رواية رحم للايجار
الفصل الخامس والستون 65
والسادس والستون 66 الجزء الثالث
بقلم ريحانة الجنه
((حب الفرسان))
اتقدمت منه بهدوء وهي بتقرب ليه مشروب دافئ وطبق صغير فيه مجرد لقيمات بسيطة لانه من ايام ما يقربش من الاكل ولا حتي اي مشروب حتي الماء بينسي يشربها او يمكن فقد حتي شهوة وحاسة العطش!!!
چنا برفق وحنان: أكمل ارجوك كل اي حاجة واشرب الاعشاب الاول قبل الاكل دي دافئة وهتريح معدتك خصوصا انك مش بتاكل من ايام!! انت لا بتاكل ولا بتشرب ولا حتي بتنام !! انت ازاي عايش كدة قولي بس !!!
حالة حزنه كانت شديدة وغريية !! سكوت رهيب طول الوقت !! لا عيون بتدمع.. ولا ملامح بتتحرك ...ولا انتباه لاي شخص موجود ولا اهتمام لاي شئ او اي حدث بيحصل حاوليه!! بيتحرك زي الآلة بصمت لمجرد انه يطمن علي ريما ويرجع لوحدته من تاني !! حتي هي برغم انها من وقت اللي حصل ما فرقتهوش ولا اتأخرت عنه الا انه علي غير عادته بعيد عنها ومش قادر حتي يشاركها حزنه!!؟
اتنهدت من سكونه الممل اللي هو نفسه مش بيمل منه !! قربت منه أكتر بعتاب!!: انت زعلان مني يا أكمل!! ليه مش بتتكلم معايا زي العادة!! ليه مش بتشكي حزنك ووجعك ليا زي ما كنت طول عمرك!! ليه حاسة ان وجودي معاك زي عدمه !! انت عايزني اسيبك لوحدك !! أكمل انا بسمعك بتتكلم بس لما بتدخل تتكلم مع انطي ريما وتطمن عليها!! او تدخل اوضة عمته چنا وأنكل مروان واسمعك بتتكلم مع صورهم!! طيب وانا!! انا فين من وجعك وحزنك !!؟
وقتها التفت ليها بنفس ملامحه الحزينة الساكنة!! لكن زاد عليها شئ بسيط من الدهشة وشق من إبتسامة سخرية بسيط!!!
أكمل: انتي حقيقي بتسأليني!!
چنا بدهشة كبيرة وتأكيد: ايوة بسألك !! انت ليه مش عايز تفتحلي قلبك زي زمان وتتكلم وتهون علي نفسك حالة الوجع والحزن دي!؟
أكمل بعتاب يدبح: مع انك غريبة تساليني وانتي نفسك الجواب!! لكن هجاوبك يا چنا!! علشان ببساطة انتي نفسك جزء كبير من الحزن والوجع ده !! انتي كنتي بذرة الحزن اللي كل لحظة وجع مرت بعد كدة عليا لقت ارض خصبة تكبر وتعشش فيها!!
عايزاني افتحلك قلبي واشكيلك حزني!! عايزني اشاركك النار والوحدة اللي جوايا!! وبعدين!! تواسيني وتفضلي جنبي كام يوم لحد ما تهون الحالة واتحسن !! وبعد كدة تقوليلي عن اذنك انا قمت بمهمتي والواجب عليا بحكم العشرة والقرابة ووقفت جنبك...ودلوقتي لازم ارجع بعيد عنك علشان انت اناني وغلطت في حقي وكسرتني وتكملي عقابك ليا علي غلطة ولحظة ضعف اللي باقي من عمري كله!! زي ما حصل بعد الحادثة مش كدة!!؟
چنا بحرج ودموع: اااكمل ااانت !! ااانا بس !!
أكمل قاطعها بثبات: مش محتاجة تتلغبطي وتحتاري في كلام ورد تقوليه!! عارفة يا چنا الفرق بيني وبينك ايه!؟ انك بتحكمي دايما علي صدق الحب والاحتياج من منظور غبي ...يمكن لو ركزتي شوية كنتي هتعرفي ان أكمل الاناني والمتهور ده اصدق واحد في حبه ليكي... عايزة تعرفي الفرق بين حب المتهور الاناني !! وحب ملكة الاحساس المطربة مرهفة المشاعر!؟؟
افتكري وقت الحادثة بتاعتي!! ووقت مرضك وعدوتك!! وقتها انتي جيتي جنبي ووقفتي معايا علشان تأدي واجبك مش اكتر!! علشان يتقال ام قلب كبير الحنونة الاصيلة وقفت جنبه في ازمته!! يادوب استرديت صحتي ومشيتي وسبتيني وكأنك كنتي داخلة الاستديو تسجلي اغنية حلوة ومؤثرة وبكيتي وانتي بتغنيها!! وبمجرد ما انتهيتي من تسجيلها خرجتي وكأنك ما بكتيش من وقت قريب ولا اتأثرتي!!!
وقتها خرجتي من حياتي ومحيتي كل شئ جمعنا وكل حياتنا سوا بقسوة وجمود من غير حتي لحظة ندم !! من غير ما تلفتي وراكي حتي في لحظة تراجع وضعف!! للأسف ماحصلش!!؟
الفرق بقي اني وقت ما عرفت بالعدوي بتاعتك قلبي اللي كان سايقني ليكي!! جريت عليكي واترميت في حضنك علشان انا بحبك!! علشان عايز اكون جنبك!! علشان قلبي موجوع علشانك!! جتلك وفضلت معاكي علشان ده الطبيعي والفطري جوايا ..انا محتاجلك وعايز اكون معاكي حتي لو فيها موتي!! ما حركنيش الواجب ولا رد الجميل!!
. مش هنكر اني غلطت واذيتك !! واتسببت في كسرة وخيبة أمل ليكي!! مش هنكر اني اتسببت ليكي في خسارة كبيرة ماتتعوضش!! لكن يشفعلي عندك اني ماكنتش متعمد ولا قاصد ...كان يشفعلي عندك اني ندمت واعتذرت !! كان يشفعلي اني بكيت تحت رجلك واترجيتك تسامحي!! حاجات كتير اوي تفرق بيني وبينك يا چنا!!
بس اكتر شئ فارق بينا وموقفك الاخير اكده ليا!! انك ماحبتنيش زي ما انا حبيتك!! او علي الاقل اتغيرتي !! اتغيرتي كتييير يا چنا!!
التفت بعيد عنها وهو بيهرب من ملامحها الحزينة واللي الندم كساها نتيجة كلامه وعتابه!! بيهرب من دموعها اللي جريت من عيونها من غير حساب في خفوت وسكون...دموع جرح مفتوح وهو السبب فيه وكمان بيلومها انها بتتآلم منه!! خسارة كبيرة وحرمان انها تكون أم لاخر يوم في عمرها وهو برضوا اللي اتسبب فيه حتي لو كان غصب عنه من دون قصد ولا تعمد!! لكن يكفي انه كان السبب الوحيد في اللي حصلها!! وحتدتها من غيره اللي هو بيلومها عليها دي!! هي بتتآلم فيها وبعيد عنه زيه ويكن اكتر منه كمان!! لكن هي لسة ومازالت الحيرة والخوف والتردد مسيطر عليها!! مش عارفة تقرر ايه!! او تختار ايه!!؟
أكمل غمض عيونه بتعب : امشي يا چنا !! امشي وما تبصيش وراكي .. ما تحمليش همي ولا تفتكري انك مديونة ليا بأي شئ!! مش محتاجة تأدي واجب ولا تكوني هنا شفقة وعطف!! امشي من فضلك! انا هبقي كويس!! وقادر اتحمل ! امشي ارجوكي!؟
وقتها سحبت نفسها بدموع وخرجت بسرعة ومشيت من غير ولا كلمة !!! وقتها فتح عيونه علي صوت قفل الباب بقوة بعد خروجها !! وقتها دموعه نزلت بغليل وغضب وهو بيكور قبضة ايده بعتاب مرير!!
أكمل بغضب: لييييه!! ليييه مشيتي من غير ولا كلمة!! للدىجة دي كرهتيني!! للدرجة دي خلاص كل اللي بينا اتمحي!! اخر خيط بيني وبينك اتقطع يا چنا!! يااااخسارة بجد! خسارة !!!
******🌹بقلم ريحانة الجنه🌹******
كانت سايقة عربيتها بدموع وحيرة !! هي صح ولا غلط!! موجوعة منه ايوة...لكن محتجاله ...عايزة تندمه علي غلطته في حقها وحق نفسه..لكن بتحن ليه وموجوعة علشانه!! واحشها وفي نفس الوقت بتكابر علشان كبرياء وجرح مش عارفة تسيطر عليهم!!؟
وقتها وقفت بالعربية بحيرة وخوف!!
چنا بدموع: هو انتي عايزة ايه بجد!! عايزة الفراق!! هتقدري تبعدي عنه فعلا وتنسيه وتمحيه من حياتك!؟؟ طططيب...طططيب لو في يوم شوفتيه بدأ ينساكي ودخلت حياته واحدة تانية هتعملي ايه!! هتتحملي تشوفي غيرك في حضنه!! هتقدري تكملي حياتك مع راجل غيره!! متخيلة يعني ايه يجي يوم ويكون هو في حضن ست غيرك وانتي في حضن راجل غيره!! متخيلة!!؟
وقتها صرخت وهي بتضرب العربية بغيظ وغيرة!!! لا لا مستحيل لا مش هقدر اشوفه مع غيري مش هقدر اعيش مع غيره!! انا بحبه! ايوة موجوعة منه لكن بحبه!! ايوة مجروحة منه بس محتاجة لحضنه استخبي فيه واشكيله منه !! مش عايزة راجل غيره مش عايزة !!!
وقتها مسحت دموعها بقوة ويقين واخدت نفس وابتسمت بحنين: مش هبعد تاني يا أكمل! مش هقدر!! مش انت بس اللي محتاج ليا جنبك!! انا كمان محتجالك!! ووحشتني!!! وحششني حضنك ..وحشتني اوي يا أكمل!!
وقتها دورت المحرك من تاني ولفت بسرعة علشان ترجعله !!
(روحتله اليسا)♥️
روحتله وانا شايفة اني عملت الصح علشان كان لازم اخد بعضي يوميها واروحله!!
مجروحة انا منه لكن لو اشوفه في جرح انا قلبي هيبقي في نفس الوقت كمان مجروحله!!
اوقات بنكون مجروحين واتوجعنا!! لكن بنلاقي نفسنا في بعض الاحيان بين اختيارين صعبين جدااا! اننا ننهي الحكاية حتي لو النهاية فيها سحب الروح ونزيف القلب بدون رحمة ولاجل غير مسمي!! لان الفراق عمره ما بيهون ولا بنتحمله!! بنفارق واحنا متخيلين ان اللحظة دي هي منتهي الآلم!! لكن الحقيقة ان الحنين والاشتياق بعد الفراق بيكون ناااار وجحيم لا يحتمل!! وقتها بنندم اننا اخدنا قرار الفراق في لحظة ثأر لكرامة او لحظة تصفية حساب وخسارة!! لان وقتها احنا كمان بنخسر وبنخسر اوي بشكل موجع!!
او نختار البقاء حتي لو لسة فيه بعض العتاب والجرح!! لكن علي الاقل وقتها بيكون فيه فرصة لإلتأام الجرح!! الجرح وقتها هيلم بهدوء وراحة وانت مع اللي جرحك وبتشوفه بيطيب جرحك!! بيندم علي وجعك!!! بيحاول يعتذر ويمحي حزنك!!
وقتها لو رفضت الرجوع ورفضت حبيب نادم عليك ومادد ايه ليه !! هيجي يوم ونشوة الكبرياء تختفي!! وثأر ااكرامة ينطفي! ومش هيفضل ليك غير الندم والحزن!! والاهم الغيرة!! الغيرة المرة وانت شايفه بيبدأ حياته من جديد من غيرك!! وبطل الحكاية حبيب غيرك مش انت!!
واهي حكمت... وانا عمري ماهتوصل بيا يلجألي واسيبه في وقت ما يلجأ ليا..انا زي ما ليا عليه ليه برضوا عليا!! دي اقلها علشان العيش والملح!!؟
اجمل لحظات الرجوع وضمة الحضن وقت الضعف والاحتياج!! لما نكون لوحدنا ومهما كان حاولينا ناس ولمة واحباب..بس احنا محتاجين حبيب واحد بس!! حضن بنرتاح فيه ومش عايزين غيره و نلاقيه جاي لينا ويضمنا !! وقتها حتي الوجع بيكون براحة!!؟
مش هسمح للأيام تيجي تاني عليه..ده انا تبقي أخر يوم في حياتي لو ارضاها ليه!! ربنا بيسامح ناس وبيرحم ناس يبقي انا يا ضعيفة استكتر بس اسامح ليه!؟
مافيش حد ملاك! ولا فيه حد مننا من غير ذنب وخطيئة ولحظة ضعف!! لكن المهم الاصل جوانا ايه!؟ المهم اننا ندمنا ورجعنا!! من الظلم ومنتهي الظلم ان نلاقي اغلي مالينا بيعاقبنا وبيقسي في العقاب من غير رحمة!! وكأنه ملاك مش بيغلط ولا بيزل!! الغفران في الحب ليه اعراف واحكام!! ولازم نكون منصفين في الحكم والعقاب!! االي يرفض قلب حبه لغلطة وزلة!! هيعيش يندم كل العمر علشان ترجع الايام ويغفر ويسامح!؟ مش دايما الفراق بيكون اسلم حل ولا دايما البقاء بيكون راحة!! كل قلب ادري بحبيبه هو نادم ولا غادر!!
واهي حكمت وانا عمري ما هتوصل بيا اسيبه في وقت ما يلجأ ليا ...دي اقلها علشان خاطر العيش والملح!؟
******🌹بقلم ريحانة الجنه🌹*****
فتح الباب بخفة وترقب خايف تكون عيونها السهرانة اللي دبلت من الحزن والدموع غفلت اخيرا !! خايف يقلقها !! قرب بهدوء علي اطراف اصابعه وسط الاضاءة الخافتة اللي يادوب تسمحله يشوف ملامحها من قريب!!
شافها فعلا غفلت لكن اتنهد بحزن علي حالها لما لمح اثر الدموع علي خدها!! وعيونها مغمضة علي دموعها وانها واضح انها عفلت وهي بتبكي!! مد اطرافه بخفة يغطيها بحنان ويمسح دموعها بخفوت ! لكنها بمجرد ما لمسها انتفضت وهي مفزوعة وبتنده بلهفة علي رفيق روحها !!
ريما بفزع: مروان!!؟
أكمل بهيديها بشفقة وندم انه قلقها: اهدي يا أمي اهدي اااانا اسف والله قلقتك!! انا كنت بغطيكي مش اكتر!!؟ خدي اشربي مياه واهدي...
ريما اخدت اتفاسها بتعب وارتشفت قطرات بسيطة من المياه اللي قربها ليه بتعب وحزن !!
أكمل بحنان: ياالا حبيبتي كملي نوم انا اسف اني قلقتك!؟
ريما بحزن: مش بمزاجي النوم يا حبيبي!! دي غفلة كدة بتيجي علي سهوة! لو عليا انام اللي باقي من عمري من غير ما اصحي!!!
أكمل ضم كفوفها بين قبضته بعتاب وحنان: ليه كدة بس يا ست الكل!! طيب وانا تسبيني كدة لوحدي!! انتي تنامي وانا افضل كدة وحيد من غيرك؟؟
ريما بدموع: غصب عني يا حبيبي!! مش عارفة اللايام هتتعاش ازاي من غيره!! الصبح اللي كان بيملاه حيوية ونشاط ومناكفة فيا واحنا بنفطر سوا وانا بتفرج علي برامج الطبخ بتاعتي اللي مش علي هواه ولا يحبها بس يتفرج معايا علشتن يرضيني ...هيمر ازاي ويكون شكله ايه!!
العصر اللي كان كله خناق ومناقرة بينا وانا بجهز الغداء وهو يدخل المطبخ يبوظ كل حاجة ويعترض علي ده!! ويعدل علي ده!! ويسأل عن ده!! وقت الغداء اللي كنا بنقعد سوا انا وهو ناكل اللي بوظناه بخناقنا ونقارنا ونضحك علي اللي اتحرق واللي اتنسي ونشف!! لحظة النصر لما اخلص الاكل من غير خساير في غفلة منه لما يكون مشغول ويقعد يلاقي الاكل من غير افساده الدائم ويعاتبني بضحكته ويقولي ازاي سبتك تعملي الاكل كدة من غير ما ابوظلك حاجة!!
ازاي الوقت ده هيعدي عليا كل يوم من غيره!!؟
الليل اللي كنا نقعد سوا نتفرج علي ماتشات المصارعة بتاعته اللي بيعشقها وانا بكرهها بس بشاركه فيها علشان اراضيه!! ... سكون الليل اللي كنا نشرب فيه الشاي سوا وبنسمع أم كلثوم وهو يدندن معاها بصوته الخشن الاجش اللي بيضيع نغم الاغنية لكن في ودني كان اجمل وانغم من صوت الست نفسها!!
هيمر ازاي الليل عليا وانا لوحدي!؟؟
دفئ الليل اللي كان بيجمعنا هنا في السرير ده ويخدني في حضنه بعد ما نأكد علي بعض احنا الاتنين اننا اخدنا الدواء كامل من غير نسيان اي حباية كالعادة!!
هنام واطمن ازاي وانا بقيت لوحدي من غيره وسط كل الذكريات دي !! قولي يا نور عيني بالله عليك!! هعيش يومي ازاي لوحدي من بعده!!
وقتها بكائها زاد بوجع وحرمان: مروان واحشني يا أكمل وحشني اوي!! عايزة اشوفه !! مش عارفة اعيش مش عارفة يا ابني !! قلبي قايد نااار من حنيني ليه ولهفتي عليه!!
كان بيسمعها وهو بيتقطع من الحزن والوجع عليها وعلي حااله!! هو اللي جواه حزن وفقد يهد جبل !! لكنه متماسك ومتحامل علشانها !! علشان يسندها ويقويها!! كمان علشان هو لوحده!! لو ضعف ووقع مين هيضمه في حضنه ويقويه!! واللي كانت المفروض تكون محتوياه دلوقتي فارقته واتخلت عنه!!؟
سحبها لحضنه بحزن: كفاااااااية يا أمي كفاااية!! ربنا وحده قادر يهونها عليا وعليكي! ارجوكي قاومي واتعافي شوية...انا كمان محتاجلك اوي !! انا ضعيف يا أمي من غيرك!! مابقاش ليا حد من بعده غيرك!!
ريما خرجت من حضنه وهي بتمحي دموعها: هي چنا فين!! مشيت!؟
أكمل اتنهد وحرك رأسه بخزي: ايوة مشيت!! والمرة دي شكلها ما فهاش رجوع!!
ضغطت علي ذراعه بقوة ونكران لحالة يأسه وحزنه: لا! لا يا نور عيني اياك تقول كدة وتستسلم!! روحلها يا أكمل!! روحلها ورجعها وارجعوا سوا! الدنيا دي غدارة اوي يا ابني ومش مضمونة!! افرحوا وعيشوا كل لحظة وكل فرصة تجيلكم بكل قوتكم ! ما تسبوش الحزن يفرقكم وينهش فيكم من دلوقتي كدة !! الحزن جاي جاي مهما اتأخر ليه معاد!! هيجي ويوجعكم سواء علي نفسكم او علي بعض!؟ ما تسبش العناد وااكبرياء يسرق منكم حبكم ودنيتكم!! لو هي تايهة ومجروحة انت فوقها !! انت رجعها!! انا كنت زيها في يوم من الايام!! كنت موجوعة ومكسورة !! لكن ابوك اتمسك بيا وجري ورايا ورجعني وماحرمنيش من حضنه!! لو كنت سمعت كلام كبريائي وغروري وقتها كان زماني في الحالة دي من سنين وحيدة ومكوية بنار الفراق والحنين! حتي انت اللي بتهون عليا حالي دلوقتي ماكنتش هتبقي معايا ساعتها!! ماحدش بيعلم الخير فين! روحلها يا حبيبي علشان خاطري!! لو بتحبها يبقي فوقها وفوق العمر لحظة يا ابني !؟
كان سرحان في كلامها وكان كمان محتاج له ومحتاج يسمعه!! شافت في عيونه الاستجابة والحنين ..
ابتسمت من بين دموعها: قوم وروحلها ! يااالا بسرعة!
أكمل بتردد: طيب لو !! لو رفضتني تاني!!
ريما اتنهدت بتعب: ان شاء الله مش هترفضك.. انا قلبي حاسس...
أكمل بقلق وهروب: طيب بعدين ابقي اروحلها واكلمها!! ااانا مش هينفع اسيبك لوحدك !!
ريما : انت بتتلكك ولا ايه! انا هنا هستناك!! هاتها وتعالي انا متأكدة انك هترجع بيها! قلبي بيقولي كدة ..وانا قلبي مش بيكدب عليا!؟ قوم يااااالا!!؟
اتنهد بحماس وقام : مش هتأخر عليكي!! ااانا بس هروحلها لاني تقريبا زعلتها قبل ما تمشي!!
ريما بحنان: روحلها من غير ما تفكر في مبرر ولا سبب!! روح علشان انت لازم تروح علشان ماينفعش ما تروحش!!
ابتسم بحزن وخرج بقلق من رد فعلها ومش ضامن هتقبل اعتذاره عن كلامه ليها ولا لا!!
كان بيفتح الباب وخارج علشان يروحلها !! لقاها واقفة قصاده ويادوب هتضرب الجرس؟!
عيونهم اتعلقت ببعض بلهفة ودهشة وحنين!!
أكمل بصدمة : چنا!! ااانا كنت!!!
چنا قاطعته بدموعها والحنين غالبها: مش قادرة علي الفراق اكتر من كدة يا أكمل!! انا بعترف اني محتجالك!! موجوعة منك بس محتجالك!! انت وحشتني اوي ..اوي يا أكمل اوي...
وقتها تقريبا صعب نجزم مين اللي حضن التاني!! هي اللي اترمت في حضنه وهو استقبلها بإشتياق!! ولا هو اللي سحبها لحضنه بلهفة وهي استسلمت بحنين!!؟
أكمل ضاممها بإحتياج وتعب: اااااااه يا چنا ااااه!! وحششتيني اوي ...كنت محتاجلك ومحتاج وجودك معايا اوي !! احنا روح واحدة يا چنا الفرقة تقتلنا صدقيني!!
چنا بتضمه اكتر وتتنفس عطره وريحته اللي مفتقداها من كتير اوي وهي زي الغرقان اللي ما صدق شاف طوق نجاته واتمسك بيه بإستماته!
چنا بدموع: حاولت كتير انساك ما عرفتش! حاولت اقسي قلبي عليك واقول اناني انساه وارجعلي ما عرفتش! قلبي دايما بيدافع عنك ويجبرني افضل احبك!!؛ ايوة بعترف اني لسة بحبك!! حبيتك وهفضل احبك ومش هقدر احب غيرك!! اوعي تجرحني تاني يا أكمل اوعي!!؟
أكمل خرجها من حضنه بحزن وهو بيضم ملامحها بحنان: مستحيل اجرحك!! مستحيل اصلا يكون فيه حزن او جرح بعد اللي مرينا بيه واللي لسة بمر بيه!
انا دلوقتي بس هقدر احزن بجد واصرخ من حزني علي ابويا يا چنا علشان انتي موجودة !! الاول كنت وحيد مش لاقي حضن يضم حزني وصرختي!! مروان مااات يا چنا مااات وانا موجوع اوي!! انا تعبااان يا چنا تعبان ومحتاجلك! خاليكي جنبي ارجوكي !! انا تعباااان قلبي حزين حزن قادر يفلقه نصين!!
ضمت خصلات شعره بحنان وابتسمت من بين دموعها: وانا خلاص مش هسيبك لوحدك تاني حتي لو فيها موتي!! وهنعدي الازمة دي سوا وهترجع تاني تقف علي رجلك وانا جنبك ومعاك!!
أكمل بضعف: اوعي تسبيني تاني يا چنا ارجوكي!!
چنا بدموع ضمته لحضنها : مش هسيلك! احلفلك بعمري كله ووجع فراقك مش هسيبك!!
كانت ريما واقفة بعيد بتراقب المشهد بحزن ودموع !! واخيرا ابتسمت من بين دموعها وبصت علي صورة مروان اللي مزينه الحائط!!
ريما بحنين: رجعوا يا مروان! امنيتك اتحققت خلاص!! كنت بتقولي ادفع عمري وارجعهم لبعض واشوف ابني سعيد وعايش مرتاح مع حب عمره!! وربك استجاب منك اخد عمرك وحيا حبهم ورجعهم لبعض!! انا مش معترضة وفرحانة من قلبي علشانهم !! لكن!! لكن انت وحشتني! وحشتني اوي يا حبيبي!!
******🌹بقلم ريحانة الجنه🌹******
خلص البارت ..تبع 🌺
الفصل السادس والستون
((حب الفرسان))
(( البارت السادس والستون ))
🌹بقلم ريحانة الجنه🌹
قربت منه برفق وهي بتتأمل كل حركة وإيمائة منه كعادتها بهيام وانبهار لا بيقل ولا بينطفي مع الكبر ومرور السنين ...وخصوصا هدوؤه المثير !! ايوة هو مثير وفاتن حتي في صمته وسكوته...كل شئ فيه مميز ما بيشبهش حد يمكن كتير اتشبهوا بيه ... لكن هو دائما كان نفسه!! دائما كان ولازال مميز في كل شئ..كان قاعد علي كرسيه المميز في مكتبه وموجه انظاره اتجاه الزجاج اللي بيطل علي الجنينه الخاصة بمكتبه في خفوت الضوء حاوليه يادوب فيه اضاءة لمصباح صغير في ركن المكتب بيضئ شئ بسيط للمكان ولان المكتب كبير وواسع كانت الاضاءة ضعيفة جدااا ...ولما قربت منه اكتر كانت اضاءة الانوار اللي في جنينته عاكسة نورها علي ملامحه بتركيز وكأنها محتارة تحدد الاضاءة والانوار هي اللي منورة ملامحه ولا ملامحه وهيبته هي اللي منورة المكان!!
كان سرحان بحزن صامت بتيه! ... ايوة حتي حزنه فيه كبرياء وعزة..مش مجرد حزن بيخرج ويظهر في كلام ودموع!! لا..هو عكس الكل ..حزنه غالي وعزيز بيظهر في سكوت وصمت!!! في كدة انواع من البشر حزنها من جواها بيكون بركان من نار..وغضب...ووجع...بتبكي من جواها وتصرخ بقهرة!! لكن..لكنها من الظاهر للناس انها هادية وساكتة...قادرة تتحمل الحزن والوجع من غير ما تتأثر!! لكن للاسف ده اللي بيظهر للناس وبس!! والحقيقة انه عكس اللي جواهم ....
لما قربت اكتر ابتسم هو بخفة ومد ايده ليها بهدوء...ابتسمت بحنان واتمسكت بإيده بقوة وقعدت قصاده ...
همس بنظرة عاشقة ما فرقتهاش طول السنين اللي مرت: مهما امشي علي اطراف رجليا علشان ما تحيش بيا!! برضوا اتفاجأ انك واخد بالك من كل حاجة انت ايه مخاوي جني بيقولك كل حاجة!!؟
ضم ايدها بحنان وباسها بخفة وابتسم: ابقي خايب وراجل مختل لو بعد كل العشق اللي جوايا ليكي من اول مرة عيوني شافتك ..وما اقدرش اميز خطوة رجلك من غيرك...او تغيب عني ريحة عطرك اللي بختاره بنفسي....او حتي عدد دقات قلبك اللي كل مرة بتقربي مني فيها تزيد عن المعتاد وتتغير دقاتها...ابقي كبرت وخرفت لو حتي وانا مغمض ما حستش بيكي عن غيرك يا همستي!!
همس ابتسمت بحب وشفقة علي حاله والحمل التقيل اللي بيشيله ولسة هيشيله: انا عارفة انك اكتر واحد فينا من بعد ريما حزين علي مروان!! لكن برضوا اكتر واحد حزنك مش ببظهر ولا بيبان...انا الوحيدة اللي بحس بيك!!
رعد ارتاح بظهره لكرسيه وغمض عيونه واتنهد بتعب وحمل كبير: اااااااااااااه يا همس!!! ااااااه لو كنت فعلا زي ما انتي لسة قايلة مخاوي جن يقولي اللي هيحصل!! لكن للاسف مافيش حد عنده علم الغيب الا ربنا وحده !! ااااه لو اعرف مين هيتأذي !! ومين هيموت!! ومين موجوع!! ومين محتاجني!! انا تعبااان يا همس الف جبهة مفتوحة قصادي!! الف مصيبة متوقع انها تحصل!! الحزن بقي ببزيد حاولينا مش بيقل!! تحصل حاجة حلوة بعدها يحصل الف كارثة!!! مافيش وقت نرتاح ونفرح !!
مروان ماكنش بالنسبة ليا مساعد وبعدين جوز اختي وبعدها صاحبي!! لا يا همس دي عشرة وايام وسنين وعمر بحاله عشناه سوا بحلوه ومره!! مواقف كتير اتعرضنالها سوا!! لما اتنفس اخر نفس قصاد عنيا وهو بيوصيني علي ريما!! وقتها انا شوفت مروان قصادي من يوم ماقابلته واشتغل معايا... كام رصاصة صدها عني!! كام مرة انقذ حياتي!! كام مرة كان بيحزرني من كوراث ومصايب !! حتي لما كبر وقرر انه مش هيكمل شغل ومن غير ما اطلب منه كان مجهزلي رجالة تسد مكانه واتفاجأت انه مدربهم ومفهمهم كل شئ كأنهم معايا من سنين!! علشان لما يبعد هو انا ما احسش ببعده ولا يكون فيه اي تقصير!! مروان كان بيفهمني من نظرة عنيا زيك كدة يا همس!! كان بيفهم سكوتي وراه ايه!! ضحكتي بعدها ايه!! مروان تفاصيل يا همس لما مات لقتها كلها بتقع مني قصاد عنيا وكأن جزء من حياتي سابني و ادفن معاه !! وقت دفنه كنت باين قصادهم ساكت والوحيد اللي عيونه مافهاش دموع!! لكن انا كنت جوايا دموع مالهاش اخر ...انا لسة مش قادر اصدق يا همس ان مروان غاب خلاص !!
همس قامت بهدوء ووقفت قصاده وضمته لحضنها بحنان : عارفة وحاسة بيك طول الوقت كنت حاسة بيك صدقني...لكن مش قادرة الومك علي حزنك...لان ده الطبيعي احنا بشر لازم نحزن ...ولازم ااحزن ياخد وقته!!
الباب خبط وهمس بعدت عنه بخفة ورعد حمحم بخشونة بييتعيد ثباته وحضوره..: ادخل!!؟
**: دكتور سليم منتظهر حضرتك برا !!
رعد عقد حاجبه: سليم!! احنا كنا مع بعض انا وهو وعدي الصبح !! فيه ايه!! عموما قوله اني جاي !
همس ابتسمت : انت لسة كل ما هتسمع اسمه تتعصب كدة؟!
رعد لوي شفايفه بسخرية: ايوة هفضل كدة طول ما انا بشوف في عيونه نظرة الحب ليكي بالشكل ده!!
همس اتعلقت برقبته بطفولية : بقي حد لسة يغير علي العجوزة اللي شعرها الابيض بقي اكتر من الاسود!! ده انت بنفسك بقعد تديني الادوية بتاعتي وتدهنلي رجلي اللي خلاص بقيت بقف عليها بالعافية!! فيا ايه تغير عليه بقي!؟
رعد ابتسم ولفها للصورة بتاعتها اللي مزينه المكتب بتاعه واللي بحجمها الطبيعي ومرسومة بدقة وكأنها هتنطق وتتحرك...وقتها ضمها من ظهرها بقوة وهو بيسند ذقنه ولحيته علي اعلي خصلات شعرها...
رعد : شايفة الصورة دي!! دي صورتك وانتي صغيرة مش كدة!! اهو انا بقي كل ما عيوني بتقع عليكي مش بتشوفك غير كدة !! دايما شايفك الجميلة اللي سحرتني من اول نظرة!! عمري ما شوفت كبرك وتغير ملامحك شئ وحش او بيضايق!! مش بس لاني زيك ومعاكي بكبر وبتغير وبعجز!! لا لاني كل مرحلة من عمرك بشوفك فيها بجمال خاص ومميز!!
ولفها ليه علشان عيونها تقابل عيونه: شعرك وهو اسود لون الليل في صغرك كان بيفتني من جماله ونعومته وكأني بملس علي شعر فرسة خيل عربي اصيل خصلات شعرها تقيلة وقوية كنت بحس اني بتخبي فيهم وانا في حضنك!! وكل ما بتكبري ويتخلط اللون الابيض معاهم اشوفك اجمل !! زي الخيل العربي كل ما بيكبر بتزيد قيمته ويزيد جماله ....كل سن بتوصلي ليه بتكوني فيه اجمل ما شافت عيني!!!
همس وقتها ضمت قلبها بتعب وهي بتبتسم: كلامك كبير اوي وجميل حتي قلبي مش متحمل يسمعه!؟؟
رعد بقلق : مالك يا همس! ايه بيوجعك!! انتي اختي دوائك النهاردة!!؟
همس بتعب: ماتقلقش كدة حبيبي !! اانا بخير! زي ما قولتلك انا بس قلبي مش متحمل كلامك اللي يدوخ !! بقولك ايه تعالي شوف سليم عايزك ليه!! عيب نسيبه كل ده لوحده!!
رعد اتنهد بقلق عليها: طيب تعالي اطلعك اوضتك وبعدين اروحله..
همس : لا علشان خاطري انا هسلم عليه علشان ده ضيف في بيتنا وبعد كدة هطلع اوضتي ممكن!!
رعد اتنهد بضيق: لو بس ماكنش قلبك تعبان كنت تعبتهولك انا يا حنينة !! تعالي يا ستي سلمي علي دكتور الهم اتفضلي!!
*****🌹بقلم ريحانة الجنه🌹*****
غصب عنه اول ما شافها بتقرب مع رعد استقام بلهفة محب وابتسم بهدوء: مساء الخير يا جماعة!! اسف لو كزت جيت فجأة كدة !!
همس ابتسمت بتعب: ماتقولش كدة يا دكتور سليم احنا اهل وده بيتك تنور في اي وقت ..
رعد :اهلا يا سليم اقعد استريح. قفت ليه!! خير !
همس : طيب انا هبعتلكم شاي عن اذنكم!!
سليم ما خفيش عليه تعبها مهما حاولت تداريه ..استوقفها بقلق : مدام همس انتي كويسة!!؟
رعد بخوف: انت كمان اخدت بالك!! علشان اقولك تعبانة وواضح عليكي..بتكابري وتخبي!!
همس ابتسمت: يا جماعة طبيعي في سننا ده دايما نحس بتعب!! مش حاجة غريبة يعني ..وعلي العموم انا هطلع اخد علاجي وهنام شوية مافيش حاجة عن اذنكم!
سليم بتصميم: بس كدة مش صح!! من فضلك يا رعد انا عايز مدام همس في المستشفي انا محتاج اعملها فحوصات علشان اطمن عليها !! احممم قصدي يعني اطمنكم عليها !!!
رعد برغم الضيق والغيرة اللي جواه من خوف ومحبة سليم لهمس واللي مهما مرت السنين متبقدرش يداريها ويخبيها وعشقه بيفضحه!!! الا انه متفق معاه علي شئ واحد واضح وصريح ان الاهم همس!! همس وصحتها !!
رعد اتنهد بخوف عليها اكتر : عندك حق انا بكرة هخدها المستشفي وانت قابلنا هناك.. واعمل كل اللي انت شايفه صح!!
سليم قرب منها بخوف: همس ممكن تبعتيلي كل الادوية اللي بتاخديها دلوقتي حالا!!! وياريت قبل ما تاخدي منها اي شئ وانا مؤقتها لحد الصبح هقولك تاخدي ايه !!
همس عقدت حاجبها : اشمعن!! هو فيه حاجة!!!
سليم: ارجوكي اسمعي الكلام! اتفضلي ابعتيلي الادوية بس بسرعة!!
همس رفعت كتفها بإستسلام : حاضر هبعتهملك حااالا عن اذنكم...
رعد قرب من سليم بقلق: سليم هو فيه ايه!؟
سليم بخفوت: ممكن نتكلم لوحدنا !!؟
رعد بترقب وقلق اكبر: تعالي معايا المكتب!!
دخل رعد مع سليم ..ورعد الفضول هيقتله !!
رعد : سليم فيه ايه!!
سليم فتح فونه وشغل ڤيديو بيجمع سليم مع شخص تاني بيكلمه في بيته ...
سليم: تعرف الشخص ده مش كدة!؟
رعد انتفرت عروقه وملامحه الغاضبة بقوة : حازم!؟ وانت ايه علاقتك بحازم ؟؟
سليم اتنهد: انا ما كنتش اعرفه لحد من ساعات بسيطة روحت بيتي لقيته منتظرني جوا!! والڤيديو ده من تسجيل الكاميرات بتاعتي في البيت!!
رعد بغضب: وعايز منك ايه!!
سليم بخوف: همس!! همس يارعد...الغبي ده متخيل انه هيقدر يخدعني او يشعل روح الانتقام جوايا !! متخيل طلب مني ايه!!؟ طلب مني اقتل همس بحقنة ملعونة!!
رعد بجنون: همس!! واشمهن جالك انت!!
سليم : هو اكيد عرف شوية تفاصيل عني!! لكن اللي عرفه كانت القشرة بس! اني في يوم من الايام كنت عايز اتجوز همس!! لكن الحقيقة كاملة هو ما بعرفهاش وحتي لو عرفها اللي زيه ما يفهمهاش!؟؟
رعد بعصبية: تقصد ايه!؟
سليم : ارجوك مش وقت غيرة واختلاف!! اللي الشخص ده طلبه مني في الوقت ده هو اكيد مش اول مرة يفكر فيه !! وممكن يكون طلبه من غيري. !!
رعد بتفكير: انا عارف هو ليه عايز يقتل همس بالطريقة دي!!
سليم: ليه!!؟
رعد : علشان بتفنن ويستمتع بلعبته وانتقامه مني!؟ بس مش ده المهم !! المهم همس!!
سليم بشك: قولي هو مين اللي بيعالج همس!! مين مشرف علي صحتها!؟
رعد: اكبر دكاترة موجودة في مصر هما اللي بيتابعوها في المستشفي عندي!! انت شاكك انه اشتري حد منهم!؟! ده انا كنت ارمي كل حتة منه للكلاب!؟
سليم : كل ده هيبان الصبح لما نعملها كل الفحوصات هعرف كل حاجة ماتقلقش!؟
رعد: وليه الصبح!! ما ناخدها دلوقتي ونطمن !؟
سليم : اولا مش حابب اخوف همس ولا تحس بحاجة علشان ممكن أعصابها تتوتر!! ثانيا بقي كدة كدة كل الفحوصات هتحتاج انها تتجهز قبلها وخصوصا التحاليل عايزة تمتنع عن الاكل والشرب واي ادوية بتتخدها علي الاقل قبلها ب12ساعة علشان اقدر اعرف بالظبط ان كان فيه اي مادة مترسبة في الدم ولا لا !!
رعد ضرب المكتب بقبضته بقوة: اااااااه يا كلب!! بس معلش!! كل ما بتكبر غضبي وغليلي انتقامي منك بيزيد!! ووعد وحياة همس بالاخص لهخلي كل حتة منك تصرخ من الالم يا حازم الكلب؟؟!
*****🌹بقلم ربحانة الجنه🌹*****
قام بلهفة بيقرب عليها وبيسحب منها الاطباق بعتاب چواد: قلبي برضوا شيلتيهم!! ما قولتلك خلصي واندهيلي انا اجهز السفرة!! انتي مش كفاية دماغك الناشفة دي وصممتي تجهزي عشاء وانتي بالشكل ده!؟
مهرة بتلتقط انفاسها بتعب : يا قلبي انت طول الوقت برا واوقات كتير مش بتاكل في البيت بسبب شغلك! عايزني بقي الليلة اليتيمة اللي هتتعشي معايا فيها اعشيك دليڤري!؟
چواد ضم كفوف ايدها بحنان وباسها : ربنا يخليكي ليا يا اجمل ام زعتر في العالم؟؟
مهرة عقدت حاجبها : زعتر مين!؟
چواد ملس علي بطنها المنتفخة بشكل كبير بجدية : ابننا !! زعتر!!
مهرة ضربته علي ايده بغيظ : اخرس!! زعتر ده ايه!؟؟ انا ابني يتسمي زعتر!؟ ده انا هسميه اجمل اسم في العالم كله!؟
چواد: يا حبيبتي ابننا لازم يبقي مميز ! مش هسميه انا وائل ولا هيثم ولا اسم فافي كدة ! انا عايزه واد مخلص كدة بصي يبقي مجرم !!
مهرة بإشمئزاز من تعابيره: مخلص!! ومجرم!! وزعتر!! انت بتتكلم عن رئيس عصابة مش ابن ظابط شرطة ودكتورة!؟! حرام عليك بجد بطل هزارك ده!!؟
چواد ابتسم وغمز ليها: طيب قوليلي يا روحي عايزة تسميه ايه!؟؟
مهرة ابتسمت بخجل : هسميه اجمل اسم حبيته في حياتي!! اسم اتمني انه يطلع زي صاحبه تمام!! نفس القوة...والرجولة..والشموخ..نفس الثقة...نفسي كمان يطلع شبهه ووسيم زيه!؟
چواد كان بيسمعها بكل فخر وكبرياء ومتخيل انها هتقول اسمه هو طبعا!!؟
مهرة كملت بحالمية واعجاب: هسميه رعد!! علي اسم جدو رعد!؟
چواد اتبدلت ملامحه بغيظ وغيرة وشدها من بيچامتها بعصبية وهو بيضغط علي اسنانه بغيظ: تسميه ايه يا عنيا!؟ بقي كل القصيدة دي عن جدو رعد! ياخي سمعتي الرعد في ودانك يا بعيدة! واحدة غيرك بعد المرمطة اللي شوفتها بسببها من يوم ما عرفتك كانت تعملي تمثال وتحملس عليه صبح وليل وتبوسه كمان!! تمثال مين!! دي كانت تعملي مقام وتطوف حاوليه زي كفار بني خزاعة !
مهرة بتوتر: اااستني بس هفهمك!! ااانا قصدي بس ايه!؟
چواد بغيظ وتصميم: قصدك! هي فيها قصدك يا ختي!! بقي يا ناكرة الجميل عايزة تسمي الواد علي اسم جدو!؟ ومالقتيش الا جدو اللي كل مايشوفك يتغزل فيكي ويقول بعلو صوته!!
وهنا كان بيقلد رعد بعصبية وغيرة!!: القمر الهادي دي شبيه همس!! الجميلة الرقيقة دي حتة من همس !! انتي اللي بتفكريني بيها يا مهرة!! تعالي طمنيني عليكي يا مهرة!!! بطنك كبرت 2سم يامهرة!! شكلك زدتي بتاع3كيلو يا مهرة!!
وكمل بغضب وغيظ: ده ناقص كان يشيلك ننه هو وينيمك في حضنه ويقيس بقي بنفسه تخنتي قد ايه ومنين بالظبط!!
مهرة بتكتم ضحكتها بقوة غصب عنها من عصبيته وغيرته: احممم..الله مش جدو ! واللي جاي ده حفيده !! وبعدين بقي جدو رعد ده انا مش بشوف احن منه!! خصوصا من بعد ما رجعنا و شوفت خوفه عليا قد ايه!! انا الاول بصراحة كنت بخاف منه! انما بعد كدة بقيت بعشقه! ده بيأكلني في بقي بنفسه !!
چواد سحب سكينه من السفرة وقلبها بغيظ: شوفي عظيم ثلاثة اولدك دلوقتي وافتحلك بطنك ضبة ومفتاح وماهخلي دكتور فيكي يا مصر يعرف يخيطك بصي ههجيبك من وشك لقفاكي!! بيأكلك فين ياختي!؟! وانا ببقي فين !!
مهرة بتكتم ضحكتها: احمم.. اهدي بس يا روحي!! اوقات كتيير لما بكون هناك مع ماما تمارا ولمار!! هو بقي بيشوفني يفضل يأكلني هو وناناه همس بيزغطوني زي البطة!!؟
چواد بتحذير وهو بيحرك السكينة قصاد عنيها: عارفة يا مهر وعياره فالت انتي!! لو لمحتك بس قاعدة جنب جدو رعد هخلي العيلة كلها تترحم عليكي!؟
مهرة ابتسمت بمكر وضمت ايده اللي ماسكة السكينة وباستها بنعومة: وماله!! وهو فيه اجمل من اني اموت علي ايدك!! ايد چواد قلبي!! منقذي وفارس احلامي!؟؟ ده انت العشق كله يا روحي!!
چواد بيحاول يداري ابتسامته ويكمل بجدية مصطنعة: لا لا انسي مش ححن انا!
مهرة شبت باقصي ما عندها علي اطراف اصابع رجليها علشان تطوله عن قرب... وقربت من خده وباسته بنعومة : حقك عليا!!؟ انا ما كنتش اقصد ازعلك!! ثم ده جدو رعد!! حد يغير من جدو رعد!؟؟
چواد بعتاب طفولي: لا والنبي يا ختي !! اها بأمارة رجولته!! ووسامته!! وبعشقه!! عشقك قطر !!؟
مهرة لفت ايديها حاولين وسطه وخبت وشها جوا صدره وحضنه: اهون عليك!!؟ عموما انا عشقت قطر واحد بس!! قطر حبك اللي ركبت فيه ومش هنزل منه غير علي موتي!!؟
چواد ابتسم وضمها بقوة وهو بيلف ايده علي جسمها بحنان..وكمل بمزاح: حبيبتي انتي بقيتي مدورة اوي انا مش عارف احضنك ولا الفك زي الكرنبة!!؟
مهرة ضحكت بغيظ: هههههههه..انت بايخ علي فكرة وحلال فيك غيرتك دي!! انا هعصبك بعد كدة!؟
چواد خرجها من حضنه بتحذير: عارفة ما تعصبيني تاني هعمل فيكي ايه!؟؟ قال رعد قال!! انا ابني هيتسمي علي اسمي!؟
مهرة بخفوت: اومال كنت هتعمل ايه لو كنت قولتلك هسميه سليم!؟ كان زماني بولد في المشرحة دلوقتي!!؟
چواد عقد حاجبه: بتبرطمي تقولي ايه!؟
مهرة ببراءة: لا ابداااا يا روحي!! انا بقول هروح اجيب باقي العشا!!؟
چواد قرب منها وحاوطها بإيده وقربها لحضنه بوعيد: تؤتؤ عشا ايه!!! ده انا زعلان زعل كبير وغضبان علي الاكل !! صالحيني الاول وبعد كدة نبقي نشوف موضوع العشا ده!!؟
مهرة بمشغابة: الله!! انت مش كنت جعان وبتقول بقالك يومين ما أكلتش!!؟
چواد بهمس: بقولك زعلاااااان!!! صالحيني الاول!؟ وانتي وشطارتك بقي يا تفتحي نفسي واكل بنفس،!! يا تسبيني زعلان من غير أكل!؟
مهرة اتعلقت في رقبته بنعومة: وانا ما اقدرش اسيب چوادي زعلان!! تعالي جوا وانا هصالحك!!؟
چواد مال عليها وشالها وغمز ليها: مش بقولك بقيتي مدورة!! تقلتي يا روحي!!
مهرة بغرور: اتقل براحتي! واللي مش عاجبه ما يشلش ويسبني للي يقدر يشيل بقي !!
چواد بغيرة: اللي يقدر يشيلك غيري الكفن يا عنيا! غير كدة ماحدش يلمسك يا مهرتي!؟؟
مهرة بهمس: بحبك! بحبك وبحب غيرتك وجنونك ده!! بس قولي بجد!! كعبرتي وشكلي اللي اتغير ده مش بيضايقك مني!! قول ووالله مش هزعل!؟
چواد دخل بيها سريرها وقرب منها بخفة: عارفة !! مهما شكلك اتغير !! مهما تتخني!! تخسي!! لونك يفضل خمري االلون اللي بعشقه!! او تسمري او تبيضي!! مهما شعرك يفضل طويل!! تقصيه!! عمر ما تغير ملامحك هيغير حاجة من حبي ليكي!؟ مهرة انا غرقت في خصلة شعرك متخيلة ده!؟
ابتسمت بخجل : خصلت شعري !؟؟
چواد بتأكيد: ايوة خصلة شعرك! اول ما فتحت عنيها بعد ما فوقت وشوفتك نايمة علي الكرسي جنبي وخصلة شعرك العسلي دي نازلة علي عيونك المغمضة دوبت فيها؟! شوفت نهايتها وهي بتداعب شفايفك غيرت منها واتمنيت اقرب انا واخطف شفايفك دي واهرب بيها!؟؟ خصلة شعرك كانت زي عقرب الدقايق رايحة جاية علي ملامحك وكانها بتشاور ليا علي كل تفصيلة في وشك وتقولي شوفت جمال كدة!! شوفت براءة ونعومة كدة!؟
مهرة بعشق: انا اللي غرقت فيك من اول ما دخلت العمليات وشوفتك بوسامتك وملامحك الشديدة دي حتي وانت غايب عن وعيك!! كنت بملس علي شعرك كاني اعرفك من زمان!! حاجة جوايا بتقولي خاليكي جنبه!! انا وقعت في غرامك من اول ما عيوني وقعت عليك !!
چواد بيبعد بيچامتها عنها بخفة وشهوة : وهتفضلي واقعة فيا ومغرمة غصب عنك!! ولو يوم عيونك شافت غيري!!؟ هقتلك يا مهرة !؟؟
مهرة بنعومة: كل مرة بتضمني بيها كأنها اول مرة !! كانها ليلة جوازنا! نفس اللهفة ..نفس الشوق...نفس الرغبة!؟ چواد انت دنيتي كلها...وابني اللي جاي ده!! شاهد علي حبي ليك وعذابي في كل ليلة عدت عليا من غيرك!؟ خاليك حنين عليا يا چواد!! اوعي تقسي عليا ..اوعي تبطل تحبني! انا ماليش غيرك...انت عيلتي وكل اللي ليا !؟
چواد قرب منها اكتر بخفوت واشتياق: عمري ما هبعد عنك ولا هسيبك تغيبي عني لحظة واحدة!؟؟ بحبك....
مهرة بمكر: انا نسيت مين فينا اللي كان بيصالح التاني!!
چواد غمز ليها بخبث: سيبي نفسك بقي وتعالي نفقد الذاكرة سوا !! وانا هنسيكي انك حامل من الاساس!!؟
******🌹بقلم ريحانة الجنه🌹*****
سامع فونه بيرن قرب وشاف رقم مهاب !!رد بسرعة أكمل: ايوة يا سيادة اللواء مساء الخير!!
مهاب بجدية : مساء الفل حبيبي.. اسمع يا أكمل فيه عربية مستتياك تحت من طرفي! البس هدومك وانزل معاهم وهيجبوك عندي بس بسرعة!!
أكمل عقد حاجبه: فيه ايه !!؟انا مش فاهم حاجة!؟
مهاب: اسمع الكلام وانزل بسرعة.. ولما توصل هتفهم كل حاجة!! انا كلمتك مخصوص علشان عارف غباوتك لو جولك من نفسهم كنت كفرتهم في عشيتهم!! اتفضل البس وتعالي بقي علشان عايزك في موضوع مهم يااالا سلام!!
أكمل قفل معاه وهو مستغرب ومحتار !! مهاب عايزه في ايه!!؟
*****🌹بقلم ريحانة الجنه🌹*****
كان الضحك هو سيد اللحظة دي بينهم بعد ما مرت لحظات الرغبة والرومانسية !!
چواد: هههههه... لا اقسم بالله اكني بتسلق جبال الهيمالايا!! يخربيت كدة!؟؟
مهرة بتتمالك نفسها من الضحك: ههههه مش هنساك وانت بتقولي فيه حاجة غلط يا مهرة بس مش قادر احدد هي ايه!؟
چواد بيضحك: هههههه..لا والمهم انك بتسأليني بكل عفوية وبرائة حاجة ايه!! يا بنتي ده فيه مرتفعات وهضاب واقفة بينا وانا بحاول بأقصي ما عندي بس مش عارف اوصل للهدف!!
مهرة وقفت ضحك وهي ظهر علي ملامحها الآلم : ااااه...ااااه
چواد بقلق : مالك يا مهرة!! فيه ايه!؟
مهرة بتصرخ: ااااااه انا شكلي هولد!! الحقني بسرعة يا چواد !! اااااه
چواد استقام من مكانه بسرعة وجدية : يعني ايه هتولدي !! يعني مافيش عشا!! ده انا بقالي يومين ما أكلتش؟؟
مهرة بتصرخ في وشه بجنون: ياااالللههههههوي همووووت!! عشاااا ايه يا طفس! بقولك بولد حرام عليك !! اااااااااااااااه
چواد بيبص علي السرير بعد صرختها الطويلة الاخيرة وشاف السرير غرقان مياه!!
چواد بص ليها وعقد حاجبه!! هو ايه ده!!؟
مهرة سكتت لحظة ورجعت صرخت بخوف وجنون: يالههوي ده كيس البيبي اتفتح والمياه نزلت وديني اامستشفي يخربيتك منك لله !! انت خرمته كمان!؟؟
چواد لسة ملامح الدهشة وعدم الفهم علي ملامحه! كيس ايه اللي اتفتح!! هو انتي بطنك فيها اكياس!!
مهرة بتبكي: اااااااه يارب همووووت القرن طش يا چواااااد افهمك ازاي هموت حرااام عليك وديني المستشفي بسرعة!!؟
چواد قام بسرعة بيتلفت حاولين نفسه! : طططيب طيب ااانا هروح فين!؛ اااه هلبس الاول!!
مهرة بتصرخ: اتهبب البس اي حاجة بسرعة هو كان فرحك! بسىىىررررررررعة !!!!!
******🌹بقلم ريحانة الجنه🌹******.