رواية حنين الفصل الاول 1 بقلم هايدي احمد
رواية حنين
الفصل الاول 1
بقلم هايدي احمد
اشرقت شمس الصباح على بطلتنا النائمه بهالتها الساحره شعرها الكستنائى المجعد وعينيها العسليتين
: امممم .. يا خبر الساعه كام
بصت فى المنبه لقيت الساعه ٩
يا نهار ابيض السيكشن اتأخرت
قامت دخلت الحمام وبعدين صلت فرضها و
لبست (كاجوال) وسابت شعرها الكيرلى وشالت الكمان بتاعها ونزلت
دى رهف بطلة روايتنا بنت عندها ٢٠ سنه كلية تربية موسيقيه بتحب الموسيقى والغناء عشان كده دخلتها
_____________
صباااح الخير
نزلت تحت لقيت العيله قاعده على الفطار مكونه من جدها يتراس السفره و عمها ومرات عمها وابنهم الاوسط
راحت عند جدها وباسته :صباح الخير على عيونك يا جده
الجد :صباح الخير يا حبيبة جده تعالى يلا افطرى
رهف بصت فى ساعتها: لا افطر ايه ده انا متاخره جدا جدا عندى سيكشن مهم
مرات عمها واسمها سميه: يا بنتى اقعدى الدنيا مش هتطير
رهف :معلش يا طنط مش هينفع
سميه :طب خدى البقسماطه دى كليها
رهف : شكراا يا ست الكل
مسكتها واكلت لقمتين
على ابن عمها الاوسط :يا بنتى على مهلك الاكل يقف فى زورك ههه
رهف : ملكش دعوه انت ..يلا سلام
بعدها جريت على الباب وخرجت
على : طب استنى هوصلك يا مجنونه ..عن اذنكم يا جماعه
الجد :اذنك معاك يا بنى خلى بالك منهاااا
بعد شويه جت تمارا بنت عمها واصغر ولاده
تمارا بلامبلاه: هى مالها متسربعه كده ليه
سميه: اصل عندها سكشن مهم
تمارا :امم انا مش عارفه هى بتحضر ليه اصلا فى الكليه دى كليه ملهاش لازمه
سمية :مين قالك كده ده كليه تربيه موسيقيه مجالها حلو
وهتلاقى شغل علطول
تمارا :شغل ايه عوالم ... مش كفايه البتاع الى مصدعانى بيه ده كل يوم تعزف عليه ومعرفش انام منه و..سكتت فجأه من صراخ جدها عليها
الجد : تماراا وبعدين انا كام مره هحذرك دى بنت عمك يعنى زى اختك المفروض تحترميها وهى مش موجوده
تمارا :احم اسفه يا جدى مقصدش
الجد :وبعدين مين قالك ان كليتها وحشه انا دخلت رهف الكليه دى عشان تنمى موهبتها وطول ما هى حباها
هتنجح فيها
الكل سكت وكمل اكل
الجد :جهزوا نفسكم عشان فى مفاجأه النهارده هتعجبكم
تمارا :مفأجاة ايه
الجد :مهى كده مش هتبقى مفاجأه
ابو تمارا واسمه عزيز :طب تمام انا همشى عشان متأخرش على الشركه اشوفكم بليل
سميه :مع السلامه
__________
عند على ورهف وصلوا الكليه بالعربيه بتاعة على
على :اهو يا ستى وصلنا وفى وقت قياسي اشكرينى بقى
رهف :شكرا يا ابو على
على :يا بنتى كذا مره اقولك ابو على ده دلع حسن
رهف :خلاص ماشى يا درش
على : يا دى النيله ودرش ده دلع مصطفى
رهف :خلاص شكرا يا ز*فت
وسابته ونزلت راحت اخدت الكمان من ورى
على :زفت انا ز*فت طب والله لاوريكى ..بس تصدق دلع جديد متقالش لحد
مشيت رهف وبصتله وطلعتله لسانها وعملتله باى وجريت و هى بتضحك وشعرها بيطير وراها
على قعد يضحك : مجنونه والله
وبعدين مشى
______ هايدى احمد
دخلت وهى خايفه الدكتور يطردها وفضلت واقفه
بس اتطمنت لما دكتور قالها تدخل
دكتور حازم معيد فى الكليه : تعالى يا رهف متأخره ليه
رهف : انا اسفه والله يا دكتور مش هتتكرر تانى
حازم :طب تمام اتفضلى
دخلت وحضرت السيكشن وخلصوا
حازم : انسه رهف
رهف:افندم يا دكتور
حازم .معدتيش تتاخرى تانى عشان ميفوتكيش حاجات مهمه
رهف .حاضر غصب عنى والله اصل امبارح كنت بتدرب على النوته الجديده وراحت عليا نومه
حازم .طب بعد كده خصصى وقت للتدريب ووقت للنوم
لان ده لو حصل وكان وراكى حفله تانى يوم هتحصل كوارث
رهف .حاضر هحاول
حازم : اتفضلى
رهف : بعد اذنك
مشيت وحازم فضل يبص فى اثرها بعد ما مشيت
_____
طلعت وقابلت صاحبتها سلمى شعرها اسود متوسط الطول وعنيها بنى واطول منها ٢ سنتى زميلتها فى نفس السنه
سلمى :ايه يا بنتى انتى عملتى حاجه ولا ايه
رهف :لا ده كلمنى على التاخير بس وقالى ان لازم انظم وقتى عشان ميحصلش كواارث ههه
سلمى :يا سيدى يا سيدى وايه تانى
رهف :بس يا بت بطلى تصايقينى الله
سلمى:اممم يعنى معقوله ده كرم منه بس انا شاكه ان فى حاجه تانيه
رهف :لا نيمى المحقق الى جواكى ده وارتاحى مفيش حاجه من الى فى بالك ها
سلمى :طيب ادينى سكت اهو
رهف :طب يلا عشان المحاضره الى بعد كده يلا
_________
رجعت البيت ولقيت العيله كلها متجمعه
رهف :ايه يا جماعه متجمعين على الخير
على :نورتى ياختى مقولتليش اجى اخدك ليه
رهف :لا سلمى وصلتنى
على : اه طب مش تقولى ان الصاروخ هو الى وصلك
رهف ضربته على كتفه :اتلم
على :اااه ههه ايدك تقيله
الجد : بس خلاص يا ولاد استنوا عشان المفاجأة قربت توصل
رهف :الله مفأجاة ايه ها من غيرى
الجد :هتعرفى دلوقتى
قعدوا كلهم وبعد كده لقوا فى صوت عربيات بره
والخدم شايلين شنط وداخلين
كلهم استغربوا بس بعد كده كلهم اتفأجوأ بطله و حضور طاغى صدمهم جميعاً
الجد بإبتسامه :اهو هى دي مفاجأتى ايه رأيكم
رهف بصدمه : أ..أيهم ..ده أيهم !؟
لقراءة جميع فصول الرواية من هنا
تعليقات
إرسال تعليق