رواية الصقر الاعمى
الفصل السادس والعشرون 26
والسابع والعشرون 27
والثامن والعشرون 28
والتاسع والعشرون 29
والثلاثون 30 والاخير
بقلم صفاء
(((خطوبه )))
بعد مرور عده ايام
عند معتز اتفق هو وعمر على انه سيجعل سيلا تحبه وانه سيصونها وعمر بعد رفضه وتشده وافق فقد علم أن معتز صادق وقرر أن يعلما سيلا درسا قويه
بعد عرض عمر على سيلا أن تختار بين معتز وصقر وهو يعلم الاجابه ... لم توافق سيلا بسهوله ولكن عمر كان مصر ومع الحاح شهد لانهاء ذلك الخلاف والتى ايضا كانت على علم بمخطوط عمر مع معتز
وعلمت انها صديقتها بحاجه لدرس حتى تفيق من ما هى فيه
الثلاث شباب فى كامل اناقتهم
صقر : انا مش عارف انت اقنعت اخوها ازاااى ده شكله عصبيه ياعم
عمار : ههههه انا لو منه كنت فكنى من الحوار ده هو مش كفايه انه هيناسبوا معتز احسن دكتور جامعه لا وكمان ابن خالته عمار السوهاجى من اكبر عائلات الصعيد
معتز : ياجماعه البنت كويسه ومحترمه بس زيها زى باقى البنات فى الايام دى نفسها فى الشاطر حسن متعرفش أن الشاطر ده موجود بس مش لازم يكون حسن
عمار بمزح : فعلا ممكن يكون الشاطر معتز ههههههههه
صقر : طيب يلا عشان منتاخرش عشان انا عندى معاد مهم بعد كده
عمار :. على فيين هو حسام اتصل
صقر بابتسامه : حساام ميين هو انا ربنا كاتب عليا معرفش حد غير اشكالكم
معتز : ههه ومالها بقى اشكالنا
صقر : ههههههههه تسد النفس يلا
ذهب الإثنان لمنزل عمر كان البيت مزين ببعض الزينه وبعض الكراسى البسيطه
فى غرفه سيلا
سيلا بحزن : انا مش مسامح عمر ابدا
شهد : مش مسمحاه على انه اخترلك عريس لقته
سيلا بضيق : لقته ههه
شهد : يا سيلا حرام عليك معتز بيحبك وبعدين هو انسان طيب ومحترم ومستواه حلو عايزه اييه اكتر من كده
سيلا : عايزاه فاارس بحصان ابيض يخطفنى
شهد :. يوووه مش هنخلص من الوهام بتعتك دى
سيلا : مش هنخلص غير اما الاقيه
شهد : قصدك اييه انتى خطوبتك النهارده اعقلى بقى
سيلا : ما انا عاقله اهو وقالت فى سرها (( هى كلها اسبوع واخليه يقول حقى برقبتى واطفشه وساعتها ابقى سمعت كلام عمر ونفس الوقت استنى الشاطر حسن 😍 ))
خرجت شهد فوجدت عمر
عمر بحب : عقبالنا
شهد بحرج : احم أن شاء الله قريب
عمر : يعنى انتى موافقه
شهد : اممم افكر
عمر بحزن : نععم
شهد : هههه انا مصدقت نطقت وقولت بحبك
عمر بدهشه : انا مقولتش بحبك على فكره
شهد بحزن : هااا
عمر مازحا : قولت بعشقك
شهد وقد احمر وجهها خجلا : طيب بس بقى ماما هناك اوعى كده
تنهد عمر بحب
كان معتز يجلس على نار ينتظر العروس وصقر وعمار بجانبيه
عمار : متهدى يااض واركز
صقر : هههه سيبه الحب يعمل اكتر من كده 😊
عمار وهو ينظر لصديقه : ياراااجل
وهنا دخلت سيلا وكانت ترتدى فستان بسيط من اللون الفضى وتزين شعرها بتاج كان جميلا حقا ولكنها ما أن رأت معتز حتى حزنت
ثم نظرت جانبه اخذت تبربش عيناها عده مرات وكانها فى حلم نعم هوووو ....صقر الحناوى الملاكم الشهير الذى اعتزل من فتره ... كم كانت معجبه به .... كم هو وسييم ...عيناه العسليتان .... ذقنه. ....عضلاته .....جسده الممشوق ... طوله ...شعره ....😍 سرحت فيه وكانها فارس احلامها كم احتفظت بصوره
ولكنها رجعت للواقع ... ماذا اتى به الى هنا ...هل هو قريب معتز ...يالهى كيف ... لو انها صبرت لكانت قابلته .... فهو كان حلم اما الان فهو على بعد امتار منها
ونظرت لذلك الجالس بجانبه
شاب وسيم شعره اشقر وعيناه خضروتين وطويل. .....وسيم ايضا ولكنه صقر اوسم
هل هذه الوسامه تعرف ذلك الشىء
(((( ملحوظه معتز ليس بالقبيح وسبق وان ذكرته اوصافه ولكن حينما يكره القلب تعمى العيون وترى الجميل قبيح والقبيح جميل ... فكم نرى رجلا ابيض تزوج بفتاه سمراء كما حدث فى الولايات المتحده الامريكيه وحينما يسال يقال انه عشق الروح فراى الجمال كله .... لا يوجد احد قبيح فالله تنزه عن خلق القبح ولكن توجود قلوب تشكل الناس على هواها فى الاعين )))
عمر وقد لاحظ شرودها ووقوفها : سيلا تعالى اقعدى
سيلا وقد ذهبت وجلست بجوار صقر الذى انصدم من تصرفها واحرج من صديقه 😳
سيلا وهى تلتصق بصقر وتقول : حضرتك صقر الحناوى الملاكم المشهور مش كده 😍
صقر وهو يبتعد ويشيح بوجه الناحيه الاخر وقد كان فى قمه الخجل : اها انا 😟
سيلا وهى تقترب اكثر : هو حضرتك اعتزل لييه 😌
صقر وقد شعر بالضيق : احم ظرووف 😟
عمار فى دهشه وصدمه من تصرف تلك الفتاه ووضع صديقه 😦
اما معتز فقد شعر بشىء من الغضب والغيره 😠
عمر وقد فهم اخته فقام بسحبها
واجلسها بجوار معتز 😐
عمر لرفع الحرج : احم نقرا الفاتحه
وهنا قاطعته سيلا بسؤالها لصقر : هو انت هترجع تلعب تاانى 😍
صقر :😥
عمار : لا مش هيلعب ونقرا الفاتحه بقى
سيلا فى ضيق وهى ترفع يدها 😒
بعد دقائق
معتز وهو يمسك يد سيلا ليلبسها الشبكه وهو فرحانه 😌
سيلا وهى تسحب يدها وتقول بجفاف : بعرف البسها لوحدى 😏
معتز وقد احرج : احم براحتك 😒
اما سيلا فعاودت السؤلات على صقر من جديد وكانها لا ترى غيره
شعر صقر بالضيق والغضب وقرر الذهاب : طيب ياجماعه انا لازم امشى دلوقت والف مبروك
سيلا بخضه وتهب واقفه : ليييه لسه بدرى 😔
صقر :لا معلش عندى معاد مهم خليك انت يا عمار مع معتز انا مش هاتاخر
عمار فى دهشه من تلك الزيجه الغريبه : ماشى خلى بالك من نفسك 😒
ظل عمار يتحدث مع عمر فى بعض الشؤن اما عند سيلا ومعتز
معتز : انا فرحان قووى انك قبلتى الخطوبه 😌
سيلا بقرف : طيب
معتز وقد شعر بالحرج من اسلوبها الفظ معه : احم تحبى نخرج بعد الخطوبه 😌
سيلا ببرود : لا انا بحب انام بدرى 😏
معتز : طيب
ظلوا صامتين لفتره من الزمن فقد ياس معتز من كلامها الحاد معه
سيلا مقاطعه الصمت : هو انت تعرف صقر منين 😍
معتز فى ضيق : معرفهوش بس صاحب ابن خالتى
سيلا : ابن خالتك ميين
معتز بايجاز : اللى هناك قاعد مع اخوكى
سيلا : اها المز الطويل ده
معتز بصدمه منها كيف تعاكس رجل غريب امامه : افندم
سيلا متجاهل : ايه هو انت مش شبهم لييه
معتز : شبه ميين 😠
سيلا : ابن خالتك و ... و وصاحبه مثلا قالتها وهى تلعب فى خصلات شعرها
معتز وهو ينهض : والله دى خلق ربنا بعد اذنك
سيلا : رايح فيين
معتز : همشى ومبروووك ياعرووسه 😔
قالها بحزن
ونادى على عمار وقرروا الرحيل
&&&&&&&&&&
فى المستشفى
كان يرتدى تلك البرنس الذى يخفي ملامحه ويضع يده فى جيبه ويلتفت حوله وقرر الدخول تلك الغرفه
ما أن دخل تنفس الصعداء فالقى نظره عليها فوجدها مستكينه
اقترب من سريرها : كانت ملامحها هادئه تلك الشعر الاشقر والرموش الكثيفه التى تغطى عينها ..وتلك الشفاه الورديه
كان وجهها شاحب بعض الشيء
جلب كرسى ومكث بجوارها
قال بهمس ونظرات حب (( انتى مييين .... انا مش عارف جتلك لييه بس من يوم ما شفتك وانا حاسس انى عايز افضل جمبك ... معقول يكون هو ده الحب ... ههه بس احنا منعرفش بعض .. يمكن ظروفنا شبه بعض عشان كده فهمنا بعض ... نفسى اخدك من هنا ونبعد عن الناس كلها .. انتى سمعانى ...))
كانت تبتسم وكانها تسمعه وتحرك اصبعها ولكنها لا تتحرك ولا تفتح اعينها قد تسمعه بقلبها
ظل صقر يحكى لها عن حياته وعن حبه لها وعن صداقته بعمار وعن معتز وكان سعيد للغايه
(( تعرفى اول مره اتكلم مع حد كده غير عمار يعنى بس بجد انا مبسوط وانا معاكى وهنا شعر باحد ما يدخل الغرفه فاختبىء خلف السرير
الدكتور والممرضه
الطبيب : هاا عرفتوا توصلوا لحد من اهلها
الممرضه : للاسف يادكتور وحتى اما فاقت مش فاكره حاجه
الطبيب : هى فاقت كام مره
الممرضه : مرتين بس والمرتين تقوم تصرخ وتقول قتلته وترجع تانى
الطبيب : اممم شكلها عامله نصيبه عموما لو بكره محدش سال عليها هنبلغ البوليس يتصرف
كل هذا كان تحت مسمع من صقر فشعر بغصه تجاه كلمه شرطه فققر ان يساعدها
&&&&&&&&&&&&
بعد أن اوصل عمار معتز لشقته
رن هاتفه
عمار : بتقول ايييه
المتصل : ........
عمار : امتى حصل الكلام ده
المتصل : .......
عمار : طيب انا جاى حالا
&&&&&&&&&
عمار واتصل بصقر
عمار : زى ما بقولك ياصقر
صقر : طيب والعمل
صقر : لازم نتقابل
صقر : انا هتكون عندك كمان خمس دقائق
حلقه السابعه والعشرون ..... مواجهه )))
عند جيرمين
اتصلت بوالدتها تخبرها ما سمعته حتى تنجدها
جيرمين : مامى الحقينى بابا عايز يجوزنى
امال ببرود : يجوزك اييه احنا فى اييه ولا اييه
جيرمين : مامى انا عايزه ارجع مصر انا مش هقعد هنا
فكرت امال قليلا ولكنها تعلم ان رجوع جيرمين يعنى انكشاف الحقيقه واعترافها فهى لن تستطع الاخفاء كما انها لم تعرف من الذى قتل صقر وهل مات ام لا
فقالت : لا لا تاجى اييه بس خليكى عندك اماان
جيرمين : يامامى بقولك بابا هيجوزنى لواحده اكبر منه
امال وكانها لا تسمعها : يووه يا جيرو اعملك اييه انا مش فيقالك كفايه شلت همك ٢٥ سنه لوحدى اووف
نظرت جيرمين للهاتف فوجدتها اغلقت الهاتف فى وجهها فبكت حالها
طرقت الباب على ابيها وكان يعد حقائبه
جيرمين : بابا حضرتك نازل مصر
كمال غير مبالى : اها
جيرمين برجاء : انا هنزل معاك صح
كمال : لا
جيرمين : لييه
كمال : عشان انتى لازم تفضلى هنا
جيرمين : يبقى اللى سمعته صح
وهنا نظر لها كمال : سمعتى اييه
جيرمين ببكاء : هتجوزنى للاسمه جورج ده صح
كمال : وماااله جورج هااا انتى عارفه ده معاه فلوس قد اييه
جيرمين : بس انا مش عايزه فلوس
كمال وهو يمسكها من ذراعيها : بس انا عااايز
جيرمين : بابا ده اكبر منك
كمال : ههه وايه يعنى وبعدين تطلعيلك بقرشين خليكى ناصحه احنا دلوقتي فى زمن كل واحد بيدور على مصلحته
جيرمين باستغراب من ابوه تلك الشخص المنعدم : بابا انا بنتك حرام عليك
كمال : بنتى اييه وبتاع اييه انتى اللى جبتيلى الكنز وخلااص الكنز بقى فى جيبه ورايحه اجيبه ههههههههه
جيرمين ببكاء مرير من تلك العائله التى لا يهمها سوى المال
&&&&&&&&&&&&&
اما عند حسام
صقر : يعنى كمال ورا عمتى مش كده
حسام : احنا كنا متأكدين من ده وانتوا بعد كلام خالد اكدتوا أن محمود وراه كمال
عمار : انا مش عارف اللى اسمعه محمود ده ازااى فى ناس كده
حسام : محمود ده بقى اساس كل البلاوى الورق اللى كان مع خالد قدرنا نوصله فى الوقت المناسب
فى اوراق وتوكيلات لناس كتير اغلب الناس دى ماتوا لاسباب مجهوله وآخرهم المليونير الشهير اللى لقوه ميت فى فيله وطبعا الحادثه اتقيدت على انها حادثه انتحار وبعدها الثروه بتروح لأشخاص معينه ومن الأشخاص دى بتتحول لحساب محمود فى سويسرا وده الحساب اللى محدش يعرف عنه حاجه
صقر : حسااب فى سويسرا
حسام : ايوه محمود بيستغل ضعف الموكلين بتوعه واغلبه القضايا بتكون زى جدك اداره الثروه كتابه وصيه يعنى شؤن قانويه وفى الحالات دى بيشتغل لحساب الطرفين زى ما عمل مع جدك وخالد ...بالنسبه القانون فكان بيستغل كل الثغرات عشان يطلع رجال الاعمال الكبار اللى ناهبين البلد وساعتها بيسفرهم خارج البلد مع شرط التنازل عن نص فلوسهم
عمار : يا ابن ال....... وكمال وامال ايه علاقتهم بيه وبده كله
حسام : كمال كان صبى لمحمود وزى ما سبق وقولتلك انه هو اللى كان بينفذله اغلب خططه عشان مايظهرش فى الصوره واخر عمليه هى جوازه من عمه صقر زى برضو سبق ما قولت
صقر : يعنى كده كمال استغل عمتى وعمتى استغلت جيرمين وبعدها محمود يستغلهم كلهم
حسام : لا احنا كنا فاكرين كده التحريات اثبتت أن كمال ومحمود اختلفوا ومحمود هو السبب فى منع كمال دخول مصر مش بسبب قضيه جدك بس وحكايه الاختلاس محمود ملفقله قضيه تخابر مع دول اجنبيه وعنده ادله تثبت ده
عمار : طيب ودلوقت هما بيعملوا ايه
حسام : امال رايحه النهارده شقتها عشان تعرف حقيقه موت صقر وطبعا ساعتها هتكون هناك وما اعتقدش انها هتقدر تخبى خصوصا انها متوتره وشهاده ادريس وعثمان على انها اخر شخص كان معاه
وكمان مكلماتها مع كمال
ثم اكمل ... صحيح كمال احتمال بكره او بعده يوصل مصر
صقر : انت مش لسه قايل انه ممنوع من دخول مصر
حسام وهو يمط شفتيه : مش عارف بس معتقدش انه هيغلب اكيد ضارب باسبور ولا حاجه
عمار : يبقى اكيد هتقبضوا عليه فى المطار وتواجهوا بامال ومحمود
حسام بضحكه خفيفه : هههه مش بالسهوله دى احنا هنسيب كمال لحد اما نشوف هو داخل مصر يعمل ايه وكمان عشان حق صقر ميضعش وممكن كمال يساعدنا فى القبض على محمود
صقر بخوف : ربنا يستر انا مش قادر اصدق الدوامه دى كلها عشان الفلوس
حسام : ههه قضيتك ياصقر مش قضيتك وحدك دى قضيه ناس كتيير زيك كل يوم بيتصلرعوا على الفلوس والجاه ....حكايه الاف زى محمود بيستغل القانون لصالحه ويتلاعب بموكليه .... قضيه صراع الاهل والتفكك .... قضيه الضعف والقهر والظلم اللى خلى كمال مجرم خطير زى كده ..... الطمع اللى ضيع خالد .... تفكك الاسره اللى ولد حد زى جيرمين سلبى فهمت
أومىء صقر راسه فى اسى
&&&&&&&&&&&&&&&&
اما عند معتز فكان يحاول التقرب من سيلا
ولكنها لاتهمتم وكل حديثها عن صقر وعن الشاطر حسن واحلامها
ولكن معتز لم يياس وظل يحاول معاها لعلها تتغير
&&&&&&&&&&
اما جيرمين فقررت العوده لأرض الوطن
وشعرت بالندم تجاه صقر وخالد وكل ما فعلته وقبل أن تذهب اخذت معاها ما يكفر ذنوبها
&&&&&&&&&&&
اما سميحه
بعد دفن خالد واقامه مراسم العزاء التى تكفل بها عمار كامله هو وصقر متخفيا
ما كان منها سوى المكوث فى غرفه ابنها والبكاااااء المتواصل عليه
سميحه وهى تنظر لصوره ابنها : قتلك يا ابنى ابوووك قتلت ااااه انا السبب انا السبب منك لله منك لله
&&&&&&&&&&
اما عند محمود
كان يشك فى حكايه موت صقر وكان فى انتظار كمال لمعرفه اخر مخططاته وكشفها ووخضوعه له كما كان فسيظل محمود الاستاذ وكمال التلميذ
&&&&&&&&&&&
فى المساء
ارتدت امال ثياب سوداء وقررت الذهاب لاستطلاع الامور كما اخبرها كمال
كمال : هاا انا مستنى ردك عليا عشان اجى بكره وانا مطمن
امال : انا رايحه دلوقت بس انا خايفه يطلع عايش
كمال ببرود : ههه حتى لو عايش احنا معانا اوراق مختومه منه يعنى عايش ميت مش هتفرق
امال بغضب : طول عمرك مبتبصش غير تحت رجليك
كمال : هههههه وابص بعيد ليه ياحياتى وانا بقى معايا كل البعيد
امال : ههه مستفز زى ما انت سلاام
ذهبت امال الشقه فى حذر وخوف وما أن فتحت الباب وجدت الشقه مطفاه الانوار فاخذت تمشى ببطىء
وفجاه ........
( الحلقه الثامنه والعشرون ..... نهايه الظلم )))
تفاجئت امال بصقر الماثل امامها بكامل هيئته وعينها متعلقه بها
تقدم صقر نحوها فى خطى ثابته
امال بخوف وهى تتراجع للخلف
صقر وهى يضىء المصباح : ولعى النور ياعمتى متخافيش
امال وهى تبتلع ريقها بصعوبه : انت انت ..
صقر بثبات وثقه : ايوووه انا عايش مموتش ياعمتى
امال برجفه : انا انا
صقر وهو ينظر لها باسى : انتى اييه ياعمتى ..انتى اييه بس
امال : انا انا هفهمك اصلى سميحه وخالد و ...و
صقر بحده : خاالد مااات ولا انتى نسيتى اها صح مهو انتى محضرتيش العزا اصلا ولا كانه ابن اخوكى زى ما انا كمان ابن خووكى
امال بخوف : مهو ...مهو ...مهو يستاهل ايووه يستاهل
صقر بصياح : يستااهل فعلا يستااهل هو حبسنى وعذنبى واستغل ضعفى وعجزى ونسى انى اخوه. .. هههن وحضرتك كملتى عليا وكنتى عايزه تقتلينى ليييييييييه ...كل ده ليييييه
اقولك انا لييه عشان الفلوووس الثرووووه
ههههه انا مستغربكم قوووى عمالين تقاتلوا فى بعض وتحاربوا وذلتونى معاك ودوستوا عليا وتاجرتوا بجرحى كل ده عشان الفلوس
ما انا كان معايا الفلوس
عمرك طلبتى حاجه انتى او بنتك ورفضتها مع أن جدى كان ديما بيرفض ويتخانق معايا ....عمرى ما اخرت عنك حاااجه
يبقى لييييه
امال وهى ترتجف : انا انا
وهنا دخل حسام وقال بضحكه : ههه انتى متهمه بجريمه شروع فى قتل يا امال هانم
وظهر عمار واكمل : مش بس كده ههههه لا ومتهمه بتزوير فى اوراق رسميه واستغلال ابن اخوكى وتمضيه فى غير وعيه يعنى عمليه نصب
امال وهى تنظر لهم باعين زاءغه وكان الارض تلف حولها فسقطت على الكرسى فى حسره
اكمل حسام : ومش بس كده فى كمااال جوزك
امال بدهشه : هاا كمال
عمار وهو يقترب منها : ايووه حضرت الظابط كان مسجلكم كل حاجه وكمان عارف أن كمال هو اللى قالك تعالى هنا
حسام : وكمال طبعا يعتبر هارب من مصر وعليه قواضى متقلش عن مؤبد هههه يعنى قضيه تستر على مجرم دولى ودى عقوبه زياده شويه
اقام عمار ولف حولها : انا بصفتى محامى اقولك أن مجمل الاحكام مش هيقل عن نقول 25 وما كانش اكتر هههههه يعنى اشطر محامى مش هيعرف يجبلك اقل من 15 سنه يعنى باقى عمرك فى السجن وانتى مش هتستحملى
وهنا صرخت امال : صقررر حوووشهم عنى انا معملتش حاااجه
صقر بالم : هههه احوشهم وانتى حوشتى ميين عنى فى عز احتياجى ليكى وضعفى
امال : انا انا اااااه
حسام بحده : احسنلك تعترفى بكل حاااجه وتقولى انك زورتى واخدتى ختم صقر غصب عنه
امال : بس انا مخدتش حاااجه كل حاجه مع كمال
عمار : ايوووه واحنا بقى عايزين كمال
امال فى بكاء : انا هقول كل حاجه
&&&&&&&&&&&&
بعد اعتراف امال بكل شىء
حسام : كده بقى معانا حق صقر وظهور اى ورق هيبقى باطل
صقر : الحمدلله وعمتى هتعملوا معاها اييه
حسام : لازم نتحفظ عليها فى سريه تامه عشان كمال ميجيش بحاجه وكده اول راس وقعت
عمار : عقبال الباقى
صقر فى شرود : حسام انا عايز منك طلب
حسام : اتفضل
صقر :........
&&&&&&&&&&&
اما عند سميحه
سميحه : ههههههه ولادى ماااتوا ماااتوا
مش هسيب اللى قتلهم هو السبب ايوووه هو السبب فى قتل ياسمينا وهو اللى قتل خااالد قتل ابنى
مش هسييييبك يامحمود مش هسيبك
&&&&&&&&
اما عند عمار
دخل عمار وبيده فتاه مربوطه الراس وتمشى بخوف
عمار بحنان : متخافيش تعالى
وما أن دخلت حتى وجدت صقر فابتسمت لا ارادى
صقر بحب : شمس حمدالله على سلامتك
شمس بتعب : الله يسلمك انت اللى. .
صقر : ايووه مكنش ينفع اسيبك
عمار : احم احم والله ووقعت يا ابو النسور
صقر : ههه عمار صاحبى الانتيم
شمس بابتسامه : ايوه هو اللى خرجنى من للمستشفى
عمار بابتسامه : نورتى يامرات اخويا
شمس باحراج من تسرعه 😮
كذلك صقر 😣
عمار : ههههه ايه ياجماعه مش انتوا معجبين ببعض وانتى مضحكوا عليكى وهو متنيل على عينه يعنى كلكم مطالبين فى العداله خلاص حطوه همك على بعض وانطلقوا بقى ههههههههه
صقر وشمس 😖
شمس بحزن : بس انا
دخل حسام بضحك : انت ايه ياشمس متخافيش مراد مماتش لسه عايش وتقريبا ضميره صحى واعترف انك مش مجنونه ودلوقتى مش فاضل غير ورق الوصايه اللى عند محمود وده امره ساهل لاننا قريب قووى هنقبض عليه
شمس ببلهاء : عشان خاطرى
حسام : ههههه عشان خاطرك وخاطر صقر وخاطر البلد محمود ده مصيبه متحركه
بينما هما يتحدثون ات اتصال لعمار
عمار بصوت عاالى : مييييين
المتصل ......
عمار : نور الدين ايييه وقمر الدين اييه وشركه اييه انا جاى حالا
صقر وحسام : فى اييه
عمار : واحد جاى وبيقولوا انه معاه تنازل من مرات صقر باملاك صقر هههه والله
شمس بدهشه : هو انت متجوز
عمار : تصدقى جوزه ورثوه وموتوه ايه العالم دى انا ماشى اشوف البلوه الجديده دى
حسام : ده احتمال يكون كمال
شمس : كمال ميين 😥
صقر : يااامسهل شكلنا قربنا نخلص
شمس براءه : تخلصوا من ميين
&&&&&&&&&&&&
اما عند محمود
المتصل ........
محمود بابتسامه : متاكد انه هو
المتصل ........
محمود : هههه عال هاتوه وتعاله على المكتب بسرعه
( الحلقه التاسعه والعشرون ..... تناازل )))
ظل محمود يتجول فى مكتبه يفكر فى كمال وفجاه دخلت عليه سميحه
سميحه بغضب : عايز اتكلم معاك فى موضوع مهم
محمود بملل : خييير انا مش كنت خلصت منك ومن ابنك
وهنا انفجرت سميحه : يعنى بتعترف انك السبب انت اللى قتلته انت اللى مووته
محمود يحاول الفلات منها : بقولك اييه ابعد عنى هو كل جريمه هتحصل هتلبسوهانى مره ابنك يقولى قتلت صقر وانتى دلوقت تقولى قتلت ابنك ههه
سميحه ببكاء : ايووه انت اللى قتلته زى ما قتلت ياسمينا
محمود ببرود : قولتلك انا مقتلتش حد واتفضلى بره
سميحه : انا مش خارجه من هنا غير اما اجيب حق ابنى اللى قتلته واخرجت سكين من شنطتها
محمود بحذر : انتى الظاهر عليكى اتجننتى ولازم تدخلى المصحه يا امن يا امن ارموا المجنونه دى بره
سميحه ببكاء : مش هسيبك يا محمود مش هسيب حق ابنى انت قتلته قتلته
بعد أن اخرجوها
عدل محمود من ملابسه وقال : اووف انا ناقصك دلوقتى انتى كمان ما صدقت ما خلصت من ابنك الغبى
&&&&&&
كان كمال فى شرك الصقر لاستيراد والتصدير
اخذ كمال يتجول بالشركه وكانها اصبحت ملكه : هههه والله وهتحلوا يا كمال ثم صمت لفتره ... هى امال متكلمتش لييه ....يلا مهى فقر من يومها انا احسن حاجه اخلص كل الاوراق واتكل بسرعه وهنا تحدث مع المحامى
المحامى : كله تمام وحضرتك تقدر تعرض الشركه على البيع وتمضيلنا شويه اوراق
كمال : يعنى انا همضيلك وانت بقى هتبيع وتبعت الفلوس صح
المحامى : طبعا مهو حضرتك هتعملى توكيل عاام
كمال : اهااا هههه هو صحيح انا مش بستريحلكم بس يلا الخير كتير وانت شكلك ابن حلال مش زى محمود
المحامى : محمود ميين
كمال : هههه متخدش ف بالك انا عندى مشوار مهم هروحه وارجعلك بسرعه
خرج كمال واستلقى السياره المخصصه
كمال : اطلع على مكتب المحامى محمود الأسيوطى
السائق : حااضر يا فندم
&&&&&&&
وصل صقر وعمار وحسام الى الشركه
عمار : مفيش حد هنا
صقر : معقول لحق يمشى
عمار : خليك انت هنا وانا هنزل اشوف تحت
عمار : يعنى ايه جه عاين ومشى
موظف : يا عمار بيه الشركه حالها واقف من ساعه اللى حصلت وكل العملاء سحبوه اسهمهم من عندنا واغلب الموظفين استقالوا والبنك بعت انظار بالديون
عمار : اووف انا سيبت الشركه واتلهيت فى حاجات تانى
الموظف : الموظفين مش عارفين مين هيمسك الشركه بعد وفاه الاستاذ صقر وخالد بيه الله يرحممهم
عمار وهو ينظر بتهكم ولا يجيب
وهنا رن هاتفه
عمار : ايوووه انا عمار اييه طيب اهدى انا جاى حالا
صعد لصقر وحسام
عمار بلهفه : جيرمين كلمتنى وبتقول. انها رجعت مصر ومعاها حاجات مهم لازم تؤديها القسم بس خايفه انها تتورط
حسام: حاجات اييه دى
صقر : ههه معقول ضميرها صحى فجاه
حسام : على فكره وجود جيرمين معانا كده احنا حلينا القضيه كلها لانها هتعترف باللى حصل وشهادتها مع شهاده امال قدام شهاده كمال
عمار : عموما انا هروح اشوف فى اييه
&&&&&&&&&&&
اما عند سيلا ومعتز
معتز بضيق واضح : سيلا ممكن أسألك سؤال وتجاوبى بصراحه
سيلا ببرود : اتفضل
معتز : احنا بقالنا اسبوعين مخطوبين واكتر صح
سيلا : ايووه
معتز : حاسه باى حاجه من ناحيتى
سيلا وهى تنظر له وتلوى شفتيها : ححس بايه يعنى
معتز بخيبه امل من ردها فبتسم بحزن وقال : فعلا هتحسى بايه وانتى طول الاسبوعين بتكلمينى عن صقر
هههه صقر يعرفك منين ... صقر يقربلك ولا لاء .... هو صقر هيرجع يلعب تانى .... هو انت لييه مش شبه صقر
ثم نظر لها وقال كانك مخطوبه لصقر مش ليا
شعرت سيلا بالذنب تجاه معتز ونظرت لاسفل
فاكمل معتز
هههه كنت فاكر مشكلتك الشاطر حسن اللى يسعدك ويفرحك
معرفش أن مشكلتلك الشاطر صقر ...ههه وانا للاسف مش صقر انا معتز
سيلا بحرج : معتز انا ...
قاطعها معتز : متبرريش حاجه حقك
نظرت له سيلا بدهشه : 😕
معتز : ايووه كل بنت بتحمل بالشاطر حسن .. وكل ولد بيحلم با سيندريلا
بس نسيوا أن سيندريلا والشاطر حسن قصص احنا اللى مخترعنها ... احنا اللى ممكن نعمل شاطر حسن ونعمل سيندريلا
كل واحد عايز الكمال
فى ناس فاكره السعاده والكمال فى المال
وناس فاكره السعاده فى الشهره
وناس فاكره السعاده فى الجمال
لو كل انسان بيختار ابوه وامه او حياته .... كنا كلنا اخترنا احسن حاجه
بس ربنا ايه حكمه فى انه بيختار لينا حاجات منها الأب والام والشكل
تعرفى انا كمان عايز سيندريلا ... ايووه عايزها جمييله قويه غنييه مثقفه كل حاجه كل حاجه
وهنا نظرت لها سيلا بفهم فهى ليست بجميله الجميلات وليس بالغنيه وليس بالمثقفه مثله
اكمل معتز : لكن انا عارف أن الكمال لله وحده وبقتنع باللى ربنا بيدهونى وبقول أن بايدى احلى الانسانه اللى هتشاركنى حياتى سيندريلا
لكن للاسف انتى مدتنيش اى فرصه ... لانك رافضه تبصى للواقع ورافضه تدى نفسك فرصه ... مسح تلك الدمعه التى سقطت من عينه واكمل ... انا اتعاهدت مع اخوكى انى اغيرك واخليكى تحبينى ووعدته انى اكونلك الشاطر حسن بس للاسف انا خسرت الرهان ده
نظرت له سيلا باسف فهى حقا لا تستحق شخصا مثلا من هى حتى تنتظر الشاطر حسن لم كانت تطلب تطلب وهى لاتعطى
تذكر كم كانت قاسيه مع اخوها وانانيه حرم نفسه من كل شىء وهى لم ترد له جزء ...... احبها معتز من صميم قلبه ولكنها لم تدرك قيمته ... سالت نفسها هى ماذا تريد
مال ... غنى ... جمال ... ام حياه هادئه
ومعتز يملك كل هذا .... اذا لماذا رفضته لماذا لم تعطيه فرصه
سيلا ببكاء : معتز انا اسفه بجد انا ...
قاطعها معتز وقام بخلع تلك الدبله وهو محمر العينين فطالما حلم بلبسها والان يخلعها بكل بساطه لانه لم يشعر بها يوما
معتز : كل اللى بينا انتهى ياسيلا ههه مع أن عمره مكان بينا حاجه غير حب من طرف واحد
تقدرى تستنى الشاطر حسن براحتك
سيلا بصدمه : لهذا الحد اوجعته ... لهذا الحد كانت قاسيه معه ... لهذا الحد كانت عميااء
سيلا : معتز
معتز بحده وهو يقود سيارته : لو سمحتى الكلام بينا انتهى انا هوصلك لاخوكى ومتخافيش مش ها اقوله حاجه هقوله انا اللى مسافر
صعقت سيلا : مساافر
معتز بجمود : ايوووه راجع دبى مكانى هناك مصر كانت وحشانى لكن مبقاش فيها حاجه افضل عشانها
سيلا : والجامعه
معتز : انا طلبت نقلى وتقريبا الطلب اتوافق عليه
سيلا وهى تنظر له : لقد كان مخطط لذلك
اوقف السياره امام بيتها وقال : اشوف وشك على خير سلميلى على عمر وقوليله انه هكلمه قبل ما اسافر
نزلت سيلا وقدامها لم تعد تتحمل ممسكه بدبلته فى يدها لاتعرف لم اعطاها اياها ولكنه احتفظت بها
رآها عمر شارد
عمر : سيلا مالك اتخانقتى انتى ومعتز
سيلا : ......
عمر :..... انطقى زعلتيه عملتى اييه
سيلا : ......
عمر بحده : فى ايييه
وهنا بكت سيلا ووضعت دبلته امام الطاوله فهم عمر الامر
ولكنه كان يعلم فلقد شكى له معتز مرات منها حده سيلا معه وانه سيفشل ولكنه لم يتوقع أن تجرحه اخته بهذا الحد ليستسلم بسهوله ...
عمر بغضب : ههه ضيعتيه من ايدك اتبسطى
انا مش عارف انتى طالعه كده ليه خليكى كده بس لعلمك انا طلبت ايد شهد والخميس الجاى هنعمل خطوبها وبعدها بشهرين الفرح انا مش هستنى اما تضيع من ايدى ولا هستنى سيندريلا لان شهد عندى بمليون سيندريلا
ههه اما انتى فحره فى حياتك اعتقد انك بقيت كبيره
تركها بعد أن عنفها هو الاخر ... الكل محق وهى فقط المخطاه فى حق الجميع وحق نفسها اولا
&&&&&&&&&
كانت تجلس فى تلك الصاله وهى ترتدى ثياب سوداء وتضع على شعرها طرحه سوداء ونظاره كبيره تخفى ملامحها تمام
تى عمار واخذ يبحث عنها لم يعرفها الا حينما نادت عليه
عمار : ايه اللى انتى عامله فى نفسك ده
جيرمين بخوف : انا هربت
عمار بدهشه : هربتى من ميين
جيرمين : بابا
عمار وهو يمط شفتيه : طيب اهدى بس
جيرمين : عمار انا عارفه انك مش بتحبنى وشايفنى خاينه بس والله ماما هى اللى خلتونى اعمل كده
عمار : ....
جيرمين : بس انا خلاص فقت وكلمتك عشان عارفه انت قد ايه بتحب صقر ومش هتسيب حقه صدقنى انا عمرى ما كرهت صقر الله يرحمه
عمار : صقر مامتش
جيرمين بدهشه : مامتش ازااى مامى ..
قاطعها عمار : امك مقتلتهوش بالعكس صقر بسبب امك رجع يشوف تاانى
جيرمين بفرحه : بجد طيب هو فيين
عمار : مش وقته فين الحاجات اللى بتقولى عليها وحاجات اييه
جيرمين وهى تخرج تلك الحقيبه السوداء وتضعها امام عمار
دى شنطه لقتها فى خزنه بابا وفتحتها لقيت فيها بلااوى كتيير قووى ثم قالت بخجل ... هى صحيح حاجات تدينه بس فى حاجات تثبت انه مكنش لوحده
عمار : ازاى
جيرمين : الاوراق دى فى شيكات كتيير مصروفه لبابا من حساب واحد اسمه البرت جايل الراجل ده اللى عرفه انه تبع انكل محمود المحامى اللى بيحوله فلوس على حسابه فسويسرا والراجل ده يهودى الجنسيه . ... ده غير بقى اللى اسمه جورج اللى بابا كان عايز يجوزهونى ده بقى طلعت اسم ميخائيل دنيال معرفش جنسيته اييه بس هو مزور كبييير قوى
هو اللى زور لبابا الباسبور اللى نزل بيه مصر وكمان
وهنا قاطعها عماار : بس بسسسس اييه ده انتى قريتى الورق ده كله
جيرمين : ايوووه واما عرفت المصائب اللى بابا عمالها واللى كان عايز يعمله معايا مقدرتش استحمل وخدت كل حاجه وخدت اول طياره وجيت على هنا
عمار : طيب وبابكى محتفظ بالحاجات دى لييه دى كلها مصائب
جيرمين : معرفش بس اكيد طالما بتدينه بتدين ناس تانيه معاه وهو مثلا مامن نفسه بيها
عمار بدهشه : هههه وانا اللى فاكر انها فلوس صقر بس طلعت فلوس البلد كلها ياولاد ال .......
جيرمين برجاء : عمار هو انا كده هتحبس برضو
عمار : لا انتى كده شاهد مالك متخافيش
جيرمين وهى تبتسم له وكانت هذا أول مره يرى فيها عمار جمال جيرمين الحقيقى وعينها وبشرتها وشعرها الطويل فابتسم وقال بغزل
تعرفى الاسود لائق قووى عليكى
جيرمين بحرج : ميرسى قووى
((( الحلقه الاخيره ....... نهايه الم وبدايه حياه ))))
عند محمود اخذ التجول حتى دخل عليه السكرتير واخبره بان هناك شخص بالخارج يود لقاءه
محمود بضيق : وده ميين ده
وهنا دخل كمال بذلك الجاكت الطويل الذى يرتديه وهو يضع يده فى جيبه واليد الاخرى ممسكه بسيجار فخم وتلك النظاره الشمسيه التى تخفى ملامح
كمال بثبات وثقه : انا يامحمود
انتبه له محمود لم يعرفه فى بادى الامر ولكنه عندما خلع النظاره ابتسم محمود بسخريه وقال : هههه هو انت
كمال : ايووه جيت اشوفك واسلم بقالى زمان مشفتكش
أشار محمود السكرتير بالانصراف
وعاد وجلس على مكتبه : اهلا كمال بيه ههههههه تصدق كنت لسه هبعتلك
كمال بكبرياء : وانا قولت اوفر عليك واجى بنفسى
محمود وقد علم بتغير كمال لم يصبح ذلك الصبى التافهه : والله واتغيرت. يا كماال
كمال وهو ينفخ سيجارته : وايه بيفضل على حاله يامحمود يا اخويا
وهنا غضب محمود من غروره هذا وقال بحده : انت نسيت نفسك ولا اييه ولا صدقت انك بقيت رااجل مهم ولاا عشان سرقتلك قرشين افتكرتك انك بقيت غنى فوووق وساختك كلها عندى
كمال ببرود : ههههههههه وساخه اييه انت بتتكلم عن اييه
محمود بغيظ : عن كل حاجه عن شغلك القديم ولا نسيت
كمال : تؤ انت اللى نسيت انك حرقت كل ده يوم اما لعبنا اخر لعبه ودخلتنى عيله الحناوى عشان انصب على بنته لكنه هههه الراجل طلع ناصح وحرمها من الميراث وخسرت
محمود : خسرت بسبب غباءك وطمعك اما اغتلست الفلوس اما لعبت بديلك من وريا
كمال : كنت بحاول ءامن نفسى يا متر
محمود باستهزاء : هههه وءامنتها
كمال : الحمدلله ثم انت مش خدت بطارك منى ولبستنى فى قواضى واتمنعت من دخول مصر خلاص بقى انسى
محمود بانتباه : صحيح انت دخلت مصر ازااى
كمال بثقه : هههه زى اى موطن عادى هو انت فاكر أن انت بس اللى بتعرف تخطط
محمود بغضب :اهااا فعلا بس متنساش انا اللى عملتك وثروه الحناوى ليا انا فاااهمه
كمال وهو يلف حوالين المكتب : ههه وليك بصفه اييه على حد علمى أن سميحه وخالد بقوا كارت محروق ههههه والورقه الرابحه معايا جيرمين اللى. عملتلى تنازل عن كل حاجه
محمود بثقه : ههههه وانت ناسى انك مش هتقدر تاخد مليم عشان الاحكام اللى عليك
كمال : ومين قالك انى انا اللى هاخد
محمود بانتباه من ذلك الشيطان : قصدك اييه
كمال بنبره خبث : قصدى انى هعمل زيك بالظبط ههههههههه اممم زى ما بتعمل تحول فلوسك لحساب واحد مجهول ملهوش اساسا و من الحساب ده لحسابك الشخصي عشان متطلعش فى الصوره استاااذ برااافو
محمود بغضب : هه تبقى بتحلم ياكماال قولتلك انى ورقى عمره ما بيخلص انا بتليفون صغير ومخلكش تطلع بره المكتب ده
كمال : تفتكر وهتقولهم اييه
محمود : هقولهم على نصبك واحتيالك
كمال : متقدرش لان بساطه لو بلغت عنى هتكون محصلنى فى اللومان هههه
جحظت عين محمود : انت بتقول ايييه
كمال بحده : زى ما سمعت كل الاوراق والشيكات وعمليات زمان معايا نسخه منها شايلها فى خزنتى فى فرنسا
ثم اكمل بسخريه : ههه صحيح مستر البرت بيسلم عليك
صدم محمود لهذه الدرجة اصبح كمال يعرف كل شىء عنه لهذه الدرجه اصبح اقوى .... لكن لاا ساظل انا الاستاذ
تلك الكلمه نطق بها محمود وهو يخرج سلاحه امام محمود
محمود : ههههه انا لو قتلتك دلوقت مش هاخد فيك يوم واحده نصاب محتال هارب من احكام دخل عليا مكتبى وبيهددنى انى اترافع عنه بالغصب وامغ اتشارك معاه فى جرائمه... وانا بصفتى محامى احافظ على مهنتى واعرف بالشرف والنزاهه رفضت ...فحاول الاعتداء عليا لم يكن بامكانى سوى الدفاع عن نفسى ... ههههههههه ايه رأيك
كان كمال ينظر له بخوف وحذر فمحمود ليس بالشخص السهل فقال بنبرات متحشرجه : اعقل يامحمود
اخرج محمود ورقه وقلم واخبره : امضى هنا
كمال بذهول : امضى على اييه
محمود : ههههه انت نسيت الورقه اللى كنت بتمضى عليها اى ضحيه قبل ما نقتلها
تذكر كمال أن محمود كان قبل ارتكاب اى جريمه يمضى المجنى عليه على تنازل بكل املاكه لحساب اما الجمعيات الخيرية اما لأشخاص مجهولين وورقه اخره تؤكد بانه انتحر حتى تقفل. المحاضر وتحفظ على انها جرائم انتحار .. وبدأ دور محمود المحامى بمحاول استرداد الثروه وانه مع اهل المجنى عليه فى حالته انه هو نفسه الجانى
محمود : بس انا مش عايز الورقه التانيه كفايه الاول
كمال وهو يرتعش امام السلاح المرفوع فى وجهه فمسك القلم بايدى مرتعشه واعين زائغه بين الورق وبين محمود والسلاح
وهنا انفتح الباب
حسام ورجال الشرطه الذى فى اقل من الثانيه كان يحاوطون كمال ومحمود
حسام وهو مشهر سلاحه امامهم : هههه اخيرا وقعت يامحمود ولا نقول مستر البرت بقى ياراااجل يهووودى ومسمى نفسك محمود ههههه طيب كنت خليتها تااامر
عمار وهو يقترب ويمسك الورقه : ايييه انت كنت هتتنازله يا كمال وقال فى سخريه وهو يمزق الورقه : هههه يانهار تنازل ياجدعانا انا مش فاهم تركه اييه دى اللى عمالين توزعوها على بعض كانها مال ابوكوا هههه
وهنا دخل صقر الذى تفاجىء محمود وكمال بوجوده : وبيوزعوا فى فلوسى ازااااى وانا لسه عاايش
محمود بغضب : انا مش هسكت انا محامى محترم وهرفع عليكم قضيه انت ازااى تدخل مكتبى بالشكل ده
حسام : هههه مكتب اييه بقى يا ابو مكتب
عمار وهو يجلس على الطاوله ويضع رجله على الكرسى ويتاكىء عليها ليكون مقابل لمحمود وجها لوجه : الا قولى ياحوده هو انتوا عندكم كليه حقوق فى اسرائيل زينا هههه وياترى بقى بتدرسوا فيها ايييه القتل والنهب والسرقه
ههههههههه وانا اقول عمرى ما شفتك فى محكمه تعرف قلبى كان حاسس بس قولت تلاقيه معاه اعداديه ومخبى ولا حاجه
محمود بحنق : اخررررس
عمار وهو يمسكه من قميصه : لااا انت اللى هتخرس وخااالص انتوا ايييه عاملين زى التعابين بتلعبوا على كل حبل ولون وقرصتكم والقبر انا مش فاهم عمى ازاى جابك وعملك محامى للعيلته اييه
وهنا تدخل صقر : تعرف انا بجد مش عارف اقولك اييه لكن هقولك حاجه انتوا فاكرين نفسكم الاقوى ديما صحيح يمكنوا تكونوا اذكى .... وبتستغلوا عمانا احيانا وتفتكروا اننا ضعاف وممكن تسيطرون علينا لكن ديما بتنسوا اننا ممهما كنا معمين عن الحقيقه بنفضل صقور قويه.. ما بالك بقى لو الصقور دى فتحت .... ههه انا كنت فاكر أن المشكله فى الفلوس لكن اكتشفت أن المشكله كانت فى فرقتنا عن بعض واتحدنا قدامك .... بس صدقنى هنفضل اقوى
محمود وقد ظهرت شخصيته الحقيقيه : هههه هو ده بس اللى شاطرين فييه فلسفه وإشعارات وكلام انتوا مش عندكم حاجه غير كلام انا بسهوله جيت هنا وبسرعه بقيت محامى مشهور ونظر لكمال واكمل .... ههه وبسهوله لاقيت الللى يساعدين ومستعد يبيع اى شىء مقابل فلوس ... انتوا خاينين وبتخونوا بعض انت نفسك بسهوله اهلك خانوك واخوك باعك ههه بسهوله سيطرت عليه وعلى امه وهمتها الحب
صقر : احنا عمرنا ما خونا بعض احنا بس مش بنحب نشوف الحقيقه وبنصدق بسرعه
وهنا تدخل حسام : هاتوهم على البوكس
كمال : الله يخربيتك ودتنى فى داهيه
محمود : انت اللى غبى وفاشل وهتفضل فااشل
بعد القاء القبض
حسام : مبروك ياصقر كده كل حاجه رجعتلك
عمار : ههه الحق رجع لاصحابه يا ابو الصقور
صقر : الحمدلله بس هى جيرمين كده هتتحبس
حسام : والله معرفش بس اعتقد جيرمين معلهاش اى تهم يعنى ممكن تكون شاهد مش اكتر وبالكتير تهمه الاشتراك فى جريمه ودى بمحامى شاطر هتطلع براءه ... بالنسبه لامال فاعتقد انها هتدخل السجن هتدخلوه لانها اكتر من جريمه وبعدين ده شروع فى قتل
صقر : طيب ودول
حسام : هههه لا دول اعتبرهم مش هيشفوا الدنيا تانى وحتى الكلب ده مفيش اى دوله هترض تعرض نفسها لمشاكل عشانوا حتى لو كانوا بعتينه بمجرد وقوعه بيتخلوا عنه ويقولوا متعرفهوش احنا دوله سلام
عمار : ههه سلام بالنووى والكيماوى الله يحرقهم بجاز
صقر : المهم عندى دلوقت جيرمين وامال
عمار : الحمدلله على كل شىء ومتخافش انا هتابع مع جيرمين وامال
&&&&&&&&&&&&&&
بعد مرور شهر
مر على التحقيقات فى القضيه وفتح جميع القضايا السابقه التى اعترف بها كمال جميعا بالرغم من إنكار محمود ومحاكمه امال واعترافها
حكم على امال بمده 15 عام
ومحمود الاشغال الشاقه المؤبده
كمال : الاشعال الشاقه المؤبده
اما جيرمين التى لم يفارقها عمار لحظه حكمه عليها بثلاث شهور مع ايقاف التنفيذ
عند صقر
وقد خطب شمس التى افاق ضمير عمها وابنها وبعد الحصول على الاوراق التى تكشف عن الحقيقه وانها عاقله اعيدت لها كل حقوقها واملاكها وبعدها بعده ايام تم عقد القران فى حفل كبيير حضرها ارقى رجال الاعمال واكبرهم
وبالنسبه لعمار
طلب يد جيرمين من صقر
بعد أن علم انها اعترفت بجميع اخطاءها وانها كانت ضحيه لتفكك الاسرى وكما اكتشف كم هى جميله من الداخل مثل الخارج غير انها باتت تعشقه وتزوجها بعد فتره قليله من زواج صديقه او توام روحه صقر
بالنسبه لعمر
خطب شهد وتم قرانها بعد عام وكانت شهد فى اشد فرحها وطلب صقر من عمر العمل معه وان يصبح مدير عام للشركه بعد أن علم بمدى كفاءته وأصبح مستواه المادى معقول وانتقلوا لشقه اكثر رقيا غير التى يشط فيها لتكون شقه عرسه هو واميرته شهد
اما معتز
فقد سافر لدبى وعاد يشتغل بالجامعه برغم محاوله اقناع صقر وعمار له بالبقاء لكنه رفض واكتفى بالاطمئنان عليهم من فتره لاخرى وأصبح كل اهتمامه التدريس بالجامعه كما انه اشترك فى نادى رياضى وأصبح اكثر لياقه وعضلات زادته وسامه
اما سيلا
فتحولت من فتاه كان المرح والامل كل حياته لفتاه دائما شارده وحزينه حاولت كثيرا الوصول لمعتز لكن كل محاولاتها باتت بالفشل علمت انها اضاعت كنزا سمين من حياتها ولكنها قررت أن تشغل حياتها فقررت العمل باحدى الشركات عرض عليها عمر العمل معه وان صقر لن يمانع ولكنها رفضته وفضله العمل بعيدا خاصه انها علمت بان صقر ليس بالفتى الذى كانت تحلم به وعلمت بعشقه الشديد لشمس
بالنسبه لسميحه :
حولت لامراض النفسيه وما كان منها الا أن تصرخ قتل اولادى لانعلم ماذا تقصد ربما محمود والد خالد وربما لا فهى لم تعد فى وعيها واختفت معها الحقيقه
&&&&&&&&&&&
بعد مرور عام
فى قاعه كبييير يملاءها الزينه والانوار
صقر : مبرووووك ياعريس
عمر : الله يبارك فيك ياصقر
عمار وهو ممسك بيد جيرمين التى كان بطنها منتفخ امامها وتمشى ببطىء : مبرووك ياعريس
عمر : الله يبارك فيك يا عمور عقال عيالك
عمار وهو يلوى شفتيه : مش اما يجيواا ثم انا مش هسمحلهم يرتكبوا الجريمه اللى أنا عملتها 😔
وهنا لكزته جيرمين فى ذراعه : متقولش كده يا عيالى 😌
عمار : ااااه عياال يمرارك ياعمار وهنا نظر لطفلته الصغير التى ورثت منه عيناه الزرقوتان وشعر امها الاشقر فوجد طفل يقبلها فى خدها فجرى تجاهها
امسك عمار الطفل من قفاه : بتعمل ايييه ياااض
الطفل ذات الشعر البنى والعيون العسليه والبشره البيضاء : ببوث ختبتى (( ببوس خطيبتى ))
عمار وهو يشهق : هاااا 😳 خطيبتى ميين ياااض انت بتخطب بنتى من وراياا
وهنا اتى طفل يشبه تماما واخذ يشد عمار من رجل البنطلون
الطفل : سيب اخوويا
عمار وهو ينزل لمستواه : نعم انت كمان عايز اييه هتعملوا عليا عصابه
الطفل الثانى : ههه لا احنا هناثبك ( احنا هناسبك ))
عمار :😟 تناسبونى يانهار عيااال طيب اخوك وهياخد بنتى وانت هتاخد مراتى 😧
الطفل هو يشير على بطن جيرمين : لا انا هاخد دى 😌
عمار وهو يمسك الطفلان من قفاه ويجرهم حيث والدهم 😥
خد عيالك ياخينا انت وابعدهم عن بناتى انا بقولك اهووو 😕
صقر بضحك : ههههه وانت تطول انت عيالى يتجوز بناتك
عمار : بلا اطول بلا اقصر انا بناتى اشرف من الشرف 😌
صقر وهو يمزح : طيب هدى نفسك يا اشرف بس 😌
عمار :😯 انا قولت نهايتى على ايدك انت وعيالك وهنا صرخت جيرمين : اااااه
الطفل بفرحه : هييييييييييييي عروستى جاات
عمار وصقر لايستطيعون كتم ضحكاتهم 😂😂😂
نعم
انجب صقر توائم : خالد وعمار
وانجب عمار : ملك ومريم
&&&&&&&&&&&&&
فى السجن
كان محمود وكمال يجلسان سويا
محمود بقرف وهو مرتدى تلك البدله الزرقاء : كله بسبب غباءك
كمال وهو يلعب باحد القش : ههه وانا مااالى
محمود : انا لازم اخرج من هنا
كمال بدهشه : ها تخرج انت محكوم عليك بمؤبد
محمود وهو ينظر له بسخريه : ههه وانت فاكرنى غبيب زيك هقضى حياتى هنا انا لازم اكمل مشوارى ههه وابتسام بشيطانيه
#############
ومازااال الصراااع مستمر
صراع الخير والشر ..... صراع النفوس .... صراع الحروب ... صراع الاعداء ... صراع الارض .......صراع الماال
ولكن حتما ستكون النهايه لصالح الحق
ربما يفتح الصقر عيناه يوما ويرى الحقيقه ..... ربما يعرف من المغتصب الحقيقى له ....
##########
طبعا كالعاده فى الاخر لازم افسر اسم القصه ... انا مكنتش احب اقلب القصه سياسه فى الاخر لكن هو ده المضمون
صقر : هم العرب الذى تاهوا وتفرقوا وضاع مالهم وقوتهم ولكنهم سيظلوا ينجبون ولن ينتهوا بسهوله
اما محمود : فهو المغتصب الحقيقى لنا والذى يستغل اضعفنا ليتوصل الينا وكان طريق الوصول لصقر خالد وسميحه واستغلالهم ضعفهم وساذاجتهم
وفى النهايه حتى وان كان الصقر اعمى لكنه سيظل صقرا محلق فى السماء 👌
تمت بحمد الله
وأيضا زرونا على صفحة الفيس بوك
وايضا زورو صفحتنا سما للروايات
من هنا علي التلجرام لتشارك معنا لك
كل جديد من لينك التلجرام الظاهر امامك