الفصل الثاني عشر 12 والثالث عشر 13
بقلم اميره محمد
_ جميله وقفت تفت علي وشه بإستحقار : انا فعلا رخيصه عشان ضعفت قدام واحد زيك اطلع برااا بيتي يلاااااا
_ مهاب بصلها بقرف ولبس قميصه ومشي ، جميله قعدت علي الارض تعيط :
_ انا لي عملت كدا معقول ضعفت بالشكل ده قدامه ، كان المفروض اتعلم من اللي حصل ل غصون بس...بس انا حبيته والله حبيته
_ صرخت : ينعل ابو الحب اللي يذل بالطريقه دي
_ خدت دش وللبست اسدال وصلت ركعتين ، وقعدت تدعي : يارب سامحني انا غلطي كبير اوي اغفرلي ذنبي ، وراحمني برحمتك ، يارب انت عالم بحالي
_عيطت كتير اوي مكنتش عارفه تعمل ايه بعد م شرفها ضاع وكل حاجه ضاعت ، هربت من تفكيرها بالنوم
_ مهاب ماشيى ف الشارع بعربيته مخنوق من نفسه ومن الطريقه اللي كلم بيها جميله
_ فضل يلف اكتر من ساعه لحد م روح البيت قابل امه
_ مالك يبني مش علي بعضك كدا ليه
_ راح حط راسه علي رجلها ونام : تعبان ي امي تعبان
_ تعبان من اي ي قلب امك
_ حاسس اني ظلمت اكتر بنت حبتني ، انا خزلتها ي امي
_ ليه كده يبني ، حرام تكسر قلبها
_ انتي مش كنتي عايزاني اتجوز
_ بلهفه : دا يوم المني ي حبيبي
_ انا قررت خلاص
_ قام دخل اوضته واترمي علي السرير وغمض عنيه وافتكر لما كان ف حضن جميله ، ولما كان بيبوسها ، كان حاسس بحبها ليه
_ فتح عينيه فجأة بس تجاهل مشاعره وقرر انو يتجوزها عشان ينقذها من المجتمع المريض
بقلمي اميرة محمد محمود
______________________
غصون ضاغته نفسها ف شغلها طول يوم بس دخلت مكتبها تاخد ريست ، هناء اول م شافتها اتسحبت ودخلت وراها
_ عايزة اي ي هناء ؟
_ بخبث : نرجع صحاب زي الاول !!
_ ضحكتيني والله انتي بتطلبيي المستحيل ، عايزاني ارجع للي طعنت ف شرفي بعد م اعتبرتها اختي
_ هناء قعدت واتمسكنت : صدقيني غصب عني انا جاتلي مسدچ علي تليفوني مكتوب فيها انك عملتي كده بإرداتك
_ بسخريه : تقومي رايحه قايله كده للمستشفي كلها صح ، هناء انتي اتخليتي عني ف اكتر وقت كنت محتجاكي فيه
روحتي ل بابا وحكتيلو كلام مش كويس عني ، انتي لا يمكن تكوني صاحبه انتي شيطانه روحي يلا مش عايزين نفتح ف القديم.
_ هناء لقت نفسها مش عارفه تسيطر علي الوضع ف عيطت بدموع التماسيح بتاعتها
_ كلو بيغلط ليه مش عايزة تسامحيني بعد م عرفت غلطي ؟
_ عشان مش عايزة اكدب عليكي واقولك سامحتك وانا قلبي بيحسبن عليكي ليوم الدين
_ غصون خدت نفسها وقالتلها : اطلعي برااا ...براااا
_ هناء طلعت وهيه متضايقه ومتعصبه ، غصون المرادي معيطتش خدت نفس براحه ، ولمت شنطتها وراحت تعدي علي جميله بقلمي اميرة محمد محمود
___________
خديجه حضرت الاكل وحطته علي السفرة وراحت خبطت علي جلال
_ يلا عمي عشان نتغدا مع بعض
_ اتغدوا انتوا انا مليش نفس
_ ارجوك ي عمي يلا مش هينفع ناكل من غيرك
_ احم .....مصطفي فين ؟
_ جميلة فرحت اوي : ف اوضته
_ طب يلا
_ جلال خرج مع خديجه ، هيه دخلت المطبخ وهوة راح لمصطفي وخبطت علي باب اوضته ودخل
_ مصطفي كان قاعد علي الابتوب ومرفعش وشه : بتخبطي ليه اول مرة تعمليها
_ احم .....يلا عشان نتغدا
_ مصطفي قام وقف بسرعه : بابا ؟؟؟؟
_ طول النهار شغل شغل فضي نفسك شوي لمراتك وبنتك اللي جاية ف السكه دي
يلا احنا مستنينك برا
_ مصطفي لسه واقف مكانه بيستوعب ان باباه دخل عليه الاوضه ، دي اول مرة يعملها
ولسه عقله بيترجم الكلام اللي قاله ، من غير تفكير غير طلع قعد جمب جلال علي السفرة
_ خديجه حطت الاكل وقعدوا ياكلوا
_ بتردد : هتسموا بنتكم اي ؟
_ خديجه اتكلمت بسرعه : غ......!!!
_ مصطفي قاطعها : لسه يبابا مخترناش ليها اسم ، حضرتك اللي هتسميها
_ خديجه ابتسمت بمجامله بس من جواها زعلت
_ امها هيه اللي هتسميها دا حقها
_ خديجه فرحت : وحضرتك جدها وليك كمان الحق ف كدا بقلمي اميرة محمد محمود
_ جلال ابتسملها وقام غسل ايده ودخل اوضته بعد شوي خديجه دخلتله بالقهوه وطلعت للبست وراحت هيه ومصطفي عشان تطمن علي البيبي
_ جلال استناهم لما مشيو وراح دخل اوضة غصون
_______________
_ مالك ي جميله وشك شاحب كدا ليه ؟
_ جميلة ارتبكت وبصت ف كل ناحية معادا عنيها : م ...مفيش حاجة
_ بإصرار : لا فيه ي جميلة يلا احكي
_ جميلة انفجرت ف العياط وغصون حضنتها : طيب اهدي وخدي نفسك
_ جميله بدات تهدا وحكت ل غصون كل حاجه
_ غصون اتعصبت واتضايقت وضربتها بالقلم : ليييييه عملتي كده لييبيه ، غلطتي غلطتي بس الفرق انك كنتي واعيه ، محدش هيسيبك ف حالك ، انتي عارفه انتي عملتي ايه
_ عيطت : غصب عني والله ضعفت ومقدرتش اتحكم ف مشاعري
_ عشان انتي جبانه ومعندكيش كرامه واحده غيرك كانت افتكرت اهانتوا ليها
_ خبطت ايديها ف الحيطه : دا رفض حبك اكتر من مرة وكل مرة يجرح مشاعرك ، اي كل ده م افتكرتهوش ؟
_ جميله صرخت بعياط : كفاية ي غصون كفاية ارجوكي ، انا قلبي واجعني لوحده ، وضميري هيقتلني
_ غصون راحت حضنتها وعيطت معاها : انا اسفه بس مكنتش اتمني ف يوم انك تمري باللي انا مريت بيه ، انا شوفت اللي محدش شافه
_ انا خايفه ي غصون خايفه اوي ، اعمل ايه ، انا ضعت ضعت كل حاجه ضاعت اااااااااه
_ فضلت تضرب علي وشها بالاقلام غصون وقفتها بصعوبه ودخلتها غيرت هدومها وخدتها معاها البيت بقلمي اميرة محمد محمود
_______________________________
يوسف رجع من الشغل ملاقاش غصون دخل غير للبسه وراح المطبخ يعمل اكل بعد شوية سمع صوت المفاتيح ، عرف انها غصون
_ غصون كانت جايبه معاها جميلها دخلتها اوضتها ونميتها علي السرير وغطتها وطلعت
_ دخلت المطبخ لقت يوسف بيعمل اكل ومبهدل نفسه ضحكت عليه غصب عنها
_ يوسف اتبسط انها ضحكت بس محبش يمنع ضحكتها : بتضحكي علي اي هانم عاجبك منظري ده
_ ضحكت : صراحه اه
_ تعالي اعمليلي حاجه اكلها الهي تنستري
_ ضحكت : حاضر
_ ابتسملها : شكرا
_ يوسف ممكن اقولك علي علي حاجه
_ بهيام : اسمي احلو كدا ليه
_ بطل محن واسمعني
_ اتفضلي ي شبح
_ جميله حالتها مش كويسه خالص ف جبتها معايا ترتاح شويه هيه حاليا نايمه ف اوضتك
_ يوسف فرح جدا وقاالها : اوضتنا مش اوضتي
_ غصون اتحرجت ف قال : يستي دا كمان بيتك اعملي اللي يعجبك فيه وان شاء الله جميله هتكون بخير
_ ابتسمت : شكرا
اوعي بقي كده عشان انا كمان جعانه
_ يوسف ضحك وخرج براا المطبخ ، غصون عملت الاكل ودخلت منه ل جميله خلتها تاكل غصب وخرجت ليوسف
بقلمي اميرة محمد.محمود
_ كلو وخلصو وغصون اتكلمت بمرح : انت هتنام هنا ف الصالون علي فكرة
_ نعم ؟؟؟؟؟؟
_ ايوة زي م سمعت كدا
_ هنام ف اوضة الاطفال
_ لا انا اللي هنام فيها
_ انتي بتقولي اي ؟؟
_ يلا تصبح علي خير
_ قبل م غصون تدخل الاوضه يوسف سبقها واترمي من علي السرير وغمز : هنام سوا
_ غصون بإحراج : دا بعينك
_ طلعت برااا فرشت ف الصالون ونامت ويوسف طلع نام جمبها ابتسمتله وغمضت عنيها ، هوة كمان قعد يدقق ف ملامحها لحد م نام
________
خديجه ومصطفي رجعوا وملقوش جلال ف البيت خديجه دخلت اوضة غصون وقع نظرها عليه وهوو مرمي علي الارض
_ عميييييي ......!!
يتبع
13
خديجه ومصطفي رجعوا وملقوش جلال ف البيت خديجه دخلت اوضة غصون وقع نظرها عليه وهوو مرمي علي الارض
_ عميييييي ......!!
_ مصطفي جه جري عليها ووقف للحظه مش قادر يستوعب اللي شايفه
_ بسرعه ي مصطفي اطلب الاسعاف
_ ح..حاضر
_ اتصل بالاسعاف وجت خدته علي المستشفي
_ مصطفى حاضن خديجه اللي بتعيط وهوة دموعه نزلت غصب عنه
_ بعد شوية طلع الدكتور
_ مصطفي بلهفه : طمني ي دكتور بابا عامل اي ؟
_ الضغط وطي والسكر ارتفع نتيجه صدمه وضغوطات ياريت تبعدوه عن اي توتر
_ الدكتور مشي وهما دخلوا يطمنوا عليه
_ جلال نايم علي السرير فاتح عينيه وبيبص للاشيء
_ حمدالله علي سلامتك ي عمي
_ كده ي بابا تخوفنا عليك
_ مردش عليهم وافتكر لما دخل اوضة غصون
" فلااااااش " بقلمي اميرة محمد محمود
جلال دخل اوضة غصون وقفل الباب ، قعد علي سريرها ، فتح دولابها وملس ب ايديه علي هدومها ، ومسك شهادتها بتاع التخرج ودمعه نزلت من عينه غصب عنه ، مسحها واتصنع الجمود ، كان هيخرج بس لفت نظرة كرتونه تحت السرير وكان فيها
_ رسومات غصون رسمتها وهيه صغيرة اول رسمه كان فيها مامتها وابوها ومصطفي جمب وهيه واقفه بعيد لوحدها
_ باقي الرسومات كانت اغلبها ل ابوها وامها
_ لقي مذكرتها فتحها وبدء يقرء
_ انا بحب بابا اوي حتي لو هوة مش بيحبني ، بحسه مصدر امان ليا ، بحب حركة ايديه لما يكون متوتر ، نظرات عيونه اللي بتلمع لما بيتكلم مع حد بيحبه ، نفسي اقوله انت ليه مش بتحبني ، ليه مش بيعتبرني بنته .
_ بابا كان نفسه مصطفي يدخل طب بس مصطفي مجابش مجموع ف قررت اني اجتهد عشان احققله حلمه ، بس مكنش مبسوط لما دخلت الكليه ، حتي محضرش حفلة تخرجي ، كنت زي اليتيمه وسط صحابي ، كلهم كانو معاهم اهلهم بيسقفولهم وفرحنين ليهم وهما بيستلموا الشهاده ، إلا انا كنت لوحدي ، بس انا بحبك ي بابا مهما تعمل .
_ بقيت الدكتورة غصون الهلالي ، من اشطر الدكاترة ف مصر وعلي المستوي الخارجي ، فاكرة مرة روحت لبابا وقولتله ي بابا انا اتعينت ف مستشفي مهمه اوي ، وقتها كسر بخاطري ، وقالي ميهمنيش حتي لو بقيتي وزيرة ، معقول فعلا مكونش بنته ، انا تعبت اوي .
_ حصلت حاجه خلت بابا يتخلي عني ويكرهني اكتر من الاول ، بس ...بس انا مليش ذنب ، صحيت لقيت نفسي ف اوضه غريبه ودم عزريتي حوليا ، فقدت شرفي كبنت ، كان عندي امل ان بابا يقف جمبي ويمسك ايدي ويحميني من كلام الناس ويقولهم بنتي معملتش حاجه ، بس للمرة الاف اتخزل منه ، ضربني وقتها كتير اوي ، انا محستش ب حاجه قد م حسيت بكسرة قلبي ، هييجي يوم ي بابا وتعرف اني مظلومه .
_ النهارده اتقدملي يوسف اخو خديجه ، منكرش انو شخص لطيف ، انا كنت هوافق عليه عشان اريحهم مني ف البيت ، عشان بابا ياخد راحته وميضايقش كل م يشوفني مع اني مش بطلع من اوضتي ، هه اليوم ده بابا دخل اوضتي وقالي احمدي ربنا ان حد اتقدملك ، وكمان قالي اني مش حلوة وسمرا ، وان مفيش ولا عريس اتقدملي حتي قبل م يحصل اللي حصلي واللي بيتقدموا بيكون بس عشان مستوايا الاجتماعي .
_ خلاص مش باقي غير ساعات قليله واسيب البيت ، نفسي بابا يحضني ، انا مكسورة اوي عشان هيتكتب كتابي بالشكل ده ، عمري م اتحبيت الكل بيخوني ويتخلي عني حتي اقرب الناس ليا
_ كل ده رسايل كانت كتبها غصون في مذكرتها واخري رساله كانت مكتوبه هيه ؟
_ " انا بحبك اوي ي بابا متسبنيش ارجوك خليك جمبي "
" بااااااك "
_ جلال عيط زي الطفل الصغير بصوت مسموع
_ مصطفي وخديجه مصدومين دي اول مرة يشوفوة بالحاله دي وبالشكل ده
_ قعدوا يهدوا فيه وخديجه تعيط لاكن كآنه بيطلع اللي جواه ، فضل علي الحال ده لحد م نام
بقلمي اميرة محمد محمود
____________________________
_ يوسف فتح عينيه ، وبص علي ايد غصون اللي كانت حطاها علي قلبها ، شال طرحتها اللي علي راسها شعرها اتفرد علي عينيها ووقع علي المخده جمبها
_ مد ايده ولمس خدها الناعم ، وحط ايده التانيه تحت شعرها وباسها من غير م تحس ، اول م حس انها هتفوق ، غمض عنيه .
_ قامت فرقت ف عنيها وبصتله وابتسمت ، قامت دخلت الحمام خدت دش ، وراحت تجهز الفطار
_ يوسف قام من مكانه وراح المطبخ
_ بتعملي ايه ؟؟
_ فطااار ، يلا اغسل وشك وغير هدومك عقبال م اصحي جميله ونفطر مع بعض
_ ماشي
_ غصون خلصت فطار وراحت تصحي جميله لقتها صاحيه
_ بما انك صحيتي يلا بقي عشان تفطري معانا
_ لا مش جعانه انا لازم امشيى
_ تمشي تروحي فين ي جميله
_ جميله عيونها دمعت بس قامت وقفت واتكلمت بقوة : هروح شغلي وهمارس حياتي بشكل طبيعي ، مش لازم اخلي اللي حصل يأثر علي عليا واخسر مهنتي بعد م تعبت سنين عشان اوصلها
_ غصون قربت منها وحطت ايديها علي كتفها : كلنا بنغلط ، محدش معصوم من الخطأ ، انا مبسوطه منك اوي ي جميله عشان ثقتك ف نفسك ، كنت اتمني اكون زيك شجاعه واقدر اوجهه مشكلتي مش اهرب منها
_ جميله حضنتها : انا بحبك اوي ي غصون ، عمري م هنسي وقفتك جمبي ، انتي متعرفيش خوفك عليا وحضنك ده بالنسبالي اي ، انا بشكرك من كل قلبي ، انتي اكتر صاحبه وفيه ، بوجودك جمبي هتخطي كل صعب .
_ غصون طلعتها من حضنها ومسحتلها دموعها : بس هبل بتشكريني علي ايه ، انا بحسك صحبتي وملجأي الوحيد ي جميله لما الكل بيتخلي عني ، انا زعلانه علي كل وقت ضاع مع صاحبه متستاهلش زي هناء ياريتني قابلتك من زمان !!!!
_ حضنوا بعض تاني وجميله فطرت معاهم ومشيت ، غصون دخلت تلبس عشان تروح شغلها ويوسف دخل وراها بقلمي اميرة محمد محمود
_ محتاج حاجه ؟
_ لا بس ....!!
_ سكت واتوتر
_ بس اي ي يوسف ؟؟
_ ممكن نخرج مع بعض
_ غصون اتفأجات ومعرفتش ترد تقول اي ؟؟
_ هااا قولتي اي ؟
_ هغير للبسي وطالعه
_ يوسف فرح جدا وراح يلبس هوة كمان
_ غصون للبست فستان احمر علي طرحه بيضا ، وكانت متردده تحط ميكب ولا لا بس افتكرت انها لازم تطلع حلوة علي الاقل وهيه معاه
_ خرجت من الاوضه يوسف اول م شافها قلبو دق
_ غصون اتحرجت من نظراته : احم ....نمشي ؟
_ هنمشي بس ناقص حاجه واحده
_ دخل جاب منديل مبلل ومسحلها الميكب وقالها : كدا احلي !!!
_ بسخريه : هتخرج معايا كدا انت شايفني طيب ، السمراء اللي اتجوزتها اجباري ، مش هتتكسف تقعد معاها ف مكان عام
_ كان لسه هيرد عليها بس تليفونها رن وردت عليه كانت خديجه دموعها نزلت والتليفون وقع منها
_ يوسف اتلهف عليها : مالك في اي مين اللي كان بيتصل ؟
_ بصدمه ؛ ب...بابااا
_ خدها ونزل ركبوا العربيه وطلعوا علي مستشفي ******اللي خديجه قااتلها عليها بقلمي اميرة محمد محمود
__________________________
_ انا مليش فيه كل اللي بتقوليه دا حجج فارغه
_ حاولت معاها كتير عايزني اعمل ايه تاني ؟
_ بقولك اي ي حلوة انتي مخدتيش مني نص المبلغ عشان تقولي الكلمتين دول انا عايز غصون تكون عندي ف ظرف يومين وبإرادتها كمان
_ بزعيق : ولما انت عامل فيها راجل كده م تجيبها انت
_ انا راجل غصب عنك يبنت ال .....
_ اياك تغلط فيا تاني ي حيوان
_ انا هعرفك الحيوان ده هيعمل فيكي اي ؟ بس استني عليا لما يخلص اتفاقنا
_ وانا مش هكمل ف الاتفاق ده
_ امممم حلو واي كمان ؟
_ انا ...انا
_ انتي هتكملي الاتفاق وهتعملي اللي بقولك عليه
_ بخوف : اي الخطه ؟
_ شاطرة كدا بقي احبك الخطه هيه *"*"***"""
بقلمي اميرة محمد محمود
_______________________
جميله دخلت المستشفي ، والكل استغرب شكلها ، مكنتش كدا ، كانت تقول صباح الخير بإبتسامه واسعه ، وتضحك مع طاقم الممرضين كلهم ، وتهزر مع عمو عبدو العامل المستشفي
_ لاكن المرادي عنيها كلها حزنه وتحت عينيها اسود ، ابتسامتها اختفت ، بقت منطفيه ، دخلت مكتبها الاول وطلبت قهوة بعد شويه مهاب دخل وراها وقفل الباب
_ جميله قامت وقفت وصرخت فيه : انت ازاي تدخل مكتبي من غير م تخبط ، اخرج برااا مش عايزة اشوف وشك
_ ممكن تهدي وتسمعيني ي جميله انا حابب اصلح غلطتي ونتجوز
_ ضحكت بسخرية : تصلح غلطتك ههه كتر خيرك والله بس انا مش عايزة اتجوز واحد زيك
_ انتي مجنونه بقولك عايز اتجوزك وانتي ترفضي دا ازاي ده
_ كفايه بقي ي اخي كفاااايه سيبني الم اللي باقي من كرامتي ، انا بقرف منك كل م افتكر ضعفي معاك ، غور مش عايزه اعرف تاني
_ مهاب بصلها بشفقه وخرج من غير ولا كلمه وهيه قعدت علي مكتبها تعيط
بقلمي اميرة محمد محمود
_____________________
غصون نزلت بسرعه من العربيه وجريت علي اوضة ابوها بعد م عرفت رقمها ، ووقف فجاة وخافت تدخل بس يوسف مسك ايديها ودخلو و انصدموا بيلي شافوه.....