رواية زمزم قلبي الفصل الثلاثون 30 بقلم بيان الجارحي

رواية زمزم قلبي

الفصل الثلاثون 30

بقلم بيان الجارحي

رتيل: نعم يا حجة أزهار

ازهار: ايه

رتيل برفع حاجب: ايه ايه،عايزاني ليه ها

جاء صوت رؤوف الذي قال: بت يا أزهار،انا دائما بقول عنك انك جدعة،ودلوقتي اتأكدت 

أزهار: أي خدمة؟،يلا بقا اسيبكم لوحدكم

اختفت أزهار بسرعة،وعادت إلى الداخل،وتركت رتيل المنصدمة مع رؤوف

رؤوف: منصدمة كدا ليه،والله جدعة البت أزهار

رتيل بغضب: والله؟، قلتلي جدعة ها

رؤوف وهو يقول بسرعة: بسم الله،اهدي بس،جنان مش عايزين

رفعت رتيل حاجبها،فقال رؤوف: أخبارك،منورة والله

ضحكت رتيل بهدوء،وقالت: عايز ايه يا رؤوف

رؤوف:  مش عايزة حاجة والله

رتيل: يا راجل!

ضحك رؤوف وقال: عايز اتكلم مع القمر الي قدامي كلمتين،ينفع؟

رتيل بابتسامة: تمام

جلس رؤوف وبجانبه رتيل،فقال بهدوء: عارف انك مش متخيلة ازاي الشخص الي أذاكي هيكون جوزك بعد كم يوم،لكن هقولك حاجة

احنا الاتنين ملناش علاقة بلي حصل،احنا الاتنين كنا مظلومين،فأنا الي عايز منك اننا نعطي فرصة لبعض،وننسا الماضي،ونكون مع الحاضر وبس..

نظرت له رتيل،بهدوء ثم قالت: هتساعدني؟!

رؤوف: هساعدك،ولو فضلت العمر كله اساعدك مش همل،ايه موافقة؟

رتيل بابتسامة:موافقة

ابتسم رؤوف وقال: وانا قد كلمتي 

ثم أكملوا حديثهم مع بعضهم،

=====================================

في الحديقة الخلفية 

مرجان:والله انا مش مطمنة ليكِ،في ايه

تامر: حقك والله

ورود بغيظ: تسكت ولاا...قاطعها تامر وقال: اختي حبيبتي،شكرا لجهودك 

ضحكت ورود ثم تركتهم وفرت هاربة إلى الداخل

مرجان برفع حاجب: حبيبتي؟!

ضحك تامر وقال: الغيرة بدأت ولا ايه

جلست مرجان على الأريكة وقالت بلا مبالاة متصنعة: غيرة!! لا ابدا وعلى ايه 

جلس تامر بجانبها وقال:  بقا كدا؟،تمتم يا ستي،قوليلي بقا،زعلانة ليه يا غالية

نظرت للسماء وهي تكتف يديها وقالت بحزن: ماما وبابا طول عمرهم بيهتموا بأخواتي،حتى في اليوم الي المفروض يكمل بيهم فضلوا الشغل عليا،بجد ليه بيعملوا كدا

ابتسم بحزنٍ فهو أكثر شخص يعرف كم كانت متعلقة بهم،لكن وفجأة اختلف كل شيء،لا أحد يعرف السبب،حتى لا تعرفه.

تامر: مرجان،متزعليش نفسك،بعدين ايه،اخوكي مش مالي عينك ولا ايه،هقوله 

نظرت له وابتسمت بهدوء وقالت: هتعمل فتنة بيني وبينه،دا انا أوريك الوش التاني بقا

تامر برفع حاجب: وريني كدا بس الوجه التاني،وبالله ايه هو الوجه

مرجان بتذمر: ما انا مش هعمل حاجة غير اني اتقمص وازعل،هو حد يقدر يعملك حاجة

ضحك بشدة عليها وقال: بصي يا سكر،كش عايزك تزعلي،احنا هنا كلنا عيلتك صح ولا ايه،وعندك بدل الأم أربعة،عارف انهم مش هيعوضوكي عن حنان وابدتك،لكن هيحاولوا يرسمون بسمة على وشك،ومع الوقت هتكون احسن ومفيش زعل

ابتسمت بسعادة،فحديثه مطمئن للغاية،وأكملا حديثهما مع بعضهما 

=====================================

أما عند راجح ومجنونته 

زمزم بحيرة وتساؤل: مين....ثم نظرت له بصدمة وإدراك وقالت: انا 

راجح بتشهد: أشهد أن لا إله إلا الله وأشهد أن محمدا رسول الله،لا بجد أبهرتيني بسرعة ذكائك،ايوا انتِ

زمزم برفع حاجب: تقصد اني غبية،ومبستوعبش بسرعة

لحق نفسه قائلا: لا يا حبيبتي،انتِ عاقلة،دا مين الي قال غبية بس،ثم أكمل هامسا" انتِ مجنونة صحيح،شكلي هجن معاكِ،يارب تستر"

زمزم بغضب طفولي: هجننك يا راجح،وهخليك تنسى اسمك كمان،انا مجنونة ها

راجح بصدمة: بسم الله،هو ايه التحول دا الي بتتحوليه بسرعة،ما تهدي بقا

ضحكت زمزم وقالت: ابقا خلي قلبك قوي المرة الجاية يا حضرة المقدم،دا ولا حاجة لسا 

ضحك راجح على ضحكتها،وأكملا جلستهما في محبةٍ وسعادة تغمر قلبهما.

================≈=======≈============

في الداخل

إيهاب: أخبركم يا شباب،عامل ايه وائل انت واخواتك 

وائل ابن صلاح باحترام وابتسامة:الحمدلله يا عمي

إيهاب: رأفت،مخلصش المهمة؟

محمود:اسبوع ويرجع

إيهاب بابتسامة: وساهر اخبارك ايه،باين اوي انه الشغل هالكك 

ساهر بابتسامة: نعمل إيه حظنا بقا

وأكمل الرجال جلستهم مع بعضهم،في حين ان النساء ذهبن وجلسن في مكانٍ آخر

آينور: عن اذنكن هطلع انيم جنان

بشرى: خليها انا هطلعها

آينور: مش عايزة اتعبك معايا يا حبيبتي

بشرى بابتسامة: لا لا متقلقيش،ثم اقتربت من جنان النائمة،وحملتها بهدوء وحنان،وصعدت لغرفة جنان

إشراق: اولاد محمود عاملين ايه،كويسين 

صباح بابتسامة: الحمدلله كويسين

نهلة باستغراب: ليه مالهم

صباح: امهم اتو...فت وعمرهم عشر سنين 

نهلة: ربنا يرحمها

ورود بنعاس: ماما،انا طالعة أنام،عندي جامعة بكرة 

أزهار: وانا كمان،تصبحوا على خير

إشراق بابتسامة: وانتن من أهله 

صباح بابتسامة: ما شاء الله ربنا يحميهن

إشراق: تسلمي 

(عندي إحساس انها تريد تزوجهن،مين يتفق؟)

بعد مرور الوقت 

وعند الساعة 11 مساءا،انتهى اليوم بسلام،وسعادةٌ تغمر الجميع. 

=====================================

كانت زمزم في غرفتها 

تهيء نفسها للنوم،إلى أن رن هاتفها

زمزم باستغراب: مين دا،....فتحت الخط فجائها صوت الطرف الآخر قائلا: السلام عليكم ورحمة الله وبركاته،معايا زمزم هانم

زمزم بتعجب: نعم انا زمزم

: أنا شروق،زميلة بشرى وراجح باشا بالشغل

زمزم بهدوء: اهلا وسهلا،اتفضلي

شروق: انا آسفة يعني لو بكلمك في وقت متأخر،بس مضطرة معلش،معايا صندوق باسمك،سلمني اياه شخص وطلب اني اعطيكِ اياه الك خصوصا،الشخص دا من الس...جن

زمزم: مازن؟

شروق بهدوء: ايوا 

زمزم بتوتر وقلق: إزاي اقدر اشوفك،وايه الميعاد الي يناسب حضرتك

شروق بابتسامة وصوت مطمئن: زمزم،أنا هنا اختك،مش عايزك تخافي،تمام،بكرة تقدري تيجي مع راجح باشا وتجيبي بشرى معاكِ،وتقدري تقولي ليهم عادي،علشان تطمني،واحنا هنكون موجودين معاكِ

زمزم براحة: تسلمي يا شروق بجد،صحيح،انا ما اعرفتش الحكم الي اطلقوه على مازن والي معاه

شروق بهدوء: هتعرفي كل حاجة في وقتها يا حبيبتي،متقلقيش

زمزم بابتسامة: تمام يا شروق،تصبحي على خير.

=====================================

في صباح اليوم التالي،كانت زمزم تساعد إشراق بإعداد الفطور

إشراق بصدمة: الله ايه الصباح المنور دا،زمزم براسها داخلة المطبخ،ومتشيكة كدا،بركاتك يا إشراق انتِ وابنك

ضحكت زمزم بشدة على والدتها وقالت نهلة: البت دي سخنة أكيد

آينور: بس انتِ واياها،محدش يكلمها كدا

إشراق بابتسامة: انتبهي انتِ وهي دي زمزم سكرة والله وطيبة

زمزم بمرح: الله دا طلع ليا مدافعين 

زنود لنهلة: مش مرتاحة ليهن 

زمزم بضحك: والله مظلومة،كل القصة صحيت بدري كدا علشان عندي مشوار مهمم 

نهلة بفضول: مشوار ايه،انطقي يا بت

زمزم بمرح: مش هقووول 

إيهاب: والله يا بت انتِ،معها حق زمزم تقولك نهلة حاف كدا،متأكدة انك عمتها،دا عقلك أصغر منها

نهلة بقمص: شكرا يا إيهاب

ضحك إيهاب وقال: متزعليش خلاص،هخفف عنك شغل اليوم متقلقيش

نهلة بفرح: اخويا حبيبي

ضحك إيهاب عليها،وخرج ليجلس مع أبنائه في غرفة المعيشة ريثما يجهز الفطور.

زمزم: طالعة اشوف والبنات ونازلة 

خرجت زمزم من المطبخ،ثم توجهت لغرفة المعيشة ردت الصباح وقالت بغيظ: نفسي مرة كدا اشوف محمد وأحمد مصحصحين مش نايمين

محمد بنعاس: عايزة ايه يا زمزم،سيبينا ننام شوية 

زمزم لإيهاب: لو مكانك،اعلقهم على باب الفيلا

فتح أحمد عينيه بسرعة وقال: انا مصحصح أهو،روحي بقا شوفي الناس الي لسا نايمة

تامر بضحك: انت بتسخنها على راجح ولا ايه

جاءراجح وألقى الصباح ثم قال: سمعت اسمي خير

زمزم: رايحة اشوف البنات،وقبل أن تخرج قالت لراجح: بالله لو تقدر تخلصني من الجوز الي نايمين هناك دول،متقصرش 

ثم خرجت

ضحك راجح وقال: بقولك يا احمد انت ومحمد،حالكم مش عاجبني،تصحصحوا معايا كدا،لأنه فعلا شكلي هقلب عليكم 

وقف أحمد بسرعة وقال: وعلى إيه،خلاص أهو صحيت،امشوا على الفطار،ماما بتنادي

ضحك الجميع عليه،ثم خرجوا وجلسوا على طاولة الطعام 

إيهاب: زمزم فين

زمزم بابتسامة وهي تنزل السلم: جيت أهو

رؤوف باستغراب: انتِ رايحة فين كدا

زمزم: مشوار

أحمد: محدش يعرف!،ثم أكمل بابتسامة وخبث: ولت راجح باشا،واخد بالك يا راجح

زمزم بغيظ: أستغفر الله العظيم،متسكت يا حج،وتنقطي بسكاتك 

محمد بخبث: معاه حق

نظر راجح لزمزم برفع حاجب فقالت بابتسامة واستعباط: ايه مالك

راجح: لا سلامتك

جنان وهي تنظر لهم وتكتم ضحكتها: خليتوا الراجل يقلب على المسكينة كدا ليه

ضحك الجميع على كلامها،وقالت بشرى: الله يعينك يا زمزم

تمتمت زمزم ببضع كلماتٍ تدل على غضبها منهم وقالت في نفسها: ليكوا يوم متقلقوش.

وأكمل الجميع تناول الإفطار بكل محبةٍ وسعادة.

=====================================

بعد بضعٍ من الوقت،بدأ الجميع يذهب لعمله

كانت زمزم تقف مع بشرى بالحديقة،وتقول: بشرى،اوعي تتحركي من هنا،هتيجي معايا على شغل راجح

بشرى بعدم فهم: آجي فين،وليه

زمزم بصبر:بشرى الله يسترك،في حاجة مهمة لازم آخدها من هناك

بشرى بقلق: في ايه،وقلتي لراجح

زمزم: هو في مكتبه بيجمعنا ورق لمهمة معينة،هروح اقوله،خليكِ هنا مزروعة متتحركيش 

بشرى بغيظ: يارب صبرك،ماشي قاعدة أهو،ومزروعة كمان زي شجرة البرتقال دي

ضحكت زمزم،ودخلت بسرعة إلى الداخل،رأت راجح يخرج من مكتبه فذهب إليه بسرعة وقالت: راجح،ممكن لحظة

راجح بابتسامة: تعالي،دخلا المكتب،ثم جلسا وقالت: ممكن آجي معاك؟

راجح بهدوء: ليه؟

زمزم بأسف: آسفة كان لازم اقولك من بدري،لكن امبارح قبل ما أنام اتصلت بيا شروق.....وقصت عليه كل ما قالته شروق لها

راجح بابتسامة: مفيش داعي للاعتذار يا حبيبتي،بعدين معنديش مانع انك تيجي،لكن متأكدة انك لما تشوفي مازن مش هيحصلك حاجة؟!

زمزم بحيرة:مش عارفة،لكن لازم اشوفه ولازم اعرف ايه الي في الصندوق،ثم أكملت بابتسامة مطمئنة بعدما رأت علامات الرفض بادية على وجهه خوفا عليها: متقلقش،هكون كويسة،والله،ممكن أروح 

راجح باستسلام: ماشي،يلا

ابتسمت بهدوء،ثم توجهوا خارجا.

=====================================

وصل الجميع لعمله 

ووصل راجح لعمله،توجه لمكتبه،ثم جلس وقال: روحي انتِ وبشرى،لعند شروق،وقبل ما تروحن لمازن تقولن ليا 

زمزم بابتسامة: تمام،ثم خرجت هي وبشرى بسرعة نحو الساحة،وبالتحديد عند أحد المقاعد،الاي تجلس عندها شروق،سلمن عليها،وبعد السؤال عن الأحوال،وما شابه،أعطت شروق صندوقا متوسط الحجم باللون الاسود،لزمزم

أخذته زمزم وفتحته بتردد،كان به مجموعة من الأوراق،ومن بينها سلسلة فضية اللون،يوجد بها قلب.

انقبض قلب زمزم،وقالت: لازم اقول لراجح

بشرى: مش شايف حاجة تحتاج تقوليها لراجح،جربي افتحي القلب كدا

فتحت زمزم القلب،فكان هناك صورة لزمزم،والغريب في هذا،أن الصورة كانت عبارة عن صورة زمزم ليلة عقد قرانها!!

زمزم برعب: ازاي،ازاي كدا

بشرى بقلق: زمزم اهدي

بشرى بسرعة: حاسس انه في حاجة كمان بالقلب،بقولكن ايه،نطلع على راجح باشا بسرعة

أمسكت بشرى بالصندوق وقالت: وانا بقول كدا،يلا يا زمزم

نهضت الفتيات،وتوجهن بسرعة نحو الأعلى حيث مكتب راجح

وصلن للأعلى،وتوجهن بسرعة نحو مكتب راجح،لكن العسكري منعهن من الدخول قائلا: آسف،راجح باشا عنده ناس جوا

جلست زمزم بتعب قائلة: اقعدي على ما يخلص

بقيت بشرى تنظر للقلب بريبة وتقول: إزاي مازن وكل الع...صابة تم إلقاء القبض عليهم،وصورة زمزم هنا

خرجت من أفكارها عندما اخذت زمزم السلسلة وقالت: عندي إحساس بقول انه جوا السلسلة قن...بلة،فيها صوت غريب

شروق بسرعة للعسكري: لو سمحت احنا لازم ندخل،وفورا

دخل العسكري،وبعد دقائق،خرج وسمح لهن بالدخول

دخلن فوجدن تحسين وعلي ورماح ورأفت عند راجح

أدت شروق التحية العسكرية،ثم قالت لراجح كل ما حدث

رأفت: في طرف مجهول متمش القبض عليه

نظرت بشرى لزمزم ثم قالت باذكر: زمزم السلسلة

تذكرت زمزم أمر السلسلة،فاقتربت من راجح وقالت: السلسلة فيها صوت غريب أوي،دا غير الصورة الي في القلب

وقف راجح وأخذ السلسلة من زمزم، وأعطاها لعلي بعد أن لاحظ أن الصورة يمكنه إزالتها،وبالفعل أزالها، ثم قال: علي،القلب واضح انه في قن...بلة مصغرة،شغلك بدأ الان

وقف علي وقال: تمام،أخذ السلسلة وخرج،ثم قال راجح: شباب،لازم ننتبه،رماح رأفت،تحسين،شغلكوا معاهم بدأ،اتفضلوا

خرجوا بعد إلقاء التحية،فقالت شروق: مازن طلب يشوف زمزم 

انقبض قلب زمزم بشدة وقالت برعب: مش عايزة،مش عايزة اشوفه،هو عايز ايه،حتى وهو في الس...جن مش قادرين نخلص منه كمان،كفاية بجد تعبت

جلست على الأريكة فاحتضنتها بشرى،وربت راجح على رأسها بحنان قائلا: زمزم،كله هيعدي،متقلقيش،ثم نظر لشروق وقال: ملازم شروق،الخطوة التانية بدأت

ألقت التحية ثم خرجت تتابع عملها.

راجح: بنات،مش عايز وحدة منكم تخاف،كله هيعدي

بشرى: مهمتك اليوم بالليل 

زمزم بصدمة ودموع: ايه!!! اليوم،بس....قاطعها راجح بهدوء وهو يجلس أمامها ويمسك يدها كي تهدأ،ثم قال: زمزم قلنا ايه؟!،توكلي على ربنا خلاص

صمتت زمزم ودموعها تذرف بهدوء على وجهها،وتنظر لراجح،تنهد راجح يحاول أن يطمئنها بعينيه،وبشرى تربت على رأسها وتقرأ بعض الآيات عليها،كي تهدأ.

=====================================:اليوم سيعود مازن والرئيس،لكن علينا أن ننتبه جيدا

=لماذا؟،اقصد من ماذا

: إن تم إلقاء القبض علينا فسيلتف حبل المش...نقة على رقابنا جميعا،بالإضافة إلى الذلك،إن وقعنا تحت إيدي الصقر الجارح،لن النور مرة ثانية

       الفصل الواحد والثلاثون من هنا 

تعديل المقال