الفصل الرابع الثلاثون 34
والخامس والثلاثون 35
بقلم كنزى حمزة
الفصل الرابع والثلاثين
اعتدل واقفا من جانبها وهو واضع الهاتف علي اذنه الي ان انهي الاخر كلامه ورد قائلا
عاصي:بقولك ايه لو انت شاكك انك ابوه تعالي الجماليه وأسأل بس عن وكالة الحج فضالي الف مين هيدلك
بس عشان تبقي عارف حاجه انا مش هاسلم الولد من غير تحليل DNA
احمدالسيوفي:تمام اوي بس في حاجه عايز اسألك عليها قبل ماجي انت اللي سميته زين ولا هو اللي قالك علي اسمه
عاصي:لاء هو اللي قاله بس ماقلهوش زين لأنه عنده لدغه في لسانه
احمد:قاله بحرف السين وكمان ابني كان بيتكلم انجليزي بس صح
تصنم مكانه ولم يرد فهذا الذي لم يراه يعلم الكثير عن طفله الحبيب
احمد:انت سكت ليه ارجوك رد عليا
عاصي :زين لما سألته عن اسم باباه قالي اسم تقريبا دلع تقدر تقولي ايه هو
احمد بسرعه:ميدو قالك ان اسم باباه ميدو مش كده
تأكد انه هو ولكنه غضب واغلق الهاتف وجلس علي الفراش معطيها ظهره
استغربت هي انه انهي الاتصال بهذه الطريقه
غمزه:ايه قفلت ليه ومالك وشك اتغير كده ليه
نظر اليها ثم هب واقفا وجري الي غرفته حمله بين يديه محتضنه بشده وعاد به مره ثانيه الي غرفتهم
غمزه:في ايه يا عاصي ماله الولد انا مش ناقصه خوف رد عليا وقولي ايه اللي حصل
عاصي وهو جالس بجنابها ومحتضنه علي قدمه:انا ايه اللي خلاني سمعت كلامك ونشرت الزفت ده انا مش هاقدر ابعد عن ابني انتي وهو بقيتو كل حياتي اذاي فجاءه كده اسيبه يروح من ايدي ويبعد عني
غمزه:كلامك ده معناه انك متأكد ان اللي كان بيكلمك هو ابوه فعلا
عاصي:انا ابوه مش هرد علي تليفونات تاني هامسح الزفت اللي كتابته محدش هايخد ابني مني
غمزه:انت اتعلقت بيه عشان قعد معاك الفتره دي كلها متخيل بقي قلب بابه ومامته عامل ازاي دلوقتي ولا هو يا حبيبي دا هايفرح اوي لما يرجع ليهم
كاد ان يرد عليها الا ان رن هاتفه مره اخري بنفس الرقم نظر اليه ولكنه لم يمسكه
غمزه:رد يا عاصي لو فعلا بتحب زين رد عشان خاطره امسك الهاتف وفتحه ثم وضعه علي اذنه وعلي الجهه الاخري
كان احمد كالمجنون يحصد غرفة مكتبه ذهابا واياباوحين فتح الهاتف
احمد:بالله عليك ماتقفل ورد عليا كلامي صح ولا لاء ارجوك رد عليا طب انا مستعد اجيلك دلوقتي حالا
عاصي بهدوء:اي وقت عايز تيجي فيه اتفضل بس زي ماقولتلك انا مش هاسلم الولد من غير تحليل
احمد :تمام وانا مستعد قولي العنوان بالظبط وانا بكره الساعه ٣ العصر هاكون عندك انا ووالدي متشكر ليك اوي ولكنه قبل ان يغلق سمع صوته
زين بنوم:مامي انا عايس اسلب
غمزه:حاضر يا حبيبي
احمد: هو ده اللي بيتكلم جانبك
عاصي :ايوه هو
احمد:ممكن تخليني اسمع صوته تاني
عاصي: بس هو نايم ده صحي بس عشان يشرب
زين:بابي تعالي نام جانبي
عاصي:حاضر يازين هاخلص التليفون واجيلك
زين:انت بتكلم مين عمو خالد
عاصي:لاء ده واحد تاني تاخد تسلم عليه
زين:ماسي هات يابابي الو اسيك يا عمو انا سين
احمد والدموع تغمر وجهه:ازيك انت يا حبيبي وحشتني اوي يا زين
زين: انت بتعيط ليه ياعمو هو انت كمان عندك ناس وحسه عايسين ياخدو مامتك
احمد:انا لاء انا بعيط عشان فرحت اوي لما سمعت صوتك وبكره هاجي مخصوص عشان اشوفك
زين:هاتيجي عندنا ماسي يبقي هاستناك انا وبابي وجدو وحمسه ونانا ومامي لم يكمل حين جذب عاصي منه الهاتف
احمد :الو زين انت روحت فين هاجيلك بكره ياحبيبي
عاصي:خلاص اهدي واحنا هانكون في انتظارك بكره ان شاء الله مع السلامه
احمد:الساعه ٣ بالظبط هانكون عندك مع السلامه اغلق معه الخط وقرر الاتصال بخالد
خالد:ايه يا زفت هوانا مش هاخلص منك النهارده
عاصي:اتنيل فوق كده واسمعني ومتقوليش انك نمت
خالد:لاء يا سيدي صاحي ها اشجيني في ايه تاني
عاصي:تعرف ظابط اسمه احمدالسيوفي
خالد:احمد السيوفي مين ابن اللوا عبد الحميد السيوفي
عاصي بعد ان خرج من الغرفه واغلق الباب من خلفه:
معرفش هو ولا لاء بس قالي انو رائد وبيقول انو شاكك ان زين يبقي ابنه
خالد بعد ان انتبه لكلامه طب وانت ايه حاسس أنو هو المره دي ولا زي كل مره
عاصي:شكله كده هو يا خالد قالي حاجات كتير عن زين صح وكمان قال انو هايعمل التحليل
خالد:طب وجاي امتي
عاصي :بكره الساعه ٣ وانت لازم تكون موجود
خالد:طيب يا خويا مانا هاستقيل من الدخليه واشتغل عند سعاتك بقي
عاصي:اتنيل انت تطول اقفل يا ياض من غير سلام واغلق الهاتف في وجهه دون ان يستمع رده
خالد:وكمان بتقفل السكه في وشي والله لربيك يا حيوان دي كانت صحوبيه مهببه
//////////////////////بقلمي/كنزي حمزه//////////////////////
وفي الصباح نزل عاصي الي ابيه واخيه الذي قرر الا يذهب للعمل اليوم نظرا لظروف مرض زوجته ولكنه نزل الي الوكاله حين صعدت روقيه الي غزل
عاصي:صباح الخير انتو مالكو فتحتو بدري كده دي الساعه لسه تسعه
فضالي: انا لقيت حمزه نزل قولت انزل اقعد معاه
حمزه: لاوالله ماهي مراتك طالعه تخبط عليا الساعه ٨ وتقولي بنتي فين عايزه اطمن علي بنتي
فضالي:يابني اعذرها ام وخايفه علي بنتها وبعدين ماهي قاللتك انزلو باتو عندنا عشان تخلي بالها منها وانت مرديتش
حمزه:عايزني انزل عندكو تقوم هي تدخل تنام جنبها وانا انام علي الكنبه بره مش كده طب ماهي بنتاها التانيه تعابنه باردو تقدر تقولي مخابطتش عليها ليه قبل ماتطلع لنا
عاصي :لاء اتطمن يا خويا هي اتصلت بيها وخليتها تطلع ليها علي شقتك عشان الاتنين يبقو معاها دي حتي شالت الواد ياعيني وهو نايم وطلعت بيه
فضالي:اهو اشرب بقي يا حلو اهي القعده هتبقي عندك انت ودلوقتي هاتلاقي ستك توحه بتنده عليك عشان تطلعها ليهم هههههههههه رايح فين يا واد
حمزه:هاشيل غزل انزلها شقتك عشان تقعد زي ما هي عايزه
عاصي :هههههههه خد بس اما اقولك سيبهم لحد الناس اللي جايه لينا النهارده دول ما يخادو واجبهم ويمشو
وقف حمزه امام باب الوكاله والتفت لأخيه مره ثانيه
حمزه:ناس مين دول احنا عندنا حفله النهارده كمان ولا ايه
عاصي:لاء دول ناس جاين عشان زين
فضالي:تاني يابني ماخلاص الواد اصلا شكله مش من هنا وكل واحد يجي يشوفه ويقول ابني وساعة ماتقوله نعمل تحليل ويقعد يتكلم معاه يرجع يقولك لاء دا مش ابني
عاصي:يعني يابا انت شايفني عايزه يسبني اوي بس الراجل اللي كلمني امبارح ده قالي علي حاجات كتير تأكد ان هو ابوه وكمان وافق علي التحليل اول ما قولتله
حمزه بعد ان جلس:احسن يكون ملعوب يا عاصي
عاصي:لاء معتقدش محدش يعرف اسرار زين غيرنا اه الحته كلها عارفه انو مش ابني بس محدش يعرف اسم ابوه اللي قالوه لينا ايه ولا انو ماكنش بيتكلم غير انجليزي غيرنا احنا بس
فضالي:الكلام ده هو قالهولك
عاصي:ايوه وقالي انه جاي الساعه ٣عشان يتأكد اذا كان ابنه ولا لاء
حمزه:هي لسه فيها تأكيد طب اتصلت علي خالد
عاصي: اه ياخويا وجاي بس اما يجيلي الحيوان ده انا مش عارف مشيت وراكو وسمعت كلامكو في القسم ازاي
فضالي:ليه هو ايه اللي حصل في القسم انتو جيتو امبارح وطلعتو كل واحد علي شقته ومحدش فيكو طمني
حمزه:ابدا كل ده عشان خالد اتفق مع الظابط بتاع القسم انو يحبس العيال اربع ايام وبعد كده يسبهوم
عاصي:فاكر انو لما هايرقبهم هايجرو علي الزفت ياسر هو واخوه اكيد هايبعدو عنه لحد ما الموضوع يهدي
دا حتي لما الظابط حب يوجهم بالكاميرات اللي صورتهم الحيوان خالد مارديش بس اما يجييلي
فضالي: يابني يمكن في حاجه في دماغه وعايز يعملها
عاصي:يابا ده مافيش في دماغه غير فرده جزمه قديمه ريحتها عفنت مخه اصلا
حمزه:الله يخرب بيت قرفك علي الصبح ملقتش غير التشبيه المعفن ده
فضالي :هههههههههههه
/////////////////////////////////
مر الوقت عليهم وعند الظهيره ترجل زين بوجهه العابث خارج المنزل ليلقي ابيه الجالس امام باب الوكاله مع اخيه
حمزه: اهلا زينو ايه ياعم ناموسيتك بمبي صاحي متأخر يعني
زين :ناموسه بامبي اساي يا حمسه اسكت اسكت الناموسه بتبقي سوده ثح يا بابي
عاصي:ههههههههه صح ياروح بابي انت بقي مالك نازل مكشر كده
زين:انا سعلان منك عسان انت ثحيت وثليت لوحدك وفطلت كمان لوحدك وسبتني نايم
عاصي بعد ان لمس كلام طفله الحبيب قلبه:يا حبيبي مردتش اصحيك بدري قولت اسيبك تنام براحتك وبعدين مامي خدتك وانت نايم وطلعت عند غزل
زين:اه ونيمتني جانبها علي السليل وهي اثلا واخده السليل كله بكلسها الكبيل ده
حمزه بعد ان اندهش:انت بتقول ايه ياض انت انا مراتي كرشها كبير وبعدين يا حمار اذا كنت انا بنام جانبهايبقي اذاي حضرتك مش واخد راحتك جانبها يا فثل انت
زين بطفوله:يا عم اقعد تلاقيك بتنام في الالض
عاصي :ههههههههههههههههههه يالهوي يا حمزه دا زين طير الجبهه خالص
حمزه بغيظ من ضحك اخيه وهو محتضن الصغير يخبأه
منه:خد ياض والله لوريك تاعلي ياض يابن ال‘‘‘‘عاصي
زين:ولا تقدل تعملي حاجه دا بابي حبيبي ينفخك يا حمسه مس كده يا بابي
عاصي:طبعا كده يا روح قلب بابي يا عيون بابي من جوه
بدؤو يمرحون مع الصغير الي ان حضر خالد
حمزه:اهو عمك خالد جيه اهو وهخليه ياخدك القسم.
زين:بس بس دا بابي يديلك بالبوكس انت وهو
خالد:يدي مين ياض تحب افجر ليك دماغه بالطبنجه دي دلوقتي
احتضن الصغير عاصي بيديه وقبله وصرخ في خالد
زين: لاء انا هاطلع اجيب عنتل من فوق بسلعه واقوله يعضك لحد مايموتك انت وكمان هاخصمك واسعل منك طول حياتي
اصلا بابي هايضلبكو كلكو و انتو محدس يجي جامبه يا حبيبي يا بابي ماتخفس انا هادافع عنك
عاصي بضيق:انت كمان حبيبي اوي يا زين وانا كمان عمري ماهقدر ابعد عنك
جلس خالد بجواره والتمس حبه لهذا الطفل الذي يعلم جيدا مدي قوة علاقته بصديقه
خالد:شكلك المره دي متأكد
عاصي بحزن وهو يجلس صغيره علي قدمه :اوي وخايف يطلع صح
حمزه:طب هاته بقي اطلعه فوق عشان المعاد قرب لما نشوف الدنيا فيها ايه
زين :سيبني يا حمسه انا عايس اقعد مع بابي
حمزه:يا عم ماحنا معاه اهو تعالي بس اما نشوف نانا روقيه عملتلنا غدا ايه النهارده
ثم رفعه علي كتفه ودلف الي داخل المنزل وصعد به اليهم
فضالي بعد ان وضع يده علي كتف ابنه المتأثر:ربنا يبني يرزقك بالخلف الصالح اللي يعوضك عنه
خالد:يارب يا عاصي انا بدعيلك والله مش انت صاحبي وصحيح حلوف بس انت اب حنين اوي
عاصي بعد ان دفش قدمه الموضوعه علي الاخري بتعالي:قوم يلا من هنا دانت عيل جزمه صحيح ابويا بيدعيلي يا حيوان وانت تقول عليا كده
خالد:هههههههههه انتي زعلتي يا بطه دا نا بهزر معاكي
عاصي:اوعي يا رخم
فضالي:هههههههههه الله يحظكو يا ولاد
توقفو:عن العبث عندما وجدو سيارتان يدخلان الشارع
وتوقفو امام المنزل نزل من السياره الاولي رجال اجسامهم ضخمه يبان من هيأتهم انهم من الحرس الشخصيbudy. gard
وقف احدهم امام حمزه الذي كان خارج من البيت
الحارس:لو سمحت يا كابتن
حمزه:نعم عايز حاجه
الحارس :فين بيت البشمهندس عاصي تعرفه
حمزه:اه معرفه بسيطه اوي يبقي اخويا
خرج من السياره الاخري شاب في عمر اخيه تقريبا ليكلمه ولكنه حين وقف امامه تصنم في مكانه
الشاب:هو حضرتك اخوه طب انا واخد منه معاد وعايز اقابله هو فين
حمزه:ها هو اهو عاصي اخويا اهو
التفت الشاب بظهره ليجد خلفه شبان ورجل كبيروبداء يعرف نفسه
الشاب:انا الراءد احمد السيوفي مين فيكم البشمهندس عاصي
خالد:عاصي انت شايف اللي انا شايفه
حمزه بعد ان انضم اليهم:ده زين بس علي كبير يا عاصي
عاصي:شششش اسكتو شويه اهلا وسهلا يا سيادة الرأد انا العاصي وده والدي الحج فضالي وده حمزه اخويا
وده النقيب خالد حسان ظابط قسم الجامليه وللاسف صاحبي قاصدي صاحبي وزي اخويا يعني
وهو اللي خلاني اعرف استلم زين من القسم اتفضل حضرتك نطلع فوق
احمد:اهلا وسهلا بيكو كلكو ازيك يا حج عامل ايه
فضالي:اهلا يابني اتفضل اتفضل
احمد :طب ثانيه واحده بس ادي خبر لأبويا ذهب احمد الي السياره واخبر والده وكانت المفجأه بالنسبه لخالد حين رأه يترجل من السياره
خالد:ينهار اسود انتو عارفين ده مين
عاصي:مالك ياض اتفزعت كده ليه
خالد:ده اللوا عبد الحميد السيوفي مدير امن اسكندريه
عاصي:ايه هما من اسكندريه يعني هياخدو الواد معاهم اسكندريه
حمزه:الله يخرب بيت دماغك ده اللي انت فهمته اسكت يلا جايين علينا
عبدالحميد السيوفي:مساء الخير يا جماعه
فضالي:اهلا وسهلا مساء النور يا باشا اتفضل فوق اتفضلو اتفضلو
عبدالحميد:مالوش لزوم خلينا نقعد هنا عادي ياعني
خالد:اذاي بس يا باشا ده مش مقامك طبعا اتفضلو حضرتك فوق عشان تاخد راحتك
دلفو الي الداخل لكن احمد لمح عاصي وهو يخبطه خلف رأسه ويقوله
عاصي:ماتتلم بقي بيت ابوك هو عشان تعزم الناس واحنا التلاته واقفين
ولكنه ضحك بخفوت عندما وجد احمد يبتسم له ويهتف
احمد:شكلنا هانبقي اصحاب
خالد:هههههه دي حاجه تشرفنا انك تنضم ل شلتنا
حمزه:علي فكره احنا ولا نعرف الجدع ده اساسا
احمد:ههههههههه انتو باين عليكو صحاب اوي
عاصي:اه اوي مش بقولك اخويا اتفضل ادخل اتفضل
دلفو الي شقة فضالي وجلس جميع بالداخل ولكنه توقف امام صوره معلقه علي الحائط تجمع عاصي وحمزه وبينهم زين
احمد:زين ابني
عبد الحميد:اقعديااحمد دلوقتي هنعرف كل حاجه
احمد:انا عرفت خلاص يا بابا هو زين ابني ده نسخه مني
حتي طريقته في الصوره زي ماكان بيتصور معايا بالظبط بصو حتي لو مش مصدقني
فتح لهم هاتفه والتقطه منه عاصي الذي انقض عليه حمزه وخالد وبدؤو يقلبو في الصور
عاصي:هوفعلا بيحب التصوير
خالد:دي فعلا نفس طريقته وهو بيتصور معانا
حمزه بصوت مرتفع:ايه دا بص يا عاصي الصوره دي انا وهو متصورين زيها
عاصي:بغضب انت اهبل يلا اقعد خرمت ودني الله يخرب بيتك
فضالي:وريني الصوره دي كده يا عاصي واخذ منه الهاتف بص في الصوره كويس كده
عاصي:بعد ان اخذ الهاتف مره تانيه اه خدت بالي يابا
احمد:بعد ان نظر الي الصوره ايه في ايه في الصوره خدت بالك منه
عاصي:مافيش حاجه ماتخفش بس الطقم اللي هو لابسه ده هو نفس الطقم اللي كان لابسه لما لاقناه
بس ماقولتليش هو اتخطف منك اذاي مع انك ماتأخذنيش يعني ظابط ووالدك لوا شرطه
احمد:وهموني انهم قتلوه مع امه ثم جلس وبدأت الدموع تتجمع في عينه
عاصي بأندهاش:ايه قتلوه مع امه هي امه كمان اختفت
عبد الحميد:لاء امه اتوفت فعلا دبحوها الكلاب بدم بارد ومكانش عندهم اي شفقه عليها
عاصي:انا مش فاهم حاجه
بدأت الدموع تسترسل علي وجهه ووالده يحكي لهم
عبد الحميد:احمد ابني ظابط عمليات خاصه شاطر متخصص في القبض علي الارهابين
وعشان كان قتل واحد كبير منهم حاولو أكثر من مره يقتلوه لكن الحمد لله ربنا كان بيحفظه ليا كل مره
فقررو ينتقمو منه عن طريق اعز حاجه عنده مراته وابنه
وفي يوم كان بايت في شغله وبيتصل بمراته يطمن عليها هي وابنه وكانت بتكلمه فعلا بس سمعت صوت ضرب نار برا الفيلا كتير
بصت من الشباك وقالتله ان في رجاله ملثمين واقفين علي عربيه نص نقل وبيضربو امن الفيلا بالنارصرخ فيها عشانان تسختبي هي وزين
واخد سلاحه وجري لكن سمعها وهي بتصرخ وبتنديه الحقني يااحمد
وبعد كده سمع واحد منهم وهو بيكلمه وبيقوله ابقي اقرا الفاتحه علي روحها
وسمعهاو هي بتصرخ وبتتوسل ليهم بأنهم يقتلوها هي لكن يرحمو الولد بس الخسيس ماكافهوش انو يقتلها لاءدا دبحها بابشع صوره
وقاله انا سيبتها عشان تيجي تشوفها وعمرك ماتقدر تنسي صورتها وقتلت ابنك بس مش هاسيبهولك عشان تفضل طول عمرك محروم حتي انك تزور قبرهوتترحم عليه
احمد: بقيت بجري بالعربيه ذي المجنون وبصرخ فيهم
ووصلت الفيلا لقيت الامن مأتولين ومرمين في كل حته
جريت علي الفيلا لقيت الباب مافتوح واثار الرصاص في كل حته
دخلت ادور عليهم وانا خايف بس من صدمة اني اشوفهم فيهم حاجه قدامي
طلعت السلم جري بدور عليهم واول ماوصلت وانا واقف علي السلم لقيتها مرميه علي الارض ودمها سايل حواليها وهدوم زين غارقنه دم ومرميه جنبها
عاصي بخوف علي زين :وجاي دلوقتي تقولي ان الواد اللي عندي ده ابنك لاء ده مش ابنك ولا يمسلك بأي شيء
فضالي:اهدي يا عاصي ماتخليش حبك لزين يعميك عن الحقيقه
عاصي:حقيقة ايه ده واحد ابنه مات طبعا انا بعزيك فيهم وزعلت لما قولتلي اللي حصلك بس الواد اللي عندي ده ابني انا
عبد الحميد:يا بني احنا لكنه صمت والتفت الجميع عندما سمعو الصغير يجري بمرح وضحكته العاليه تزين وجهه
زين:ههههههه بابي يابابي يا حبيبي خبيني بسلعه مامي مس عايسه تنسلني انا جليت منها
انحني علي ركبته امامه والدموع تغمر وجهه امسكه بين يده ظل ينظر اليه
احمد:you no me
ظل الطفل صامت بين يده مندهش مما يراه
احمد:zin you no me
زين بأبتسامه وصوت خفيض:mido... ادعموا الصفحة ب 10 تعليقات لانها مقيدة 🥺❤️❤️
العاصي
الفصل الخامس والثلاثين
احمد:you no me zin
زين بأبتسامه وصوت خفيض:mido
قبله في وجنته واحتضنه بين يده لا يريد تركه الا ان أفاقه الصغير من حالته
زين:انت بتعيط ليه هوانت سعلان
احمد:لاء بالعكس انا فرحان اوي بس كنت عايز اسمعها منك انا مين يا زين
زين:الله مانا قولت لك انت ميدو هو مس ثح
احمد:لاء صح بس مين ميدو بالنسبه ليك انا أقربلك ايه
تملص الصغير من بين يده وادمعت عينه وجري علي ابيه المكبل جيدا بين يدي خالد وحمزه وارتمي في احضانه
ووقف احمد يشاهد مايفعله بحسره
زين:بابي يا حبيبي خبيني يا بابي
حمله عاصي:متخافش يا زين تعالي يا حبيبي
زين: اوعو سيبوه انتو ماسكينه كده ليه والله يا حمسه لاهخلي عنتل يعضك انت وعمو خالد
احمد:دا بيحبك اوي يا عاصي
عاصي:زين دا كل حياتي لانا ولا هو نقدر نبعد عن بعض مش كده يا زينو
زين:اه يا بابي
فضالي بعد ان اخذه :تعالي يا حبيب جدك قولي انت تعرف مين اللي واقف ده
زين:ايوه ده ميدو
فضالي:طب ومين ميدو بقي
لم ينطقها الصغير فهو يريد له ابا واحد اجتذبه جده الحقيقي وامسك هاتفه يريه بعض الصور التي تجمعهم ببعض
عبد الحميد: تعالي يا غالي دا انت وحشتنا اوي
زين:انت مين انت سنبك كبيل اوي بس سنب ودقن ميدو احلي علي فكله انت سبهي وميدو سبهي اوي كمان
عبد الحميد: هههههههه طب ايه رأيك عشان انت زكي كده هوريك شوية صور ونشوف هاتعرف انا مين ولا لاء
بدء الصغير يقلب في الصور وهو مشتت الافكار ولكنه توقف عندما رأها
نعم هي تذكرها حين بكت امامه جري الي والده وبدء يصرخ ويصرخ
حمله عاصي بين احضانه وبدء يهدء فيه
عاصي:مالك مالك ياحبيبي في ايه
زين خبيني يابابي انا خايف اللجل الوحس هايجي يخدني سي ما اخدني من مامي
احمد:ولا حد يقدر ياخدك مني تاني ماتخفش ياحبيبي انا حبسته وموته خلاص
زين بعد ان نظر اليه:هي فين مامي
توقف احمد متصنم امام هذه الكلمه لم يكن بحسبانه انه سوف يتذكرها نعم يردها هي قبله الان
اتجه به عاصي الي خارج الغرفه وهتف :بقولك ايه هو انت مش لسه جاي بتقولي انك جريت منها
تعالي نطلع ليها عشان نقولها تحضر الغدا
زين وهو محتضنه:استني بس هو ميدو هايفضل سعلان كده قوله مس يعيط
توقف عاصي علي الباب والتفت بالصغير:وانزله من بين يديه:طب ايه رأيك تروح تقوله انت وتسلم عليه قبل ما تطلع
جري زين عليه وبدء يمسح دموعه بيديه الصغيره:ماتسعلس يا ميدو انت عالف انا فالحان عسان سوفتك النهالده
احمد: وانا كمان يا حبيبي فرحان اوي عشان شوفتك بس نفسي اسمعها منك اوي
طب بص انا جبت ليك ايه معايا مش عارف هاتفتكرها ولا لاء
واظهر له من جيب بنطاله دميه صغيره علي شكل غزاله اخذها الصغير وشهق بخفه
زين:هه الغسل دي بتاعتي هاتها يا ميدو انا كنت بحبها بث يا يا حمسه انا كمان عندي غسل اساي
حمزه:اه ه ه وانا اقول انت حافظ الاسم كده ليه
زين بعد ان صعد علي الاريكه بجوار عبد الحميد ووضع قدم علي الاخري:دي جدو ده كان بيلعب معايا بيها
عبدالحميد:صح برافو عليك طب فاكر لما بابي عملك سحر بيها وقالك انو كلها
زين:لاء مس فاكل انا مس كنت بلعب بيها مع بابي
عبد الحميد:زين انا قصدي بابي ميدو فاكره يازين فاكر الصوره دي لما ركبت انت وهو الحصان
زين بدموع:لاء انا عندي بابي عاثي بس هو ده حبيبي ثم جري عليه يلا يا بابي نقلع فوق عند مامي انا مس عايس اقعد هنا
عاصي:حاضر يازين تعالي يا حبيبي
اخذه عاصي وصعد به ولكنه اخذ قلب احمد معه
جلس احمد علي المقعد يبكي
عبد الحميد:وبعدين يا احمد كفايه يابني ماتعملش في نفسك كده
احمد:زين مش عايز يفتكرني يابابا هو عرفني كويس بس مش عايز يقولهالي
فضالي:معلش يا بني اصله متعلق بعاصي وبيحبه اوي من
يوم ما لقاه وهو مبعدش عنه لحظه
كل اللي كان بيطلبه كان بيجيبه ليه طول السنتين دول محدش كان يقدر يزعل زين بكلمه واحده
لأن عاصي كان ممكن يقف في وش اي حد عشان خاطره
احمد:بس هو لقاه ازاي
بدء حمزه وخالد يحكو ليه كل ما حدث
//////////////بقلمي/كنزي حمزه////////////////////
صعد به الي شقته وكانت غمزه تحضر الطعام مع والدتها ولوزه وحسنه وعندما رأتهم
غمزه:كده بردو يازين تجريني وراك الله انتو مالكم عاملين كده ليه
عاصي :مالنا ماحنا كويسين اهو وتركها وذهب الي غرفته وهو حامل طفله الذي يمسك بيده تلك الغزاله
روقيه:هو جوزك ماله قالب وشه كده ليه
غمزه:معرفش اما اروح اشوفهم دلفت هي خلفهم لكي تعرف ما يحدث
غمزه:ايه ياعاصي هو طلع زي كل مره ولا ايه
عاصي:انا ايه بس اللي خلاني اسمع كلامك حرام عليكي يا شيخه انا مش هاقدر ابعد عنه.
زين:بثي يا مامي ميدو جابلي الغسل بتاعتي
غمزه:هو انت عرفتو يازين عرفت ان ده بابك
عاصي بغضب مما تفوهت:انا ابوه اوعي اسمعك بتقولي كده تاني انتي فاهمه قولها يا زين مين ابوك
زين:انت بابي حبيبي بس مس تسعل مامي عسان هي كمان حبيبتي
عاصي:محدش بيحبك هنا قدي سامع يازين
زين: ياحبيبي يا بابي انا كمان بحبك اوي
////////////////////////////////////////
اما عندهم
صرخ احمد:يا ولاد........ دول اكيد لماخطفو الواد كانوا عايزين يضموه ليهم ويربوه علي طريقتهم
عبد الحميد:مش بعيد كانو بيخططو يسفروه زي ما بيعملو في الاطفال اللي بيخدوهم ويدربوهم من صغرهم علي الارهاب والدم
خالد:احنا فعلا بعد مالقيناه بفتره مسكنا خليه ارهبيه هنا وكان معاهم اطفال بس طبعا محدش فكر ان زين كان معاهم
لان الحادثه بتاعتك لما اتنشرت والناس عرفتها كانت قبل مانلاقي زين
بحاولي شهرين والخليه دي لما قبضنا عليهم كان بعدما لقيناه بفتره بردو
احمد :طب انا عايز اعمل التحليل دلوقتي
ممكن يا استاذ حمزه تقول للبشمهندس عشان يجيبو ونروح
حمزه:حاضر ثواني هاطلع اقوله بس احنا ليه نعرض الولد لحاجه زي دي هو مش حضرتك ممكن تعمل التحليل ده من غير الولد ما يعرف.
عبد الحميد:ايوه صح بلاش يا احمد تعرضه لحاجه زي دي احنا ممكن ناخد شعره منه او حتي حد يقصله ضوافره والبشمهندس يروح معانا ونعمل التحليل
حمزه:طب كده تمام انا هاطلع اقول لعاصي
صعد حمزه اليه لكي يخبره
فهتف فضالي :ماقولتليش يا بني هو انتو قاعدين هنا ولا في إسكندريه اصل يعني معروف ان سيادة اللوا كان مدير امن اسكندريه
عبد الحميد:سابق يا حج فضالي مدير امن سابق انا السنه اللي فاتت طلعت معاش و نقلت هنا عشان ابقي جنب احمد هو اصلا شغله هنا وبيته هنا
فضالي:طب الحمد لله اتمني يابني بعد ما تعمل التحليل ان شاء الله وتتأكد
انك ماتبعدش زين عن عاصي ومراته هما لسه ربنا ما اردش ليهم بالخلف وزين بالنسبه ليهم حياتهم هما الاتنين
احمد:اطمن يا حج انا مفكرتش في حاجه زي دي وابني طلما بيحب حاجه عمري ماهافكر احرمه منها
خالد:والله يا سيادة الرائد شكلك هاتبقي صاحبنا بجد بس مش عايزك تزعل من عاصي هو عصبي وبن سبعه بس والله قلبه طيب
عاصي:انت بتخطبلي يلا ولا ايه
خالد: اتنيل داانا بمدح فيك
احمد:هو زين فين
عاصي بغضب:فوق نام ومش عايز ينزل دلوقتي سيبه براحته ومتضغطش عليه
وقف عبد الحميد امامه وامسكه من يده واجلسه بجانبه:ممكن بقي تهدي انا مقدر حبك ليه بس لازم انت كمان
تعرف اد ايه ابوه اتعذب طول السنتين دول وهو عارف ان ابنه ميت ومحروم حتي ان يعرف مكانه فين
احمد:انا مش هبعده عنك يا عاصي بالعكس دانا شايل جميلك علي راسي
متفتكرش اني مفرحتش لما شوفت ابني وتربيتك ليه وطريقته في الكلام انت عوضته عن بعد امه وابوه بأسره كامله حبوه وخافو عليه
عاصي وقد لمعت الدموع في عينه:مش هتبعده ازاي وانت هتاخده وتسافر
احمد:اسافر فين بس ايه ياجماعه انتو بتعتبرو الشيخ زايد سفر ولا ايه ههههههههه
عاصي:يعني انت قاعد في زايد طب تمام يعني جنبنا هنا ممكن تيجي في اي وقت تشوفه
احمد:علي فكره بقي انت طماع اوي ولا هنبقي صحاب ولا
نيله
ياخي راعي انو معاك بقاله سنتين وانا محروم منه انا هاخده وابقي اجيبو ليك كل مايعوز يشوفك
وقف عاصي امامه بغضب:ليه هو انت شايفني بتمحك فيك واقولك تعالي صاحبني مانا عندي صاحب ظابط زي الفل اهو عمري ما قاصدته الا ولقيته في ضهري
خالد:حبيب قلبي يا صاحبي
عاصي:اقعد يا اهبل وبعدين انت مش هاينفع تاخد الواد علطول عشان المدرسه
احمد:هو انت مدخله المدرسه طب تمام انا ممكن انقله عادي
عاصي:شوفت اهو تنقله من المدرسه وتبعده واحده واحده لحد مالاقي نفسي محروم منه
احمد:يابني افهم انا انتبهو هما الاثنان لزين الذي يجلس علي كتف حمزه امام الباب
زين:بابي
عاصي واحمد في نفس الوقت:نعم يا حبيبي
انزله حمزه واوقفه امامه وامسكه من كتفه
عاصي:زين بينده ليا انا
احمد:علي فكره انا ابوه
عاصي:ماتقولهاش قبل ما نتيجة التحليل تطلع
وقفو الاثنين امام الطفل وهتفو:تعالي يا زين
خاف الصغير منهم والتف الي حمزه واختبيء في احضانه
حمزه:بس بقي خوفتو الواد انتو الاتنين
زين:حمسه انا هاجلي عند مامي بسلعه وانت امسكهم
حمزه:تعالي ماتخفش انت معايا
جلس به وبيده قصافة اظافر
حمزه:علي فكره ضوفرك طويله هات ايدك اقصها ليك
زين :لاء انت بتعولني كل مله
احمد :تعالي ياحبيبي وان اقصهالك براحه
زين:هاتعلف ماسي نجلب
امسك احمد القصافه من يد حمزه واجلس الصغير علي قدمه وبدء يقبل يده
زين:ميدو هي مامي مس هاتيجي دي وحستني خالث
احمد بعد ان توقف عن قص اظافره:ووحشتني ان كمان يا حبيبي بس هي راحت مكان ماتعرفش ترجع تاني منه مكان اجمل من هنا بكتير
زين:يعني ممكن الوح ليها انا
احتضنه بقوه وقبل رأسه :بعد الشر عليك يا حبيبي
اخذه عاصي من علي قدمه :عارف هي راحت فين يا زين عند تيتا فاطمه
زين:اه يعني هي عند تيتا فاطمه وتيتا فاطمه في الجنه عند لبنا صح يا بابي
عاصي :صح يا حبيبي
احمد:طب مش ناوي تقولها ليا اناكمان نفسي اسمعها منك اوي
حمزه:فاكر يا زين لما عاصي كان بيتخانق معايا تحت في الوكاله وزعقلك وقالك اطلع فوق قولتله ايه
عاصي وقد فهم ما يلمح به اخيه: اسكت يا حيوان
زين:قولتله اناعايس بابي الحقيقي هه ميدو هو بابي الحقيقي يا حبيبي يابابي
احتضنه احمد بقوه :اه ه ه يا حبيبي وحشتني اوييييي يازين حاسس ان روحي رضت في جسمي تاني يابابا
عبد الحميد:الحمد لله يا رب انك مضرتانش فيه
وقف عاصي ينظر اليه بغضب ويضع يديه علي شعره يجذبه بقوه يكاد يقتلعه
وعبراته ابت الانتظار اكثر من ذلك فعرفت طريقها علي وجنته امسكه اخيه وصديقه واجلسوه بينهم وهو ينظر اليه
انزلق الصغير من علي قدم ابيه واتجه اليه
زين: مالك يا بابي بتعيط ليه بس
عاصي:خايف تبعد عني يا حبيبي
زين:بمرح ابعد فين بس يا بابي مانا معاك اهو
دقت حسنه الباب وهتفت:عم الحج ستي روقيه بتقول لحضرتك ان الغدا جاهز اتفضلو فوق عند سي عاصي في شقته
عبد الحميد :طب يلا بنا احنا بقي عشان نروح مشورنا يا احمد
فضالي:تروحو فين والله ما يحصل دا احنا ولاد بلد بردو وعشان يبقي عيش وملح
عاصي:ماينفعش حضرتك كده تبقي بتشتمنا ولا احنا مش قد المقام
عبدالحميد:معاذا الله يابني بس يعني
زين:تعالي يا جدو اطلع عندنا احنا سقتنا حلوه خالص ونانا لوقيه ومامي بيعملو اكل حلو خالص يلا تعالي بدء يجذبه من يده
صعدو جميعا الي شقته وجدو طاولة الطعام جاهزه ولا توجد واحده منهم في المكان جري زين للداخل حتي يخبرهم انهم صعدو وجد لوزه امامه
زين:مامي فين يا لوسه
لوزه:في المطبخ يا حبيبي مع نانا روقيه وتيتا توحه فوق عند الست غزل
زين طيب انا هاروح اجيبها عسان اوليها بابي ده حلو خالث ثم جري إليها
مامي مامي تعالي ثوفي ميدو وجدو دول حلوين خالث يلا قومي تعالي يا نانا ثوفيهم
روقيه:بس يا زين عيب كده
وقفت من علي المقعد و هي وجههامتهجم بالغضب والصغير يجذبها بيده
غمزه استني بس يازين واخدني علي فين بس
زين:تعالي بث ثوفيهم وسلمي عليهم
خرجت معه وهو يشدها بقوه ووقفت امامهم بحجابها وفستنها الطويل
نظر لها هو بعين كالجمر حين خرجت امامهم
ولكن الصغير قال بمرح:بثي ده ميدو ثبهي اوي مس كده ودي مامي غمسه يا ميدو
وقفت متلجلجه حين لمحت الغضب في عين زوجها ولكنها مدت يدها اليه حتي تتفادي ذلك الموقف المحرج
غمزه:اهلا وسهلا بحضرتك
احمد:اهلا بيكي يافندم انا متشكر اوي علي كل حاجه عملتيها لأبني
غمزه:زين بالنسبه ليا انا وعاصي ابننا وعمره ما كان غير كده
عبد الحميد:ربنا يخليكي يا بنتي وان شاء الله يعطيكو الخلف الصالح
غمزه:متشكره اوي يا لحضرتك عن اذنكم
ثم دلفت سريعا للداخل وهو من خلفها واغلق الباب والتفت اليها وامسكها من زراعها بقوه
عاصي:ايه اللي طلعك بره ازاي تخرجي ادامهم
غمزه:سيب ايدي بتوجعني الولد هو اللي قعد يشدني عشان اخرج معاه انت يعني مشوفتوش
عاصي:يا سلام وانتي ماكنتيش قادره عليه مش كده
غمزه:اوعي ابعد عني انت كل شويه تيجي تزعقلي وتطلع غضبك عليا انا ليه
انت اصلا ملاكش كلام معايا مش بتحملني انا ذنب بعده عنك خلاص ابعد انت كمان عني بقي
القاها من بين يده علي الفراش بقوه :مش هانتكلم دلوقتي انا هاغير هدومي وهانزل معاهم بعد الغدا
ولما يمشو هاعرف ازاي اعدلك تاني وعالله تخرجي بره تاني وهما هنا انتي فاهمه
لم ترد عليه وظلت تبكي بقوه وتشهق بصوت منخفض
وقف هو امام خزانة الملابس بعد ان جذب تيشرته من عليه واحني رأسه للاسفل
عاصي: غمزه انا تعبان اوي مش عارف انا بعمل كده ليه
غمزه بصوت متقطع:انت اللي عامل في نفسك وفيا كده مع انك عارف كويس ان هو ده الصح
عاصي بعد ان اجتذبها بين احضانه:عارف بس خايف زين يبعد عننا ده ابننا يا غمزه
غمزه:يعني انت فاكرني مش زعلانه ما انت عارف اد ايه انا ببقي فرحانه وهو بيقولي يا مامي
عاصي:حقك عليا يا حبيبتي بس انا هاحاول علي قد ماقدر اخليه مايبعدش عننا حتي لو اضطريت اصاحب ابوه الغلس ده
غمزه بضحك:ههه حرام عليك دا امور خالص
وقف من علي الفراش بغضب
عاصي:نعم ياختي هو مين ده اللي امور طب وربنا لوريكي بس اما ارجعلك
واجتذب قميصه ولبسه وهو في قمة غضبه
وخرج من الغرفه وسط ضحكاتها عليه... ادعموا الصفحة ب 10 تعليقات لانها مقيدة 🥺❤️❤️