رواية رحم للايجار
الفصل الخامس عشر 15 والسادس عشر 16 الجزء الثاني
بقلم ريحانة الجنة
في الجونة حلا مع الولاد علي البحر وفادي كان في مكتبه في الادارة بيتمم علي شغل القرية والحسابات . دخلت ليه سيلا.
سيلا بإبتسامة: صباح الخير يامستر فادي .
فادي ابتسم: صباح النور يا مدام سيلا اتفضلي.
سيلا قعدت: هو مش ممكن تبطل تقولي مدام دي. خاليها سيلا بس.
فادي عارف انها بتحاول تقرب منه بأي شكل: والله انا شايف كدة افضل خصوصا ان اللي بينا شغل احنا مش اصحاب.
سيلا بغيظ من انه مصر يعمل مسافات وحدود بينهم: فعلا مش اصحاب بس ممكن نبقي ولا ايه .
فادي قام من مكتبه وحط ايده في جيبه: اممم . سيلا انتي عايزة ايه. وياريت نجيب من الاخر انا مابحبش اللف والدوران.
سيلا قامت ووقفت قصاده وقربت منه جداا وبدلع وهي بتلعب في ازرار قميصه.
سيلا: بصراحة انت عارف اني معجبة بيك ونفسي نكون اصحاب. فادي انت رضيت عني وبقيت معايا انا هكون اسعد ست في الدنيا. وهسعدك سعادة عمرك ماعشتها. بس انت حن.
فادي بحزم مسك ايديها بقوة ونزلها : مايتهيأليش انك عمرك سمعتي اني رجالة الحديدي ليهم في الشمال ولا بيلموا زبالة غيرهم. اسمعي يا سيلا انا لو كنت بعدي اي حاجة بتعمليها قبل كدة فده لانك كنتي بتلعبي من بعيد وتلمحي. لكن دلوقتي انتي بتلعبي علي المكشوف. انا تنسيني . انا مش هقرب منك لو بقيتي ملط قدامي مفهوم.
سيلا دمعت: يااااااه. للدرجة دي شايفني وحشة. ولا تكونش بتحب مراتك وعايش دور الوفي.
فادي بسخرية: ههههههه. لا ابدا انتي مش وحشة انتي جميلة واي واحد غيري وحطي تحتها خط دي هاه. ممكن يريل عليكي بسهولة. لكن انا مستحيل. كمان انا مش محتاج اعيش دور الوفي لاني كدة فعلا انا بحب مراتي وعمري ماهخونها وده مش بس لانها ماتستهلش كدة. انا لو كنت حتي مش متجوز ماكنتش هقربلك. لاني قولتهالك رجالة عيلة الحديدي. مابتلمش زبالة غيرها . واللي زيك يا عرفت رجالة فاهماني ياسيلا ولا اقول كمان !
سيلا بقي جواها غضب وغل منه ومن كلامه عنها ونظرته ليها بالشكل ده. كمان برغم كل ده الا انها متمسكة بإنها تحاول لاخر نفس. انها تمتلكه ولو لليلة.
سيلا بتمثيل بتعيط: الناس كلها فهماني غلط . وبتحكم عليا بالشكل ده لكن انا كنت بتجوز انا مش بعمل حاجة حرام .
وقربت منه تاني وبإستعطاف.
طيب ممكن اطلب منك طلب اخير . ولو بتحب حلا مراتك بجد ماترفضدش.
فادي بنفاذ صبر: نعم !
سلا : تجي حفلتي الليلة حتي لو هتجيب معاك مدام حلا مش مهم المهم ان انت تيجي. ارجوك مش طالبة منك غير الطلب ده بس.
فادي بزهق: يا مدام سيلا قولتلك انسي اللي في دماغك.
سيلا برجاء: علشان خاطري طيب بلاش خاطري بحلفك بحياة حلا مراتك تيجي هي مرة فرصة انك اجازة مش في القاهرة وبتبقي مشغول. انا بس عايزة اصحابي يشفوك في الحفلة دي لوحدها كبيرة اوي. وزي ماقولتلك هات حلا معاك .
فادي: طيب ربنا يسهل هشوف. عن اذنك علشان سايب حلا والولاد كتيير لوحدهم.
خرج فادي وفضلت سيلا بتفكر وتدبر ايه اللي ممكن يفرقه عن حلا ويخليه يفكر فيها هي.
......................................
في مكان هادي كان مؤمن وشيري واقفين قصاد عربية مؤمن. وبيضحكوا.
شيري: ههههههههه. والله العظيم انت مسخرة آل ظابط آل يخرب عقلك.
مؤمن: ههههههه. لا عندك انا ظابط اوي انتي ماتعرفيش.
شيري: ههو انت ليه ماتجوزتش لحد دلوقتي .
مؤمن اتنهد: بصراحة مش هكدب عليكي. مش لاقي واحدة تكون فيها مواصفاتي حاسس اني بطلب المستحيل.
شيري عقدت حاجبها:مش فاهمة وانت عايز ايه يعني!
مؤمن: احنا كرجالة وشباب لفينا وعرفنا بنات وستات كتيير. لما بنيجي نتجوز بيبقي عندنا مشكلة. عايزنها بنت ناس ومؤدبة ومتربية . وفي نفس الوقت تكون بدلع وشقاوة البنات اللي عرفناها بس طبعا بعد الجواز.
شيري: طيب وفين المشكلة ماهو طبيعي لما تتجوزوا هتخدوا علي بعض وتتفاهموا.
مؤمن بسخرية: والنبي يا بنتي انتي غلبانة يا ايما هبلة .
شيري: ليه بس؟
مؤمن: البنات والستات عندنا ماعندهمش وسط الا قلة بس. يعني ياتكون يمين اوي يا شمال اوي . بصي انا هفهمك. انا ليا. احد صاحبي كان خاربها ستات وشرب وسهر وسفر وايه. عرف ستات في حياته اكتر من الرجالة. زهق بقي وقال الواحد دايما في خطر وبيبقي بينه وبين الموت ثانية. يتوب بقي ويرجع لربنا ويتجوز.
شيري: حلو جدااا. ربنا هداه اهو.
مؤمن بصلها بسخرية: ااه فعلا ماهي مراته توبته. الواد سأل ولقي بنت ناس واهلها محترمين واتقدم واتجوز وكدة قشطة اهو.
شيري:وبعدين.
مؤمن: من اول ما اتجوزها وهو حاسس انه اتجوز واحد صاحبه. يهزر كدة ولا كدة تقفش وتزعق . قال يمكن مكسوفة احنا لسة بناخد علي بعض. يطلب منها حاجة كدة ولا كدة. تبهدله . وتقوله انت فاكرني مين زي البنات الزبالة اللي عرفتهم. الواد ياقلب امه صبر واستحمل وقال يمكن مع الوقت تفك وتاخد وتدي كدة. خلف بنت في التانية. وهي زي ماهي مابتتغيرش.
الواد تعب بقي وقلبه اشتكي من قلة الهشتكة.
شيري: هههههههههه. انت فظييع. ايه اللي بتقوله ده.
مؤمن:هههههههههه. اه والله ياقلب امه اتمرمط مع الشاويش اللي اتجوزها دي. المهم قال يحركها شوية ويفاجأها كدة. قام مشتري بدلة رقص ورجعلها . قالها يا حياتي عايز اشوفك بترقصي. الولية جالها انهههيار في اعصابها وقلبت علي الليمبي. انت سافل انت راجل مش محترم. انت واخدني من بيت ناس انا متربية ويالهههوي كانت ليلة سوداء.
شيري: يا خبر ليه كل ده.
مؤمن: انا عارف. محسساني انه قالها انا هشغلك في جامعة الدول ولا مضيت عقد احترافك في تركيا. حاجة نيلة. المهم اتصلت بأهلها واهله وفضحته وقالتلهم شوفوا البيه عايز ايه. اهلها بهدلوه احنا بنتنا متربية مش بتاعة الكلام ده انت فاكرها ايه.
شيري: يادي الفضيحة ليه كل ده بس؟! وهو عمل ايه.
مؤمن: عمل ايه. عمل كل خير. طبعا مارضيش يطلقها علشان عياله . بس بقي بينهم شرخ.اصل انا راجل من حقي اتلع واعيش حياتي في بيتي مع مراتي حلالي. اللي. سيبت كل الستات واخترتها هي. نهزر نضحك تحسسني انها حبيبتي وعشيقتي وصاحبتي. مش مجرد مراتي وام ولادي. وانا كمان ادلعها واعيشها كل اللي اتحرمت منه وماعاشتهوش.
شيري: طيب مش يمكن انكسفت او مش بتعرف ترقص.
مؤمن: علي فكرة المشكلة مش انها تعرف ولا لا. المشكلة في المبدأ نفسه .هي مش عايزة تتغير. بصي ياشيري لاسف احنا عندنا فكر عقيم متخلف سواء ستات او رجالة. الراجل اللي يطلب من مراته انها تدلعه هو وبس هو ماطلبش منها تدلعه هو اصحابه مثلا. يبقي قليل الادب وعايزها تنحرف. والست اللي تسأل وتفهم وعايزة تسعد زوجها ونفسها جوزها يعتبرها انحرفت وبقت مش تمام لا ده كمان ممكن يشك فيها. الغريب ان ربنا أمرنا بالحب والتودد بين الازواج. مش بالجفاء والنفور. كمان الحرام بين . والحلال بين . هو مابيطلبش منها حاجة حرام. هو عايز اهتمام دلع فرفشة بعد قرف اليوم اللي بيشوفه.
شيري: عندك حق. ولعلمك لو كل ست اعتبرت ان تزينها ودلعها ورقتها مع زوجها دي مكافأة ليها هي كمان بعد يوم طويل مع الولاد والبيت والمسؤلية. هتحس براحة مش مجرد تأدية واجب وخلاص.
مؤمن ابتسم وغمزها:ايه ياواد ياسمارة العقل ده هو فيه كدة.
شيري بخجل:ههههه. المهم صاحبك عمل ايه مع مراته.
مؤمن: ولا حاجة مش هو سافل وقليل الادب وهي مالهاش في قلة الادب. سابلها ادبها بقي وراح للي تدلعه.
شيري: رجع يعرف ستات.
مؤمن:تؤتؤ. هو كان زهق من النوع ده . بس اتعرف علي واحدة تانية وارتحلها واتجوزها من وراها ومدلعاه اخر دلع.
شيري: ياحررام. ومراته .
مؤمن: كاتها قطر ياكلها . دي وليه حيزبون عايزة تتعلق من حاوجبها. تستاهل مش هي اللي طفشته. يابنتي الانسان مننا طاقة لما بتخلص ويجيب اخره مابيتحملش ولا بيعمل حساب حاجة. ولعلمك هو مستبيع لو عرفت هيطلقها ويخلص منها وبناته يبقي يشوفهم براحته.
شيري : احممم. طيب ممكن تروحني بقي اتأخرت.
مؤمن بحزن: ليه بس لسة بدري. انا مالحقتش اشبع منك. شيري انا مش برتاح غير وانا معاكي.
شيري بخجل: ووانا كمان والله. بس ماما مستنياني علشان محتاجاني معاها في مشوار. تتعوض مرة تانية.
مؤمن ابتسم: خلاص علشان خاطر ماما بس.وقرب منها وبص في عنيها. احمم هو انا ممكن اسألك سؤال.
شيري: اه طبعا اسأل.
مؤمن ابتسم بخبث:هو انتي بتعرفي ترقصي.
شيري انكسفت وزقته وراحت تركب : انت قليل الادب.
مؤمن ضحك وشدها قبل ماتركب. ولفها ليه
: ههههههههه. يبقي بتعرفي. قويناااا يااااارب.
شيري بخجل ووشها احمر: اوعي بجد عايزة امشي انا غلطانة اني بسمعك.
مؤمن بحنية: شيري عايزك تحددي معاد مع باباكي عايز اقابله.
شيري بصتله بزهول: بببابا وانت عايز بابا ليه!
مؤمن بمكر: والله مش فاهمة!
اصلي قديم (اصلي قديم)
دي ماهياش مستهلة لا س ولا ج. انا فاهمك صح انا اصلي قديم. من ايدك دي انا لإيدك دي . ومعاك انا دغري ماشي سليم.
شيري ابتسمت: لا مش فاهمة عايزه ليه!
مؤمن قرب منها اكتر : عايز اقوله ان بنتك حلوة اوي وجميلة اوي ومجننناني اوي اوي.
اااه ياشاغل قلبي عيني دابه . ده انا داخل بيتكوا من بابه . سنين صابر . كله بثوابه شوف بقي التصميم.
شيري قلبها بيدق دقات مش عادية كلها فرحة وسعادة ماكنتش متوقعة من مؤمن انه يتقدم لها عايزة تصرخ وتقوله قولها بصراحة فرح قلبي.
شيري: عايز تقول كدة لبابا بس.
مؤمن اتنهد: شكلك بتحبي شغل الروايات والافلام. تمام وانا مش هحرمك من حاجة. يا سمارة .
مؤمن نزل علي ركبته قصادها ومسك ايديها باسها. وبصلها بحب صادق بجد.
مؤمن:شيري تتجوزيني!
شيري من فرحتها دمعت : مؤمن ااانت بتتكلم جد ولا هزال زي عاويدك.
مؤمن قام وقرب منها وهو بيمسح دمعة فرحة نزلت منها: انا عمري ماتخيلت اقولها بجد لاي واحدة . بس انتي عملتي فيا اللي محدش غيرك قدر يعمله.كل حاجة فيكي حبيتها واتمنيتها.
الاحلي في عيني بالترتيب عنيك ضحكتك اشوفهم اشيب. انا ماقابلتش كدة في الدنيا . احساسي ده جديد عليا اكيد.
اااه ياشاغل قلبي عيني دابه. ده انا داخل بيتكوا من بابه. سنين صابر. كله بثوابه . شوف بقي التصميم.
شيري ابتسمت:واشمعن انا يا مؤمن .
مؤمن قرب من ودنها وهمس بحب: علشان بحبك.
شيري مسكت ايده لانها حاست ان كل اللي بيحصل ده جديد عليها كانت اكنها دايخة ومش عارفة تتماسك.
مؤمن مسك ايديها بقوة وسندها وابتسم ورفع عنيها ليه تقابل عنيه: بتحبيني!
شيري من غير ماتفكر بصت في عنيه بحب: بحبك وبحبك اوي كمان.
مؤمن باسها من جبينها بحب : اوعدك يا شيري اخليكي اسعد عروسة في الكون ده.
شيري ابتسمت: مصدقاك.
مؤمن : طيب هاجي لباباكي امتي بقي.
شيري: امممم. هتفق معاه وابلغك.
مؤمن ابتسم بخبث وغمزها: طب ايه مافيش حاجة كدة تحت الحساب ما انا جاي لابوكي اهو راضيني بقي كدة وهاتي بوسة.
شيري بغيظ ضرته في كتفه:مش هتتغير هتفضل سافل كدة. ده بعينك لما تكتب الكتاب يا حبيبي.
مؤمن عض علي شفايفه :هي هتبقي بوسة بس ده انا هموتك بعد كتب الكتاب ده. بس تعالي هنا . قولي حبيبي دي كدة تاني.
شيري : ههههههههههه. تؤتؤ
مؤمن: وحياتي ده انا غلبان.
شيري: انت حبيييييبي.
مؤمن اتنهد : يالهههوي ياجدعان حد يجبلي ابوها هكتب وقتي هنا.
شيري: ههههههههه. يالا يا مصيبة روحني اتاخرت.
مؤمن غمزها: قريب مافيش اتاخرت وروحني. هتبقي روحنا علي عش الحب وطير يا حمام.
شيري بخجل:ياارب.
مؤمن: انا قولت انتي واقعة من زمان ماصدقتنيش.
شيري بغيظ: بس يارخم.
مؤمن: طيب يالا علشان لروحك واعرف هتعملي ايه مع باباكي ياسمارتي.
......................................
في الاستوديو الخاص بحمزة التهامي. كانت فتون لوحدها في الاستوديو وكانت في مكتب حمزة وواقفة قصاد صورته وسارحانة وبتغني. (لولا الملامة ل وردة).
حمزة كان في معاد برا ومعاه ايمن. ورجع ومالقاش فتون برا قرب من مكتبه لقاها بتغني وقف هو وايمن مصدومين صوتها جميل جدااا.ايمن جه يدخلها . بس حمزة وقفه وشاورله مايتكلمش عايز يسمعها دي اول مرة يعرف ان صوتها حلو كدة. وهي بتغني . ابتسم وسمعها بقلبه. فتون بهياام وهي بتبص لصورة حمزة.
لولا الملامة ياهوا لولا الملامة . لفرد جناحي علي الهوا زي اليمامة . واطير وارفرف في الفضا واهرب من الدنيا الفضا. وكفاية عمري. كفاية عمري اللي انقضي وانا بخاف الملامة.
حمزة ابتسم: وانا بحبك والله بحبك.
فتون بدموع وحزن لما افتكرت كلام ريم ونظرة كل اصحابه ليا وخوفها من اللي جاي .
سألوني كتيير. سألوني كتيير سألوني . سألوني عليك . بتحبيه؟
ايوة . ايوة . وهنكر ليه. بصولي ملام وقالولي كلام جراح. ااااه. فرشولي الارض فرشولي الارض دموع والشمس جراح.
فتون حضنت صورته بدموع.
كل ده كله عشان حبيت. ولا عشان قولت انا حبيت. لولا الملامة .
حمزة بإعجاب وهو ايمن سقفوا ليها بقوة.
فتون اتخضت ولفت بصدمة وانكسفت.
حمزة قرب منها وبصلها بحب:مش معقول انتي صوتك يجنن. ليه ماقولتيش انك صوتك حلو كدة.
فتون وشها احمر بكسوف:اااانا . لا مش للدرجة دي. ااانا بس بدندن مع نفسي.
أيمن: لا يا فتون فعلا صوتك حلو اوي. كمان ادائك مع الاغنية مقنع .
حمزة بصله بغضب وغيرة: أيمن استناني برا.
ايمن بإحراج: احممم. حاضر عن اذنكم.
خرج ايمن وحمزة بص لفتون تاني : بقولك ايه ايه رئيك. تغني معايا.
فتون بزهول: انا! اغني مش ممكن.
حمزة بحماس: ايوة انتي. اسمعي مش انتي اللي مخوفك من ارتباطنا انك تحسي انك اقل مني مع انا مش شايف كدة. بس انتي لما تغني معايا هتتشهري في الحفلات والكل هيعرفك ووقتها هيبقي ارتباط اتنين مغنين . ده غير انك هيكون ليكي نسبة من اي حفلة هتتعمل وده هيفرق معاكي ماديا. طبعا قصاد الناس. لانه مايفرقش معايا وانتي عارفة. كمان هتكوني معايا طول الوقت في الروڤة هنا وفي الحفلات. هاه قولتي ايه.
فتون متلخبطة ومترددة بس طبعا ثقتها في حمزة مالهاش حدود اتنهدت: انا مش فاهمة كل ده. بس مادمت انت شايف ان ده في مصلحتنا انا موافقة بس انا بنكسف اغني قصاد حد. هعمل ايه قصاد الناس.
حمزة قرب منها وبص في عنيها وابتسم: وقتها هخليكي تبصي في عنيا وتغنيلي انا مش هتحسي بالناس. زي ماكنتي بتغني لصورتي من شوية.
فتون بكسوف : ااانت سمعتها كلها؟
حمزة ابتسم: ااه كلها. بس انا عايزك تفضلي واثقة في نفسك وفيا اياكي تخلي حد يقلل منك. انتي حبيبة حمزة التهامي مش اي حد.
فتون ابتسمت: ربنا يخليك ليا انت اجمل هدية من ربنا.
حمزة باس ايديها وبمكر : وانتي اكبر فتنة من ربنا ليا. مش عارف هصبر عليكي ازاي وانتي قصادي كدة وعمالة تحلوي وتحلوي. كدة ممكن اتهور.
فتون: هههههههه. مستحيل تتهور انا عمري مااخاف منك. انا ارمي نفسي في النار لو انت قولتلي ان دي جنة هصدقك واكدب عنيا.
حمزة قربها لحضنه بحنين: وانا عمري ماهأذيكي ابدااا. هحطك تاج علي راس الكل. مش هتكوني حبيبتي وبس لا هتكوني مراتي وحبيبتي وشيركتي كمان. انتي بقيتي دنيتي كلها يا فتون. المهم بقي انا عندي ليكي خبرين الاتنين احلي من بعض.
فتون :بجد خير قولي بسرعة.
حمزة: عرفت مكان محسن الكلب وحاليا بحضرله مصيبة علي مزاجي تليق بكلب زيه.
فتون بحزن: مش بحب اسمع اسمه بفتكر اللي حاول يعمله.
حمزة بحزن اكبر جواه: وانا اكتر منك. بس انا بيتولد جوايا نااار لما بفتكر اللي عمله مش اللي كان هيعمله .
حمزة: احمم. انسي يافتون انتي حاليا بقي ليكي حياة جديدة معايا وليا. ماتفكريش في اي حاجة عدت نهائي. فكري في اللي جاي وبس. انا بقولك بس علشان تتأكدي اني عمري ماهسيب حقك وحقي ابدا. وانا اقسمت هوصله لحبل المشنقة بنفسي ولو ماحصلش هقتله بإيدي.
فتون بصتله بحب: بحبك اوي ياحمزة اوي.
حمزة اتنهد براحة: طيب ينفع كدة توقعيني من سابع سما وانا في عز حماسي كدة . وتخليني انهاار . يالههوي قولي بحبك ياحمزة كدة مرة كمان.
فتون بخجل:حمزة بس بقي انا قولتها كدة . مااعرفش طلعت ازاي.
حمزة: ههههههه. طلعت من قلبك يا روحي. وانا كمان بحبك وبموووت فيكي. نقول بقي الخبر التاني.
فتون هزت راسها: قول .
حمزة : خلاص لقيتلك الشقة الجديدة اللي هتنقلي فيها انتي ووالدتك واختك . ومضيت العقد ومن بكرة هتكوني في الشقة الجديدة. يعني تروحي النهاردة وتجهزوا كل هدومكم بس مش هتاخدي اي حاجة غير كدة.
فتون : بجد . ربنا يخليك ليا ببس ايجارها كام وفين وازاي هناخد هدومنا بس طيب هنفرشها ازاي.
حمزة قعد وقعدها جنبه: قلبي انا الشقة حاليا بتتفرش. انا اختارت كل حاجة وهما دلوقتي بيفرشوها. وبعدين انا عايزك تنسي خالص بكام ومنين. انا اللي متكفل بكل حاجة. انتي نسيتي اني قولتلك انك ملزومة مني يبقي خلاص. ماتشليش هم حاجة.
فتون دمعت:كل ده بتعمله علشاني. انت بجد بتحبني اوي كدة.
حمزة مسح دموعها: لا مش بحبك كدة. بحبك اضعاف كدة . فتون انا ماحبتش غيرك ومش عايز غيرك. انتي بقيتي حتة مني .
فتون : انا كنت دايما اقول اني حظي قليل وان الدنيا جاية عليا واني مش عارفة افرح. بس اتضح ان ربنا راضي عني وشايلي اجمل واحلي هدية . نصيبي معاك وقدرنا ده. نعمة كبييرة اوي وكتييرة عليا.
حمزة ضمها لحضنه بحب وحزن علي اللي حصلها واللي هي لسة ماتعرفوش: انتي اللي ماتستهليش اي حاجة وحشة حصلتلك. انتي جميلة وبريئة وتستاهلي حبي واكتر كمان.
فتون ضمته بحب وآمان : ربنا يخليك ليا انا مااقدرش اعيش من غيرك.
حمزة ابتسم: ويخليكي ليا يا روحي . ولا انا كمان اقدر اعيش من غيرك ابدااا.
وخرجها من حضنه بهدوء. : بستهبل انا واحضنك كتيير. بس غصب عني لما بتكوني قصاد عنيا مش بسيطر علي نفسي وابقي همووت واضمك لحضني. علشان كدة عايز في اسرع وقت نتمم جوازنا.
فتون: طيب مش لما تكلم اهلك الاول.
حمزة : قلبي انا لمحتلهم اني معجب بيكي وعرفتهم ظروفك وماحدش منهم علق ولا اعترض. بس النهاردة هافتحهم في جوازنا. بس ماتقلقيش. انا مافيش اي حاجة ممكن تخليني ابعد عنك مهما كانت . يالا بقي تعالي اروجعك البيت علشان تلحقي تجمعي حاجاتكم . علشان بكرة الصبح هاجي اخدكم علي الشقة الجديدة .
فتون: حاضر يالا بينا . حمزة كنت عايزة اسألك. انت اعتذرت لريم زي ماوعدتني.
حمزة ابتسم: ايوة ياستي وصالحتها كمان. وهي تفهمت. عصبيتي يومها وفهمت اني بحبك ومش ممكن هبعد عندك. وبعدين ريم دي صديقة عمر من زمان وعارفاني كويس.
فتون : الحمد لله. كنت زعلانة اوي . ماكناش احب ابقي سبب في اي بعد بينك وبين اصحابك. يعني هترجع تشتغل معانا هنا.
حمزة: ايوة هترجع بس مش دلوقتي هي هتسافر فترة كدة مع اهلها ولما ترجع . هتشتغل معانا تاني. يالا بقي علشان مانتاخرش.
......................................
في ڤيلا مهاب عز الدين .
چودي ومهاب قاعدين مع بعض لوحدهم.
چودي بخوف: مهاب ابعد شوية علشان انا اصلا ماصدقت بابي رضي عني وعدي المرة اياها . اتلم بقي.
مهاب بضيق: ابو كدة بقي انا زهقت. ماتخلصي طيب بقي الشقة الجملي دي. انا كدة مش متحمل.
چودي بدلع: الله وايه بقي اللي مخليك مش متحمل .
مهاب : طيب بذمتك لما تقعدي تدلعي كدة عليا وانا متكتف ومش قادر اقربلك يبقي حلال ولا حرام.
مهاب من وراه ضربه علي دماغه: لا حلال وحياة ابوك الغالي. ماتتلم يالا انت انت مابتحرمش.
مهاب اتعدل في قعدته: احمم. ايه بس يا سيادة اللواء انا عملت ايه . دي مجرد همسات بريئة.
مهاب: ههههههه. بريئة ماتت مولعة يا ابن سامح. ولا اتقل كدة علشان هنفخك.
مهاب بغيظ: طيب مانكتب الكتاب بس لحد الشقة ماتجهز.
مهاب: ماينفعش اختها مسافرة وانت عارف . مش هكتب كتابها من غير تمارا. ثم كتاب مين يا اهطل انت . انت عايزني اكتبلك انت وبعدين الجواز. يا ابني اللي زيك ما اضمنوش من هنا لحد الباب ده. انت هكتبلك يوم الفرح وقبل كمان ما الفرح يخلص بربع ساعة. ده انت ممكن تسهينا وتاخدها قبل ما الفرح يبدأ اصلا.
چودي: هههههههه. والله يابابي عندك حق مجنون ويعملها.
مهاب بعصبية:ليه يعني مافيش ثقة خالص كدة. والله هتحكم في نفسي بس كدة حرام ممنوع الهمس واللمس .
مهاب : ههههههه. اقسم بالله . انا فرحان فيك. وبعدين انا لو كتبتلك عليها هلقيك اجوزتها ليلتها انت اصلا متنيل علي عينك ضايع. انا عارف انت ظابط ازاي بس.
مهاب: لا ياباشا بقي عندك. انا جامد اوي وبتحكم في نفسي. بس ده حب قلبي بقي بحبها من وهي في اللفة .
مهاب قام يدخل اوضته : يبقي تتحكم من دلوقتي وماتقرفنيش معاك. خاليها تخلص الديكورات. واول ماتمارا ترجع بالسلامة اجوزكم وارتاح منكم بقي جاتكم الهم.
مشي مهاب. ومهاب قرب من چودي بحماس: سامعة يا چيچي. تخلصي بقي بسرعة ابوس ايدك. علشان نتجوز.
چودي بدلع: اممم. ايدي بس.
مهاب قرب منها اكتر بشوق:ايديك ايه بس اللي بس دي. دي ايدك ورجلك ووو.
مهاب من بعيد:ابعد شوية يا حيوان . احسن اجيلك واكسرلك ايدك دي.
مهاب بعد عن چودي وهي بتكتم ضحكتها.
مهاب: اوفففف. الصبر يارب. انا مافيش حاجة مصبراني علي المرار ده. غير اني بحبك . الله يلعن ابوا الحب ده. بيقل قيمة الواحد.
چودي صعبان عليها وبحنية:وانا كمان بحبك يا هوبا . وعمري ماحبيت غيرك . حقك عليا انا اسفة. والله هخلص الشقة في اسرع وقت.
مهاب ابتسم وقرب تاني وباس ايديها: ولا يهمك يا قلب هوبا . انا لو هعدي النار بس اوصلك هستحمل واعدي. انتي مش ممكن تتخيلي انا بحبك قد ايه. انتي روحي يا چيچي.
چودي: غمضت عنيها وابتسمت:ياربي عليك انت بتجنني بكلامك ده.
مهاب: طيب ابوس ايدك فتحي عنيكي بقي واسكتي علشان انا كدة علي اخري وربنا اقوم اغتصبك وابوكي هنا . ولا يهمني.
چودي:ههههههههه. لا لا خلاص اعقل يا رمضان
مهاب: واجيبه منين ياختي بقي وانتي واخدة عقلي معاكي. انا اصلا ماشي من غير قلب وعقل سرقتيهم والحمد لله.
چودي: ربنا يقرب البعيد ونتحوز. بس يارب تفضل تحبني كدة وماتتغيرش بعد الجواز.
مهاب: اتغير مين بس ده انا هستقيل من الدخلية واقعد جنبك بس نتجوز.
چودي :هههههههه.
مهاب: اضحكي يا تاعبة قلبي انتي . هههههههههه.
......................................
في ايطاليا بمدينة فلورنسا . داخل محل ملابس شيك جدااا واقفة تمارا مع شهاب.
تمارا بعصبية: انت اكيد اتجننت انا مستحيل اشتري الحاجات دي. انا ازاي هلبس الفستان ده ولا الجزمة ايه الكعب ده . علي جثتي .
شهاب بتجاهل ليها اختار كل حاجة واداها للبنت علشان تجهزهاليهم.
تمارا بغيظ: انت بتستفزني صح .
شهاب بهدوء: اولا بقي مافيش عروسة وجاية تقضي شهر العسل وتفضل طول الوقت باللبس ده. انتي لازم تلبسي زي البنات والستات. كمان هنا هنكون معظم الوقت علي البحر ولازم لبس مناسب لكدة. ده غير الحفلة اللي بيجهزولها اخر الاسبوع ده. هتروحي بإيه بقي ممكن اعرف؟
تمارا بإحراج: اايوة ببس. انا عمري مالبست كدة.
شهاب: عارف. اعتمدي عليا وانا هختار كل حاجة. انتي بس اسمعي الكلام.
تمارا : ببس انا مش هقدر البس كدة ده لبس مكشوف وووانا .. ااانا.
شهاب ابتسم وقرب منها: انتي هتكوني جميلة اكتر لما تتغيري. وخاليكي واثقة اني مستحيل البسك حاجة عريانة ولا قصيرة. ده لبس عادي بس انتي مش واخدة عليه .
تمارا ابتسمت: وليه بقي مش هتخليني البس عريان. انا حرة اصلا. افرض عجبتني حاجة وجبتها.
شهاب: هاتي اللي يعجبك والاوڤر. هيتلبس في البيت . ماحدش هيشوفه. وده مش كلام . ده امر. يالا اتفضلي قدامي. لسة ورانا مشاوير كتييير.
تمارا ابتسمت: اااه يازمن بقي تماارا عز الدين تاخد اوامر منك عجبي.
شهاب: ههههههههه. ولسة انتي شوفتي حاجة. ده البوب انا السيطرة يابنتي .
تمارا: ههههههههه.
شهاب وتمارا اشتروا كل حاجة وروحوا البيت. ولما رجعوا كانوا بيجهزوا علشان يروحوا يراقبوا مهدي كان عنده مقابلة مع اشخاص من الماڤيا . بس المقابلة هتكون في أوتيل وفي غرفة في الاوتيل ده . حجزوا اوضة هما كمان وراحوا الفندق وغيروا هدومهم بلبس تاني وغطوا وشهم وملامحهم. وجهزوا الادوات اللي هينزلوا بيها من تراس الاوضة للدور اللي فيه الغرفة اللي فيها مهدي واللي معاه. ونزلوا فعلا بإستخدام ادوات زي ادوات تسلق الجبال كدة. ووصلوا تراس الاوضة بتاعة مهدي. وبحزر قربوا وسجلوا المقابلة صوت وصورة. بس في نهاية المقابلة حد من الحرس لمح طيف في التراس. وشهاب اخد باله منه. وبسرعة ابتدا يهرب هو وتمارا من التراس بس ماطلعوش اوضتهم . نزلوا لتحت والحرس شافهم وهما بينزلوا بالحبل ده. وضرب عليهم رصاص. شهاب وتمارا نزلوا تحت وخرجوا من الاوتيل وابتدا يحصل قلق والحرس نزلوا وراهم . شهاب بسرعة ركب العربية هو وتمارا. بس حرس مهدي وراهم. بعربية تانية. شهاب كان بيسوق بسرعة جنونية. تمارا فجأة اخدت بالها ان شهاب بيكتم المه. بصت علي دراعه. لقته بينزف. اتخضت .
تمارا: شهاب انت انصبت وبتنزف
شهاب متماسك ومركز مع عربية رجالة مهدي: ماتلقيش انا كويس. اسمعي تحت الكرسي اللي انتي قاعدة عليه ده. هتلاقي شنطة طلعيها.
عربية رجالة مهدي بتقرب وبيضربه رصاص علي شهاب وتمارا. وشهاب بيضرب عليهم هو كمان .
شهاب : بسرعة يا تمارا .
تمارا طلعتها :اهي طلعتها.
شهاب : افتحيها بقي وهاتي السلاح اللي قصادك .
تمارا فتحتها بس استغربت:ده سلاح غريب اوي . ايه ده .
شهاب بيتألم: تمارا المرة دي عايز نشانك يصيب اياكي تفشلي. عايزك تنشني علي العربية بتاعتهم كويس. هي طلقة بس وهنخلص منهم.
تمارا بخوف ورهبة من الموقف: ححاضر ححاول.
شهاب بحزم وعصبية: مافيش محاولة لازم تنشني صح بسرعة.
تمارا اخدت نفس طويل وخرجت برا شباك العربية ونشنت وفعلا نشانها اصاب واصابت العربية.
شهاب ابتسم بألم: براڤوا عليكي. هاتي بقي الجهاز اللي في الشنطة .
تمارا ادتلوا الجهاز. شهاب اخدته وشغله وداس علي زرار. وفي لحظة كانت عربية رجالة مهدي بتلف حاولين نفسها بسرعة وجنون وفجاة انفجرت..
شهاب اخد نفسه وارتاح وكمل سواقة علي البيت .
تمارا : مش ممكن ده ايه السلاح ده.
شهاب: لسة هتشوفي وتعرفي اكتر معايا. ماتستعجليش.
تمارا بخوف عليه: شهاب انا قلقانة عليك . انت بتنزف جامد اوي . اسوق انا طيب.
شهاب بيتحامل علي الالم: لا انا هكمل ربنا يستر . وبصلها بقوة
انا هبقي كويس طول ما انتي جنبي وخير . انا مش مهم المهم انتي تبقي كويسة.
تمارا مسكت ايده اللي سايق بيها: وانا جنبك ومش هسيبك . وهعمل المستحيل علشان انت كمان تكون بخير.
شهاب ابتسم وكمل سواقة للبيت. ... تبع 🌺
الحلقة السادسة عشر
في مدينة فلورنسا شهاب وتمارا وصلوا البيت بس شهاب كان تعب جدااا من الرصاصة اللي اخدها . تمارا سندته وقعد علي الكنبة .
تمارا بخوف رهييب: شهاب انت نزفت كتيير اوي هنعمل ايه هنجيب دكتور منين دلوقتي .
شهاب بألم: انتي مجنونة صح . دكتور ايه اللي هنجيبه ده. انتي اللي هتشيلي الرصاصة دي.
تمارا برعب: لا لا مستحيل ماقدرش.
شهاب بتعب: تمارا اسمعي الكلام .المكان اللي بنخزن فيه الاسلحة هتلاقي شنطة هاتيها بسرعة .
تمارا بتوتر: ططيب حاضر.
تمارا جابت الشنطة وفتحتها: اهي جبتها.
شهاب :يالا عندك المعقم والادوات عقمي وشيلي الرصاصة بسرعة.
تمارا: انت بتهزر صح . انا ماعرفش اعمل كدة.
شهاب بألم وعصبية: بطلي كدب.انتي لازم تكوني متضربة علي كل الحاجات دي. و مستحيل تترشحي لمهمة زي دي وماتكونيش فاهمة كل ده.
تمارا فعلا بتكدب. هي متضربة كويس علي كل ده . بس مش قادرة تقوله ان هو بالذات ماتقدرش تشوفه كدة بيتألم ولا ان هي كمان اللي تداوي جرحه بنفسها.
شهاب: انتي ساكتة ليه بسرعة. تمارا الرصاصة دي مش هتموتني. بس لو فضلت اكتر من كدة في دراعي هتسمم. فاهمة. وفرصتك اني اكون واعي معاكي هي 10 دقايق بالكتير. انا بدأت درجة حرارتي تزيد. واسخن من الرصاصة. بسرعة قبل ما اروح منك وابقي لوحدك. يالا.
تمارا برعب ودموع وايد بتترعش من خوفها وتوترها: حححاضر. بس ارجوك اتماسك وخاليك معايا.
تمارا اخدت المعقم وعقمت الجرح. وطلعت الادوات وبدأت تشيل الرصاصة. شهاب كان بيكتم ألمه بصعوبة وبدا يعرق بشكل كبيير. خرجتها بعد صعوبة.
شهاب وجع: اااااااه.
تمارا بدموع: اسفة والله اسفة معلش.
شهاب بتماسك: يالا اكوي الجرح بسرعة. قبل مايتلوث.
تمارا قلبها مش مطاوعها تعمل الخطوة دي. عارفة انها مؤلمة بشكل رهييب. وفعلا كوت الجرح. وشهاب صرخ.
شاب: تمااااارااااا.
تمارا سابت اللي في ايدها ومسكت ايده : سلامتك يارب انا اللي كنت انصابت. بس انت لا.
شهاب بيكتم المه . وبصلها بحب: اوعي تقولي كدة. انا اتحمل اي حاجة الا اني اشوفك بتتأاذي او تتوجعي. تمارا انتي غالية عندي اوي.
تمارا بصتله بحب : وانت كمان غالي عندي اوي.
شهاب ابتسم بتعب واضح : طيب بصي هتلاقي في الشنطة حقنة مسكنة وحقنة مضاض حيوي . هتديني الاتنين بس المضاض الحيوي ده وريد. خالي بالك. تمارا انا تقريبا بنام .
تمارا بدموع:لا لا ياشهاب وحياتي اوعي تنام انا كدة هقلق عليك خاليك معايا.
شهاب بيقاوم اغمائته بصعوبة: تمارا بسرعة المسكن.
تمارا ادته المضاض الحيوي. والمسكن.وكمان لفتله الجرح. بس شهاب كان خلاص نام ومابقاش حاسس بحاجة
تمارا كانت مرعوبة عليه لقت درجة حرارته زادت. ولسة الدواء مفعوله مابدأش. قامت وجابت كمادات وبدأت تعمله كامدات. كانت دموعها ودقات قلبها بتزيد مش بتقل . شهاب بقي الآمان والحماية بالنسبة ليها. كمان حبه بقي خلاص متمكن من قلبها بقي صعب تداريه . عدلته كويس ونيمته براحة اكبر وقعدت جنبه علي الارض. كانت بتبصله بحب وحنيين. كانت بتمرر عنيها وايديها علي ملامحه بحنان.وبدأت تمرر ايديها في خصلات شعره بهدوء.
تمارا بدموع: تعرف انا كانت اخر حاجة ممكن اصدقها ان انا احب . لا وكمان احب مين . احبك انت ياشهاب. اااه انا بعترف اني بحبك . انا بقولك دلوقتي لاني مافتكرش ممكن تجيني الشجاعة وانت صاحي وعينك في عيني واقولهالك. انا لما شوفت الرصاصة دي. اتمنيت تكون في قلبي انا. بس انت ماتتألمش. انا هكون متطمنة علي نفسي وانا بين ايديك. حبيبي اياك تبعد عني . انا اكتر حاجة رعباني انك ما تحبنيش وعارفة ان ده صعب. لان ملك لسة عايشة في قلبك . مش عارفة انا ليه حظي كدة. عمري مااحب بس يوم ما احب احب واحد قلبه مش معاه. انا عارفة ان قربك مني وتغيرك معايا ده . مش ممكن يكون اكتر من خوف علي آمانة معاك زميلة بتحاول تعلمها وتفمها. بس الغريب اني اوقات بشوف في عنيك نظرة حب. خايفة اصدقها . خايفة اتوهم وبعد كدة اصحي علي كابوس. شهاب انت صعب اي واحدة تعرفك وتقرب وماتحبكش . حبيبي يارب تقوم بخير وتبقي كويس. انا مابعرفش اعمل اي حاجة من غيرك.
اخدت ايده في حضنها وضمتها لقلبها وسندت راسها جنبه وفضلت تبصله لحد مانامت هي كمان.
......................................
في المستشفي الخاص بأنس عز الدين . كان عدي وعيلته متجمعين علشان عملية مايا. وانس فضل انها تتعمل عنده في المستشفي علشان يتابع حالة مايا بإهتمام اكبر.
مايا كانت خلاص داخلة العمليات .
هنا بدموع ماسكة ايد مايا: حبيبتي ربنا يشفيكي وتقوميلي بالسلامة يارب انا وانتي لا.
مايا بدموع: لا يا مامي ماتقوليش كدة بعد الشر عليكي.
عدي بخوف: دكتور انس ارجوك خالي بالك منها انا مش هتحمل يجرالها حاجة.
أنس: ماتقلش حضرتك . انا هحضر معاها العملية علشان اتطمن عليها اكتر. بس دكتور ماهر دكتور ممتاز وان شاء الله مايا هتكون بخير.
في غرفة العمليات
أنس بقلق: دكتور ماهر ارجوك خالي بالك منها . انا خايف عليها
دكتور ماهر: ماتخفش يا أنس ان شاء الله هتبقي بخير . انت مش واثق فيا ولا ايه.
أنس: لا طبعا واثق فيك . وبتردد عدل نظارته . بببس اصلها غالية عالية بشكل خاص .
ماهر بمكر: قولتلي شكل خاص. حاضر ماتقلقش هتبقي كويسة.
انس قرب من مايا وابتسم: ممكن تبطلي عياط وتهدي. كدة ضغطك بعد ما ظبطناه هيبوظ تاني.
مايا بدموع وخوف: غصب عني انا خايفة . ارجوك خاليك جانبي انا بتطمن وانت معايا من فضلك.
أنس بسعادة : ماتقلقيش. انا جنبك مش هسيبك ابدااا.
ماهر: هاه يا أنس المريضة الجميلة بتاعتنا جاهزة .
أنس: جاهزة اتفضل.
بدأ دكتور التخدير يخدر مايا وبدات العملية.
......................................
في الجونة في شتاليه فادي وحلا.
فادي: بردوا مش عايزة تروحي الحفلة !
حلا بعصبية: انا اصلا مش عارفة انت ليه عايز تروح. دي ست مش كويسة وانت عايز تروح عندها ليه وكمان تاخدني معاك.
فادي بهدوء: ماهو علشان هي مش تمام . عايزك. تروحي معايا. حلا انتي اظن خلاص اتاكدتي اني مستحيل ابص لست غيرك مهما كانت. وسيلا انا عارف دماغها ايه وعارف عايزة توصل لايه. هي متخيلة اني خايف اقرب منها او اضعف. بس هي غلطانة انا اللي بتحكم في نفسي قصاد اغراء الف ست زيها. بس عايزك تيجي معايا الحفلة دي علشان هي بس تتأكد انك معايا دايما وانك انتي حبيبتي وملكة قلبي. واني لو ليا مزاج منها هروح لوحدي مش هخدك . وده كان سهل علي فكرة. كمان انا هقابل هناك عاصم قدري. وده راجل تقيل وبينا شغل وعرفت منه النهاردة انه هيكون عندها في الحفلة . او تقريبا عندها كل يوم. هاه هتيجي ولا اروح لوحدي.
حلا اتنهدت: خلاص هروح معاك. بس لو استفزتني وقعدت تتمايص عليك والله هضربها انا بقولك اهو.
فادي: ههههههههه. لا يا روحي خالي الضرب ده عليا انا . انا بس لو فكرت تضايق بكلمة هفرمها.
حلا ابتسمت وحضنته: حبيبي انا ربنا مايحرمني منك ابدااا.
فادي ضمها بحنان: ولا يحرمني منك يا حبيتي.بس قوليلي حاسك متغيرة كدة ومش مبسوطة في ايه .
حلا خرجت من حضنه و اتنهدت بحزن: مش عارفة قلبي مقبوض وحاسة ان حد من مامي وبابي او اخواتي في حاجة . كنت بكلم بابي النهاردة وصوته مخنوق وحزين سألته بس قالي مافيش حاجة . انا خايفة تكون مامي فيها حاجة او تكون زعلانة مني وتعبت وبابي مخبي عليا.
فادي ابتسم بحنان ورفع عنيها لعيونه: ماتخافيش يا روحي لو حد منهم كان تعبان كان علي الاقل بابا قالي ماانا بكلمه هو وماما كل يوم . وعموما احنا كلها يومين وهننزل القاهرة. انا سايب الشركة بقالي كتيير والشغل تقل علي بابا. اهدي حبيبتي ان شاء الله كل حاجة تمام .
حلا: يارب يافادي .
فادي بمكر قربها ليه اكتر: احممم. هو انتي اتطمنتي علي الولاد خلاص في الشاليه بتاعهم مش كدة.
حلا ابتسمت: ايوة وبتسأل ليه بقي.
فادي : هي دي محتاجة سؤال طبعا علشان عايزك في موضوع مهم جداااا.
حلا : هههههههه. اهاه. ده اللي هو ايه.
فادي غمزها: عايزين نتناقش اذا كان الكلام في البحر احلي ولا علي اليخت ولا هنا ولا قين بالظبط. علشان هيفرق معايا جدااا.
حلا بدلع : هههههههه. حبيبي انت الكلام معاك جميل في اي وقت واي مكان. المهم اني معاك.
فادي ضمها وابتسم: اممم. افهم من كدة انك دايما بتكوني مبسوطة.
حلا بحب: طبعاااااا.ده كفاية بس ان تكون عنيا شايفاك وايدي لمساك وووو.
فادي: هاه وايه كمان بقي عايز اللي جاية دي.
حلا عضت علي شفايفها بخجل: تؤتؤ مش هقول افهم انت بقي. واقول انا اقصد ايه.
فادي قام وشالها : تؤتؤتؤ. انا ماعنديش وقت اتكلم. انا حالا هنفذ.
حلا حضنته وهمست : بحبك. وبتمني تفضل كدة علي طول.
فادي ضمها لحضنه بحب : انا وعدتك ومش هرجع في وعدي. وعمري ماهتغير ابداااا. انا كنت غلطان لما حرمتك من حبي وحناني . كنت غبي خايف تفهمي ده ضعف مني. لكن خلاص بعد بعدك عني وفرقتنا احنا وولادنا ودموعك اللي نزلت من حزنك مني. مابقاش عندي استعداد ابداااا اني اخسركم تاني. وفهمت ان الحب عمره ماكان ضعف. خصوصا مع حبيبة بتحبني ودايبة فيا من يوم ماعنيها فتحت علي الدنيا دي. حبيبتي انا لو جرحتك تاني انا اللي بقولهالك عاقبيني ياحلا وابعدي وماترجعيش. لاني وقتها هكون اغبي انسان في الدنيا واستاهل اي عقاب منك .
حلا ابتسمت بدموع: والله انا بحلم. بجد بحلم. معقولة انت فادي انت بتقولي انا الكلام ده. مش مصدقة. بس حبيبي وحياة حبك وحنانك اللي ماشوفتش زيهم ابداااا. انا اللي عمري ماعبعد عنك تاني حتي لو اتغريت شوية حتي لو جرحتني هفتكر كلامك ده وهعزرك. وعمري ماهسيبك . اسيبك ازاي وانت روحي
فادي ضمها سند جبينه علي جبينها واتنهد بشوق : بحبك. بحبك ياحلا .
حلا غمضت عنيها بشوق اكبر من شوقه ولهفة لكل نفس من انفاسه اللي بتخرج مع كل كلمة منه: بحبك يا حبيبي بحبك .
......................................
في فلورنسا طلع النهار من تاني. وشهاب بدأ يفوق ويفتح عنيه واول ماحرك دراعه المصاب اتألم بس كمان لقي دراعه السليم تقيل استغرب وبص لقي تمارا قاعدة علي الارض جنبه و حاضنه دراعه ونايمة عليه . ابتسم وهو بيبص لملامحها الجميلة .
شهاب: قد ايه انتي جميلة . ليكي حق تخبي جمالك ده ورا قناع القوة والرجولة اللي بتتقمصيه . اصلك لو كنتي بتدلعي كدة مع حلاوتك دي كانت بقت مصيبة.
وحرك دراعه المصاب بألم وشال خصل شعرها بهدوء وملس علي خدها بحنان.
شهاب: تمارا ... تمارااا.
تمارا ابتدت تصحي وتفتح عنيها ولما شافت شهاب صحي ابتسمت بفرحة .
تمارا: شهاب . انت فوقت سلامتك الحمد لله انك بقيت كويس. انا كنت هموووت من خوفي عليك.
شهاب ابتسم اكتر: بجد خوفتي عليا اوي كدة.
تمارا بلهفة :اااه والله كنت مرعوبة عليك لما روحت في النوم مابقتش عارفة ده نوم ولا اغماءة ولا ايه. وكمان انت سخنت اوي . انا مش عارفة الليلة دي عدت عليا ازاي.
شهاب :بجد مش عارف اقولك ايه. انتي تعبتي معايا امبارح اوي كمان فضلتي طول الليل قاعدة جنبي في الارض كدة ومانمتيش في اوضتك وبمكر كمان من خوفك عليا فضلتي حاضنة دراعي اوي.
تمارا لقت انها لسة لحد دلوقتي حاضنة دراعه ومش واخدة بالها. سابته بخجل وتوتر.
تمارا : اااااه. ااااصل انا ااانا .
شهاب ضحك من توترها: ههههههههه. عارف اكيد كنتي خايفة انا عارف .
تمارا بعصبية: مين دي اللي خايفة ده انا اخوف بلد.
شهاب: هههههه. يالهههوي قلبت في ثانية . ماكنتي كيوت ورقة من شوية . مابتلحقيش .
تمارا ابتسمت: طيب بطل رغي بقي وسيبني اروح احضرلك الفطار انت اكيد جعان.
شهاب بشكل مسرحي:ياعيني عليكي يا تمارا لهو انتي نمتي من غير عشاء. اكيد في كلااااب بتهوهو في بطنك انتي مش واخدة علي كدة.
تمارا بغيظ: عارف لو ماكنتش مصاب كنت رزعتك بوكس دلوقتي. انت محسيني اني باكل كتيير. ده اقل من العادي علي فكرة.
شهاب: هههههههه. كل ده واقل من العادي يابنتي انتي ناقص تاكليني معاكي .ده انتي لو مش رياضية وشغلك فاحتك. كان زمانك شبه الكورة.
تمارا: تصدق انا غلطانة اني بفكر فيك قوم بقي كدة واكل نفسك . انا هروح افطر.
شهاب بتمثيل: ااااه .هو دراعي بيألمني ليه كدة . انا كمان بدأت اسخن تاني اااه.
تمارا بخوف قربت منه وحطت ايديها علي راسه : ااااه تصدق صح. اانا حالا هديك الحقنة ده معادها. ببس ثواني اجبلك حاجة تاكلها الاول كدة غلط عليك . الجرعة زيادة من امبارح وانت ما اكلتش.
شهاب بيمثل التعب: طيب ممكن تسنديني لحد اوضتي ادخل اخد حمام علي ما انتي تحضري الفطار.
تمارا بقلق واضح علي ملامحها: ححاضر تعالي معايا.
شهاب قام معاها وهو مش تعبان للدرجة دي وكمان ممكن يتحرك لوحده. بس هو كان عايز يأكد احساسه انها فعلا جواها حاجة ليه وانها خايفة عليه من قلبها. سند عليها وحط ايده علي كتفها وضمها بقوة اكنه هو اللي بيسندها مش هي. تمارا كانت جواها احاسيس كتيير خوف عليه. فرحة بسلامته . قلق من اللي جاي.توتر من قربها منه ولمسته ليها .
وصلته اوضته ودخلته وبعدت عنه.
تمارا: يالا ادخل خد حمام بسرعة وخالي بالك ماتجبش مايا علي الجرح لحد مايلم لسة مفتوح.
شهاب بمكر: طيب ممكن تساعديني وتقلعيني التيشرت دي .
تمارا بخجل : لا لا انت حاول.
شهاب بيتألم: بس دراعي بيوجعني هو التيشرت بس.
تمارا قربت منه بتوتر وخجل وخدودها احمرت غصب عنها وقلعته التيشرت بإيد بتترعش من الموقف الجديد عليها معاه ده. وحاولت تبعد بسرعة بس شهاب قبل ماتبعد ماادهاش فرصة حاوطها من خصرها وقربها لحضنه وبص في عنيها بإحتياج حقيقي لقربها منه.
شهاب: رايحة فين .
تمارا بتوتر وانفاس سريعة: ااانا لازم اخرج ععلشان اجهزلك الاكل. ارجوك ابعد.
شهاب قرب منها اكتر وهو بيضمها ليه: تمارا انا متشكر اوي علي وقوفك معايا . تمارا انا عايزك جنبي علي طول ماتبعديش ممكن.
تمارا دقات قلبها بتزيد وتدق بقوة بصتله بحب: وانا جنبك ومعاك مش هسيبك.
شهاب ضمها بقوة وهو بيتنفس في حضنها بشوق:تمارا انا محتاجلك حقيقي محتاجلك . انا مش عارف ليه انتي بس عايزك جنبي.
تمارا اتفاجأت من حضنه حاولت تبعد بس هو ضاممها بقوة صعب تبعد هي كمان كانت محتاجة لحضنه ده. عمرها ماجربته قبل كدة ضمته وسندت راسها علي كتفه. وانا كمان محتجالك وعايزاك جنبي.
فضلوا شوية في حضن بعض مش حاسين بالوقت ولا بوضعهم ده. فجأة تمارا اتأنبت هي ازاي عملت كدة فاقت من سرحانها في حضنه وبعدت عنه. شهاب خرجها من حضنه وهو كمان اتحرج من اللي حصل.
شهاب: احممم. تمارا انا اسف مش عارف انا ازاي عملت كدة . اانا فعلا واضح ان السخونية ماثرة علي دماغي. ياريت ماتزعليش.
تمارا بخجل: احممم. لا لا مافيش حاجة. اانا كمان لازم اخرج بسرعة علشان تاخد حمامك. عن اذنك .
خرجت تمارا وشهاب مسك دماغه بقوة وجز علي سنانه: انت ايه اللي عملته ده. انت مجنون انت عايز منها ايه . تقربها وتعشمها ليه . غبي يا شهاب غبي. خبط الحيطة بإيده ودخل الحمام.
تمارا في المطبخ بتحضر الفطار وسارحانة : ازاي يا تمارا كنتي بالضعف ده . ازاي بتدوبي في وجوده بالشكل ده. طيب هو يقصد ايه بإنه محتاجني وعايزني جنبه . ههو فعلا ممكن يكون بيحبني ولا دي تهيأت وهو فعلا بيخرف من السخونية. واتنهدت بحيرة . اااااااه كان مستخبيلك فين ده بس يا تمارا.
......................................
في مرسي علم
چنا واقفة مع العمال بتتكلم معاهم . وشايفة مروان واقف بعيد بيتكلم في الفون وشكله متعصب. قربت منه تشوف ماله .
مروان بعصبية: يا ريما ارجوكي ارحميني. انا مش هجيب عيل من الشارع افهمي. انا مش هربي غير ابني وبس.
ريما: وانا بقولهالك بقي ايما تعمل العملية او اتبني طفل او تطلقني يا مروان . وانا اتبني طفل لوحدي واربيه.
مروان بصدمة : تطلقي يا ريما . هو ده حبك ليا في النعلية عايزة تطلقي علشان طفل غريب عنك وماتعرفيهوش وتبعيني انا. طيب احب اقولك انك لو مطلقة يا هانم مش هتقدري تتبني طفل. لازم يكون في عيلة مش ست لوحدها.
ريما بندم علي تسرعها: مروان ااانا اسفة مش عارفة قولت كدة ازاي ارجوك سامحني. انت عارف انا بحبك قد ايه .
مروان بحزن: ما تتاسفيش. انتي قولتي اللي جواكي واللي فعلا عايزه ومحتجاه. انتي محتاجة طفل اي طفل. بس انا محتاج زوجة وحبيبة وكنت عايش معاكي ومفضلك علي احتايجي للابوة. واني اكون اب. بس مادمات هي كدة وبقت علاقتنا مصلحة. يبقي خلاص ياريما كل واحد يعمل اللي يريحه.
ريما: تقصد ايه . انت ناوي علي ايه .
مروان: ماتشغليش بالك انتي. باللي ناوي عليه . يالا سلام انا عندي شغل .
ريما: مروان انت نازل الاجازة دي .
مروان بسخرية: ايه وحشتك. ولا واخدالي معاد مع واحدة من اللي كل مرة تجبيهالي.
ريما: مروان انت لازم تقدر ظروفي واللي انا فيه . انت ليه اناني كدة.
مروان: انا اناني! هاه . طيب يا ريما اللي تشوفيه. بس انا مش نازل الاجازة دي. عندنا شغل مهم. انتي عايزة تيجي تعالي . يالا سلام.
قفل مروان ولف لقي چنا واقفة عقد حاجبه.
مروان: چنا! واقفة كدة ليه؟
چنا بتردد: ااانا اااصل لقيت صوتك عالي وشكلك متعصب. فقولت اشوف مالك . ااانا اسفة .
مروان ابتسم بهدوء وحط ايده في جيبه : وانتي ليه مهتمة اذا كنت متعصب ولا متضايق .
چنا بإحراج: لا لا ابدااا. انا مش قصدي اتدخل في خصوصياتك اانا اسفة عن اذنك.
مروان شدها من ايديها ولفها ليه وبص في عنيها: علي فكرة انا محتاجلك جدااا. عايز اتكلم معاكي محتاج افضفض لحد. وانتي بقيتي قريبة مني اوي. وبرتاح في كلامي معاكي ممكن.
چنا ابتسمت بسعادة: طبعااا ممكن. انا ممكن اعمل اي حاجة بس اشوفك مبسوط . تحب نتكلم امتي دلوقتي.
مروان ابتسم للسعادة اللي علي ملامحها لمجرد انه هيتكلم معاها :لا مش هينفع دلوقتي. في شغل. بالليل نتعشي سوا ونتكلم اوك
چنا هزت راسها وابتسمت: اوك. يالا نكمل شغل.
مروان شبك ايديها بين ايديه وابتسم : يالا بينا.
......................................
في ڤيلا رعد الحديدي.
رعد بيلبس هدومه وهمس قاعدة شكلها حزين. قرب منها وقعد جنبها وبحنان : مالك ياهمستي من امبارح وانتي شكلك متضايق في ايه .
همس اتنهدت: قلبي مقبوض. مش عارفة ليه.
رعد: ليه بس ما الولاد كلهم بخير. فادي وحلا بقوا زي الفل خلاص. والبنات كمان. حتي مايا اتطمني عليها والحمد لله العملية نجحت في ايه بقي.
همس: بس نسيت شهاب. بقاله يومين ماكلمنيش. قلبي بيقولي انه فيه حاجة. مش متطمنة.
رعد حضنها: ماتخفيش يا حبيبتي . شهاب ده راجل زي ابوه. مايتخفش عليه. ولاد رعد يتخاتف منهم مش عليهم.
همس ابتسمت: والله ماحد بوظهم غيرك. انت اللي خليتهم كدة.
رعد ابتسم : وماله كدة ده. هو فيه احلي من كدة.
همس:هههههههه. والله انت فايق ورايق. يالا روح شغلك.
رعد ابتدا يقلع هدومه تاني. :شغل مين يتحرق الشغل. بقي اروح الشغل واسيب همستي زعلانة كدة وهي لوحدها. تؤتؤ مش ممكن ابدا.
همس: ههههههههه.يا رعد حرام عليك انت مش هتتغير. وبعدين ياسيدي ماتخفش عليا انا خلاص بقيت كويسة.
رعد بتصميم: والله ابدا. اصلا الغلط مني. انا لو كنت دفعت امبارح غرامة تاخير بسبب تأخيرنا مع مايا في المستشفي. كنتي صحيتي زي الفل. بس انا قولت اسيبك ترتاحي بعد التعب هناك. بس كدة بقي لازم تدفعي وحالا.
همس: ههههههههه. والله هتموتني انت مجنون. الشركة مافيهاش حد لا فادي ولا عدي . حتي انت.
رعد: ونسيتي ليه جوز الحلوين كريم وامير. ماهم هناك. ثم انتي شاغلة نفسك ليه بالشركة ماقولنا تتحرق. تعالي بس لما نشوف عليكي كام.
همس حضنته: بحبك يارعد. ربنا مايحرمني منك ولا من حنيتك دي ابدا.
رعد حضنها بحنان: حياتي انتي روحي مااقدرش اشوفك زعلانة ولا حزينة. ارمي همومك عليا انا اشيل لكن لا. انتي ملكة قلبي لازم تكوني مبسوطة . يالا بقي نحسب الغرامة. مش عايزين خم .
همس : وانا حبيبي تحت امرك. احسب وانا ادفع. هو انا اطول.
رعد بمكر: تؤتؤتؤ. كدة بقي هتخلي قلبي يحن واخفف الغرامة.
همس : تؤتؤتؤ. اياك احسب بكل قوتك.
رعد ضمها لحضنه وابتسم: لا بقي كدة ممكن يجرالك حاجة. بلاش بكل قوتي دي كدة هتتعبي.
همس: ب ح ب ك.
رعد : وانا بعشقك يا همستي مهما كبرتي هتفضلي. جواكي طفلة صغيرة هتفضلي حبيبتي .
......................................
في المستشفي
في اوضة مايا. هي نايمة وعدي وهنا قاعدين جنبها.
عدي بتعب: حبيبتي ماتروحي ترتاحي شوية انتي بقالك فترة تعبانة كمان بقالك يومين مانمتيش من القلق.
هنا بحزن: وعمري ماهنام غير لما اتطمن علي بنتي وتقوم بالسلامة قصاد عيني.
عدي اتنهد: والتانية مش بنتك هي كمان. هنا هتفضلي لحد امتي زعلانة منها هي بس كانت عملت ايه. حلا ماتستهلش غضبك منها بالشكل ده.
هنا بعصبية: ماتستاهلش ازاي ! بعد مارجعتله بالسهولة دي . انا مش ضد انها ترجعله في الاساس . بس علي الاقل مش دلوقتي لما كان يتربي ويعرف قيمتها.كمان انا مش عارفة انت زاي راضي وموافق كدة. ده واحد طلق بنتك وبهدلها من غير علمك اكنها مالهاش اهل. بسهولة كدة يروحلها ويقولها هرجعك ترجع. حتي من غير مايجلنا هنا ويقعد يتكلم معانا ويتعهد قصادنا انه يحترمها ومايكررش اللي عمله ده. وانه يتغير معاها ويعاملها احسن.
عدي اتنهد بضيق: علي فكرة هو راحلها واتحايل عليها ووعدها انه مش هيبعد عنها تاني. وكمان بدأ يتغير.. ده غير اني متاكد ان فادي بيحب حلا.
هنا بسخرية: ههههه. وانت بقي صدقته. هو بس بيعمل كدة علشان مشتاقلها. بكرة يرجعوا وتروح السكرة دي. ويجي بعدها فادي زي ماكان ويمكن العن. ده هيفرعن عليها اكتر ماهي سهلة وبتنسي الاهانة.
عدي بيأس: انتي مافيش فايدة من الكلام معاكي. بس ده مش مبرر انك ماتبلغيهاش بعملية اختها كانت لازم تكون موجودة. ده حقها . بس انا قدرت حالتك وتوترك وخوفك علي مايا وماحبتش اقولها وتيجي وتحصل مشكلة هنا وفضايح. بس انا ناوي النهاردة اقولها.
هنا: حق مين ده. هي اللي اتنازلت عن حق نفسها هتدور علي حقها عند اخواتها. لا ده اكبر عقاب ليها علشان تعرف. انها ماكنش لازم ترجعله بسهولة كدة من غير ماترجعلنا الاول وتاخد رئينا.
عدي مش عارف ازاي يقنعها اصلا هو كمان مش فايق لكل ده. عقله مشغول بمايا وسلامتها .
الباب خبط ودخل أنس.
أنس بإبتسامة :صباح الخير.
هنا وعدي:صباح النور.
عدي: اتفضل يا دكتور . طمني هي عاملة ايه دلوقتي.
أنس بيشوف الريبورت الخاص بيها:ماتقلقش حضرتك هي تمام. وبخير. وان شاء الله هتقوم بالسلامة. عموما انا معاها هنا دايما. لحد ماتخرج بالسلامة. بس ياريت اول ماتصحي تبلغوني علشان اجي اتطمن عليها.
هنا ابتسمت: هو انت حبيبي ماروحتش من امبارح؟
أنس بإحراج عدل نظرته: احممم. لا حضرتك انا بايت هنا علشان اكون جنبكم يمكن مايا او حضارتكم تحتاجوا حاجة.
عدي وهنا بصوا لبعض. عدي: والله يا دكتور انت ونعم الاخلاق . حقيقي ربنا يباركله اللواء مهاب علي تربيته ليك وكمان الدكتورة نغم.
أنس: متشكر اوي لحضرتك. بس ده واجب عليا. عموما انا بمر وهروح مكتبي لو محتاجين اي حاجة ابعتولي حد وانا هاجي بسرعة عن اذنكم.
خرج انس وهنا بصت لعدي واتنهدت بأمل: ااااه يارب يجعله من نصيبك يا مايا يارب.
عدي : والله هو ولد ممتاز أدب واخلاق ومتفوق في شغله وعيلته كويسة. وكمان شكله مايال لمايا. بس مش مهم كل ده.
هنا عقدت حاجبها: اومال ايه المهم بقي؟
عدي اتنهد بضيق: بنتك هي المهم. طول ماهي مش ناوية تشيل شهاب من دماغها . عمرها ماهترتاح ولا تشوف حب غيرها. وهتضيع أنس من ايديها. الولد شكله فعلا معجب بيها ده امبارح كان قلقان عليها زينا ويمكن اكتر كمان. بس بنتك تبقي غبية لو ضيعت واحد زي أنس من ايديها.
هنا: منكم لله يا ولاد رعد قاهرين بناتي وممرماطنهم معاكم.
عدي بعصبية: وليه بتدعي عليهم بس الله . مافدي ربنا هداه اهو. وشهاب مالوش ذنب في حب بنتك ليه. هو امتي عشمها بحاجة ولا حتي لمحلها . هو ماله انها متعلقة بيه هو الحب بالعافية .
هنا : ربنا يهديكي يا مايا وتنسيه بقي وتشوفي حياتك.
عدي: انا هروح البيت اخد حمام واغير هدومي . وارجعلكم عايزة حاجة اجبهالك معايا.
هنا : لا شكرااا. روح انت ولو حبيت نام شوية انت مانمتش .
عدي بص لمايا بحزن: وهيجي منين النوم. نتطمن عليها بس وبعد كدة نبقي ننام . يالا سلام حبيبتي.
هنا : مع السلامة حبيبي ....
لقراءة جميع فصول الرواية من هنا