رواية رحم للايجار
الفصل الثالث عشر 13 والرابع عشر 14 الجزء الثالث
بقلم ريحانة الجنه
(((حب الفرسان)))
في المستشفي الخاص بمهاب عز الدين...دخل مهاب عز الدين مكتب سامر...حفيده شاف سامر سارحان وساكت..لدرجة انه ماحسش بوجود مهاب.....قعد بإهتمام وترقب..
مهاب: للدرجة دي شغلاك!!؟
سامر اتنفض فجأة : جدو!!! انت دخلت امتي....اسف ما حستش بيك...
مهاب ابتسم بسخرية : عارف وباين عليك الضياع....بقي يا بقأف..حتة بت تعمل فيك كدة!!! واحد غيرك يلففها حاولين نفسها....وانا اللي كنت بقولك انك غير ابوك...طلعت اهبل منه!!!
سامر قعد جنبه بغيظ وضيق: يووووه...كل شوية اهبل..اهبل...حرام عليك...نفسي مرة تنصفني....!!!
مهاب اتنهد: مش لما تنصف نفسك الاول!!! يا ابني انت هتاخد موقف في موضوعكم ده امتي انا مش فاهم!!!؟
سامر اتنهد بوجع: وانا هعمل ايه!! هي عنيدة ودماغها عايزة تتكسر...ما انت عارف تربيتك!!!
مهاب ضربه علي دماغه بغيظ: اخرس..اخرس..واتكلم معايا عدل..بدل ما اتعلم الطب فيك دلوقتي واعملك عملية زرع مخ...هجيب مخ قرد واركبهولك احسن...والله هيفكر احسن منك..
سامر بتعب: يا جدو طب قولي انت اعمل ايه...!!! اتجوزها غصب!! بقالي سنين مستني تحن وتنطق..وهي زي اللوح لا بتفهم ولا تحس....والاخر يوم ما نطقت راحت تتخلي عني لصاحبتها...زي ما اكون طقم جديد..ولا شنطة بيتخانقوا عليها!!!
مهاب اتنهد: عارف وفاهم بس..اا
قام وقف بحيرة وغيظ: لا لا يا جدو مش هتفهم...ولا هتحس بيا....انا كرامتي ورجولتي انجرحت علي ايديها....والمصيبة اني معاها مستسلم...برغم وجعي منها بستني منها طلة عليا...كلمة اسمع بيها صوتها..بستني تنده عليا باسمي.....انا تعبان عايز اعاقبها مش عارف...عايز اقسي قلبي عليها مش قادر.....عايز اوجعها مش هاين عليا....قولي يا جدو...هو انا ضعيف!!! مش الراجل اللي يملي عنيها!!! تفتكر هي فعلا بتحبني!!! ولا حبت حبي واهتمامي بيها من صغرنا!! علشان كدة بتتقل وتتحكم!!! قولي وريحني يا جدو...انا تعبان بجد تعبان....!!!؟
مهاب قام وقف قصاده بجدية: لا يا سامر انت لا ضعيف...ولا مش مالي عنيها....ولعلمك ديمة بتحبك....وانا متأكد وشوفت ده في عيونها....بس ديمة عاشت بتتأنب طول السنين دي بسبب ريهام...ديما بتفكرني بنغم جدتها في احساسها وطيبة قلبها...وبتمارا خالتها بعندها وكبرياءها....ديمة يا سامر مش زي اي بنت بتلين بكلمة او تنشد بمفاجأة...تؤتؤ...ديمة محتاجة اللي يروضها....زي الفرسة الجامحة...تبقي مربيها علي ايدك وبتحبك ومتعودة عليك....بس لو مرة ضربتها وانت بتعلمها..تغدر...تعذبك....تخليك ايام وليالي مش قادر تركبها ولا تمشي بيها خطوة...كل ما تقرب منها وتفتكر انك هتتملك منها تقلبك وتوقعك....تخليك تحاول...وتحاول...وتحاول....
الستات زي الخيول....منها فصايل كتيير....بس اشرسها واعنفها الخيل العربي...هتتعبك...وتعذبك لحد ما تروضها. بس وقت ما تروضها هتبقي فارس مافيش فرس يقدر عليك....وديمة عايزة تتروض....عايزة تتحكم....عايزة تتحب وتتعشق بس تتحكم.....
سامر بيسمعه بإهتمام : طب...لو عملت اللي انت بتقول عليه...وهي بعندها ده مش ممكن يخليني اخسرها....!!!؟
مهاب قعد وابتسم بمكر: اتحداك....ديمة كانت عارفة ومتأكدة انها لما هتتنازل وتسيبك لريهام....ريهام هتقدر ده وتقولها لا انتي مش هتضحي بحبيبك ليا انا هنسحب من حياتكم...وانت هتفضل تتحايل عليها وتبوس في ايديها..وتقولها لا مش عايز غيرك...
ديمة اذكي ما انت متخيل.....بس اللي حصل عكس توقعها....ريهام اتمسكت بيك...وانت ضربتها في مقتل واتخليت عنها....وهي دلوقتي بتتخبط...عايزة ترجعك بس علي هواها ومزاجها....
سامر بغيظ: يا بنت الشياطين!! صحيح هي هتجيبه من برا...العيلة كلها دماغها متكلفة...
مهاب بسخرية: طب يا ابن الكلب انت انا هسيبك تتفلق...ولا هنصحك....مش انا شيطان ماشي!!!
سامر جري عليه وقعد يبوسه ويتحايل عليه: لا لا ابوس ايدك...لا ابوس دماغك...ما تمشي...كمل...كمل الله يخليك...وانا اللي شيطان وعايز الحرق...بس ما تسبنيش...
مهاب بغرور: هتسمع اللي هقولك عليه وتعمله..ولا هتجود من عندك وتلبس انت!!!؟
سامر بحماس: والله معلم ومنك بنتعلم...انت ارسم الطريق وانا همشي عليه ولا هتسمعلي نفس...
مهاب غمزه: تعجبني....هربيهالك والينلك دماغها واخليها تموووووت من الغيرة....
سامر ابتسم وباسه من خده : حبيبي يا احلي لواء في الدنيا...... بس ممكن اسألك سؤال!! ؟
مهاب ابتسم بحنان: عارف...هتقولي ليه بساعدك انت..وجاي في صفك... مش هي!!؟
سامر هز راسه بإيجاب: ايوة ليه!!؟
مهاب اتنهد برفق: علشان انتم الاتنين احفادي...ويهمني سعادتكم....وفي النهاية كل اللي هيحصل لمصلحتكم...بس ديمة عنيدة ومش اي حاجة هتقنعها...وانت عاشق...والراجل لما بيعشق بيعمي...ما بيعرفش يشوف كويس..وممكن اوي باقل غلطة يضيع كل حاجة....علشان كدة...انا هكون جنبك...اوريك اللي مش شايفه...وافكرك باللي ناسيه...
سامر ابتسم: انا بحبك اوي يا جدو...ربنا يخليك لينا....قولي بقي اول خطوة في الخطة ايه!!؟
مهاب ابتسم بخبث: اسمع يا دوك........
***************************************
في عربية مالك...ملك جنبه متوترة ومترددة وخايفة....
مالك : يا حبيبتي مالك بس!! بطلي توتر بقي فيه ايه!!!؟ ده عيد ميلاد مش حرب اكتوبر!!!؟
ماليكة بتوتر وضيق : لا لا ااانا...ااانا خايفة بلاش ادخل معاك...ادخل انت وانا هستناك هنا ارجوك يا مالك.....
مالك بتعب: يا ماليكة احنا بقالنا نص ساعة هنا بقنعك تنزلي!!! ده عيد ميلاد بنت اختي..وقولتلك كلهم مستنين يتعرفوا عليكي!!! امي واختي وخويا وابويا...كلهم....ودي مناسبة حلوة...عايزكم تتعودوا علي بعض...لحد ما ربنا يحلها في موضوع ماسة اختك ده...وترجع بالسلامة علشان نتجوز بقي....بس انتي مش عارف مالك ليه رافضة بالشكل ده!!؟
ماليكة بقلق: يا مالك خايفة من ردة فعلهم....خايفة ما يتقبلونيش وسطهم....
مالك بعصبية: يا ابني حرام عليكي...كلهم عارفينك وسافوا صورك....وعارفين انا بحبك قد ايه...ومستنين يشوفوكي بفارغ الصبر.....ارجوكي كفاية بقي وتعالي خالينا نخلص.مش هيطفوا الشمع من غيرنا....
ماليكة اتنهدت بإستسلام: حاضر...حاضر خلاص هنزل...وربنا يستر....
مالك ابتسم وضم ايديها برقة وباسها : خير يا قلبي...انا متفائل حتحبوا بعض جداااا انا عارف..
نزلت ماليكة مع مالك....وطلعوا بيت مالك...كانت حفلة عيد الميلاد بدأت....وهو اخدها ودخلوا قابل كنزي بنت اخته حنان.....كنزي..بنوتة عندها 6سنين جريت عليه وحضنته...
كنزي ببرائة: ماااااااالك....وحشششتني...
زعلانة منك اوي....انت اتاخرت ليه!!! كنا هنطفي الشمع..
مالك شالها بحنان وضمها وباسها : اسف يا حبيبة خالو....بس كنت بجيبلك هديتك اللي طلبتيها مني..اتفضلي كل سنة وانتي طيبة يا اجمل بنوتة..
كنزي اخدت منه هديتها وبصت لمليكة بمكر وشدته وبهمس: مين البنت الحلوة دي!!! دي جميلة اوي..شبه البنت اللي في المسلسل التركي اللي مامي بتحبه....!!!؟
مالك وماليكة سامعنها وضحكوا..وماليكة ابتسمت بخجل....
مالك بفخر: طبعاااااا..احلي منها كمان.... دي يا ستي تبقي... ماليكة هتبقي عروسة خالو عن قريب....
كنزي ابتسمت وقربت من ماليكة : اسمك حلو..وانتي كمان حلوة احلي من البنت اللي كانت في شقة مالك...كانت دمها تقيل...
مالك خبط راسه بإيده بغيظ من كنزي...وماليكة اتعصبت واتغاظت وقربت من كنزي : انتي اللي جميلة حبيبتي واجمل بنوتة كمان..كل سنة وانتي طيبة...اتفضلي دي هديتي انا يارب تعجبك....!!! بس قوليلي البنت اللي كانت في شقة مالك كان اسمها ايه!!!!
مالك شد كنزي بغيظ وغمزها تسكت: اااا.لا لا هي بس بتهزر مش اكتر....صح يا كنزي...مش انتي بتهزري!!!؟
كنزي بنفي ماكر: لا مش بهزر...كان رخمة واسمها اميرة...وجريت بسرعة....
ماليكة داست علي رجل مالك بقوة وغيظ: قولتيلي بقي اميرة!!!! ماشي انا كدة عرفتها...
مالك بيتألم : ااااه منك لله يا كنزي الزفت..بتهربي والله لجيبك...
ماليكة شدته بعصبية : كمان اهلك كانوا بيشوفوها وعارفينها. !!! ماشي يا مالك ليلتك سودا...
قربت حنان اخت مالك وابتسمت بترحيب... : اخيييرا البرنس وصل يا اخي انت دايما كدة متأخر!! دي ماليكة صح!!؟
مالك ابتسم: ااه يا ستي دي ماليكة...ايه رئيك مش اجمل من الصور!!؟
حنان سلمت علي ماليكة : اكيييد اجمل كتيير اوي..انا حنان اخت البرنس اللي بايع دماغه ده..
ماليكة ابتسمت بخجل: اهلا بيكي...كل سنة وكنزي طيبة ربنا يخليهالك...
حنان : وانتي طيبة حبيبتي عقبالك انتي والبرنس ده!!
علياء والدة مالك قربت بضيق وتحفظ: انت جيت يا مالك!!
مالك سلم عليها : ست الكل وحششتيني...اعرفك ماليكة اللي حكتلك عنها....
علياء ابتسمت بضيق: اهلا يا ماليكة...تعالوا الاول نطفي الشمع وبعدين نتكلم....
مالك وحنان اتحرجوا من تصرف علياء وماليكة اتكسفت من طريقتها وكلامها....
مالك بعصبية: الشمع مش هيطير يا ماما...اتعرفي علي ماليكة الاول..
حنان ابتسمت بحرج : انا كنت لسة بقولهم يارب بقي يتجوزوا.ويخلفوا علشان البرنس ده يتهد ويتلهي شوية ونفرح فيه..
علياء بصت لماليكة بسخرية: يمكن يتجوزوا اه...بس الخلفة دي بتاعة ربنا يمكن الموضوع يحتاج وقت اكيد ماليكة هتاخد وقت شوية السن بيفرق انتي خلفتي كنزي وعندك 22سنة لكن ماليكة هتتعب شوية اكيد...
ماليكة اتوجعت ودمعت ومشيت من قصادها بسرعة بحرج...
مالك بضيق وعصبية: انتي ايه اللي قولتيه ده!!! ازاي تجرحيها كدة!!! هي يعني عندها كام سنة لده كله!!؟
علياء بغضب: ايه انا غلطت!! مش دي الحقيقة!!! ولا الهانم مش عارفة فرق السن بينكم ولا عارفة هي عندها كام سنة...والسن اللي مش باين النهاردة هيبان بكرة ....
مالك بغضب: لعلمك انتي كدة بتخسريني انا مش ماليكة...علشان لو الدنيا اتهدت مش هسيبها ومش هتجوز غيرها...عن اذنك...
خرج مالك لماليكة بسرعة ولهفة...وحنان بعتاب: ليه كدة يا ماما بس...كسفتي البنت هي يعني كانت غصبته ماهو كمان بيحبها.....!!؟
علياء بغضب: اتوكسي انتي كمان...لا انتي ولا هو بتفهموا....هي عنست واغرته بفلوسها وعليتها وفاكرة انها بتشتري عريس اهو ضل راجل...وهو بضيع نفسه ويبقي خدام ليها ولعيلتها....بس لا انا هفضل وراها لحد ما اخليها تقول حقي برقبتي وتبعد عنه....ده الراجل بيروح يتجوز اللي اصغر منه بسنين يقوم ده يتجوزها اكبر منه بسبع سنين ليييه من قلة البنات...
فياض والدة مالك قرب منهم : امك عجكتها يا حنان صح!!!
حنان هزت راسها وعلياء بصت ليه بسخرية: خاليك في حالك...انا وابني حرين ومش هرتاح الا لما يبعد عنها خالص...واجوزه علي مزاجي...
فياض بإستسلام: والله انتي وابنك حرين مع بعض...هو الوحيد اللي بيعرف يتفاهم معاكي...
ماليكة بتبكي بوجع..ومالك بيحاول يهديها..: حبيبة قلبي اسف...والله اسف...امي كدة بس اوعدك بعد كدة مستحيل اخليها تجرحك والله ما هسمح بده مرة تانية....بس ارجوكي كفاية دموع...انا قلبي مش متحمل اشوفك كدة..
ماليكة موجوعة : انا قولتلك يا مالك...قولتلك ماحدش هيتوجع غيري...ما حدش هيتعب غيري....الالم كله هيكون ليا...انت ما سمعتش..مافهمتش....وادي اول الحروب....والدتك...ولسة الناس...لسة الاصحاب...لسة القرايب....لسة الجامعة والطالبة...
لسة الوجع...لسة الالم لسة يا مالك لسة...
مالك هزها بعنف : وانتي ليه تستسلمي!!! ليه تسيبيهم يوجعوكي!!! انتي قوية..قوية بحبي ليكي وحبك ليا....ماليكة لازم تكوني قوية وتدافعي معايا عن حبنا....انا مش هقدر لوحدي...لو انتي ضعفتي واستسلمتي مش هننجح...
ماليكة بكت بضعف ورمت نفسها في حضنه..: انا تعباانة اوي.خايفة اخسرك...خايفة الدنيا تاخدك مني يا مالك خايفة....
مالك ضمها بحب وحنان: اقسملك يا ماليكة ما فيه قوة هتبعدك عني....ولا فيه حد مهما كان ياخدك مني ولا ياخدني منك....الوحيد اللي يقدر يبعدك عني هو انتي...انتي وبس اللي ممكن تقفلي بابك في وشي...وقتها تبقي قتلتيني يا ماليكة...
ماليكة ضمته بقوة: انا بحبك...بحبك اوي
..
مالك: ضمها بتملك: وانا بعشقك...واوعدك لو هتحدي الدنيا مش امي والناس وبس...هعمل كدة...بس مش هسيبك...وحياة حبك...ما هسيبك..
************************************
في كافية شهير كانت نغم قاعدة مع اصحابها بتتكلم وتضحك....ودخل هو ووقف يراقبها من بعيد بغضب وغيظ...وقرب منها وبعصبية..
ياسو بغضب: انتي ما بترديش عليا لييييييييه!!! وبتتهربي مني ليييييه...!!! انا خذرتك من جنانك ده!!؟
نغم بسخرية : جنان ايه!!! ثم ياريت توطي صوتك.....
ياسو شدها بغيظ وقومها : انتي بتستفزيني صح!!! طب تعالي معايا..
نغم شدت ايديها بعصبية: ابعد ايدك عني...واياك تقرب مني تاني.!!!! انت فاهم....انا مافيش حاجة بتربطني بيك...انت انتهيت بالنسبة ليا...ابعد عني وسيبني اعيش حياتي زي الناس....ابعد عني بعقدك وضعفك...ابعد عني
..انا مش عايزاك...مش عايزااااك افهم.بقيييي..
ياسوو بيتألم من كلامها....واتهز من رد فعلها...مصدوم مش متخيل الغل والغيظ اللي في صوتها و كلامها...
ياسوو بجنون : انتي بتقولي ايه!!؟ انتي مجنونة صح!! انتي بتاعتي غصب عنك وعن كل الناس دي عارفة يعني ايه بتاعتي!!
كل المكان سكت وهدي وبيسمع ويتفرج علي اللي بيحصل بينهم....
ياسوو مسك السلسلة اللي في رقبتها بغضب: فين سلسلتي يا نغم!!! انا قولتلك ما تقلعيهاش مهما حصل...فين سلسلتي انطقي!!؟
نغم بتحبس دموعها بصعوبة وبتتماسك شدت ايده بغضب: رمتها....اتخلصت منها هي واي حاجة تخصك ومن ريحتك.... زي ما اتخلصت منك ومن وجودك في حياتي....انا كرهتك...كرهتك وكرهت وجودك واي حاجة بتفكرني بيك....
ياسوو مصدوم لسة مش مستوعب ان دي نغم..!!! دمع بضعف وضياع : اااانتي نغم!! اااانتي سندي!! ااانتي اللي وعدتيني تفضلي جنبي!!..فيين وعدك!!! فين حبك!! كان كذب..!!؟ كنتي عايزاني بس وانا قوي وواعي!!! دلوقتي بقيتي بتكرهيني!!! دلوقتي بقيت حمل عليكي وعايزة تتخلصي مني يا نغم!!!
شدها بجنون وصوت وغضب هادر: انطقي يا نغم....مين اللي خلاكي تعملي كدة!!! مين ناساكي ياسين ميييين!!!
انا!! كلمة نطقها شخص واقف وراه بقوة وتحدي...لفله ياسين وهو في قمة غضبه...شاف شاب وسيم قوي البنية واثق من نفسه...نظرته ليه كلها تحدي...
غانم قرب من ياسو بتحدي وشد نغم من ايده وخباها وراه وبتحدي : انا اللي فوزت بيها....نغم جوهرة تستاهل تتصان...وانت ماعرفتش تصونها...يبقي مش من حقك انك تمتلكها....نغم من الليلة خلاص بقت تخصني انا وبس....وانت بقيت مجرد ماضي...ماضي مؤلم مرير هي نسيته وانا هنسيهولها كله مش هخلي ليك ذكري في حياتها...ولو عندك كرامة ما تخليهاش تلمحك تاني...ولا انا كمان عايز اشوفك...
ياسوو بيحبس دموعه...موجوع...مصدوم.....تايه....ضايع....يائس...بص لنغم بتساؤال عايزها تنكر....عايزها تكدب غانم...عايزها ترجعله الامل في الحياة...
ياسووو بخروف تقيلة وصوت خارج بيدبحه: اااال...ااالكلام اللي بيقوله ده صح!!! ااانتي ارتبطي بيه!!! اااانتي نستيني يا نغم!!!؟
نغم ساكتة خلاص مش قادرة تتماسك ولا تتكلم....لو خرج منها حرف تاني هيخرج بدموع وعذاب هتجري عليه وتلم جرحه ووجعه والمه وتحضنه.....هتضعف وتقوله كدب...كدب....انا حبيتك وعمري ماحبيت غيرك....بس مش قادرة....نغم بتضغط علي الجرح علشان يخرج كل اللي ملوثه وبيألمه....عايزة تنضفه وتخليه يطيب....لو وقفت ضغط هو هيبطل يتوجع مؤقتااا..بس الجرح لسة ملوث...لسة بينزف بالبطئ...وعمره ما هيخف وهيفضل كدة لحد ما يقضي عليه ويضيع منها للابد....
غانم بثقة: مالكش دعوة بيها...كلامك معايا انا....وانا بقولك اهو...اخرج من حياتها...ابعد عنها....انساااها...
ياسو مش متحمل هجم علي غانم بغل وغضب وفضل يضرب فيه بجنون...وغانم يبادله الضرب والوجع.....الدنيا اتقلبت والاتنين بيقاتلوا بعض مش بس بيضربوا بعض...ونغم اتلجمت مكانها بتبكي.....مش عارفة تعمل ايه....لحد ما ياسو بعد عن غانم والناس قدرت تخلصهم من بعض....
ياسوو بيبعد وهو بياخد انفاسه بصعوبة وبصلها بجروحه اللي بتنزف...سواء اللي في جسمه او في روحه.....
ياسوو بغضب وغيرة: علي قد ما حبيتك....علي قد ما كرهتك...واعرفي انك مش هتكوني لغيري....لو حكمت اني اقتلك...هقتلك يا نغم وربي هقتلك....وابقي ريحتك مني خالص.....
خرج غضبان وموجوع....مش عارف رايح فين ولا داري سكته هتنتهي بيه في انهي محطة....
********************************************
في مكتب چواد الحديدي
..
چواد قاعد علي مكتبه بينهي قراءة ملف قصاده بعصبية وريان قاعد قصاده بيتابع رد فعله...
چواد بعصبية: انت متأكد من المعلومات دي!!!
ريان اتنهد بثقة : طبعااا متاكد معظم المعلومات دي انا جايبهالك بنفسي...دول مافيا يا صاحبي...
چواد بغل: مستحيل...دول علي كدة حرامية وكمان بيقتلوا الناس...دول مش مخلين...تجارة اعضاء...غسيل اموال....مواد مخدرة...وكمان منتهية الصلاحية....وبلاوي كتيير.....انا لازم اكشفهم...دول لازم يتعدموا...
ريان اتنهد بضيق: بس فيه حاجة مهمة لازم تحطها في حسابك...معظم الصفقات دي تمت باسم الشركة اللي مهرة ووالدتها شركاء فيها....والاهم..ان مهرة نفسها ماضية علي معظم الصفقات دي....يعني شريكة معاهم في كل حاجة....
چواد بجنون : انت بتقول ايه!!! مهرة!! مستحيل مهرة تعمل كدة..مستحيل...اكيد هو بيستغل امضتها من غير علمها...
ريان بتفهم: طيب ما انا عارف ومتأكد كمان....بس انا بفهمك لو اتخذنا اي اجراء...هتكون مهرة بتدفع التمن زيها زيهم...لازم تتأني وتفكر كويس...مهرة لازم تكون في ايدك الاول قبل اي خطوة تخطيها......
چواد بحيرة وغضب: ااااااه يا شوية كلاااب..بتتحاموا في حريم...مستغلينها هي وامها علشان يحموا نفسهم.....وبتحدي...بس وربي ما ابقاش ابن الحديدي لو ما دفعتك ثمن كل حاجة عملتها فيها يا راجي الكلب.
***********************************
في المستشفي الخاصة بمهاب عز الدين...
ديمة دخلت بعصبية لسامر وهو بيجهز نفسه للعمليات...
ديمة بغضب: اقدر افهم انت ليه استبعدتني من العملية!!!
سامر بيكمل تعقيم بلامبلاه: والله انا هنا المسؤول ومن حقي احدد مين يحضر معايا العملية...وانا اختارت الدكتورة ريهام...وانتي عندك عمليات بعديا بس انا مش محتاجلك معايا في العملية دي....
ديمة بغل: ومحتاج لريهام!!؟
سامر بتحدي : ايوة محتاج لريهام...ريهام بتفهمني من نظرة عين....انتي فهمك بطئ....عن اذنك...
سابها ومشي للعمليات...وقفت مصدومة...كل يوم بيبعد....كل يوم بيتغير....كل يوم بيضيع اكتر....معقول هيرجع....معقول هيحن...ولا خلاص ريهام بتحل محلها في كل حاجة...
لامت نفسها وعنفت قلبها....بس هي بتجني ثمن غباءها واستسلامها....
خلص الفصل ويارب يعجبكم ...تبع 🌺
الفصل الرابع عشر
(((حب الفرسان)))
(((الفصل الرابع عشر)))
🌹بقلم ريحانة الجنه🌹
كان بيسمعه بإهتمام وتفكير....فارس بالنسبة ليه ابن ومن صغره بيحبه هو وكل الناس وكمان بيعملوا حسابه في كل كلمة...فارس بالنسبة ليهم زيهم ومنهم....وبيخافوا عليه ويحموا ويفدوا بكل شئ...
.الشيخ غارب...شيخ حكيم من اكابر الشيوخ والعائلات بينهم....وكلمته مسموعة....تقريبا مربي فارس وعارف اسراره وخباياه....
فارس اتنهد بملامح غاضبة: بس يا شيخ....دي الحكاية....وانا مش هسيبها مستحيل اسيبها او اسمح لحد يمس شعرة منها...
الشيخ غارب: بس يا ولدي انت كدة بتقهر قلب ام واب...وبتلحق بيهم العار...الا العرض يا فارس يا ولدي...ده تاره الدم...وانت سيد العارفين....خصوصا ابوها ورچال العيلة الا قهر الرچال يا ابني...
فارس قام وقف بعصبية وجنون: واني اسيبها تتخطف وتتباع زي السبايا ده مش قهر!!! لما تتاخد قصاد عيني واسيبها تدنس من كل كلب منهم ده مش قهر!!! ماسة بالاخص عليها العين دي مطلوبة بالاسم دون عن كل بنات وستات عيلة الحديدي...ماسة مطلوبة تسافر برا يا شيخ....ماسة مدفوع فيها كتييير اوي.....انا لو رجعتها لاهلها هتتاخد من وسطهم في ساعة زمن....وانا امووت ولا ده يحصل...سامع يا شيخ اموووت.احسن ليا..ولا اني ابعد عنها...
الشيخ غارب بهدوء: طب اهدي واقعد يا ولدي...اقعد الله يهديك....
فارس قعد جنبه بضيق وحيرة: المهم انا عايز منك موافقة هقعد بيها هنا ولا اخدها واشوف مكان تاني من الاماكن اللي تبعي!!!؟
الشيخ غارب ابتسم بثقة: وانت هتلاقي مكان تاني اامن عليها وعليك من اهلك وناسك...!!! ثم يا فارس المكان هنا لا يقدر يدخله مافيا ولا حتي حكومة وانت سيد العارفين....
فارس ابتسم براحة : اعتبر ده وموافقة يا شيخ!!!؟
الشيخ غارب: طبعااا بموافقة بس عايز منك حاجة..لمصلحتك ومصلحتها...
فارس عقد حاجبه : خير يا شيخ!!!
الشيخ غارب : تكتب كتابك عليها
فارس بدهشة: كتابي!!! ازاي يا شيخ!!! واهلها!!! هتجوزها من غيرهم!!؟
الشيخ غارب بجدية: اسمع يا ولدي...انا اساعدك في اي شئ الا العرض...انت هتعيش بيها هنا لحالك...وهتمنع نفسك يوم!!! اتنين!!! شهر!!! شهرين!!؟ لحد امتي....!!!! تنكر انك ما مستهاش!!؟
فارس بنفي: لا لا يا شيخ....ماسة دي مش هتكون ليا الا في الحلال اقسملك ما مستها....
الشيخ غارب اتنهد : بس خدت منها اللي يروي عطشك!!! دوقت حلاها يا فارس!! وده انا مش هوافق عليه....والا هتتحرم عليك تشوفها او تنفرد بيها لحد ما ترجع لاهلها وتنزاح الغمة وتتجوزك....شورها وشور حالك...ورد عليا...لو قولت اه.!!! هعملكم عرس اشد من عرس حليمة بنتي اللي بيقام بقاله ليالي...وهيتمم الليلة...
فارس محتار مش عارف...يتحوزها فعلا!!! هو بيتمتي ده!! بس واهلها!!! طب هي هتوافق!!! بس هو اصلا كدة كدة....كان مقرر ومعاهد نفسه انه مش هيرجعها ليهم!!! طب هتفضل معاه العمر كله متحرمة عليه!!! طب هو هيقدر يتماسك ويفضل بعيد عنها!!!؟
عشرات الاسئلة بتنط في دماغه لا عارف يجاوب ولا متحمل نتيجة الاجابة!!!؟؟
في بيت الشيخ غارب كانت ماسة واقفة قصاد المرايا بتشوف نفسها باللبس الغريب اللي اخدته من حليمة وبتضحك...
حليمة بإعجاب: قمر يا ماسة...والله يا بخته فارس بيكي...لبسنا هياكل منك حتة..تقولي متفصل عليكي!!!؟
ماسة بتضحك: بجد حلوة!!! بس عارفة كنت فاكرة انكم خلاص ما حدش لسة بيحافظ علي اللبس التقليدي دي...خصوصا الحياة هنا مختلفة ومتحضرة مش زي ما كنت فاكرة...انا كنت فاكرة سينا هنا صحراء وبس..
حليمة عقدت ايديها وبثقة: ليه يا هانم!! حد قالك اننا مش عايشين في الدنيا معاكم!!! كلنا هنا بنتعلم وكمان بندخل الجامعة وخصوصا ولاد الشيوخ والكبار...مش هنكر ان لسة فيه جزء كبيير مننا لسة حياته بدائية شوية وده بحكم الفقر والحالة اللي هما فيها...كمان ايوة سينا لسة صحراء...لو اخدك فارس ولف بيكي هتشوفي ناس وبيوت حاولينا لسة بسيطة وعلي حالها من سنين...بس زي ما قولتلك هنا الوضع مختلف...يعني انا قولتلك انا دكتورة.....وزين عريسي وابن عمي مهندس...ولعلمك الفرح اللي بيتعمل هنا بقاله كام يوم ده مجرد عرف وواجب لازم يحصل
..
احنا هنعمل فرح كبيير في فندق**** في القاهرة...بعد بكرة...هنا للناس والعائلات والقرايب....وهناك لينا وللاصحابنا...وكمان الناس اللي بتشتغل مع والدي وعمي....يعني يا ماسة هانم احنا بنواكب كل الازواق وكل العصور..فهمتي!!!؟
ماسة اتنهدت بحنين ووجع: عارفة الاوتيل ده!!!! ده ملك لينا لجدو رعد....
حليمة قربت منها برفق: انا حاسة بيكي مهما كنتي بتحبي فارس...بس الام والاب والعيلة ما تتعوضش...هما وحشوكي صح!!!!
ماسة بكت بوجع وحنين: اوي....اوي يا حليمة..وخصوصا مامي....حلا مش بس امي...دي صاحبتي...واختي هي وماليكة وحشوووني اوي...ونانا همس...وحشتني موووت....عارفة انا جوايا نار بتمزع....بين حنيني ليهم ولهفتي اني ارجعلهم....وبين فارس....اللي عمري لا حبيت ولا ححب زيه....فارس صعب اخسره بعد ما لقيته يا حليمة مستحيل....
حليمة ابتسمت بأمل : وانا حاسة وقلبي بيقولي...هيكون ليكي وتكوني ليه...وهترجعي وتشوفي اهلك...وتضميهم لحضنك...قولي ان شاء الله...
ماسة برجاء ودموع: ان شاء الله...يارب حلها بقي...
في ساحة كبيرة كانت كل النساء والبنات متجمعين وبيغنوا ويحتفلوا.....وبعدهم بشوية كانت جامعة الرجال ولمتهم.....كان هو بيمشي بخطوات واثقة وهادية....بيترقب يلمحها وسط لمة الستات دي ولمحها فعلا بتغني وترقص....علي قد ما كان غيران وملامحه اتحولت لغاضب مجنون....خايف طيف راجل يلمحها غيره وعنيه تقع عليها ويشوف جمالها ولا حتي يسمع صوتها....بس برغم كدة....قلبه حن ولان وابتسمت عيونه لما سمعها بتغني وتتمايل وسطهم...
(بنت اكابر& اصالة)
عمال يعادي ويتكابر...ويسوق في عنده ومش صابر....واني من عيلة وبنت اكابر....وفي وسط ناسي يا ناس آية......
عنيها وقعت عليه واقف بعيد ساند بكتفه بإستمتاع وبيسمعها...وابتسامة شفايفه بانت....ابتسامة تخطف العين....هو كل شئ فيه يأثر ويسحر....طالته....وقفته....
كلامه....سكوته.....حنيته...
عصبيته....كل لمحة وتفصيلة فيه....هي عشقتها ودابت فيها..
سبحان ما زاد حسنه ورسمه!!! ده الناس بيتغنه بإسمه...ورد وطرح قبل مواسمه...من غير لا زرع ولا سقاية.....!!!
شافت اكتر من واحدة بتعدي وعنيها عليه...وتبسم....غارت واتعصبت....بس اللي رجعها تبتسم...ابتسامته الواثقة ليها وغمزته اللي نطقت معاها شفايفه من غير صوت بكلمة بتطفي نار الغيرة والشوق...بحبك...نطقها ليها بهمس اكنه بيقولها مش شايف غيرك.....مش سامع غيرك....مش عايز غيرك...اتنهدت بجنون وحيرة....عيونها بتسأله كنت فين!! وطلعتلي منين!!!! كنت مكتوبلي من امتي!!! انا كنت فين وانت فين!!!!!
يابوي علي چماله الولا شاربات عنب يروي رواية...عطشانة چابني علي عمايا...ومشيت وقلبي يا ناس خالي....مع ان توبه ماهوش توبي...طالع في قدري ومكتوبي...وعشان ماسابني ورمي توبي...بشكيه لناسي وناس خالي.....
شافها هايمانة فيه وعيونها عليه شاورلها تيجي عنده وكفاية غني ورقص....أكن اشارته أمر وواجب يتنفذ...حكم وفرض يطاع...اتعصبت وهزت راسها بنفسي وعناد...وصممت تكمل غني....اتعصب وضغط علي سنانه بغضب ونظرة عيون بتتحلف ووتواعد لعقابها..... كانت مستغربة نفسها معاه....الوحيد اللي قدر يروض ماسة الحديدي...ويخليها طوع ليه...بتعانده بعيونها وانوثتها اه....بس جواها منقادة ليه...ما تقدرش تخالفه...مبسوطة بحبها وحبه ليه...لتملكه ليها....لغيرته المجنونه.....ابتسمت بكبرياء...ان حقيقي ماحدش كان ممكن يستاهل ماسة غير فارس.....
من تقله انا چزيت نابي...بتسوي منه علي چنابي....يظهر مايعرفش چنابي...ولا يعرف اني ب١٠٠ عيلة....كل البلاد هنا داعياني...بنت الاصول عين اعياني....وده صابني هامه....واااااه ياااني...وعيلتي ياااما انا ١٠٠ عيلة....
بعدت عن الناس واللمة وقبل دخولها البيت لقت ايد بتشدها بعيد عن الانوار والناس...والاكيد مستحيل تكون ايد حد غيره هو..سحبها بقوة وسندها للحائط بس من حبه وخوفه انها تتوجع كانت ايده وراها بتسندها وتاخد الخبطة بدالها....بس قرب منها بغيرة...
فارس بجنون: انتي عنيدة ودماغك دي عايزة تتكسر!!!
ماسة بعناد وثقة: اظن انت عارف الكلام ده!!! مش لسة متعرف عليا النهاردة...
المفروض انك اتعودت خلاص.....!!!؟
فارس ضمها بقوة واشتياق: اااااه يا بنت الحديدي لو ما كنتش وعدت الوعد.!!! كنت خاليت الشفايف العنيدة اللي بتجنني دي تنزف حالا من عقابي ليها...!!! بس الوعد...الوعد...
ماسة قربت منه اكتر بحنين: وهو فيه وعد في الكون يمنعك عني!!! مين اهم مني توفي بوعدك ليه!!! ؟
فارس بجنون وعدم تحمل ضمها بغيظ لدرجة المتها ووجعتها وخالتها تأن وتتألم: ااااااه منك يا مهلكة...كفاية تضعفين....كفاااية...انا مافيش حد خلاني مجنون ومشتاق..ومحتار كدة!!! انتي ايه!!! قوليلي مخلوقة من ايه!!! انتي مش انسية!!! يا ماسة مش انسية!!!؟
ماسة بغرور وكبرياء انثي اتملكت من قلب الفارس...ضمت ملامحه بإثارة و تملك: انا فعلا جنية!!! جنية حبك....جنية خيالك...جنية اتمنتها في احلامك....وفتحت عيونك لقيتها قصادك...
فارس سند جبينه علي جبينها بشوق وكتمان..بيلجم مشاعره واحتياجه ليها ولكل لمسة منها....غمض عيونه بوجع : بحبك...بحبك...حبك لعنة يا ماسة....قولتهالك وهي حقيقة...انتي لعنتي...لعنة الفارس.....
ماسة ابتسمت بحب : بحبك...بحبك يا فارس ايامي وسنيني...قولتلك انت فارس احلامي....فارس حبي...فارس خيالي...بس انت لسة ما قولتليش...!!! ايه الوعد!! ووعدت مين!!!؟
فارس ضم ايديها بحب وباسها بتملك....وبص في عيونها بترقب...واتنهد بحيرة: ماسة عايزك تسمعيني كويس.... وتفهمي كلامي....وتعرفي ان اللي هعمله لمصلحتي ومصلحتك....توعديني!!!؟
ماسة بدون تردد ولا تفكير:اكييد...انا متأكدة ان اي حاجة بتعملها او تقررها لمصلحتي قبلك....انا واثقة فيك يا فارس لابعد حد..
فارس اتنهد براحة. : ماسة احنا....احنا هنتجوز....
ماسة بصدمة :!!!! نتجوز!!!
****************************************
كانت واقفة تراقبه من بعيد وهو في اوضة الچيم بتاعته....بيتمرن كالعادة دايما في اي وقت ليل... نهار...مش مهم...هو دايما بيلاقي الرياضة منفسه الوحيد علشان يهدي ويبطل تفكير....تفكير في اي حاجة وكل حاجة.....في الشغل!!! فيها!!! وخصوصا فيها هي!!!!!
كانت بتتأمل فيه اكنها لسة بتتعرف عليه وتكتشفه...ودي حقيقة....اوقات بتجمعنا بناس واشخاص اماكن وروابط كتييير ونعرفهم علي مدار سنين....بس مش قريبين...والقرب مش مكان ولا صلة...لا...القرب قرب ارواح...وطباع....وتفكير...ريان كان قصادها سنين ايوة....بس كأنه بعيد....خصوصا بشخصيته الهادية الكتومة....الغامضة....صعب انها كانت تفهمه...
شافها في المرايا.....واقفة برا عند الباب وساكتة...استغرب...هي واقفة ليه!!! وبتبص عليه ليه!!! معقول تكون. اااا لا..لا !!!؟دي مش بطيقني....هتقف تتأمل فيا!!؟
فكر انه يختبرها ويعرف اذا كانت فعلا بدأت تهتم بيه وتفكر فيه ولا لا....بلامبلاه اكنه ما لمحهاش...اخد فوطته وبدأ ينشف شعره وملامحه بإهمال...واخد فونه وقفل الصوت وبدأ يتكلم اكنه بيتكلم مع حد....
ريان بتمثيل ابتسم : حبيبتي وحشششتيني....كدة طول اليوم ما اسمعش صوتك!!!
سكت اكنه بيسمع الرد...وعيونه عليها في المرايا....شافها عقدت ملامحها بغضب...وواضح عليها الغيرة....ابتسم بنصر وكمل...
لا لا يا روحي...انا اقدر انشغل عنك...مافيش حاجة ممكن تشغلني عنك...حتي شغلي...صدقيني...وبعدين انتي ليه بتغيري منها هي دي حد يغير منها!!! دي حتة عيلة مخها علي قدها...مافيش بيني وبينها اي حاجة....وجوازتنا انتي فاهمة نهايتها ايه!!! ثم بذمتك....انا اسيب القمر والانوثة دي...وابص للعيلة الهبلة دي!!! دي مافهاش اي انوثة خالص..
لمار كانت بتغلي من الغيرة والعصبية ورجليها بتدبدب في الارض...زي طفلة عندها سبع سنين مش اكتر....عايزة تدخل وتكسر الفون علي دماغه ودماغ العشيقة الوهمية دي...
ريان مبسوط وجواه فرحة باللي شايفه قصاده من غيرتها واهتمامها....شئ ماكنش متوقعه او بيحسبله حساب....كمل للنهاية...
المهم سيبك منها...انا عايزك تجهزي نفسك انا هسافر الساحل الاسبوع اللي جاي...اكن شغل كدة...وهستناكي مش انتي جاية مصر الاسبوع ده...!!! هستناكي في شاليه الساحل.......وانتي كمان هتوحشششيني....خدي بالك من نفسك...بحبك....باي حبيبتي....
قفل الفون وهو بيجاهد نفسه علشان يكتم ضحكته من منظرها ووشها اللي بقي لون الدم من الغيظ والغيرة....ساب فونه قاصد ودخل الحمام ...
دخلت هي تتسحب بهدوء وغيظ...ومسكت الفون بتحاول تفتحه عايزة تاخد رقمها!! او تشوف شات بينهم!!! او صورة ليها...اي حاجة تعرفها مين دي!!! مين اللي خالتها تشوف ريان القفل الوحش...لين...عين....عاشق..
بيقول كلام حب...وحنين....مين دي!!! مين اللي قدرت تعمل كدة!!؟
وهي بغبائها مش عارفة انها المقصودة...هي المقصودة بكل كلمة نطقها...كل احساس حس بيه....كان بينطق وعيونه عليها في المرايا اكنه بيكلمها هي....بس هي تستاهل تتعاقب وتتوجع...وتعرف الفرق بين الراجل وشبيه الراجل...وان مش اي ذكر يستاهل قلبها وعشقها....*العشق للرجال...الرجااال وبس.....*
هو كان متوقع وعارف انها هتعمل كدة قرب منها بخفة ووقف وراها مباشرة بدون اي فرق او فاصل...وبهمس..
ريان: بتعملي ايه!!! ؟
اتفزعت ولفت ليه بسرعة...... واتخضت والفون وقع منها...وكانت هتقع هي كمان...بس هو كان قريب ليها وحاوطها بإيده بثبات....
لمار بتوتر وفزع: اااانا...اااانا...انا..كنت...كككنت...
فوونك..فونك كان بيرن قولت اجبهولك...
ريان بيخفي ابتسامته وبثبات: وانتي يخصك ايه بفوني!!! يرن او لا!!؟ اظن دي خصوصياتي وانا نبهتك ما بحبش حد يتخطي حدوده في حياتي..فاكرة!!!!؟
لمار عقد ملامحها بغضب: ايوة...ايوة متنيلة فاكرة....خلاص...ما غلطناش في سر حربي...اسفين لسيادتك...عن اذنك....
بتبعده علشان تمشي من عصبيتها اتخبطت في المشاية بتاعته وكانت هتقع...لحقها تاني وقربها من حضنه بإشتياق...وعيون بتتمني تخليها قصاده ومعاه....وشفايف بتتمني تلمسها وتتملكها...
ريان بأنفاس عاشق: قولتلك خدي بالك....عايزة توقعي!!!
لمار اول مرة تحس بيه...اول مرة قلبها يدق في قربه....اول مرة تتمني يفضل مقربها منه....اول مرة بتتمني يلمسها...
لمار بضعف: وانا اهمك في ايه!!! سيبني اقع...اهو ترتاح مني..ومن وجودي في حياتك....
ريان بيقاوم مش قادر قربها اكتر وضمها بشوق وايده بتعصر وجودها بين ايديه بإشتياق...
ريان: مستحيل اسيبك تقعي...دايما هتلاقي ايدي محاوطاكي...دايما هتلاقي حضني مستنيكي....مش هسيبك تقعي ما تخفيش...
لمار قلبها بيدق بعنف وصدمة..هي ايه عنده!!! هي مين جواه!!!!!..بصت في عيونه بضعف واستسلام.....وهو كان صعب يقاوم النظرة والضعف ده خصوصا بعشقه ليها وجنونه بيها...قرب من شفايفها بجوع وباسها بجنون...
ايوة انصدمت في البداية بس...الصدمة ما كنتش بنفس قوة اعصاره وجنونه...استسلمت ليه....ريان رفعها لحضنه بلهفة...كان بيروي عطش سنين....بيعوض احتياج ثواني ودقايق وساعات وايام......فضل الحال والاعصار بيزيد وبيقوي اكتر لا هو قادر يوفقه او يمنعه....ولا هي قادرة تقاوم وتمانع.....كانت اول لمسة...اول لقاء...بيقربهم...
بس فجأة ظهر قصاده رامي....شاف استسلامها ليه....تخيل انها كانت مستسلمة لرامي زي ما استسلمت ليه....اتعصب وغار...اتوجع...قام وبعد عنها بغضب وغيرة...
ريان بأنفاس سريعة وعصبية: اتفضلي روحي اوضتك....عايز اخد حمام وانام....
لمار بتلمم هدومها وكرامتها مع بعض...كرامة انثي هي ضيعتها بثقتها الكدابة في شخص ما يستاهلهاش...هي اللي وصلتها للحظة دي....هي اللي حرمتها منه..ومن حنانه...وحبه....غباءها لسة واقف بينها وبينه...بس هي كانت هتتجنن...هو ليه عمل كدة وهو بيحب غيرها...ليه قرب منها ولمسها...ليه!!! بتحاول تقوم من الارض بصعوبة ودموع....وهو برغم غضبه منها الا انه مش بيتحمل ضعفها قرب منها وشالها من الارض...ومشي بيها لاوضتها ونيمها في سريرها....وخرج بسرعة راح لاوضته...وهي فضلت تبكي...وتووجع...علي وضع وحال مش قادرة تتحمله...
هو دخل الحمام ووقف قصاد مرايته بغضب وضيق من نفسه:: انت غبي!!! غبي!!! كنت خلاص هتعرف....هتكتشف السر اللي مابينيمكش ليل ولا نهار..!!! كنت خلاص هتتملكها غصب عنك وعنها ليه اتراجعت!!! لييييييه.....
لف بجنون حاولين نفسه وماسك راسه بقوة ووجع : مش قادر...مش قادر..اعرف...خايف....خايف يكون اخد حقي...خايف اشوف نفسي ضعيف وانا بكمل اكلة الكلب ده...خااايف.... مش متحمل خيالي وهو مصورهالي في حضنه..بين ايديه....معاه....كانت مستسلمة ليه كدة...!!! كانت بتبص في عيونه كدة!!! كانت بتلمسة وتحضنه كدة!!!؟
كسر كل شئ قصاده بغيظ وغيرة...لا لا مش ممكن مش عايز افتكر...مش عااااليز..
***********************************
كانت قصاد مرايتها بنعومة وهو قرب منها بحب وابتسم ليها في المرايا.....
أكمل : حياتي ...واميرتي....خلصت تعب..وظلم.فيا وافتراء عليا...!!؟
چنا قامت ولفت ليه وابتسمت: انا بفتري وبظلم فيك !؟ ليه بس بتقول كدة!!؟
أكمل قربها بحنان: يعني لما بىنسيس زيك تبقي اصلا قمر وجميلة....وتقف تتجمل زيادة وتبقي اضعاف...اضعاف جمالها ورقتها....المفروض بقي...واحد غلبان زي...يعمل ايه....مش حرام عليكي...يا چنا...والله حرام....
چنا بتمرر ايديها في خصلات شعره بحنان: انت تستاهل كل حاجة حلوة يا أكمل....انا نفسي اكون حبيبة وصديقة واخت وام وبنت وكل حاجة ليك وانت اتحرمت منها.....نفسي اعوضك عن كل حاجة واي حد...
أكمل اخدها وقدها ونام وحط رسه علي رجلها وغمض عيونه واتنهد برااااحة: اااااه يا چنا....انا مش عارف لو ما كنتيش موجودة في الدنيا دي...انا كنت هعمل ايه!!! كنت هكمل حياتي ازاي.!!! عارفة!! انا يمكن ما احرمتش من الحنان....ماما ريما...وناناه تسنيم...وحتي والدتك طنط فتون..... كلهم كانوا بيحاوطوني بحنانهم....كلهم بيحاولوا يعوضوني.....ومن قلبهم واحساسهم....بس دايما كنت بحس اني وحيد....كنت...بحس دايما ان فيه حاجة نقصاني.....اول ما بقي عندي 10 سنين...مش هنسي اليوم اللي دخلت فيه علي جود أكمل المكتب..بيبكي بكاء يوجع.. وقصاده الشاشة وشوفت عليها أمي لاول مرة...كنت قبلها دايما بشوف صورها في كل مكان في بيت مروان وريما....عندكم في الڤيلا عند جدو ونانا.....بس اني اشوفها لايڤ..قصادي بتتكلم وتتحرك...واول ما اشوف اشوفها وهي حامل فيا....حزينة....موجوعة....بتبكي....خايفة..
وكمل أكمل بدموع وووجوع...
..ايوة يا چنا...امي كانت خايفة....عارفة خايفة ليه!!!! خايفة تولدني وتموت من غير ماتشوفني....كل مرة اشوف فيها الڤيديو اتجنن...ليييه..!!!! ليه ضحت بنفسها!! ليه قتلت روحها علشانه!!! علشان تحبله ولد...ولد يتهني هو بيه وهي تموت.....ماحدش فيكم حاسس بيا ولا بالنار اللي جوايا....انا اتحرمت المسها...اشمها تضمني زي اي طفل....وهي ماتت من غير ما تشوفني ولا تحضني....مهما كان حاوليا امهات العالم...الا امي يا چنا...الا امي.....كان نفسي تكون عايشة...كان نفسي....
كانت بتبكي علي بكاه وتتوجع علي وجعه......ضمت راسه لحضنها بحنان وامان: وانا جنبك....ومعاك...بس وحياتي حاول تنسي....حاول تتأقلم...انت اللي فيك مش طبيعي...انت كبرت وبقيت راجل....ليه لسة الحنين جواك بالضعف ده!!؟ انسي يا أكمل...انسي وما تفكرش غير فيا وفيك...وفي اولادنا ان شاء الله...
أكمل قام من حضنها بلهفة : چنا هو صحيح لحد دلوقتي...انتي مش حاسة باي حاجة...يعني تعب....مغص....قئ...اي حاجة من حاجات الستات دي...ونروح للدكتور ويقول المدام حامل...وكدة!!؟
چنا بتضحك: ههههههههههه....هتتجنن انت....مستعجل علي ايه بس!!! هيحصل هيحصل...احنا يادوب كام شهر بس....
أكمل بحماس: ااااخ...اموووت واللحظة دي تيجي...هتجنن واسمع خبر حملك...يا چنا...مش مصدق ان هيكون ليا منك طفل بجد...انا مش عارف هعمل ايه وقتها....
چنا بغيظ: ياخوفي تحبه اكتر مني....تنساني انا وتحبه هو...والله وقتها انت حر...!!!؟
أكمل قرب منها بخبث:والله عيب عليكي!!! انا انساكي!! حد ينسي روحه بردوا....ده انتي الاصل يا ام العيال....
چنا عقدت حاجبها : عيال!!! هو واحد...انت فاكرني ايه!! ارنبة..!!؟
أكمل بسخرية: ننننعم!!؟ واحد ده ايه!! انا هجيب ٦ يادوب اهدي وبعدها افكر في السابع واللي بعده....انا اتعقدت من الوحدة....انا عايز عزوة....عااايز عيااال كتيييير....فريق كورة بالاحطياتي....
چنا بخوف مصطنع قامت من جنبه بهدوء وبتبعد : انا بقول انام في الاوضة التانية الليلة....مش مرتاحة للحوار ده...مش معدي علي خلايا الايستيعاب....انت مجنون يا حبيبي...والله مجنون....
أكمل قام وبيقرب منها بخفة وتهديد: عيييب قولتلك..!!! متجوزة عفاف انتي علشان تنامي في الاوضة التانية!!؟ ثم يا قلبي لازم ننجز في الفريق...لسة فيه اساسي..واحتياطي....ومدير كورة...ومساعدين.وليلة كبيرة اوي يا بيبي.....
چنا بتتسحب وجريت برا الاوضة بسرعة: والله هبلغ عنك جمعيات حقوق الانسان...!!؟
أكمل بتصميم: وحياة غلاوتك لو حتي بلغتي جمعيات حقوق الحيوان والبنات...والحجارة والله ما هسيبك....تعالي هنا....
چنا بتجري وتتفادي انه يلحقها: ههههههههههه....يالهههوي...
الحقني يا جدو....يا بابي الحقني....منهم لله جوزوني مجنون بشهادة...والله مختل...
أكمل لحقها وشدها لحضنه وضمها وهو بياخد انفاسه براحة: بحبك....
چنا ابتسمت بحب: بحبك...
أكمل شالها وبهمس: نبدأ ونتوكل علي الله...الاول...
چنا ضحكت : طب ما تخليها توأم وننجز علشان الفرهدة!!!؟
أكمل بيضحك: ههههههههههه...وماله كله موجود يا هانم اطلبي واتمني انا العفريت...
چنا غمزته: بحبك يا عفريت قلبي....
أكمل قربها وباسها بحب ورقة : بحبك يا عفريته هانم..
خلص الفصل..ويارب يعجبكم......