رواية اوقعتني في حبها
الفصل التاسع والثلاثون 39 والاربعون 40
بقلم إسراء محمود
"أشعر بانى عاجز ....أشعر كاننى لا اقدر على الحركه ....أشعر وكان أحدا سكب على دلو من الماء البارد ....كيف يسرقونك منى يا حبيبتى وانا لا اقدر على فعل شئ"
كان هذا الكلام يدور فى ذهن ادهم عندما سمع صوت منه و هى بتستنجد بيه الشعور بالعجز هو من اصعب المشاعر
ادهم مسك تليفونه واتصل على مراد كذا مرة بس كل مرة لا يوجد رد
ادهم بعصبيه..اوووووف بقا رد يا اخى
ادهم خد حاجته ونزل جرى من القسم وركب عربيته
ادهم ساق بسرعه عاليا لحد ما وصل المكان المنشود وصل عند المول إللى كان فى موقع الحادث
ادهم اول ما وصل فضل يدور زى المجنون على إثر او دليل للخطف وطلع تليفونه وبدا يتتبع مكان تليفون منه لحد ما وصل المكان إللى اتخطفوا فيه
ادهم لقا كياس هكون منه مرميه على الأرض تليفونها واقع جمبيهم
ادهم راح بجنون عند كاميرات المراقبة
ادهم بعصبيه ..افتح بسرعه آخر ساعه على كاميرة المراقبة إللى ورا المول
الراجل بتاع الأمن ..وحضرتك مين علشان تومرنى انى افتحها
ادهم طلع الكارنيه بتاعه ورماه فى وش الراجل بعصبيه
الراجل بتوتر ..اسف يا باشا ثوانى وهورى حضرتك التسجيلات
بعد فترة اشتغل شريط التسجيل
ادهم بدا يتفرج بتركيز وشاف طفلته وهى بتكلمه فى التليفون وبتضحك بخجل وبرائه وفجأة عربيه سوداء كبيرة وقفت قدامهم ونزل منها اتنين بجسم ضخم ومش ظاهر من وشهم حاجه نزلوا ورشوا فى وش عشق مخدر وشالوها وبعدين رشوا فى وش منه نفس المخدر
ادهم بجنون وزعيق ..حيوانات هجيبكم يعنى هجبكم وساعتها مش هرحمكم
ادهم خرج وبدا يعمل اتصالته ورن تانى على مراد كذا مرة ومش بيرد
عند مراد وشاهى كانوا اقعدين فى مطعم شيك وفجأة مراد حس بشكه فى قلبه وحس بخانقه فجأة من غير سبب
مراد..ممكن نمشي بقا يا شاهي ولا هنفضل هنا كتير
شاهى بدلع ..ايه يا حبيبي زهقت منى ولا ايه
مراد ببتسامه مزيفه..لا طبعا يا حبيبتى بس انا ورايا شغل كتير
شاهى فى الوقت دا وصلها رساله من جاسر وكان مكتوب فيها " تمت المهمه بنجاح "
شاهى ابتسمت..خلاص يلا نمشي علشان شغلك انا مش هعطلك عليه
مراد حس بحاجه غريبه بس محبش يشغل نفسه وقام هو وشاهى وراحه عند العربيه
شاهى ببتسامه ..روح انت على شغلك وانا هاخد تاكسي اروح بيه
مراد ..عادى تعالى اوصلك الاول
شاهى..لا بلاش اعطلك يلا سلام
ومشيت شاهى من غير ما تنتظر رد من مراد على كلامها
مراد ركب عربيته وافتكر تليفونه وفضل يدور عليه بس ملقهوش وافتكر انه نزل من غيره اتحرك بالعربيه على القسم
عند مراد اول ما وصل القسم لقا العسكري دخل وراه المكتب
مراد ..فى ايه ومال شكلك متوتر كدا ليه
العسكري ..ادهم بيه قالب على حضرتك الدنيا
مراد باستغراب ..ليه ايه إللى حصل
العسكري..شكل حصل مصيبه يا باشا لان ادهم باشا خرج وهو متعصب ومش شايف قدامه
مراد ..طيب اتصلى بيه وخلى يجي عندى المكتب
العسكري ..امرك يا فندم
خرج العسكري وكلم ادهم وبلغه ان مراد وصل
عند رحمه وادم فى تركيا
تم كتب كتاب آدم ورحمه فى جو عائلي
آدم بمرح ..ايه يا عمى مش هنشوف العروسه ولا ايه
والد رحمه ..اصبر شويه يا آدم الصبر حلو
آدم ..لا كدا كتير انا صبرت كتير اووى خلى حد يدخل ينده عليها بدل ما ادخل انا
والد رحمه ضحك على تصرفات آدم المرحه.. حاضر هدخل انا اجيبها بنفسي علشان مش ضمنك لو دخلت
آدم ..ايوة كدا يا عمى هو دا الكلام ولا بلاش
والد رحمه دخل عند رحمه الاوضه وابتسم اول ما شاف بنته وجمالها
والد رحمه ..بنوتى الحلوة إللى بقت احلى عروسه فى الدنيا ديه كلها
رحمه بدموع ..انت إللى احلى حاجه فى دونيتى ديه كلها
والد رحمه دمعه نزلت من عنيه ..بحمد ربنا انى شوفتك عروسه قبل ما اموت الحمد لله انى اطمنت عليكى يا بنتى كدا اموت وانا مرتاح ومطمن عليكى
رحمه جريت على باباها وحضنته..بعد الشر عليك يا حبيبى ربنا يطول فى عمرك
والد رحمه ..يخليكى ليا يا حبيبتى يلا بقا نطلع ل آدم بدل ما يموتنا كلنا بسببك
رحمه بكسوف ..طيب يا بابا شكلى حلو
والد رحمه زى القمر يا حبيبتى
رحمه بتوتر..طيب يلا
خرجت رحمه هى وباباها عند آدم
آدم اول ما شاف رحمه اتصدم من جمالها ورقتها حس انه شايف حوريه طالعه من البحر ملهاش مثيل من كتر جمالها حس انه مش قادر يكلم او نسي الكلام إللى كله هيقوله
فاق آدم على صوت رحمه المتوتر ..فى ايه يا آدم بقالك اكتر من ربع ساعه بتبصلي من غير ما تقول حاجه حتى اهلك واهلى خرجوا برا علشان يسبولنا مساحه نكلم
آدم انتبه انهم لوحديهم فى الاوضه وسألها سوال غبي جدا ..هو انتى حقيقيه فعلا
رحمه باستغراب ..فى ايه يا آدم ايه السؤال الغريب دا بس على العموم اة حقيقيه يا سيدي
آدم..طيب ايه رايك اقترح عليكى اقتراح
رحمه..ايه هو
آدم بخبث ..ايه رايك اخطفك شويه
رحمه باستغراب وعدم فهم ..تخطفنى ازاى يعنى وبعدين إللى بيخطف دا بيستاذن اصلا
آدم وهو بيصطنع التفكير ..صح عندك حق المفروض أنفذ على طول
رحمه ..قصدك ايه
آدم مرة واحده شالها زى شوال البطاطس ..هخطفك فعلا اهو
رحمه بصدمه ..نزلنى يا مجنون
آدم..لا مش هنزلك
خرج آدم برا اوضه الصالون ولقا الكل واقف برا الاوضه
آدم..سلام يا عمى انا هخطف بنتك شويه
والد رحمه ..واخدها على فين ياض انت
آدم..مراتى وانا حر بقا متخافش هرجعهالك بس كمان شويه
والد رحمه..استنى بس فهمنى وخدها ورايح بيها على فين
آدم ..مش دلوقتى مش فاضي
آدم فتح الباب ونزل برحمه إللى كانت عماله تصرخ وتقوله نزلنى
آدم ركب رحمه العربيه وركب هو وساق بسرعه عاليا
رحمه بعصبيه ..اولا ايه إللى انت عملتوا فوق دا كسفتنى قدامهم ثانيا واخدنى على فين
آدم بغمزة..هخطفك يا جميل وبعدين بلاش الكسوف دلوقتى خليه لبعدين
رحمه فهمت هو بيرمى على ايه واكسفت
آدم..ايوة انا عايزك تفضلي ساكته كدا لحد ما نوصل
رحمه سكتت وفضلت باصه على الشباك لحد ما وصلوا قدام عمارة كبيرة جدا او بمعنى اصح برج
آدم نزل وفتح لرحمه الباب ..انزلى
رحمه نزلت من العربيه وبصت للبيت باستغراب..احنا جاين هنا ليه ولمين
آدم..ممكن تبطلى اساله كتير ويلا نطلع
رحمه بعند ..لا مش هطلع غير لما افهم احنا طالعين فين
آدم وهو بيقرب منها وبيشالها ..شكل عجبك موضوع انى اشيلك دا
رحمه وهى بتضربوا على ضهروا ..نزلنى يا مجنون نزلنى يا آدم بقا
آدم ..ابدا مش هنزلك دلوقتى
آدم ركب الاسانسير وداس على الطابق 11 وقف الاسانسير على الطابق المطلوب آدم نزل رحمه قدام باب شقه وطلع مفتاح وفتح الباب
آدم..ادخلى يا اميرتى الجميله
رحمه بعدم فهم ..ادخل فين وليه
آدم ببتسامه ..ادخلى بيتك
رحمه بصتلوا باستغراب ..بيت مين
آدم..بيتنا يا حبيبتى وشدها آدم على جوا الشقه
رحمه اول ما دخلت لقت ورد كتير على الأرض وصور كتير ليها وصور ليها هى وادم فى فرح عشق وصور مجنونه ليها هى وادم وصور من اول مقابله بنهم وصورة ل اول مرة آدم بداء يغير على رحمه فيها كان كل صوره ليها حدث معين وذكرى معينه
رحمه ..ايه كل الحاجات ديه انا مش فاه....
آدم حط صباعه على شفايفها..هشششش ممكن بقا تسكتى وتسمعينى لحد الاخر وانا هفهمك كل حاجه
رحمه تاهت اول ما آدم حط صباعوا على شفايفها حست كان كهرباء ماشيه فى جسمها حست برعشها فى جسمها كلوا من أثر لمسه آدم
فاقت على صوت آدم إللى بدا يكلم .. عارف انك مستغربه تصرفاتى اسلوبي إللى اتغير معاكى عارف انك عندك مليون سؤال عايزة تعرفي إجابته
بصي يا رحمه انا فعلا فى البدايه كنت حاسس بشعور ناحيه عشق حسيت بإعجاب كبير اوى ناحيتها من ناحيه اخلاقها اسلوبها طريقتها وخجلها حبيت فى عشق صفاتها مش حبيت عشق نفسها كنت شايف انى لو مجوزتش عشق الدنيا هتنتهى
كنت فاكر ان مفيش حد زى عشق ولما عشق اختارت مراد حسيت بكسرة وجع فى قلبي وبقيت مش عارف ربنا بيعاقبنى على ايه مكونتش اعرف ان ربنا خد عشق منى علشان انتى تظهرى فى حياتى
اول ما قابلتك حسيت بنجذاب ناحيتك بس كونت بقول لازم افوق ومقررش غلطتى تانى بس بدأت احبك وبدأت اغير عليكى وبقيت بفكر فيكى ليل ونهار حاولت اطلعك من قلبي بس معرفتش ومع الايام بدأت انسي عشق او حتى لما افتكرها احس بلا مبالاة ناحيتها
بعدين لما حسيت انك ممكن تضيعي منى وحد تانى ياخدك منى حسيت بالجنون وانى لازم اتصرف محستش
بنفسي غير وانا رايح لباباكى وبطلبك منوا اول ما انتى وافقتى حسيت انى أسعد انسان على وجه الأرض
و لما شوفتينى فى فرح عشق بابص عليها دا كان نظرة حزن على أنها ظلمت نفسها واجوزت مراد وانا عارف ان مراد انانى وهيجرحها
بس مقدرتش اقولك كدا او اقولك انى بحبك ايوة يا رحمه بحبك ومحبتش حد غيرك وحبي لعشق دا كان مجرد حب أخ ل إخته انتى حبي الاول والاخير انتى إللى عايز اكمل معاها حياتى انتى إللى عايزاها ام لولادى بحبك يا رحمه
رحمه كانت دموعها نزله من كلام آدم وحست انها هطير من كتر الفرحه ..بجد يا آدم بتحبنى انا بحلم صح
ادم قرب منها جامد لحد ما بقاش فى حاجه بتفصل بنهم ..انا مش بحبك بس انا بقيت بعشقك مهوس بيكى
رحمه نطقت بدون وعى ..وانا بحبك اووى يا آدم
آدم كان مركز مع شفايفها إللى بتعترف بحبها ليه وحس برغبه جامحه فى تذوق اول قبله بينهم ..اسف انى هعمل كدا بس الجمله بتاعتك ديه ماينفعش الرد عليها بالكلام لازم أفعال
رحمه كانت لسه بتحاول تستوعب كلامه وقصده بس اتفاجأت بيه بيقرب وبيبوسها بعنف وجنون وشوق ....رحمه اتصدمت وحاولت تبعد عنوا بس هو كان محكم ضغطه عليها رحمه هديت وحست باستسلام كل حواسها لجنونه آدم حس باستسلمها بعد لثانيه وبص في عنيها إللى كانت بتلمع وبص على شفايفها إللى ورمت أثر جنونه وشوقه ليها آدم قرب منها تانى وباسها بلهفه وشوق أكبر من الاول رحمه رفعت ايديها بتردد وحوطه رقبه آدم
آدم حس بيها وبدا يتعمق فى القبله
بعد فترة من الزمن آدم بعد وهو بيحاول ياخد أنفاسه
آدم بهمس ..يلا نروح علشان مش ضامن نفسي لو قعدنا اكتر من كدا
رحمه بتوتر وخجل ..ا ...ااااة يلا ننزل
آدم شدها لحضنوا ..بحبك اووى
رحمه..يلا يا آدم نمشي
ادم ..اوك يلا ونزل آدم ورحمه وركبوا العربيه وادم وصل رحمه على بيتها وروح وهو فى غايه السعادة
عند ادهم ركب عربيته وصل القسم بسرعه جنونيه ودخل مكتب مراد وهو مش شايف قدامه
ادهم اول ما شاف مراد قدامه ضربوا بالبوكس ..فين عشق ومنه يا مراد
مراد رفع وشه إللى كان بينزف من ضربة ادهم ليه باستغراب ..وانا هعرف منين اكيد فى البيت يعنى
ادهم ..بجد انت ايه مخلوق من ايه انت مش بنى آدم زينا مش بتحس منه وعشق اتخطفوا وانت تقولى اكيد فى البيت
مراد بصدمه..عشق اتخطفت
ادهم بغضب ..اة يا سيدي تصدق اتخطف ومش عارفين نوصل لحاجه عن إللى خطفهم
مراد بدأ يستوعب كل حاجه شاهى والرساله اللى وصلتلها وهو قاعد معاها وتوترها وهربها السريع قبل ما حد يكشفها
مراد بغضب ..اة يا شاهى الكلب و المصحف ل اجيبك
ادهم ..شاهى ايه وزفت ايه دلوقتى
مراد..انا هعرف اوصل لعشق ومنه
ادهم باستغراب ..ازاى
مراد ..انا عارف مين إللى عمل كدا
ادهم ..مين
مراد ..فريد وابنه جاسر وشاهى الزباله
ادهم بصدمه..نعم ودول عملوا كدا ليه
مراد ..تار قديم وجاسر جى ياخده دلوقتى هو وشاهى
ادهم ..وانت عرفت منين
مراد..مش دلوقتى تعالى نتحرك بالعربيه واحكيلك واحنا فى الطريق
ادهم ..ماشي
راح ادهم ومراد وركبوا العربيه
مراد ..بص يا سيدي ....
فلاش باك
مراد كان قاعد فى مكتبه وسرحان فى عشق وبيفكر ازاى واحده زى عشق بكل البراءة ديه ممكن تخونه هو شايف نظرة حبها ليه في عنيها شايف انكسارها من إللى عملوا فيها
فى الوقت دا قطع عليه وصلت تفكيره دخول العسكري إللى بلغوا ان فى حد مهم عايز يقابله
مراد سمح ليه بدخول ودخل اخر شخص يتوقعه كان عمرو مراد اول ما شاف عمرو كل عفريت الدنيا جت فى وشه وقرب منه وضربه بالبوكس
مراد بغضب ..يا حيوان يا زباله ايه إللى جايبك هنا
عمرو وهو بيتالم..اسمعنى بس وانت مش هتندم
مراد بغضب ..اسمع ايه تانى كفايه لحد كدا
عمرو..انا جاى احذرك واعرفك انا عملت كدا ليه
مراد ..تحذرنى من مين
عمرو ..من واحده اسمها شاهى واحد اسمه جاسر فريد ابن أكبر تاجر مخدرات إللى انت قبضت عليه
مراد بصدمه ..هو جاسر لسه عايش
عمرو ..ايوة يا مراد واحنا عملنا كل دا علشان نوقع بينك وبين عشق وانا اشتركت معاهم علشان بحب عشق بس اكتشفت انى كونت اعمى مش شايف غير الحاجه إللى فى ايد غير مكونتش شايف البنت إللى بتحبنى من كل قلبها واللى خلتنى احبها واعرف معنى الحب الحقيقي وهى إللى شجعتنى اجى اقولك بس فى نفس الوقت كان لازم ابين ليهم انى معاهم علشان اعرف تفصيل اكتر اقدر اقولهالك
مراد بصدمه.. يعنى عشق مكانتش بتخونى
عمرو ..لا يا مراد ودا تسجيل باللى حصل بعد ما انت اتحركت بالعربيه
مراد مسك التسجيل وشاف عشق وهى بتزق عمرو وبتضربه بالقلم قدام الجامعه كلها
مراد حس بقد ايه هو ظالمها وجرحها حس قد ايه صعب عشق تسامحه حس انوا نفسه الزمن يرجع لورا وهو مش هيشك فيها تانى
عمرو..انا جيت احذرك خد بالك من جاسر وشاهى علشان دول ناوين يخطفوا عشق
مراد بغضب ..دا انا اقتلهم قبل ما هما يعملوها
عمرو ..لازم تهدى وسيب كل حاجه ماشيه زى ما هي علشان هما مراقبينك كويس واتمنى انك تسامحنى انا فعلا ندمان
مراد ..انا مسامحك بس اتمنى انك تساعدنى بعد كدا
عمرو ..متخافش اى حاجه عايزاها انا معاك
مراد ..تمام شكرا يا عمرو
عمرو ..العفو وخرج عمرو من المكتب بتاع مراد وساب مراد بيفكر فى إللى هيحصل بعد كدا
انتهى الفلاش باك
ادهم ..يعنى انت كنت عارف انهم هيخطفوها وسبتها ليهم
مراد ..مكونتش اعرف انهم هينفذوا بسرعه كدا
ادهم ..طيب ليه جاسر بيعمل كدا
مراد بتنهيدة ..ديه قصه طويله اووى مش واقتها دلوقتى
ادهم..طيب هنعمل ايه
مراد ..مقدميش حل غير عمرو ممكن يكون عارف مكانهم
ادهم ..طيب اطلع على شقته بسرعه
مراد ساق بسرعه جنونيه لحد ما وصل قدام عمارة عمرو
مراد وادهم نزلوا وطلعوا لحد شقه عمرو لقوها الشقه مفتوحه وفى أثر ازاز على الأرض وأثر دم والدنيا متبهدلة
وشاف ادهم ومراد بنت جميله مرميه على الأرض وباين انها مغمى عليها
مراد جرى وبدا يفوق البنت ديه لحد ما فاقت وبدأت تعيط بشكل هستيري
مراد ..ممكن تهدى وتعرفينى ايه إللى حصل هنا وفين عمرو
البنت بدموع ..انا ابقا خطيبت عمرو
مراد ..طيب فين عمرو
البنت بعياط اكبر..فى ناس جم هنا وخطفوا عمرو ورشوا حاجه فى وشى واغمى عليا و معرفش ايه إللى حصل بعد كدا
مراد بغضب ...ااااااااااااة جاسر الكلب لعبها صح
ادهم..اهدى يا مراد لازم نفكر كويس هنعمل ايه
مراد بغضب ..نعمل ايه فى ايه انا واقف مكتف مش عارف اوصل لعشق ولا عارف اعمل حاجه وانت بتقولى اهدى
البنت بدموع ..ارجوك انقذ عمرو
مراد ..اوعدك انى هرجعهولك
البنت بصتلوا بشكر
مراد خد ادهم ونزلوا وبدا مراد يعمل اتصالته واتصل على العسكري بتاعه
مراد..عايزك تتبع الرقم دا وداله رقم عمرو واول ما تعرف المكان إللى هو موجود في قولى بسرعه مفهوم
العسكرى ..امرك يا باشا
ادهم بسخريه..وانت متوقع ان جاسر هينسي موضوع موبيل عمرو دا
مراد بتأكيد وثقه ..ايوة لانه مركز مع الاهم وهما منه وعشق هو خطف عمرو علشان ميبلغش عنه لما الخبر ينتشر وعلشان بردو يكون هو فى السليم
ادهم ..وانت جايب الثقه ديه كلها منين
مراد ..انا عارف تفكير جاسر كويس وعلشان كدا بقولك إللى هيحصل
فى مكان تانى على طريق الصحراوى فى مخزن كبير مهجور كانت عشق ومنه بدأوا يفوقه من أثر المخدر
عشق اول ما فتحت عنيها بدأت تستوعب إللى حصل وان هى ومنه اتخطفه واول ما الرايه بدأت توضح عندها شافت جاسر قاعد قدامها على الكرسي وحاطت رجل على رجل
عشق بصدمه ..جاسر
جاسر ضحك بشر ..ايوة جاسر يا حلوة جاسر إللى حبك من كل قلبه وكان مستعد انه يبطل انتقامه لو انتى اختارتيه وسبتى مراد الكلب بس طبعا انتى حبك عماكى وسابك متمسكه بواحد زى دا
عشق بحده ..تصدق انك اكتر انسان صعبان عليا لأنك للاسف مريض مريض بالنقص لا وجى طلع مرضك دا علينا لا روح اتعالج احسن بس بعيد عننا وخليك فاكر انا بتاعت مراد وبس مراد حبيبى وبس وهفضل جوزى لحد اخر نفس فيا
جاسر مقدرش يتحكم فى أعصابه ضرب عشق بالقلم ومن قوة القلم رأس عشق اتخبطت فى الحيطه ..لا فوقى بقا يا حلوة مراد إللى انتى طالعه بيه سابع سماء دا كسرك وجرحك علشان شافك فى حضن عمرو عارفة عمل ليه كدا علشان مش واثق فيكى علشان شايفك واحده من العاهرات إللى قدامه ليل نهار علشان مش شايفك زوجه اصلا مراد دا كسرك بسبب شويه صور اتبعتله وانت شافك فى حضن راجل تانى ايه رايك بقا فى حبيبك
عشق كانت مصدومه ومنه متابعه كل الحوار وهى كمان مصدومه من إللى عمله مراد
عشق بصريخ..انت اكيد كداب مراد اكيد معملش كدا علشان مش واثق فيا انت بتكدب صح رد عليا انت بتكدب
جاسر بسخريه..لا يا عشق هانم وهجبلك دليل كمان
جاسر بصوت عالى..يا بورعى هات عمرو من الاوضه إللى جوا
بورعي..تحت امرك يا باشا
ودخل بورعى شد عمرو من ايديه وخرجه عند جاسر
عشق اتصدمت لما شافت عمرو وشافت كمان حالته وشه إللى مليان دم وجروح
عمرو بندم ..اسف يا عشق انا عملت كدا علشان كنت فاكر انى بحبك ساعدتهم وانا معرفش نيتهم ايه من ناحيتك انتى ومراد ولما عرفت ندمت يا عشق والله ندمت سامحينى يا عشق
عشق بصريخ..انتوا ايه بقا شياطين انتوا اكيد مش بنى ادمين زينا بتحسوا وتخافوا من ربنا ليه تعمله فيا كدا ليه
جاسر بعصبيه ..بعمل كدا علشان اكسر مراد فيكى علشان اعذبه علشان اخليه يخسر اغلى حاجه فى حياته زى ما خسرنى اعز حاجه فى حياتى
فى الوقت دا دخلت شاهى مبتسمه بنصر ..اتأخرت عليك يا حبيبي
عشق بصدمه ..شاهى انتى كمان معاهم
شاهى ببرود ..sure ya baby
منه هنا فاقت..انته عايزين مننا ايه سبونا فى حالنا لو عايزين تنتقمه انتقموا من إللى اذائكم مش احنا
شاهى قربت من منه وضربته بالقلم..انتى بذات تسكتى خالص انا هخليكى تتمنى الموت ومش هموتك
منه بسخريه ..وانتى كمان بتنتقمى منى ليه
شاهى ..علشان جوزك الكلب التانى ضربنى وهددنى انى لو مبعدتش عن مراد هيقتلنى وانا وعدته انى هكسروا فى اعز حاجه عندوا وانتى اغلى حاجه عنده يا منه هانم
منه بعصبيه ..انتى ايه انس ولا جن انتى اكيد مش بشر
شاهى ..ياريت تسكتى وتوفري كلامك دا لوقت تانى علشان هتحتاجيه بعدين
عند مراد وادهم
العسكري اتصل بمراد وبلغه بمكان عمرو
ادهم ..هاا قالك ايه
مراد ..فى مخزن على الطريق الصحراوي
ادهم ..طيب يلا بسرعه نلحق قبل ما حد يعمل فيهم حاجه
مراد كان لسه هيتكلم بس قطعوا صوت التليفون وكان احمد إللى بيتصل
مراد ..الو يا احمد
احمد بغضب..فين اخواتى يا مراد باشا
مراد بسخريه ..لسه فاكر اخواتك
احمد بغضب ..خدتوا اخواتى وادتهم فين
مراد بغضب ..مش انا إللى خدتهم يا احمد باشا اخواتك اتخطفوا
احمد بصدمه ..نعم انت اجننت انت بتقول ايه
مراد بغضب ..ايوة عشق ومنه اتخطفوا يا احمد باشا انت خايف على عشق منى وخايف انها تضيع معايا ايه ضاعت وهى معاك
احمد بغضب ..اسكت بقا انا عايز اخواتى مليش دعوه عايز اخواتى يا مراد فاهم
مراد بغضب ..وانا هرجعهم بس انسي انك تاخد عشق منى تانى
وقفل مراد فى وشه السكه
مراد ساق العربيه بطريقه جنونيه لطريق مصر الصحراوي
عند احمد كان عمال بيكسر فى اوضته
احمد بغضب ..اغبي ايوة انا غبي انا إللى سبتهم لوحدهم انا السبب
سهام جت تجرى على اوضه ابنها كانت خايفه ل يكون عمل فى نفسه حاجه
سهام ..فى ايه يا احمد بتصرخ كدا ليه
احمد بدمعه نزلت من عنيه ..انا غبي انا ضعيف انا عاجز يا امى عاجز ومقدرتش احمى اخواتى
سهام جريت وحضنت ابنها .. اخواتك مالهم يا احمد وليه بتقول كدا
احمد بضعف ..اخواتى اتخطفوا يا امى وانا مش عارف اتحرك ولا اعمل حاجه
سهام ..انت بتقول ايه يا احمد انت بتعمل فيا مقلب صح انتوا عايزين تعرفوا انتوا غالين عندى قد ايه صح
وكملت بدموع ..انتوا لو عايزين تعرفوا غالوتكم بلاش تعملوا فيا كدا انتوا اغلى حاجه عندى انا معنديش حاجه اغلى منكم قولى يا احمد انك بتكدب عليا وانا اخواتك راجعين دلوقتى
احمد فضل ساكت ومش عارف يرد على أمه يقولها ايه يقولها انوا أخ فاشل يقولها انوا مش قد المسؤليه إللى ابوه سبهالوا يقولها ايه
سهام بدموع وانهيار .. انا عايزة اخواتك يا احمد رجعلى عيالى يا احمد انزل هاتلى عيالى
احمد بدموع ..اهدى يا امى انا كلمت مراد وهو قالى انه رايح يجبهم
سهام بدموع ..انا قلبي مش مطمن قلبي بيقولى ان عيالى هيحصلهم حاجه
احمد..طيب وحياتى عندك تهدى وانا هتصل بمراد اشوفهم فين وأروحلهم
سهام بدموع ..مش ههدى غير لما عيالى يرجعوا لحضنى فاهم
احمد ..حاضر يا امى انا هنزل
عند مراد كلم القسم عندوا يبعتلوا قوة على هناك
فى المخزن عند عشق ومنه
منه ..عشق ردى عليا بلاش تسكتى كدا يا عشق
عشق الصدمه مخليها مش عارفة تكلم هى شايفه كل حاجه ضاعت حبها لمراد كان مجرد ساراب
منه بدموع..عشق بلاش تعملى فى نفسك كدا وبعدين التمسي ليه العذر هو بردو شاف مراته وحبيبته فى حضن راجل غيره
عشق بصريخ ..عذر ايه هو مثلا ضربنى بالقلم ولا كسرلى ايدي لا دا كسر قلبي كسر كل حاجه فيا عارفة يعنى ايه يشبهنى بالعاهرات بتوعه انتى متخيله هو شايفنى ازاى انتى متخيله هو عمل فيا ايه دا كان مشغلنى عندوا خدامه دا مش كسرنى دا موتنى دا عذبنى وبتقوليلى سامحى يا عشق اديلوا العذر لا يا منه والف لا
منه ..طيب اهدى يا عشق اهدى يا حبيبتى
فى الوقت دا عند شاهى وجاسر
شاهى بشر ..انا مش عجبنى انك سايبهم كدا
جاسر ..عايزة ايه طيب
شاهى ..عايزة منه طيب زيها زي اي بنت رخيصه
جاسر بشر ..قصدك اخلى حد يغتصبها
شاهى بشر ..بظبط كدا
جاسر ..اومرك يا قمر
وكمل جاسر ونده على بورعى
بورعى ..نعم يا بيه
جاسر بشر ..عايزك تتمتع انت والرجاله شويه
بورعى بشر وعيون بتلمع ..طيب هنبدا بانهى واحده فيهم الصغيرة ولا الهانم التانيه
جاسر ..لا الصغيرة الهانم محدش يجي جمبها ديه انا هتمتع بيها انا لوحدى
بورعى بعيون لمعه ..ماشي يا باشا تشكر
وخرج بورعى وراح عند منه وعشق
بورعى قرب من وفك ايديها وشدها عليه
منه زقته..ابعد يا حيوان انت ماسكنى كدا ليه
بورعى شدها عليه اكتر ..لا اهدى يا حلوة خلى المقومه ديه لبعدين
عشق وهى بتحاول تفك ايديها ..ابعد عنها يا كلب انت عايز منها ايه
بورعى ..ملكيش في انتى
وقرب بورعى من منه وشالها
منه بصريخ ..نزلنى ارجوك نزلنى سبنى
عشق بدات تعيط وتصرخ ..نزلها واعمل اى حاجه فيا انا هى لا نزلها بقا
بورعى..كان نفسي والله اسيبها واخدك انتى بس ديه أوامر
وخد بورعى منه ودخلها اوضه قريبه من عشق
واول ما دخلها رماها على السرير وبدا يقرب منها
منه بصريخ وبتحاول تبعد ..ارجوك ابعد عنى بلاش تعمل فيا حاجه ارجوك
بورعى برغبه ..اوعدك انك هتتبسطى
منه بصريخ ...يا ادهم الحقنى يا ادهم
ادهم فى الوقت دا حس ان قلبه بيتقطع ..مراد يلا نهجم انت مستنى ايه
مراد ..مستنى القوة علشان انت شايف الكلب حاطت قد ايه حراسه عليه يعنى لو نزلت انا وانت هنموت
ادهم الوجع بتاعه بدا يزيد ..لا انا مش هستنى انا هنزل واهجم لوحدى ولو انت عايز تيجي تعالا لو مش عايز براحتك انا مش هقدر اصبر
مراد خد سلحه ونزل مع ادهم ..بص انت ادخل من الباب إللى ورا وانا هدخل من الباب الرئيسي
ادهم ..تمام
ادهم بدا يدخل من الباب الرئيسي
فى الوقت دا كانت منه عماله بتقاوم الكلب بورعى
منه بصريخ ..ابعد عنى يا حيوان يا ادهم الحقنى بقا
بورعى كان بيحاول يكتم صوت منه بس مش عارف بدا يضرب فيها جامد لحد ما وشها كلوا بدا ينزف
عند عشق كانت بتتقطع وهى سامعه صوت صريخ منه وحاسه انها مش عارفة تعمل حاجه
جاسر فى الوقت قرب منها وهو بيضحك ضحكه شريرة ..تؤ تؤ بلاش الدموع ديه خليها للى جى
عشق ردت تصرخ بطريقه هستريه.. خليه يسيبها ونبي خليها يسيبها وخلينى انا مكانها بس هى لا
جاسر ..وانتى ومتسرعه ليه ما انتى هتبقي زيها بس معايا انا يا جميل
عشق تفت فى وشه ..التفو على اشكالك انت مش بنى ادم انت خنزير حيوان
جاسر..انا خنزير صح
عشق ..اة
جاسر ..وحيوان
عشق..ايوه وزباله
جاسر بغضب ..وانا هوريكى الحيوان والزباله والخنزير هيعمل فيكى ايه
جاسر بدأ يضرب فيها لحد ما مانخيرها نزفت
فى نفس الوقت دا كان ادهم هجم من الباب الخلفي وسمع صوت صريخ منه واسمه إللى هى بتستنجد بيه
ادهم دخل بكل عصبيه على الاوضه إللى فيها صوت صريخ منها وانصدم لما شاف هدوم منه متقطعه وكلى بورعى بيحاول يعتدى عليها
ادهم دخل بكل عصبيه وبدا يضرب فيه بغيظ وعصبيه الرجل الشرقي
ادهم بعصبيه ..يا كلب يا زباله ***** انا هوريك ازاى تتجراء وتحاول تعمل كدا فى مرات ادهم
بورعى وهو بيحاول ياخد نفسه ..ديه أوامر من شاهى وجاسر بيه
ادهم ..انا هندمكم كلكم على إللى عملتوه دا
ادهم سمع صوت همس منه الضعيف باسمه
ادهم ..حبيبتى انتى كويسه الكلب دا عمل فيكى حاجه
منه بضعف ..انا كويسه يا ادهم الحمد لله جيت فى الوقت المناسب
ادهم حضنها ..حبيبتى انا اسف انا المذنب انا إللى معرفتش احميكى
منه بصوت متعب ..لا يا حبيبي انت ملكش ذنب
ادهم قلع الجاكيت بتاعه ولبسه لمنه ..طيب يا حبيبتى تعالى اخرجك من هنا علشان اعرف انقذ عشق ومراد
منه ..ماشي يلا
ادهم سند منه ولسه كانوا هيخرجه بس لقا شاهى واقفه فى وشهم
عند مراد دخل لقا جاسر بيضرب فى عشق
مراد بغضب ..جاسر
جاسر لف بصدمه ..انت جيت هنا ازاى
مراد بسخريه..ايه مكونتش عارف انى هعرف اوصلك حتى لو كونت فين
جاسر ..كنت عارف انك هتوصلي بس مش بسرعه ديه
مراد ..لما يكون الأمر متعلق بمراتى وحبيبتى يبقا لازم اعرف طريقك بسرعه
جاسر طلع سلاحه..يبقا انت جيت علشان تموت
مراد ..نزل السلاح دا يا شاطر علشان متتعورش
جاسر بسخريه..لا مش هتعور يا مراد باشا انا إللى هموتك واخد حق امى إللى ماتت بسببك امى إللى انت والكلب فريد كونتم سبب موتها فاكر يا مراد باشا لما جيت عندنا البيت وانا كان عندى وقتها 17سنه دخلت ساعتها وسالت على فريد الكلب وبكل دم بارد قولتلها فين جوزك تاجر المخدرات فاكر يا مراد
مراد رجع بذاكرته لعشر سنين فاتوا
فلاش باك
مراد كان لسه متعين جديد وكان تحت التدريب وكان مكلف بمهمه القبض على فريد راح عند بيت فريد
وفتحتلوا جاسر
مراد دخل واقتحم البيت ..فين فريد
مامت جاسر ..نعم انا مراته انت عايزوا في ايه
مراد ..مطلوب القبض عليه
مامت جاسر شهقت بفظع ..ليه يا باشا
مراد بكل برود ..جوزك تاجر مخدرات
مامت جاسر ..نعم يا باشا اكيد لا اكيد الكلام دا مش حقيقي
جاسر ادخل فى الحوار ..انا بابا عمروا ما يعمل كدا
مراد..ابعد بعيد انت يا شاطر وانتى يا ست انتى هتقولى جوزك فين ولا هتيجي تشرفينا معانا فى القسم لحد ما جوزك ما يظهر
مامت جاسر بدموع ..ولا ما اعرف عنوا حاجه يا باشا
مراد ..يبقا مقدميش حل تانى هاتوها على البوكس
جاسر بدموع ..ارجوك سيب امى هى ملهاش ذنب
مراد زقوا بعيد عنوا وركب البوكس وخد معاه ام جاسر
انتهى الفلاش باك
جاسر بدموع ..فاكر انت عملت فيها ايه فاكر لما فضلت عندكم تالت أيام وبعدها لقتوها مايته بسكته قلبيه من كتر حزنها وكسرتها على إللى جوزها عملوا وانوا مفرقش معاها انا لسه لحد انهاردة فاكر اليوم إللى جيت فى واستلمت جثة امى لسه فاكر دموعى لسه فاكر قسوة الحياة إللى عشت فيها لحد ما كبر الانتقام جوايا انى لازم اخد حق امى إللى انت وفريد باشا كان ليكم ايد في موتها
مراد..جاسر انا عملت كدا علشان اخلى ابوك يجي برجليه لحد عندى وامك انا كنت مقعده فى مكتبي الشخصي احلفلك بايه انى مخلتهاش تبات فى السجن ليله واحده
جاسر ..مش مصدقك يا مراد وهنتقم منك وهقتلك جاسر رفع مسدسه فى وش مراد
عشق كانت متابعه كل ده فى صدمه وخوف على مراد وفجأة دخلت القوات إللى تبع مراد ومسكت جاسر من ورا وشلت حراكته
جاسر بجنون ..سبونى أقتله وبعدين اسجونونى سبونى هقتلك يا مراد يعنى هقتلك
عند ادهم ومنه اول ما خرجه من الاوضه لقوا شاهى واقفه قدامهم وماسكه مسدس
شاهى بسخريه ..انت فاكر انك هتخرجوا كدا بسهوله لازم حد فيكم يخرج ميت او انتم الاتنين تموتوا
ادهم ..ابعدى عنى يا شاطرة وبلاش تلعبي فى عداد عمرك
وزقها ادهم وشد منه وبدا يخرج من الباب
فجأة سمع صوت شاهى وهى بتنده عليه
شاهى...ادهم
منه لفت بسرعه شافت شاهى وهى بتوجهه المسدس على ادهم وكانت هتقتله
منه وقفت قدام ادهم من غير تردد وانطلقت رصاصه من مسدس شاهى واخترقت جسم منه
فى الوقت دا القوات دخلت وشدوا شاهى إللى كانت بتضحك بهستريه
شاهى وهى بتضحك ضحكه جنونيه ..خدت حقى يا ادهم كسرتك يا ادهم
ادهم كان واقف مصدوم شايف منه وهى بتقع من ايده وهى غرقانه دم
ادهم بفزع وصريخ...منه ...حبيبتى ردى عليا ابوس ايدك ردى عليا
منه فتحت عنيها فاتحه صغيرة وكلمت بتعب ..ادهم حبيبي بحبك اووى
ادهم بدموع ..هششش متكلميش دلوقتى هتيجي الاسعاف وهتبقي كويسه
منه رفعت ايديها بتعب على وشه ومسحت دموعه ..بس انا مش بحب اشوف دموعك ديه ينفع اموت كدا وانا شيفاك بتعيط اوعدنى يا ادهم انى لما اموت هتعيش حياتك عادى وهتجوز وتخلف الاولد إللى كنت هخلفهم انا وانت اوعدنى تيجى تزورنى فى القبر كتير
ادهم بدموع ..بس بقا يا منه انتى مش هتموتى انتى هتفضلي عايشه معايا لازم تعيشي يا منه لازم
منه بتعب ..بتحبنى يا ادهم
ادهم بدموع ..بعشقك
منه ابتسمت ..وانا بحبك وبعدها منه قفلت عنيها
ادهم صرخ ....لا فوقى يا منه منه ااااااااة يارب بلاش تخدها منى انا مقدرش اعيش من غيرها
#الفصل_٤٠
الفصل 40
قفنا الفصل إللى فات عند لما منه اضرب عليها نار من شاهى
ادهم بصريخ ..منه فوقى بلاش الهزار دا فوقى واوعى تسبينى انتى كل حاجه بنسبالى انتى النفس إللى بتنفسه انتى إللى عايش علشانها انتى كونتى حلمى إللى عايز اوصله مش بعد ما وصلتلك تموتى فوقى بقا ارجوكى فوقى يا منه
مراد وعشق اول ما سمعه صوت الرصاص وصوت ادهم وهو بيحاول يفوق منه وصوت صريخه جريوا على المكان إللى ادهم فى
عشق اتصدمت لما شافت ادهم حاضن منه إللى غرقانه دم وشها شاحب زى الاموات وادهم إللى بيعيط وحاضن منه
عشق وقعت على الأرض جمب منه
عشق كانت بتضحك بشكل هستيري ..منه انتى بتهزرى صح دا مقلب من مقالبك التقيله صح ردى عليا انتى مش بتردى ليه اكيد مش هتسبينى مش هبقا خسرت جوزى وحبيبي وبابا وشغلى وكل حاجه وانتى كمان تسبينى انتى هتقومى دلوقتى وتقولى انك بتهزرى صح وبدأت عشق تعيط بطريقه هستريه قومى بقا فوقى لازم تفوقى طيب اقولك فوقى وخدينى معاكى انا مش هعترض على الموت دا اكتر حاجه انا بتمناها دلوقتى بس متسبنيش لوحدى يا منه
مراد طلع بسرعه تليفونه ..انتوا يا حمير فين الإسعاف
العسكري بتوتر ..هى يا فندم فى الطريق
مراد بغضب..وكانت فين من كل الوقت دا كلكم هتتحاسبوا بس حسابكم بعدين
مراد قفل التليفون وقرب من منه علشان يشيلها ويحطها فى العربيه بس ادهم وقفه
ادهم بغضب ..ابعد ايدك ديه عنها واوعى تلمسها انت السبب فى كل إللى بيحصلنا دا انت السبب فى انها تتعرض للخطر لا وكمان تضرب بالنار علشان تنقذنى انت السبب مش عارف ازاى انت صاحبي انت ازاى بالقسوة ديه ازاى
مراد وجعه جدا كلام ادهم عارف انه غلط بس محدش حاسس بيه محدش فاهمه محدش فاهم مراد مر بايه علشان يوصل للقسوه ديه محدش شاف إللى شافه هو او عاش إللى عاشه هو ليه بيحكمه عليه من برا مش من جوا
مراد بحزن ..ملهوش لازم دلوقتى العتاب ننقذ منه الاول وبعدين نكلم
ادهم فاق ولقا ان كلام مراد هو الصح ايوة لازم ينقذ منه لازم منه تعيش
ادهم قرب من منه إللى غرقانه دم وشالها وجري بيها على العربيه
مراد قرب من عشق ومد ايده ليها
مراد بوجع على شكل عشق وعلى كسرة قلبها واللى هو كان السبب فيها
مراد ..قومى يلا يا عشق علشان نروح مع ادهم وكمان علشان الجرح إللى فى راسك دا
عشق بصتله بانسكار وكانت نظرتها كفيله عن اى كلام تانى
عشق قامت مع مراد وركبت العربيه مع ادهم وادهم ساق بسرعه جنونيه لحد ما وصل المستشفي فى وقت قياسي
ادهم نزل من العربيه بسرعه وشال منه وجرى ودخل المستشفي
ادهم بغضب ...فين الدكتور عايز دكتور بسرعه ينقذ مراتى
الدكتور قرب منه وهو والممرضين
الدكتور ..تدخل اوضه العمليات فورا
الممرضين خدوها من ادهم وحطوها على النقاله ودخلوا بيها على العمليات ادهم مسك الدكتور من البلطوا بتاعه
ادهم بغضب ..حياتها قصاد حياتك
الدكتور بتوتر ..اهدى يا فندم احنا هنعمل كل إللى هنقدر عليه
ادهم سابه والدكتور دخل اوضه العمليات
عشق كانت واقفه ومتابعه كل إللى بيحصل دا بس كانت تحت تأثير الصدمه كل حاجه بتروح منها بتخسر كل حاجه وبسبب ايه بسبب قلبها الغبي المغفل الصغير إللى لسه بيدق ليه إللى لسه مش عارف يكره ايوة هى فشلت فإنها تكره
مراد قرب منها بحزن ..عشق ردى عليا صرخي عيطى قولى اى حاجه بس بلاش تسكتى متخوفنيش عليكى
عشق بصتله فجأة ونظرة عنيها كانت بتدل على كلام كتير بس هتقول ايه اى كلمه ملهاش فايدة دلوقتى
مراد ..طيب اقولك تعالى نروح لدكتورة علشان راسك إللى بتنزف ديه انتى مش حاسه
عشق فى الوقت دا كانت عايزة تصرخ وتقوله ان الجرح دا ولا حاجه جمب جرح قلبها
عشق فضلت الصمت مراد قرب منها وشدها وراحه عند الدكتورة وكل دا وعشق بتتحرك معاه بس هى فى عالم تانى عالم مليان خوف رعب كره حزن وجع مشاعر متلغبته كلها فى بعض
مراد دخل هو وعشق عند الدكتورة وبدأت الدكتورة تطهر الجرح وتعالجه وكل كدا وعشق فى صمت تام
الدكتورة ..الحمد لله الجرح مكانش جامد اووى ومش محتاج خياطه
مراد ..شكرا يا دكتورة
الدكتورة ..انا تحت امر حضرتك حمد لله على سلامتك يا دكتورة عشق
عشق فضلت بصه لسقف دون حركه أو كلام
مراد بدأ يخاف من سكوتها عارف ان ورا السكوت دا هيحصل مصيبه او جرح كبير تانى هو عارف هو جرحها كدا هو عارف هو عمل فيها ايه بس هو بشر والبشر بيغلط وربنا بيغفر يبقا البشر مش هيغفر
مراد تليفونه رن فى الوقت دا وكان احمد
مراد ..الو يا احمد
احمد بلهفه..ايوة يا مراد عرفت خبر عن عشق ومنه
مراد..اة يا احمد اهدى احنا عرفنا مكانهم وقدرنا ننقذهم بس
احمد بقلق..بس ايه
مراد سكت مش عارف يقوله ايه
احمد بجنون .. رد عليا يا مراد بس ايه حد فيهم جراله حاجه
مراد بحزن ..منه اتصابت واحنا دلوقتى فى المستشفى
احمد حس ان الدنيا كلها بتسود قدامه منه أخته بنته الحضن إللى بيترمى فيه أخته إللى كان بيحس انها مصدر سعادته اتصابت حته من قلبه فى المستشفى احمد محسش بنفسه غير ودموعه مغرقه وشه
احمد..انا جى حالا يا مراد
احمد قفل مع مراد وطلع على بيته
سهام بقلق ودموع ..هاا يا احمد عرفت حاجه عن اخواتك
احمد فضل ساكت مش عارف يقولها ايه يقولها ان اخته اتصابت وهو مقدرش حتى ينقذها يقولها أخته بتموت فى المستشفى وهو لسه اقاعد هنا يقولها ايه
سهام بقلق ..رد عليا يا احمد اخواتك حصلهم ايه
احمد ..اجهزى يا ماما مراد عرف مكانهم وجبهم
سهام بفرحه ..بجد يا احمد يعنى ولادى كويسين طيب هما فين انا عايزة اشوفهم هما فين يا احمد
احمد بدموع..البسي يا امى وهنروح ليهم
سهام بقلق..طيب انت بتعيط ليه وهنروح ليهم فين
احمد مسح دموعه ..البسي يا امى وهتعرفى كل حاجه لما نوصل انا هدخل اغير هدومى واجيلك
سهام .طيب
دخلت سهام لبست وهى فرحانه ان عيالها بخير بس فى جزء من قلبها مقبوض فى جزء من قلبها بيقولها متطمنيش اووى كدا
احمد دخل اوضته اول ما دخل وشاف صورته هو ومنه وهو شايلها على ضهروا وهى بتضحك بسعادة دموعه نزلت ..هتقومى يا منه هتبقي كويسه وترجعى ليا انتى وجنانك تانى
احمد غير هدومه وخد سهام ونزل ركب العربيه وساق من غير ولا كلمه
فى العربيه عند احمد
سهام بقلق ..احمد انت ساكت ليه يا بنى وشك باين عليه الحزن قولى اخواتك حصلهم ايه
احمد ..خلاص يا ماما قربنا وهتعرفى كل حاجه
سهام بقلق ..ما تعرفنى يا بنى وتريح قلبي
احمد ركن العربيه ..خلاص وصلنا يلا انزلى يا امى
سهام بصت على المستشفي بقلق وبصت بعدها ل احمد
سهام بقلق وتردد ..احنا ايه إللى جبنا هنا
احمد سكت وبص الناحيه التانيه
سهام بزعيق ..رد عليا ايه إللى جبنا المستشفي
احمد دمعه نزلت منه ..منه اتصابت يا امى وهى دلوقتى فى العمليات
سهام بجنون ودموع.. انت بتهزر صح منه كويسه صح لا اكيد انت اجننت بنتى اكيد كويسه
احمد بدموع..ياريت يا امى اكون بهزر ياريت نطلع نلاقي دا مقلب
سهام فتحت باب العربيه ونزلت تجرى على المستشفي زى المجنونه
احمد نزل وراها وخدها وطلعه
سهام اول ما وصلت الدور بتاع غرفه العمليات جريت على ادهم
سهام بدموع ..ادهم
ادهم لف ليها وشاف دموعها على بنتها قلبه وجعه اكتر حس بالذنب وتانيب الضمير
سهام اول ما قربت من ادهم وشافت الدم إللى على هدومه صدقت ان بنتها فعلا اتصابت
سهام بدموع ..د ..دا دم بنتى
ادهم دموعه نزلت
سهام بصريخ ..رد عليا دا دم بنتى بنتى انا اتصابت وانت معرفتش تنقذها بنتى انا اتخطفت بسببكم واضربت بالنار بسببكم وانت معرفتش تعمل حاجه رد عليا ليه بنتى تضرب بالنار ليه بنتى تموت ليه هى معملتش حاجه مغلطش فى حاجه غلتطها الوحيدة أنها حبتك غلطها الوحيدة انها وثقت فيك
ادهم بدموع .. امى اسمعينى بس
سهام بدموع وعصبيه .. مش عايزة اسمع حاجه من حد انا عايزة بنتى عايزة بنتى ترجع لحضنى سليمه فاهم يا ادهم انا عايزة بنتى
وانهارت سهام من الدموع
ادهم مقدرش يستحمل اى حاجه وبدا يزعق ..كفايه بقا انتوا ايه مش حاسين بيا مش حاسين انى بموت عليها اكتر منكم ديه مراتى وحبيبتى وبنتى وكل حاجه ليا ديه إللى قدرت تقف جمبي ديه إللى كنت بحلم بيها كل يوم ديه حياتى ديه نصي التانى كلكم تعبانين وزعلانين ماشي تمام مقدر انكم بتحبوها لكن لحد كدا وكفايه انا مش هقدر استحمل انى اسمع كلامكم دا مش هقدر كفايه بقا كفايه
وخرج ادهم بسرعه من المستشفي
سهام كانت منهارة وعشق واقفه جمبها هى كمان مش بتتكلم
سهام ..عشق احكيلى يا بنتى حصلكم ايه خلى منه تصاب
عشق مش بترد
سهام بقلق ..عشق ردى عليا يا بنتى فهمينى اختك اتصابت ازاى
عشق بردو مش بترد
سهام ..فيكى ايه انتى كمان يا بنتى مالك يا حبيبتى ساكته ليه
عشق بصتلها بحزن ودموعها كانت بدأت تنزل
سهام خدت بنتها فى حضنها ..يارتنى كنت موت قبل ما اشوفكم كدا يا بنتى
عشق حضنتها اكتر وبدأت تعيط فى حضنها
احمد كان واقف وباصص على مراد إللى عنيه مش متشاله من على عشق
احمد قرب منه ..انت عملت ايه فيها وصلها للحاله ديه
مراد بصله بجمود..ملكش حق تتدخل ما بنا
احمد بزعيق ..لا ليا ديه اختى
مراد اتعصب هو كمان ..وديه مراتى ومن يوم ما بقت مراتى بقت تخصنى انا مش انت وكل حاجه تحصل فى حياتنا تخصنا احنا مش من حقك انك تدخل فيها
احمد بسخريه .لا برافو يا مراد باشا عايزينى اشوفك بتكسر قلب اختى واقف ساكت عايزينى اشوفك ان انتقامك كان السبب فى ان منه اختى تصاب وبردو اقف ساكت هو دا إللى انت عايزة
مراد ..انا مليش دخل فى موضوع منه دا كان انتقام بين شاهى وادهم انا مليش دخل فيه
احمد ..لا برافو كل واحد يقول ان التانى السبب وانا اقف اشوف اخواتى بيضيعوا منى واقف ساكت
مراد ..ياريت تسكت وملكش كلام معايا علشان منشددش مع بعض
احمد كان هيرد عليه بس اقطعه صوت تليفونه وكانت رنا
احمد بعصبيه ..الو يا رنا
رنا باستغراب ..فى ايه يا احمد مالك متعصب ليه
احمد بعصبيه ..ما انتى متعرفيش حاجه من الصبح
رنا ..طيب اهدى ايه إللى حصل
احمد..منه اتخطفت هى وعشق
رنا بصدمه ..نعم انت بتقول ايه
احمد بحزن ...زى ما بقولك كدا وادهم ومراد عرفوا مكانهم وراحه ينقذهم بس شاهى ضربت على منه نار ودلوقتى احنا فى المستشفي ومنه بين الحياة والموت
رنا انهارت من العياط ..طيب انا جايه يا احمد حالا
احمد اتنهد ..خليكى انتى وانا هبقا اطمنك
رنا بدموع ..لا انا جايه اشوف صاحبتى شويه وهكون عندك
احمد ..طيب
قفل احمد مع رنا
عدى 4 ساعات من غير ما حد يطمنهم على حالتها
كانت حاله الحزن مخيمه على المكان والكل فى حاله انتظار اى خبر بأنهم انقذوها
ادهم كان واقف و حاسس بالضياع حاسس قد ايه هو انسان وحش وانه السبب فى إللى حصلها دا هى اتصابت علشان تنقذه هو من الموت ومتعرفش ان حياته مرتبطه بيها...ليه يا منه عملتى كدا كونتى سبتينى اموت انا كنت هستريح اكتر بدل وجع القلب إللى انا في دلوقتى انتى مش حاسه بنار قلبي إللى بيتحرق عليكى انتى مش حاسه انى بموت بالبطئ لمجرد فكرة انك ممكن تروحى منى ااااة يا منه
احمد كان واقف و حاسس انه عاجز هو مقدرش يحميها مقدرش يحافظ على إخواته حاسس انه السبب فى إللى وصلت ليه عشق والسبب الكبير فى ان منه تصاب حس ان اهم حاجه فى حياته هتروح منه حته منه هتروح ودا كله بسبب ايه انتقام مراد
سهام كانت دموعها مغرقه وشها بنتها الصغيرة بتموت جوا وهى مش عارفة تعمل حاجه حته من جسمها بتموت ومش عارفة تنقذها وكلمه واحده بس بتتردد فى ذهنها " ياريت كونت انا مكانك يا بنتى "
عشق كانت فى حاله صدمه كل حاجه ماثره عليها من ناحيه اختها إللى بتموت ومن ناحيه حب حياتها ومن ناحيه عيلتها إللى بيضيعوا منها كل حاجه خسرتها
مراد كان واقف وشايف نظرات العتاب إللى فى عيون الكل نظرة الكره إللى فى عين كل واحد واقف وكلهم شايفين ان هو السبب ايوة هو غلط بس محدش حاسس بيه ومحدش عارف يفهمه ولا عارف هو ايه إللى وصله لدرجه ديه
رنا كانت واقفه منهارة من العياط على صديقه عمرها إللى مشفتش فى جدعنتها وقوفها جمبها و دلوقتى هى بتخسرها .
قطع عليهم النظرات ديه صوت غرفة العمليات إللى اتفتحت وخرج منها الدكتور
الدكتور باسف ..الحاله جت متأخرة جدا وللاسف نزفت دم كتير ودا سبب ليها انها تدخل فى غيبوبة
ادهم بغضب وزعيق ..يعنى ايه قصدك ان منه مش هتقوم
الدكتور بتوتر ..انا مقولتش كدا بس هى حالتها خطر جدا ولو عدت ال 24 ساعه إللى جاين من غير اى ضرر يبقا احتمال كبير تفوق من الغيبوبة خلال يومين
ادهم خبط ايديه فى الحيطه..انا السبب انا السبب فى كل دا يا منه
الدكتور ..عن اذنكم
مشي الدكتور وشويه وطلعت منه من اوضه العمليات والممرضين بينقولها على العنايه المركزه ادهم جرى عليها
ادهم بحزن ورجاء..قومى يا منه خليكى قويه وقومى الموت علشانى قومى ارجوكى انا مقدرش اعيش من غيرك
الممرضه ..لو سمحت يا فندم ابعد علشان هندخلها العنايه المركزه
ادهم بعد عن بالعافيه وكان حاسس ان روحه بتروح معاها
الكل كان بيبكى على منه وكلهم كانوا فى حاله انتظار
عند عشق ومراد
عشق كانت بتبص لمراد بانكسار هى نفسها تلاقي سبب يخليها تسامحه بس هى مش شايفه عذر للى هو عمله
مراد كان بيبص فى عيون عشق وبيطلب منها السماح انها تغفرلة غلطه هو عارف ان دا صعب بس هى لازم تسامحه وترجعله لانه ما يقدرش يعيش من غيرها
عشق حست انها ممكن تضعف قدام نظرات مراد الموجهة ليها وبعدت عنيها من موجهته
مراد أتوجع لما حس انها مش طايقه حتى تبص فى وشه مقدرش يستحمل نظراتها ليه إللى كلها عتاب وكره طلع من المستشفي وفضل يتمشي وافتكر اول مرة قابل عشق فيها واول مرة اعترف بينه وبين نفسه انه بيحبها واول مرة قالها بحبك وافتكر يوم كتب كتابهم والسعادة إللى كانت فيها افتكر اول قبله بينهم وبينها افتكر لما اضرب بالنار وقد ايه عشق تعبت فى الفترة ديه ودموعها إللى نزلت عليه افتكر حضنها إللى كان بيهرب فى من وجعه ومن الماضي
عدي اليوم بكل أحزانه
ادهم كان متابع الساعه كل لحظه بتعدي بيتعب اكتر كان متابع منه من ورا الازاز بتاع اوضه العنايه المركزه كان شايفها وهى متوصله بالأجهزة وشها شاحب قلبه وجعه عليها ودمعه نزلت من عنيه
سهام كانت متابعه كل دا من بعيد شايفه ادهم وهو مكسور واتاكدت اكتر هو قد ايه بيحبها قربت منه وربطت على كتفه
ادهم لف ليها ومسح دموعه بسرعه علشان متشوفهاش
سهام ببتسامه حزن ..متمسحش دموعك يا بنى عيط وطلع كل إللى جواك انا اسفه يا ادهم انا مش عارفة قولت ليك الكلام دا ازاى بس انا امى يا ادهم عارف يعنى ايه ام مقدرش استحمل اشوف بنتى كدا مقدرش انا من جوايا بتقطع قلبي بيتقطع عليها وانا شايفها متوصله بالأجهزة كدا ومش بتتحرك اسفه يا بنى على كل إللى قولته انت ملكش ذنب في حاجه دا قدرها ونصيبها إللى ربنا كتبهولها وان شاء الله ربنا هيقومها بسلامه علشانا علشان عارف قد ايه احنا منقدرش نعيش من غيرها
ادهم اترمى فى حضن سهام و ل اول مرة يعيط قدام حد ..حاسس انى عاجز يا امى تعرفى لما شوفتها بتقع فى حضنى وجسمها كله مليان دم حسيت انى بموت حسيت ان الرصاصه ديه جت فيا مش فيها ان لحد دلوقتى مش مصدق إللى حصل بحاول اقول انه كابوس وهقوم منه منه ديه كل حاجه ديه إللى عوضتنى عن حاجات كتير
سهام حضنته اكتر ..وعلشان كدا بقولك ربنا مش هيسبنا وهيقوم منه لينا تانى بسلامه
ادهم بعد عنها ومسح دموعه ..يارب يا امى انا هروح اشوف الدكتور المفروض الوقت إللى حدده عدى
سهام ..ماشي يا ادهم
ادهم راح ل اوضه الدكتور ودخل
ادهم بعصبيه ..انا عايز افهم دلوقتى مراتى حالتها عامل ازاى
الدكتور ..اهدى بس الاول وتعالا اقعد
ادهم حاول يسيطر على أعصابه بالعافيه ..اتفضل قولى هى هتفوق امتى وصحتها عامل ايه
الدكتور..مش هكدب عليك واقولك ان صحتها تمام بس بردو احنا عدينا مرحله الخطر وان محصلش مضعفات طول ال 24 ساعه إللى فاته دول يعنى دا نتيجه كويسه فى احتمال كبير تفوق بعد يومين بس هتاخد فتره كبيره رعايه هنا فى المستشفي
ادهم ..اى حاجه مش مهم المهم انها تفوق وترجعلى تانى
الدكتور ..ان شاء الله اطمن خلال يومين ان شاء الله هتفوق
ادهم ..طيب انا عايز ادخلها
الدكتور .. ممكن حضرتك بلاش دلوقتى واستنى لما تفوق
ادهم ..لا انا عايز ادخلها مش هقدر مشوفهاش كل المدة ديه لو سمحت دخلنى ليها
الدكتور ..تمام الممرضه هتاخدك وتلبس لبس التعقيم وتقدر تدخلها
ادهم ..شكرا جدا ليك
الدكتور .. الشكر لله انا حاسس بيك ومقدر حبك ليها لانى كنت فى نفس مكانك من سنتين بظبط
ادهم ابتسم بحزن..شكرا لتانى مرة
وخرج ادهم ولبس لبس التعقيم ودخل عند منه
ادهم اول ما دخل وشاف منه إللى جسمها كله متوصل بالأجهزة وصوت جهاز القلب بيعلن عن انتظام ضربات قلبها
ادهم ابتسم بحزن وقرب منها وباسها من جبينها ..وحشتينى يا مجنونتى وحشنى شقاوتك وخنقاتنا مع بعض على حاجات تافهه عارفة يا منه اول مرة اعرف انى بعشقك بجنون لدرجه ديه كنت فاكر حبي حب عادى اى واحد ممكن يحبه لحبيبته بس إللى عرفته ان انا وانتى روح واحده بس فى جسدين عرفت ان روحى متعلقه بروحك وانى عايش على النفس إللى انتى بتتنفسيه انا بقيت مجنون بيكى بقيت مجنون منه
دخلت فى الوقت دا الممرضه
الممرضه ..الخمس دقايق خلصه ممكن حضرتك تتفضل برا معانا
ادهم ..هو انا مينفعش أفضل قاعد معاها
الممرضه ..لا كدا هيبقا فى خطورة عليها ممكن حضرتك تتفضل معايا برا وحضرتك ممكن تبقا تكلم مع الدكتور وتدخلها بكرا
ادهم..تمام شكرا
ادهم قرب من منه وباسها تانى من جبينها وهمس فى ودنها ..بعشقك يا قلب ادهومى
وخرج ادهم من اوضه العنايه المركزة
عند عشق كانت اقعده جمب رنا
رنا ..عشق خدى كلى السندويش دا
عشق هزت بدماغها بمعنى لا
رنا.. يا عشق انتى مكلتيش حاجه من امبارح
عشق بعدت نظرها عن رنا
رنا..لو عايزة تحكيلى يا عشق مالك ممكن تحكيلى يا حبيبتى مش ممكن اقدر اساعدك
عشق بصتلها وعنيها دمعت ..إللى فيا ميتحكيش عارفة لما كل المصايب تنزل كلها ورا بعض انا اكسرت يا رنا اكسرت كسرة عمرى كله حسيت قد ايه انا رخيصه ومليش قيمه
رنا ..ليه بتقولى كدا ايه إللى حصل مراد تانى
عشق بدموع..متجبليش سيرته مش عايزة اسمع عنه حاجه انا على كدا ما حبيته على قد ما كرهته
رنا ..هو عمل ايه تانى
عشق بسخريه..قولى هو معملش ايه
رنا..احكى يا عشق مالك
عشق بدات تحكى لرنا كل إللى حصل من اول يوم الفرح لحد الكلام إللى قاله جاسر
رنا كانت مصدومه من إللى بتسمعه ازاى واحد يعمل كدا لمجرد شك صغير
رنا بصدمه ..بصي انا عارفة انت غلط وغلطه كبيرة كمان بس انتى مكلمتيش معاه يا عشق محستيش باللى هو حاسه حطى نفسك مكانه لو كونتى شوفتيه فى الشقه مع واحده كونتى هتعملى ايه
عشق ..كنت قتلته
رنا ..اديكى اهو قولتيها هو شافك فى حضن واحد غيره وهو متاكد ان الولد دا بيحبك اكيد كان ردة فعله هتكون كدا
عشق بحزن ..مش قادرة اسامحه
رنا ..وانا مش بقولك سامحيه دلوقتى عذبيه شويه
عشق ..ما هو دا إللى هعمله بس منه تقوم بسلامه الاول واطمن عليها وبعدين أنفذ إللى فى دماغى
رنا ..هو ايه إللى فى دماغك
عشق بغموض..هتعرفى قريب
عدى يومين من غير اى أحداث غير أن ادهم حالته ادهورت على الاخر مكانش بينام ولا بياكل والحزن مسيطر عليه وشه بقا شاحب
سهام ..تعالا يا بنى ارتاح شويه فل الاوضه بتاعتى ادخل ريح شويه يا حبيبي
ادهم بتعب ..مش هيجيلى راحه غير لما منه تفوق
سهام ..ما يا حبيبي ادخل ريح علشان لما تقوم تلاقيك قدامها وقادر تقف على رجلك
ادهم ..ريحي نفسك انتى يا امى انا مش هيجيلى نوم وانا بشوفها بتفتح عيونها ساعتها هرتاح
سهام ..ربنا يريح قلبك يا حبيبي
فى الوقت دا الدكتور كان خارج من اوضه منه
ادهم قرب منه ..هاا مفيش جديد
الدكتور..للاسف لا مفيش جديد وحالتها ادهورت عن الاول
ادهم بعصبيه ..ازاى يعنى انت مش قولت هتفوق ازاى مفقاتش ولا انت كنت بتضحك عليا بكلمتين
الدكتور .. اهدى يا ادهم باشا انا قولت فى احتمال تقوم خلال يومين دا مش معناه ان اكيد هى هتقوم
ادهم ..انا عايز ادخلها
الدكتور ..بس
ادهم..ارجوك اسمحلى ادخلها
الدكتور ..تمام اتفضل
ادهم دخل لمنه واقعد جمبها على السرير
ادهم بحزن ودموع .. اليومين عدوا يا منه ليه مش عايزة تقومى بقا انتى مش عايزانا نرجع زى الاول مش عايزانى ارجع ادهم الفرفوش إللى كان دايما يهزر ويضحك عجبك يعنى شكلى وانا تعبان كدا
قرب منها ادهم وفضل يهز فيها ..قومى بقا يا منه قومى بقا ارجوكى انا مش قادر اعيش من غيرك
فى الوقت دا اعلن صوت جهاز القلب يعلن عن توقف قلبها
ادهم اتصدم ودموعه نزلت على وشه ..منه قومى متسبنيش
دخلت الممرضه فى الوقت دا وشافت المنظر دا شدت ادهم بسرعه بعيد عن منه واتصلت على الدكتور
ادهم وقال بعيد وبيعيط
دخل الدكتور والممرضين
الممرضه ..اتفضل حضرتك برا
ادهم بعصبيه ..مش هخرج انا هفضل جمبها
الممرضه..ماينفعش كدا يا استاذ
ادهم بعصبيه..بقولك مش هخرج
برا الاوضه كان الكل فى حاله صدمه وهما شايفين الدكاترة بتحاول تنعش القلب ومع كل صدمه كهربائية فى جسم منه كانت بتنزل عليهم كأنها نار بتحرق فى جسمهم الكل كانت دموعه نزله على وشها ومراد واقف بعيد ودمعه نزلت من عنيه وحس ان الذنب ذنبه هو
فى اوضه منه ادهم كان واقف بعيد ومش مصدق ان ممكن منه تسيبه.
ادهم بدموع ..قومى يا منه متسبنيش
وكأنها سمعته فى الوقت دا مؤشرات القلب رجعت تانى تنتظم
ادهم شكر ربنا انه مخدهاش منه
الدكتور ..الحمد لله هى حالتها رجعت زى الاول تانى وديه معجزة
ادهم..الحمد لله ربنا حاسس بيا
الدكتور ..اتفضل حضرتك معايا برا
ادهم بإصرار..لا مش هخرج انا هفضل معاها لحد ما تفوق
الدكتور ..واحنا مش عارفين هى هتفوق امتى
ادهم ..وانا هفضل مش هخرج
الدكتور باستسلام ..تمام يا ادهم باشا بس لو حصل جديد بلغنى
ادهم..ماشي
خرج الدكتور وطمن كل إللى برا والكل فرح برجوع الأمل تانى وان منه هتفوق
ادهم قرب من منه وباسها بوسه صغيرة على شفايفها ..كدا كونتى عايزة تسبينى يا منه هونت عليكى فوقى انتى بس وانا هعقبك على كل الخوف إللى انتى عيشتينى فيه دا
ادهم فضل قاعد جمب منه لحد ما عنيه راحت فى النوم
تانى يوم ادهم حس ان فى حد بيحسس على شعره وشه
ادهم فتح عنيه ومكانش مصدق ان خلاص حلمه اتحقق وأنها خلاص فاقت ايوة منه فاقت بعد كل العذاب دا فاقت
ادهم فتح عنيه وشافها بتبصله ببتسامه جميله
ادهم بعدم تصديق ..هو انا لسه بحلم صح انا لسه مصحتش
منه ابتسمت اكتر واكلمت بضعف ..لا يا سيدي انا فوقت
ادهم بفرحه ..لا مش مصدق انتى اكيد بتهزرى صح
منه ..طيب اخليك تصدق ازاى
ادهم ..اقولك اقرصينى علشان اعرف انى صاحي
منه ابتسمت ..بوسنى يا ادهم
ادهم اتصدم من طلبها ..نعم
منه ..مش انت عايز تصدق انا فوقت ولا لا
ادهم ..اة
منه بهمس ..بوسنى يا ادهم انت وحشتنى اووى
ادهم قرب منها براحه وهمس قدام شفايفها ..انتى إللى وحشتينى اكتر
وبدأ ادهم يبوسها بحب وشوق ولهفه وخوف انه يفقدها تانى
منه رفعت ايديها ببطئ ولفتها حاولين رقبته ادهم اتعمق فى القبله
لحد ما قطع عليهم الوقت دا صوت شهقت الممرضه إللى دخلت وشفتهم كدا
ادهم بعد عن منه بسرعه ومنه اتكسفت جدا من موقفها المحرج دا
الممرضه ابتسمت ..حمد لله على سلامتك يا مدام منه انا هروح أبلغ اهل حضرتك والدكتور
منه بكسوف..الله يسلمك
خرجت الممرضه وبلغت الكل ان منه فاقت وفى ثوانى كان الكل فى اوضه منه وكل واحد عمال يحضن فيها ويبوسها وادهم واقف بعيد وهيموت من الغيره وماسك نفسه بالعافيه
ادهم بغيره ..لا بقا كفايه لحد كدا محدش يقرب منها تانى
احمد ..نعم يا بابا ديه اختى وانا حر ابوس فيها احضنها انت ملكش دعوه
ادهم بغيره ..وديه مراتى مش عايز اشوف حد بيبوسها بدل ما ارتكب جريمه حالا
منه ..خلاص بطلوا خناق انا واحده لسه تعبانه ونش ناقصه شغل العيال دا
احمد..مين إللى بيكلم اكتر واحده عيله فينا
منه ..طيب ليه الاحراج دا
دخل الدكتور فى الوقت دا وكشف على منه
الدكتور..الحمد حالتك اتحسنت كتير عن الاول و دلوقتى هننقل حضرتك اوضه تانيه حمد لله على سلامتك
منه ..الله يسلمك
خرج الدكتور والكل خرج وراه ومنه اتنقلت اوضه تانيه
فى اوضه منه عشق كانت اقعده جمب منه وخدها فى حضنها
عشق ..قلقتينى عليكى جدا قلبي كان هيقف
منه ..بعد الشر عليكى يا حبيبتى انا اهو فوقت واقعده على قلبكم
عشق ..اقعدى براحتك يا حبيبتى
منه ..قوليلى هتعملى ايه مع مراد
عشق ..ما دا إللى كنت عايزة اقولهولك انا حجزت الصبح على اول طيارة مسافرة تركيا وهسافر بكرا
منه بصدمه ..هتسبينى يا عشق
عشق باسف ..اسفه يا منه بس مش هقدر اقعد هنا اكتر من كدا هسافر فترة برا وهرجع لما احس ان جروحى كلها خفت
منه حضنتها..ماشي يا حبيبتى بس ابقي كلمينى على طول انتى عرفتى ماما واحمد
عشق ..لا محدش هيعرف غير بعد ما اسافر واوعى تقوليلهم يا منه
منه عنيها دمعت..ماشي يا عشق
فى الوقت دا الكل دخل وقطع عليهم كلامهم
مراد دخل معاهم ..حمد لله على سلامتك يا منه
منه ببرود ..شكرا
مراد ..اة صحيح جاسر اتحقق معاه واتحكم عليه انهاردة بالإعدام وشاهى اتنجننت ودخلت مستشفي المجانين
ادهم ..احسن دا اقل حاجه ليهم
سهام ..يلا يا اولاد الوقت اتأخر كلكم روحه وانا هقعد مع منه
ادهم ..لا انا مش هتحرك من هنا انا هفضل معاها
سهام ..خلاص هفضل انا وادهم مع منه وانتوا كلكم روحه
مراد قرب من عشق ..يلا يا عشق علشان نروح
احمد بغضب ..تروح معاك على فين عشق مروحه معايا
مراد بعصبيه ..ديه مراتى وهتروح معايا
احمد كان هيرد بس عشق قطعتهم
عشق ..بس يا احمد انا هروح مع مراد
احمد بزعيق ..انتى اجننتى يا عشق
عشق..لا انا عقلت يلا يا مراد
مراد ..يلا
وخرجت عشق هى ومراد واحمد بصلها بحزن وعتاب
مراد بعد ما خرجه كان هيمسك ايديها بس هى بعدت عنه
عشق ..اوعى تفتكر انى كدا سامحتك انا مروحه بس موقتا
مراد ..وانا هخليكى تسامحينى يا عشق
عشق ..هنشوف
مراد ركب هو وعشق لحد ما وصله البيت ونزلت عشق ودخلت على اوضتها على طول
مراد طلع وراها ودخل من غير ما يخبط
عشق ..اخرج يا مراد ومتدخلش كدا تانى
مراد قرب منها ودمعه نزلت من عنيه ..ارجوكى يا عشق سامحينى ارجوكى كفايه العذاب إللى انا وانتى عشنا في
عشق بدموع ..انت السبب انت إللى عملت فينا كدا
مراد بدمعه نزله على خده ..ارجوكى سامحينى يا عشق سامحينى
عشق بدموع ..مش قادرة يا مراد والله ما قادرة
مراد شدها لحضنه وحضنها جامد وهى كمان حضنته جامد اووى مراد دفن وشه فى رقبتها ..كونت هموت لما عرفت انك اتختفطى كنت حاسس أن روحى بتروح
عشق حضنته جامد وفضلت ساكته
مراد ..بحبك يا عشق وهفضل احبك انتى
عشق عياطها زاد
مراد بعد عنها ومسح دموعها..تعالى ننام ونكمل كلامنا بكرا
عشق هزت راسها بموافقه
مراد برجاء ..ممكن طلب يا عشق
عشق بصتله.
مراد ..ممكن انام فى حضنك انهاردة
عشق اترددت وفى الاخر هزت راسها بعلامه موافقه
مراد راح ونام فى حضن عشق شويه وحست عشق بانتظام أنفاسه عرفت انه نام
عشق بدموع ..اسفه يا مراد على قد حبي ليك بس مش هقدر اكمل معاك مش قادرة اسامح
وفضلت عشق صاحيه لحد ما الشمس بدأت تطلع وقامت خدت دش وجهزت شنتطها وكتبت ورقه وحتطها جمب مراد وقربت منه وباسته من جبينه
عشق ..هتوحشنى يا مراد
وخدت عشق شنتطها ومشيت..
لقراءة جميع فصول الرواية من هنا