الفصل الثاني والعشرون 22 ج1 ج 2والاخير
بقلم دانة الحمادى
الحلقه الاخيره الجزء الاول
سماع صوت جرس المنزل يدق زاد توترها لانها تعلم من بالباب ،،امسكت كتاب لتقرء فيه لتفرغ فيه توترها وقلقها وبعد مرور بعض الوقت لم تكن قادره حتي ان تنظر الي الساعه ام كم مر من الوقت عليها سمعت طرقات علي باب غرفتها حاولت ان تبدو انها منسجمه مع كتابها وقالت بصوت مرتفع ادخل ثم نظرت الي الكتاب سريعا
دخل اليها شريف وجلس بجانبها وهو ينظر اليهابطرف عين وقال اسيييييل عامله ايه ياحببتي
اسيل بتوتر:الحمد لله كويسه ياشريف
نظر اليها وهو يقول :في عريس بره جاي يتقدم لك
ازداد توترها وتسارعت دقات قلبها :هااه عريس والله مين ده
نظر اليها بخبث :يعني انت مش عرفه هو مين ؟؟
اسيل بارتباك :هااه وانا هعرفه ازاي يعني
شريف بخبث :اه صح هتعرفي ازاي!! طب فاكره كده من فتره اما جلنا واحد اسمه الدكتور امجد وانتي قولتيلي ده بس يشوفني سبت الشغل ليه فكرراه ولاااااا
اسيل بصوت خافت :اه فكراه
فنظر اليها بمكر :عليه انا الكلام ده برده يااسو ثم غمز بعينه قال كان جي يطمن قال ،،
، شعرت اسيل بالاحراج الشديد ولم تسطع ان ترد عليه ،، وقف شريف ونظر اليها مطولا وقال وهويتصنع الحزن ايه ياحبيبتي سكتي ليه امممم شكلك كده مش قبلاه خالص انا هروح اقوله بقي معلش كله قسمه ونصيب
وهنا قفزت اسيل من مكانها بحركه لا اراديه وقالت :لالالأ استني
وقف وهو ينظر اليها :هااااه في ايه
اسيل بتوتر بالغ وارتباك :ااا ، طب ، اصله ، يعني ممكن يكون حد كويس ليه نرفضه
وهنا انفجر شريف بالضحكه التي كان يكتمها لفتره :هههههههه والله العظيم انتي سكر ثم غمز لها بجد والله ممكن يكون كويس هاااه
فتح لها زراعيه بحب كبير بعد ان رأي لؤلؤات من الدموع تجمعت في عينيها فكانت دموع مختلطه بين الخجل والفرحه والتوتر والسعاده ،، استقرت في حضنه فقبل رأسها
وقال:ايوه كده قولي انك متعلقه بيه وعايزاه
امسكت اسيل في قميص اخيها بخجل وهزت رأسها بالاجابه في صمت
نظر اليها شريف بحب :يااااه والله كبرتي يااسيل ياحبيبتي وبقي يجيلك عرسان، خلاص ياقطه ممكن تتجوزي!!! يااااه الايام بتعدي بسرعه
ارتسمت ابتسامه جميله علي شفاهها وهي تنظر لأخيها
فنظر لها وقال :انت فكراني مكنتش عارف انه كان جاي هنا قبل كده عشان بيحبك ، علي فكره كان باين عليه جدا ابقي قوليلي يخبي مشاعره شويه ، ثم عقد حاجبيه وهو يقول بذات بقي قداامي لحسن انا بغييييير
وهنا ضحك الاثنين سويا ،، ياله بقي ظبطي نفسك كده وتعالي ورايا علطول ،، حاااضر
وبعد دقاق دخلت اسيل وما ان رأها امجد حتي وقف من مكان جلوسه سريعا بتوتر وفرحه ،، فنظرت له اسيل فجلس سريعا
جلسوا سويا وكان امجد يتفق مع شريف علي الزواج ،، فأخبره اخيها ان يتم عمل خطوبه اولا
فنظر امجد بحب شديد الا اسيل وهو يقول :لاكتب كتاب علطول خطوبه متنفعش
تفاجأت اسيل من كلمته فهي تخيلت انه سيخطببها فقط ،، فتبسم امجد ثم نظر لأخيهاوقال انا جاهز وعندي الشقه وكل حاجه عايز يبقي كتب كتاب عشان نعرف تعامل مع بعض براحتنا اكتر واحنا بنجيب العفش وكده وبعدين الصراحه انا مستعجل اوووي
شعرت اسيل بخجل لكلاماته ونظر اليها شريف هاااه ايه رئيك انتي ياحبيبتي
نظرت الي الارض سريعا بخجل وقالت :اللي تشوفه انت ياشريف
ابتسم شريف وقال :خلاص ياامجد انا موافق ،، عشان انا برده كنت فموقفك ده قبل كده واهل مراتي وافقوا بالعافيه ،، بس انا مش هعمل معاك كده ،،ارتسمت علي شفاه امجد ابتسامه كبيييره مع فرحه تملأ وجهه وقال:وده عشمي فيك ربنا يكرمك يابشموهندس شريف
شريف استنكار :ايه بشموهندس ديه احنا مفيش بينا ألقاب خلاص وله المفروض انا كمان اكون بقولك يادكتر امجد
امجد :لالا ابدا والله دكتر امجد ايه بس ،،خلاص ياشريف كده كويس
شريف :ههههههه ماشي ياسيدي وبالمناسبه الحلوه ديه لازم بقي تيجي تحضر فرحي بكره وله ايه؟؟
امجد بفرح:اه طبعا طبعا اجي الف الف مبروك مع انها جت متأخر معلش
شريف :ولا معلش وله حاجه بس احنا بردوا عايوين نتعرف علي الوالد والوالده
امجد :اه طبعا والله لو كان ينفع يجوا النهارده بس انا عارف انكم مشغولين عشان الفرح وكده يعني ،، فاقرب وقت اول ماالموضوع يتم علي خير هيجوا علي طول
شريف :تمام ان شاء الله
امجد :طب مش هنتفق بقي علي معياد كتب الكتاب وله ايه ؟؟
شريف:ههههههه ايه انت مستعجل اوي كده ليه لا الاتفاق يبقي فوجود الوالد بقي وانا كمان اكون استشرت والدتي وله ايه؟
امجد بأحراج:اه تمام اللي تشوفه بس متاخرنيش بقي تقولي اما اخلص شهر العسل ،، مين عارف يمكن نقضي شهر العسل معاكوا بالمره
شريف :ههههههه لا ده انت داخل علي طمع بقي وكمان عايز تيجي معانا شهر العسل
كانت اسيل تستمع الي الحوار وهي تبتسم وفرحه ان اخاها ارتاح الي امجد ويتكلمون دون تكلف بينهم
غادر امجد البيت وهو سعيد جدا ، اما اسيل فقد تبدل حالها تماما فمن يراها الامس لن يعرفها اليوم فقد تغيرت ملامح وجهها وكساها الفرحه واصبحت البسمه ﻻ تفارقها
وفي اليوم التالي استعد الجميع لذهاب حفل الزفاف وقد ارتدت اسيل فستان باللون الاسود وبتطريز الماظ من علي الصدر مع ميك اب رقيق جدا باللون الوردي مع طرحه سوداء حرير وبندانا صغيره وردي لامعه دخل العروسان وسط تصفيق من الجميع وتعالت الزغاريض فالمكان ودخلت اسيل وندي في ابهي منظر وكان امجد وكريم قد حضروا بالفعل
فأسيل قد وزعت دعوه الي كريم ومحمد وتامر وشيرين ودينا ولكن تامر قد اعتذر عن الحضور لان والده يحتاج اليه في اعمال فالشركه
كان امجد يجول فالقاعه يبحث عنها وما ان رأها حتي وقف امامها علي بعد خطوات فقط يتأمل في جمالها فهي كالفراشه الرقيقه المحلقه
فالقاعه بخفه ورقه نظر اليها فأسرت قلبه بجمالها الرقيق اﻵخاذ ونعومتها ودلالها مشي اليها فرأته اسيل فابتسمت برقه وخجل فاقترب منها وعينه لا تنزل من عليها وقال بحب:حبيبتي ايه الجماااال ده انتي علطول قمر كده
اسيل بخجل :بس بقي
امجد بشوق اكبر :بس بقي ايه انا هروح لاخوكي دلوقتي اقوله بكره هنكتب الكتاب مليش دعوه ثم نظر لها بهيام فظيع: يعني يرضيكي يااسيل هو يفرح وانا اتعذذذب كده
اسيل بأحرج:امجد لو مسكتش انا همشي واسيبك
امجد:خلاص وعلي ايه بس انامش قادر استني ياعاااااالم مش قادر انتظر اكتر من كده
اسيل بغضب احراج خفيف:امجدددد
امجد بمزاح :يابنتي هو انا كلمتك انا بكلم العاالم ، ، هو انتي العالم؟؟
اسيل:هههههه ماشي كلم العالم براحتك بقي انا راحه لماما عشان عيزاني
امجد بصوت مرتفع :خلاص والله مش هكلم حد تاني تعالي بس ،، نظرت له اسيل وابتسمت ثم اتجهت الي والدتها
انتهي اليوم بسعاده للجميع وذهب العروسين الي فندق ليقضوا فيه ليلتهم الاولي بعد ان ودعهم الجميع
عاد الجميع الي منازلهم بسعاده وراحه بال الإ كريم الذي عاد مشتت مشغول البال بالفتاه التي كان ينظر اليها باعجاب طوال الحفل ولا يدري لما خطفت قلبه من النظره الاولي وزاد اعجابه بها اكثر بعد ان طلب منها الرقص ولكنها صدته قائله : اسفه مش هينفع و انامعرفكش عشان ارقص معاك،، ابتسم عندما تذكر كلماتها وكيف شعر بالاحراج وقتها ولكنه فرح لفعلتها لايدري لماذا
~~~~~~~~~
وفاليوم التالي ذهبت اسيل الي الجامعه والتقت بأصدقائها في مكانهم المعتاد
دينا : كنتي زي القمر يااسو امبارح كنت حاسه ان امجد هيكلك بعنيه
اسيل بكسوف: اه ماانا مشيت وسيبته الصراحه عمال يتكلم وانا محرجه جدا من كلامه
دينا :ههههههه ايوه كده خليكي تقيله ،، بس انتي محرجه بس من كلامه ،، اومال اما تتجوزا هتعملي ايه؟؟
ضربت اسيل دينا بكتاب كانت ممسكه بيه فيدها:ملكيش انتي دعوه ،، تصدقي انا اصلا مش متخيله هقلع الطرحه قدامه ازاي
ضحكت الفتاتان ونظروا الي شيرين وجدوها في عالم اخر وغير منتبهه لكلامهم بالمره
اسيل :شيرين
شيرين:_________
دينا واسيل :شيرررررررين
شرين بخضه :هااااه في ايه بتنادوا بصوت عالي كده ليه ؟
اسيل :لا ده انتي مش هنا خالص بجد
شيرين:ليه يابنتي ماانا قاعده معاكم اهو
دينا بخبث :طب كنا بنقول ايه ؟؟
شيرين :هااااه اه كنتوا بتتكلموا علي ماده المحاسبه صح
دينا :ههههههه اه صح الفصل الاخير،، محاسبه ايه فوقي يابنتي سرحانه فأيه
شيرين بتفكير:فعمتو
اسيل :عمتو ،، عمتك مين
شيرين:اصل عمتو أمال رجعت من دبي بقالها 4 ايام
نظرت اسيل ودينا الي بعضهم البعض بقلق واضح
اكملت شيرين والحيره واضحه علي صوتها :وبابا عزمهم هيجولنا بكره هي وااا،،حسام
نظرت اسيل الي شيرين وهي قلقه عليها فأمسكت شيرين يد اسيل بقوه ولكن بضعف شديد يبدوا عليها ،، انا مش عارفه اعمل ايه بجد انا بقالي 3 ايام مش عارفه انام
اسيل :خير ياحبيبتي انتي ليه قلقانه كده خايفه من ايه ؟؟
شيرين بصوت خافت غير معهود عليها به:انا،،انا بقالي سنتين ونص مشفتهوش انا الفتره اللي فاتت اقنعت نفسي اني شيلته من دماغي لكن اول ماعرفت انه نزل مصر وانا ولا باكل ولا بشرب ولا عارفه انام انا خايفه من نفسي اوي لما اقابله حاسه اني هروح اترمي عليه واقوله كنت فين ياحسام كل ده سايبني انا محتجالك
نظرت دينا الي صديقتها شيرين بأسي فهي لم يسبق ان راتها بهذا الضعف من قبل
وقالت :متخافيش ياشيرين انتي اقوي من كده هو كل الفتره اللي قبل كده مكنش حاسس بيكي يمكن اما تشوفيه تلاقي قلبك قاسي عليه شويه انت بس خايفه
نظرت لها شيرين بوهن: حسام هو الشخص الوحيد اللي بلاقي نفسي ضعيفه اوي قدامه،،فخانت شيرين دمعه من عينها وسقطت رغما عنها،، شعرت دينا واسيل بالحزن علي صديقتهم شيرين وشعروا بخيبه الامل انهم غير قادرين علي مساعدتها او اخراجها من حالتها هذه
~~~~~~~~
مرت اربعه ايام وكانت اسيل وندي ووالدتهم جالسين فالمنزل أتاهم اتصال هاتفي من شريف
سناء:الوووو ازيك ياشريف ياحبيبي
شريف:ازيك ياست الكل عامله ايه ياحبيبتي وحشتوني
سناء:وانت كمان ياحبيبي وحشتنا والله مريم عامله ايه ،، نظر الي مريم التي كانت جالسه علي الكنبه امامه بملابس قصيره وفي ابهي زينتها ،مريم اهيه مزه زي القمررررر
سناء: ايه ؟؟
شريف بارتباك : اه قصدي بقولك مريم كويسه زي الفل اهيه
نظرت له مريم بخجل لكلامه فألقي اليها قبله فالهواء ،، فهمست له بكسوف بس ياشريف طنط عالتليفون
سناء:الحمد لله ياحبيبي ربنا يهنيكم ويسعدكم
شريف وهو يمثل الضيق :ينفع كده ياماما
سناء بخضه:ايه ياحبيبي في ايه؟؟
شريف :الاستاذ امجد كل شويه يكلمني يقولي هااه اجي امتي انت نسيتني وله ايه
سناء:ههههههه حرام عليك ياوله خضتني
شريف بمزاح:هومفيش حد قاله اني فشهرالعسل وله ايه احطه علي البلاك ليست يعني وله ايه ؟؟
سناء :ههههه معلش عايزيفرح بقي زيك هو كمان
شريف :ماشي ياست ماما كمان بتدافعي عليه هو
سناء :لا انا الصراحه نفسي افرح بأختك كمان واطمن عليكم عشان ميبقاش عندنا غير الشعنونه الصغيره وبس،، بقولك صحيح، مش كده كده انت معزوم عندي اخر الاسبوع متخلي اهله يجوا بالمره ونتعرف عليهم حتي اﻵء اختك وجوزها هيكونوا
موجودين برده
شريف بتفكير :اممم طيب ماشي ياماما لحسن ده اكل دماغي ،،وجد مريم تمشي امامه بدلع وتنظر اليه بكسوف ،، بقولك ايه ياماما انا هقفل معاكي لحسن جاتلي حاجه مهمه مووووت
الام :طيب ياحبييي مع السلامه
وماان وجدته اغلق الهاتف حتي جرت بسرعه الي الغرفه ولكنه كان اسرع ووقف امامها ليعترض طريقها ،،هااااه هتروحي مني فين يامريومه ماهما هربتي هجيبك وقفت وهي تضرب باحدي رجليها الارض كالاطفال وهي تقول بدلع :ياشرييييف عديني بقي
شريف :يالهووي حرام عليكي اناكده هخد سنه اجازه من الشغل،حملها فجأه ودخل بها الي غرفتهم وهي تحاول الافلات منه ولكن لامفر
~~~~~~~~
انتهي الاسبوع سريعا وجاء الوقت المنتظر جاء امجد ومعه والده ووالدته وكان في ابهي منظر وكانت اسيل بملابس رقيقه جميله خطفت انظارهم جميعا جلسوا سويا واعجب والد امجد ووالدته بها كثيرا لادبها واخلاقها ووجوها الملائكي وكانت عين امجد لاتفارقها طول الوقت بينما هناك شخص اخر غاااارق في احلام اليقظه غير مصدق لما يرا امامه كان كريم شارد الذهن طوال الوقت يخطف نظره لها بين الحين والاخر
اتفقوا ان يتم كتب الكتاب بعد اسبوع واحد والجواز بعد شهر ونصف عندما تكون اسيل قد انتهت من الامتحانات لاخر العام،أطلقت امها زغروطه بعد ان قدم امجد لاسيل خاتم ذهب هديه
مر الاسبوع سريعا وهم منشغلون بالتحضير للفرح وجاء اليوم المنتظر ودخلت اسيل القاعه وهي ترتدي فستان في غايه الرقه والشياكه باللون الدهبي وتضع ميك اب باللون البرونزي مما جعلها تبدو كالاميرات كانت في عالم
من السعاده لم تشعر بيه من قبل ودخل امجد بجانبها وهو يرتدي بدله سوداء وقميص ابيض وكرافته بنفس لون فستان اسيل صفق جميع الحضور لهم واتجهوا الي الكوشه
جلسوا نظر اليها امجد والفرحه تملأ عينه
يااااااه اخيرا بقي كتبنا الكتاب اتكلم براحتي واقول اللي انا عايزه
اسيل بخجل :لا مش اللي انت عايزه اوي يعني ونظرت الي الارض
اخفض امجد رأسه لينظر اليها وتلتقي اعينهم همس لها:بحببك
اسيل بكسوف :بس ياامجد بقي
امجد :الللله امجد بقي اللي بتقوليها ديه بتجنني
اسيل بخجل:طب بس عشان الناس بتبص علينا
امجد باصرار:طب ماانا عارف انهم بيبصوا علينا وعندي استعداد دلوقتي اقولك بحبببك بصوت عالي واسمع كل اللي فالقاعه
اسيل :لا خلاص يامجنون
ابتسم امجد:انا فعلا مجنون مجنون بيكي مجنون بحبك نظر اليها بحب :هاااه وانتي
اسيل بتوتر :انا ، انا ايه؟
امجد باصرار:قوليلي بقي انتي ايه انا ايه عندك ايه يااسيل
اسيل زاد توترها وعلت دقات قلبها:امجد انت اكبر حاجه فحياتي
ارتسم علي وجه امجد حزن مصطنع :لا مش هو ده اللي عايز اسمعه قوليلي الكلمه اللي نفسي اسمعها من اول ماعرفتك قوليلي دلوقتي
ابتلعت اسيل ريقها بصعوبه واغمضت عينها وقالت بصوت منخفض:بحبك ياامجد
وهنا صاااح امجد بصوت مرتفع :اوووووه اخيرا قولتيها ،، وهنا التفت اليه بعض الحاضرين الواقفين امامهم عندما سمعوا صوته نظروا اليه بتعجب ،،شعرت اسيل انها تود ان تبتلعها الارض من شده خجلها لهذا الموقف
ابتسم امجد اليهم :هااه لا عادي عادي ياجماعه متخدوش فبالكم ياله كملوا رقص
ضحك الجميع بشده
كان كريم يقف بجانب اخيه ثم نزل ليبحث هو الاخر عن الفتاه التي سلبته رشده ،، وجدها تقف بجانب دينا وشرين ترتدي فستان من الحرير بالون البحر وتضع ميك اب خفيف نظر اليها بشده واعجاب وهي تضحك اليهم بعفويه حركت قلبه من مكانه ظل واقف يريد ان يترقب منها ولكن قرب دينا وشيرين يمنعه ما ان غادرت الفتاتان حتي ذهب اليها سريعا
تكلم بارتباك :احم احم ازيك ياانسه .....
يتبع ....
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
الحلقه الاخيره الجزء الثاني
اقترب كريم وهو يقول:احم احم ازيك ياانسه
ندي :الحمد لله كويسه
كريم :ااا عامله ايه فالمذاكره؟؟
ندي :اه الحمد لله الواحد بيحاول يعرف يذاكر هههههه
كريم :ههههه اه الجامعه مش سهله شدي حيلك
ندي برقه:ان شاء الله
كريم:تصدقي انا مكنتش اعرف انك اخت اسيل غير لما جينالكم البيت
ندي بابتسامه:وانا كمان معرفش انك اخو امجد معلش بقي اني رفضت ارقص معاك قبل كده
كريم بشغف:طب انتي عرفتيني ياتري ممكن ترقصي بقي معايا المره ديه
ندي بتوتر ملحوظ وحاولت الهروب من الموقف :اه ممكن بس اصل انا لازم امشي دلوقتي اسيل بتشاورلي شكلها عايزه حاجه ضروري عن اذنك،فرصه سعيده
مشت من امامه بدون ان يشعر ظل يراقبها وشعر انهاأحرجته للمره الثانيه ولكن بطريفه الطف قليلا تنهد بخيبه امل وهو يقول لنفسه انا مالي غبي كده ليه مش عارف اقول ولا كلمه عدله
ولكنه لم يستلم لها فقدزاد تعلقه بيها اكتر
انتهي اليوم بسعاده علي الجميع وكانت فرحه امجد واسيل لاتقدربشئ
مرت الايام سريعا علي امجد واسيل وكان يطمئن عليها دائما واحيانا يوصلها الي الجامعه وهو يبثها حبه وعشقه الذي لاينتهي اقترب موعد الامتحانات
كثيرا وكانت اسيل منشغله بالمذاكره وامجد يشعر بالوحده ويعد الايام يريد ان يأتي زفافه اليوم قبل غد ،،وفي يوم من الايام دخلت شيرين الي الجامعه متوجهه الي اصدقائها متهلله الوجه وتبدوا السعاده الكبيره علي وجهها ،،
اتجهت الي اسيل ودينا واحتضنتهم بشده ودمعت الفرح تلمع في عينيها نظرت اليها دينا واسيل بفرحه وبتعجب :ايه فيه ايه؟؟ مالك؟؟
شيرين بفرحه شديده ولعثمه :انا،، انا مش مصدقه لحد دلوقتي حسام ،، اصله ، اصل حسام جه امبارح هو باباه طلب ايدي
شهقت اسيل بفرحه شديده:بجددددددد ايه حقيقي ياشيرين ،، كانت دينا هي الاخري قد احتضنت شيرين بسعاده كبيره هنئتها صديقتها بحب شديد
وجلسوا جمييعا لتروي لهم شيرين كلماحدث بأدق التفاصيل وارتسمت البهجه علي وجههم فرحا لصديقتهم
~~~~~~~~~~
ازداد شوق الاحبه الي اللقاء ولكن انشغال اسيل بالمذاكره تمنعها من رؤيته فهي في اوقات الامتحانات الاخيره
دخل امجد مساءا الي المنزل سمع كريم يدندن بالغناء ويقول :
لما بتكون بعيد بحضر كلام اقوله واما بتكون قريب بتنسينى اليوم بطوله
ولا بعرف اتكلم ويادوب كبيري اسلم واتكلم في اي حاجه بعيده عن كل اللي انا عايز اقووووله
.. حبيبى روحي لما اشوفك متبصليش في عنيا
يا عمررى .. يا عمري والله لما بشوفك بنسى الدنيا ديا
بنسى الغرام اللي انا شايله .. وانسى الكلام اللي انا قايله
واتكلم في اي حاجه بعيده عن كل اللي انا عايز اقوووووووله
دخل امجد بعد ماسمعه وهو يقول: ياسلام ياسلام علي الحب بس علي فكره صوتك مش حلو
كريم بغيظ:انا عارف ان صوتي مش حلو ملكش فيه ،،، هاااه جاي ليه ؟؟
امجد :حد يشوف اخوه الكبير يقوله جاي ليه ماشي ماشي ،، وتكلم بزهو: بتفقدكم يابني قبل مااسيب البيت اهو كلها يومين وانتوا اللي هتتمنوا تشفوني
كريم بسخريه :هههههههه هنتمني ده انت بتحلم ده احنا بنتمني البيت يفضي اوضه
امجد :والله ماشي علي فكره انتوا الخسرانين هتقعدوا زي اليتامي من غيري ،، بس انا اول مره فحياتي اسمعك بتغني رومانسي ،، انت مبتعرفش غير شعبي
كريم:ههههههه اه الصراحه مبعرفش اعيش جو الرومانسي فبسلي نفسي بكلمتين مهرجانات
نظر له امجد بخبث :طب وايه الجديد بقي اللي خلاك تغير رئيك
كريم بارتباك :اه ياعم انت هتعمل عليه المفتش كرومبو
وضع امجد راس كريم تحت زراعه بمزاح:طالما اتهربت يبقي فيه حاجه ياله اعترف
كريم وهو يحاول الافلات:ايه ياعم هو انت عشان هتتجوز خلاص هتعمل فيها رومانسي
امجد بفخر:لالا ياحبيبي انا طول عمري رومانسي
انت بس غيران مني ،، قول يابني متخفش انا هديك النصيحه
تكلم كريم بلهجه بها جديه:اممممم هتديني النصيحه بجد؟؟
اكمل امجد :اه طبعا اول حاجه وديه اهم نقطه هي البنت حلوه وله وحشه؟؟ عشان كل واحده وليها طريقه
نظر كريم لامجد بغيظ وهو يكتم غيظه :اطلع بره ياامجد امشييي اطلع بره انت جاي تهرج
امجد :ههههههههههههه لالا ده انت ناوي بجد وشكلك وقعت خلاص،، خلاص هنتكلم جد ،،طيب هي معاك فالجامعه؟؟؟
كريم :لأ ،، شرد كريم وتكلم بداخله ااااه ياامجد لو تعرف هي مين اللي وقعتني هنقعد نضحك علي نفسنا للصبح ،،حاسس ان شكلي بايخ اووي مش عارف ليه؟؟
امجد :ااااايه يابني روحت فين ؟؟
ضحك كريم بعفويه :هههههه لالا ده موضوع كده متشغلش بالك
اكمل كريم وامجد حديثهم وسط ضحكهم وتخطيتهم لتقع فحبه ايضا هذه الفتاه ولكنه مازال لم يفصح من تلك هي الفتاه التي شغلت باله
~~~~~~~~~
اتي موعد الزفاف قريبا فاليوم هو اليوم المنتظر لاسيل وامجد ساعات قليله تفصلهم عن اللقاء كل ،،منهم ذهب الي صالوه التجميل ليظهر في ابهي منظر انطلقت السيارات وسط زمامير العرس البهيج اتجه الجميع الي القاعه دخلوا اليها
كانت ترتدتي فستانها الابيض اخيرا فستان غايه فالجمال والرقه والشياكه به دنتيل من علي الصدر وبه الماظ براق رقيق وضيق الي الوسط وينزل علي واسع بذيل طويييل به بعض ورد الدانتيل الرقيقه البيضاء وتضع ميك اب باللون الوردي الرقيق ممايضفي الي بشرتها الجمال والنعومه والبرائه وظهرت وكأنها الاميره الجميله المنتظره للملكه ، وظهر امجد وهو يرتدي بدله باللون الرمادي وتصفيفه شعر جذابه زادت من شده وسامته لتظهر عينيه العسليه تضئ من شده الفرح
دخلوا القاعه وانهال التصفيق وعلت
الزغاريط والقت عليهم الورد والشرائط الملونه من كل مكان طوال الطريق وهم يسيرون الي الكوشه
كان امجد يشعر بمشاعر لايمكن وصفها تغمره السعاده والفرحه والبهجه يشعر وكانه في عاااالم اخر ولا يري امامه من هذا الجمع سوي محبوبته فقط فقد تحقق حلمه اخيرا وألتم شمله اخيرا وسيأخذها الي عش الزوجيه الذي ظل يحلم به كثيرا
وكانت اسيل تشعر بمشاعر كثيره متخلطه فقلبها سيخرج من مكانه من شده السعاده احست بالفرحه تسري في جسدهابأكمله تعالت انفاسها كثيرا ازدادت نبضات قلبها اصبحت تدق بقوه سريعا سريعا تشعر وكأنها ستفضحها وتسمع كل من فالقاعه ارادت ان تسكنه قليلا فهي تشعر انها تحلم فتمتمت لنفسها بهدووء و فرحه
اهدء ياااااانبض قلبببي
نعم انه حقيقه انا اليوم سأتزوج اليوم الشخص الذي عشقته بشده ولم احب احدا غيره من دق قلبي له للمره الاولي سرقت نظره اليه بفرحه وهي تسير بجانبه حمدت الله من قلبها انها لم تتزوج احدا غيره شعرت بالسعاده الغامره والتوتر والقلق تبتسم للجميع في خجل تري فرحة الناس في اعينهم المهنئه جلست ونظر لها امجد بعشق وهو يقول :
الف مبرررروك ياحبيبه قلبي انابجد اسعد انسان فالكون النهارده
اسيل بحب:مبرروك لينا ياحبيبي وانا كمان سعيده جدا
امجد :بتقولي ايه ؟؟
:بقولك انا كمان سعيده جدا
امجد :لا اللي قبليها،،
اسيل بابتسامه وخجل :ياحبييييبي
تنهد امجد براحه :ياااااه حبيبك انا انسان محظوظ اوي اني اكون حبيبك،أنتي أحلي حد شفته فحياتي يااسيل
وانتبهوا لصوت الدي جي وهو يقول :ودلوقتي رقصه للعروسين وفيها مفجأه حلوه للعروسه
نظرت اسيل الي امجد بتساؤل حرك امجد كتفه ويديه ليخبرها وكأنه لايعلم
قام العروسين وخخفت الاضاءه وسمع صوت غناء رااائع عذب بكلمات جميله تفاجئ الجميع
وتفاجئت اسيل وشهقت بفرحه كبيره وضعت يدها علي خدها ولمعت عينها بسعاده،، انها تعرف هذا الصوت جيدا بل تعشق سماعه انه صوت حبيبها امجدددد
كان امجد قد سجل هذه الاغنيه بصوته لها وابتدوا يرقصوا علي صوته العذب وكلماته
بتحدى العالم كله وانا وياك
وبقول للدنيا بحالها ان ان بهواك
وانت حبيبي وقلبي وروحي معاك
قربني ليك .. سبني اعيش احساس هواك
انا عشقي ليك .. عشق القمر للنجمة والليل والسهر
وشوقي ليك .. فوق الخيال .. فوق احتمال كل البشر
من يوم لقائك .. حلوة الحياة
بتحدى العالم كله وانا وياك
وبقول للدنيا بحالها ان ان بهواك
وانت حبيبي وقلبي وروحي معاك
قربني ليك .. سبني اعيش احساس هواك
اتحدى بيك .. كل الوجود .. وياك اكون او لا اكون
انا مش حعيش من غير هواك .. انا قلبي عاشق للجنون
من يوم لقائك .. حلوة الحياة
كانوا يتراقصون وهم يسمعون كلمات الاغنيه ونسوا ان معهم اناس فالمكان فقد ذهبوا الي عالم العشق والخيال يتكلمون فقط بلغه العيون
تنظر اليه بهيام وحب يطوقه الخجل ، ويرها هو بعين الحب والعشق الذي لاينتهي
افاقوا علي صوت تسفيق الجميع بحراره وعلت اصوات الصفير والتشجيع
كان كريم يرتدي بذله سوداء تظهر ومصفف شعره بطريقه جديده تظهرهه وسامته اتجه كريم الي اصدقائه ووجد تامر يدخل بجانبه فتاه!! متوسطه الجمال ولكن يبدو علي وجهها الطيبه
رحب بهم ومشي هو ايضا ليبحث عن ضالته التي لايعلم كيف يتعامل معها او يتقرب منها ويشعر بالتعجب من حاله كيف انه رأها مرات معدوده الا انها لا تفارق باله ابدا رأها واقفه بعيدا ولا يوجد معها احد انشرح صدره وقف وتنهد بعمق يحاول ان يستجمع شجاعته ليذهب اليها وهو يفكر كيف يصنع جو لطيف بينهم بدون ان تحرجه هذه المره ايضا
جاء محمد واقترب من تامر سلم عليه ورحب بالفتاه التي معه ثم غمز له فستأذن تامر منها ليتكلم مع محمد دقيقه
تامر :ايه ياعم هتفضحني بتغمزلي وهي جمبي
محمد :طب اعملك ايه ماانت اللي مخك تخين ومبتفهمش بسرعه
تامر :ههههه انا برده ماشي ياعم ايوه هي ديه البنت اللي كنت بكلمك عليها
محمد بفرحه:ايوه ياعم ماشيه معاك بس البنت حلوه،،نظر له تامر بحده ممازحا :محمممممد
محمد:هههههه ياعم مش بعاكسها والله انا بقولك رأيي بس،ايوه عشان كده انت بقيت راشق فالشغل عند ابوك عشان تشوفها كل يوم
تامر باحراج:لا يابني بابا فعلا محتاجني معاه فالشعل،،نظر له محمد بخبث وعدم تصديق
ضحك تامر:هههههههه اه انا كمان بتلكك عشان اروحلهم الشركه
محمد بسعاده:ربنا يسعدك ياتيمو ونفرح بيك انت كمان قريب
تامر بفرحه :قريب ياصاحبي ان شاء الله،،هسيبك بقي لحسن هي واقفه لوحدها متعرفش حد هنا
محمد بهيام :ياقلبك الحنييين
تامر:طوول عمري،ضحك الاثنين واتجه تامراليها ولكنه نظر لاسيل بنظره حزن غلبت عليه فنفض افكاره سريعا
انتهي العرس بسعاده علي الجميع وودعهم الاهل مباركين منهئين وانطلق العروسين
صعدت اسيل الي منزلها الجديد ودخلت وهي خائفه مرتبكه وجدها امجد جالسه علي الكرسي لا تريد ان تتحرك من مكانها
اقترب منها ببتسامه عذبه :اخيرا بقينا فيبتنا لوحدنا انا مش مصدق نفسي يااسيل حاسس اني بحلم
نظرت له اسيل وهزت رأسها فقط
امجد باستغراب:مالك ياحبيبتي فيه حاجه مديقاكي
هزت اسيل رأسها بالنفي
امجد:امممم لا رد مقنع ،،طب انتي تعبانه او جعانه طيب اجيبلك اكل ؟؟
هزت اسيل رأسها بالنفي ولم تتكلم
شعر امجد بتوترها وهيبتها للمكان والحياه الجديده فقال ممازحا محاولا تهدئتها:طب قوليلي لوانتي نسيتي صوتك فالقاعه اروح اجيبه بسرعه قبل ماتقفل
وهنا ابتسمت اسيل وهي تقول بخفوت:لا منستوش
امجد :ايوه كده اضحكي خلي الدنيا تنور ،، وكمان لسه عندك صوت احمدك يارب
اسيل بدلع:ياسلام حد قالك اني خارسه
امجد:هههههه لا طبعا ده انتي أرق صوت سمعته فالدنيا
ابتسمت اسيل بخجل .. كان امجد يجلس امامه علي الارض اقترب منها ونظر في عينيها بعمق وخاطبها :بحبك اوووي علي فكره
اسيل بكسوف:ياامجد متبصليش كده بقي بتكسف
امجد :وانا بمووووووت فكسوفك ده
قام من مكانه واقترب منها :طب مش هتقلعي الفستان ده وله ايه ؟؟
ارتجفت مسامع اسيل لكلماته وقالت بارتباك : اه انا هدخل الاوضه اغير
وقف امجد امامها بسرعه :طب استني افتحلك السوسته زي مابشوف فالافلام
اسيل باحراج :لا ده بيكون فالافلام بس
امجد:طب ايه رئيك نعمل اننا بنمثل فيلم
اسيل باحراج شديد:امجد اوعي بقي من قدااامي
امجد بمزاح: خالص شكلك ملكيش فجو الافلام خالص وانا اللي كنت فاكرك رومانسيه
مرت اسيل من امامه سريعا وهي تكتم ضحكتها وبداخلها خوف وتوتر شديييد
دخلت الي غرفه نومها وكان امجد قد دخل الي الحمام ليأخذ حماما منعشا
استراحت اسيل علي السرير
لثانيه ثم قامت سريعا واغلقت باب الغرفه بالمفتاح جلست تفكر بتوتر ماذا ستفعل وماذا سترتدي تريد ان ترتدي بيجامه هاي كول وشراب من شده خجلها الا انهم في الصيف
تذكرت كلام والدتها واصدقائها ان عليها ان ترتدي قميصا احمر بالروب ،،قامت علي مضض واستحياء لتفتح خزانه ملابسها واخرجت القميص
والقته علي السرير وهي تقول:ايه يالهووووي انا هلبس ده قدام امجد لالالا مش هلبسه مش ممكن
سمعت طرقات علي الباب واتها صوت امجد :هاااه ياحبيبتي خلصتي
زاد توترها كثيرا وقالت بصوت مبحوح : لا لسه
امجد :طيب خمس دقايق كمان متتأخريش بقي
شعرت ان عقلها مشوش لا تعلم ماذا تفعل ،،يوووه اعمل ايه خلاص انا هلبس القميص ومش هفتح الباب كده كده انا قفلاه بالمفتاح وابتسمت لنفسها ابتسامه نصر ،،ارتدته وجلست بارياحيه علي السرير لتوهم لنفسها انها مطمئنه
وبعد فتره قليله جاء امجد ودق الباب بفرح :هاااه ياحبيبتي اظن خلصتي صح ؟؟
اسيل بصوت واثق:اه خلصت
ابتسم امجد بسعاده:ادخل يعني ،،:اه ادخل
شعر امجد بجراءه اسيل علي غير عادتها وقال بباله ربنا يكملك بعقلك ياحبيبتي ،،امسك بمقبض الباب ليفتحه وجده مقفل بالمفتاح
وقف لثانيه وضرب علي جبينه بيده،ايه الغباء بتاعي ده انا ازاي نسيت اشيل المفتاح من الباب
امجد :اسييييل حبيبتي الباب مقفوول بالمفتااااح
اسيل بسعاده:ايووه مقفول وانت فاكرني هسيبه مفتوح يعني ؟؟
امجد بخيبه امل وهو يهز رأسه :اااه اكيد لأ طبعا هتقفليه وديه تيجي يعني
ابتسمت اسيل بصمت وهي تتخيل شكله وهو يقف امام الباب
امجد:طب ممكن بس فوطه من عندك انشف شعري كويس
اسيل :نشف فهدوومك
:انشف فهدوومي !! ااااه ، طب بقولك ماتيجي نقعد فالليفنج انا صبيت كوبيتين عصير بره
اسيل :لا مش عطشانه اشربهم لوحدك
امجد:طب ياحبيبتي مش احنا اتفقنا اول ما ندخل بيتنا نبدء كده بركعتين نصليهم لله عشان ربنا يباركلنا فحياتنا ويرضي عنا
اسيل بارتباك :اه اتفقنا
امجد :طب ايه؟؟
اسيل :صم__ممم__ممت
امجد فنفسه وانا اللي بقول بقت جريئه ده انت هتشوف اياااااام ياامجد ياحبيبي
تكلم وهو يواسي نفسه شكلي هشيب قبل ماابقي عريس
امجد بعد تفكير:طب افتحي نصلي مع بعض ركعتين وابقي اقفلي تاني
اسيل بتردد:يعني مش هتاخد المفتاح ؟؟
امجد:لا مش هاخده
اسيل :طب احلف كده قول والله مش هاخده
ضحك امجد علي برائتها :والله يااسيل مش هاخده
اسيل طيب ثواني اتجهت اسيل الي دولابها واخرجت عبائه الصلاه وفتحت الباب بتوتر
دخل امجد والابتسامه تعلو وجهه: اخيرا افراااج
رأته يرتدي بيجامه نوم باللون الكحلي تظهر لياقه جسده ووسامته شعرت بالخجل واخفضت رأسها فهي اول مره تراه بملابس البيت
نظر اليها بحب :شكلك جميل اوي باسدال الصلاه
اسيل بتوتر:مش هنصلي وله ايه؟؟
امجد بمزاح :اه طبعا هنصلي ورفع يده اللهم ارزقنا التقوي ،،ابتسمت اسيل لفعلته
توجه امجد الي القبله وصلت خلفه اول ركعتين لهم في منزلهم الجديد
ماان انهي صلاته ،،نظر لها نظره ذات معني، ارتبكت اسيل بخوف ، وقالت ياله بقي اطلع بره مش انت قولتلي مش هتاخد المفتاح
امجد بابتسامه:اه قولتلك ياقلبي مش هاخد المفتاح لكن مقولتش هخرج من اوضه النوم
فركت اسيل اصابعها بتوتر وحدثت نفسها وكان الصوت مسموع :امممممم طب اعمل ايه بقي دلوقتي؟؟
امجد:انا اقولك تعملي ايه بسيطه تقلعي الاسدال بس
وجدت اسيل انه لامفر ،،طيب هقلعه بس علي شرط انت اقف بعيد كده عند الدولاب وغمض عينك
امجد بضحك:هههههههه ياربي وانا فالمدرسه وهتعقبيني وله ايه ارفع ايدي بالمره؟؟ والله ده انا اتخرجت خلاص وبقيت دكتور
اكتفت اسيل بالنظر اليه باابتسامه خجل ، ابتعدامجد عنها خطوات :حاضر ياستي اهو ،،خلاويس
اسيل :لسه اوعي تفتح
خلعت اسيل الاسدال وقالت بخجل شديد: خلاص
فتح امجد عينه رأها ترتدي قميصا ستان باللون الاحمر وعليه الروب ويظهر بعض اجزاء من جسدها ليظهر جمال بشرتها وبياضها الصافي
وينسدل شعرها الكستائي الحريري ويمر علي جانب وجهها الملائكي ليصل الي اخر ظهرها مما يضفي عليها جمالا فوق جمالها ورقتها
وقف امجد للحظات ينظر لها فقط بزهول دون ان يتفوه بكلمه فجمالها وحسنها قد ألجموه عن الكلام ،،فهو لاول مره ايضا يري شعرها
اقترب منها خطوات وعينه لا تنزل من عليها وكلما اقترب زادت ضربات قلب اسيل كثيرا وزاد توترها وخجلها
اقترب منها اكثر وهو يقول:بسم الله ماشاء الله انت بجد أيه فالجمال انتي بجد مراتي انا ، انتي اسيل مراتي ،،لم يشعر بنفسه الا وهويضمها اليه بشده ليخرج جزءا من شوقه المحبوس بداخله للرغبه في حضنها منذ فتره طويله
ارتجف جسد اسيل بخفه وهي تحس بالقشعريره تسري في جسدها وقد تدفق الدم في جسدها بشده وشعرت بسخونه كبيره في وجهها من شجه الخجل،، ابعدها ثانيه ولكنها مازلت بين يده وقبل جبينها بحب ثم ضمها بقوه اكبر بين احضانه
حملها بهدوء واجلسها علي السرير واقترب اليها شئ فشئ وهي غير قادره ان ترفع وجهها اليه من الكسوف ،،امسك يدها وطبع عليها قبله ،،فرعت عينها وابتسمت له بحب مكلل بالخجل
اقترب من وجهها وطبع قلبله اخري علي خدها وهي تسمع صوت انفاسه المتقطعه المتأججه
ثم لثم شفتيها بقبله شوق حاره، صبغ بعدها وجهها بالكامل باللون القرمزي من الخجل قبلها ثانيتا ثم.........ذهبوا معا الي عالم العشق الحلال
~~~~~~~~
اشرقت الشمس لتضئ صباح يوم جميل جديد علي العروسين وبعدفتره
فتحت عينيها بتثاقل وجدت نفسها تنام بين احضان امجد ابتعدت سريعا وخفق قلبها بشده تخيلت نفسها في غرفتها وانها تحلم فنظرت له ثاتيتا ولنفسها اين هي؟؟ فهي لم تعتد علي الغرفه الجديده بعد
اخذت نفسها بعمق فقد تذكرت انها كانت عروسه بالامس نظرت لنفسها وهي خجله من فعلتها كيف لها ان تنام هكذا في حضنه لا تتذكر حتي كيف ومتي نامت فالليله الماضيه
قامت من جنبه بهدوء لكي لاتوقظه دخلت الي الحمام اخذت حماما باردا منعشا وخرجت ارتدت بيجامه قطنيه رقيقه بنطلون باللون الروز برمودا وتيشيرت كت ابيض به دوائر روز وهالو كيتي في منتصفه ورفعت شعرها عاليا وارتدت شبشب بيت روز رقيق ولمسات خفيفه من الميك اب بعد ان ادت فريضتها ،، ذهبت واعدت فطار خفيف شهي وضعته علي السفره
وذهبت الي غرفه النوم علي استحياء لكي توقظ امجد وجدته نائما وقد ارتفع الغطاء من عليه ولايرتدي تيشرت احمرت خجلا ولا تعرف كيف توقظه اقتربت بهدووء وهي تنادي امجد،،امجد
قوم عشان تفطر ،،ولكنه غارق في احلامه اقتربت منه اكثر وهي تناديه امجد امجد اقتربت اكثر تتأمل ملامح وجهه الرجولي الوسيم وهو نائم وسرحت في تفاصيل وجهه وفجأه سحبها امجد بغته من زراعها وجدت نفسها بين زراعيه ،،شهقت بخضه وخجل وقبل ان تتكلم سبقها امجد بالكلام وهو ينظر لها بطرف عينه : مش عيب كده في حد يقرب اوي كده من لوش ولد نايم وكمان مش لابس تيشيرت ،، لالالا انا معرفش انك كده خالص كنتي هتعملي ايه هاااه؟؟
اسيل بخجل وارتباك كبير:لا والله انا انا مش قصدي يعني فعلا مش كنت هعمل حاجه انا بس كنت جايه اصحيك تفطر
امجد بتعجب ومحاوله استفزازها :طب واللي يصحي حد بيقرب منه بالطريقه انا الصراحه خفت علي نفسي يعني شاب وسيم ونايم لوحده يفتح عينه يلاقي بنوته قمر مقربه منه اوي فكرك اعمل
اعمل فيها ايه بقي ؟؟
اسيل وقد لمعت في عينيها لؤلؤه صغيره من الدموع لشده خجلها من كلامه وانها حقا كانت قريبه جدا من وجهه:ااا ياامجد بقي مش قصدي كنت ،، تتكلمت وهي تحاول الفرار من هذا الموقف اقولك: سيبها تقوم من جانبك وخلاص
اقترب امجد من وجهها كثيرا واحست انفاسه تلفح وجهها: انت فاكره انك هتفلتي مني وتخرجي كده بسهوله لا انا لازم اخد ديه وطبع قبله رقيقه علي شفايفها اغلقت عينها خجلا ،، امجد سيبني اقووم بليز ،،واكمل امجد كلامه وديه وديه وديه ظل يقبلها بشوق كبير و......
~~~~~~~~
وفي صباح اليوم التالي نراهم علي الشاطئ الجميل الازرق والهواء النقي يداعب وجههم
اسيل وهي تحاول التأكد من شئ :اشمعنا ياامجد صممت نيجي الغردقه؟؟
نظر لها امجد بخبث:اصلي قابلت حب عمري هنا الصراحه كانت اجمل بنت وارق بنت عنيها شافتها فالدنيا ،، بس للاسف معرفتش اسمها
اسيل وقداشتعلت غيرتها:والله معرفتش اسمها؟!
امجد بحزن :ولا قدرت اعترفلها بحبي للاسف ،،تعرفي يااسيل البنت ديه مش راضيه تروح من بالي حتي بعد مااتجوزنا
اسيل بغضب شديدتحاول اخفائه:طب ياله ياامجد معلش عايزه اطلع انام مصدعه شويه
كتم امجد الضحك وهو يكلمها:ليه بس ياحبيبتي احنا لسه نازلين من شويه طب بقولك حاجه معلش اقعدي بس عالشازلونج ده وغمضي عينك ثواني وبعد كده نبقي نطلع
اسيل بنفاذ صبر:ياله بقي نطلع مش قادره
امجد بترجي :معلش ثواني بس
جلست اسيل واغمضت عينيها اسرع امجد وامسك عصا وحفر علي الرمل كلمات ثم جلس جانب اسيل وقال لها ان تفتح عينها وعندما نظرت الي الرمل اتسعت عينيها وفرغت فاهها بعدم تصديق عندما قرئت
عارف ياحبيبي انت بجد وحشتني اوي
نفسي اشوفك واكون معاك وجمبك
انت هتكون احلي حاجه فحياتي
اما تبقي جوزي اما تبقي حلالي
هتكون انت البسمه اللي في شفايفي
هتكون الحب اللي فقلبي هتكون
كل حياتي كل حبي وحناني هيكون
ليك انت وبس انت حب عمري
ظلت اسيل تقرء وهي تقول بزهول :ايه ده ازاي ازاي الكلام ده الكلام ده كلامي انا انا كتبته اما كنا هنا ثم نظرت لامجد وهي تقول بصوت مرتفع وفيه بعض الاحراج :يانهااااااااارك ابيض انت كنت هنا ورايا،، انت كنت مفتح عينك؟؟؟؟انت شفتني وانا بكتب الكلام ده؟؟؟ انت كنت بتمثل انك نايم وانا اللي كنت بحسبك فسابع نومه!!!!
انفجر امجد ضاحكا:هههههههههههه يابنتي انا مش سهل قال نايم قال
قامت اسيل تضربه بخفه بيديها الاثنين علي صدره وهي تقول:ازاي تعمل كده انت فظيع انت،، امسك امجد يديها الاثنين وقربها اليه وهو ينظر في عينيها بجراءه وحب:هي ديه بقي البنت اللي قابلتها هنا هي ديه اللي حبتها وهي قاعده بتكتب كده ومكنتش عارف اسمها ولا قدرت اعترفلها وقتها ،ابتسمت اسيل وتوردت وجنتيها بفرحه ولفت يده التي كانت ممسكه بيدها ولثمتها بقبله حب رقيقه جميله ثم قامت من جانبه وامسكت العصا وكتبت
انت اتأخرت اوي عليه تعالي
مستنياااااااااااك لاخر عمري
ونظرت له بابتسامه وهيتقول:انت نسيت تكتب ديه
قام امجد من مكانه وجلس بجانبها علي الرمال ثم نظر اليها بحب :انا دلوقتي بقيت حلالك وجوزك ياتري بقي بقيت،،قاطعت اسيل كلامه وهي تقول
بقيت البسمه اللي فشفايفي والحب اللي فقلبي وحناني وكل حاجه فحياتي هتكون ليك انت بس ثم صمتت لثانيه وقالت :انا بحبك بحبك اوي ياامجد
لمعت عينه ببريق فرحه وسعاده كبيره ود ان يضمها بين ضلوعه ولكن وجودهم فالخارج يمنعه:انا كمان بعشقك ياروح امجد بموت فيكي وبحمد ربنا فكل
صلاه انه رزقني بيكي
~~~~~~~~
وبعد مرور عده اشهرر
ياله ياحبيبتي هنتأخر بتعملي ايه ؟
حاضر ثواني ظبط الطرحه خلاص انا جايه اهو ،، هاااه ايه رئيك الفستان حلو عليه
ابتسم وقال بمشاكسه :احلي بطريق بالع كره قدم شوفته فحياتي
تكلمت بزعل :والله انا بطريق ماشي ماشي علي العموم شكرا
اقترب منها وجثي علي ركبتيه ووضع يده علي بطنها وضم اصابعه لترسم شكل قلب وطبع قبله علي بطنها من منصفه:احلي كره قدم ده انا خلاص هتجنن وتخرج للدنيا بقي ،،مررت اسيل يدها علي شعره بحب هتخرج خلاص ياحبيبي قريب اوي باذن الله
امجد :طب ياله بينا بقي نروح بسرعه بدل مااغير رأيي ومنروحش الخطوبه
اسيل بضحك:هههههه لالا وعلي ايه ياله بينا
وصلوا الي القاعه وكانت ندي ترتدي فستان باللون الموف الغامق بتطريز رقيق وميك اب جميل يتناسب جدا مع لون بشرتها ويبرز جمالها ويقف بجانبها كريم في ابهي حله والسعاده تنير وجهه ينظر الي عروسه بحب شديد
كان امجد يقف بجانب اسيل ينظرون الي العروسين بفرحه كبيره نظر امجد الي اسيل وهو يقول: انتوا خلاص كده اخدتونا احنا الاتنين ،،الحمد لله انك معندكيش اخت تالته مش عارف كنتوا هتخلصوا علي عيلتنا كلها وله ايه !!!
اسيل وهي تضحك بزهو :هههههه انت واخوك اللي مقدرتوش تقاوموني انا واختي ياحبيبي ماالبنات ماليه الدنيا احنا اللي فينا جاذبيه خلتكم تقعوا علطول
امجد وهو يزفر:الصراحه عندك حق اهو وقعنا احنا الاتنين ولا حدش سمي علينا
اسيل وهي تغمز له :ايووه كده اعترف
امجد بمزاح :اعترف يافندم واقر اني متيم بحضرتك تقبلي تتجوزيني؟؟
اسيل:اممممم هفكر
امجد :وانا هستني الرد بس عندي سؤال ،
اسيل بتفاخر:هاااه اتفضل
امجد:طب والكوره اللي فبطن حضرتك هنعمل فيها ايه ؟؟
امجد واسيل بنظره حب:هههههههههه
انتهي اليوم بسعاده علي الجميع وابتدي ندي وكريم بقصه حب اخري
~~~~~~
وبعد مرور اسبوع
نسمع فالمشفي صوت همهمات وصوت متعب :همم امجد امجد
امجد :حبيبتي حمدلله علي السلامه اناجمبك
فتحت عينيها بتثاقل :وجدت امجد وندي ووالديهم ومي جميعهم يقفون حولها تغمرهم الفرحه وتشع من عيونهم السعاده وجميعهم يهنئونها:مبروك يااسيل ، حمد لله علي السلامه ، الف مبروك
ابتسمت وهي تقول :انا جبت ايه فين البيبي
امجد بسعاده :بنوته زي القمر ياحبيبتي شبهك بالظبط خدي شوفيها
ندي:مبروك يااسيل مبروك ياحبيبتي بنوتك قمرايه ماشاء الله شبهي انا بالظبط
الجميع :ههههههههه
مي:هااه هتسموها ايه؟؟
اقترب امجد وجلس بجانب اسيل علي طرف السرير وقبلوا صغيرتهم معا وقالوا بسعاده تملأ وجههم:هنسميها
( نووووووور)
تمت بحمد الله