رواية اوقعتني في حبها
الفصل التاسع 9 والعاشر 10
بقلم إسراء محمود
تانى يوم عشق صحيت من النوم على صوت مامتها بتزعق
عشق ..فى ايه يا سوسو بتزعقى ليه على الصبح
سهام ..اختك هتجننى مش عايزة تروح الكليه وعايزة تتنقل منها كمان
عشق بصت لمنه ..هتستسلمى بسهوله كده يا منه
منه بدموع ..انتوا مش حساين بيا ولا فهمنى
عشق ..انا فهمكى بس قولتلك منستسلمش
احمد فى الوقت دا خرج من الاوضه وكان لسه صاحى من النوم
احمد ..فى ايه يا خلق هو محدش يعرف ينام فى البيت دا
وبص على منه لقاها بتعيط
احمد قرب منها وبقلق واضح .. مالك يا موزتى مين مزعلك بس
منه اترمت فى حضنه ..انا تعبانه اووى يا احمد تعبانه اووى
احمد ..بس اهدى واحكيلى ايه إللى حصل
منه ..حاضر بس متتهورش
احمد ..حاضر
منه ..بص يا سيدي ............
احمد بغضب .. انا هوريهم كلهم اذا يعمل هو والزباله كده فيكى
منه ..انا مش ناقصه فضايح يا احمد
احمد ..لا علشان يعرفه اختى خط أحمر سبينى وانا هتصرف
عشق ..بلاش مشاكل يا احمد وخلاص اختك بردو خدت حقها
احمد ..انا إللى لازم هاخد حق اختى بيدي
ودخل جرى ولبس وراح الجامعه
منه ..انا لازم اروح ورأة
وجريت منه كمان لبست وراحت
عشق وسهام ..استر يارب
عند مراد
صحى من النوم واقعد يفتكر عشق وكسوفها وقد ايه هى بتبقا جميله واحترامها وأنها مختلفه عن بنات كتير
مراد ..انا ايه إللى بقوله دا انا لازم محبش انت عارف يا مراد ايه إللى هيحصل لو حبيت انا لازم ابعد خالص عن عشق ايوة ابعد وانسها
وقام اخد دوش ولبس وراح القسم
عند ادهم كان نايم وحاضن المخده وكان بيحلم وعمال يبوس فى المخده
دخلت عليه فريدة مامته وشافته بالمنظر دا
فريدة ..نايم كمان بتحلم بالبنات وبتبوس فيهم ما انا عرفاكى قليل الادب طول عمرك طالع لامك
وقامت فريدة بالمهمه وبشبشب المصري الأصيل ونزلت بيه على ادهم
ادهم بفزع ..يالهههوى البيت بيوقع
فريدة وعى بتضحك . يابن المجنونه اتهد
ادهم ..كده يا امى تعملى فى ابنك كده
فريدة ..اة احسن علشان تقعد تبوس فى المخده بتعمل علاقه مع المخده يا منيل دا انت حالتك وحشه اووى
ادهم ..الصراحه يا ديدا كان فى حتت مززة فى الحلم انما ايه صروخ
فريدة وهى بتضربه بالشبشب ..صروخ دا انت إللى عايز صروخ يتفجر فى دماغك
ادهم كان بيجرى وفريدة بتجرى وراه
ادهم ..خلاص بقا يا ست الكل
فريدة ..ابدا
راح ادهم دخل الاوضه وقفل عليه
عند عشق راحت الجامعه وبردو مالقتش رحمه موجودة ومش بترد على التليفون كانت عشق هتجنن هى مش عارفة اى حاجه عن صديقه عمرها
عمرو قرب من عشق
عمرو ..ازيك يا عشق وحشانى
عشق ..عمرو مش قولنا هنبقا اصحاب
عمرو ..اة ما انت اختى علشان كده بقولك وحشانى
عشق ..طب بلاش الكلام دا علشان بضايق يا عمرو وانت عارف
عمرو ..حاضر يا عشق لو دا إللى هيريحك
عشق ..اة هو دا إللى هيريحنى
عمرو ..قوليلى عامله ايه فى المذكرة
عشق ..الحمد لله وانت
عمرو .. اهو بذاكر بس مزنوق فى كام مادة كده
عشق ..خلاص انا ممكن اشرحملك
عمرو ..بجد يا عشق
عشق ..اة بجد
عمرو ..شكرا جدا يا عشق
عشق ..طب انا هستاذن بقا علشان الحق اروح المستشفى
عمرو ..تمام يا عشق سلام
عشق مشيت وراحت المستشفى
عند منه واحمد
احمد دخل المدرج بتاع منه
احمد ..فين محمد وحنان
محمد ..انا
حنان ..وانا
احمد راح كامل محمد من قميصه .. بقا انت تبعت الزباله ديه علشان تهزق اختى هاا بقا انت تقول اختى معجبه بيك وطلع عليها سمعه مش حلوة دا انا هربيك وابتدا احمد يضرب فى محمد بكل غل وقوة
حنان كانت هتمشي
منه مسكتها ..راحه فين يا حلوة تعالى
منه ضربت حنان بالقلم وقلم ورا قلم
لحد ما دخل الأمن وخدوا محمد وحنان واحمد ومنه لعميد الكليه
العميد ..انتوا فكرين نفسكم جين منين شويه بلطجيه انتوا
احمد ..انا هحكيلك وانت تحكم ........
العميد بص لمحمد وحنان ..انتوا ايه إللى عملته دا ليه حق انه يضربكم انتوا الاتنين هكتفى بعدم دخولكم الامتحانات السنه ديه
محمد..لا مينفعش،يا استاذ
العميد ..انا إللى قول ايه إللى ينفع وايه إللى مينفعش مفهوم اتفضله
حنان كانت بتعيط على إللى حصلها
العميد بص لأحمد..انت برضه غلط بس انا عديت علشان انت كنت خايف على اخوتك غير كده كنت هتتعاقب زيهم
احمد ..شكرا جدا لحضرتك العميد ..اتفضلوا
خرج احمد ومنه
منه حضنت احمد جامد
منه ..انت احلى أخ انا بحبك اوى
احمد ..وانا بحبك يا عبيطه
منه ..متقولش عبيطه
احمد ..لا عبيطه واحلى عبيطه فى الدنيا
منه ..طب يلا نروح
احمد ..يلا
عند مراد وادهم
ادهم راح متاخر الشغل بسبب فريدة
مراد جه من ورأة ومسكه من البدله بتاعت الشغل
مراد ..ايه يا بنى اتأخرت
ادهم اتخض ووقع فى الارض وكان شكله مساخرة
مراد مات على نفسه من الضحك ..ايه يا بطه اتخضيتى
ادهم ..اتلم يا مراد ايه بطه ديه هو انا طفل صغير بيلعب معاك
مراد ..وهو فيه ظابط بيقع الوقعه ديه
ادهم ..فريدة هانم عملتلى رعب ولا خلت فيها ظابط
مراد ..ليه بس دا ديدا قمر
ادهم ..قمر بستر ياخويا ديه انهاردة كانت بتجرى ورايا بالشبشب
مراد ..احسن تستاهل والله
ادهم ..بارد انت يا مراد
مراد ..اتلم بدل ما الله انا الجزمه واديك بيها
ادهم ..على ايه انا اروح مكتبي احسن معزز مكرم
مراد ..وانا شايف كده بردو
ادهم ..صح يا مراد انت مالك بالك يومين متغير
مراد ..مش عارف اقولك ايه
ادهم ..احكيلى يا صاحبي هساعدك
مراد ..مع انى اشك انك تساعدنى بس هقولك بص يا سيدى .......
ادهم ..وانت مخبي عنى كل دا
مراد ..انا قولت موضوع عادى
ادهم ..اصدقك وقعت يا معلم
مراد ..لا موقعتش ولا هقع
ادهم ..هقولهالك لاخر مرة حب يا صاحبي قبل ما تندم
وسابه وخرج
مراد اقعد يفكر فى كلام ادهم لحد ما تعب وخرج يتمشى
#الفصل_١٠
الفصل 10
وقفنا الفصل الفات لما مراد خرج يتمشي شويه وعلشان يعرف يفكر شويه فى إللى هيعمله وفى حبه لعشق إللى لحد دلوقتى مش عايز يعترف بيه
فى نفس الوقت دا كانت عشق خرجت من المستشفى بدرى وحبت تروح تتمشي وتفكر حبه
عشق ومراد الاتنين راحه عند النيل وكل واحد كان واقف يبص على النيل
عشق كانت اقعده قدام النيل وسرحانه
عشق كانت بتفكر فى مراد وقد ايه هى حبته فى الفترة إللى قليله ديه
مراد كان اقعد بيفكر فى عشق وكان بيفكر
هو اذا لحق يحبها فى الوقت القليل دا
مراد لنفسه ..انت اغبي انسان فى الكون سبت نفسك لحد ما وقعت فى حبها وبقيت مش قادر تنساها مش فاكر الوعد إللى خدته على نفسك انك عمرك ما تحب وهتعيش حياتك لشغلك لحد ما تموت بطل وشهيد مفكرتش فيها لو جه يوم وموت وسبتها بتطقع عليك مشوفتش زمايلك إللى ماتوا ابطال وكل واحد مراته بتموت عليه ومنهارة من العياط هى وأولادها لازم ترجع مراد القوى إللى عمره ما يحب بنت فى حياته حتى لو كانت عشق
عشق كانت بتقول لنفسها ..ايه يا عشق مالك بتتلغبطى ليه لما بتشوفى مراد قدامك ايه إللى بيخليكى عايزة تترمى فى حضنه وتقوليله ميبعدش عنك ايه يا عشق حبيتى مراد وبقيتى عايزة تشوفيه كتير طب مش بتفكرى انه ممكن ميحبكيش زى ما انت بتحبيه وانت إللى هتتوجعى وتتعبي
كل واحد كان بيلوم على نفسه انه حب التانى وكان بيفكر انه لازم ينسي التانى بس مفيش،قلب بينسي حبيبه
عشق افتكرت رحمه وقالت تتصل بيها
قامت عشق وابتدات تتحرك من مكانها وكانت ماسكه الموبيل وبتتصل برحمه
وفجأة عشق خبطت فى جسم صلب وكانت هتقع
فى الوقت دا مراد كان بيتحرك وبيتمشي وفجأة لقا حد خبط فيه وكانت اقصر منه وكانت هتقع مراد مسكها جامد قبل ما تقع
عشق رفعت وشها لمراد على طول ومراد كان فى نفس الوقت باصص لعشق جامد
عشق ..مراد
مراد ..عشق
كان مراد سرحان فى عيون عشق إللى بتسحره وكانت بيتامل وشها وقد ايه هو جميل ومناخيرها الصغيرة وخدودها الحمرة لحد ما توقف نظرة على شفيفها الحمرا والرقيقه وكان عنده الرغبه انه يقبلها
وعشق كانت سرحانه فى مراد وجماله ورجالته إللى مش موجودة فى راجل ابدا
مراد فاق وخد باله من ودعوهم وانه فى الشارع وفى ناس بعد عن عشق براحه وعشق وقفت واعتدلت فى وقفتها
عشق .. انا اسفه والله مخدتش بالى ونزلت براحه وخدت موبيلها
مراد..محصلش حاجه بس انت خودى بالك علشان متخبطيش فى حد تانى
عشق استغربت انه بيتكلم معاها كده ومن أسلوبه دا
عشق بتحدى ..حاضر هبقا اخد بالى اصلى بتعمد انى اخبط فى الناس مش هو دا اقصدك يا حضرت الظابط
مراد ..لا انا مقولتش كده يا عشق انت إللى فهمتى غلط مش قصدى حاجه
عشق..حتى لو قصدك بقا مش هتفرق
مراد اتنهد ..عشق احنا فى الشارع وانت عماله تخبطى جامد فيا فا يلا تعالى اوصلك فى طريقي للبيت احسن
عشق ..لا انا هروح لوحدى
مراد بحده..انا لما اقول يلا علشان اوصلك يبقا مفيش نقاش ويلا
عشق كانت هتعترض بس مراد شدها من ايديها ودخلها العربيه ومشي فى طريقه لبيت عشق
عشق ..انت بتجرنى شبه الحمارة كده ليه
مراد ..انت إللى مش بتسمعى الكلام
عشق ..بس بردو متجرنيش كده
مراد ..خلاص يا عشق انا اسف
عشق ..بس
مراد ..انا مش بعتذر لحد يا عشق حتى لو انا غلطان ولما انتى حاجه خاصه بنسبالى لكنت معتذرتش
عشق اكسفت من كلامه وسكتت
مراد ..لا بقولك ايه انا بضعف قدام الخدود الحمرة ديه
عشق ..طب بطل انت علشان بتكسف ومش هيبقا دا ذنبي
مراد ..خلاص هحاول ابطل
كانت عشق مبسوطه بكلام مراد وجماله وقد ايه هو بيفكر ينسيها هى كانت زعلانه منه ليه
وصل مراد قدام بيت عشق
عشق ..شكرا جدا يا مراد انك وصلتنى
مراد ببتسامه ..متشكرنيش يا عشق انا برتاح لما بوصلك
عشق اكسفت وخدودها احمرت
مراد ..اطلعى يا عشق بدل ما ارتكب جريمه ويبقا فعل فاضح فى الطريق العام
عشق ..لا خلاص انا طلعت اهو وكمان نمت
وطلعت تجرى
عند منه واحمد فوق
منه راحت خبطت على احمد
احمد ..ادخلى يا مجنونه هانم
منه ..انت عرفت اذا ان انا إللى بخبط
احمد ..عارف علشان انت مش هتنامى غير لما تيجى وتقعدى تقولى انت كويس يا احمد يعنى هما خلاص هيبعدوا عنى صح
منه ..الصراحه اة يا احمد
احمد ..تعالى يا منه اقعدى نكلم
منه راحت اقعدت جمبه
احمد ..بصي يا منه انا ممكن اكون بهزر وبالعب ودماغى ضربه شويه بس لما إلقى حد هيجى جمب اخواتى انا ممكن اكله بسنانى قبل ما يجى جمبك والواد الزباله هو البنت **** يستحقه إللى حصلهم علشان بس فكرة يضايقه اختى
منه اول ما فى حضنه..ربنا يخليك ليا يا احمد وميحرمنيش منك ابدا يا احلى أخ فى الدنيا كلها
سهام كانت معاديه من جمب الاوضه وسمعت الكلام
سهام بدموع ..فعلا إللى خلف مماتش ربنا يخليك ليهم يا بنى
احمد جرى عليها وباسها من رأسها وباس ايديها..حبيبتى يا سوسو ربنا يخليكى لينا يا ماما
سهام ..انت دلوقتى كبرت وبقيت راجل البيت يا حبيبي وبتحافظ على خواتك انا كنت خايفه عليهم وكنت فكراك مستهتر بس خيبت زنى يا احمد
احمد ..انا مستهتر يا ست الكل ينفع إللى بتقوليه دا
سهام ..معلش يا بنى كنت فكراك كده
دخلت عشق عليهم فى الوقت ده
عشق ..خيانه
سهام ..تعالى يا مجنونه دكتورة ومجنونه يا ناس
عشق ..دا شرف ليا انى مجنونه
احمد بحنيه ..عامله ايه فى الشغل الجامعه
عشق ..الحمد لله يا حبيبي
منه ..لا انا بغير على اخويا يا ماما
عشق ..مهو اخويا انا كمان
احمد .. لا انا مش قد ان بنتين حلوين زيكم كده يتخانقه عليا
سهام ..اتلم يا واد ويلا يا بنات نحضر السفرة علشان الغداء
عشق ..هغير هدومى واجى وراكى يا سوسو
منه ..انا تعبانه ومش قادرة والله
سهام ..قومى يا زفته علشان نجهز هو انت مش بتعملى حاجه غير انك تاكلى
منه ..خلاص قايمه اهو
وقاموا اتغدوا وكل واحد راح ينام
عشق كانت بتفكر فى مراد وكلامه وكل إللى حصل معاها انهاردة وقد ايه الصدفه بتجمعهم مع بعض
مراد كان بيفكر فى عشق وعنيها ووشها إللى كان شبه الملايكه وشفيفها إللى تجنن
مراد ..استغفر الله العظيم إيه اللى انا بفكر فيه دا نام احسن يا مراد
كل واحد خلد فى النوم وهو بيفكر فى الشخص التانى وهو اذا بيحبه وبيرسم أحلام ورديه لكن هو دا إللى هيحصل ولا لا...