الفصل الثاني 2
بقلم حنين هاني
عدت الايام بسرعه وجيه معاد سافرها
بيلا: يلا ياماما اشوفك علي خير لما اوصل هرن عليكي علي طول
هاجر: طيب وانتي عارفه هتنزلي فين
بيلا: اه ياحبيبتي متقلقيش انا مجهزه كل حاجه وحاجزه في فندق لغايت ماشتري شقه
هاجر: ماشي ياحبيبتي خدي بالك من نفسك اوي يابيلا هتوحشيني اوي ياحبيبتي
بيلا: وانتي كمان ياحبيبتي يلا مع السلامه
في الكليه
مريم: مراد عاوزه اتكلم معاك لوحدنا شويه
مراد: خير يامريم عاوزه اي انا مش فايقلك
مريم: تعالى بس
مراد: اتفضلي هو في سرو يارب بقا تبعد عني علشان اتخنقتت ده بت لزقه صح
مريم: وبعدين يامراد
مراد: وبعدين في اي يامريم انجزي عشان مش فايق
مريم: يامراد انا بحبك انتا ليه مش حاسس بيا ده من ساعت ماشوفتك اول يوم كليه مابفكرش غير فيك ده وصل الامر بيا اني بسقط عشانك وعشان اكون معاك انتا ليه مش حاسس بيا
مراد: بصي يامريم اول حاجه انا مطلبتش منك انك تسقطي نفسك عشاني وانا لو بسقط بسقط عشان مابحبش المجال ده وانا قولتلك انتي صديقه ليا وزي اختي وبس عمري ماحسستك غير بكده لا لعبت بمشاعرك واستغليتك ولا اي حاجه من ساعه ماعرفتك وانا بعملك بحترام وحاطط حدود انتي الي دايما لازقه جمبي
مريم: طيب ماشي مش انا صديقتك وزي اختك ليه مش معرفني حاجه عنك خالص بقالي 8سنين عرفاك ومعرفش غير اسمك ليه طيب مش عاوز تعرفني عنك حاجه
مراد: عشان انا مبحبش اعرف حياتي الشخصيه لحد حته لو كان مين وعن اذنك بقا عشان انتي قفلتي اليوم من اولو وسعي بقا عشان همشي وسابها ومشي فونو رن
عبدالله: انتا فينك يازفت
مراد: انا لسه ماشي من الجامعه في ايه ياحاج بس
عبدالله: تجيلي دلوقتي ياسيف عشان انا هطين عيشتك
مراد: في اي بس يابابا عصبح
عبدالله: هو مش انا سالتك امبارح خلصت الملفين وقولت اه خلصو يابابا وانهارده هيتسلمو
مراد: حصل يابابا بس قصدي بليل ياحاج خلي بالك طويل معايا انا خصلت ناقص بس حبت تظبيط وخلاص انتا بس اسمع مني وهتشوف شغل عالي
عبدالله: ماشي ياﺣيوان اما تجي
مراد: ماشي تسلم ياحبيبي انا جاي اهو وقفل اهم حاجه حب اهلك ليك ده لوحدو دعم
بعد ساعات سفر وصلت القاهره
بيلا: يارب تكون بدايه خير عن كل وجع وتكون حياه جديده بدون مشاكل اما اكلم ماما اطمنها
هاجر: اي ياحبيبتي طمنيني عليكي وصلتي
بيلا: اه ياحبيبتي لسه واصله القاهره اهو ورايحه علي الفندق
هاجر: حمدالله على سلامتك ياحبيبتي خلي بالك من نفسك كويس يابيلا
بيلا: حاضر ياماما متقلقيش عليا
هاجر: ماشي ياحبيبتي يلا مع السلامه
*في الفندق*
بيلا: مساء الخير لو سمحت كان في حجز باسم بيلا محمد
الموظف: اه حضرتك اتفضلي امضي هنا وممكن اعرف اقامه لحد امتا
بيلا: بصراحه لسه مش عارفه
الموظف: تمام يافندم اتفضلي امضي هنا
بيلا: تمام ممكن بس اسال حضرتك علي مكتب عقاري هنا
الموظف: اه طبعا في مكتب قريب من هنا بشويه ممكن ابعت لحضرتك اللوكيشن واتساب
بيلا: تمام شكرا جدا
كده يبقا ارتاح انهارده وبكره انزل اشوف المكتب ده واشتري شقه واظبط الدنيا في الكام يوم دول عشان ابدا دراسه يوم الحد وكده كل حاجه هتكون تمام
*في المكتب*
مراد: ياحاجوج انا خلصت الشغل اهو وسلمتو وكل حاجه تمام وكل الي عندي اتسلم وهبدا بكره اخد شغل جديد
عبدالله: ايوه كده ياسيف ياحبيبي انتا كده تعجبني روح بقا لو عايز تروح انا لسه قدامي شويه
مراد: لا انا هروح عند ريان اتغدا عندو عشان اشوف حبيبت قلب عمو
عبدالله: ماشي ياحبيبي يلا روح انتا
مراد: ماشي يلا السلام عليكم
*صباح يوم جديد ملئ بالاحداث*
بيلا: اه مش قادره اناكان مالي ومال حياة الكبار يعني حبكت اعمل فيها بت جامده اهو اديني اتكسحت من اولها بس لا لا تراجع لا استسلام انا هقوم وافوق كده وهكون زي الفل عشان انهارده يوم طويل اوي يلا يابيلا انتي قدها انتي بنت قويه
*عند مراد في البيت*
فريده: يلا يامارو اصحا عشان تفطر
مراد: انا صاحي ياقلب مارو
فريده: ده بجد انتا صاحي ولوحدك وكمان بدري مالك ياقلب امك انتا كويس
مراد بضحك: اه كويس بس نمت كويس وصحيت من شويه
فريده: يارب دايما تصحا بدري عشان انتا تعبتني يلا بقا قوم افطر عشان تروح كليتك عشان تعدي السنه دي بقا كفايه عليك كده
مراد: يعني انتي عاوزني اذاكر ده عيب في وشي حته يافوفا بصي انا ماشي بمبدا ذاكر انجح غش تجيب مجموع وانا الحمدلله يافوفا ولا دي شغاله معايا ولا دي شغاله فاكلو علي البركه بقا
فريده: احيه يعني ساقط السنه دي كمان
مراد: والله علي حسب بقا بس عارفه انا حاسس ان السنه دي هتعدي عشان حاسس انهم تعبو مني وعاوزين ينجحوني وخلاص
فريده: ياريت والله لحسن انا تعبت منك يافاشل
مراد: انا فاشل بردو مش هنجح ولا هذاكر هما عايزين ينجحوني اهلا وسهلا مش عاوزين عادي انا فاضي بقا
فريده: لا انا كده ممكن يجرالي حاجه انا طالعه
مراد: اطلعي اطلعي دايما كده تنكدي عليا عصبح
*نرجع عند بيلا*
بيلا: لو سمحت فين مكتب العقاري الي هنا
الشاب: الشارع ده اخرو علي ايدك اليمين
بيلا: تمام شكرا وصلت المكتب
السلام عليكم لو سمحت كنت عاوزه اشتري شقه
مدير المكتب: تمام اتفضلي تحبي مناطق معينه او حاجه
بيلا: لا اي مكان عادي وعاوزه شقه تكون كبيره
مدير المكتب: تمام ماشي اتفضلي معايا هوريكي الشقق المتاحه
بيلا: تمام يلا وبعد لف كتير دام لاكتر من تلت ساعات مرتحتش لغير شقه علي النيل بس بدون توضيب
بيلا: انا عجبتني الشقه دي بس المشكله في التوضيب
مدير المكتب: لا متقلقيش في مكتب هندسه كويس جدا اعرفو وبيخلصو الشغل بسرعه كده وشغلهم هايل وعن تجربه
بيلا: اوكيه طيب كويس ممكن رقم او لوكشين
مدير المكتب: اه اتفضلي ده العنوان
بيلا: تمام شكرا
مدير المكتب: العفو مبروك عليكي تتهني بيها ان شاءلله واتمنا ميكونش اخر تعامل
بيلا: شكرا لذوقك عن اذنك
طيب دلوقتي نكمل المرمطه ولا اكمل بكره بس بكره الجمعه وانا معرفش هيكونو فاتحين ولا لا يلا بقا اروح بسرعه وخلاص وبعد وقت وصلت المكتب
بيلا: مساء الخير لو سمحت عندي شقه محتاجه توضيب وحد رشحلي المكان هنا
عبدالله: تحت امرك ياانسه بصي هتطلعي المكتب الي فوق للمهندس سيف وهو هينفذ ليكي الي عاوزه
بيلا: تمام شكرا لحضرتك وطلعت
بتخبط علي الباب
مراد: اتفضل