رواية حب الصدفة الفصل الثاني 2 بقلم شروق حسام

رواية حب الصدفة 

الفصل الثاني 2

بقلم شروق حسام



_" اه يا دماغي اه الصداع مش سايبني في حالي "


شيماء بصت حواليها لقت آسر واقف في زاوية بعيد مش مرئية اوي 


شيماء بسخرية " واقف ليه هناك يا شبح لتكون دراكولا وانا معرفش وبتحب تقف في الظلمة "


آسر بص بها بقرف وقال ببرود " عرفتي كل المعلومات عني دي منين "


شيماء بضحكة عالية " يااااا يعني انت خاطفني عشان كده انت ذكائك محدود اوي يا با "


آسر بص لها بغضب وحدة وهي كملت بضحكة أعلي " كله شغل روايات يا عم الحج "


شيماء بضيق وهي بتعقد حواجبها " انا عارفة في الآخر هنحب بعض ونتجوز "


كملت بذعر " يا خرااابي هو اللي كنت بقراه هيحصل فيا ولا ايه لااا يا عم روحني لأمي زمانها عاملة محشي ورق عنب وكرنب وكل الأصناف "


شيماء بثرثرة " مش عايزة اتمرمط انا واتجوز وتيجي تقولي راحة فين وجاية منين لابسة ده ليه اقلعي ده طب البسي ده كُلي ده متاكليش ده اغسلي لي رجلي ادعكي لي رأسي روحي امسحي السلم طب روحي امسحي القبو وانا عارفة القبو ده فيه ايه فيه فيران وصراصير وعناكب وهترميني هناك وهتعذبني زي روايات BTS أنا عارفة ظاااالم قتال قتلة ومفتري روووحني لاااامي "  


_" انا مش حمل الشرير بتاع الروايات انا عايزة اروح وأفضل مستنية شروق تنزل باقي رواية ميراث الشيطان احسن حساها مكسلة تنزل عايزة اعرف اللي هيحصل في الرواية تيجو انا بحبه اوي هو و الثلاثي المرح شذا وصبا وسهي ههههه وكمان هفضل مستنية باقي الكاتبات اللي بتابعهم ينزلوا " 


_" يلا بقي يا عم اخلص عايزة اروح هو انت ساكت ليه "


_" اه هتلاقيك عمال تفكر في طريقة تعذبني فيها ما انا فاهمة وعارفة حوارات الروايات دي قول قول متتكسفش "


آسر بشر " قصدك بفكر في طريقة اخرسك بيها ايه رايك ا*خيط لك بؤك "


شيماء بصت له بذعر وحطت ايدها علي بؤها بخوف " تف من بؤك انا هسكت لوحدي بس الا الطريقة دي بتفكرني بالشرير اللي كان في جودا أكبر "


_" يبقي اخرسي بقي واسمعي انا عايز منك ايه يا حلوة "


شيماء بإبتسامة بلهاء " سمعتك يا كبير قول كل اللي عندك وانا هعمل اللي انت عايزه "


كملت بهمس " اهم حاجة اروح انا تعبت عايزة اترمي علي السرير واحلم بأمير أحلامي ياااااا علي الراحة ساعتها " 


شيماء فاقت من شرودها بخضة علي صوت طرقعة صوابع آسر " حد يخض حد كده بردوه "


_" سيبك من احلامك البمبي دلوقتي وركزي في كل كلمة هقولها لأنك مش هتروحي غير لما تنفذي كل كلمة هقولها فاهمة "


شيماء بتنهيدة " فاهمة اشجيني وارغي بسرعة عايزة اروح "


آسر بص لها بقرف من طريقتها وبدأ يحكي لها كل اللي هو عايزه

              الفصل الثالث من هنا 

        لقراءة جميع فصول الرواية من هنا

تعليقات