عالي فاهمني يابوي انتا وجدي عايزاه يتكلم وياي ويشوف تفكيري تفكير نور عايزاه هوا يكتشف مين نور ويحبها بس لو عدت سنه وهوا محبينيش ولا تقبلني في حياته احنا هنطلق من سكات لأن اهم حاجه في الجواز التفاهم والمحبه هوا دا شرطي الوحيد
الجد بفخر من كلام حفيدته:فهميتك يابتي حاضر ياجمر
نور قبلت يد جدها ووالدها وهي تشعر بالسعاده شديده لأنها سوف تصبح حرم رجل العمال الشاب الذكي يزن الشافعي اشكي وانجح واوسم رجل اعمال في مصر بلا ليس في مصر فقط بل في الشرق الأوسط في الحقيقة نعم هي معجبه به من فتره ولكن ليس لأنه مجرد رجل وسيم بل بسبب ذكائه وطموحاته واجتهاده لسنوات طويله وهوا يبني مؤسسه ضخمه كمذه لقد تابعت كل إنجازاته فهوا كان مثلها الاعلي منذ الثانويه..
لقراءة جميع فصول الرواية من هنا