الفصل الواحد والعشرون 21والاخير
بقلم نجلاء فتحي
فى الشقة التى تزوجت فيها مرجان فقد أشترى ليها شقة على حسابة وكتبها بأسمها ورفض يتجوز ويعيش فى شقة من بتوعها
شمس /دة كتير عليا أوووى
مرجان/ ميغلاش على ست الستات
شمس بفرحة/ كل يوم والتانى هدية ،،،دى بقا بمناسبة أي
حاوطها مرجان وضمها لصدرة، ،،ورفع إيدها يقبلها ويقول اليوم إللى يعدى وأنتى معايا أجمل هدية يا شمسى،،،ثم يقبل إيدها، ،،أنتى كتيرة عليا والله، ،ثم قبل إيدها، ،،،رغرغت عيونها بالدموع من شدة صدق كلامة ،،لفت إيدها على رقبتة وقالت برقة :- غيرت مفهومى عن الرجالة بحبك أوى يا راجلى يا سيدى وتاج راسى
مرجان تنهد/ راجلك أةةة ،،،،سيدك وتاج راسك لا،،أنتى إللى ملكة قلبى وستى وتاج راسى يا ست الستات يا أم قلب كبير وافق يدخل واحد زى جواة
الملكة بهيام/ أنت عملت إللى محدش قدر يعملة ،وجودك فى حياتى نور طريقى خلانى أحس بمشاعر مكنتش أعرف عنها حاجة ،،مرجان
مرجان/ خدامك وتحت رجليكى
الملكة/ تسلم يا سيد الرجالة ،عايزة أطلع عمرة أو الحج
مرجان/ أوامر الملكة تتنفذ
،،،بس بشرط أنتى رايحة لبيت الله يعنى مينفعش تغلطى ولا تظلمي بعدها هتكوني حجة بأذن الله، ،عند الحبيب قلبك يطيب أبكى فى أرضة أدعى من قلبك أغسلى نفسك هناك ،،المكان الوحيد ميعرفش الغنى من الفقير كلنا أمام الله فقراء
شمس/ الله على كلامك أى حاجة أمشى عليها وراك
تنهد مرجان بسعادة ثم أخذها من كف إيدها وأجلسها أمامة على طاولة السفرة وبدأ يتكلم فى الشغل وفصل حياتهم الشخصية عن العمل وطرح ليها إيراد المحلات والمطعم والمزرعة إللى الكل عارفها حتى الأخرى مازالت لم يعرف عنها أحد لكن مرجان يباشرها وتحدث هنا بصفتة دراعها اليمين كما السابق وليس زوجها ،،،
شمس/ واثقة فيك حول الفلوس على مكانها مش لازم أعرف بيها كل ليلة
مرجان/ أتفاقى معاكى من أول يوم جواز البيت حاجة والشغل حاجة دة حقك ولا عايزة ربنا يدخلني النار
شمس/ المال زاد بوجودك، ،كيانى وأسمى لمع بقربك
أنحنى لها وحاوط وشها بكفوفة وأمطر عليها بقبولات رقيقة أخجلتها مع لمساتة الحنونة عليها تجعلها تصرخ داخليا 🌷وتقول أكاد فى العشق أذوب ،،،
علمنى أصول عشقك ،،أروينى بنهر حنانك ،،عايشنى فى جزيزة أمانك،،وهبتك نفسى بكيانى وسلطاتى على طبق من ذهب ،،رجعلى طفولتلى ومراهقتى التى لم أعرف عنها شئ فأنا ملكة مرجان فقط وليس ملكة أى راجل فى العالم 🌷
بقلم نجلاءفتحى عاشقةالكلمات
_______
((مرت شهور أخرى ))
بالفعل حصلت شمس على لقب حجة وأتت من هناك كأنها لسة مولودة ،،،وأكتشفت فى الدنيا حجات أهم من المال والسلطة ،،،، واقفة وسط الحارة ترتدى عباية أستقبال فضفاضة بيضاء اللون وحجاب كامل وبدون مكياج ولا ترتدى ذهب يدوب دبلة زواجها فى إيدها وتحمل أبنها الذى لا يفارقها وأطلقت علية أسم [ عوض] لأنة فعلا عوضها فى الدنيا ،،واقفة وسط أهل الحارة وهم يلقون عليها عبارات الشكر والعرفان فهى أخذت عهد على نفسها كل شهر تقيم مائدة طعام لله والأكل بدون حساب حتى عزيز النفس يوصل نصيبة لبيتة وبجوارها المعلم مرجان بملابسة الصعيدية يسير خلفها مما يجعلها تحاول السير بجوارة لكنة يرفض ويقول ست الستات الملكة أدام والعبد الفقير لله وراها،،، هبتك يا ملكة ،،،لا تنكر هى أن هذا الكلام يجعلها مثل الطاووس لكنها أحبت هذا الرجل بشدة ، ولا ترى منة إلا الخير والسعادة ،فتعلقت فى زراعة وقالت :- حبيب الملكة رأسة براسها ،،،أبتسم هو لها وحمل عنها الصغير وأجلسها برفق أمام المحل القديم فى الحارة ثم شد العباية عندما جلست حتى لا يحدد تفاصيلها ولا تظهر رجليها وتركها يباشر الأكل وعلى زراعة أبنهما كنوع من الفخر أبنة على إيدة ،،، جلست هى شاردة فيما مضى وأتى أمامها شريط الذكريات ،، تذكرت ولادتها فى طفلها الأول، ،من نوح وهى لوحدها لولا ستر ربنا معها كانت فقدت حياتها، ،تذكرت ولادتها الثانية لطفلها التانى من مرجان ومدى آهتمامة بيها خلال فترة الحمل والولادة، هناك فرق شائع بين الزوجين، ،وضعت إيدها على بطنها فهى تحمل داخل رحمها طفل آخر لمرجان ،،تنهدت ونظرت لأجواء المحل الذى شهد على حبها لنوح وشردت بالتفكير
ينجرف لة،،قست قلبها، ،فلا يجوز خيانة الشخص الذى وهب حياتة لها ،،،صدق من قال الأنثى لا تنسى أول دقة قلب لها حتى لو كانت وهم ،،،،
أما نووووووح بتسألوا علية ،،يراقب شمس فى الخفاء وندمان أشد الندم ومتابع أخبرها والأخر ذهب للسعودية وقرر العيش هناك فلا يوجد لة فى مصر شئ ولا زوجة ولا أبن ولا أم حتى منتصف صاحبة وزينب سافروا ولم يعلم عنهم شئ لأنة مكلمش منتصف منذو سفرة بعد طلاقة من شمس مع انة أستلف فلوس منة كالعادة لكى يسافر وعند وصولة للسعودية معرفهوش مكانة وحزن منتصف أعتقد نوح أصابة مكروة،،،،
[لحد هنا نودع أبطالنا ]
أى قصة أولها فراق وأخرها جمع شمل عكست فى الجزء دة،،،، أولها تعارف وختمنا الجزء الأول بالزواج والحمل ،،،وختمنا الجزء الثاني بفراق وجمع مع بعض ،،،،
كالعادة فى قارئ مش يعجبة النهاية حقة لكن ليا هدف وليا نظرة ،،
_________
[عايزة أوضح حاجات ]
نوح غلط فى حق الملكة أزاى 🤔،،،هو دايمآ يلقبها بجهلة ،،،غبية،،،بتاعة زرايب،، ريحتك وحشة ،،واللقب إللى عاجبكم بقرتى،،،،طبعآ هى زوجتة ولا يجوز معايرتها هكذا دايما أدام الناس يريد هو المسيطر ويقل منها وساء الأمر عندما أصبح دكتور جامعة بفضل شمس التى وقتها كانت تعشقة تحملت أهانتها وضربه ليها ٣ مرات بأسم الحب كانت حمايتة بدون مقابل ،،نوح غبى بكل المقاييس أيوة هو هكذا واحد غيرة كان أكل عقلها بالدلع لأسف ضيع حبة بأيدة،،، نوح رغم روح الفكاهة فية عيب خطير وهو التهرب من المسؤلية ،،،أى مشكلة بينهم يسيب البيت أسبوع ،،شهر ،،أتنين ،،،تلاتة،،ولا يعرف حد طريقة ولا بيسأل على إللى منة ،،،عادى ويرجع مقصوص والملكة من حبها تعدى الأمر وتسامح وتراضى ،نوح صحيح فية مميزات حلوة بس عندة حتة حب الذات ودة واضح فى مشهد الكفتة المشهد كوميدى لكن لة معنى لما هى أكلت الكيلو كلة وشتمها والأخر ربطها وعمل أكل ولم يعمل حسابها،،،والمشهد التانى لما زَرتة فى الجامعة وقد أي فرحانة بية لكن أهانها وأستعر منها وجرى علشان خايف حد يعرف هى مراتة ،،،والموقف التالت،وهى أبوها فى المستشفى مصدق ممنوع الزيارة وحمد ربنا ورجع البيت يذاكر، وغيرة وغيرة ودايما يحسسها أنها لم تستحقة ،،وبتنمر عليها رغم مفيهاش الصفات دى بالعكس ريحتها جميلة وحلوة مجننة الرجالة حواليها، ومش غبية ،،عقلها يوزن بلد ،،،،،وزنها زايد أية المشكلة ،،،نوح فى الأخر سلبى سابها تشرب الشيشة والأصتباحة وتعمل إللى عايزاة مفكر كدة يأخد إللى هو عايزة منها وطمع فيها
____
عارفين سبب طلاق الملكة أية لحظة شيطان تدخلت فى غياب العقل أزاى🤔نوح كان مصدع وعارفين الصداع بيروح أزاى الملكة ضبطت فنجان القهوة أدامة وحطت الأصتباحة رفض صدمتة وقالت،هو بيشربها من زمان بدون علمة علشان مش فى وعية مكنش عارف بيقول أية عقلة متشتت لأسف ضربها أدام رجالتها وأهل الحارة وعايرها طلبت الطلاق مثل كل مرة وهو يرفض المرة دى تدخل الشيطان ورمى اليمين عليها وكالعادة هرب ومعاة أبنة ولم يتصل بيها ٣ سنوات، ،، حتى أمة تركها وزقها ونسى المعروف التى عملتة لة،حتى صاحب عمرة إللى دايمآ يستلف منة فلوس مقدرتش حتة ذى دى هوب أستلف منة لسفر السعودية ومسألش هو فى أى حد ورجع بعد ٣ سنين يلم الشمل طب ازاى حتى مفيش ود خلال سفرة ،،عارفة مشهد موت روحية قاسى على نوح ،،،فى أبناء ناكرة الجميل هو عارف أمة مريضة ،و ملهاش غيرة فى الدنيا وجوزها عندة زهايمر وشمس مش بتحبها ورغم كدة ولا سأل فيها ٣ سنين،،الوقت إللى أحتاجها فية سابتة تخيلوا قلب أم تعبت وربت وأبنها متعرفش عنة حاجة أسوء السنريوهات التى يصورها عقلها وأول م تسمع صوتة متلقهوش والناس تشهد قت:ل واحد أقصد لما ضرب على الملكة رصاص وحماها مرجان الناس أعتقدوا ق*تل ،،،،،لم تتحمل وتوفت ،،،وخسر أبنة من أهمالة وانشغل فى العمل ونسى الرضيع جالة ألتهاب رئوي ومات ،،،
لو كان سمع كلام أمة وقتها ومطلقش شمس كان عايش معها لحد الأن وأعتقد الملكة هتكون مزلولة ،،،،
______
شمس ليها قصة وضحتها هى حكتها وأبوها للتذكير :-سويلم تزوج أول بختة أم شمس وهى توفت على طول بعد الولادة وسنهم كان صغير بعديها سويلم أتجوز كتييير ومخلفش الواد إللى نفسة فية ولا خلف تانى،وأكتر ست حبها هى روحية ،،لكن لأسف أرادة الله أقوى من كل شئ جالة زهايمر وبمراحلة الأولى فاكرها ويدور عليها لحد المرحلة الأخيرة ونسى كل شئ ،،،،نزل شمس معاة الشغل وهى ٦ سنين وكانت بتتعامل معلم صغير وبصفة المذكر لحد ما كبرت وبقت الملكة وأبوها مش قادر عليها وبقا يخاف منها ،،هى مش شغالة فى الممنوعات ولا حتى تبع الحكومة ذى كومنتاتكم هى معروفة وأى ضابط عايز يخلص قضية بسرعة يستعين بيها ذى مجرم هرب تجيبة ،،أماكن فى الجبل ترسل رجالتها وكانت ماشية خدمة قصاد خدمة ذى الضابط إللى عرفها مكان نوح وقصادة نقلتة فى المكان إللى عايزه ،،، ،شمس مكنتش محتاجة من نوح فلوس كانت عايزة حجات تانية مع أنها مكنتش عارفة كدة ،،،ظهرت مع الوقت ،،،يمكن طلاقها جة بمنفعة وطلع أسيرها الحقيقى مرجان دراعها اليمين الذى حبها قبل ظهور نوح فى حياتها وترك أهلة وبلدة علشانها ،،،وإللى ساعد مرجان طلاق نوح ليها وجدت الملكة هو لم يتركها أهتم بأشياء لم يهتم بيها نوح من الأخر أخرج الطفله والمراهقة شمس أخرج الأنثى بحيائها وأدابها، ،ودة أوضحتة فى الفصول الأخيرة ،،أعطى لها وضعها أمام نفسها قبل الناس ،،حب شغلها وبوجودة المحل تحولت لسلسلة محلات وفى طريقهم لسلسلة مطاعم ،،،،مرجان تقبل عيوب الملكة قبل مميزاتها وبالأقناع الهادى قدر يغيرها ودة ذكرتة شمس بلسانها ،،لم تسب،ولم تقول لفظ خارج ،،وعرفت طريق الحشمة والحياء والتقرب إللى الله وعملت تجارة مع الله فى الخير وكونت أسرة وكلهم صبيان كما تمنها والدها ورغم ذلك حافظ مرجان على مال زوجتة حتى العلاقة الخاصة إللى دايما نوح يتعامل معها فتاة ليل وليها علاقات قبلة من جرائتها هى معتقدة تسعدة وتوصلة حبها بهذا الشكل علشان الرجالة التى تريدها وهى ترفض أعتقدت هذا يسعد أى رجل وأوقات تطلبة يذلها ويتركها فى أصعب حالتها وهذا الفعل قاسى لأى أنثى أما مرجان شعرت بين إيدة بالحياء والخجل الطبيعى لأى أنثى ،،،
الحياة بخت أوقات فى لحظة تخسر كل حاجة وأوقات تكسب من الهوا ،،،،،قدمت نموذج للحب الخفى وهو سلطان الذى أتت لة فرصة فكسب الملكة لابد، ،والحب الظاهر ذى نوح لحد مضيعة وأخذ الندم يهلكة،، وحب صادق بين منتصف وزينب،الذى لم يهتم لملامحها الغليظة ودايما يلقبها بوش السعد علية دايمآ فى الجزء الأول يتنمر عليها نوح ،،،،وقدمت الحب الكبير بين روحية وسويلم،،،وممكن الأنسان يلاقي حبيبة الحقيقى بعد سنين ذى م روحية ظلت مع زوجها سويلم ورفضت الذهاب مع أبنها وخدمت زوجها لحد متوفى وهو مريض ،،،،،،صعب أخلى نوح مع الملكة تانى دة شخص ناكر للجميل خلية كدة تائة فى الدنيا دة صنع إيدة
مرجان سحب فلوسة من البنك وبدأ بيها مشروع للغلال لحسابة حتى يقدر يصرف على بيتة و زوجتة مثل أى راجل وهذا يجعلة فى عيون الملكة آميرها
❤️تمت بفضل الله ❤️
يوم الاثنين
الموافق ٢٧/ ١ / ٢٠٢٥
أسير الملكة
بقلم نجلاءفتحى عاشقةالكلمات
ألف مليون شكر للمتابعين الذين دعموا القصة أحلى حلويات هم حلويات روايات وحكايات نجلاء
تمت بحمد الله