رواية عصيان انثي
الفصل السابع عشر 17
بقلم حنان ماهر
( ضى وياسين )
ضى صحيت من النوم لقت ياسين حضنها صوتت .
اععععععععععععععععععع وزقته وقع على الأرض
ياسين بغضب اتفاجئ برد فعل ضى وبيقرب منها . يابنت المجنونه ايه اللى عملتيه ده
ضى بخوف . أهدى ياوحش انت بتتحول ولا ايه انا والله ماقصد
ياسين طلع على السرير وكان بيقرب منها وهى بترجع لورى .
وهب ضى وقعت على الأرض
ضى . مسكت ضهرها اه اه اه اه
ياسين شفها وقعه مقدرش يمسك نفسه وقاعد يضحك عليها
🤣🤣🤣🤣
ضى بغيظ مكتوم . بارد
ياسين . بتبرتمى بتقولى إيه
ضى بغضب . هو إيه اللى نيمك جمبى ممكن افهم
ياسين بغرور . انا انام فى المكان اللى يعجبنى
ضى ربعت اديها على صدرها. . شكلك نسيت كلامك
انك متجوزنى على شان خاطر تكسرنى وانك ياحرام بتحب
مراتك و
ياسين قاطعها وقال وهو بيقرب منها . طب انتي ناسيه اني جوزك وان احنا لسه معملناش دخلتنا وكده العيله هتشك ولا ايه
ضي اتوترت جامد من قربه . ااااقصدك اييه مش فاهمه يعني هو
قاطعها وهو بيهمس عند ودنها. قصدي اللي فهمتيه يا قطه وبعد وهو بيبتسم وغمزلها ومشي
ضي مصدومه من اللي عمله وعينها مفتوحين علي آخرهم وبصه علي باب مكان ما خرج فضلت شويه علي الحالة دى لحد ما استوعبت وقالت. هو قصده ايه ده مش فاهمه ليكون عايز يتم جوازنا لا لا مش معقول ده شكله شارب حاجه ايه اللي بيقوله ده مش معقول و بعدين دخلت اخدت شور تريح أعصابها
وعند ياسين دخل عند سيلا لقها نايمه علي السرير راح عندها وفوقها
ياسين بابتسامة. صباح الخير يا عمري
سيلا بابتسامة تعب . صباح النور يا حبيبي
ياسين باستغراب وقلق . مالك يا حبيبي شكلك تعبانه في ايه ايه اللي حصل اجيب الدكتور
سيلا بتسرع. لا يا حبيبي انا بس شكلي اخدت دور برد بس مفيش حاجه هشرب حاجه سخنه ومسكن وخلاص
ياسين بقلق. متأكده يا حبيبي انا حاسس ان شكلك تعبان
سيلا وهي بتحضنه. متقلقش يا عمري انا كويسه لو تعبانه هقول يا قلبي
ياسين وهو بيبصلها . ماشي يا قلبي انا هدخل اخد شور ونقول للخدامه نفطر انا وانتي هنا ماشي
ودخل ياسين علشان ياخد شور
أما عند ضي خرجت من الحمام ونزلت علشان الفطار لقت الخدامه طلعه ومعاها صنيه الاكل وقفتها ضي باستغراب . ايه ده لمين ده
الخدامه. ده ل ياسين بيه وسيلا هانم اصل سيلا هانم تعبانه ومش هتقدر تنزل ف ياسين بيه قال نطلع الاكل لفوق
ضي بقلق. طب هاتي أنا هطلع الاكل
الخدامه اديتها الاكل وضي طلعت علي فوق خبطت الباب وياسين فتح لقها استغرب
ضي شافته مستغرب قالت. الخدامه قالت إن سيلا تعابنه جيت علشان اطمن عليها
ياسين استغرب ليه ضي تخاف عليها المفروض تكون بتكرها
ضي زقت الباب ودخلت حطت الصينيه علي الطربازه وراحت قاعده جنبها على السرير
ضي. سمعت انك تعبانه مالك حاسه ب ايه
سيلا بابتسامة. مفيش يا حبيبتي شويه برد مش اكتر
ضي بقلق لانها عارفه وضع سيلا بس مش هينفع تتكلم قدام ياسين ف قالت . طب نطلب الدكتور
ياسين قرب منهم . قولتلها قالت لا شويه برد مش مستهله
دكتور
ضي بصتله بعدين بصتلها وقالت. طب خلاص هسيبكم انتوا علشان تفطروا
جت تقوم سيلا مسكت اديها . لا خليكي افطري معانا عايزاكي معايا
ضي بصتلها وبعدين بصت ياسين . لا مينفعش أنا همشي شدت اديها وجت تمشي ياسين مسكها من اديها وقال. خليكي افطري معانا
ضي بصتله وهو بص في عيونها اتوترت وبعدت عيونها وقالت. طب تمام ماشي مفيش مشكله
وقعدوا كلهم يفطروا وسط استغراب ياسين لقرب سيلا ل ضي
بعد شويه كانت سيلا وضي قاعدين مع بعض بعد ما سابهم ياسين
سيلا . عملتي ايه في موضوع الهكر ده يا ضي
ضي . هروح له النهاردة
سيلا وهي بتقوم من علي السرير. طب يلا مستنيه ايه خلينا نروح
ضي باستغراب. انتي هتروحي بحالتك دي
سيلا. امال عايزاني اعمل ايه
ضي. عايزكي تفضلي هنا وانا هروح اديني رقمه وانا هخليه يشوف طريقه يمسح بيها الصور
سيلا. لا يا ضي مش هينفع اخليكي تروحي لوحدك هاجي معاكي
ضي بابتسامة. لا يا حبيبتي متقلقيش أنا هروح وما ينفعش اصلا نروح احنا الاتنين هنقول ايه لياسين أنا هروح وهقوله اني هزور عيلتي ويا ستي بالمره اشوف ماما أصلها وحشتني
سيلا بامتنان . انا مش عارفه اشكرك ازاي يا ضي
ضي بابتسامة. مفيش داعي للشكر يا حبيبتي احنا بقانا صحاب ولا ايه
سيلا ضحكت. ولا اه
عند ياسين كان في المكتب ودخل عليه كريم
كريم وهو بيقفل الباب اوي ورايح نحيه ياسين . ياسو حبيبي عامل ايه تعرف انك وحشني اوي
ياسين بغيظ. مش في باب المفروض تخبط عليه
كريم وهو بيقعد . سيبك من الباب دلوقتي بقولك ايه انا هخش دنيا
ياسين باستغراب. نعم يا اخويه عايز تدخل ايه
كريم . عايز ادخل دنيا يا ياسين ايه اللي مش مفهوم ف ده
ياسين. امال انت عايش فين يا حبيبي في الجنه
كريم بضحك. هههههههه دمك عسل يا ياسو والله يبني عايز ادخل دنيا يعني اتجوز فهمت بقه
ياسين. اه فهمت طب وعايزني اعمل ايه يعني اقلبلك
عروسه
كريم بغيظ. ممكن بلاش خفت دمك دي ومتتعبش نفسك وتقلب عروسه أنا لقيت عروستى ريم صحبت ضي وعايزك تيجي معايا علشان نطلبها
ياسين وهو بيبص علي الملفات اللي في أيده . طب ما أنا عارف من يوم ما انت شوفتها وانت مش علي بعضك اصلا
كريم بحماس . طب ايه قولت ايه هتيجي ولا هتسيب اخوك
لوحده
ياسين بصله بابتسامة. اكيد هاجى انت اهبل يلا انت اخويا ولو موقفتش معاك في يوم زي ده هقف معاك فين
كريم بضحك. علي الارض يا اخويا امال هتقف علي الهوا
ياسين بغيظ . تصدق انك بارد طب أنا مش جي شوف مين هيبقى جمبك
كريم بضحك . لا خلاص يا ياسو ونبي ما تقلب هسكت وحياتك
وقعدوا يكملوا شغل وبعد ما خلصوا شغل راحوا علي فيلا السيوفى علشان يكلموا فايز علشان يطلب ريم
فتحت الخدامه
دخل ياسين وراه كريم بابا ماما فين اطلعي ناديهم بلغيهم ان انا تحت انا وكريم بيها
الخدامه حاضر ياسين بيه
طلعت الخدامه وشويه فايز وناديه نزلوا
ناديه . ايه النور ده لا اكيد الزياره دي وراها حاجه
كريم . هو لازم يعني عشان يجي لك يا خالتو يبقى ورانا حاجه
فايز . ما هو يا كريم يا ابني انتوا الاتنين تجتمعوا مع بعض يبقى وراكم حاجه
ياسين . الصراحه بقى يا بابا انتم حافظنا كويس قوي فعلا هو في حاجه كده كريم عايز يقول لكم عليها
ناديه . بصيت له قوي خير يا ابن اختي ايه حكايتك
انا قلت برده مدام داخل بياسين يبقى بتختطو لحاجه ايه
هى بقى
كريم اتكلم باندفاع وبسرعه . عايز اتجوز وعايز عمى فايز
وحضرتك تروحو معايا نطلب ادها
ناديه وفايز بصه لبعض
وعند ضى أتصلت بريم . الو فينك يا بنتى تمام أنا قربت
اوصل عندك سلام
وصلت ضى عند ريم رنت الجرس فتحت ليها نبيله
نبيله . ضى حبيبتي ازيك يابنتى كده الجواز خدك مننا
ضى سلمت عليها وخدتها بالحضن . ابدأ ياخالتى أنا أقدر
استغنى عنكم امال فين ريم
ريم خرجت من الاوضه أنا اهو ياختى وسلمت عليها
وخدتها بالحضن ومسكت ايد ضى . احنا فى الاوضه ياماما
ضى . يابت اصبرى اتنى بتجرى جاموسه أنا جيه اخدك
أصلا على شان تيجى معايا عند الواد اسلام هاكر
ريم باستغراب . وانت عايزه اسلام ليه وحتط اديها على
صدرها يخربيتك يابت ياضى عايزه ترقبى تليفون جوزك
ضى بغيظ . انت هبله يابت أراقب مين هو ولا يهمنى اصلا
ريم بضحك وبتزغزغها فى جنبها . يادود يعنى مافيش حاجه
اتحركت كده ولا كده
ضى وبتحاول تتهرب . ولا كده ولا كده ياختى خلينا فى المهم
ريم . ايوه اللى هو ايه المهم
ضى وبدأت تحكى كل حاجه عند سيلا ومرضها وعن الشخص اللى بيهديدها وانها طلبت منها المساعده وهى
وافقت
ريم . عارفه رغم كل اللى حكيتيه ده والمفروض ان انا اتعاطف معاها بس انا حاسه ان هي خبيثه ومش مستريحه لها
ضى . حرام عليكى يابنتى أنا ماشفتش منها حاجه وحشه
انا كنت متوقعه منها ان هي هتعاملني وحش عشان انا اتجوزت جوزها وابقى ضريتها بس هي الصراحه ما عملتش معايا حاجه
ريم . انا بقولك احساس من ناحيتها المهم انا جالى عريس
ضى وقفت وتنططت وبتسقف باديها وبصريخ . ها ها ها ها
بجد اخيرا حط لي بالابيض ومين ابن المحظوظه ده
بدات ريم تحكي لها كل حاجه وعن حسين وطلبوا ان هو عايز يقابلها والخناقه اللي حصلت بينه وبين مؤمن وانها
استنجدت بكريم وبعدها طلب ايديها
ضى بضيق . هو حسين اتجنن ولا ايه هو احنا مش خلصنا من الموضوع ده وقفلنه جاي عايز ايه ثاني
ريم . مش عارفه والله ياضى هو كان مصمم جدا وقال ان هو محتاج يكلمك في موضوع ضروري
ضى . لا طبعا مستحيل ان انا اقابله هو ما فيش علاقه بيني وبينه فجاه تليفونها بيرن برقم سيلا ......